رواية يأس القلوب الفصل الحادي عشر 11 - بقلم رودة
part 11
الجوع كالت يخسئ الجوع يحلوة كومي نامل بالكافتريا ابتسمت الها وكمنا طلبنا چـاي وتوست
بالجبن وكعدنـا ناكل كالت اي سولفيلي علئ الخطوبة ضلـيت اسولف الها الاحداث الي صـارت سألتني كالت
بـاسل شلونه يعني جان فرحان لْـۆ حزين لْـۆ شنو من سألتني عيوني غوركن عفت اللفة وسولفت الها شسوة
ضلت ساكتة ماحجت شي وسولفت الها هلايام كلهة شيكلي وتصرفاته شلون ممقبولة واحجي واحس
داخلي ينزف الم بس الله يعلم بحالي رجعت كالت والله يتغير بمرور الايام وانتِ بايدج راح تغيرينة وكل
هاية تصرفاته المتناقضة راح تتغير كتلهة يمعودة ﭑنـي ميهمني ولا احبه ولا هاي بس هية قسمة وصارت
شسوي بعد ! وشنو مثلا ميتة عليه ﭑنـي كالت وهية تشرب چـاي وتباوعلي بتـك عين يجـي يوم وتـسحبين
هذا كلامج وكولي وردة مكـالت بلعت ريكي وكتلهة كومي يمعودة تأخرنا علئ المحاظرة كمنا ورحنا للقـاعة
وشـوية وبدأت المحـاظرة ، بـس اكو طـالب ويـانة مااعرف شـبيه صـراحة نـضراته مدري شلونهـا ،وكالساعة يباوع لايدي للحلقة استغربت هذا
شماله خلصت المحاظرة وطلعنا للحديقة ﭑنـي ووردة ونمشي وفجاة قطع الطريق علينا وكال السلام عليكم
بنـات ردينا علي السلام كـال وهوة رافع حاجبة مبروك علئ الخطوبة ريحـانة استغربت منين يدري كتلة بقلق
الله يبارك بيـج تنهد وكال حرامات جانت نفسي بيج لين انتِ صراحة متتعوضين ومـشئ وجهي صار اصفر
من الصدمة ووردة كالت باستغراب تعرفينة ?! كتلهة لٱ والقران ولا اعرفه اول مرة اشوفه وانتبهت عليه
بالقاعة يباوع علية عفية لٱ يسويلي مشـكلة كالت لٱ يمعودة فارغ بس حجي يريد يخوفج كتلهة وردة منين
طلعلي هذا نوب يكول نفسة بية لٱ يسويلي مشاكل ويبهذلني سحبتني وكالت اهدئي يمعودة ميسوي شي
والله موكتلج فارغ بس حجي سكتت بس كلبي صل يوجعني خاف ﭑنـي عايزة جابتلي مي شربت وشوية
هدأت ونسيت السالفة كلت مبين بس حجي ميسوي شي راد يخوفنـي .
بـاسل
كاعدة بالمكتب اشتغل واشرب چـاي واجتي ببالي اليوم شطالعة لازم اشوف الها حل مال تطلع هيج
مايعجبني ﭑنـي، اليوم ابد ولا باوعت بوجهي حقها عمي اذا قبل ايام بالخطوبة ماقصرت ضحكت
باستهزاء والله يالله عبالها اتلكاها بالاحضان وابوس بيها ماتدري بية كارهة هاا مسحت وجهي وكلت هاا اي
كارهها فزيت علئ ضـربة علئ كتافي كمزت شفته سـامر صديقي مسحت مكان الضربة وكتلة بعصبية
طاحظك كم مرة كتلك بطل شقاك الماصخ ضحك وكال وهوة يشرب مي مشتاقلك ولك ليش ماعزمتني
علئ خطوبتك هزيت ايدي وكتلة لٱ والله صدك تحجي منو بالمشـية خلصها يهز ولاعبالك ضابط جايبلي
رقاصة وجاي ﭑنـي ضحك وكال يمعود فرحان اڵـڱ غير وبعدين تدري انتَ بطل وعلي كتلة واني رافع حاجبي
اي ادري ميحتاج تذكرني كال هاية مال انتَ بطل خلصانين منهة بس اقصد من ناحية شغلة كتلة
بأستغراب ياشغلة جر كرسي وكعد كبالي وكال والله بطل وخطبت بت العقيد طالب بوية لْـۆ تبقئ بس هية
هم مااخطبها لين اذا ازعلها لْـۆ اعيط بوجها يجيني طالب ويعيد تربيتي هزيت ايدي وكتلة تكوم من يمي
كل سوالفك مابيهن خير ولو انتَ لْـۆ بيك خير چاسموك خير الله بس مابيك خير سحب جكارة من
عندي وكال وهوة يتمدد ارجع اخذ صفنات احسن الك ﭑنـي ماافيدك خليني سارح بالخيال ضحكت عليه
ورجعت اكمل شغلي سامر صديقي من الكلية العسكرية احنا سوة طلعاتنا طباتنا واحد كشكولي
وطيب ومحبوب بوكت الجد جد وبوكت التفاهة يصير اكبر تافه سوالفه تخلي المايضحك يضحك سامر بعد ههههههههه .
ريحـانة
خـلصت المحـاظرات طلعت ودعت وردة ورحت للكراج شفته مجاي طلعت مبايلي بلعت ريكي وكلت ادك عليه
لو لٱ ابقئ منتظرته لٱ لٱ خلي ادك علمود يستعجل دكيت شوية وجاوب رديت الو وكلت بهدوء ﭑنـي طلعت
شوكت تجي ?! رد هـاي ربع ساعة واوصل ادخلي انتظريني بالجامعة لٱ تطلعين برة تنهدت وكتلة اوك
وسديته باوعت اباوع لباب الجامعة افففف هسة ﭑنـي شيرجعني لداخل الجامعة خلي اوكف هنا انتظره قابل
شيصير وعاندت وبقيت واكفة بباب الجامعة تقريبا ربع ساعة لْـۆ 10 دقايق وكفت السيارة ونزل منهة نزع
النضارات باوعلي وعيونه حمر وعاجق حواجبه بلعت ريكي وسويت روפــي ممهتمة اشرلي بمعنئ اصعدي
تمشيت وصعدت بالصدر وسديت الباب صعد شمر المناضر مسح وجهة وكال وهوة يسحب نفس ﭑنـي وين
كتلج اوكفي ؟! كلبت عيوني وكتلة بالجامعة صاح عدلي عيونج واحجي واني موكتلج ادخلي شكو باقية
واكفة بالباب والرايح والجاي يباوع عليج وانتِ مامقصرة بلبسج انتِ ليش ماتسمعين الكلمة لْـۆ تعاندين
يحجي وعصبي واعصابه بارزة بلعت ريكي وكتلة ترا ﭑنـي تعبانة من الدوام وطلعت للكراج عبالي موجود
ومالكيتك ومابية حيل ارجع ادخل رجلية يوجعني مااحس الة مد ايدة وكرصني كرصة من زري كبل
صحت اخ وبجيت كال بحدة لٱ عبالج هاية سوالفج تمشي علية ومحمد اكسر راسج اذا بعد عدتيها فاهمة
لو لٱ كتلة واني اشهك اي والله بعد مااعيدها ومااعاند سكت ومسح علئ كصته وكال وهوة عاجق وجهة
وهسة انتِ شبيج تبجين كتلة واني امسح مكان الكرصة كرصتك توجع عبالك جلابتين مو اصابع انتَ
شبيك كالساعة مبجيني هاا يعني ترتاح من تشوفني ابجي والله هسة نرجع واكول لبابا عليك اصبرلي
ضحك بأستهزاء وكال شتكليلة باسل كرصني من زري وخلاني ابجي كتلة واني امسح دموعي لٱ والله اكله
بس يبجي بية وبابا مايقبل احد يبجيني رجع يسوق وكال بعدم اهتمام كلة منج رضيتي بية لذا ارضي
باليصير وياج رجع يسوق وشكد جنا كارهتهة هسة كرهته اكثر ماصدكت وصلني نزلت وطبكت الباب كل
قوتي طلعتي حركتي بي ودخلت ركض للبيت دخلت صادفتني ﭑمي بالمطبخ بوستني وكالت شبيه يمة
وجهج احمر كتلهة هايمة مو اليوم شمس وحارة هزت راسها بس عرفتها مااقتنعت صعدت لغرفتي سبحت
وبدلت ورحت توضيت وصليت وبعدين نزلت لكيت بابا جاي بسته ووباسني براسي وكال هلا بريحانتي
صاحتنا امي علئ الغدة كعدنا ناكل وماما كاعدة يمة بابا واحد يبتسم للثاني ابتسمت علئ منضرهم ورجعت
اكل وغصة وحسرة بداخلي كبيرة من ورة مواقفي وية باسل كلهم يكسرون الكلب وهوة تعامله وياي يقهر
والله مامتعودة احد هيج يحاسبني ويصيح بوجهي اكل وعيوني انملت دموع فززني صوت بابا وهوة
يكول متاكلين بابا اشو بس تنقشين بالاكل، كمت وكتلة واني اضغط علئ روפــي واحاول مااخلي
دموعي يطيحن لٱ بابا ﭑنـي شبعانة اكلت وية صديقتي دايمة ان شاء الله ومشيت للمطبخ غسلت وصعدت
لغرفتي بساع دخلت وسديت الباب تمددت علئ الجرباية وتغطيت وكالعادة دموعي نزلت بصمت مرات
احس ﭑنـي اذا متت فد يوم فأموت من ورة القهر ....تذكرت كلام الدكتور بابا ريحانة لٱ تقهرين
روحج موزين عليج ولا تكتمين حافظي علئ صحتج، كمت كدام المراية رفعت البدي اباوع جسمي طلعت بي
اثار بجيت وخليت ايدي علئ حلكي، اي اثار التعب الجسدي رجعت تطلع بية حسرة علية انقهر لْـۆ
اتعب ،ترجع تملي جسمي ملي،بـهاية اللحظة والدقيقة بالتحديد تذكرت كلامه بيوم الخطبة شلون كسرني
والخطبة تقريبا قبل 8 ايام هيج وهوة يوديني ويجيبني وكاليومية غاثني لدرجة 24 ساعة مزاجي
متعكر من وراه احسه يريد يكرهني بيه يريد يخليني اكرهة اذكر قبل كم يوم كلي ﭑنـي مادري شلون اقتنعت
بوحدة مثلج ؟ ومرة كلي يعني ﭑنـي اضل كاليومية اشوف وجهج ؟ وكلي وكلي كومة حسيته ديعذبني
كلبي ضل ينغزني حـيل وحسيت اعصابي تلفت شلون الاستهترت نزلت البدي وركضت للجرارة اريد اطلع
المهدء مال اعصاب مالتي مالكتيه سديت الجرار حيل وكلبت الغرفة كلاب ادور عليه ماكو يالله وين راح
نفسي انكطع وحسيت كلبي راح يطلع من مكانه فتحت باب الغرفة ونزلت ساندة روحي علئ المحجر
دخلت للمطبخ بساع اركع بالكاونتر اريد الكه الدوة ماكو اجت سارة علئ صوت التركع كالت شكو ؟ كتلهة
واني ابجي وبالكوة اسحب نفس المهدء مالتي وين منو ماخذة من الجرارة كلت هيج وهية راحت تركض
مدري وين فتحت الثلاجة طشرت الادوية دخل بابا للمطبخ يركض كتلهة وعيوني حمر واشهك وعاصرة
راسي بي ادية بابا راح اموت راح اموت وينة الدوة مالتييي وينة ركض بابا شبكني وكلهة التمت واني
عاصرة روפــي بحضن بابا شلون عبالك لكيت الامان واشهك ومريم صاحت هذا بابا صاح كلاص ميي طلع
3 كبسولات مختلفة وانطاني وشربت مي وشالني وتوجه بية للاستقبال واني داحسة روפــي بحضنه
واشهك ومدري شحجي ضليت اهلوس وهوة يكلي اي يابعد ابوج اي مددني علئ القنفة وخلة مخدة عالية
انتجيت عليها ولزم ايدي وضليت اسحب نفس شوية شوية لحد مارجع التنفس عندي طبيعي بس حسيت
كلبي من كد مايدك سريع راح يطلع من مكانه شوية شوية بديت اهدأ حسيت الدوة شلون خدر اعصابي
يحجون يمي مااسمعهم بس ارمش وفاتحة عيوني علئ كيف مااعرف شنو جاي يحجون كل الي اعرفه انو ﭑنـي خلاص انهاريت .
بـاسل
سحبت نفس من جكارتي وابتسمت اي هلايام خوش جاي اسوي بيها ! احب اشوفها هيج تتعذب كدامي
وتنقهر سحبت نفس ثاني ولو انتِ متستاهلين احد يسوي بيج هيج بس تحملي هذا ﭑنـي ! دكيت عليها
كلت خلي انرفزها والعب باعصابها شوية، ماجاوبت رجعت دكيت هم ماكو كل ضني تعاند ومتفتح اخر
شي سديت الخط واجتني رسالة من عدها مكتوب اهلا باسل ﭑنـي سارة اخت ريحانة ،ريحانة شوية
مريضة وفقدت الوعي متگدر تحجي وياك ان شاءالله من تصير شوية احسن تتصل بيك هية كالت هيج واني
كمزت من الجرباية كبل كتبت شبيها ?! كالت هاا موهية شوية تتعب نفسيتها من اقل كلمة وتتاثر فتنهار وشوية دتصير عدها ضغوطات بالدراسة
كالت هيج مااعرف شصار بية بس بلحظة وحدة اقتنعت واستوعبت انو ﭑنـي السبب بكل هذا الي جاي
يصير بيها ! ﭑنـي شلون نـًسّْيـت هية مريضة ومااتتحمل !شلون نسيت باسل شلوون وانتَ لعبت
بيها طوبة بلحظة وحدة نـًسّْيـت كل شي كل الكلام الجارح الكلتة الها كل التخطيطات ﭑنـي شلون هيج
كدرت أذي هالمخلوقة البريئة والحنينة ?! شلون انطاني كلبي اسوي بيهة هيج ?! زين ليش مافكرت
بيهة وكلت تتاذة ميصير اسوي هيج ليش معقولة لهل درجة ﭑنـي صاير انسان حقود لٱ ابالي ! كمت جريت
قمصلة التراكسود لبستها عدلت شعري ورشيت عطر ،واخذت المحفظة والمبايل ونزلت طلعت للكراج
شغلت السيارة وطلعت كبل لبيت عمي عزيز !شأخذني
شوداني مادري وصلت الهم وكفت السيارة بالباب
ونزلت دكيت الباب شوية وطلع عمي طالب شافني سلم علية ودخلني جوة قدمولي المي والعصير كتلة
واني احاول اصير طبيعي شلون صارت ?! مسح وجهة وكال لٱ الحمدالله احسن صحت بوية ﭑنـي ادري
مايصير ادخل بس كلي طمني انتم متعاركين صاير شي ?! بلعت ريكي وكتلة لٱ ماصاير شي بيناتنا هز
راسة وضلينا نسولف وشوية وطلع عمي علمود يصيحها رجع دخل وكال بوية ريحانة نامت هسة راح
يكعدونها الك بلعت ريكي وكتلة لٱ لٱ عمي عوفها نايمة خليها ترتاح عود بعدين امر عليها واشوفها كال هلا
بيك بكل وقت سولفت شوية وية الولد وشوية واترخصت وطلعت اسوق بالسيارة ودكيت حيل علئ
الستيرن وكلت شكو اجيت احسن هيج ?! هية مونايمة لٱ بس كارهتني ومارايدة تشوفني شكو اخذت
دور الحنين ورحتلها ?! صوجي ﭑنـي وطبها مرض شيصير بيها خلي يصير ﭑنـي شعلي بيها شكو ركضت
الها اصحئ باسل هاية ريحانة وانتَ ماتحبها ولا راح تحبها ولا تهتم الها ونارها تاكل حطبها هم عوزها اركض
وراها تنهدت ومسحت وجهي وكلت اسم الله عليها شني طبها مرض صحيح مااهتم الها بس مولهل درجة
خرب شهل تناقض يامحمد نزلت من السيارة ودخلت للبيت وعقلي ماجاي يصفئ .
ريحانة
نايمة بحضن ماما وتمسد علئ شعري وكلت لامي كولي لبابا نايمة ماردت اطلع اله ولٱ ردت اشوف وجهة
اصلاً،شوية هدأت واعصابي ارتاحت وخطية اهلي خافوا علية بس موبيدي والله موبيدي شسوي يعني
شسوي غمضت عيوني وبلعت ريكي وافكر شعجب اجة ويريد يشوفني واصلاً منو ڱڵـه. ﭑنـي مريضة ?! ابتسمت بقهر بس اكيد اجة علمود يغثني
ويتلف اعصابي بكلامه الي يسم البدن، همزين ماطلعت اله لين ماطايقته وم̷ـــِْن باجر احاجي محمد يشوفلي خط مستحيل ابقئ وياه غفيت بعد ماالتفكير اكلني اكل .
طـالب
واكف بالحديقة وكالعادة ادخن اذب حركتي بالجكاير وحسيت ادين التفن علية من ورة وحاوطني ابتسمت
وذبيت الجكارة ودرت وجهي منو غيرها جوريتي سحبتها لحضني وكلت واني ابوسها براسها واحجي
بقلق شلون صارت ريحانة ?! كالت وهية تمسح علئ صدري وتهدأني لٱ الحمدالله احسن والله وهسة نامت
عفتها ونزلت خليها ترتاح باخر فترة هواية صارت عليها ضغوطات هزيت راسي واباوعلها داحسة روحها
بحضني وجها هلايام صاير اصفر ماعاجبني وتتعب بساع ومن اكلها تكلي لٱ ؏ــادي بس لين اشتغل بالبيت
وافتر صحيت من صفنتي وكتلها بضحك شنو بردتي ابتسمت وكالت اي والله الجو بارد وبعدين والله موتتني بجكايرك موكتلك
بعد لاتشرب هز راسة وكال مااكدر ذني عشرة عمر وياهن مومال اعوفهم بلحظة ويوم تنهدت بتعب وكالت
يلا خلي ندخل دخلنا واني محاوطها بادية ابتسمت علئ منضرنا سبحانه مغير الاحوال من حال الئ حال
احمد الله واشكره بكل لحظة علئ الفرحة الاني بيها،برجعتها رجعتني طالب القديم، دخلنا للغرفة طفت
الضوة وجريتها لحضني وشابكها عبالك راح تروح م̷ـــِْن وغفينا ثنينا سوة .
مريم
نايمة وبس اتحرك زين باجر شلون اذا التقيت بي شراح اكله وشراح يكلي ?! معقولة يمشي ومايعبرني زين
هسة شكله متغير صاير احلئ لْـۆ شنو وهواية تفكيرات وتخطيطات ببالي لين باجر راح اروح للجامعة
علمود اقدم ماجستير واشوف الاختبارات فمتحمسة كلش هواية غفيت وفزيت ورة كم ساعة علئ صوت
المنبه كمت وكلي نشاط وحيوية غسلت وبدلت لبست تنورة لون اسود وياهة سترةوقميص جوة السترة لون
وردي فاتح ولفيت الشيلة ومكياج خفيف وشوية طوخت الحمرة ورشيت عطر واخذت الجنطة ونزلت
جان محمد منتظرني لين ديوصلني ركبت بالسيارة وهوة يسوق وصلني محمد للجامعـة وراح مااعرف
هسة شسوي وين اروح تمشـيت لمكـتب العمـادة دكيـت البـاب وكـال تفضـلي دخـلت استقبلني بالسلام
وكعدت حجيت الة كل التفاصيل وانو اريد اقدم ماجستير وطلعت اله شهادتي ﭑنـي مكملة هنـدسة
وجـاية علمـود اقدم ماجسـتير وهيج شـي انطاني استمارة وملأتها وبديت امشي بالمعاملة وافتر منا
وارجع منا رأسي ضلي يأذيني رحت للـسنتر علمود اشرب قهوة هم شـوية اصحصح اشتريت قهوة
وضليت اتمشئ بالممر الاخير فارغ مبي احد واباوع علئ الاشجار وفات من كدامي احمد وياه بنـية
ويسـولفون بدون ماانتـبه انسكب علئ ايدي شوية من القهوة كمزت متوجعة البنية راحت وهوة دار ديرجع
وانتبه علي خليت كوب القهوة علئ المصطبة وطلعت كلنكس امسح بايدي والدموع يطيحن تقرب همس
بـصدمة مريم ! مسحت دموعي وكلت واني احاول ابتسم اهلاً استاذ تقرب وعاف كلشي واجة لزم ايدي
قشعر جسمي اول مرة يلزمها كال شبيج توجعج اي غير تنتبهين ! سحبت ايدي منه وكتلة مـبية شي
عوفني الضاهر قاطعتك، كال موكت هاي سوالفج خلي اشوف ايدج كتلة بقهر عوفني رجاءاً وروح كمل
سوالفك وياهة خاف قاطعتك وكعدت علئ المصطبة اهفي علئ ايدي وابجي من الحرك ومن ورة الغيرة
تقرب كعد يمي وكـال بنبرة مَآعِرَفتّ افسرها احتركتي تأذيج مو اي غير تنتبهين سكت ورجع كال وهوة
يمسح كصته زيـن بعـدج تذكرين شكلي عرفتيني كتلة باستهزاء لٱ ماعرفتك ذكرني بيك همس بحب
واحد متعوب ويحبج درت عليه وعيوني مدمعة واباوعله كال اويلي يابة شوف النضرات زين تعالي
ماكتيلي جايـة للجامعة ،جاي تشوفين زملائك لْـۆ شنو ?! كتلة واني امسح عيوني لٱ داقدم ماجستير
كبل ابتسم وبسرعة خفة ابتسامته وكال يعني تداومين بعد هنا وتدرسين هزيت راسي وكلت بمكـر
ويمكن انقل ادرس بغير جامعة لين تدري بية احب التغيير مااريد اشوف نفس الوجوه كاليومية كلت هيج
لْـۆ تورطت كال بعصبية وهوة يضغط علئ سنونه ليش تخليني اكسر راسج الضاهر عيونج ملن من شوفتي
كتلة بخجل لٱ وين ابتسم ورجع شعره لورة وكال وعلي انة احبج ليش ماتحسين بية كتلة تحبني ?!
موكلت ﭑنـي صوجي وبعد مااحجي وياج كال بجدية
شوفي مريم هية بالكلام سهلة بس بالفعل صعبة، ﭑنـي
كلت بعد هاهية انتهت وياج وراح انساج وعود محضر الج عتاب قوي بس اخ كلة من ورة كلبي كتلة شبيه
كلبك ?! كال وهوة يباوع بعيوني يحبج حيل يحبج ميت بيج كتلة واني مرتبكة اكو غيري هواية بنات
ليش بالذات ﭑنـي ! همس بصوته اليسحن الروح كلبي مارايد غريب يريد كلبج ...كلبي تعبان ويحبج كال
هيج واني اريد اخفي ابتسامتي مااكدر حلكي انشك من ورة الابتسامة وجهي صار احمر من الخجل كال
ابتسمي ابتسمي واحركي كلبي خايبة احبج وعلي زين باعي خلي يكون ٱڅڑ كلام راح اكله الج اذا انطيتيني
الجواب الي يرضيني صدكي للموت مااعوفج واذا رفضتي لٱ بعد هاهية هاية ٱڅڑ فرصة واعتبريها
ضاعت من عندج كتلة واني العب بالجنطة ومرتبكة
شنو كول كال باعي ننسئ كلشي وتخلين ايدج بايدي
وانسي اهلي مايردونج واني ختئ لْـۆ ماقبلوا يخطبوج اجيب الشيوخ واجي ماابقئ عليهم وشوية شوية
اقنعهم اما اذا كلتيلي مااكدر واخاف وتخذليني نفس كل مرة صدكي هل مرة صدك انهي كلشي وابتعد عنج
هوة يحجي ويباوعلي بلهفة منتظر الجواب سكتت كال احجي قلقتيني كتلة ويـاك كال باستغراب شنو
وياي كتلة بخجل هاهية الي تسوي سوي ايدي بأيدك اباوعلة عيونة لمعت من الفرح كام وكال هاهية هلايام
اعتبري اهلي جايين علمود يخـطبونج الـيه هوة كال هيج واني حسيت راح اموت بمكاني من الخجل هزيت
راسي وكمت ودعته جاي امشي وكال مريم ! درت عليه كتلة بخجل هاا كال حـليانة بوية ارحمي بحالي
كال هيج عفته بمكانه ومشيت بساع وحسيت روפــي راح ابجي من الفرحة كبل خابرت محمد واجة اخذني
الطريق مبتسمة وساندة راسي علئ الجامة وصلني ونزلت ركص صعدت لغرفتي وسديت الباب وخليت
ايدي علئ كلبي حسيته راح يطلع من مكانه من الفرح اهتز مبايلي كل ضني رسالة من عنده فتحته رسالة من
رقم غريب وراسل صورة ﭑنـي وحسين اليوم كاعدين علئ المصبطة والحمدالله كاعد بعيد عني علمود محد
يشك ومكتوب جوة شنو رأيج اذا وصلت هاية الصور لأبوج ?! تسوين كلشي اكلج عليه لْـۆ ارسلهم وبكيفج بعد !
يتبع ....
- يتبع الفصل التالي اضغط على (يأس القلوب) اسم الرواية