رواية يأس القلوب الفصل الثالث عشر 13 - بقلم رودة
part 13
انه وحلفاني انكسرنا من اجيت
ومن شفت ما باچية عيونك بچيت .
ريحـانة
اريد اكوم مااكدر حسيت رجلية صار بيهم شلل ضليت اصلشهك واسند بنفسي علئ الحايط كمت اباوع السيارة
تحركت من الباب اخذوا محمد والكاع متروسة دم ضربت علئ خدي حيل وكلت يمة راح اخوية عزا
العزاني نزلت اركض واباوع ماما بالكاع ودك علئ رجليها والبنات كل وحدة ماخذة الها صفحة وتبجي
مااحس الا ماما فقدت الوعي تهسترت لزمتها اصحي بيها ماما اكعدي فدوة ودموعي تنزل عشرة عشرة
مريم صاحت اركضي جيبي عطر ركضت جبت العطر وشممنها وگعدت وبس تبجي واحنا نسكت بيها موزين
عليها وهية تردد يمة ابني اخذوني اله ولج جيبي عبايتي خلي اروح وراهم اشوف ابني شبكتها مريم
وتهدي بيها واني طلعت بالكراج احس روפــي فرفحت واختنكت بس اريد اجر النفس مااكدر كعدت بالحديقة
بالكاع ومكرفسة روפــي وابجي واجر نفس زين واردد يمة سودة علية بية ولا بيك حسيت علئ ايد حنينة
انمدت علئ كتفي رفعت راسي شفتهة سارة مادة الي كلاص مي والدوة مالتي بجيت بالزايد شوف احنا
بالضيم وشايلة همي هزيت راسي ببجي وكتلهة مااشرب مااريد كعدت كبالي وهية تمسح بدموعها
وتبتسم بوجهي ماتريدني انهار ويحيرون بية ﭑنـي الثانية كالت بحنان فدوة ريحانة اشربي لٱ تسوين
بروحج هيج ومحمد زين مابي شي هسة يجون ميصير نفاول عليه والله بطلي بجي موزين باوعتلها
ودموعي تنزل يعني هاهية اذا ماابجي وهسة ابتسم يرجع ومايصير بيه شي هوة ﭑنـي كلت هيج وهية
دمعتها طاحت دارت وجها بساع متريد تشوفني ياها مسحتها وكالت اي يرجع بس اسكتي وشوفي ماما
خطية هية حامل ومنا متحملت الصدمة لٱ يصير بيها شي وبابا بس يجي ويشوفنا هيج ينقهر ياعيني لازم
نصير قويات ومحمد يرجع والله محمد قوي وهم من يرجع نتلكاه بأبتسامة مونبجي بوجهة خطية مانزيد
الوجع عليه وانتِ كبيرة مومال اكعد افهم بيج لْـۆ تردين اخابر باسل يجي يفهمج بطريقتة الخاصة
مسحت دموعي وكتلهة بضحك نجبي سارة باستني وسحبتني كومتني وكالت امشينا ندخل وديربالج
تبجين هزيت راسي ودخلنا شفت ماما لازمة التليفون وتكول ببجي باع طالب لاتقشمر عليه وكول الصدك لٱ
هسة البس عباتي واجي والله سكتت ورجعت كالت ببجي يعني مابي شي الله عليك مدري شنو كال الها
وشوية وسدت الخط وكالت ببجي يمة سودة علية الطلقة مارة خطف بكتفه ونازف هواي وجرحه
موعميق الف الحمدالله ياربي من كالت هيج رأستاً شبكت سارة وهية شبكتني بفرح وكالت باعي موكتلج
يرجع ميعوفنا هزيت راسي وكوة لازمة دموعي كالت امي بساع حضرن فراشه بالاستقبال خلي يتمدد سودة
علية يمة اكيد مابي حيل وهسة جايين بالطريق ركضنا نحضر تقريبا ربع ساعة واندك الجرس طلعت
ركض بدون شال فتحته ودخل بابا ساند محمد مباشرتاً حضتنه وهوة ضحك بوجع وكال اخ علئ
كيفج ماتحملت بجيت وبابا كال استغفرالله ياربي ليش البجي يابوية هذا اخوج وكلشي مابي بوية عار
مايصيرله شي ضحكت ودموعي تنزل باسني براسي ووخرت منه واسمع حسين يكول تفضلوا عمي تفضلوا
ودخل عمي عزيز وباسل وعمي ابو وداد عزا العزاني ماكدرت حتئ اركض ادخل سلمت علئ عمي وبوسته
وسلمت علئ عمو عزيز وهمة يدخلون للاستقبال واني بالكراج بضفيرتي ولابسة تراكسود وشوية ضيق علية
هم دخلوا وباسل بقئ درت وجهي والأبتسامة علئ طرف شفتي ولا عبرته وخليت ودخلت للمطبخ شعبالك لعد اسلم عليك هم مثلاً والله يالله فتحت البوري غسلت وجهي ونشفته
ومريم تحضر بالجاي وحسين اجة اخذ مي رحت للصالة واشوف سارة واكفة يم باب الاستقبال تسمع
اجيت اعيط بيهة لزمتني وسكتتني كالت دوكفي خلي نسمع سمعت بابا يكول بعصبية ڵـڱ ﭑنـي مصطفئ
يوجه المسدس علئ ابني ويكلي الة احرك كلبك علئ ابنك وين يروح مِڼـّي بعد؟ دخلي يصبرلي اذا مااحرك
كلب امه وابوه عليه مااطلع طالب وامي حذرت الف مرة بس لهنا وبس صارن هواي هسة هوة بالمركز
بالسجن هالاسبوع ارفعه للمحكمة شنو ابن اخوي اخلي يسرح ويمرح ويكتل بالعالم ؟! القانون فوق الكل يعني
مثلا هوة ابن اخوية ومايتحاسب لٱ ابد القانون مايعرف قريب ولا واسطة حاله حال كل المجرمين و
يتسجل بقضيته قتل متعمد وها كل لاخوك لٱ يجيب شيوخه ولا يجيني اذا هوة ماعرف يربي ابنه ﭑنـي اربي
واسويه الة زلمة حوك وهاية مال ناهي علئ مريم ومادري شنو هالخرابيط خلي يولن لْـۆ يبقئ اخر واحد
بالدنيا ماازوج مريم اله ﭑنـي بنتي ازوجها لهل خنيث ابو كذيلة شنو بوية اربي واكبر واتعب وبالاخير اجرم
بيها وانطيها لهل خنيث ؟! وخلي واحد يجيب اسمها بالسالفة اكص السانه وحق محمد وتدرون بية افعالي
تشهد وسكت وشوية وهدأ الوضع ورجعت اصواتهم طبيعية ويضحكون واني وسارة مشتولين يم الباب ورة
شوية سمعنا اصواتهم يودعون عرفنا عمو عزيز وباسل راحوا وبابا يكلهم ماانسئ وكفتكم دومكم ينشد بيكم
الضهر وعمي عزيز يكله صدك جذب شهل حجي خوية احنا اهل مابينا هالرسميات وصلهم بابا لباب الكراج
طلع وياه وحسين فتح باب الاستقبال وماما دخلت سلمت علئ عمي وشبكت محمد وبجت وهوة يسكت
بيها ويكلها مابية شي يبعد حيلي ويبوس براسها وسارة ومريم يمهم كاعدات تقربت كعدت يم عمي
ضمني لحضنه وكال شلونج بوية كتلة الحمدالڵـهٍ زينة عمو انتَ شلونك مشتاقيلك صاير ماتجينة ابتسم وكال
الحمدالڵـهٍ بوية بعد تدرين شغل وتعب ماالحك اجيكم ان شاء الله تطلبوني جية كتلة بأبتسامة تنورنا هلا
بيك ورجعت كتلة عمو طلب كال كولي بعد عمج كتلة خلي انمار (اخو وداد) يجيب وداد النا نتونس وياهة
شوية وهم تغير جو كال شسالفة بوية قبل كم يوم جانت عدكم وبايتة زحمة كالساعة جايتكم دخل بابا
للاستقبال وكال منو هاية الزحمة وكالساعة جايتنة كتلة بابا يقصد علئ وداد بابا ڱڵـه وهوة يحذر باصبعه
ديربالك بعد تعيد هالحجي عمي ضحك وكتلة هااعمو تجيبها كال اي هسة اخلي انمار يجيبها ابتسمت وبسته
من خده ومحمد ولا عبالك متصوب الابتسامة شكت حلكة من سمع راح تجي غمزت اله ضحك وكال بوجع
اخ الله وبابا كعد يسولف وية عمي طبعا عمي اسمه غالب اصغر واحد بعمامي ومن زمان بيبي من جانت
تسولف تكول طالب روحه بغالب ولحد الان ماشاءالله علاقتهم كلش حلوة ومن يجمعون اصدقاء بابا بابا
يخابره ويجي وياهم لْـۆ مرات عمي وبابا يرحون للصيد وهواي سوالف هوة الوحيد من عمامي علاقتنا
بيه قوية عكس الباقيين بس بوقت المصلحة يجون ركض الة عمي غالب بالحلوة والمرة ويانة فديته والله
كمت داطلع من الاستقبال اروح البس جاكيت فوك ملابسي بردت صعدت للغرفة فتحت الكنتور طلعت
جاكيت حياكة لبسته ودك مبايلي رحت للميز وشلته شفت باسل يتصل ابتسمت وكلت واني ارمش لْـۆ
تموت مااجاوبك دك بعد دك كعدت وخليت رجل علئ رجل وهوة يدك مااجاوب اخر شي دك وجاوبت كلت
بـدلع ولو ﭑنـي مااعرف ادلع بس معلش الو هاا اعذرني الموبايل مويمي مسمعته سكت ماحجة ورجع كال
عوفج من المبايل ،شنو هذا لبسج اليوم وشلون تطلعين كدام عمج هيج؟! كتلة مبيه شي لبسي عود من
اجي يمك تحكم بية كلت هيج وعضيت شفتي بخجل خرب يومي شلون جفصت كال هاا من تجين يمي اي
موتدللين باعي هالمرة عدتيها وطلعتي بدون شال ولبسج ضيق المرة الجاية اكسر راسج تسمعيني لْـۆ لٱ
كتلة اي اسمعك وغلقت الخط وسويته وضع طيران ونزلت جوة وكلت بداخلي لعد عبالك بس انتَ
تضوجني بتصرفاتك ?! والله يالله ابتسمت من سمعت سارة تسلم علئ وداد وتكلها نورتي عيني وداد البيضة
ههههههههه خرب يومج سارة تقدمت سلمت عليها بوستني واشوف بعيونها قلق وخوف عليمن اكيد علئ
محمد دخلنا للاستقباب وهية خجلانة وعمي راح قبل شوية سلمت علئ محمد وكال الحمدالله علئ سلامتك
متشوف شر وهوة رد عليها بلهفة ويبين هوة متوجع الافندي هستوة جان مابي شي اخ الله يسلمج بت عمي
كعدت وداد وسارة جابت مي وعصير وضلينا نسولف وهية خجلانة ومحمد متمدد وحسين كاعد يمة وماما
وبابا راحوا للغرفة واحنا بقينا نسولف يم محمد نغيرله جو .
طالب
صافن علئ محمد تنهدت بوية لْـۆ صاير بيه شي جا متت وراه هذا الغالي هذا كبيري محمد ،باوعت علئ
جوري تبوس بيه وحارت شتسويلة اجتني مريم وكالت بقلق بابا ماما مقبلت تشرب دواها وسكتت كتلها
باستغراب كملي وشنو؟ كالت فقدت الوعي وشممناها عطر يالة كعدت كالت هيج واني احس راسي اجة يطك
راسي هزيت راسي وهية راحت كمت وكلت لجوري الحكيني للغرفة رحت للغرفة وهية دخلت وراية وسدت
الباب وكالت وهية ترجع خصلة من شعرها ورة اذنها بتعب هاا عيني تقدمت وكتلهة بتعب شربتي الدوة الي
كتبته الج الدكتورة لْـۆ لٱ سكتت وعضت شفتها بدون متدري وبهاية حركتها اخ لعبت بية طوبة بلعت ريكي
وكتلهة اي شربتي لْـۆ لٱ كالت هاا لٱ مشربت هسة اشرب كتلها واني مجتف ادية اي ليش ماشربتي لْـۆ هم
صرتي مثل الزعاطيط تردينه بطعم الفرولة لْـۆ التفاح كالت بزعل لٱ تحجي وياية هيج وبعدين ﭑنـي بالي يم
ابني يادوة ياهاي استغفرت •اللّـہ̣̥ وكتلها شلون بيج ﭑنـي فهميني شلون بيج ؟ كتلهة بعصبية ونوب
متخربطة والدكتورة اليوم شكالت اذا صار بيج شي ﭑنـي وين انطي وجهي هاا ؟! ولو انتِ الكلام وياج مابيه
فائدة خلي انام احسلي طفيي الضوة ماحجت ولٱ تحركت كتلهة مو احجيي وياج تقدمت بدون تفاهم
وحضنتني وبجت هية سويت هيج واني عبالك كلبي الرهيف فرفح بوية بدون تفاهم شبكتهة وانعل ابو
الزعل امسد علئ راسها وهية تبجي وتشهك وتكول خفت علئ محمد والله شصار بية ،روפــي فرفحت
عليه كتلهة واني اباوع بوجها واهمس بهدوء وهذا محمد الحمدالله جرحه خفيف ومابي شي علئ شنو
هالبجي بعد وتتعبين عيونج الحلوات ماجاوبتني بس ضمت راسها بصدري هية حركاتها تسويهن بدون قصد
بس ﭑنـي اخ تشعلني شعل بيهم بستها براسها ونزلت علئ خديداتها الترفات بستهن وخذاني الواهس
وعضيت خدها الثاني كمزت بوجع وكال شبيك طالب صدك تحجي شبكتها وكتلها بوية شايفتلج بيده شي
حلو وجاي ياكله؟! هاي ﭑنـي هيج بيدي انتِ وجاي اكلج ابتسمت بخجل وكالت دوخر وبطل هاي سوالفك
استحي والله وبعدين اريد اروح يم ابني وخر مِڼـّي كتلها بمكر واني العب بخصل شعرها وشنو يعني ابني
متصوب ومقهور عليه ومهدود حيلي اعوف جوريتي تدرين بية كلبي رهيف ماينطيني يمر يوم ومااغازلج
تعودت ابتسمت بخجل ورجعت كتلها وبعدين اشو اليوم كلة تكوليلي طالب وين طلوبي راح اشتاقيت
اسمعها ضحكت وكالت طلوبي عمري كتلهة اخخ بوية روحة لطالب شسويتي بية جورييي شسويتي وشبكتها حيل وكلت احبنج بوية احبنج .
محمد
الساعة بـ1 ونص اكلب بالمبايل شفتها متصلة دزيت الها رسالة وكتبت كاعدة ?! شافت الرسالة وكالت اي
كتبت عطشان ؏ــادي تجيبين الي مي حسين صعد يبدل وبعد مااجة كالت تمام غلقت المبايل ولاعطشان
ولا هاي بس مشتاقل اشوفها شوية وانفتح الباب ودخلت هية جايبة مي قدمته الة سحبت الكلاس
وايدي لامست ايدها جسمها قشعر شربت مي وانطيتها تقربت وعيونها مدمعة وكالت بقلق متأذي محمد
يوجعك شي ﭑنـي خفت عليك ابتسمت بوجع واني اسحب ايدها وابوسها بحنية هاا يروح محمد مابية
شي وداعتج ابتسمت ومسحت دموعها وكالت خفت عليك كلش تمنيت بية ولابيك همست اششش لٱ
تحجين اسم الله عليج ياكلبي انمدت ايدي تلمست شعرها وجان الشال علئ راسها بس مملفوف عدل
طاح الشال وبين شعرها اخ بوية بسواد الليل همست مابقئ شي واني اضفره الج وهاا تغطيني بيه باليل
ابتسمت بخجل وهية تخلي الشال علئ راسها وكالت بهمس تحبني محمد ؟ كتلها احبج شنو؟ كولي اموت
بيج كولي ميت بيج شتكولين كولي بس الي اعرفه انو ﭑنـي وياج تخطيت مرحلة الحب صرت هايم بيج كلت
هيج وهية خجلت وجها صار احمر ابتسمت علئ شكلها وكامت بساع وكالت ﭑنـي حروح كتلها الله وياج
حبيبتي كالت تـصبح علئ خير كتلهة بأبتسامة وانتِ من اهلي طلعت بساع وابتسمت اخ يابة بشوفتها كل شي يهون وعلي .
بعد مرور 3 ايام
ريحانة
كعدت الصبح غسلت وبدلت ونزلت جوة ماما تحضر بالريوك ومريم كاعدة يم محمد بالاستقبال دخلت
بوسته وكتلة صباح الخير عمري شلونك اليوم ?! كال بأبتسامة هلا ياروح اخوج الحمدالله زين وصاح يمة
كافي تنكلين علية بالاكل رحمة لمحمد ونوب هذا اليانسون خنكني بعد لٱ تسويلي اجتت ماما للاستقبال
وتحاجي وتهدد بالجمجة تشرب وغصباً ماعليك غير ينظف صدرك ويفتح الرئة شمالك يمة كلهة بأستغراب
ﭑنـي متصوب بكتفي شجب الرئة بالنص كلتلة اسكت اسكت انتَ ماتعرف تشرب وتسكت ضحك وهز راسة
وماما كالت لحسين بتحذير باع حسين بعد من ادزك للسوك تجيبلي مسواك زين موجايبة مدري شلونه وكله
ذبلان هوة الحمدالله والشكر بس يايمة مايصير جاوبها حسين تدللين يمة المرة الجاية اجيبة الج نفس سارة
تازة ضحكت وسارة جاوبته وهية تكول قل اعوذ برب الفلق لٱ تحسدني يمعود تف تف باوع عليها بتك عين
وكال دكومي جيبيلي مي سارة تازة كامت طلعت من الاستقبال وكالت لْـۆ تطك راسك بالحايط مااجيب عناد
بيك وصعدت فوك تركض وصعد وراهة يبووو عركهم مايخلص ابد كعدنا نتريك ومكان بابا خالي طالع من
الصبح للدوام واليوم مايرجع خفر حتئ مااشتهيت اكل بدونه السفرة موحلوة كملنا ريوك وغسلنا الاماعين
وبدينا ننضف بالبيت وامي كالت يمة انتِ ليش ماتسمعين الكلمة باردة ثلج ولابستلي هالدشداشة
القصيرة ولج يمة لٱ تتمرضين روפــي البسي شي فوكاهة كتلهة واني امسح بالكاع لٱ يوم اصلاً محترة
وها هسة بس اكمل مسح واروح البس والله جنت لابسة دشداشة قصيرة لون اصفر وبيهﭑ تور ابيض
محليها وشعري رافعتهہ ذيل حصان ومطلعة خصل ومخلية تنت لخدودي وشفايفي معرسة مدري شعدني
هههههه لابس ﭑنـي دائماً احب اعتني بروحي اندك باب الكراج وحسين اخذ محمد للمستشفئ يبدله الضماد
وعلاوي راح للاسواق يشتري طلعت اركض بالكراج وكلت من ورة الباب منوو؟ اجاني صوت عمتي ام
باسل ﭑنـي يمة ابتسمت وفتحت الباب دخلت واباوع باسل وراهة جمدت بمكاني عزا العزاني هوة شافني
فتح عيونه بصدمه سلمت علئ عمتي ومدري شلون سيطرت علئ نفسي وامي طلعت لابسة الشال
ومبتسمة استقبلتهم وكالت لباسل ادخل يمة ليش واكف كلهة بأبتسامة لٱ عمة عندي شغل غير مرة امر
بس جبت الوالدة رادت تتحمد بالسلامة امي اخذت عمتي ودخلت جاي ادخل وماحسيته الة دخل وسد
الباب وكال بعصبية شلون تطلعين بالكراج هيج !باوعت لروحي دشداشتي فوك الركبة ومالابسة شال
بلعت ريكي وكتلة مادري نـًسّْيـت وطلعت ركض اباوعله ضل يتلفت ماشاف احد جرني من ايدي ودخل
للحديقة وحصرني علئ الحايط ضليت ارجف كتلة
شبيك باسل عوفني والله مادري وطلعت صار كلش
قريب علية رفع ايده لزمني من حنكي وكال بعصبية وعروقه بارزة صارن هواية ريحانة ! تسدين الخط
بوجهي ؟ تتجاهليني ؟ تطلعين بهذا لبسج تركضين وتفتحين باب الكراج بلا طلع واحد غيري غريب شلون
تفتحينة شلون ! باوعت بعيونه وخايفة ارتفعت دكات كلبي حسيتها بكل مكان بجسمي انخفض تنفسي
سرحت بعيونة هوة وين يحجي واني وين ! سكت ونضراته توجهت علية بلع ريكة وكال احجي وياج
وتقرب علية ولزمني من خصري وضل كارصني حيل واني حسيت علئ روפــي وضليت اتلوة وكتلة وخرر
لتلزمني كال بعصبية وهوة يضغط علئ كلامه وحق الله ياريحانة اذا بعد انعادت هاية تصرفاتج العب بيج
ﭑنـي تجاهليني؟ كتلة واني اوخر ايده واحجي بهمس يم وجهة موبس اجاهلك واجيب وياي اشخاص
يجاهلونك همين فتح عيونه بصدمة ورفع ايدة لزمني من شعري وجره قرب وجهي يم وجهة وكال بحدة
راسج اكسره اذا عدتيها بعد وشد بضغطته علئ شعري كتلة واني احاول مااخلي دموعي ينزلن عوف شعري
كطعته كال بنظرة حادة لعد المرة الجاية اوزني كلامج ونوب احجي وياية لٱ تضلين تجفصين عاف شعري
ورجع خصلتي ورة اذني ومد ايدة مسح دمعتي وتقرب باسني بخدي وكال خوش يحلوة بعد لٱ تلعبين
وياية ترا اندمج وغمز وطلع من الحديقة فتح باب الكراج وراح واني واكفة بمكاني مصدومة من تصرفاته
الله يهديه حيرني ساعة يضرب ساعة يبوس عابتله اي والله اخ راسي طركاعة طاحت عليك يباسل اندمك
والله اندمك بس اصبرلي دخلت للمطبخ غسلت وجهي وسمعت صوت سارة وراي كالت تطشر العرض يطالب
شجنتوا تسون بالحديقة ولج خزرتها وكلت انجبي اصلاً راح مسوينا شي بس حجة وياي كالت وهية
تعوج بحلكهة مدري شلون اي خطية بس حجيتوا هوة لْـۆ عايفينكم بعد شوي جان خلفتوا بس الله ستر
فتحت عيوني بصدمة من كلامها وكتلها عزا العزاج سارة شهل حجي ضربتها علئ راسها وكلت ونبي اذا
بعد حجيتي هيج اكل لماما كالت لٱ بربج لاتكوليلها وعلي اشاقة هذاك اليوم مريم الادبسز كلتلها علية لين
جفصت بكم كلمة ولزمتني كتلتني بحذاء بابا ليهسة ضهري يوجعني كتلها لعد نجبي وسكتي كالت باعي
احترمي نفسج ولا تغلطين موتشوفيني ساكتة ترا اذا احجي طالب ميسكتني كتلهة اي خطية هوة انتِ بس
تسمعين صوته تسكتين من بحدج كالت بضحك للأسف هذا واقع حال ضحكت وكتلهة واني ارمش
بيباس ﭑنـي رايحة اكعد يم عمتي هزت ايدها وضحكت واني رحت للصالة كعدت يم عمة وماما كالت
عمة وهية تحجي وية ماما اي والله سودة علية حمودي وردة ميستاهل الحمدالله جرحه خفيف
جاوبتها امي اي الحمدالله وضلن يسولفن وبعدين عمتي كالت لامي دادة ادري الوكت مومناسب بس بعد
خاف متصحلي فرصة اجي لين تدرين بية انشغل لْـۆ ميكدرون يجيبوني عدهم دوام هاية فلوس النيشان
وخلي ريحانة تبدأ تحظر علئ راحتها ولا تتقيد وان شاء الله اذا مكفن منقصر عيونا الكم هية تحجي واني حسيت روפــي
صرت حمرة من الخجل مادري شعور حلو ويخوف من تحظرين لزواجج من شخص مطايقج ولا طايقته
وثنينكم تصرفاتكم متناقضة ووو وهواية شغلات ممطابقة صحيت علئ واقعي وجاوبتها لٱ عمة والله
اصلاً هواية متقصرون ابتسمت وكالت يبعد عمتج يمة هنيالي علئ هيج جنة جابعد شاريد امي ضحكت واني
ابتسمت بخجل وضلن يسولفن واني مستمعة الهم .
باسل
ركبت بالسيارة ومسحت كصتي احتريت فتحت دكمة القميص وانتجيت علئ الكشن شسوت بية؟ شبيك
باسل؟ اصحئ علئ نفسك كاليوم تكول ابتعد واكرها تلكة نفسك بايسها لْـۆ مدري شمسوي !شهل تصرفات
يامحمد شكلها بالاصفر ماجاي يروح من بالي زين شلون طلعت هيج !واذا لمحها وشافها واحد غير اذا
واحد غيري تمعن بشعرها بتفاصيلها بعيونها شفايفها !شلون شلون ماهية الا دقائق ولكيت روحي سارح
بتفاصيلها بشفايفها الوردية بعيونها اخ بوية عيونها بشعرها بكلشي بيها، نسيت كلامها وتصرفاتها وكرهها
الية وكعدت افكر بيها اول مرة يصير بية هيج شكد بنات محاجياتني لْـۆ يراسلن وارد عليهم ومرات اغلس
بس ماحاس بهيج شعور ابداً صار كلشي بيها يعجبني من شوكت هيج واني البارحة معاركها ولاعب بيها
طوبة ?! وجنت افكر اذيها واكرهها بية شوهسة تغير الحجي ،لكيت روפــي يوم عن يوم جاي اسرح بيها
ازيد تذكرت قبل كم يوم من خابرتها وردت وصوتها الناعم بنبرة ماعرفت افسرها شلون لعب بية لعب
وخلاني 4 الصبح فاتح الصورة الخـطوبة الي امي رسلتها الية واباوع بيها بشكلها بالصورة مبين بكتفها
الايمن عدها شامة واضحة حيل تلالي اخ يابة صحيت علئ دكة المبايل ابوي يدك مسحت وجهي وكلت
اصحئ باسل شبيك سحبت كلكنس مسحت وجهي وعدلت قميصي وجاوبت ابوي وكتله اي يابة مسافة
طريق وجايك مااتاخر وغلقت الخط وبديت اسوق وصلت للمركز وطلع ابوي صعد كتله الله يساعدك يابة
كال هلا بوية وبديت اسوق علمود اوصله للبيت سيارته عند المصلح وصلنا للبيت وصعدت للغرفة
دخلت سبحت وطلعت كبل تمددت تعبان اليوم من اجيت من الدوام مانمت وهم وراي اروح اجيب امي غمضت عيوني وكبل نمت من التعب .
ريحانة
بعد ماراحت عمتي اجة عمو عزيز اخذها صعدت وتمددت علئ الجرباية ولازمة المبايل واباوع بحساب باسل علئ الانستغرام اكلب بمتابعينه بس بنات ضجت
شكو هلكد متابعاته ونوب اكلب بالصور ومعلقات وهاية تكلة فديت وهاية تكول ربي ارزقني هيج واحد
وهاي تكول مونقيب كيك ضجت وعصبت شكو هيج يكتبن شفته منزل ستوري صورته وكاتب :
يصر رأسي على الاحتفاظ بك مثل كلمة عتابٍ أخيرة
كلت بقهر اكيد يحب وحدة ومايكدر ينساهة وتورط بية اهووو طفيت المبايل وشمرته هسة ﭑنـي شكو
ضجت خلي يحب ويتونس شعلية بي وسكتت ورجعت كلت لٱ شنو يحب شنو يتونس واني وين
رحت انتبهت علئ روפــي شحجيت ﭑنـي ?!ليش ﭑنـي شنو بالنسبة اله؟! مجرد وحدة لٱ يحبها ولا هاي باقي
ينرفز بيها ويقهرها وبس هاية ﭑنـي بالنسبة اله وكل تصرفاته جاي تثبت الي هذا الشي اخخ يالله خليت
راسي علئ المخدة وكلت بحيرة بس ﭑنـي مااريد ابقئ هيج ! اريد مكانتي تتغير بس من سابع المستحيلات ريحانة بطلي هالتفكيرات الي ببالج ميصير .....
طالب
صارت الساعة 6 الصبح واني من البارحة الساعة 5 الصبح بالدوام خلصت كل شغلي وصعدت بالسيارة
وبديت اسوق راجع للبيت كلبي طك علئ شوفتهم وكلبي طك عليها جوريتي النوم راح من عيوني تعودت
اشبكها وانام ،وصلت للبيت طلعت المفتاح الاحتياطي فتحت باب الكراج ودخلت طفيت السيارة ونزلت
فتحت باب المطبخ دخلت علئ كيفي وسديت الباب مارحت لغرفتي صعدت علئ الدرج وفتحت غرفة مريم
شفتها نايمة تقربت بستها من راسها ومسدت علئ شعرها تحركت ماردت اخرب عليها نومتها كمت
وطلعت من الغرفة وسديت الباب ودخلت لغرفة سارة بستها براسها وعدلت الغطة عبالك جاي تعارك مونايمة
وبعدين رحت لريحانة ابوها بستها وعدلت الغطة وضليت امسد علئ شعرها فزت نومها خفيف كالت
بنعاس بابا ابتسمت هاياروح ابوج ابتسمت وشبكتني وكالت اشتاقيتلك بست ايدها غمضت عيونها
ومددتهت وضليت امسد علئ شعرها ونامت بستها وطلعت من الغرفة ورحت شفت الولد هم نايمين هاي
كل مرة هيج اسوي اول مااجي من الدوام لازم اطمئن عليهم واحد واحد نزلت وفتحت باب غرفتي دخلت
وشفتها نايمة علئ مخدتي ابتسمت بستها واخذت شورت وكيمونة من الكنتور ودخلت سبحت وطلعت
مشطت شعري وكبل تمددت يمها وضميتها لحضني حيل وبستها بخدودها وهية نايمة ضليت اتمعن بشكلها
وامسد علئ شعرها علئ كيفي فزت بأستغراب باوعت بوجهي صفنت ورمشت كالت طالب ابتسمت وكلت
روحه شمرت روحها بحضني وشبكتني حييل عبالك جاي اطير منها كالت اشتاقيتلك والله كلت الها واني
اشم بشعرها موبكدي يولي موبكدي مويوم عبالك سنة وشوية وغفينا وهية نايمة بحضني .
ريحانة
فزيت الصبح علئ صوت المنبه عندي دوام سحبت المبايل طفيت المنبه ضليت اكلب بالمبايل شفت جايتني رسالة من رقم غريب ومكتوب صباح الخير يحلوة ....
مرحبا عمري ♥
رأيكم يهمني ومن هذا البارت تحديداً راح تبدأ الاحداث الجديدة والقوية، لاتنسون تنطوني رأيكم ،وتابعوني
علمود يوصلكم كل شي جديد واكتبولي توقعاتكم او رأيكم بعلاقة ريحانة وباسل وتصرفاتهم المتناقضة
ومشاعر باسل وتوقعات ريحانة المعاكسة لمشاعر باسل تجاهها .
- يتبع الفصل التالي اضغط على (يأس القلوب) اسم الرواية