رواية يأس القلوب الفصل العاشر 10 - بقلم رودة
part 10
يزوجنك لو شوف شنو شايف شيصير بية اموت الف موتة والله وضلت تبجي وايدهة علئ وجهة هية تحجي واني امرر بأيدي علئ وجهة وامسد علئ شعرها
همست بأنكسار وتعب تنكسر ايدي ان شاء الله همست بصوت خافت اسم الله وخرت وعيوني صارن حمر واباوع الها من كملت وسكتت انصدمت شكد تعبانة
ومحملة هموم صحيح والله موسهلة ابد موسهلة تقربت مديت ايدي جاي الزمها ضربت ايدي وخرتها عدلت كعدتي وجريتها لحضني وحسيت بوكتها حضنت
الدنيا كلها من حضنتها وكلبي الرهيف يدك كل قوته بستها براسها وكلت ليش هية تحلئ الي مرة غيرج ?! بادلتني الحضن وحركتني بهاية حركتهة كتلهة بحنية
ننسئ كلشي ونبدي صفحة جديدة وية اولادنا ?! وننسئ كل الراح ننسئ التعب والحزن والهموم ونبدي من جديد نعوف كل العتاب علئ صفحة ونعيش باقي
عمرنا بكل حب ?! كالت وهية تهز راسها اي بستها براسها وهية شابكتني عبالك راح اطير واني عاجبتني الوضعية ،وبنفس الوقت خفت لٱ يطلع حلم وافز
منه،رفعت راسها وباستني بلحيتي صفنت بعيونها وكلت ﭑنـي اعرف اليكبر يتغير شكله ?! شو انتِ يوم عن يوم جاي تحلين وتصيرين جنج بقلاوة الخاصكي
ضحكت بخجل واني اموت علئ ضحكتها كلبي رهيف يحبها ويحب ضحكتها، انتجيت علئ تاج الجرباية وسحبتها لحضني وادخن وهية راسها علئ صدري
وايدها متشابكة وية ايدي سحبت جكارة ورثتها ونفثت دخانها وغمضت عيوني تقربت وهمست بصوت خافت وبكل حنية جكارة بشفتك اشعلني ....
فتحت عيوني وهمست بوجها احـبج وابد مامتندم لين حبيتج انتِ جوريتي ووردتي السكيتها من دمع عيني انتِ وردة طالب تقربت جـاي ابوسها بخدها وفزينة
اثنينا علئ دكة الباب قبضت ايدي بعصبية وهمست اريد فديوم محد يكطع علينا اللحظة ماكو اذا ﭑنـي مخلفلي جيل كامل شلون اخذ راحتي ضحكت وكتلهة
اي اضحكي واحركي كلبي صحت منو اجاني صوت ريحانة وهية تكول ﭑنـي بابا اريد انام يمكم اخاف ضحكت ودرت عليها وكتلهة دستلمي ابتسمت وخرتني
وعدلت كعدتها وكالت عدل كعدتك عيب هيج حركات يم بنتك هزيت ايدي وكتلهة هسة احنا شمسوين والله يالله كامت تفتح الباب واني تمددت دخلت ريحانة
وكالت هاا بابا خاف ازعجتكم ابتسمت وكتلهة لٱ بابا وين اصلا جنت جاي انام دخلت ونامت بنصنا واني حولت بالجهة الثانية مامتعود انام بهذي الجهة .
ريحانة
كعدت الصبح وابتسمت علئ المنضر الي داشوفه كدامي ابوية شابك امي وراسهة علئ صدره يمويي عيوني دمعت من الفرحة ٱڅڑ مرة شفت هذا المنضر
قبل 6 سنين وهسة رجعت تكحلت عيوني بشوفته اححح هههههه مشيت علئ اطراف اصابعي وطلعت من الغرفة مااريد اكعدهم اليوم ماعندي دوام وهم بابا رد
الهم الموافقة علئ الخطوبة واليوم دنروح للسوك نحظر صراحة موهلكد عندي واهس مااعرف ليش توجهت للمطبخ طلعت القوري غسلته وخليت مي
وحطيته علئ الطباخ وحضرت الصينية وسويت بيض سلك لبابا وماما ثنينهم يحبوا واحنا نحبه تكلاة حضرت كلشي وشغلت الصوبة ودخل محمد جاي من الدوام
وجايب وياه صمون ابتسمت صبحت عليه وبسته من خده وهوة باسني براسي وحك راسه وكال احم موجودة لْـۆ راحت ضحكت عرفته يقصد وداد كتلة لٱ
راحت البارحة هز راسة وصعد يبدل رحت كعدت الكل علئ الريوك تقريبا 10 دقائق وكلها تجمعت علئ الصينية اباوع بابا اليوم وجهة مورد من الصبح ولو هوة كل يوم مورد بس لٱ اليوم غير وكالساعة الكفه يبتسم
لماما وضحكت واني اباوع لسارة تشرب جاي وتطلع صوت وتباوع عليهم بتك عين حسين ضربهة علئ راسهة وكللهة ووجع من تشربين جاي لٱ تطلعين صوت
كلتلة معليك حرية شخصية كلهة امدة هيج حرية اي والله وضلوا ينتاكرون لحد ما بابا سكتهم نوب كملنا وبدينا ننضف ماما كالت اليوم من وكت نروح للسوك
علمود نشتري ونحضر علئ راحتنا هزيت راسي وماما راحت واني دامسح بالاستقبال وانتبهت علئ سارة واكفة ورة باب المطبخ ومادة راسها تقربت اشوفها علئ
منو تباوع كمزت وسحبتني طكتني علئ راسي وكالت وجع شعندج اجيتي وراي كتلهة ها ها شكو سحبتني للاستقبال وهية تضحك كالت اكتشفت شي كتلهة شنو كالت ماما عيارة طكيتهة علئ راسهة وكلت نجبي شهل
حجي كالت والحسين وعندي دليل ضحكت وكتلهة شنو كالت جاي اروح للمطبخ اشرب مي هسة وهية دخلت من الحديقة جايبة الملابس فصادفت بابا
بالمطبخ جاي يشرب مي بابا وكف بوجهة كلهة هاا وين رايحة كلتلة داروح البس الجاكيت الحياكة لبست الجو يكرص وضلت تضحك كتلهة ووجع كملي شكو
تضحكين حمستيني كالت بابا عاف كلاص المي وكلهة دتعالي ﭑنـي ادفيج صدك جذب ام محمد وشبكها لٱ وهية شبكته عزا عبالك عشاق طالعين ومحمد يمة متت ابوية صاير صوبة واني مادري وهذاك اليوم كتلة
بابا بردانة كلي اترسي الصوبة نفط واكعدي جا شسويلج وهسة ماما كلتلة بردانة كبل اشتعل ودفاهة باعي ماما عيارة وبابا حيال ضحكت وكتلهة طاحظج
سارة شكو تتسمعين عليهم موعيب ادبسز عوفيهم بلكت ترجع علاقتهم طبيعية كالت بضحك ﭑنـي شعلية والله يالله ميكولون اكو بنات ويانة بالبيت عدهم نقص
حنان هذيج غرفة واحضنها الة كدامي كرصتهة وكلت نجبي هوة بابا ميسوي شي كدامنا وهسة استغل الفرصة محد موجود بس انتِ ادبسز وغدرتيهم من ورة
كالت وهية ترمش ﭑنـي شعلية اصلا ﭑنـي بريئة ومااعرف بهيج سوالف هوة شنو الحب والحنان ينوكل ينشرب ?! ضحكت وكتلهة اي سودة علية فقيرة
ماتعرفين بهيج سوالف دروحي كملي شغلج راحت وهية تدردم واني اضحك عليهة كملت كل شغلي وصليت وماما بدت تسوي الغدة ومنا لحد مصارت
الساعة بـ3 ماما كالت يلا تحضرن نص ساعة وتجي ام باسل ونروح للسوك طبعاً مريم وسارة ثنينهن يرحن ويانة صعدت لبست عبايتـي الخـليجية ويـاهة شيـلة
لون وردي فـاتح وخليت مسكارة وحمرة ورتبت حواجبي وشوية مورد خدود يعني مكياج خفيف حيل والبنات هم لبسن عبي خليجية بعدين ماما صاحت
كالت اجتي ام باسل نزلت لين كملت سلمت عليها وبوستها وهية فـرحانة بـية وماما جانت تتحظر هم لابسة عباية خليجية ولافة الشيلة ولازمة الجنطة
ابتسمت علئ شكلها بابا دخل كال يلا بابا كملتوا باسل راح ياخذكم جمدت بمكاني عزا هوة ياخذنا عبالي احنا نروح اهوو قبل لنطلع بابا صاحني رحتلة كال وهوة يبوسني براسي باباتي اي شي تردينه ويعجبج اشتريه
وخاف تردين تشترين اشياء و تستحين تصرفين من فلوس الخطبة ﭑنـي مخلي يم امج خير من •اللّـہ̣̥ الج والخواتج ابتسمت وكتلة بخجل متقصر بابا حبيبي
باسني براسي وكال الله يرضئ عليج بنيتي وطلعت طلعنة وباسل جان واكف لابس بنطرون اسود وتشيريت ابيض ووياه جاكيت اسود كلش انيق
وانتبهت علي هواية يلبس اسود اكيد يحبه هواية سلمنا عليه وصعدنا وامه كعدت بالصدر واحنا ورة يسوق واني صافنة عليه ندستني سارة وهمست
شهرتينا نزل عيونج من الولد ترا احنا ماعدنا بنات يباوعن للولد كتلهة نجبي مجاي اباوع عليه كالت اي خطية خزرته دارت وجهة رفعت راسي شفته يباوعلي
وعلئ طرف شفته ابتسامة جانبية ابتسمت لٱ ارادياً وهوو رفع الي حاجبه وحسيت علئ نفسي كبل دنكت بخجل عزا العزاني هسة شيكول ميتة علية بس خلي
يروح بعد ولا اعبره وصلنا وكل ضني يوصلنا ويرجع وتاليها نزل ويانة نزلنا وهوة يمشي كدامنا واحنا وراه دخلنا اول شي لمحل كوشات وتجهيزات مال اعراس
وكذا صحيح جنت ممقتنعة بالخطبة بس قررت كلشي يكون حسب اختياري ومااخلي شي بنفسي عاد خلي اشوية اتونس بهـذي الايام علمود تبقئ ذكرئ حلوة
حجزت كوشة كلش حلوة والورد الي بيها ابيض وردي فاتح وبنفسجي فاتح حيل ومرتبينها وكاملة تعامل وية الولد وحجزها بعد يومين يجي ياخذها علمود يركبها طلعنا من المحل واخذنا لمحل البدلات دخلنا كلبنا
معجبنا شي دخلنا للمحل الثاني راحت عيوني علئ بدلة بس موبدلة تمووت لونها أحمـر ومنـفوشة حـيل وتصير مخـصرة من الصدر لحد الخصر وبعدين منفوشة
ومرصعة بكرستال وقماشها من ه̷̷َـَْـُذآ الناعم بس العيب الي بيها مكشوف من فوك كلش واني جنت مقررة اشتري شي مستور مااريد هيج لين استحي رحت يمها وضليت اتلمسها وكلش حبيتها صحت لماما وشافتها
وهم كلش عجبتهم وقررنا نحجزها بس القهرني جان واكف علئ صفحة وممهتم النا حتئ مباوع علئ البدلة حتئ راح واهسي بيها يعني حتئ لو مااحبك وتحبني
واثنينا ممقتنعين فكها شوية ولا تخرب فرحتي ! بس وين ابتسمت بقهر حجزناها وطلعنا وحجزنا الصالون وهم سارة ومريم وماما وام باسل اشترن ملابس ويحضرن وماما اخذت قاط ولادي يخبل لاخوية علاوي
واخذت الة ملابس تراكسودات وهالسوالف بعدين دخلنا للكوزمتك اشترينا عطورات هيج اشياء واخر شي رحنا لمحل الذهب بوكتها هلكت بالكوة ضليت
امشي دخلنا سلم علئ الولد وبدة الولد يعرض علينا بالذهب راحت عيوني علئ خاتم مرصع بالماس ويكون ناعم وياه حلقة همس الي شنو ماعجبج شي نروح لغير
محل ?! همست بخجل هذا الخاتم اشرت عليه هوة كل للولد انطانياه وكلهة بس ترا هذا سعره غالي رد عليه باسل وهوة يقيسه علئ ايدي ؏ــادي ميهمني
السعر اخذه خجلت من لزم ايدي وهية ناعمة وايده كبيرة ضاعت ايدي بايده لبسني ياه باوعت لسارة سوت حركة عود اهلهل ! ضميت ضحكتي باوعت
بوجهة خزرني دنكت عزا هذا شماله هوة بس ابتسمت خزرني وهم اشترينا تخم كامل ودفع الحساب وطلعنا من المحل محملين بالعلاليك اخذهم خلاهم بالسيارة
وكال وهوة يمسح كصته شني يابة مكملتوا فريتوا السوك فر ?! جاوبناه لٱ كملنا كال خوش تردون اخذكم للمطعم لْـۆ اجيب عصير ?! جاوبناه لا بس عصير
منشتهي ركبنا بالسيارة وهوة سألنا شنو نريد بيا طعم وراح شوية واجه جايب العصاير بالحافظة وزعهم علينة وصعد بدة يسوق امة كلتلة هاك يمة اشرب كلهة بأبتسامة لٱ يوم الف عافية مااشتهي وعلي خليت
المصاصة بحلكي داشرب رفعت راسي شفته يباوع بالمراية كبل غصيت عزا العزاني كحيت ووخرت العصير بساع شكلت عندي الكحة وماما تدك علئ
ضهري وهوة مدلي بطل مي كال اشربي اخذت المي من عنده واني خجلانة شربت وانطيته لماما وهوة يسوق وصلنا للبيت وماما تريدهم ينزلون مايقبلون
عمة تكلها تأخر الوقت ان شاء اللهہ غير مرة نعودها عليكم وكلتلها امانة ام محمد اي شي نقص لْـۆ تحتاجوه خابرونا ومنقصر ان شاء الله ماما تشكرت من عدها وراحوا دخلنا للبيت تعبانين ومحملين بالعلاليك
كعدنا وبدينا نعزل بالغراض وماما تكدر لعلاوي بالقاط وهية تصفك وتكلة يهل القوط ذبوا القوط علاوي لبس قاطه وهوة يهوس ويضحك وبابا يباوع الهم ومبتسم
كمت غسلت وبدلت وسمعت ماما تكول لبابا فدشوية اذا عندك مجال تاخذنا لهذا السنتر الي يمنا بي طابق تجهيزات منزلية واريد اجهز واغير بالبيت كلهة من
عيوني موتدللين ابتسمت ورحت للمطبخ اشرب مي واجة اشعار لمبايلي فتحته من باسل غصبا ماعلية
ابتسمت يعني جان منتبه كاتب الي ترا البدلة الأجرتيها ماعجبتني لين مكشوفة وضيكة بس ماردت اعارض واكسر خاطرج هوة كاتب هيج واني الابتسامة شكت
حلكي عبالك شلون الفراشات تتطايو بداخلي هسة شنو أرد عليه يالله خليت وانطيت لايك علئ كلامه ،رجع دز رسـالة ترا مااقبل تطلبين اي مبلغ مالي للخطبة من ابوج اي شي تحتاجيه راسليني واني ادزلج
دزيتله لٱ بالعكس اصلا الفلوس كفاً وزاداً مقصرت والله دز امم زين هوة كال هيج واني انمطلت بالكاع ومبتسمة عبالك كلي احبج مدري شصار بية حسيت
وحدة مدت راسهة وكالت شسوين كمزت وخزرت سارة كتلهة طاحظج شعليج كالت وهية تغمز هاية جاي تحجون كتلهة بطلي فضول ام حلك وكمت يالله حتخبلني هالمجنونة .
يوم الخطبة
بـاسل
كعـدت من الصبح باب الغرفة تكسر من الدك فتحته وكلت بنعاس هاا شكو جاوبني ابوي صباح الخير يالعريس ماتكعد الساعة بـ10 كتلة واني افرك عيوني
هـاي كعدت دخلت للحمام سبحت ولبست تراك ومشطت شعري ورشيت عطر ونزلت تلكتني امي بالهلاهل شبكتها وبستها براسها وعماتي يهوسلي من
الصبح بالكوة طلعت منهن وسلمت علئ ولد عمي والطباخ بالحديقة بدينا نرتب بالكراسي ونساعد الطباخ
صاحتني امي علمود اتريك دخلت للمطبخ كعدت علئ الميز اتريك شربت جاي كملت وطلعت ورجعت اكمل شغلي وية الولد واصدقائي كلهم اجو وياية يساعدوني
ماانسئ وكفتهم هاية بعدين رحت للحلاق وحددت اللحية والشعر ورجعت للبيت صعدت للغرفة وياي الولد يهوسون ويضحكون بية لبـست القاط الأسود والساعة وسبحة اشيلها بايدي ورتبت شعري ورشيت عطر
ولبست الحذاء اكرمكم الله ونزلت وصارت الهوسات والهلاهل واباوع ابوية عيونة تلمع من الفرحة تقربت بست ايدة وراسة وامي نفس الحالة صارت الساعة
4كلها تحضرت وطلعت السيارات لبيت عمي ابو ريحانة اخذنا مشية كاملة شيوخ ومن غير اصدقاء ابوي والشخصـيات هذا العقيد وهذا الركن وهذا وهذا
واصدقائي والعمام وتقريبا نص ساعة ووصلنا .
ريحـانة
كعدت الصبح علئ الهوسة الي يمي كوموني سحل ودموعي بعيني مااريد اروح مدري شجاني سبحت وكملت وبعدين تريكت كملت رحت لبست العباية
واخذنا الغراض والبدلة واخوية حسين وصلنا للصالون ﭑنـي ومريم دخلنا منا لحد 2 يالة اجة دوري حتئ مليت من الانتظار بدت تمكيج الي وشعري ردتهة مرفوع
شوية وعلئ طوله تبقيه وتبرمه وبدت تمكيج ويسون بشعري ورة ساعة لْـۆ ساعة ونص كالت يلا ماما باوعت علئ وجهي بالمراية انصدمت عزا شطالعة ونوب البدلة فضيحة بس كلش عجبني شكلي والحمرة طوخ وبارز
شفايفي والعيون مسحوبات وجسمي ابيض والبدلة احمر فكلش لايكة علية ومريم هم مكيجت بالصالون من شافتني باستني براسي وكالت يمة فدوة اللهم علئ
محمد وال محمد لعابة طلعتي صورتي كم صورة واجة حسين اخذنا طول الطريق يتغزل بية ويكول تروحلج فدوة مريم طلعتيها كسر ومريم تضحك وكالساعة ويدزلي بوسة واني اضحك وعيوني مدمعة شلون
مادري وصلني دخل السيارة للكراج وفتحوا الباب ودخلت وارتفعت الهلاهل والجكليت يجيني من كل الجهات وامي باستني وكعدتني وتمسح بدموعها اباوعلها طالعة تموت لابسة فستان طويل مخصر لونه
اسود وبي لمعة وشعرها نازل ومكياج باعتبارها ام العروس يعني وبعدين شغلن الي الديجي وكلهة تركص وسارة بالنص وتهز هز وتضحكلي والنسوان يباوعلي
ويتهامسن وداد اجتي باستني وباركتلي وخطية تفتر وية ماما تساعدها ماكعدت وبعدين وزعوا الاكل واني بطني نغزتني نوب ميصير اكل مكياجي والاتيكيت تبعي يخرب خرب المانيا ههههههه كملوا وشوية وكالوا
وصلوا اهل العريس ارتبكت مدري شصار بية ومريم تهفيلي وتعدل بشعري دخلوا وارتفعت الهلاهل والهوسات اجتي امه بوستني وصلت علئ محمد وكالت
مااكول بس الله يساعدك ياباسل ابتسمت بخجل ورة نص ساعة كالوا الشيخ راح يعقد الهم اخذوني ورة الباب وكفت وبدأ الشيخ يعقد واردد وراه وارجف من
كال تقبلين الزواج ضليت ساكتة وخايف عادها علية 3 مرات وامي كالت يوم احجي لاتسكتين غمضت عيون وكلت نعم وانتَ وكيلي ارتفعت الهلاهل ورجعت كعدت
بمكاني وهنة يركصن وفرحانات شوية وكالوت راح يدخل يلبسني الذهب ضليت ارجف بمكاني وارفع
بالبدلة صحت سارة كتلهة سارة تعالي اجت كالت هاا كتلهة فدوة جيبيلي شال اخليهہ علئ كتفي ضحكت وكالت بمكر لْـۆ تموتين غير خلي الولد يباوع شرايدة
منا خزرتهة وكلت طركاعة طاحت عليج يسارة امشي ولي وراحت تركص غضب هالبنية موتتني دخل رفعت راسي شفته وياريتني مارفعته شطالع بالقاط الاسود بويـة ! شهـل جمـال يمة نوب هوة لابس قاط اسود
واني بدلة حمرة التناسق فضيع دنكت راسي بخجل تقرب باس راسي وكعد رفعت راسي بخجل باوع عليه وبلع ريكة ورمش وهمس يم اذني شني هاي ?! همست
برجفة شنو كال هيج هيج مسح كصتهہ وكال بانحارج طالعة حلوة ابتسمت بخجل كتلة تسلم انتَ الاحلئ ضلن يصيحن حبها ولك حبها ولا تخاف من امها وهوة
ﭑنـي كلت يستحي مومال هيج اباوع لزم ايدي قربني
علي وباسني بخدي وهنة ضحكن وهلهلن عزا فد خجلت حسيت روפــي صرت نار من الخجل اكلنا كيك وشربنا عصير وبدأ يلبسني بالذهب وحسيته بارد او
يعني يحسسني مايريديني مادري ضجت راح فرحتي صحيح ﭑنـي هم مارايدته بس مادري ردت افرح روحي شوية بس هوة قضئ علئ ٱڅڑ ذرة فرح بداخلي لبسني
الذهب وكملنا شوية وطلع ماصدكت طلع ردت حتئ الحفلة تخلص انقهرت حيـل ﭑنـي صوجي والدمعة ضلت بعيني ورة ساعات خلصت الحفلة وخليت شال علئ راسي ودخل عمو عزيز وابوية واخواني باركولي
وبابا حاضني ويبوس براسي ورة شوية طلعوا وسارة اجت كالت عزا ريحانة ماشاء الله ماشفتي المشية الي جايبينها بوياي بوية ردت ارقم كم واحد بس ماصحتلي فرصة حرامات لج جايبين الدولة وجايين الباب انترس تاهوات وجكسارات ومدري شني ونوب
بوية كلها قوط تمنيت روפــي ارباط بقاط واحد هزيت ايدي باع هاي وين واني وين ورجعت كالت بس احلئ شي من هوسوا اله بنص الشارع شني كتلة من الصاكين وتمشي علئ الارض وعمي عزيز هوس
هوسات ماصايرة وكل لبابا شني تريديني اجيب بس اخوﭑنـي واجي اخطب لبنتي هاية ريحانة يابة اجيب الناس كلها واجـي وبابا فرحان بيهم ويكول ابد مامتندم لين وافقت، رفعوا راسنا كدام الناس كلها كمت
اريد اسبح صعدت للغرفة وساعدني البنات بالبدلة والتسريحة من سبحت حسيت هم وانزاح طلعت لبست دشداشة قصيرة ومشطت شعري وسمعت بت عمي
الثاني تكول لمريم ﭑنـي اعرف الي يخطب وتكمل بليل يجون يتفاهمون ويسولفون شوية ويروح اشو هذا كبل راح شني عبالك مغصوب كالت هيج والدموع ترست عيني هوة هذا حظج يريحانة طفيت الضوة وتمددت
الساعة جانت 9 ونص لزمت مبايلي وكتبتله جنت تكدر تبين انو انتَ فرحان شوية وتبتسم وماتبين عبالك واحد مغصوب، والابتسامة مامرت علئ شفتك طول الكعدة هيح تحرجني كدام الكرايب ?! ولو هوة
موصوجك ! ودزيته اله شوية وشافها ماجاوبني شمرت المبايل ربع ساعة واجتني سارة تركض كالت كومي اجة باسل يشوفج بابا يكول خلي تنزل كتلهة
روפــي مااجي كالت دكومي والله بابا كال خلي تنزل كمت واني أتأفاف لبست فستان تحت الركبة بينصل ضيك لون ماروني وخليت حمرة وعطر ورتبت شعري ونزلت شافتني ماما ابتسمت كالت ابوج دخل يسبح
واخوانج برة يلا يوم ادخلي وتفاهموا دخلت واني ارجف يمة بس لٱ راح يسويلي شي دخلت رفع راسه شافني اباوع عيونه حمر دخلت وسديت الباب كعدت كباله وبس ساكتة واطكطك بأصابعي من الارتباك
والخوف اشرلي بمعنئ تعالي اكعدي هنا كمت علئ كيفي كعدت يمة تقرب يمي ولزمِڼـّي من حنجي وكال هاي شنو ست ريحانة بعدنا بالبداية وتجاوزين هيج
بالرسالة كتلة بتوتر ممجاوزة حجيت بصراحة ضغط علئ فكي وكال اول شي مامغصوب عليج هاي بطلي تكوليها لين اذا عدتيها يصير عندي حساب ثاني وياج اما بالنسبة للابتسامة فأني بكيفي ابتسم ماابتسم هذا
شي راجع الي عيوني غوركن بالدموع وعرفت ﭑنـي تورطت وياه اذا بالبداية وهيج بالايام الجاية شيسوي بية تقرب وهمس تردين ابين الـج انو ﭑنـي فرحان
وعادي ماعندي مشكلة كتلة بعدم فهم شلون ?!ماحسيته الة جرني لحضنة وباسني بخدي وطول بيها وايده علئ شعري فتح القراصة ونزل وسحب خصلة شمها ودحس راسة بركبتي صخنت من حركته
ودموعي نزلت وهمس بصوت خافت بس هاا هذا كلة علمود ارضيج لٱ نابع من كلبي ولا هاي لين بعدني
مامقتنع بيج وغمزلي وسحب نفسه وطلع جكارة ورثها صدمني بكلامه ودموعي تنزل كتلة بأستهزاء ميهمني اذا اقتنعت بية او مااقتنعت لين بالنهاية ﭑنـي ممجبورة
ارضيك او اقنعك بية هز راسة كمت وكال بأستهزاء وين يمعودة بعدنا مامتفاهمين مااهتميت اله فتحت
الباب وصعدت لغرفتي وكض دخلت وسديت الباب ونمت بفراشي وضليت ابجي شنو ذنبي ياربي شنو ذنبي ابد ماجنت متوقعته بهل قساوة ! هاية عود بعدنا
بالبداية ياربي وابجي انهضمت كلش مااتهنيت لٱ بخطوبة ولا هاي فزيت علئ اشعاو المبايل رسالة من عنده كاتب بيها بعدين احاسبج علئ هاية تصرفاتج
ابتسمت بقهر يحاسبني هوة يحاسبني اذا مااندمك بس اصبرلي عبالك ﭑنـي سهلة لْـۆ فطيرة علمود تستغلني وترعبني بهذا كلامك غلقت المبايل ومجاوبت عليه مسحت دموعي كافي بجي حتئ بهذا اليوم ابجي
استغفرالله ياربي صاحوني سويت روפــي نايمة حتئ مااكلت وشوية وغفيت وسمعت المبايل يدك عبالي ﭑنـي نايمة صار كومة ودك المنبه مال دوام مديت ايدي عود اطفيه ومدري شنو ضغطت ونمت .
بـاسل
متمدد بفراشي واتذكر شكلها اليوم بالبدلة طالعة حورية هوة ياهوة يلبس احمر يطلع هيج حلو !جمالها موعادي تنهدت بس اليوم طوختها وياهة بأسعد يوم
بحياتها هيج لعد شسوي بالباقيات ?! يامحمد هية ماتعرف تحجي تدوس بالبطن واني منا شلون احبها ههههه هاية السالفة كلها مامقتنع بيها خلي فد شهر
شهرين وافسخ الخطوبة بحجة ماتفاهمنا اكول هيج وشي بداخلي يرفض هالكلام ومايتقبله تقصدت انرفزها اليوم واعصبها سحبت نفس من الجكارة بس اخ الطركاعة شايلة جمال ماصاير ولاداير عطرها ليهسة
بخشمي منكد ماقوي وطيب استغفرالله باسل شبيك
شهل حجي عوف جمالها وشكلها انتَ لٱ تحبها ولا تربدها عليمن هالسوالف دزيت الها رسالة شافتها وماجاوبت كلت سهلة ياريحانة توعدت الها واستوقفني
كلام ابوي اليوم ورة ماعقدنا كال يـابة علئ كيفك وية البنية ترا هية مثل الوردة اذا سكيتها تورد واذا عفتها تذبل خليك طيب القول وياهة تكون طيبة وياك طول
العمر قلل من قساوتك شوية خليك لطيف وياهة لشوكت تبقئ هيج حاول تغير حياتك سحبت مبايلي ودكيت عليها اخ يابة تصرفاتي شكد متنـاقضة ! دكيت
شوية وجاوبت كلت الو ماكو متحجي بس صوت انفاسها غمضت عيني وعضيت شفتي خرب يومج وتالي وياج همست ريحانة ماكو مجاوبت بس صوت
انفاس وحدة نايمة ضحكت بصوت خافت وكلت اكيد ماتدري وفتحته الله شهل دلال والحب من اول يوم انام علئ صوت انفاسها وهية عبالك جاي تناغي مو
تتنفس خرب يومها اجيت اغلق الخط مادري كلبي ماانطاني عفته مفتوح وشوية وغفيت .
طـالب
دخلت للغرفة باوعتلها تنزع بالتراجي ابتسمت علئ منضرها طالعة تسحن الروح تقربت وشبكتها من ورة وبست ركبتها ابتسمت بخجل ومديت ايدي انزعها
الكلادة وكلت انتِ متاكدة انتِ ام العروس خاف مشتبهة انتِ العروس ضحكت وكالت وعيونهة مدمعة شفت ريحانتنة شطالعة اليوم ابتسمت واني اذكر شكل
بنيتي همست طالعة جنها اميرة علئ امها ابتسمت بخجل وبادلتني الحضن توجهت للجرباية تمددت وشبكتها وهية شابكتني كالت اكلك شي كتلهة كولي كالت هاية اليوم جيرانة ام قاسم عبالها بعدنا مطلقين
واجيت لخطبة بنتي تكلي اذا خطبتج لاخوية مطلق وعنده 2 اطفال توافقين هية كالت هيج واني نار واشتعلت بية كلبتهة وكتلهة اي وانتِ شكتيلها كالت وهية ترمش كتلها تنورنا بأي وقت عيوني صارت حمر
من العصبية كتلها جوري لٱ ترفعين اعصابي شكتيلها تقربت وهمست بوجهي كتلها لٱ عيني ﭑنـي ميحلئ بعيني اي واحد بس ابو حمودي الوردة ابتسمت شلون
سحبت العصبية من عِنـ.̷̷̸̷̐ـديّ كتلها واني الزم فكها شحدها يحلئ غير واحد غير اموته حلال ابتسمت وتقربت همس بوجها تدرين كالت شنو ?! كتلها ﭑنـي احبج .
- يتبع الفصل التالي اضغط على (يأس القلوب) اسم الرواية