رواية يأس القلوب الفصل الخامس عشر 15- بقلم رودة
part 15
كالت وهية تهدد باصبعها والقرام اكتل روפــي حلفت بالقران رجعنييي للبيت هسة ويصير خير خفت يصير بيها شي سحبت السويج وكتلها نازل تعالي وراي نزلت ولاول مرة احس روפــي غلطان من ناحية كلشي ،صعدت بالسيارة وانتجيت علئ الكشن وطلعت هية فتحت باب الورة وصعدت بديت اسوق وهية ساكتة واني ساكت خفت من الجاي شراح يصير وشنو الي ابالها اوو اكيد تزعل مِڼـّي كم يوم واراضيها وصلت لبيتهم كبل فتحت الباب ونزلت حركت السيارة علئ السريع وطكيت حيل علئ الستيرن وكلت بقهر لوميت ولا ضاربها لو ميت لحظة غضب وماحسيت علئ نفسي شلون مديت ايدي عليها شلون اسوق مااعرف وين اروح مااعرف شي بداخلي يبجي عليها ....
ريحانة
دخلت للبيت علئ كيفي مااريد احد يشوفني من حسن حظي كلهم جانوا بغرفهم صعدت لغرفتي ركض
وسديت الباب وانتجيت عليه وغصيت بالبجي وكاتمة صوتي بايدي وبس اكتافي تهتز شمرت روפــي بالكاَ؏َ
واخذت وضعية الجنين وشابكة نفسي وابجي تعبت يالله تعبت اختبارك صعب، شهكت حيل من تذكرته
كالي انتِ ريحانة باسل ورجعت ابجي حييل هاهية خلصت وياك كمت نزلت بملابس الدوام بعدني نزلت
ركض دكيت باب غرفة ماما وبابا ودخلت شفت بابا يُشَتغلً بالاوراق وماما تباوع علئ التلفزيون شافني
شمر الاوراق وكام وكال بصدمة شبيج ! كتلة خصم الحجي هسة اذا ماكتلي تفسخ الخطوبة احرك روפــي كدامكم واحرك كلبكم علية ! يباوعون علية بصدمة
كال بعصبية شسوالج ?! كتلة واني انكر ماسوالييي شي ماسواليي بس ﭑنـي مليت مااكدر اكمل وياه
نفسيتي تعبت دانهار كاليومية من ورا هذا الموضوع تسمعونييي لْـۆ لاا باوعت علئ بابا وكتلة اذا صدك
اهمك وتدور مصلحتي وتريدلي الافضل هسة تفسخ الخطوبة ! ولا تسألوني علئ الاسباب ومدري شنو لين
انيييي من شغلة مارايدتها ومامقتنعة بيها لْـۆ اموت ماابقئ عليها لْـۆ اموت تسمعونيي تقدم بابا لٱ ارداياً
شمرت روפــي بحضنه وانهديت بالبجي وهوة شابكني حيل وماما تهدأ بية وتبجي بس ﭑنـي لاحياة لمن تنادي
انتهيت وبابا يهدأ بية ويبوس براسي واني مجلبة بقميصه وابجي واكول تعبت بابا تعبت من كلشي تعبت
ارحمونيي كافي حسوا بية باس راسي وضل يمسد عليه ويقرأ ايات وكلهة ملتمة بالغرفة ومستغربين من
حالتي بابا كال بهدوء نفر واحد مااريده يبقئ بالغرفة !كلها طلعت كعدني بابا علئ الجرباية وكال
بهدوء اشششش كافي لاتبجين موكايلج بطلييي بجي ليش تخبليني ! لشوكت تبقين هيج ضعيفة وتنهزين
بساع وتبجين هزيت راسي وكتلة موبيدي ! كال بعصبية ماكو شييي اسمه موبيدج كلشي بيدج ! انتِ
كادرة تتحكمين بكلشي بحياتج بشخصيتج بنفسج! لٱ تبقين ضعيفة وتكولين موبيدي اذا بقيتي هيج لعد
ايسي من نفسج ! صيري قوية السبع شيسويييي ريحانة شكايلج ﭑنـي شيسوي السبع كتلة واني ابجي
يضحك بوجه الحزن ويطلع سنونه ضربني بخفة علئ راسي وكال بعصبية لعد انتِ شبيج هااا موسبعة انتِ
فهميني اريد ريحانة القديمة ام لسان القوية المحد يكدر الهاا مااريد هايةة ريحانة مااريدها ريحانة
الضعيفة ﭑنـي مااعرفها ﭑنـي اعرف بس ريحانة القوية ! يحجي بابا واني حسيت نفسي بدوامة كبيرة
دوامة التفكير وين جنت ﭑنـي ووين صرت؟! شنو هذي الشخصية الضعيفة ! شكد بجيت ﭑنـي شسويت
بروحي؟! منتبها لكلام بابا حرف حرف كلمة كلمة كل شي كاله ضليت اعيده بيني وبين نفسي ! لكيت
ريحانة القديمة القوية ماكو وحاليا عبارة عن ريحانة ضعيفة كسرتها الضروف فزيت علئ صوت بابا وهوة
يكول بعصبية ريحانة اليكسر خاطرنا شنسويله !رديت واني اضغط علئ مخرج الحروف نكسر ضهره ! رجع
همس بوجهي ونرجع ننهي كل شي وية شخص لو ناخذ حقنا ونخلي الندم ياكله ! كتلة واني جامدة بدون
حركة كلامه جاي يوعيني علئ كلشي ناخذ حقنا ! ضربني علئ راسي بخفة وكال بعصبية لعد شغلي هذا
وفكري زين ! وشوفي الاشياء الي جاي تبجين عليها ومنهارة تستاهل تبجين لْـۆ لٱ ?! تستاهل تنسيها لْـۆ
لٱ ?! فكري زين تخلصين حياتج هيج يعني ! هزيت راسي بمعنئ لٱ كال امشي ادخلي للحمام غسلي وجهج
بساع وتعالي مشيت علئ كيفي صاح امشييي بساع كمزت ودخلت بساع للحمام غسلت وجهي لكيته لٱزم
المنشفة انطاني ياهة نشفت وجهي ويباوعل بعصبية يمة فد خفت كعد علئ القنفة وكال تعالي اكعدي
مشيت وكعدت يمه وكال باعـي هسة ﭑنـي حجيت وياج ووعيتج وهسة انتِ تكعدين وتراجعين قراراتج
بينج وبين نفسج بس ياويلج وسواد ليلج اذا اختاريتي قرار خاطئ ! وكلشي لاتضمين كلشي احجي
ابد لاتسكتين وكل الكلام كوليه بوقته لين اذا سكتي يدمر كلشي ! وبالنسبة للخطوبة فعندج مهلة شهر واحد
بس ! شهر واحد لو تصلحين كلشي وتنسين كلشي صار لو تهدمين كلشي وتنهين كلشي وبهل كم شهر
تحاولين تطيبين كلبج الانكسر والمشاعر الي بدت تنبني لين ياغبية شلون تردين تنهين كل شي وانتِ لحد
الان ماتعرفين باسل شنو بالنسبة الج ! بس كل الي تعرفينة انو انتم مامتفاهمين ! هسة من اسالج انتِ
تكرهينة تجاوبيني وتكولين اكرهه لاتضلين ساكتة لين ماعندج جواب ! شهر واحد شوفيني مهاراتج بيه
وحاولي ترجعين ريحانة القديمة ! واني هم عندي حجي وية عمج عزيز وباسل ويصير خير وهسة كومي
بدلي وتنزلين بوجهج كبل تتغدين ويانة واذا تاخرتي اصعد اكسر راسج هزيت راسي كمت علئ كيفي جاي
اطلع صاح ريحانة درت كلت هاا بابا فتح ايدة ابتسمت واني مبرطمة وركضت شبكته حيل باسني
براسي وكال وهوة لآزٍمٍ وجهي باديه كدها انتِ ! هزيت واسي بابتسامة ايي كدها بسته وطلعت من
الغرفة وصعدت لغرفتي دخلت للغرفة كلام بابا حسسني انو ﭑنـي جنت مغمضة علئ كلشي اخذت
ملابسي ودخلت اسبح ارتاحيت شوية طلعت مشطت شعري ورشيت عطر واحاول اوخر الافكار السلبية واكول كل شي بوقتهہ حلو !
عزيز
كاعد بالصالة اباوع علئ التلفزيون ودخل باسل يطوطح ومايمشي عدل استغربت وكمتله كتلة شبيك
ماتمشي عدل دار وجهة عيونه حمر وبالكوة مفتحهم وكال هابوية اجيت من السفر شوكت زيارة مقبولة
عيدك مبارك كل موت وانتَ بخير كتلة طيح الله حظك اي والله ياسفر كمت تقربت منه علئ كيفي
وشميت ريحة شرب ! لزمته من كتفه وهزيته وكتلة شارب باسل ! تسودنت اول مرة يسويها باسل هزيته
حيلل وكتلة باسللل شلون تشربب دفعته حيل وكع بالكاَ؏َ بالكوة سند روحة وكام وكال وعيونه حمر ويجر
بالكلام جر غير من وراها كتلة بأستغراب من ورة منووو تقرب وكال بهدوء بوية انتَ موكتلي مادامني
موجود كلشي تريده يجرالك جا خوش ﭑنـي اريدها جيبلي ياهة ! وخلي ابوسها هنا اذيتها ﭑنـي اذيتها ومد
راسة يريد يبوسني دفعته وكتلة بعصبية طيح الله حظك شوتعال احجي عدل اذيت منو تبوس منو كال
وهوة يمسح وجهة ريحانتي ريحانة باسل فتحت عيوني بصدمة وكلت ولك شسويت الها !كال وعيونة
حمر ومدري شيسوي حركات اذيتها بوية هيج ضربتها بلا تَعاّإاّإلّ خلي اضربك وشوف توجع لْـۆ لٱ مد ايدة
لزمتها وبالكوة لآزٍمٍ اعصابي مامطيح حضه سكران مايحس باجر خلي يكعد اذا ماالعب بيه طوبة وين
يروح مِڼـّي كتلة شسويت ولك صخم الله وجهك مد ايدة علئ وجها وكال وهوة يمسحه ويجر بالاحرف
دشوفه هوة مصخم من زمان بوية عوف كلشي هسة كلي تجيبلي ياهية لو لٱ ﭑنـي اريدها مااعوفها كلها
مااعوفها كتلة صوتك ابو حس العالي وشكو اجيبها الك ردت اسحب منه الكلام رمش وصفن ورجع كال جا
بوية غير احبها يلا امشينا نجيبها ﭑنـي احبها وجرني من ايدي وهرة بالكوة حامل روحه لزمته اسحل بية
وصلت للدرج اريد اخذه لغرفته لايشهرنا بنص الليل اخ شوكت يجي الصبح بوية اذا مااطيح حظك، صعدنا
الدرج صاح بويةةة وين ماخذننيي ترا همة من زمان خذوني كتله واني اصعد بي الدرج وين خذوك باوع
بوجهي وضحك وحتئ ضحكتهہ يجرها جر كال الشوك بوية الشوك اخذني عنودي مايقبل يهدني ضربته علئ
ركبته وكتلة طيح الله حظك اسكت امشي فتحت باب الغرفة دخلته وشمرته علئ الجرباية تنهدت بتعتب بوية
ثور موولد صخم الله وجهك بسيل شسويتلي من مصيبة ونوب باع السكررر شمسوي بيه ولا عبالك هذا الرزن العاقل بوية راح انجلط .
ريحانة
قاطعتها وكلت بهدوء وردة خصم الحجي ﭑنـي هاية الصور مادازتهم بس الج !
يتبع ...
- يتبع الفصل التالي اضغط على (يأس القلوب) اسم الرواية