رواية يأس القلوب الفصل الرابع عشر 14 - بقلم رودة
part 14
من يغفه البرد بالليل ،
و يطيح الدفو اعله الناس ،
خل عينك على الشباچ من تغفه ..
آنه كل الهوه البردان بالشرفه ...
آنه كل رجفة الحيطان و الغرفه ..
ريحانة
استغربت هذا منو يالله ماجاوبته مااهتميت ،وراسي يأذيني مادري شبية وبطني شوية تأذيني مستبردة
كمت بدلت ولبست قمصلة نفخ بردانة حيل وست سارة سجلت خط وية صديقاتها كملت لف الشال
والمكياج رشيت عطر واخذت الجنطة ونزلت شافتني ماما كالت هاا ماما تعالي تريكي كتلها لٱ يوم مااشتهي
وسمعت صوت سيارة باسل كتلهة واجاني باسل بوستها وطلعت مشيت وصعدت بالسيارة كلت بهدوء
صباح الخير رد علية وهوة يسوق صباح النور خليت جنطتي علئ الكشن وانتجيت وغمضت عيوني حسيته
وكف السيارة فتحت عيوني بهدوء قرب وجهة وكال شبيج ريحانة؟شي بداخلي رجف اول مرة يكولها بهل
حنية كتلة بدوخة مادري دايخة مد ايدة علئ خدي بحنية وكال مصخنة مستبردة مو هزيت راسي مسح
وجهة وكال ليش داومتي اذا مالج خلك كتلة عندي امتحان عملي مااكدر لازم اداوم لزم ايدي بحنية
شافني ارجف كال وبعيونه اشوف قلق ونضرات مَآعِرَفتّ افسرها شبيج ترجفين واني اصلا مادري ليش
ارجف كتلة واني مبرطمة وعيوني مدمعة مادري بردانة كال اجيبلج شي دافي تشربيه لْـۆ متشتهين
سكتت كال متريكة لْـۆ لٱ هزيت راسي بمعنئ لٱ قبض ايدة وكال شلون ماتتريكين يعني فهميني غير جسمج
يحتاج طاقة بعد شكد ويبدا دوامج كتلة نص ساعة كال زين خلي اخذج نتريك كتلة لٱ مااريد مااشتهي
كال وهوة يشغل بالسيارة ماكو متشتهين يسوق وكالساعة يباوع علية درت وجهي علئ الجامة
وابتسمت بقهر مادري حبيت اهتمامة اول مرة يعاملني هيج وصلنا وكف السيارة وكال يلا انزلي اخذت الجنطة
ونزلت وهوة نزل واجة باوع بوجهي لزم ايدي ومشينا شعوري بهذي اللحظة مااكدر اوصفه اول مرة هيج
جنت خايفة خاف حلم واصحئ منه دخلنا للمطعم كعدت وهوة كعد يمي ماكعد كبالي اجة النادل طلب
الاكل وسجل النادل يمه وراح المطعم جان شبه فارغ باوع علية صفنت عليه وكلت بهدوء ليش دتسوي
هيج؟ شنو تبريرك لأهتمامك المفاجاة ! مسح كصته وتنهد وكال مـادري ! كتلة وشفتي ترجف نكدر نكول
هذا اهتمامك مزيف هز راسة وكال بسرعة ابداً لاتفكرين هيج ريحانة عوفي كلشي وانسي كلشي
وخلي هالصباح يمر علئ خير بدون مايتعكر مزاجنا احنا الاثنين هزيت راسي سكتت اجة النادل جاب
الريوك كيمر وبيض وزيتون واجبان وهواية اكلات حتئ شهيتي انفتحت وجاي حار بدينا ناكل وكلما
اباوعله يبتسم الي واني ابتسم بخجل كملنا دفع الحساب ورحت غسلت وهوة غسل وطلعنا ركبنا
بالسيارة وكال هاا شلون صرتي هسة ?! كتلة بخجل احسن شكراً مقصرت كال وهوة يسوق ميحتاج
تشكرين هذا واجبي تقريباً خمس دقايق وصلنا للجامعة تاخرت علئ المحاظرة 10 دقايق اخذت
جنطتي دانزل بساع كال ديربالج علئ روحج هزيت راسي وكتلة بيباي وسديت الباب ودخلت للجامعة
ودكات كلبي يمة حسيته حيطلع من مكانه حتئ وجهي حسيته ورد والصراحة تمنيت لْـۆ باقية وياه
اكثر مادري ارتاحت نفسيتي حـيل اهتمامه المفاجئ عجبني ،دخلت للجامعة وتوجهت للقاعة الباب مسدود
دكيته علئ كيفي وكلت بهدوء استاذ ادخل ؟! باوع علية وكال تفضلي بس هذي اول واخر مرة تتاخرين
علئ المحاظرة كتلة نعم استاذ دخلت وكعدت يم وردة ابتسمت الي وسالتني شلوني ونحجي بهمس نوب
كالت بعدين نحجي لٱ يطردنا الاستاذ هزيت راسي واستمعنا للمحاظرة واسجل المهمات والملاحظات .
باسل
واكف ادخن وصافن شنو تفسير قلقي وخوفي المفاجئ عليها ؟ ليش هيج تبهذلت احوالي بس دريت بيها
مريضة ومالها خلك؟ زين هسة هية شلونها خاف يوجعخا شي اخابرها اسئل عليها استغفرالله يالله بلعت
ريكي وكلت احبها ?! لٱ مستحيل شسالفة ياحب يابطيخ اكيد شعور ؏ــادي باسل لاتفكر بالي ببالك
ميصير مسحت وجهي واستغفرت الله صار اسبوع حالي متبهذل من وراهة لٱ ليلي مثل العالم ولا نهاري
افكر بيها وارجع ليورا كمت اشغل بروحي اطلع الي كالساع شغلة بس علمود لٱ افكر بيها ،رجع الفضول
ياكل بية اكل زين هية ليش هيج شخصيتها دائماً كتومة وتخاف من ابسط الاشياء، ليش من اتقرب منها
تبقئ ترجف؟ وهواية تفاصيل،لازم اكعد وياهة واعرف كلشي عنها مااريدها تمر وتنعاد عليها احداث توجعها !
دقيقة بس ﭑنـي من شوكت اهتم الها واريد اعرف شنو اليي يزعجها علمود اساعدها بتخطيه ؟! شراح تعتبره
هذا التصرف ؟ ممكن تفهمني خطأ وعبالها اشفق عليها بس مستحيل ﭑنـي ماافكر هيج جريت المبايل ودكيت
علئ عمي عزيز شوية وجاوب سلمت عليه وكملت كتلة واني امسح كصتي عمي اليوم اريد من الجامعة
واخذ ريحانة نطلع شوي وهم اريد اخذ رأيها بالغرفة وشنو التغييرات الي تريدها سكت وكال زين عمي بس
كون قبل الساعة 8 هية بالبيت مااريدها تتاخر كتلة صار عمي صار وشوية وسديت الخط، اباوع الساعة
بـ12 ونص اوو راح اتاخر عليها اخذت المحفظة والسويج وطلعت من المركز ركبت بالسيارة شغلتها
وبديت اسوق نص ساعة ووصلت مالكيتها بباب الجامعة نزلت من السيارة ورحت للبوابة شوفت
للحارس هويتي ودخلت وصلت لحديقة الجامعة لكيتها كاعدة وتلعب بسحاب الجنطة ابتسمت علئ
شكلها طلعت المبايل من جيبي ودكيت عليها اباوع فتحت الجنطة وطلعت المبايل وجاوبت كالت الو كتلها
هاا وينج ?! كالت هاية جايتك كامت تقدمت الها واني احجي بالمبايل رفعت راسها شافتني ابتسمت بخجل
وسدت الخط عدلت المناضر واشرتلها بمعنئ يلا امشي اجتي تمشي صارت يمي بدون وعي لزمتها من ايدها
وامشي وهية وياية همست بصوت ناصي علئ كيفك سحلتني راح اوكع ابتسمت كملت مشي وصلنا للسيارة
صعدت وكتلها استاذنت من عمي علمود اخذج للبيت واشوف وين نطلع نغير جو كالت بأستغراب ﭑنـي
وانتَ ?! كتلها اي ليش عندج مانع بلعت ريكها وكالت لٱ كالت بس شعجب ?! كتلها واني اسوق هيج عجبني ابتسمت علئ شكلها كلت بداخلي شكلنا راح نبدي بداية حلوة من اليوم فزيت علئ صوت الاشعار
من مبايلي شلت المبايل واني اسوق رقم غريب ومكتوب هوة ياهوة يلبس اصفر
يطلع هيج حلو ?! زين دشوف هنا بالقميص الاحمر شنو طالعة بوياي بالعافية عليك شبعت بيها والباقي
الك خلص دوري رجفت ايد طاح المبايل وكفت السيارة بساع باوعت عليها خايفة ومستغربة شبية ?!
بية انتِ نزعت المناضر مصدوم ماردت اتهور كالت بخوف شبيك باسل رجعت اسوق بلعت ريكي وكلت
بهدوء كلمة وحدة مااسمع منج اسوق بسرعة الشفته ماجاي اصدكة مادري شلون سيطرت علئ السيارة
كالت شكو باسل شنو صار كلت بعصبية واني اضرب علئ الاستيرن اسكتي اسكتي كلمة وحدة مااسمع منج
وصلت للبيت طفيت السيارة وكلتها واني اسحب السويج انزلي وراي بسرعة ولا كلمة نزلت وهية بعدها
مانازلة خزرتهة وكلت بعصبية انززليي نزلت مشيت وهية تمشي وراية بخوف دخلت امي ماموجودة عد
بيت جدي كتلها واني اصعد الدرج الحكيني دخلت للغرفة وهية دخلت واباوع ترجف رجف كلبي من
شفتها هيج كتلها ادخلليي شكو واكفة بالباب دخلت وكالت بخوف شبيك والله خوفتني سحبتها من ايدها
وكلت واني اضغط علئ مخرج الحروف هسة تحجين الي كلشي كالت بخوف شنو احجي ؟! كتلها واني
اتقربت عليها بهدوء وكلت اي ليش تخافين وليش ردتي تبطلين من الجامعة وليش تمرضتي وراجعتي
دكتور نفسي ؟ والباقي تعرفينة ميحتاج احجي !كالت وهية تخلي جنطتها علئ الميز وليش احجيلك ?!
اشياء مالك حقك تعرف ماضي وراح ! كلامه زادني عصبية تقربت ولويت ايدها بعصبية وكلت احجييي
كالت بوجع وعيونها مدمعة مااحجي مااحجي طلعت المبايل وشوفتها المحادثة وكلت ونضراتي تحجي
وتكول جاوبيني اكتلي هذا الشك البداخلي لاتخيبين ضنوني طاحت دمعتها بصدمة وهزت راسها كتلها
بهدوء واني اكول بداخلي هسة تحجي ويطلع كلشي جذب وهية موهيج كلت باعي احجي الي كلشي بيج
وليش عانيتي واكتلي هذا الشك البداخلي واذا ماحجيتي فأنتِ الج علاقة بهذني الصور وتجمعج بيهم
علاقة قديمة ! بجت وخلت ايدها علئ كلبها كتلها احجييي لٱ تسكتين احجي لٱ تخافين مااسويلج شي
شهكت بخوف وكالت مااحجي مااحجي كتلها يعني هاية الصور وهذا الي رسلهم تعرفينة ماجاوبتني بس
تبجي رجف كلبي جريتها من ايدها وكتلها جاوبييي تعرفينة ماتحجي بس تبجي كتلها احجيلي مااسويلج
شي هزت راسها بحركة وحدة سطرتها راشدي طاحت بالكاع كتلـٍهآ بعصبية بيج خوفة من عنده منو فهميني
منووو سوة بيج هيج بس تبجي وماتجاوبني جان المفروض تحجي تخليني اطمئن ماكو نار وتسعر
بداخلي جريتها وضربتها راشدي ثاني وكلت احجيي وراشدي ورة راشدي وهية بس تبجي رفعت ايدي جاي
اضربها بعد راشدي وبحركة وحدة سحبتها لحضني وهمست بأذانها الـة ابجيج دم ﭑنـي تسوين بية هيج !
يتبع ....
- يتبع الفصل التالي اضغط على (يأس القلوب) اسم الرواية