رواية يأس القلوب الفصل الثامن عشر 18 - بقلم رودة
part 18
واعزها كلش وكل ضني لكيت وحدة تفهمني وتداوي جروحي تاليها هيج وشهكت عفتها مارديت عليها كلبي
ماينطيني ارد عليها بشي قاسي ،بس عافتني وغدرتني وتوبتني من شي اسمه صداقة طفيت المبايل وغفيت
ودموعي تنزل عشرة عشرة ،مادري ورة شكد فزيت علئ صوت المنبه عندي دوام كعدت بالكوة كمت غسلت
وجهي اباوع عيوني حمر دوم ومحورة رحت بدلت وحتئ مكياج مخليت مالي خلك سمعت صوت الهورن
اخذت جنطتي ونزلت طلعت فتحت باب السيارة وركبت خليت جنطتي وكلت بهدوء صباح الخير لاف
بالسيارة وكال صباح النور يسوق نزع المناضر باوع لوجهي ودار كال شبيج؟ كتلة مابية شي كال متاكدة
كتلة بعصبية كتلك مبية شي ؟وكف السيارة وكال صوتج نصي لاترفعينة بوجهي باوعت بوجهة وكتلة اي
شسوي واذا رفعته تضربني لو تغلط علية لو شتسوي ها كلي مسح وجهة وكال بعصبية شبيج اليوم بابا
شبيج؟ بجيت وكتلة رحمة لله عوفوني اتركوني بحالي بعد مااتحمل والله مااتحمل كلهة تضغط علية
منا انتَ منا وردة منا المشاكل النفسية الي اواجها واحاربها بنفسي منا التفاصيل الصغيرة الي احبها ومحد
يهتم الها منا ضغوطات الحياة الي دتخنكي حسو بية شوية حسو كل واحد يدور مصلحته بس محد يدور
مصلحتي وكلكم اهتمامكم مزيف وعدكم مصلحة وكلشي جذب دتعيشوني ياه وبعدين كلكم نفس الشي
تغدروني وتعوفوني بنص الطريق وتستغلوني كالعادة و اكرهكم كلكم اكرهكم وخليت ايدي علئ وجهي
وانهديت بالبجي واشهك بعد مااتحمل رجع يسوق وماحجة ولا كلمة واني مستمرة ابجي وكفت السيارة
فجاة اباوع رجعني يم باب بيتنا استغربت باوعت عليه وعيوني متروسة دموع بمعنئ ليش رجعتني؟ دار
وجهة علئ الجامة طلع جكارة ورثها،وماباوع بوجهي ابد وكال بهدوء تمام اني جذاب وواحد مصلحجي
واغدر ومااهتم لكلشي واهتمامي مزيف واكبر استغلالي وكلشي داعيشه وياج جذب واضغط عليج
وهواي بعد هذني كلهم اني بعد شنو نسيتي شي؟ ها واحد متناقض يحب نفسه وميحب احد واهم شي
اهتمامي مزيف موصحيح؟ كملتي لو بعد عندج كلام هيج حلو وابداً مايجرح حجيتي الي بكلبج والي
تحسينة تجاهي عاذرج كلش عاذرج اني جان المفروض من البداية انهي كلشي ومااخليج هيج
تتعذبين من وراي وتعانين وصراحة ماجنت اعرف اني هيج مأثر عليج علئ العموم انزل يارتاحي واليوم لا
ترحين للدوام لين مبينة نفسيتج تعبانة،وها قبل لا تنزلين اذا اكو بعد حركة بكلبج تذبيها بية بدل ماتذبيها
بالي مسببها؟ يحجي واني شلون عبالك واحد يدك بسامير بالجدار وهذا الجدار كلبي اني داحجي كتلة
باس بعدني ممكملة اشرلي بمعنئ انزلي وماباوع بوجهي ابد بجيت وسحبت جنطتي ونزلت سديت
الباب ونزل الجامة وكاب كال راح التحق عندج عشر ايام انهي بيهم كلشي علمود من اراجع اتصرف
واخلصج مني وكال هيج وحرك بساع واني بعدني محاجية دخلت للبيت امشي علئ كيفي صعدت
لغرفتي سديت الباب وضليت ابجي شسويت اني شحجيت يالله شلون كلت هيج شلون جرحته واذيته
بكلامي اني ثولة وابقئ ثولة مااتغيير ابد مااتغيير نوب راح يلتحق ويكلي انهي كلشي شلون انهي شلون
شمرت روحي علئ الجرباية وابجي واكتم صرخاتي بالمخدة مااريد اخسرة هوة هم مااريد اخسره شوكت اعرف اتصرف شوكت .
باسل
كاعدة علئ طرف الجرباية ومغمض عيوني وكلامها ماجاي يروح من بالي اني استغلالي؟ بس شلون
استغلها واني احبها زين شنو سويت علمود تحس اهتمامي مزيف ؟واني جاي اهتم لكل شي وانتبه
لكلشي بس علمود لا اجرحها واحببها الية راسي ضل يأذيني الضغط صعد ،واتذكر كلامها وشي ويشتعل
بداخلي وياكلني اكل زين هوة الواحد من يصير عصبي يحجي كلشي ويطلع الحجي معقولة الكلام الكالته
تحسه تجاهي وهيج معتبرتني لو كلام ونكال بلحظة عصبية؟ دك علية صاحبي تاخرت طلعت الجنطة خليت
البدلة العسكرية والملابس واخذتها وطلعت ودعت ابوي وامي ورحت للمركز عندي التحاق للأنبار يسوق
صاحبي واني صافن علئ الجامة وادخن وكل ضني الجكاير تطفي حركتي بس وين ،زين شبيها هيج
عصبية خاف صار بيها شي من ورة عصبيتها الزايدة الي راح تموتني من وراهة اخ لو الزمها هسة الة اطلع
حركة كلبي بيها ام دميعة بلا خلي اشوف شتسوين بهل 10 ايام ترحين ركض تنهين كلشي لو تبقين فزيت
علئ صوت صاحبي يسولف وياي ويحجي واني بغير عالم .
طـالب
سيـدي هاية مهمة صعبـة وأنتَ صاحب عائلة شلون تجازف عوفها علئ الضباط الباقين همة يتـصرفون
سحبت نفس من الجكارة وكتلة بعصبية وشنو باقي الضباط ماعدهم عوائل شهل حجي مصعب؟ احنا الي
متكفلين بحماية الناس تريدنا نتشرد من الي يعيشهم بخوف؟ ماحبيتها منك هاي ! وهاية المهمة محد غيري
يلزمها وتجار المخدرات والي يبيعون اسلحة من غير رخصة الزمهم الزمهم وين يرحون مني ؟دزلي كل
الفايلات الخاصة بالحوادث وتسجيلات الكامرة اليوم عندي خفر واريد اطلع عليهم هز راسة وكال حاضر
سيدي باوع المبايل يدك جاوبت بكل حنية هلا بروحي وراحتي، كالت هلا حبيبي وينك منتظرتك علئ الغدا
تأخرت كتلها لاتنتضروني مااجي اليوم عندي خفر واتاخر كالت افف عود اني منتظرتك وشكد تبقئ كتلها
مادري عندي هواي شغل كالت تمام زين اني راح اخذ ريحانة للسوك هية والبنات اريد احضر للنيشان؟ كتلها
روحي وخلي واحد من الولد يروح وياكم كالت تمام عمري وشوية وسديت الخط وجاب الفايلات وبديت
اشتغل، كتلة وين النقيب باسل ماشفته اليوم؟ كال التحق وية الجماعة للأنبار عدهم مهامات وهواي شغل
استغربت مادري بي رايح كتلة زين ورجعت اشتغل .
مريم
متمددة علئ الجرباية العب بالمبايل ودك مبايلي احمد كمزت من الفرحة جريت نفس وكتلة الو حبيبي كال
هلا كتلة واني ارجع خصلة شعري ورة اذني اي كملت شغلك؟ رد عليه ببرود مريم عندي كلام وياج استغربت
كتلة خير شصاير؟ كال اني قررت كتلة شنو قررت؟ كال ننهي كلشي نغزني كلبي وكلت بعدم فهم ننهي
شنو؟ كال علاقتنا تنتهي وخلاص وكل غايتي والي اريده صار نزلت دمعت وكتلة شتحجي احمد اذا طلع
مقلب والله بعد مااحجي وياك كال بعصبية مومقلب اسمعيني اني جان كل الي اريده اخذ حق هاي السنتين
شلون خذلتيني وكسرتيني وهسة رجعتيلي اريد ارد الج المثل احسن هيج؟ وباليوم الي كتلج اخطبج بيه
اني راح اخطب بت خالتي وانتِ شوفي طريقج ترا الدنيا ماتوكف علية وهان علية كلشي كل مواقفنا
وسوالفنا هانت علية وعادي لامقهور ولا فرحان لين اخذت حقي هوة يحجي واني ارجف ودموعي تنزل
عشرة عشرة كتلة صدك تحجي؟ تاخذ حقك بكسر
كلبي ؟هيج بكل سهولة استهانيت بية وبحبي الك ؟نسيت التضحيات والتعب والبجي والسهر وجاي تكملهم
علية بالخذلان؟ وسكتت وهمست واني اشهك احمد لا تخذلني كلبي كام يوجعني والله كول جذب وطمني
وعد اسامحك وما ازعل عليك ولا هاي والله سكت ورجع كال انتِ ماعندج كرامة؟ مواكلج مااريدج
ومااحبج واجذب عليج واكرهج وين تردين توصلين ويلا باي اخرتيني سد الخط ركعت المبايل بالكاع كل
قوتي دموعي تنزل وامسحها واشهك اختنكت مادري شصار بية كعدت بالكاع وانتجيت علئ الجرباية
واشهك فرفحت روحي واردد احبه والله احبه ماتهنيت بحياتي ابد ،جبت عمري كلة تعب بتعب وشهكت مايوم
فرحت من صدك كل ضحكي جان جذب وتاليها هسة مااريد اصدك مااريد اصدك احمد هيج يسوي هوة
حالف ميعوفني بس طلع جذاب ويريد غيري شبكت نفسي وابجي وجسمي كلة يختض،بس اني تعودت
تعودت احجي وياه كل يوم انام علئ صوته كل يوم يسئل علية كل يوم مايتركني ولا يوم هسة شلون
شسوب من بعده شسوي ورجعت ابجي وادعي وين الله يطلع حلم وهسة اكعد منة وين الله هسة يدز
رسالة يعتذر ويكول جذب وين الله يخابرني ويكلي مااعوفج اني وياج للموت ومن البجي فجاة ضلمت
الدنيا بعيني وبعد ماشفت كل شي .
ريـحانة
فزيت مدري شوكت نمت شفت الدنيا ضلمة كمت امشي بالكوة دايخة هاي شوكت نمت دخلت للحمام
غسلت وجهي صايررر احمر ومصخنة وبالكوة امشي يالله طلعت من الغرفة داكل لمريم تسويلي كمادات
دكيت الباب ماكو صوتهة استغربت فتحته ودخلت وشفتها مشمورة بالكاع ركضت عليها اهز بيها ماتتحرك
صرخت بصوت عالي مرييييممم اكعديي ضليت ابجي واحرك بيها ماكو وجها مدري شصاير بيه دخلوا محمد
وماما للغرفة يركضون ركض محمد شالها يحرك بيها ماكو صاح انطينييي عبايتهاا نسيت حتئ وين العباية
دخلت سارة للغرفة مصدومة صاح العباية ركضت سارة للكنتور طلعتها وانطته الة وتبجي وتكلي شكو
شبيها واني ابجي واهز راسي بمعنئ مااعرف اباوع ماما وجها صار اصفر لبست عبايتها وطلعت ورة محمد
تبجي وتركض كعدت بالكاع وكبالي سارة وحدة صافنة علئ الثانية ونبجي سارة وهية تبجي مدت
ايدها لوجهي وكالت وانتِ شبيج مصخنة مو وشهكت كومي خلي اشربج مسكن كومي سحلتني وهية تبجي
كتلها عوفيني مابية شي ماجاوبتني اخذتني جوة تنزلني من الدرج واني شلون المصدومة بس صافنة
كعدتني علئ الميز وجابت دوة ومي شربتني وكال ببجي شبيها يعني هيج لكيتيها بس طايحة حجيت
واني ارجف اني اني دخلت للغرفة علمود اكلها تسويلي كمادات ولكيتها طايحة وشهكت وجها مدري شلون
مكلوبة ملامحها وسارة انهدت بالبجي سدت باب الثلاجة حيل وكال هية منو مرتاحة من عدنا هااا منوو
شوكت نرتاح شوكت صبرك ربي صبرك تعبنا والله تعبنا منين العمر جبنا قهر بقهر حياتنا عايشينها بخوف
شوكت تفرج شوكت وخلت ايدها علئ وجها وضلت تبجي واني بس صافنة ودموعي تنزل سمعت صوت
شهكات علاوي كمت علئ كيفي شفته كاعد علئ الدرج ويبجي شافني اجة ركض شبكني وكال مريم شبيها
ماماتت مو شوكت يجيبوها خل تجي والله بعد ماازعلها ومن تريدني اروح للمحل اروح والله ومااتعبها
شبكته ومسحت دموعي وكتلة بهدوء مابيها شي يعمري انتَ بس راسها يوجعخا وهسة تجي وتنام يمها
نفس هذاك اليوم هز راسة وشابكني ويرجف عرفته خايف صحت سارة كتلهة جيبي مي لعلاوي كعدت
بالكاع وكعدته بحضني وصافنة اباوع بوجهة الخوف بعيونة كتلة بقلق لا تخاف يروح اختك ماكو شي لا
تخاف اهدأ جابت سارة مي اخذته منهة وشربتهة علئ كيفي وضلت اهدأ بي شوية شوية وصار طبيعي وغفئ
بحضني شلته علئ كيفي ونومته بغرفة ماما وبابا علئ الجرباية وغطيته طلعت بهدوء وسديت الباب وشفت
سارة طلعت من المطبخ تركض للكراج ركضت وراهة شفتهم اجو ووياهم حسين ومحمد شايل مريم وهية
نايمة كتلة بخوف ها شبيها؟ كال انهارت شبيها شصاير وياها اكو احد مضوجها لو شنو؟ كتلة واني امس
دموعي مادري والله هية بحدها هيج صار وياه دخل للبيت وماما يمشيها حسين كال جيبي مي خلي تشرب
لا يصير بيها شي اسم الله كعدها علئ الكرسي شربتها مي وهية نزعت الشال علئ كيفي وجها صاير احمر دم
من البجس وحسين بالكوة سكتها كالت بهدوء لحد يكول لأبوكم عنده خفر وطريق يخوف بنص الليل كلنا
كلنة صار وكمنة بغرفة ماما محمد نوم مريم هناك فز علاوي وبساع كام ويبوس بيها وهية نايمة حسين
اخذة كلة تعال اشتريلك وراح ويا كعدنا يم سارة ساكتين وحدة تباوع بوجه الثانية باستها ماما براسها
ومسحت دموعها النازلة بس وهية مغمضة دموعها ضلت تنزل عشرة عشرة فتحت عيونها وباوعت علينة
ورجعت تبجي بسكوت ماما بجت وكال وهية تمسد علئ راسها ها يروح امج شبيج منو وياج كليلي هيج
متحجي بس دموعها تنزل همست ماما يمها هاهية حبيبتي مااريد اضغط عليج شوكت ماتردين احجيلي
بس كافي لاتبجين موزين عليج يبعد عيني انتِ هزت راسها مريم وشمرت روجها بحضن ماما وضلت ساكتة
وشوية شوية نامت كمت بست مريم براسها وطلعت من الغرفة شفت سارة بالمطبخ كاعدة علئ الميز
وصافنة وايدها علئ خدها تقربت بستها وكلت بهدوء شبيها الحلوة همست بوجهي وعيونها مليانة دموع
ومبتسمة اتمنئ اموت والله ولا مرة تمنيت اموت بس هسة لا اتمنئ ،همست بقهر اسم الله ليش؟ همست
بنفاذ صبر تعبت وبجي وخلت ايدها علئ وجها شبكتها حيل وضغطت علئ عيوني مااريد دموعي تنزل،كتلها
كافي يروحي نكول الحمدالله علئ كل حال هاي شوفي مريم اجت ومابيها شي شوية شوية تصير زينة
واحنا وياهة منعوفها وانتِ شيلي هاية الافكار من راسج مال الموت لاتفكرين بيهم وانتِ قوية متكسرج
هيج ضروف تمام هزت راسها وكالت تمام وشبكتها واطمن بيها مامتعودة اشوف سارة هيج متعودة
اشوفها تضحك وفرحانة ابد مااحب اشوفها حزينة وتبجي كعدت علئ الميز وكعدت كبالي شغلت المبايل
ودخلت لمحادثتنا اني وباسل اريد ادزله رسالة ومتراجعة زين شنو ادزلة اعتذر لو شنو فزيت علئ
صوت سارة وهية تكول اي وانتِ شبيج باوعتلها واني اطكطك بأصابعي وكلت واني مبرطمة تعاركنا اني
وباسل تنهدت وكالت ليش تعاركتوا باوعت الها وبلعت ريكي كالت اي شصخمتي؟ لين ادري بيج متسوين كلة
تصخمين ابتسمت وبديت اسولف الها وهية تباوعلي بتك عين كملت كالت هيج رد عليج بس؟ والله اني
منه انزلج جلاليق من السيارة واعوفج بنص الشارع يم الكلاب عابت ريحانة صدك تحجين شلون تحجين وياه
هيج موعيب درينا مقهورة وحزينة بس مولهل درجة نوب راح التحق كتلها وعيوني مدمعة مااريد اخرب
كلشي اني اريده مااريد اخسره تنهدت وكالت انتِ جفصتي وحجيتي كل هذا الكلام بعد شنو تردينة شنو
مخبلة انتِ كتلها انتِ كلتيها جفصت يعني ممتقصدة نوب خطية زعل مني حتئ مباوع بوجهي اكيد زعل
مني كالت زعل منج؟ كولي مات مني كرهني مو زعل مني والله متصيرلج جارة نوب لحد هسة ممراسلته
ومعتذرة عابت خطية والله تنهدت وكتلها وهسة شسوي كالت شو دكي علي كدامي كتلها ليش كالت شو
دكي بلعت ريكي وفتحت المبايل ودكيت عليه طلع رنين نوب غلق الخط دادك مرة ثانية انطاني بلوك
بجيت وكتلها شوفي انطاني بلوك ميريدني كالت وهية تهز بايدها والله عيب انطاها بلوك زدت بالبجي
وهية تبجي بية بالزايد وتكول داخذ حقه كتلها ببجي وهسة شلون اكيد بعد ميحجي وياية ابد وانطاني بلوك
استغفرت الله وكالت دسكتي كافي بجي شوية ويوخر البلوك كتلها وشمدريج كالت معليج شوية ويوخرة
طفيت المبايل وكمنة نسوي عشة وعود علئ اساس اليوم نروح للسوك بس تأجلت كلت لماما مالي خلك ،فجاة دك مبايلي باوعت للرقم الي يدك وبلعت ريكي بخوف .
الكاتبة رودة
- يتبع الفصل التالي اضغط على (يأس القلوب) اسم الرواية