رواية يأس القلوب كاملة بقلم رودة عبر مدونة دليل الروايات
رواية يأس القلوب الفصل الاول 1
part 1
ضميت ضحكتي وبابا عاف الريمونت كال ادري صيروا مثل الاوادم وعوفوا المبايلات وكعدوا سولفوا وية ابوكم لو ها كبرتوا وصار ميعجبكم تكعدون وياي عاذركم صاحوا لا لا شسالفة وكاموا يشاقون وية بابا وهوة يكلهم وخروا ملاعين لا اشعلكم ضحكت واسمع اختي مريم تصيح علئ اختي سارة صاح بابا ديلا بلا ماطلع عشة بوية ابتليت وكلت سون عشة لو داز من برة هم احسلي رحت للمطبخ واشوف اخواتي متحاضنات سبحانه مغير الاحوال هستوهن تعاركن كالت سارة تعالي ريحانتي اخذي الصينية خلي
اجيب الجاي من الطباخ واجي اخذت الصينية خليتها بالهول وصحت تعالواا تعشوا كلهة اجتي كعدنة نتعشئ وكلهة ساكتة من اوامر بابا يعني ممنوع احد يحجي بالعشاء خلوا احترام للنعمة كملنة غسلنا الاماعين ومريم سوت شامية وسارة ترتب بالحلويات واني جبت الفراش فرشت بالاستقبال وبابا كاعد علئ القنفة ولابس المناظر ويكلب بالفيس واخواني متمددين ويباوعون علئ الطوبة اجني البنات
وجابن الحلويات وهالسوالف مال سهرة وطفينا التلفزيون وضلينا نسولف ونضحك بس اللمة ناقصة مكان امي فارغ صافنة علئ مكانها وكلهة سكتت واحد ضل يباوع للثاني وكلنا بداخلنا نفس الالم والمعاناة واحد مشتاق لامي اكثر من الثاني فزينا علئ صوت بابا وهوة يكول يلا بوية ناموا موزين عليكم السهر لمينا الهوسة وعدلنا الفراش بابا كالعادة ما نام بغرفته نزل من القنفة ونام بالنص
وضلينا نتسابق علئ حضنه ولا عبالك شكبر الواحد يبقئ حضن الاب يحتوي اولاده طول العمر ونبقئ صغار بنظر بابا مهما كبرنا غمضت عيوني كبل اجة ابالي مشهد امي من خالي يجر بيها علمود ياخذها وهية تبجي وكلها تبجي بس اني واكفة بباب المطبخ ودموعي تطيح وامسحهن واكول بكلبي لا امي هسة حتروح وية خالي وترجع هية كلتلي وحتئ كالت لا تبجين يمة ارجع بس اشو
لليوم انتظرها و مرجعت طاحت دمعتي غصب عني واني اعصر بعيوني وايد نمدت مسحت دمعتي ايد حنونة فتحت عيوني اخوي محمد ابتسم بقهر وسحبني لحضنة وباس راسي وكال بهمس تهون بعد اخوج تهون دموعج غالية سحبت نفس وشبكته ونمت .
في اليوم التالي
كعدت الساعة 6 علئ صوت المنبه كمت واباوع للمجزرة الصايرة رجلين علي علئ راس مريم وسارة ايدهة علئ وجه بابا وهو بابا يحرك راسة بانزعاج ابتسمت علئ المنظر رحت غسلت والجوو ثلج يمة شفت جاية الوطنية شغلت التدفئة والصوبة وخليت الجاي
علئ الطباخ وسلكت بيض وكعدت اختي مريم تغسل وكالت صباح الخير ريحانتي كتلهة واني احضر بالصينية صباح النور عيوني غسلت واجتي باستني وكالت روحي بدلي وكعديهم اني اسوي الريوك عفت البيدي ورحت اكعد بيهم كعد بابا وكومهم سحل بس محمد بقئ نايم لين معنده دوام صعدت للغرفة اباوع علئ الملابس يالله حرت شنو البس اخر شي طلعت قميص اصفر يصير شوي فوك
الركبة وياه حزام اسود يصير علئ الخصر وبنطرون اسود وحضرت الشال والحذا والجنطة اكرمكم الله بدلت واكفة دالف الشيلة واسمع وحدة تصوفر وراي درت واختي سارة كالت ولك شحلاتك انتة اكلك اكلك ضحكت وكتلهة طاحظج عبالك ولد احجي عدل ضحكت وطلعت الهة ملابس وهي تكول عمي غير هاي الصراحة تخبلين ونوب لابسة اصفر وانتِ منا كيكة ضحكت ولفيت الشيلة
ونزلت وكعدنا ننتضر بابا يكمل تبديل علمود نتريك دقيقة ودخل بابا للمطبخ صدقة لمحمد يحفظه الباري عدل نجمات ابتسمت وكتلة يمة بابا يخبل عليك الزي العسكري اخوي كال واللكمة بحلكة بعلي مو عميد ضيم ضحكنة وكعدنا نتريك كملنا كمت بساع غسلت ورتبت مكياجي وبابا كال يلة بوية تاخرتواعلئ الدوام طالع اشغل السيارة طلع بابا وبساع اخذت جنطتي وطلعنا اني وسارة وية بابا يوصلناواخوي محمد بسيارته هوة واخوي حسين لين طريقهم مو ويانة صعدت بالصدر وسارة ورة وبابا كال توكلنا علئ الله يسوق بابا
ورة شوية وصلنا للجامعة قبل لا ننزل بابا طلع محفظته وكال دقيقة المصرف كلنا اني سارة سوا بابا عدنا والله ميحتاج كال بدون كلام تاخذن المصرف بوية ابتسمت وانطاني عشرة ولسارة عشرة كال تردن بعد ؟! كتلة والله ميحتاج اصلا يزودن ابتسم وكال ميخالف بابا انتن هم تحتاجن تصرفن واني مااريد اخليكم تعتازون نزلنا وكال يلا بوية موفقات راح بابا ودخلنا اني واختي للجامعة اني قسم صيدلة وهية قسم قانون راحت لقسمهة واني دخلت لقسمي ودخل الدكتور وبدات المحاظرات ورة كم ساعة انتهئ الدوام وطلعنة واجة اخوي
اخذنا دخلت للبيت شفتهم مخبوصين كلت لاختي شكو كالت بابا اليوم عازم صاحبه عمو عزيز ابتسمت عمو عزيز صديق بابا من جانوا صغار وعلاقتهم كلش قوية صعدت غسلت وبدلت ونزلت اساعد اخواتي ورة شوي اندك الجرس ركضت اني واخواتي نباوع من الشباك دخل عمو عزيز ووياه ولد اول مرة اشوفه اعتقد ابنه مادري اخر مرة شفت ابنه من جنت صغيرة دخلوا للاستقبال واحنا
رجعنا نحضر اجة اخوي اخذ مي علمود يوديلهم وبعدين اخذ العصير بدينا نحضر بالغدة ونصب واني واكفة اتذوق اخرشي اختي كالت اذا بعد مديتي ايدج اكسرهة دارت وجهة مديت ايدي جاي اخذ وضربتني بالخاشوكة صحت وكلت اوي عابتلج وجعتيني ومااحس الةاخوي اجة فاير بلعت ريكي كال بعصبية هاي منو صاحت ياادبسز بدون وعي كلت احترم نفسك لتغلط جاي يجرني من
ايدي واختي وكفت كدامة وكالت اوكف يمعود ماتدري اني ضربتهة وصاحت علئ كيفك كال بعصبية اصبريلي صايرة ماتحترمين ادبسز بساع الدموع تجمعت بعيني هوة راح واختي مريم كالت بقلق يلا عمري لا تضوجين مصار شي بس لين صوتج عالي ومنا خطار عيب كتلهة وعيوني مدمعة شكو يغلط علية ويريد يضربني استغفرت الله وكالت يلة عمري مصار شي كلة من وراي مسحت
دموعي وكتلهة لا معليج انتِ يلا خلي نكمل حضرنة وبدوا ياخذون بالاكل ودخل اخوية محمد وكف يمي كال انطيني ماعون الزلاطة من يمج درت وجهي ابين اني زعلانة ومحجيت التهيت اسوي جاي رجع كال مو احجي وياج كتلة يمك انتَ اخذه شبكني من ورة وكال يمة اختي زعلت يمة دفعتة وكلت روح روح لا اختك ولا هاي ضحك وكال ديلا تعرفين مااكدر علئ زعلج برطمت بقهر ابتسم
وكال اروحلج فدوة شبكني وشبكته باسني براسي وكال لا تضوجين مني بعد عمري كتلة يمة اروح فدوة لاخوي الحنين ضحك وبابا صاح محمد وينك يمعود مطلعت زلاطة وخر بساع وصاح اي يابة جاي اخذ الزلاطة وباسني بخدي بساع وراح ابتسمت هوة هذا محمد اخوي حنين لدرجة ومايكدر يزعل وحدة بينة بعدين كعدنة بالمطبخ نتغدة اني واخواتي ودخل بابا يغسل وكال بابا كومن عمجن عزيز يريد يسلم عليجن كمنة لبسنة شالات ودخل عمو وكال بابتسامة يابة هلا ببناتي شلونكم بوية شخباركم سلمنة علي وسولف ويانة
شوي وقبل لا يروح للاستقبال كال يابة ترا بعد مابيها مجال الاسبوع الجاي يمي معزومين بابا ضحك وكلة ان شاء الله راحوا للاستقبال واختي كالت يمة شكد محبوب وطيب وعبالك ابونا الثاني خلاص كرشت علي ضحكنة علئ مريم شلون تحجي صعدت لغرفتي سديت الباب وكعدت اكلب بمبايلي ودك مبايلي امي تتصل طاح المبايل من ايدي ورجفت حسيت جسمي قشعر لزمت المبايل
وانطيت رد وفتحت سبيكر حجت كالت الو ماما ريحانة جريت نفس حسيت هيج فراشات تطاير بحنجرتي من سمعت صوتهة حسيت روحي انولدت من جديد كتلهة ها يومم وبجيت وضليت اشهك وكلت ودموعي تطيح عشرة يمة اني راح راح اسكت وانتِ احجي اريد اريد اسمع صوتج فدوة لا تسكتين يمة بجت وكالت ها ياروح امج شلونج مشتاقتلج ريحانتي هية كالت ريحانتي واني اشهك
وصوتي بالمخدة سكتت كتلهة بسرعة يمة احجي لا تسكتين ماحسيت بس صوت خالي يمهة سحب المبايل وكال اني موكتلج لا تخابريهة هسة كلت بساع واني ابجي بس دقيقة خالو بس خلي اسمع صوتهة الله عليك انغلق الخط شلت التيبلم وكسرتهة وابجي واصيح انفتح باب الغرفة ودخلوا اخواني واخواتي وبابا يركضون مصدومين واني واني عاصرة ادية وابجي واكول ليشش سد الخط
ليش اريد اسمع صوتهةة اني موزينة بدونهة واعصر بنفسي هيج حسيت شي ياكل بية اكل بابا شبكني ويكول شبيج بوية شكو راح تموتيني شبيج صرخت وكتلة واني اشهك واشر علئ المبايل بابا غلق الخط ماخلاني اسمع صوت امي اريد امي الله عليك جيبلي امي انتَ موتكلي شتردين اجيبلج جيبلي امي واشهك وراسي علئ صدرة ويمسد واخوي محمد عيونة حمر ضرب باب الغرفة وطلع
واخواني وراه طلعوا مدنكين واخواتي بس الدموع تنزل شهكت وكتلة بابا صار سنة وخمس ايام اخر مرة شفتهة بابا كلبي طاك عليهة اخذني لامي والله وكلشي مااريد بعد اريد امي ابتسم بابا بقهر وكال اخذج والله اخذج باجر انتِ واخواتج بس كافي بجي لا يصير بيج شي باسني براسي وطلع وعيونة حمر اجني اخواتي وحدة شبكت الثانية وبجينة سوة وسكتنا وكلت الهن هاهية باجر نشوف ماما ونصير زينين مريم اختي الكبيرة بس دموعهة تنزل هزت راسهة وكالت باجر باجر من اشوفهة اشبكه حيل ومااعوفهة اريد اريد
اشبكهة هيج بحيث ضلوعي تطك وبجت وضلت تهتز وكالت اني هيج جانت احلامي بسيطة مثل اي بنات امي كل عيد تاخذنة تشتري النا ملابس حتئ لو صرنة كبيرات عادي و تطبخ الغدة الطيب باديها الحلوات وقبل لا ابوسهة واكلهة يمة تصبحين علئ خير ولمن انقهر اروح الهة واحجي البية والمشاكل الي تصير وياي احجيهة الها وتنصحني والله بس هيج ردت حسبي الله ونعم الوكيل علئ كل
واحد جان السبب بتفككنا لا مسامحته لا دنيا ولا اخرة مسحت مريم دموعهة وكالت بلا روحي شوفي بابا شوكت ياخذنة كمت طلعت من الغرفة نزلت رحت لغرفة بابا دكيت الباب ودخلت ممنتبه علي متمدد علئ القنفة ويدخن ومشتغلة اغنية ومرات اطلب منك تنسئ واطلب من روحي الحل نفسه ...لكن وين ارحل الكاك ...اهرب منك واتمناك ... اسمع صوتك وية كل همسة ...واهواك شكد مااريد انسئ ....حاير بيك وحاير بية ..وحاير بالناس الي اتلوم ...لابيه اصبر بعد شوية ...ولابية اقبل بالمقسوم ...انتَ بنار واني بنار ...حتئ
الحب هم بينا احتار الحب يريد الي يستاهل ...واحنا المانقبل نتنازل ... نستاهل الي بينة صار ...سحب نفس وغمض عيونة كلت بهدوء بابا فتح عيونة حمر صايرات طفة الاغنية وسحب نفس وكال ها بابا اجيت كعدت يمة حاوطني بايدة ويدخن كتلة باجر شوكت تاخذنة لامي كال بهدوء خابرت خالج كال هلا بيكم اخذجن الساعة 2 العصر واجيكم المغرب كتلة بابتسامة تمام بسته بخدة وكتلة اني رايحة انام باباتي رايد شي كال قميصي علئ الجرباية اخذي لمريم خلي تكوي الياخة وانطيني المحفظة الي بيه كمت للجرباية اخذت
القميص طلعت المحفظة وانفتحت بدون مادري وطلعت صورة امي عيوني انترسن دموع اخ يابابة جان داير وجهة ميشوفني يعني غمضت عيوني بقهر سحبت نفس وسديت المحفظة انطيتهة الة واخذت القميص وطلعت كلت لمريم تكوي ياخة القميص وصعدت لغرفتي وكبل نمت واني متحمسة لباجر .
في مكان اخر
اني موكتلك الكة التقارير كاملة ؟! ليش لحد الان ممكمل كلشي فهمنيي , سيدي اخر مرة والله انطيني اخر فرصة باوعت عليه بعصبية وكلت ابني انتَ ضابط موشوية ميصير هيج صير نبه شوية هاي اخر مرة هز راسة وكال اي سيدي اخر مرة اخذ التقرير وطلع طلعت جكارة ادخن ... اخ يابة رحم الله ابو السواج ياجكارة .
ريحانة
كعدت الصبح متحمسة سبحت وبدلت نزلت احضر الريوك وية اختي اليوم جمعة عطلة صارت الساعة ب12 كملنة الغدة وكلشي وبدينا نبدل الساعة 2 كملنة كلشي نزلنة بابا منتظرنة بالسيارة طلعنة صعدنة بالسيارة وبابا حرك وكال يالله يسوق واني هيج كلبي مفرفح كالساعة اكلة بعد شكد ونوصل ؟!وهوة يكلي اصبري بوية مابقة شي وصلنة انطاني علاكة وكال وهوة مرتبك هاية علبة ككو
انطنهة لامجن عيب ترحن فارغات ندستني مريم عود شوفي هاية نوعية الككو الي تحبهة ماما ابتسمت وكتلة ايي صحيح شكرا بابا ابتسم ونزلنة دك الجرس طلع خالي الجبير سلم علي وكلة تفضل كلة لا مشكور رايح عندي واجب راح بابا وخالي استقبلنا بالاحضان دخلنا للاستقبال وشفنا امي وبيبتي وخالاتي وخوالي كاعدين امي ركضت علينة مفرفحة وتبجي واحنا نبجي وشابكتنة وتشم بينة وبس
تشهك واحنا بس شابكينهة ونبجي وكلهة بجت ويانة كاموا يسلمون واني اريد اكمل سلام بس علمود اكعد يمهة والزم ايدهة كملنة سلام وهية بعدهي تبجي وتكول ييمة كبرانات بناتي يمة سودة علية واني ابجي واكول اسم الله عليج ورة شوية اخذتنة لغرفتهة واول مدخلنة شبكتنة كلنة سوة وكالت بدون وعي يمة بيكم ريحة الغالي يمة هية كالت هيج وتبجي ومريم شابكتهة وساكتة ودلال نفس الحالة
واني هم كعدنة داير مدايرنة وهية تباوع علينة وبس تبوس بينة وتكول يمة بناتي يمة ونوب كالت بقهر شلونهم اخوانكم يمة كلبي طاك عليهم سكتنة وهية تحسرت وكالت وعيونهة تدمع يمة موبيدي وعفتجن يمة المايخافون الله خربوا بينة يمة بس الله يدري بحالي شلونة من دونكم وبجت وغطت وجهة بالشال وضلت تهتز واحنا نسكت بيهة شوية وسكتنة وضلينة نسولف ونضحك وهية هيج شايلتنة
حارت شنو تجيب وشنو تشربنة من نزعنة الشالات هية مشطتنة وسولتنة ضفاير حسيت روحي رجعت صغيرة وضلينة نسولف الها كلشي وهية تستمع النة وبعدين كامت جابت علاليك هواية وضلت تطلع النا تراكسودات وغراض ومامخلية شي مجايبتة سارة بجت وكالت الله يعني من اروح للدوام بهذا القميص اكول للبنات ماما جابتة الي ماما بجت وشبكتهة تحس بالي داخلنا شنو الحنان المفقود من
بعدهة حنان الام ....وبعدين كعدنا وية العائلة ومستحين منهم كلش وهمة منطلقين ويانة وخالي كالساعة جايب شي مدري شلون كتلة وعيوني مدمعة خالو كال ها بوية كتلة واني مبتسمة بقهر البارحة ليش مخليت امي تحجي وياي مسح راسة حسيته ارتبك وكال بوية كلبي تفتت من شفتهة مقهورة كلش وموزين عليهة القهر تتعب هزيت راسي وضل يسولف ويانة ودك مبايلة جاوب وكال اهلا ابو محمد ان شاء الله
هلا بيكم سد الخط وكال يلا بوية ابوكم بالباب وكال لامي خوية كومي ولدج يردون يسلمون عليج امي كامت بساع وكالت صدك خوية كلهة اي والله لبست شال بساعة وكمنة لفينا شالاتنة عدل وطلعنة واحنا شايلين العلاليك طلعنة بالحديقة ودخلوا اخواني ثلاثتهم امي تقربت يمهم اباوع اخوي محمد نزل علئ رجليهة يبوسهن وكام باس ايدهة وراسهة وشابكهة حيل وهية تحير تشبك منو يمة هيج
تكطع كلبي ونبجي وتبوس بيهم وتكول يمة ولدي صايرين زلم وشابكتهم واول مرة اشوف محمد يبجي صحيح اكبرنة بس يبقئ بحضن امي طفل لمحت الباب مفتوح شوية وبابا منتجئ علئ السيارة ويدخن وامي لمحته ودارت وجهة ارتبكت ورة شوية طلعنة بعد ماامي بالكوة عافتنة وكتلهة يمة نجيج بعد مانتاخر وهية تكول يمة هلا بيكم بكل وقت يمة لا تكطعون اني ميتة بدونكم
هيج كلماته تدج بكلبي مثل السجينة صعدنة بالسيارة وهدوء وبس صوت الانفاس ينسمع و بابا ماحجة ولا كلمة عرفته مقهور كلشي وبس ينافخ ومشتغلة اغنية شكثر مشتاك لو تدري ... شكثر مشتاك ياعمري ... ابوس عيونك الحلوة .. اضم صدرك علئ صدري ....
- يتبع الفصل التالي اضغط على (يأس القلوب) اسم الرواية