رواية يأس القلوب الفصل السابع عشر 17 - بقلم رودة
part 17
الليلة كل شوغات روحي
وكل بواچيها وحزنها
إلتمن بـ صدري وذكرتك
شلون اقنعهن خسرتك ؟.
ريحـانة
فزيت علئ صوت المنبه طفيته وكمت بالكوة عفت فراشي كلبي ماينطيني اكوم غسلت فتحت الكنتور
وكلت بحيرة يالله اليوم شنو البس ؟! سحبت بنطرون اسود وسترة لون اسود وجواهة بدي يصير لونه ابيض
وبي رسم باللون الاحمر وطلعت وية اللبس كعب احمر والجنطة والشيلة لبست بساع ومكيجت سمعت اجة
اشعار لمبايلي فتحته من باسل صباح الخير، اني بالباب بساع رشيت عطر واخذت الجنطة ونزلت اركض
بالكعب حتئ ماتريكت من وصلت لباب الكراج كلت خلي امشي علئ كيفي لا نوب اوكع علئ وجهي وتروح
الهيبة طلعت امشي علئ كيفي وبيني وبينكم تدلعت بمشيتي وصلت يم السيارة فتحت باب الصدر وصعدت
وكلت بهدوء صباح الخير رد عليه صباح النور بدأ يسوق وساكت مومن عوايده ويمة كلما اتذكر موقف
البارحة اصير زركة من الخجل حتئ موحمرة كالساعة اكول هسة يسحلني لين سديت الباب بوجهة وكلت
باسل كبسولة والله شوية وكفت السيارة يم باب الجامعة وجاي انزل وكال اوكفي بلعت ريكي كتلة ها
مسح وجهة وكال بتحذير اول واخر مرة تطلعين بدون ماتاخذين اذني ،هالمرة سماح المرة الجاية العب بيج
طوبة تمام؟ بلعت ريكي وكتلة تمام كال وسدة الباب بعد نتحاسب عليها موهنا بالسيارة كتلة بعدم فهم
وليش بعدين خوب هسة صفي كل حساباتك وياية مالي خلك كل يومية نتعارك؟ حك لحيتة وكال لا
بعدين تاخرتي انزلي عاندت جتفت ادية وكتلة ماانزل الة تصفي كل حساباتك وياية ! اشو هذا تقرب لزم
ايدي وجرني عليه وباسني بخدي ومااحس الة عضني كمزت كمزة انطك راسي بسكف السيارة كتلة بوجع
وعيوني مدمعة متستحي والله متستحي رجع جرني وكال لا تعالي موردتي نصفي حساباتنا بعدني مامكمل
دفعته وكتلة فدوة وخر ماكو حسابات خلصنة مسحت خدي عدلت شالي وكتلة اخرتني ابتسم بمكر وكال اني
شكو؟ موردتي نصفي حساباتنا وحتئ ماخليتينة نكمل عفتينا علئ النص يلا بعدين نكمل وبلكت تصير
بعد عدنا حسابات درت وجهي واستغفرت الله اخذت الجنطة متعصبة ونزلت حسيت كلبي يدك كل قوته
مدري شصار بية تبهذلت احوالي نزلت اباوع شو هوة هم نزل استغربت سد باب السيارة تقرب مني لزمني
من ايدي وكال امشي اني ادخل وياج اوصلح وارجع بلعت ريكي وكتلة بخجل ترا اني موصغيرة اعرف كال
دمشي كدامي مشينا وهوة لازم ايدي الحمدالله لابسة كعب صايرة شوية طويلة وياه دخلنا وكلها تباوع علينة
واني اباوع للبنات بضوجة شكو يباوعن علية مايستحن وهوة مامقصر الاسود ياكل ويشرب عليه
ضغطت علئ ايدة بدون مادري كال ها شبيج كتلة بضوجة شكو دخلت وياية ؟ كال هيج عاجبني ادخل
وياج كتلة واني اريد اضوجه شوية يمكن عندي اصدقاء اريد امشي وياهم لو اتريك وياهم مااحس الة
ضغط علئ ايدي حيل وكال صارن هواي مابقئ شي وادوس بطنج تحبين واحد يدوس ببطنج ابتسمت
ودرت وجهي وصلني يم النادي ونزع نضارته وباوع علية بنظرات ماعرفت افسرهم وكال هاهية اخر مرة
ادخل وياج اذا ماحبيتي تمشين وياي عادي ماكو مشكلة مااجبرج علئ شي وعافني ومشئ يمة فد
انقهرت شصار بية عابت شكو جفصت اني زعل مني يالله اباوع يمشي وحتئ مادار علية مشيت واني
ضايجة يافرحة ماتمت دومي اخرب اللحظات السعيدة هففف هسة من نرجع اعتذر منه مشيت واني ادور علئ
وردة خابرتها ماترد استغربت كلت هااا خاف بالحديقة الي بالممر الاخير لين دوم نكعد بيها مشيت للحديقة
وصلت جانت شبه فارغة بس ! انصدمت واني اشوف وردة وسحر وصاحبات سحر يتمضحكن تقربت علئ
كيفي سمعت وردة تكول لسحر وهية تقلد وردة اني تعبت شوكت يصلح كلشي ؟ وتقلد بية وتشمت رجفت
اني هيج يسون بية؟ ورجعت كال لا نوب احلئ شي ماراضية علئ خطيبها واني كاعدة اقنع بيها تحبه بس
وعلي الة اخذة منها ماتستاهلة وازيدج بالحجي متحبه ههههه يعني كولي لابوج عمي جبر ريحانة علئ
الزواج وخلي يتصرف وياخذوها لاخوج ماتحملت تقربت وكلت وردة ! شافني كلهم كمزوا تقربت وردة
وكال بخوف هلا حبيبتي شوكت اجيتي؟ كتلها بأبتسامة وعيوني مغوركة من جنتي تقلديني ! تقربت
وسطرتها راشدي بكل قوتي عوجت راسها وكلت بعصبية وماسمحت دمعة وحدة تطيح مني ،ترحيلي
انتِ وهذني الكاعدات ستين فدوة ومع الاسف جنت حاسبتج اخت وصديقة بس طلعتي حية مثلهم اني
تقلديني وتسوين بية هيج ؟ ورجعت سطرتها حيل وكلت وسالفة الصور وتدزين ابجيج دم عليها ومحمد
وتقربت وهمست يم وجها شكد ماجنت حابتج كرهتج حيـل ، ومامسامحتج ابداً مااريد ادعي عليج ولا هاي
بس اكول حسبي الله ونعم الوكـيل عليـج وباوعت علئ الي يمها مصدومات وكلت وعليهن وكل هذا الي
سويتنة بية يجي يوم وتذوقنة ومشيت بساع وردة تصيح وراي موكفت مشيت ودمعتي طاحت مسحتها
بساع يعني طلعت متفقة وية سحر علمود تتقرب الي وعود بعدين هم تخذلني ويرجعني لحالتي النفسية اني
هيج تسون بية تمام خلي ارجع للبيت وشوفي شسوي ياوردة وياسحر دخلت للمحاظرة وكعـدت وشوية
ودخلت وردة عيونها حمر خليت جنطتي بمكانها شافتني هيج سويت خلت وكعدت بالاخير ماعبرتها
ابداً وريلاكس وبدأت المحاظرة والتهيت اسجل ملاحظات من الاستاذ .
بـاسل
ابتسمت علئ شكلهـا طالعة حلوة حـيل نزلت معصبة ضحكت والله يالله هية رادت نتحاسب اني شكو ،نزلت
وراهة ردت اني اوصلها مااريد احد يباوع عليها اريد الكل يعرف هية ملكي مالتي ، لزمت ايدها ودخلت رغم
رفضها بس مااهتميت نمشي وياهوة يباوع عليها اخزره ويدور وجهة ناس متستحي ،ضوجتني مرة
ثانية من ضلت تحجي وضلت للسنتر وكتلها ماحب اجبرج علئ شي ومشيت ضايج وطالعة روحي هية
ماتحبني وكارهتني شكو احرجها ؟ استغفرالله يالله صعدت بالسيارة ضربت الستيرن حيل وكلت اصحئ
باسل اصحئ لا تعيش بوهم ، رجعت ضربت السيترن حيل وكلت بعصبية واني من البداية لبسها ماعجبني
وردت اخليها تنزل تبدله بس ماردت اكسر بخاطرها وماردت اخليها تضوج مني ، بس اني صوجي اسوق
وصلت للبيت هالكم يوم ماعندي دوام اجازة دخلت لكيت امي مسوية ريوك لابوي كعدت اتريك وياه
وضايج وساكت ولاحجيت كلمة فززني صوت ابوي وهوة يكول شبيك؟ كتلة مابية شي كال لعد شبيك
وجهك ميكصه السيف !كتلة هيج سالفة عادية هز راسة صعدت لغرفتي تمددت علئ الجرباية ودك مبايلي
عمي طالب يتصل جـاوبته سلمت عليه وكملت كال عمي بنـتي مسـوية شي؟ مضوجتك بشغلة؟ كتلة
بأستغراب لا عمي كل الخير يجي منها بس ليش؟! كال والنعم منك بس قبل كم يوم بنتي اجتني رايحة روحها
ومضوجها بالكلام ومخليها متسودنة جا عمي امنتها عندك هيج تسوي هية هاي الامانة ؟ مسحت كصتي
وكتلة السموحة منك عمي، هيج سالفة عادية وانحلت كال ماريد هاية السالفة تتكرر تفاهموا بيناتكم ومااريد
احد يتاذة واذا تبقون هيج فكل واحد يروح بطريقة مامستعد اجازف بسعادة احد اني، كتلة بهدوء هاهية
ماصار شي عمي سالفة وراحت وان شاء الله بعد ماتنعاد وبنتك بعيوني مخليها، سكت وكال غالي عمي
غالي ردت احاجيك من البداية وافضها احسن لين ادري ماتجي العيبة منك رجال ابن رجال بس التنبيه
واجب كتلة ماصار شي عمي علئ عيني وراسي تنبيهك كال ابن عزيز بعد شرد عليك ؟ ابتسمت
وسولفنا شوي علئ الشغل وقبل لا ننهي المكالمة كال معزوم علئ الغدة يمنا منتظرك مو ماتجي؟ كتلة ان
شاء عمي نزلت جوة والتهيت اباوع علئ اللعبات مال كرة القدم لحد ماصارت الساعة 12 كمت غسلت
وبدلت لبست بنطرون اسود وبدي ابيض وفوكاه جاكيت اسود رشيت عطر واخذت محفظتي وطلعت
وكلت لامي غداي يم بيت عمي لا تنتظروني وطلعت شغلت السيارة وتوجهت لجامعتها مسافة طريق
ووصلت لكيتها منتظرتني بالكراج شافتني اجت فتحت باب الصدر وصعدت وكال السلام عليكم كتلها
وعليكم السلام وسويت روحي ابد مامهتم الها وضايج منها اسوق وهية كالت باسل هية كالت باسل واني
ماجاوبتها حبيت كلمة باسل منها سكتت علمود تعيدها رجعت كالت باسل كتلها احم ها كالت شسمة هوة انتَ
ضايج مني؟ كتلها ليش يهمـج؟ استغفرت الله وكالت باع والله موقصدي هيج تشاقيت وياك لفت بالسيارة
وكلت مبين تشاقين ! ترا مامطرة تدورين رضاي وانتِ كارهتني؟ مايهمني صدكي اتصرفي علئ راحتج ولا
تشيلين هم ابقي لا طبيعتج لاتمثلين الاهتمام واني بالنسبة الج ولا شي كالت بهدوء لاتحجي هيج وانتَ
ماتعرف شنو انتَ بالنسبة الية وكفت السيارة وباوعت بوجها وكلت بعصبية اي شنو اني بالنسبة الج بلا؟
صفنت بوجهي وكالت بهدوء ميحتاج تعرف ....
تنهدت وكتلها وتالي وياج؟ كالت وتباوع علية وتكول
بكل حنية ترا اني مااعرف امثل ولا اتصنع المثالية ولا اكذب علئ احد من ناحية مشاعري ولا ادور رضا
شخص مجرد مااحب اشوف شخص احبه ضايج مني هية كالت هيج بوية شصار بية وحست علئ روحها
شكالت درت وجهي علئ الجامة مبتسم مسحت كصتي وكلت بكلبي بوية كثرولنا هيج سحكات درت
وجهي واني احاول اخفي ابتسامتي وكلت عيدي شنو كلتي ماسمعت بلعت ريكها وكالت بتوتر كلت مااحب
اشوف شخص ضايج هزيت راسي بابتسامة وكلت متاكدة هيج كلتي هزت راسها وكالت متاكدة رجعت
اسوق ومبتسم هسة يالة تعدل مزاجي عبالك مدري شنو كالتلي هيج كلمة وحدة كافية انو تسعدني وصلنا
وعمي جان واكف بالشارع وية ولد جيرانهم يمكن راح الولد واني نزلت سلمت علئ عمي ونزلت ريحانة وكال
تفضل عمي ادخل دخلنا وكعدت بالاستقبال واجوي الولد وتسالمنا وكعدنا نسولف قدموا مي شربت وفجاة
درت وجهي علئ باب الاستقبال ولمحتها نزلت من الدرج والشعر طاير بوية شصار بية مسحت وجهي وهمست الصبر بوية الصبر .
ريحانة
دخلت للمطبخ واني كالساعة اعض اصبعي من ورة سحكتي اخخخ نوب اني شلون حجيتها والله
ممتقصدة هية طلعت مني لا اراديا عرفت من امي انو معزوم عدنا علئ الغدا ضليت احضر وية امي والبنات
وفرحانة مادري ليش يالله وجوده يفرحني مدري شنو سويت اله حلاة بسكت وككو وهالسوالف وخليتها
بالفرير اصالحه بيهة نتعبرها عربون صلح وكذا كملنا الغدا وامي كالت تاكلين وياهم موويانة كتلها بصدمة لا
ماما استحي والله وياكم كالت ماكو امشي دخلي كتلها خلي البس شال كالت تلبس شال هية تلبس شال
عليمن ولج غير زوجج المن تلبسين كتلها استحي كالت دمشي اخذي اللبن وادخلي جنت لابسة تراكسود
رياضي لون ماروني وبيهة علامة اديداس كتلها ابدل؟ كالت ميحتاج ادخلي هيج اخذت اللبن وعدلت
ضفيرتي والكذلة ودخلت اول مادخلت رفع راسه شافني وكبل دنك واني متت بمكاني تقدمت علئ
كيفي وبابا كال تعالي هنا اكعدي بابا بنصه هوة وباسل تقربت خجلانة كعدت علئ كيفي بنصهم وخليت اللبن
انطاني بابا خاشوكة وبديت اكل وياهم وهوة ولا باوع علية اكيد يستحي من بابا بس اني كالساعة اسرق
نضارات ابتسمت بخجل من شفته خلة كدامي لحم وهمس اكلي لاتبقين صافنة بديت اكل رفعت راسي
صدفة واشوفلك سارة واكفة من برة يم الشباك هية ومريم ويباوعن علينة ويتغامزن ويضحكن وسارة
تقلدني شلون اكل مدري شلون ماطكيتهة بضحكة عزا العزاج سارة راح تفضحني يم الولد وتخلي جبار الي
بداخلي يطلع يمه ويشرد كملنا اكل وبديت اخذ بالصحون وهوة كام يغسل طلعت شفت سارة ومريم
وضحكنا وماما تكول صوتكم بنات عيب منا الولد غسلت وسويت الجاي كملته صبيته واخذته قدمته
ورتبت الحلا بمواعين وهم اخذته وكعدت علئ القنفة يم بابا وباسل كبالنة واطكطك بأصابعي خجلانة غصباً
ماعلية ماما دخلتني شوية وانسحب بابا والولد بقينا بس اني وياه كال اصابعج تكسرن كافي ! شو بلا تعالي
اكعدي يمي شكو كاعدة بعيد؟ كمت علئ كيفي وكعدت علئ القنفة وشوية بعيد عليه شفته مدياكل
من الحلاة ضجت كتلة ترا هاية اني سويتها اعتبرها
عربون صلح بيناتنا ابتسم وكال تعرفين تسوين رفعت
حاجبي وكتل اعجبك عيني كال بدون وعي من زمان اصلا عاجبتني كال هيج درت وجهي يايمة راح اموع
صعد السكر شبية تخبلت بدا ياكل بالحلام وكال عاشت ايدج كلش طيب كتلة الف عافية، دنكت والعب
بأصابعي وكتلة اليوم حجيت وية وردة شرب جاي وكال اي سولفيلي؟ سولفت اله شسويت ،كال بابتسامة
هم تعرفين تضربين حيل انتِ عبالي كل قوتج العضة كتلة لا عيني شمالني اعرف اضرب لاتستهين بقدراتي
وبكل ثول سويت حركة العضلات وكتلة شوف عضلاتي اشو هذا تقرب لزمني من ايدي وكال بوية
هذني موعضلات كتلة بعدم فهم لعد شنو؟ كال حك راسة وكال هذني زنود بوية زنود هوة كال هيج واني
كلت بعصبية وانفعال حسين كلك اني عندي زنود ويشبهني بزنود الست مو اني اله مااحس الة ضحك
حيل وضل يهتز استغربت شبيه مسح كصته وكال حسين ماكلي بوية شكو جفصتي؟ بس بالله اطلق
تشبيه هوة كال هيج واني متت بمكاني من الخجل والفشل اصلا اني اسمي الحقيقي جفوصة رجع كال
بجدية شنو تردين تسوين بعد وياهة وبالنسبة للرقم مابقئ شي واعرف كل معلوماته تنهدت وكتلة كلشي
بوقتة حلو ! باوع للساعة كال او الساعة بـ4 تاخرت
لازم اكوم كام وكمت كتلة بدون وعي بعد وكت تقرب
مني واني واكفة ومد ايدة يمسد علئ شعري وكال شنو صايرة تحبين شوفتي واني مادري كتلة موقصة
احب شوفتك وانما اقصد يعني تبقئ وية الولد وهيج كال ها كتلة ايي هز راسة صفن بوجهي وتلاكت عيونة
رمشت تقرب بكل هدوء وهمس يم اذني ديربالج علئ روحج لاتبجين ولا تضوجين وتذكري اني موجود بكل
وقت وباسني بخدي وفتح عيونه الذبلت بوجهي واديه محاوطة وجهي رجع باسني ونزل من خدي
لطرف شفتي وطبع بوسته بكل هدوء واني مدري شصار بية بس ارمش وفجاة بدون مقدمات ضمني
لحضنه حـيل وطاحت اخر ذرة قوة مدري شلون دفعته وهوة حس علئ روحه بسرعة سحب السويج
وطلع بدون ميباوع بوجهي كعدت علئ القنفة وجهي احمر من الخجل شصار بية ماادري كلبي راح يوكف
يمة ديدك حيل ليش هيج سوة ؟ وشبية اني تبهذلت؟ رفعت ايدي تلمست مكان البوسة غمضت عيوني
بخجل شديصير يالله نوب كلبي راح يوكف بدي ودي الزم كلبي هسه واكله اهدأ بشرفك اهدأ بربك اهدأ هي
حضنة والله بس حضنة لتدك هلكد ابتسمت ورجعت كذلتي ورة اذاني اول مرة احس بهذا الشعور
الحلو ،زين هوة كلي لاتبجين وهوة اكثر شخص يبجيني؟ افففف يالله اني خسرت هواي خسرت
صديقات واشياء غالية علية بس هوة مااريد وسكتت من شوكت اني هيج اهتم ماعرفت نفسي شنو الي
غيرني كمت صعدت لغرفتي تمددت علئ الجرباية وحضنت روحي ومبتسمة اجة اشعار لمبايلي مديت
ايدي جريت مبايلي رسالة منه كاتب بالمناسبة نسيت اكلج اني كلش احب زنود الست فوك متتوقعين قريتها وخنكت روحي بالمخدة خرب المانيااااا .
طالب
واكف اسكي الزرع وطلع باسل كال تأخر ودعته وراح دخلت للبيت جوري ماكو استغربت رحت للغرفة لكيت
الضوة طافي ومتمددة علئ الجرباية استغربت مومن عوايدها تنام ! تقربت نمت يمها ومديت ايدي وخرت
الغطة من راسها شفتها تبجي وتشهك بوية غير كلبي انمرد مرد كتلها بقلق شبـيج بوية ليش تبجين باوعت
علية وشمرت روحها بحضني وكالت ماكو شي بس هيج تقلصات حمل عادية كتلها بخوف شنو يوجعج
شنو تحسين كالت لا تخاف حبيبي مابية شي والدكتورة كالت تقلصات طبيعية والله ضميتها لحضني
وضليت امسد علئ ضهرها وابوس براسها لحد ماهدأت ونامت الليلة بست عيونها ومسحت دموعها وهمست بهدوء احبج بكـد رحمـة .
مريـم
احمد كلي من تكملين دكي علية راح انام علمود نتراسل ماكلت لا كملت شغلي وصعدت متحمسة دكيت عليه
شوي وجاوبه اجاني صوت بنية استغربت !تكول اني بت عمه لاحمد ديسبح من يطلع يراسلج سديت الخط
بسرعة وعيوني انملت دموع عفت المبايل وضليت ابجي منو هاية وشيسوي المبايل يمهة؟ دقايق ودك
مبايلي احمد يتصل ماجاوبته اخر شي جاوبته كتلة بهدوء الو كال ليش متردين؟ كتلة شنو رايد كال شبيج
ضايجة واني انفجرت بالبجي وكتل واني اشهك يعني هاية شيسمونها ادك عليك وتجاوبني بنية تكلي ديسبح
ها فهمني موكتلي راح انام تضحك علية احمد سمعته استغفرالله وكال بوية عليمن هالبجي هسة غير افهم
السالفة كتلة وحدة ردت علي تكلي ديسبح كال اي وانتِ هسة شبيج كتلة ببجي شهل برود روح بعد
مااحجي وياك لو تموت سديت الخط وضل يدك واني ابجي يقهر بية عود لحد مادز رسالة جاوبي يابعد حيلي
خلي نتفاهم شفت الرسالة ومارديت اخر شي جاوبت وسكتت كبل كال مريومتي حبيبي مجاوبته كال وحق
محمد اموت عليج وكعدت هستوني ودخلت اسبح ومبايلي نسيته جوة واخوي راد عليج بعد كتلة هذا
صوت اخوك؟ تقشمرني هذا صوت بنية كال وحق
محمد ولد بس هوة يريد يسوي مشاكل فغير صوته
هالسز وانتِ شبيج بساع تصدكين وتبجين اخخ يايابة صبرني عليها نوب تشهك مردت كلبي مرد شلون راح
تخليني اموتها كتلة بهدوء شمدريني عبالي بنية كال برأيج اني اسوي هيج ؟ كتلة لا كال لعد كافي بجي اي
مو هالأسبوع جايين نخطب ومااريدج زعلانة مني و متعبة عيونج الحلوات هوة كال هيج واني مدري
شصار بية كبل سديت الخط مادري شصار بيه حسيت روحي صخنت عزا عود صدك يحجي حتئ وجهي
صار احمر وهوة ضل يدز واني مااجاوب فد استحيت .
باسل
كاعد بالسيارة وادخن جكارة ورة جكارة مادري شصار بية شلون بستها؟ شلون حضنتها؟ ماحسيت علئ
نفسي شسويتي بية شسويتي ! مسحت وجهي وشمرت الجكارة وبديت اسوق وبالي كلة يمها شعرها
بوية شعرها لو الماروني الي مطلعها كيكة صبرني يخو زينب صبرني وكفت السيارة وهمست بهدوء احبها !
ايي حيل احبها ميت بيها كلشي بيها يعجبني ابتسمت بهدوء وكلت احب نفسي حتئ نفسي الي مااطيقها
احبها وياهة واشوفها حلوة رجعت اسوق وللمرة الاولئ تقبلت وبدون ماانفي واقنع روحي نفس كل مرة انو
اني مااحبها اقتنعت وتقبلت انو اني احبها حــيـل سحبت المبايل ودزيت الها بالمناسبة نسيت اكلج اني
كلش احب زنود الست فوك متتوقعين وضحكت ورجعت اسوق .
سارة
كاعدة يم حسين يوقع علئ اوراق ومدري شيسوي واني اكعد يمه علمود اكتسب خبرة من مواد القانون
لين هوة محامي ومتخرج وفاتح مكتب محاماة فيعرف واني محاماة ادرس كتلة الله شوكت اتخرج
علمود اصير نفسك وافتح مكتب ضحك وكال وعليمن تفتحين مكتب اخليلج كرسي بالبلكونة وتكعدين
ضحكت وكتلة بدون مادري انجب لا تكول هيج عاف الاوراق ولزمني من شعري ويعت بية ويكول اني
شكايلج اذا تغلطين سارة كتلة بوجع اخ العباس عليك عوفني مادري وكلت عافني وكال يلة يحلوة خلصت
كروتج اطلعي من الغرفة اريد اشتغل صار ساعة تطلعين مواضيع من جوة الكاع كتلة وسويت نفسي
ضجت موصوجك صوجي اني كاعدة يمك واضحكك بس الضاهر صاير متحب اخواتك وجاي اطلع جرني
من ايدي وكال بضحك اشاقة كعدي ولا تاخذين دور الحزينة بالكوة ضميت ضحكتي وكتلة لا لا الا اطلع
ماابقئ يمك اليوم واريد اطلع ويجر بية اخر شي كعدت علئ القنفة وكتلة يلة كعدت لا تبجي كافي
اسكت شهرتنا وهوة رجع يشتغل بالاوراق ويباوع علية بتك عين ونضراتة تكول مابقئ شي وادوس ببطنج
سحبت مبايله داشوف شكد الساعة وشفت جايتة رسالة من شخص مسمي روحي
وكاتبتله حبيبي مكملت شغل؟ ابتسمت وانطيته المبايل كتلة داشوف شكد الساعة واجتك رسالة اخذه
بساع فتحهة وضل مدري شيكتب ويبتسم كتلة خطية اشتاقتلك هاية فدك لو منو ولك هوة مادري بروحه
متتت وكال فدك هوة اني شعندي غيرهة وانتبه علئ روحة شنو حجة ضحكت بصوت عالي وكتلة فديت
اخوية العاشك فديته يوم الالي واذبح مريم كلت هيج باوع علية كال شنو يوم الالج ادبسز نوب تحجيها يمي
كام واني طلعت ركض من الغرفة هم صدك شلون كلت صاح وراي سارة بعدين احاسبج ضحكت ونزلت جوة
فتحت الثلاجة اخذت كنافة من مال البارحة وكعدت اكل وادردم كلهة ملتهية والله عشتوا محد يهتم لمريم
بابا مكابل امي وكاعد ريحانة تتكافش هية وباسل ومحمد يحجي وية وداد واستاذ حسين فدك مشتاقتله
وكعد يعبر عن اشتياقه الها وست مريم خليني ساكتة لا بابا يسمعني وعلاوي يلعب بسفينته واني وين انطي
وجهي طبعا والله اذا سمنت فمن وراهم لين من كلهة تختفي اني اكعد اكل لو ميختفون جان مسمنت
ههههههه ولو اني شكد اكل مااسمن بس معلش كمت اباوع بالكامرات ورجعت علئ تسجيل البارحة
استغربت سيارة وكفت ببانا بنص الليل نزل واحد منهة استغربت باسل؟ شعنده جاي بنص الليل وشوية
وطلعت ريحانة فتحت عيوني عزا العزاكم وفتحت باب الكراج ويحجون ومدري شبيهم بساع دخلت علئ
التسجيلات وحذفته يمة لو شايفة بابا لو واحد من الولد عزا صعدت ركض لغرفته لكيتهة تخابر اشرتلي بمعنئ اش وكالت .
ريحانة
طلعت رقم ام وردة وبداخلي خوف وبنفس الوقت شعور يكلي لا تتراجعين وسوي الي ببالج دكيت عليها
جاوبت داحجي ودخلت سارة اشرتلها بمعنئ اسكتي وكلت الو ها خالة شلونج اني ريحانة ضلت تسلم علية
وتسأل علئ اخباري تعرفني وكلش تحبني كتلها اريد احجي وياج بموضوع كالت شنو صاير شي كتلها
اهدئي خالة بس راح اسولف الج وانتِ احكمي ضليت اسولف الها علئ وردة وشسوت بية واحجي بقهر
ورجعت كتلها تقبليها تدز صوري وتلعب هيج من وراي وتريد تخرب علاقتي بخطيبي وسوتلي مشكلة كبيرة
وبالكوة انحلت ؟ وحجيت الها كلشي ورجعت كلت اني مااريد اكل لابوية واخلي يسويها وياكم محاكم
وتتحاسب قانونياً فكتلج انتِ علمود تصرفين وميوصل الكلام لأبوهة خطية انصدمت وضلت تتعذر
وتتوعد لوردة وتشكرت مني وكالت السموحة منج بنيتي وحسابها يمي هالحقيرة بس فدوة يمة الكلام لا
يوصل لابوها يموتها ترة كتلها ان شاءالله خالة وسدينا الخط كلت لسارة ها شكو كالت بصدمة عزا العزاها
شمسوية عفية ممبين عليها هيج كتلها عادي تعودت انصدم تقربت من عندي وكعدت يمب علئ الجرباية
حضنتني وكالت مقهورة؟ هزيت راسي بمعنئ لا وكلت ترا عادي تغيرت مراح ابجي ولا انهار ريلاكس باستني
براسي وكالت اي هيج اريدج تصيرين لا تضعفين وتبجين محد يستاهل وحتئ وردة الله كشف الج
حقيقتها هزيت راسي وكلت الحمدالله ضميت روحي بحضنها وكالت بهدوء ريحانة بعد انتبهي من الكامرات
ترا هسة لكيت تسجيل انتِ وباسل البارحة بالحديقة كمزت وكلت بصدمة عزا ! شلون ماانتهبت للكامرات
يمة منو شافهم زين رجعت حضنتني وكالت اهدئي عيني بس اني شفتهم ومسحت التسجيل كلت الها يمة
فديتج بعد روحي ابتسمت وسكتت ورجعت كالت تحبينة ريحانة؟ هية كالت هيج ودك كلبي حيل همست
بهدوء مادري كالت شنو ماتدرين كتلها بخجل هوة اني مادري احبه لو لا بس وسكتت كالت بس شنو؟ كتلها
صايرة احب وقتي وياه ابتسمت وكالت بعد؟ كتلهة هوة هم متغير احسه صاير لطيف وحنون وياية؟ يعني
قبل مجان هيج احسه متغير؟ كالت وردة بدت تتحسن علاقتكم وتتولد مشاعر جديدة كتلها وعيوني
مغوركة خايفة يطلع هذا التصرف والاهتمام منه مزيف وارجع انخذل سارة حيل حابة اهتمامه بيه بس
خايفة وفرحانة بنفس الوقت كالت انتِ تحسين اهتمامه مزيف لو شنو كتلها شعور بداخلي يكول مو
اهتمام مزيف بس يمكن اني لين تعذبت بحياتي وعشت بخوف لسنين هيج داحس خاف مثل الكل
يسوي بية؟ كالت انتِ بس لو تبطلين تحسين هيج راح تعيشين بالف خير اذا كلبج مرتاح الة وحابة حياتج
وياه ليش بهذني تفكيراتج تزرعين الخوف بداخلج؟ كتلهة هففف مادري مادري بس تدرين هوة اليوم دخل
للجامعة وياية وصلني وسولفت الها شلون سحكت وزعل مني وراح ضربتني علئ راسي وكالت وثول اي
والله وثول لج يغاررر عليج يغار كتلها بخجل لا يمة شنو يغار تلكينة هيج ماعندة شغلة كا لخلي اوصلها
كالت نجبي يغار عليج ولين طالعة حلوة اليوم ولو انتِ كل يوم حلوة بس اليوم طالعة تموتين يدادة فهوة
غاررر عليج كتلها يعني شنو يغار علية كالت يعني يحبج ابتسمت بقهر وكتلها باسل يحبني؟ مستحيل
اففف سارة لاتكولين هيج وتوهميني ادري بي مطايقني بس اني مدري شبية كالت مدااوهمج انتِ
مجاي تقنعين روحج انو هوة يحبج ويغار عليج دتقنعين بروحج انو اهتمامة مزيف غيري تفكيرج
ريحانة قوي علاقتج بي ترا والله مبين يحبج لا تصيرين ثولة تنهدت وكتلها ان شاءالله .
جوري
كعدت من النوم طالب حاضني حـيل مااكدر اكوم ابتسمت يمه شكد احبه رغم كل شي لو مدري شنو
يصير ابقئ احبه ماكو شي يكرهني بي ابداً وكل شي بيه احبه اهتمامه حبة حنيته كلشي تقربت وبسته من
لحيته علئ كيفي ورجعت شبكته حيل حبيبي شكد خاف علية صارت عندي تقلصات عادية وتوجعت وهوة
بقئ يمي لحد مانمت وهوة نام همست يم اذنه حبيبي طالب مارد نايم سودة علية تعبان من الدوام كاعد من
الخمسة الفجر واجة بـ1 الضهر كلبي مانطاني اكعده خلي يشبع نوم بسته بخده وخلصت روحي من عنده
وكمت علئ كيفي غسلت وجهي وبدلت دشداشتي وطلعت من الغرفة شفت علاوي كاعد يباوع علئ
التلفزيون رحت للمطبخ خليت الة كرزات بماعون وجبس وهالسوالف اونسة بيهم ويغير جو متعود كلما
يباوع اسويلة كعدة حلوة واخذت الحلويات وخليتهم يمة شافني كبل حضني كال اشتاقيتلج ماما بسته
وكتلة يروح امك انتَ فديت اليشتاقلي كعدت وهوة كعد بحضني وياكل كرزات واني اعدل بشعره وابوس
بيه وعيوني تدمع كلما اذكر فاركته بسته بخده حيل وكتلة يمة شكد احبك اني وهوة يبوس بية ويضحك
رجع يباوع علئ الكارتون واني امسد علئ شعره شفت كصته مشخوطة كتلة بخوف بيمن تعورت هنا؟ كال ها
لا كلشي مابية هيج بالباب لزمته اباوع بكصته اكول ليش كالساعة ينزل شعره اندك الباب هوة كال اكوم
افتحه كتلة اكعد اني افتحه اخاف عليه كلشي يصير اخذت الشال وطلعت فتحت الباب ومطلعة بس راسي
شفته رجال كبير وياه ولد بكد علاوي يبجي وحلكة يجري دم كتلة تفضل خوية كال بيت ابو محمد كتلة
اي؟ كال ابنكم علاوي شوف شمسوي بأبني وفزيت علئ صوت طالب وهوة يكول منو درت وجهي اباوعلة
هستوة كاعدة من النوم بالبجامة والكيمونة عيونه حمر وعصبي يمه لو تذبحوني قطرة دوم متلكون خزرني
خزرة يمة وخرت بساع من الباب وهمس بعصبية الي اني الج امشيي ادخلييي جوة دخلت بساع يمة عزا
العزاني شلون طلعت هسة لو مخلية علاوي يطلع اليوم ابو علاوي يلعب بينا طوبة .
طالب
نايم وحسيت واحد يكعد بية فزيت شفته علاوي اباوع جوري مو يمي كتلة ها بابا شبيك؟ كال بابا كتلت واحد
واجة ابوه دك الباب وامي طلعتله كمزت كتلة شنووو كمت من الجرباية لبست الكيمونة واحجي اني شكم
مرة كايل الها ماتفتحين الباب لأحد راح تموتنييي طلعت امشي للكراج بسرعة اباوع مادة راسها وتحجي
بوي شصار بية صحت منو وهية فزة خزرتهة وصلت يمه وكلت اني الج امشيي ادخلييي جوة بساع هية
بساع دخلت نوب تمشي علئ السريع اني الها فتحت الباب وشفت جيرانة ابو مصطفئ سلمت علي وشكة
الي من علاوي شلون ضارب الولد بوكسي علئ حلكة صحت علاوي علاوي اجة يركض كال ها بابا كتلة
بعصبية تعال وكف يمي ويباوع للولد كتلة ليش ضربته كال سبني المايستحي مادري شلون ضميت
ضحكتي ابن امه شيطلع بعد كال الولد جذاب ماسابه علاوي باوع علية وكال بابا وداعة ماما سبني خزرته
وكلت للرجال هاهية ابو مصطفئ حقك علينا بس خلي ابنك يتادب ولا يتحارش بيه وبست الولد وكتلة
اموته بعد بس يضربك وراحوا دخلت اني وعلاوي كتلة بعد بس تضرب العب بيك طوبة بابا الولد اصغر
منك بسنة حرام تاذي كال غير يغلط علئ امي مااسكتلة كتلة انة اخوك غلط علئ امك بعد ابوك المرة
الجاية كسر سنونة وخليهم بحلكة كال تدلل بوية ضحكت وكتلة دكعد عاقل بعد ابوك لا اعلكك بالشجرة
ضحك وراح يلعب بالحديقة واني دخلت للبيت اريد ست جوري لكيتها كاعدة بالاستقبال تاكل كرزات
دخلت وكتلهة بعصبية اني شكايل اذا تطلعين تفتحين الباب ؟ ماحجت كلت بعصبية احجي وياج كالت
نـسيت كتلها نسيتي مو اخر واول مرة تنسين الباب ماتفتحينة سمعتيييي باوعت علية وكالت ترة اني
موصغيرة علمود تحاسبني كتلهة لا احاسبج وميهمني كبيرة صغيرة الباب ماتفتحينة كالت اي هاهية ماافتحة
كتلهة احجي عدل كولي صار بعد ماافتحه باوعت علية وعيونهة مدمعة وعافتني وراحت وصلت يم
الباب رجعت اخذت ماعون الكرزات وراحت تاكل بيه ضحكت واستغفرت الله هم زعلت وهم تاكل الضاهر
تتنسئ علئ كرزات هسة شلون نصالحها راح تفرض الحصار علينة يابوية كمت وراهة للغرفة شفتها كاعدة
علئ الجرباية وتاكل كرزات وعيونها مدمعة يابوية شكلها ينوكل هيج تقربت جاي اخذ جوزة وخرت
الماعون ماقبلت كتلها ها خوش هيج صارت مو رحت بدلت عندي طلعة وية عزيز بدلت وهية تباوع علية
بزعل ارجع واعرف شلون نصالحها اخذت المحفظة وطلعت شفت بناتي بالمطبخ شافني كالن الله يساعدك
بابا باسني وكتلهم هلا بيكم بوية شني اليوم ماكو ضحكت سارة كالت ياماكو غير من الصبح افتر بالبيت
بس انتَ نايم عيني باباتي ضحكت وكلت طالع تردون شي اجيبلكم من ارجع كالت مريم سلامتك بابا وجيس
حب وريحانة سلامتك بابا وكون حب حار مال مكينة كالت سارة سلامتك بابا وياك جيس حلويات مشكل
ضحكت علئ سوالفهن وكلت من عيوني بابا تدللون بوية شغلت السيارة وطلعت وخابرت علئ عزيز كتلة جايك بالطريق .
ريحـانة
كاعدة يم ماما وتمسد علئ شعري ونسولف والبنات يمنا كالت مريم بس مدري شبيها حسيت اكو شي كالت
بخجل وهية تطك باصابعها ماما الولد الي كلت الكم قبل فترة يريد يتقدم الي ماما كالت الها اي ماما شبي؟
بلعت ريكها وكالت هلأسبوع راح يجي هوة وأهله يتقدم الي ابتسمت امي وكالت هلا بيهم ينورنا يمة
بناتي كبرن وصارن عرايس كالت سارة بس اني بعدني ماكبرت شوكت اعرس يالله شمرت ماما المخدة عليها
وكالت نوب تحجيها يمي الماتستحي وسارة ضحكت كالت انتن تزوجن علمود انزوج ابوية امي باقية بس
تزعل عليه امي خزرتهة سارة كبل باستهة وكال شحدة يزوج ضحكت وامي باوعت علية وكالت وانتِ
ست ريحانة شوكت نبدأ نحضر للنيشان اشو مغلسة بلعت ريكي وكتلها مادري ماما بكيفج كالت باجر نروح
للسوك ورانا كومة تحضيرات كتلهة تمام وضلينا نسولف ونضحك لحد مااذن وكمنا صلينا ونوب بدينا
نحضر بالعشة طلعنا مقليات وهالسوالف وماما واكفة تكلي وسارة تسوي بالبتيتة ومريم تسوي لبن واني
احضر بالزلاطة اندك الجرس ماما صاحت حسين يدكون بالباب كام حسين فتح الباب ودخل محمل
علاليك ووراه بابا كلنا كلنة الله يساعدك بابا وهوة كال هلا بيكم بابا وكف غسل وجهة واديه وكال بابا رتبوا
الفاكهة بالثلاجة وبالجيس الثاني حلويات وكرزات رايح ابدل كلاص جاي عالسريع راح بابا للغرفة جنت
مكملة الجاي كبل طلعت كوب غسلته وسحبت العلبة مال شكر بدون مااباوع عليهة وخليت شكر وصبيت
الجاي وبابا صاح جوري تعالي راحت دتشوفه شتريد كالت انطيني ماما اخذ الجاي وياية انطيته الها ورجعت كملت الزلاطة وكمت اكلي بمكان ماما .
طالب
دخلت للغرفة وبيدها الجاي انطتني ياه اخذته شربت وبساع شمرت الكوب وكلت بعصبية شنو هاييي ! كالت
شكو كتلهة مخلية ليمندوزيي احترك بلعومي كالت مو اني كتلها بعصبية بطلي هالسوالف مال تخلين موشكر
عود زعلانة وزعلتهم دفرت الكوب ودخلت للحمام اغسل وبس احجي عصبتني بحركتها هاي غسلت
وطلعت لكيتها ماموجودة دخلت ريحانة للغرفة كالت بتوتر بابا ترا موماما صبت الجاي اني والله ومادري
وخليت ليمندوزي عبالي شكر مسحت كصتي خرب يومك طالب دومك متسرع هزيت راسي وكلت فدوة
ماصار شي بس مرة ثانية انتبهي هزت راسها وكال اي بابا وطلعت فتحت الكنتور بدلت الكيمونة تدمرت جاي
ورحت توضيت وصليت كملت طلعت رحت للاستقبال كعدنا وجابوا العشة سميت وبديت اكل وهية كاعدة يم
محمد ولا خلت عينها بعيني حقها عمي اذا اني ادوس بالبطن واجيت اكحلها عميتها كملنا عشة غسلت وصبوا
الجاي هالمرة شكر مخلين كملت الجاي ورحت للغرفة دخلت لكيتها ترتب بالملابس تقربت كتلها جوري
ماجاوبتني كلت مرة ثانية جوري باوعت علية وكال بعصبية وعيونها مدمعة شتريد؟ تريد تصيح علية
وتضوجني وتطلع لو هم تريد تتعارك وياية وتطلع حجج مسحت دموعها وكالت باع بطني توجعني
ومابية حيل احجي عوفني بحالي ترا والله حتئ كلبي كام يوجعني وكامت تشهك بدون تفاهم تقربت
وشبكتها حيل وهية توخر بية بس وين اعوفها مثلاً؟ اني شسويت يامحمد شلون هيج اقهرها واضوجها
تقربت كعدت علئ الجرباية وضميتها لحضني وهية مستمرة تبجي كتلها حقج علية ياروح طالب انتِ
عساني بالموت يبعد حيلي شهكت وكالت اسكت لاتحجي هيج كتلها سكتت سكتت مديت ايدي مسحت
دموعها وكتلهة حبيبتي انتِ ماحجت كتلها كافي زعل
ترا وعلي انشلع كلبي يعني نـبقئ هيج كالت والله كل
لروحك انتَ باقي بس تضوج بية نوب شهكت وكالت وتكلي وزعلتهم ورجعت تبجي يابوية شني هاي
هرمونات مال حمل لو هية ام دميعة؟ مسحت دموعها وبست عيونها وكلت معليج بية خلي اولي تدرين بية
كلشي ولازعلج يالغالية انتِ يبعد الكل انتِ وبعد حتئ الجاي اشربه بي ملح لخاطرج شتردين بعد؟ ضحكت
وضربتني علئ صدري كتلها بابتسامة جا شني اسويها لخاطرج ها مولخاطر واحد ثاني كالت وشنو يعني اني
هسة ارضئ عليك وماازعل كتلها واني ابوسها بخدها غصباً ماعليج يعني وتبوسيني هم موبس ترضين كالت
عوفني اريد اكوم يم بناتي بستها بخدها الثاني وكلت وين متكومين الة تكولين هاهية رضيت وتبوسيني
كالت ياا تحلم كتلها بكيفج لعد ابقي كاعدة بحضني منا لباجر بدون حركة تنهدت وكالت استغفرالله كالت
هاهية رضيت كتلها لا هاي من ورة خشمج تقربت بهدوء باستني بخدة وكالت رضيت ابتسمت بهدوء
وشبكتها كتلها اسف ياروح طالب انتِ ،شنو اليوجعج يبعد اليوجعني كلة من وراي كالت بهدوء لا هاية صرت
زينة بس شوية لين ضجت وانقهرت صارت عندي اوجاع هزيت راسي وكتلهة وهسة شنو تحسين كالت
احسن والله شبكتها وبستها براسها وكلت يابة ام محمد الغالية احبج ضحكت وكالت اني هم احبك ابو
محمد ابتسمت وكتلها شكد حلوة منج ابو محمد لزمت وجها بثنين ادية وكلت بعد حتئ لو نتعارك مااسمح الج
تكعدين يم محمد مكانج يمي ومن تشوفيني بالغرفة ماتطلعين لا تبقين كاعدة وحتئ مو علئ الجرباية بحضني
واريد اشوف واحد عنده اعتراض ابتسمت وكالت زعل جيس حب هذا ؟ضحكت بصوت عالي وكتلها
شتحسبينة حسبي المهم بكل الحالات تبقين يمي مااريدج تعوفيني يولي احبج اني شبكتني وكالت
موبكدي موبكدي وهيج صالحنا ام محمد ولو هية زعلها ثكيل بس اني مايمشي العندي الزعل الثكيل
ترضئ يعني ترضئ كتلها شوفيني شكد كريم وانتِ بخيلة كال هااا اني بخيلة بلا كلي شلون ؟ كتلها ردت
جوزة قبل شوية مانطيتيني واني هسة جبت الج كل انواع الكرزات ابتسمت بخجل اشو هاية كامت فتحت
الجرارة طلعت ماعون صغير متروس جوز كالت شوف والله من ردت جوز وماانطيتك مااكلت ولا وحدة من
عنده ضميته الك جريتها وشبكتها حيل وكلت شنو انتِ شنو وين اضمج زين هسة شسويلج فهميني بستها
حيل بخدها وكلت شسويتي بية جوريي طالب الي برة الغرفة مونفسة طالب هذا مونفسة ابتسمت وكال
بخجل اي عيني هوة الواحد يم محبوبة يتغير هسة منو يعرف طالب الي يفتر وراية يدور بوسة؟ ضحكت
بصوت عالي وكتلهة ها لازمتهة علية موصوجج صوجي اني احبج وابوسج ضحكت وكالت يمعود
لاتزعل هستونا تراضينا باستني بخدي وكالت احبك حـييل ضميتها لصدري وكلت موبـكدي بوية
موبـكدي ،وهاية احنا كلما نتعارك ورة كم ساعة نصالح كلبي ماينطيني اعوفها زعلانة مني وهية هم كابها رهيف مينطيها تزعل علية .
ريحـانة
ماما كالتلي كولي لباسل باجر راح اروح للسوك نبدأ نحضر النيشان صعدت لغرفتي اخذت مبايل من الشحن
كعدت علئ الجرباية وفحت المبايل وراسلته واكتب وارجف مدري شبية كتلة باجر راح اروح للسوك ابدأ
احضر تقـبل اروح؟ شوية ورد علية كال اي اني اخذكم ابتسمت رجع كتب مااوصيج اشتري قميص احمر
وبنطرون اسود علمود اعرف شلون اتصرف وياج واتحاسب كال هيج واني بس قريت نتحاسب كبل
شمرت المبايل وغطيت وجهي بالمخدة من الفشلة ورجع كتب ....
- يتبع الفصل التالي اضغط على (يأس القلوب) اسم الرواية