رواية نبضات القلب الفصل العاشر 10 - بقلم دنيا صابر
الفصل العاشر
الدكتور و هو بيتكلم مع امير لازم نبدا من الاول
امير بتنهيده : و المطلوب نعمل اي
الدكتور احنا هنبدا معاه بادويه و جلسات لسحب المخدر و الموضوع دا هيبقي صعب و انا هبعت ممرضه هنا تبقي مشرفه ع حالته و تنقلنا اخباره اول باول هكتبله الوقتي ع ادويه و ياخدها ف مواعدها هنعدي بفتره صعبه و ان شاء لله تعدي ع خير
امير باختصار : تمام
......................................................
نايمه ع السرير لا حوله ليه و لا قوه سيف قاعد جمبها ع السرير قلبه بيتقطع ميت حته مش عارف ازاي يتصرف هو ف اعصار جواه من المشاعر ما بين حب و كره و عشق و انتقام و زعل و خذلان مش عارف يعمل اي عشان يهدي الاعصار دا هو مش بيبقي عايز يدايقها او يزعلها بس غصب عنه بيلاقي نفسه اتصرف كدا
هدي فتحت عينيها لقته قاعد جمبها بصت ع نفسها و لقتها لسه بفستان كتب الكتاب لمت رجليها و قعدت تعيط من غير ما تبص ع سيف
سيف اتنهد و زعل من رده فعلها بدل ما تكون امان ليها يا سيف انت الوقتي واحد من مخاوفها و قام وقف و خرج من الاوضه من غير ولا كلمه
_________________________________________
وعد بعصبيه : يعني اي مرفوضه حضرتك شوفت ورقي عشان ترفضني كدا انا مؤهلاتي كويسه بص فيها و بعدين ارفضني انا متاكده اني اقدر اكسب الوظيفه لو بصيت فيها
ادهم بهدوء و حده : انا مش محتاجك تبقي السكرتيره بتاعتي ولا عايز مؤهلاتك دي انا اصلا مبشغلش معايا بنات
وعد : ليه حضرتك التفرقه دي الوقتي مفيش فرق بين بنت و ولد البنت الوقتي بتشتغل ف كل حاجه و بتثبت جدارتها و قرتها ع دا
ادهم باستفزاز : برضوا لا و بلاش الكلمتين بتوع حقوق المراءه دول مرفوضه برضوا اتفضلي برا يا انسه
وعد و هي هتنفجر من الغيظ اخدت ملفها و دبدبت ع الارض دي حركتها دايما لما تكون مدايقه او مغيوظه من حاجه و مشت و هي عماله تبرطم بصوت ضعيف
خارجه من الأسانسير قابلت امير ف وشها :
امير : منوره يا انسه وعد
وعد بعبوس : اهلا بحضرتك يا استاذ امير وتين عامله اي
امير و هو ملاحظ ضيقتها : كويسه و موصياني عليكي شكل توقعاتي حصلت
وعد باستغراب : مش فاهمه و موصياك ع ايه و توقعات اي
امير بمزاح : الوحش الغاضب اللي فوق شكله دايقك صح
وعد بضيف و عبوس : هو فعلا وحش انا مش عارفه وتين مستحمله ازاي دا
امير بضحك : طب اتفضلي معايه ع مكتبي و انا عندي خطه انتقام
.
وعد بعدم فهم : اوك
وعد : اوك
ف المكتب
امير : انا كدا كدا موافق ع تعينك و كدا ادهم ميعرفش يعترض
وعد بسرعه : لا خلاص ملوش لازمه
امير : لا ازاي انا قلت لك متوصي عليكيو انا معرفش ارفض لها طلب انتي عايزاها تزعل مني و انا بصراحه مقدرش ع زعلها
وعد بابتسامه : ربنا يخليكوا لبعض
امير : يارب و بعدين اي الهدوء دا لا انا عايزك نرجعي وعد بتاعت يوم العزومهو تعلمي ادهم الادب اصله بقا الفتره الاخيره دي متكبر اوي
وعد بابتسامه خبيثه : دا لعبتي ...
لسه هتكمل قاطعهم خبط الباب و ادهم دخل
ادهم و هو بيبص ع وعد بنظرت اللي هو انتي لسه هنا بتعملي اي
ادهم بعد نظره عن وعد و بص ع ادهم و اتكلم : كنت طالبني ف حاجه
امير : اه يا ادهم كنت عايزك عشان نتكلم عن المشروع الجديد بس الاول و هو بيشاور ع وعد رحب بالسكرتيرتك الجديده انسه وعد اظن عارلها صاحبت وتين انسه وعد مديرك ادهم
وعد بابتسامه عريضه : اهلا استاذ ادهم ان شاء الله شغلي يعجب حضرتك
ادهم باعتراض و حده : بي يا امير انت عارف ان انا ...
امير بحده : عارف عارف مبتشتغلش مع بنات بس وعد شاطره و مؤهلاتها عاليه و انا واثق من انها هتبقي قد المسؤليه
.........................................................
فاطمه : الحقني يا فارس بطني بتوجعني اوي
فارس بخضه : من اي بس يا حبيبتي
فاطمه بعياط : مش عارفه مش عارفه
فارس بقلق :.طب اهدي و استني اطلب دكتور
فارس كلم الدكتور
فارس : اهدي يا فطوم و الدكتور قالي جايه اهو ارتاحي ع السرير
بعد شويه الدكتور جي و كشف ع فاطمه
فارس بقلق : طمني يا دكتور
الدكتور ببتسامه : لا اطمن المدام عال جدااا مبروك المدام حامل
فاطمه بفرح : بجد سامع يا فارس هتبقي اب و هي بتمسك ايد فارس
فارس و مصدوم و مش مستوعب و مش مركز خاالص مع اللي حواليه كل اللي ف دماغه نور لو عرفت الخبر اكيد لو كان ف امل ان هي تفضل جامبه هتبعد جامد
بص ع ايد فاطمه و هي ماسكه ايده و وشها اللي مليان فرحه و امل و حس بوخزه جاامد ف قلبه هو ازاي زباله كدا و بيخدعها و بيقرب من اختها ف نفس الوقت ازاي قادر يلعب بمشاعرها و هي بالطيبه و الحنيه دي ازاي قادر يقول لها حبيبتي وهو مبيحبهاش
اتنهد و ضغط ع ايدها كانه بيقولها سامحيني انا هحاول اتغير عشانك هحاول احبك و ابعد نور من تفكيري انتي مستحقيش الوجع
ممكن البيبي دا يكون نقطه تحول حلوه لحياه فارس و فاطمه و ممكن يكون نقطه دمار محدش عارف بكره مخبي اي !!
................................................
حسام و هو عمال يتوجع و يصرخ
حسام : انتي اي مبتفهميش بقول لك عايز الزفت هاتهولي مش قادر استحمل انا تعبت
الممرضه و اسمها حياه : انا قلت لحضرتك مش هقدر اعمل كدا و ياريت تهدي و تسيبني اعمل شغلي صدقني الحقنه دي هتهديك
حسام بعصبيه : قلت لك مش عايز زفت مهداءات انا طب بصي اتصرفي و هاتيلي جرعه صغيره حتي اي حاجه و انا هدفعلك اللي انتي عايزاه
حياه بقله صبر هي عندها خبره و عده عليها نفس الموقف دا كتير : مقدرش و ارجوك حاول تساعدني صدقني فتره هتتعب فيها و بعد كدا كله هيبقي تمام ارجوك
حسام بتنهيده قعد ع السرير و هو بيصرخ : انا مش عايز حاجه غير انك تساعديني انا عايز و لو جوعه صغيره انا محتاجه جسمه كله واجعني
حياه بمهنيه بحته قامت بالاجراءت الازمه من حقت و غيره بقالها اسبوع من يوم ماجيت هنا و هي ع نفس الوضع يفضل يصرخ و يكسر و يتعصب و يغلط و يساومها و هي بتقابل كل دا بهدوء و صبر هي عارفه ان المرحله دي اكتر مرحله صعبه و هي مقدره دا بس هو صعب و مش بيساعدهاا اطلاقاا مع ذلك بتبذل كل جهدها
............................................................
امير و هو قاعد جمب وتين و عمال يسمع لها اللي عملته ف يومها
وتين : وبس يا حبيبي كدا يومي خلص ااااه نسيت اقول لك البيت اللي جمبنا سكن جوم العربيات بتلعت العفش و منزله عفش بس مشوفتش صاحب البيت و مش عارفه مين سكنه انا مبسوطه اوي يا امير ان هيبقي لينا جيران اصل انا كنت بزهق اوي و لما يكون ف جيران اهو نتعرف عليهم و يحصل اي تجديد كدا
امير و هو مستغرب : محدش قال لي يعني ان ف ساكن جديد غريبه ان يحصل دا ف سريه كدا ع العموم هبقي اسال ع الجار الجديد دا و نشوف
وتين : طيب عملت اي انت ف موضوع وعد اوعا تكون سمعت كلام ادهم و موافقتش ع طلب الشغل
امير بحب و هو بيحضن وتين : وانا اقدر برضوا مسمعش كلامك كله اتنفذ بالحرف الواحد
وتين بحب : ايوا كدا يا حبيبي اصل كانت هتزعل اوي و هي شطوره والله بس ادهم احويا دا هيطلع عينيها شغل ربنا يعينها عليه
امير و هو بيبوس جيبنها : هي اللي هتعلمه الادي صدقيني المهم وحشتيني
وتين بكسوف : وانت كمان وحشتني
امير و هو بيشلها : ايوا بقااا دا لسنا اتفك اهو حيث كدا استعنا بالله
وتين بخضه : امييرررر يا مجنون نزلني
امير بضحكه و هو بيبص ف عيونها : ابداااا ع السرير انزلك
وتين بخدود حمرااا: امير
امير بكل رومانسيه و صوت هادي و هو بينزلها ع السرير و بيبص ع شفايفه : يا قلب وروح و عقل امير يا حيات امير وتين بقول لك اي الوقتي مسمعكيش بتقولي امير خااالص
وتين بضحكه ع نرفزته اللي ظهرت فجاءه : طب اقول اي
امير و هو بيرجع لنبره صوته الهاديه : قولي يا حبيبي
وتين و هي بتلف ايديها حوالين رقبته : حبيبي
امير قرب من شفايفها و باسها بوسه ورا بوسه برقه
(و بس عيب كدا بلاش تطفل 😂)
.....................................................................
بعد اسبوع عند فاطمه و فارس و نور قاعدين ف جنينه البيت
فاطمه و هي بتكلم فارس و نور قاعده معاهم و عماله تبعد تفكيرها و تلعب ف الفون ع اساس مش مركزه معاهم بس هي مركزه للاسف ع كل كلمه و بتتوجع من الغيره
فاطمه :فكرت يا حبيبي هتسمي البيبي اي
فارس و هو عينه ع نور عايز يعرف رده فعلها : لا يا حبيبتي انتي عايزه تسميه اي
فاطمه :مش عارفه بس بفكر لو بنت تبقي جودي و لو ولد يبقي جود اي رايك
فارس :حلو اوي يا روحي ولا اي رايك يا نور
فاطمه :ايوا صحيح يا نور ما تشاركينا
نور و هي متصنعه الامبالاه : وانا مالي هما عيالي دول عيالك ف اختاري انتي
فاطمه بحزن نزلت راسها هي من ساعت ما اتجوزت و هي محتاره ليه نور معاملتها معاها اتغيرت ليه بقت قاسيه كدا هي مش فاكره انها عملت حاجه تدايقها اتنهدت بحزن و سكتت
فارس بغضب :اي يا نور هي غلطت ف حاجه دا بتاخد رايك الله غلطت هي
فاطمه :محصلش حاجه يا حبيبي
فارس بغضب :لا حصل تدايقك ليه
نور بوجع بصت ع فارس و بغيره وقفت و علت صوتها :انا حره انت مالك اتكلم زي ما انا عايزه بالاسلوب اللي انا عايزاه و انت متدخلش بيني و بين اختي
فارس ووقف قدامها و بص ف عينيها و قال بحده :اختك دي تبقي مراتك و من حقي ادخل ف اي حاجه تخصها فاهمه مرااااتي
نور بغيره و الدموع ف عيونها :صح انت عندك حق هي مراتك بصت لاختها و هي بتقاوم الدموع و قالت :اسف يا فاطمه عن اذنكوا و خدت شنطتها و جرت خرجت جري بدون ما تبص وراها
فارس اتنهد بوجع و هو قابض ع ايده هي السبب هي السبب مينفعش نكمل ف الغلط ايوا صح فاطمه مراتي حتي لو بحب نور مينفعش اغلط ف حق فاطمه
.................................
عند احمد اخو هدي
ف مكتبه ف مركز الشرطه جيت له ماموريه و طلع بسرعه هو و زمايله و العساكر عمليه تجارت اعضاء و مجموعه كبيره من تجار المخدرات بيتاجروا ف اعضاء البشر بيسروا و يخطفوا البنات و الاطفال عشان يتاجروا فيهم
احمد و هو بيكلم زميل نادر
احمد و هو بيلبس الزي الواقي : القضيه دي بقالها 3 سنين واحنا مكناش عرفين نوصل لهم كويس انهم وقعوا
نادر : انا كان مالي و مال كليه الشرطه انا انا عايز اتجوز يا عالم و انا واحد فرحه بعد يومين يتصلوا عليا و يقلولي عندك ماموريه تعالا حالااا دا انا حتي افرفرمنكوا و اكسفكوا يوم الفرح هو دا كلام
احمد بنظره ناريه : اجمد يلاا دا كلها كام ساعه و ابقي ارجع تجمد نفسك و تجمد اعصابك تاني
نادر ببرطمه : ايوا كلها كام ساعه صح عندك حق
...............................................................
ادهم بعصبيه : انا قلت ميت مره اني بحب اجي القي الكتب نضيف و مترتب و دي مهمتك ازاي تنسي حاجه زي دي
وعد بتنهيده : حضرتك انا هنا سكرتيره مش عامله نضافه
ادهم : انتي هنا السكرتيره بتاعتي يعني مهمتك تنفذي اللي اطلبه منك و انا بطلب منك الوقتي انك تنضفي المكتب يا تنفذي يا تقدمي استقالتك
وعد ببرطمه : يوووه بقااا كل يوم اسطوانه شكلو المهم يبقي ف الاخر الايتقاله دا عند ام تيرتير مش هستقيل يعني مش هستقيل
ادهم برفعت حاجب : انا مش قلت قبل كدا تبطلي تكلمي نفسك
وعد : هااا هو انت سامعني
ادهم : اه سامعك و اخلصي يلا
وعد : طيب متزوقش بس
ادهم بنفس ذات الحاجب المرفوع : نعم هو انا جيت جمبك
وعد بضحكه : لا بس هي بتتقال كدا
ادهم بص عليها بصه حاده
وعد : احم ... ايوا صح المكتب ثواني
راحت و بدات ترتب المكتب و هي عماله ترطم و خلصت و خرجت و كل دا و ادهم شايفها و كاتم ضحكته ع هبلها
وعد و هي بتتكلم ف الفون
وعد : دااا مستفز بشكل و بعدين مدير مش مرتب اي دا كل يوم حاجه شكل و بيتقصدني والله يا وتين و يخليني اعمل خاجات كتير حتي لو مش هنحتاج الشغل دا النهارده و هي بتقلد صوته لا لازم تخلصيه النهارده انا بحب الانضباط مش بحب المرقعه اي داااااا
وتين وهي عماله تضحك : اهديوالله ادهم حنين و طيب جدااا بس انتي اللي اكيد بتنرفزيه
وعد : نعم نعم طيب و غلبان فيييين دااا دا مطلع عيني هاتي دا و ودي دا اعملي دا متتاخريش ف دا دا مش مضبوط فين طيب دا وتين هولع فيكي و ف اخوكي منرفزنييي
وتين : وعد اهدي و متعندهوش و هو هيبقي كويس
وعد و اخدت نفس طويل : حااضر اما نشوف
وتين : تمام كدا هضطر اخلع انا عشان الحق احضر الغداء قبل ما امير يجي
وعد بشقاوه : ايوا يا جامد انت عايز تخلص بدري قبل ما حبيب القلب يجي
وتين بضحكه : بت اتلمي
وعد و هي بتضحك : اشطااتت سلاموز يا لوز وقفلت
وتين : دي قفلت ف وشي البت هبله و ادهم هيهبله اكتر
- يتبع الفصل التالي اضغط على (رواية نبضات القلب) اسم الرواية