رواية يأس القلوب الفصل الثاني عشر 12 - بقلم رودة
part 12
جاسنه الليل وأجيتو ببالنه ،
ولعبت صوركم لعب بأحوالنه ،
مريم
تمالكت اعصابي بالكوة لٱ مريم لٱ تخربين الآۆلْ والتالي نفس كل مرة هاية عندج اخر فرصة اذا تصرفتي خطأ
احمد يروح من ايدج انتبهت علئ روפــي ارجف والمبايل وكع من ايدي تقدمت كعدت علئ الجرباية
وكلت اي اكيد هذا مصطفئ مراقبني !ابد ولا يتوب والله هالمرة ابد مااسكت واصير غبية نفس كل مرة
اروح اكل لبابا واخلي يلعب بيك طوبة وحتئ اكله علئ احمد لين يريد يتقدم الي واني مامسوية وياه شي
غلط بلعت ريكي وجريت نفس مستحيل اضيع هالفرصة نفس كل مرة بعدني حتئ بملابس الدوام
اخذت المبايل ونزلت شافتني سارة كالت باستغراب هاا شو بعدج ممبدلة كتلهة بقلق اي هسة ابدل بس
وين بابا ?! كالت متمدد بالغرفة عفته ورحت وهية مستغربة من وضعي دكيت باب الغرفة ودخلت شافني
بابا عاف المبايل ونزع المناضر وكال بابتسامة هلا بابا مريومة كتلة بابتسامة بس القلق مبين علية هلا بيك
بابا بوسته وكعدت يمة وبس ارجف خايفة من شنو مادري عدل كعدته وكال شكو شبيج ?! قدمتي
ماجستير خلصت الشغلة هزيت راسي كال لعد شكو ?! كتلة واني اطكطك باصابعي بابا انتَ موكلت بعد لٱ
تضمن علية وكلشي يصير تكلللي رفع حاجبه وكال بتركيز اي كملي كتلة واني الزم ايدة واحجي بخوف
شوف بابا والله ﭑنـي ممسوية شي ومستعدة احلفلك كال شبيج بابا شصاير كتلة اكو شسمة استاذ بالجامعة
كال وهوة يباوعلي بتك عين اي ؟ كتلة يحبني ويريد يتقدملي كال بسرعة شنو يحبج كتلة هاا لٱ اقصد
يحب اخلاقي يمة متتت بماكاني مَآعِرَفتّ شنو احجي بلعت ريكي وكتلة واليوم كلي يريد يتقدم الي مسح
كصته وكال هلا بي خلي يتقدم ونشوفه بلعت ريكي وكتلة بس شسمة اكو مشكلة استغفرالله وكال شنو
كتلة بابا اليوم هوة ﭑنـي كاعدة علئ المصطبة وهوة كاعد كبالي وهسة اول مرجعت للبيت راسلني رقم
غريب ويهدد بية وماخذ النا صور اباوع بابا عيونة صارت حمر من العصبية كال بلا شوفيني الرقم طلعت
الرقم طلعت الرقم وشاف الصورة والرسائل اباوع عيونن صارن حمر دم واعصابه برزت كلت راح يطكني
جلاق اخذ الرقم سجله يمة وخابر مدري منو كلة ساعة واريد عنوان هذا الرقم وصاحب الرقم وسد
الخط كال هاهية بابا لٱ تشيلين هم وخلي الولد يتقدم بس بابا مريم انتِ كبيرة وتفتهمين وتدرين بية مااحب
استعمل اسلوب الضرب عيب تكعدين يمه بمكان فارغ ومبي اي اشخاص ﭑنـي هسة اكدر اكوم اكسر راسج
وغيري يلعب جولة ويعتبره عار بس ﭑنـي لٱ ﭑنـي انسان فاهم واعرف ومااريد اضلم احد هالمرة صارت
يامريم المرة الجاية ماريدها لين تدرين بية مااقبل بالخطأ عيوني دمعت وهزيت راسي اي بابا واسفة هز
راسه وباسني وكمت طلعت من الغرفة وصعدت لغرفتي مادري لٱ ارادياً بجيت حسيت روפــي خنت
ثقة اهلي صحيح ﭑنـي ممسوية شي بس مادري هذا الشعور يكتلني ورجعت ابتسمت علئ تفكير بابا وشلون
اسلوبه حلو وتعامله وصحيح اي واحد غيره يلعب طوبة بس ﭑنـي ممسوية شي غلط ! .
طالب
كاعد ومنتظر الاتصال يجيني شوية ودك الضابط الي وصيته رديت عليه وانطاني المعلومات سديت الخط
وكلت بتوعد اخ يامصطفئ اذا مااتوبتك ماطلع طالب الضاهر الطلقة الي برجلك ماتوبتك، انفتح الباب
ودخلت جوريتي تتمخطر ابتسمت علئ منضرها عبالك تمشي علئ كلبي مو علئ الكاَ؏َ اخ يابة شكد احبها
وصلت يمي وكالت هاا شبيك طلوبي ضحكت كتلهة راحت الهيبة يمعودة اسكتي لٱ يسمعونج تصيحيلي
طلوبي بربج شكبرني وشكدني تكليلي طلوبي كالت وهية تمشي ايدها علئ وجهي طلوبي وحبيبي و
؏ــادي خلي يسمعون غير حبيبي وادلعك ضحكت علئ كلامهة وكتلهة الضاهر ناوية تصعدين السكر عندي
يحلوتهن ورجعت خصلة شعرها ورة اذنها وباوعت لوجها اصفر معاجبني كتلهَـﭑ واني لآزٍمٍ وجها بين ادية
مامطمئن احس بيج شي وجهج معاجبني كالت وهية تشبكني مادري تعبانة مدري شي خفت عليها وقلقت
شبيج يابعد المايرمشن من يشوفنج كالت مادري والله احس نفسيتي تعبانة ومااشتهي حتئ كلبي يأذيني
باوعت علئ الساعة بـ 3 العصر كتلهة حضري روحج بـ4 ونص اخذج للدكتورة مستحيل اعوفج كالت لٱ
عليمن اروح شوية واصير زينة كتلهة لٱ لٱ ماكو شوية وتصيرين زينة اخذج يعني اخذج هزت راسها وضميتها
لصدري حيييل وشميتها اخ يابـة شكد احبنها شكد ! .
ريحانة
اليوم ماداومت مالي خلك واكفة داتمشئ بالحديقة ودك مبايلي اباوع عمتي ام باسل تتصل ابتسمت بتعب
وجاوبتها الو هاا عمة سلمت عليها وسلمت وكالت يمة ماتجين تتغدين يمنا اليوم ضايجة وعمج وباسل ولا
يكعدون بالبيت وهم راح يجن العمات وبناتهم واريد اعرفج عليهم بعد صرنا اهل احنا اجيت اكلها مااكدر
اعذريني بس انقهرت كلت عاد اروح يمها شوية اونسها ولو مالي خلك اتعرف بس عيب ارفض كتلهة بانحراج
هاا عمة تدللين اجيج بس منو يجيبني كالت هسة باسل يجي ياخذج كتلهة خوش عمة اشوف بابا وارد
الج خبر كالت بفرح براحتج يبعد عمتج شوية وغلقت الخط ورحت لبابا جان كاعد بالاستقبال وماما تكصص
فاكهة وياكلون تقربت بوستهة وكتلهة بابا خابرتني عمة ام باسل وتكول هيج وهيج سكت ورجع كال بابا
تحسين روحج زينة تكدرين ترحين لْـۆ تعبانة كتلة لٱ ؏ــادي صرت احسن وهم شوية اغير جو هز واسة
وكال تمام بابا روפــي بس منو ياخذج ؟! بلعت ريكي وكتلة باسل هز راسة واني طلعت اففف هسة ماكو غير
باسل ياخذني والڵـهٍ مطايقته ومااريد اشوفه ربي صبرني دزيت رسالة لعمتي انو راح اجي كالت باسل فد
نص ساعة ويجيج كتلها تمام عمة غلقت المبايل و صعدت لغرفتي واجتي سارة تنسق وياية بالملابس
كالت بسرعة ريحانة عليج الله البسي القميص الاحمر والبنطرون الاسود ونبي تطلعين تموتين بيهن ونخلي
مورد لخدودج اخخخ راح بيها استاذ باسل خزرتها وكتلهة انجبي ادبسز لاتحجين هيج لٱ اكول لماما كالت
وهية تسوي حركاتهة الطفولية وتكول ببرائة بداعتي البسي ضحكت وكتلهة عابت سارة ليش تحرجيني
هاهية حلبسه كالت بفرح يس هوة غير ﭑنـي اريد تضغطين بناته يحظي وتلبسين هيج الوان لين تموت
عليج بساع امشي البسي كتلهة خلي اسبح وامشط شعري بالاول كالت خوش ادخلي واني راح احظر الج لٱ
تخسريني اليوم صايرة خوش بنية شتكولون الي اسوي ضحكت وكتلهة واني ارفع ايدي وادعي يارب
دوم تبقئ هيج ضحكت واني دخلت للحمام سبحت وكملت وطلعت مشطت شعري ونزلت لماما سوتلي
ضفيرة حفر وصعدت لبست البنطرون والقميص وسارة تصوفر ومريم تطك اصبع ﭑنـي احلف اخواتي
موصاحيات ابد وكفت امكيج وطوخت بالحمرة يااخي احبها موبيدي ولبست اكسسوارات ورشيت عطر وسارة
تاخذلي صور ومريم تضحك صعدت امي شافتني ابتسمت وضمتني لحضنها كالت ماما اذا تحسين روحج
تعبانة لٱ ترحين كتلهة واني ابوسها واطمنها لٱ يوم والله صرت احسن ولو تعبانة مااروح هزت راسها وكالت
يمة فدوة تخبل بنيتي سارة كلتلهة عاد عبرينا احنا كاعدات هنا يمها لْـۆ بس ريحانتج ضحكت وكالت يمة
كلكم غالين علية غير روפــي من الدنيا انتم وكامت سارة تبوس بيها خلتها تتندم علئ الساعة الكالت بيها
تحبنا ههههههه كملت لفيت الشيلة احبها اكثر من الشال وجهي مدور فتلوك علية كلش كملت واجة علاوي
اخوي كال باسل واكف بالباب يم بابا ينتظرج ارتبكت ومدري شصار بية بحيث اجيت ابدل واكعد واسكت
بس صرت قوية ونزلت بوست ماما واخواتي وطلعت شفته واكف وية بابا يسولف شافني بلع ريكة ورمش
انتبه علئ روحه وسلم عليه وسلمت وصعدت بالسيارة وبابا ابتسم الي واني هم وباسل ودع بابا وصعد وبدة
يسوق كال بهدوء شلون صرتي؟ كتلة الحمدالله هز راسة ورجع كال البارحة ليش مطلعتي اشوفج ! كتلة
بعدم اهتمام جنت نايمة وتعبانة كال وهوة ينرفزني جـذابة كـاعدة غمضت عيوني بهدوء ورجعت كتلة
بـاسل ترا واصلة لحد هنا ومحمد انفجر وبعد محد يسكتني لٱ تنرفزني ترا بعد مااتحمل زين ! كال صوتج
نصـي ولا ترفعينة بوجهـي هزيت راسي بأستهزاء ودرت علئ الجامة لٱ ﭑنـي طايقته ولا هوة طايقني
وصلنا نزل وكال مناوية تنزلين لْـۆ تردين اشيلج حضرة الاميرة كتلة واني اخذ جنطتي لٱ شكراً الله
لايعوزني الك نزلت ومشينا سوة واني لابسة كعب كال وهوة يباوعلي بتك عين لْـۆ تموتين ماتصيرين طويلة
هاي عود لابسة كعب وهالكدوتج نرفزني هسة شيريد مِڼـّي مجاوبته دخلنا للبيت تلكتني عمتي بوستني
وبوستها يالله شكد احبها دخلتني للاستقبال واشوف 6 بنات و3 نسوان سلمت عليهم وعرفت هذني عماته
وبنات عماته عماته استقبلني بالسلام الحار ويرحبن بية واني حسيت حموت من الخجل قدمولي مي
وعصير شربت شوية وعفته وكاعدة يم عمتي ونسولف حبيت سوالفهم العمات كلش محبوبات
كاعدين نسولف وبعدين تغدينا واكفة بالمطبخ داشرب مي ودخل عمي عزيز شافني كال بصدمة يابة هلا هاية
منو عدنا اليوم ابتسمت بخجل سلمت علي باسني براسه وكال نورتي بيتج عمي كتلة منور بأهله
ابتسم وكال شلونج عمي شخبارج الاهل شلونهم كتلة الحمدالله نسئل عليك كال الحمدالله جاي يطلع ورجع
وكال وهوة يضحك عمي من تشوفين ابوج كليلة يكول عمي عزيز شلونك طلوبي ضحكت واستغربت
بنفس الوقت كتلة صار عمو ضحكت شنو طلوبي راحت الهيبة يبابا هههههه رجعت للاستقبال كعدت يم
البنات نسولف وباسل صار ساعتين ومشفته اختفئ اكيد طلع كالت بت عمته حسيتها باردة وياية شعجب
باسل مااجة كعد يمج اشو ماكو غير خطيبته ويكعد يمج تسولفون تضحكون كتلهة ببرود اي حبيبتي
خطيبته وشنو يعني يكابلني ويكعد معنده شغل ويعني ميحتاج يكابلني لين احنا 24 ساعة نحجي وهم
كالساعة يجي يشوفني ويوصلني للدوام وفزيت من حسيت احد كعد يمي وحاوطني بايده اباوع باسل
وابتسامة جانبية علئ وجهة كلت بكلبي عزا العزاج ريحانة بس لٱ سمعج سلم علئ البنات وهية من شافته
كعد يمي محاوطني مدري شصار بيها كتلة بهمس واني مبتسمة وضاغطة علئ اسناني وخر ايدك من يمي
ضغط علئ خصري وكال بهمس ليش خطيبتي شبيج احنا مو 24 ساعة نحجي وكالساعة شايفج وهاا
نسيتي تنامين علئ صوتي واوصلج للدوام هوة يحجي واني حسيت معت بمكاني من الفشلة والخجل
لْـۆ ميتة و لٱ هذا الموقف عززا كتلة اشاقة وياهة كال امم مبين رجع يسولف ومن يحجي وياية كلة حبيبتي
وعمري وكلبي وعماته مبتسمات عرفته يريد يبين انو العلاقة طبيعية لازم ايدي وضاغك عليها ويحجي نوب
التهن يسولفن رجع نفسهہ ليوره وهمس وهوة لازم ايدي بحنية وحاصرني يمة بعد اذا لبستي هذا القميص
وحق محمد اشكه عليج وتدرين بية اسويها سويت روפــي ممهتمة وكتلة ليش شبيه محلو علية ! هز ايدة
وكال بحسرة ياريته موحلو خليني ساكت كتلة وﭑنـي مبتسمة باسل عوفني وكوم ترا بالكوة طايقتك شبك ايده بايدي وكال وهوة يبادلني الابتسامة مومحبتاً بيج كاعد يمج بس مااكدر اعوفج كاعدة بحدج واخليهن
يحجن ويألفن بحدهن وتنقهرين ومدري شيصير بيج فردت ابين الوضع طبيعي صدكي ﭑنـي هم ماطايقج
وانتِ ماصدكتي كعدتي يمي حتئ دلعة القميص نزلتيه وغمزلي باسني براسي وكال وهوة يطلع يمة ديربالج
عليها ﭑنـي طالع ضحكوا كلهم وامة كالت بعيوني يمة واني متتت بمكاني جنت نازعة الشيلة والضفيرة نازلة
ودلعة القميص طالعة عزااا العزاني اجيت ابجي عيوني غوركت وعلي شلون ماانتبهت شهل مواقف يالله نوب
رجعت ابتسمت وكلت شنو يعني ميريد يقهرني ﭑنـي اهمه ?! يعني يهمه حزني هههه لْـۆ يهمه مايقهرني
كاليومية اكيد يمثل كمت اجيب مبايلي عفته بغرفة عمتي لين بيهة نزعت الشال وعفت الجنطة اول
مدخلت داطلع المبايل من الجنطة كبل انسد باب الغرفة درت وجهي اباوع باسل واكف منتجي علئ
الباب ومجتف اديه بلعت ريكي بخوف ونزلت راسي ادور بالجنطة وكتلة شكو؟ حسيته بدة يتقرب خفت
مدري شصار بية مااحس الة شبكني من ورة جمدت من الصدمة ! مجاي افهمه شهل تصرفات المتناقضة !
درت وجهي عليه وهوة صافن كتلة بخوف وخر من يمي شكو حسيته راح بغير عالم وبدون وعي جرني
وباسني من شفايفي ضليت ارجف وادفع بيه مااكدر دفعته حيل ونزلت دمعتي وكتلة شبيك انتَ مواكلك
وخر من يمي لا تتقرب الي !لْـۆ تريد تنرفزني وتموتني من القهر تقرب وسد حلكي وكال اشش علئ كيفج
ماادري وخر ايدة وكتلة شنو ماتدري شكو تتقرب الي ! مجاي افهمك ساعة عصبي ساعة حنين ساعة
تكرهني بالدنيا ساعة تكرهني بروحي شنو انتَ بس فهمني شرايد مِڼـّي كال بعصبية لٱ تخبصيني واذا بستج
مثلا انكلبت الدنيا ويعني لاعبالج اريد اتقرب منج وهاي مجرد ماحبيت اخليها بنفسي كتلة وضليت
ارجف من العصبية مااسمحلك وهاية اخر واول مرة تسوي هيج رجاءاً ابتعد عني واحجي ومشتعلة بمكاني
وهوة يرد بكل برود واكف ومجتف اديه ويباوعلي بجيت وكعدت علئ الجرباية ومغطية وجهي باثنين
ادية وابجي تعبت والله تعبت كل ضني راح يعتذر ويصبرني بس !نفس كل مرة انخذلت من سمعته طبك
الباب وطلع كمت وقبضت ايدي بعصبية وكلت موتدلل استاذ باسل وحق •اللّـہ̣̥ من اليوم اذا ماندمتك وخليتك
انتَ تجيني مااطلع ريحانة واذا ماحاسبتك علئ كل دمعة طاحت من عيني اصبرلي تستهين بية مو اي مو تدلل انتَ الجبتها لنفسك !
باسل
بدون وعي اباوع الها وهية تحجي حسيت رححت بعالم ثاني شكلها سحرني مدري شصار بية مشاعر
متراكمة علئ حافة الانفجار ،كلمات مااكدر احجيها غصباً عني جاي اتصرف هيج رغم كل عصبيتي
وكلامي وافعالي المتناقضة شي بداخلي ينجذب الها ! شعور ماعرفت افسره بدون وعي جريتها وبستها
بشفافها ماتمنيت اعوفها وفزيت وهية تدفعني عضيت شفتي بقهر خرب يومج خربتي علية اللحظة ومنفعلة
وتحجي بعصبية خفت يصير بيها شي جريتها وسكتتها وضلت تحجي ولعبت جولة واني بالكوة
مسيطر علئ روפــي مااريد انفعل واصير عصبي عليها وخاف يصير بيها شي وتنقهر ضلت تبجي وكعدت علئ
الجرباية تمنيت اروح اكعد اكبالها واحضنها واعتذر الها بس مستحيل !شي بداخلي يرفض هذا التصرف وشي
ثاني يحفزني علمود اروح الها بس هيهات بلمح البصر عفتها وطلعت بس دموعها تحركني شبيه ﭑنـي شصار
بية ! ماجاي اعرف نفسي شنو هذي التصرفات
المتناقضة يالله تذكرت كلامها ساعة عصبي ساعة
حنين ساعة اكرها بالدنيا ساعة اكرها بنفسها لهل درجة ﭑنـي معذبها ! واجة كلامها كدام عيوني من كالت
وخر من يمي لٱ تتقرب الي كلامها يمنعني بكل خطوة اريد اخطيها استغفرت الله وخر هالكلام من بالي وطلعت وين رايح مادري .
مريم
كاعدة بغرفتي اصبغ اضافري ودك مبايلي ابتسمت احمد يتصل جاوبته بخجل الو كال هلا بهل صوت
وصاحبة الصوت ابتسمت وعضيت شفتي بخجل تنهد وكال شلونج يابعد روפــي وروح روפــي كتلة احمد لٱ
تحجي هيج فدوة والله يروح كل الكلام مااعرف شحجي ضحك وكال اويلي يابة موتدللين كتلة واني
احاول اغير الموضوع ﭑنـي زينة انتَ شلونك كال الصراحة غير كتلة اي اكيد كال اليوم ﭑنـي من شفتج
صرت بخير وعلي كتلة بحنية دومك يابعد روפــي تنهد وكال احبج ريامي وعلي احبج وخاصتاً من رديتي
خبر انو ابوج كايل هلا بيهم حسيت بهل لحظة الناس كلها حزينة وبس ﭑنـي الفرحان دمعت عيوني من كلامه
وكتلة بهدوء ان شاءالله ايامك الجاية كلهة فرح وسعادة كال اكيد كلها فرح چا غير انتِ بيها ! كتلة
بخجل احمدد ضحك وكال عيونة وضلينا نسولف شوية وكال مابقئ شي هانت وتصيرين الي ونتحاسب
علئ السنين العفتيني بيها واخخ اطلع كل قهري بيج كتلة بخوف شنو احمد هاية بعدنا بالبداية وتريد
تكتلني ضحك بصوت عالي وكال اخ يابة شكد فاهية اعاقبج بطريقتي الخاصة بعد بيتي كتلة ﭑنـي موفاهية
كال تؤ احلئ فاهية شفتها بحياتي ضحكت وهوة ضحك وضلينا نسولف شوية وغلقت الخط والفرحة الي ﭑنـي بيها ماتنوصف ابد .
طالب
اسوق وهية كاعدة بالصدر وصافنة علئ الجامة وصلنا للدكتورة طفيت وكتلهة يلا بعد بيتي وصلنا نزلت
وهية نزلت امشي وهية وياي دخلنا حجزنا ورة شوية هية صاحوا اسمها واني كاعد ومتوتر خايف ! اي
خايف لٱ بيها شي لٱ سامح الله انتهي وراها وعلي شوية واجت الممرضة كالت تفضل كملنا الفحوصات
كمت دخلت وهية جانت كاعدة كعدت وكتلها اي دكتورة بشري ابتسمت وكال اول شي الف مبروك
زوجتك حامل بطفل حلو مثلها هية كالت هية ومادري شصار بية وجوري تباوعلي ومدمعة مصدومة كتلهة
متاكدة دكتورة كالت اي ڼـعم متاكدة صليت علئ محمد كتلها اي دكتورة كملي كالت بس مع الاسف
الطفل يسبب الها خطورة يعني ممكن بعد الولادة لْـۆ تدخل بغيبوبة او سكتت تفقد حياتها هي تحجي
وحسيت كلبي يتكطع عليها وصار وذرة وذرة رجعت كالت يراد الها عناية خاصة وانتظام باوقات تناول
الدواء وهم متتعب ولاتشتغل هواية واهم شي لٱ تنقهر وتضوج علمود متتاثر حالتها النفسية وتسوءحالتها وها
ان شاءالله اذا طبقتوا كل الكلام الكلته الكم راح تجاوز كل الخطورة وتكون بافضل حال هية والطفل يعني اذا
تطبق كل شي وتشوفونها زينة فأنسوا كل الخطورة، هزيت راسي وتشكرت منها وطلعنا ماحجينا اي كلمة
صعدت بالسيارة واسوق واجت ببالي كل الافكار السلبية مجرد انو سمعت اخسر جوريتي سودت الدنيا
بعيني ﭑنـي بدونها مااسوة وصلنا للبيت كتلها الحكيني للغرفة دخلنا دخلت وسديت الباب كعدت علئ الجرباية
واني كعدت كدامهة ولزمت ايدها وكتلهة واني احجي واباوع بعيونها جوريتي كبل بجت ضميتها لحضني
حيل وكال وهية تشهك متريد طفل مِڼـّي متريد طفل يربطني بيك استغفرت الله وكتلهة وهذولي الـ6 العندج
شنو فاصليني عنج لْـۆ رابطيني بركبتج ياعيني اسمعيني وعلي فرحت من دريت حامل وشنو طفل
منج بوية يسوة الدنيا ومابيها بس اخاف عليج حجيتها واني اباوع بعينها تنهدت بتعب وكتلها اخاف
هذا الطفل الفرحج هسة يكون سبب بفراكج عني بعد كم يوم ! ﭑنـي بدونج مااسوة وعلي، صار فوك 30سنة
احبج ومتعلق بيج فوك ماتتخيلين. بهاية السنين حبج كبر بكلبي ومافديوم قل شايفة هالكلب ينبض بأسمج وكلما
اشوفج احس انكتبلي عمر جديد ﭑنـي طالب الكلها تهابني ومشيهم علئ الصراط المستقيم يمج تتبهذل
احوالي ماجاي اتخيل اشوفج تتعذبين كدامي وحياتج بخطر ابتسمت وكالت بهدوء وهية تمشي ايدها علئ
عيوني طلوبي ابتسمت بتعب روحه من الدنيا كالت والله لٱ تخاف علية واعتني بروحي واسوي كلشي
كالته الدكتورة والله ومادام انتَ يمي والله اكون بخير، وها ترا ﭑنـي هم مااكدر اعيش بدونك ابد اذا مااكابلك
كل يومية وادلعك وتغازلني ماارتاح ضحكت ورجعت كالت وها ان شاءالله ميصير بية شي والكاتبة الله
يصير ابتسمت الها وكلت ان شاءالله وبستها من راسها وشميتها حيييل احبنها بوية احبنها كالت بس تدري
خاف فشلة حامل شنو كالساعة احبل ضحكت وكتلهة دبطلي هالحجي يمعودة وبستها بخدها وكلت هوة
ياهوة تصير حامل هيج تنكرط وحلوة وكرصتها وهية كمزت وضحكت وكالت خلي نطلع نكول الهم ترا هسة
تلكاهم مسطرين بالباب لين من شافونا كبل دخلنا استغربوا طلعنا من الغرفة وجانوا بالاستقبال كاعدين
محمد متمدد ويباوع بالمبايل وحسين يشاقي بعلاوي وسارة ومريم يتعاركن بدت جوريتي تحجي ومن دروا
حامل الابتسامة شكت الحلك وحسين باوعلي وغمز وكال كفو بوية كفو عضيتلة شفتي بتوعد وكتلة
اسكت سرسري منا اخواتك ضحك ومحمد يكول ماشاءالله نسل طالب مستمر وضلينا نضحك وفرحانين
وبمجرد مااشوفهم ملتمين وفرحانين افرح حييل ناقصنا ريحانتي فزيت علئ المبايل يدك اباوع ريحانة
ابتسمت وجاوبتها الو هاا باباتي جاوبتني هلا بابا ؏ــادي تجيني لين خاف باسل يتاخر واريد ارجع
علمود اقرأ عندي امتحان كتلهة جايج بابا جايج سديت الخط وكمت اخذت السويج وطلعت ركبت
بالسيارة تقريبا ربع ساعة ووصلت لكيت عزيز واكف بالباب يخابر شافني ابتسم ولوح بيدة غلق الخط واني
نزلت تقدم سلم علية وكال هلا بابو محمد ولو اليوم الصبح مكابلك وكاعد بس ؏ــادي ضحكت وكتلة هلا
بيك يلا صيحولي بنتي وين اخذتوها كال بضحك روح يمعودة صارت بتنا بعد ريحانة ابتسمت علئ كلامه
وكتلة اي ماباركتلي كال باستغراب شنو عرست واني مادري كتلة تفكيرك كلة يم العرس يمعودة غير المرة
حامل جددت النسل ضحك بصوت عالي تحاضنا وكال وهوة يطبطب علئ ضهري مبروك خوية تستاهل وعلي
كبرت بعيني وراح تطلع منها لين كالساعة تكبر ضحكت وكتلة غالي عزيز غالي ضلينة نسولف شوية
وطلعت ريحانتي بستها وصعدنا بالسيارة ودعت عزيز ورحت هالعزيز عزيز علية بغلاة الروح، بالطريق كلت
لريحانة وفرحت متحمسة شوكت نوصل للبيت تريد تشوف امها بس حسيتها مو علئ بعضها واني ابوها واحساسي ابد مايخيب دومه بمحله .
ريحانة
اول مدخلت للبيت حضنت ماما حيل وباركت الها كلش فرحت بس شوية قلقت من دريت السالفة بيها خطورة
بس بعد عفناها علئ •اللّـہ̣̥ وان شاء الله نعتني بيها وتطلع بخير وسلامة ونوب كعدت سولفت لماما وسارة
ومريم علئ الصار هناك بس مطرقت لموضوعنا ﭑنـي وباسل يعني وكتلهم شلون العمات والبنات لطيفات
ونوب من جاي اصعد شفت بابا واكف علئ المغسلة يغسل تذكرت كلام عمو عزيز كتلة بابا كال هاا بابا
وهوة ينشف اديه كتلة عمو عزيز كال كولي لابوج عمو عزيز يسلم عليك ويكول شلونك طلوبي اباوع ابوي
ضحك حيل وصوته رج البيت رجع ابتسمت علئ ضحكته شكد احبها هز راسه وكال حيال ﭑنـي اله واني
خليت وصعدت لغرفتي علمود ابدل وصلت رسالة لمبايلي باوعت من باسل كاتب شلون تخابرين علئ
ابوج يجي ياخذج واني اجيت للبيت علمود اوصلج شنو ششايفتني طرطور كدامج رديت عليه لٱ حشاك
وغلقت المبايل وتقصدت اطفي الشبكة لين ادري بي يتنرفز وعلمود كل مايدز مااشوف الرسائل الة احركك
حرك ، سمعت صوت هوسة بالباب ركضت للشباك اباوع مصطفئ لازم بيده سلاح ويهدد واسمعه يكول
مريم الي مدري شنو وصوت صريخ جوة وشفت محمد طلع يركض ووراه حسين وبيده السلاح وبابا قبلهم طالع توجه لزم مصطفئ شاله وركعه بالكاع وانهد عليه
وعمامي اجو يركضون مااحس الة مصطفئ رفع سلاحه وجهة علئ محمد وبحركة وحدة طك محمد
طلقة طاح محمد وانهد حيلي وطحت بالكاع .
- يتبع الفصل التالي اضغط على (يأس القلوب) اسم الرواية