رواية سر بين السطور الفصل الثامن 8 - بقلم ريو الطائي
البارت 8
-سر بين السطور-
-الكاتبة ريو الطائي-
لاتنسون التصويت والمتابعه وتعليق
احبكم فرولاتي 🖤✨
..........
كلماته جانت بمثابة صدمة، وعينه جانت
مركزة عليّ بشكل غريب. الجو كله تغير
فجأة، وكأن الغرفة صارت ضيقة على
صدري. جنت أحس بشي ثكيل يلزم كلبي، وصوت موسيقى صار بعيد، وكل شي صار يلف حولي مثل دوامة.
ضحكت روكا بخبث، بس نظرتها جانت مليانة تحدي،
وكأنها ما تعتقد أنني راح أكدر أهرب
:: وإذا ما حبيتني
هو نظر لي بنظرة أعمق، ابتسم ابتسامة ماجنت گدر أفهمها، وكال
الرئيس: راح تكتشفي الجواب قريباً
رفعت روكا حاجبها بخبث وضحكت، وكالت
روكا: سمعتي عجبتي الرئيس بس شنو؟ لازم
تستاهلين هالفرصة
الكل ضحكوا وياه بس أني چنت أحس إن صوت ضحكاتهم كاعد يخنقني. چنت أباوع حواليني وأفكر، وين ممكن يكون طريقي للهرب؟ وين الباب؟ شلون أطلع من هالمكان؟
رئيس جان واكف بمكانه، مبتسم ببرود، عيونه مثبتة عليّ وكأنه يقرأ كل تفكيري. كال
رئيس: وإذا فكرتِ تهربين، خلي بالج هالمكان
أكبر مما تتصورين. والهروب مو شي ينجح هنا
چنت أشعر إنه يعرف كل حركة ممكن أسويها
حتى قبل ما أفكر بيها. روكا قربت مني، لمست
كتفي بيدها، وهمست بصوت ما يسمعه غيري
روكا : أفضل إلچ تتعلمين لأنه إذا ما نجحتي
النهاية ما راح تعجبچ عن قريب راح تصيرين
ملگه
رفعت راسي، جمعت شوية شجاعة وهمست
بصوت مرتجف وصوت شوي عالي
:: أنا مو ملك أحد وإذا ظليتوا تفكرون هيچ
شوفوا شلون راح أكسر قوانينكم
رئيس ضحك ضحكة قصيرة وكال
رئيس:أحب التحدي خليه يزيد الحماس
بس تأكدي، كل خطوة إلج محسوبة
وأني اللي أحسبها
:: أموت نفسي ومستحيل قبل أن أصير لك
وخليك تلمسني
رئيس: نشوف يانجمتي
روكا ابتسمت بخبث واقتربت مني أكثر، كأنها تريد تستفزني أكثر
روكا: تدرين شنو؟ أحسن إلچ تسمعين كلامه
الرئيس ما يحب اللي يعاندون
باوعتله عيوني واني مستهزئ بيهم أبتسمت هي
وكالت
روكا: هسه نعرف شنو أول درس ألج
رفعت عيوني لرئيس وگلت بصوت مليان تحدي
::مهما سويتوا، أني ما راح أنحني. وإذا عندكم
درس، شوفوا شلون أني اللي راح أتعلم بطريقتي
ضحك بهدوء، ضحكة باردة، وكال
رئيس:أحب العنيدة بس شوف شلون العناد
يتحطم بسرعة هنا
مد يده وأشار لروكا
ࢪئيس: خذوها خلوا البداية تصير قوية
وأتأكدوا إنها ما تنسى الدرس الأول
تقدمت بخطوات بطيئة، وملامحها مليانة خبث، مدت يدها وسحبتني بقوة، وگالت وهي تضحك
روكا:راح تعجبچ البداية، بس خلي بالج كل
خطوة تأخرينها راح تكون أصعب عليچ
سحبتني نحو زاوية الغرفة، جانت الإضاءة هناك
أضعف، لكن المكان مليان مرايات تعكس وجهي
من كل زاوية. صوت الموسيقى تعلى، وكأنه
يغرق كل محاولة مني أفهم اللي يصير حوالي
روكا: رقص، غصب، أو بكيفچ. القرار مو قرارچ، هذا المكان يحكمچ
التفتت لروكا وعيوني مليانة غضب، وگلت بصوت عالي
::أنا مو لعبة بيدكم، وما راح أصير جزء من
هالشي لو شنو صار
ضحكت بصوت عالي وكالت، وهي تلتفت للرئيس
روكا: شوف العنيدة شلون تحچي تگدر تخليها تنحني برمش عين لو تريد
ضحك بصوت وكال
ࢪئيس: هاي نجمتي خليها تدلل براحته
روكا: بكيفك بس هواي عنيدة شرايك تأدبه
بطريقتك
الرئيس اقترب، خطواته جانت ثكيلة وكأنها
تدوس على روحي مع كل خطوة. وكف
كبالي وابتسم ابتسامة باردة وهو يگول
ࢪئيس:مو مستعجل الوقت طويل بس تأكدي
النهاية راح تكون مثل ما أني أقرر
عيونه جانت تلزمني بمكاني، حتى لو فكرت أهرب، حسيت كأن الأرض نفسها مسجونة وياي
شعرت بنفسي كأني محاصرة بين جدران
هذا المكان، كل خطوة جانت تكاد تقطع أنفاسي
. رئيس وكف كدامي، عيونه ثابتة عليّ، وكأنه
يدرس كل حركة أسويه روكا جانت تضحك على جانبه، ورفقة البنات كلهم جانوا يشوفونني بنظرات مستفزة، كأنهم ينتظرون لحظة انهياري.
:: أني مو مثلهم ما راح أصير لعبة بيدكم
رئيس تبسم ابتسامة ساخرة وكال
ࢪئيس:عندي وقت طويل ومو مهم إذا خسرتي
أو كسبتي بس مثل ما گلتلج النهاية راح تكون
على مزاجي
رفعت راسي وكلت، عيوني تلمع بتحدي
::وإذا قررت أصير أني النهاية
صمت المكان صار رئيس باوعلي، بعدين اقترب
مني ببطء وكال بهدوء،
ࢪئيس: القرار إلج بس خلي بالج بهالمكان، ماكو
أحد يكدر يوكف بوجهي
الرئيس جان واكف كدامي، عيونه ما زالت ثابتة عليّ، بس بداخله جانت تلمع بريق من التسلية.
رئيس: أنتِ تحاولين تبين شجاعة، صح؟
بس ما تراجعت، رغم كل شيء جان يخوفني
:: أنت ما تعرفني ما راح تكدر تكسرني انت
أو غيرك فهمت
روكا: هيي أنت منو شايفه نفسج شوفي
لج مو شوي نطاج مجال كمتي تحجين
بكيفج
خزرته وكلت
:: منو هوه وينطيني مجال ماشايفتج لا انت
ولا هو كدامي
هز رئيس وابتسم ابتسامة خفيفة، وكأنه
يخطط لشيء أكبر. بعدين نظر لروكا وكال
رئيس: خذوها علموها الرقص بس خليها
تكون محترفة ما أريد أي خطأ، لأنها إذا ما
تعلّمت بسرعة، راح تندم
ردت بابتسامة مكر، وكالت:
روكا: راح تكون جاهزة بوقت قصير لا تخاف
راح نتأكد إنها تلمع كدام الزبائن
:: حسبالك أذا تعلمت الرقص راح أسوي كلشي
تريده بدون نقاش؟
هز رأسه، وكال
رئيس: شوفيني راح تشوفين شنو ممكن يصير
بس ما جان عندي وقت أفكر. روكا سحبتني
بسرعة، وضحكت بصوت عالي.
روكا: يلا شوفي الحركات مالتي
أخذت نفس عميق، وكلت لنفسي: "ما راح
أسمح لهم يكسرونني. إذا جانوا متوقعين
إني أضعف، راح يشوفون غير رغم رقص
روكا السريع والمبهر، جنت مركز على نفسي
وعلى الإصرار اللي داخلي.
بعد ما بدأت تحرك جسمها بثقة، نظرت لي وكالت
روكا: إنتِ شنو تحاولين تعاندين أني راح أعلمج
شلون تكونين محترفة بس تحركي مثل حركتي
كان واضح إنها تحاول تضغط علي رجعت كال
روكا: يلا، ورّيني شطارتج
بداية جانت صعبة، لكن بكلبي جان عندي شيء أكبر، شيء ما راح أفرط بي رغم ضغطها عليّ ورغم إن كل نظرة منها جانت مثل سكين يجرحني
روكا: شوفتي ما راح تكدرين. التمرين مو سهل
راح تعبيني واضح
:: ومرض بدمج أنت رقاصة وهاذه شغلج
شايفتني مثلج كح... وأعرف أهز
ضحكت بصوت عالي
روكا: اخخ من لسانج يلا نسكت شنو نسوي
نتحملج شنسوي بس الرئيس يريد وحده
تعرف تهزله
رفعت راسي باوعتله جان بعده واكف ويباوع
هوه مبتسم خزرته واني قرفانه من شكله
:: أمداج انت وياه أذا هيج مجلوب يريد
وحده تركصله مايأخذج
روكا: ها رئيس شوف لسانها شطوله
رئيس: بعدين اني أعرف شلون أكصه خليها
هسه تحجي بكيفها
كال هيج وطلع من الغرفه هو يمشي بهدوء
باوعتله سحبتني من ايدي وصارت تعلمني
على رقص كعدت بالأرض وعاندت ماتحرك
ظلت تحجي فوك راسي واني بس باوعله
سكتت شوي وطلعت من الغرفه والبنات كلهن
طلعن مرت شكم دقيقه ورجعت وياها زلم نفسهم
الخطفوني كمت وأكفت واني حسيت بخوف
أبتسمت هي وكالت
روكا: وهسه شنو رئيج تكومين تتعلمين الرقص
مثل الحبابة لو خليهم يغتصب...
لحظأ خفت منها باوعتلهم جانو يباوعولي وهم
مبتسمين جانو حيل ضخمين وشكولهم تخوف
رجعت ليورا وخايفه وعيني عليهم
:: لا روكا
روكا: ماخليهم يسوولج شي أذا كمتي
وصرتي حبابة
:: ليش تلحين كتلج ماريد تعلم
اخذت نفس ورجعت كالت
روكا: تكومين هسه لو خليهم يشوفون أشغلهم
هزيت راسي بأي بتسمت هي وهمه طلعو من الغرفه
صارت هي تعلمني على رقص بالبداية جنت
حيل خايفه وبنفس الوقت عيني على باب خايفه
يدخلون مره ثانيه
مر وقت طويل وهي تعلمني لحد ماكعدت بالأرص
من التعب باوعتله
:: كافي الله يااخذج
اخذت نفس بضوجه وكالت
روكا: تره مجبورة خليج تتعلمين بسرعه لو
بأيدي جان طلعت وياه البنات كلهن راحن
واني باقية وياج
:: ليش وين راحن؟
روكا: وين يعني للملهة
بقيت ساكته مارديت اخذت نفس احس روحي
راح تطلع وماكو بالي غير جيلان وين هيه
وصار عليها ماأعرف أذا ذوها او شنو أسوو
بيها
روكا: كومي للغرفه رتاحي بعدين نكمل
لازم أروح وراهن
هزيت راسي بأي وكمت طلعنه من الغرفه
ورحنه لغرفه بيها هواي جربايات باوعتلي
روكا: روحي رتاحي على هذيج الجرباية
ورتاحي بس ديري بالج تفكرين تهربين
لمصلحتج أحجي هالشي كو هواي حرس
بره
مارديت رحت على جرباية الأشرت عليها
تمددت ودرت وجهي عنها وهي طلعت
من الغرفه وسدت الباب بقيت بمكاني
فترة ماتحركت انتظرها تطلع وشوفلي
مخرج
مر وقت وكمت من الجرباية ورحت للباب
فتحته بهدوء مديت راسي شفت أثلاث
زلم واكفين سوة ويحجون وياه بعض
رجعت راسي بسرعه أخايفه ينتبهون الي
رجعت على جرباية ونزلت دموعي بكسره
أحس هنا راح تصير نهايتي
مرات شكم يوم نفس الشي شكد حاولت
لكه مكان نهزم منه بس ماكدرت بكل وقت
جانو موجودين الحرس روكا صارت يوميه
تعلمني على رقص بالبداية جنت مثل أن بعدني
مافهم وماتعلمت بس أحتى لايسوولي شي
شكد توسلت بيها تكلي أي شي عن جيلان
مجانت تحجي شي وتكتفي أن هي ماتعرف
أي شي عنها
ما الࢪئيس جانت شوفه يوكف يم الباب
يباوعلي من بعيد مايحجي شي بس انظراته
قذره
بيوم جانت الدنيا الصبح وجاي تدربني روكا
روكا: تره شفتج امس وانت تدورين مكان
بالحمام أحتى تهربين منه
:: أني راح أخرج، بس مو بالطريقة اللي
تتوقعينه يمكن ما تعجبك الحركات، بس
النهاية راح تكون غير.
ابتسمت ابتسامة وكالت:
روكا: أنتِ بعدج بالبداية
ردت احجي نفتح الباب ودخل الرئيس
راحتله روكا تركض تحجي وياه وتشرحله
شكد اني متعبته وماأسمع الكلام ولا تعلم
بسرعة
وهوه يسمعه هو يباوعلي اجه تقرب مني
وأكف كدامي وكال
ࢪئيس: ليش هيج ماتسمعين الكلام
روكا: اول مره أشوف هيج بنت عنيدة
يعني راح يصير النه أكثر من اسبوع وهي
نفس الوضع
:: اني ماريد تعلم مو غصب تره
روكا: هاا أشوف شلون تحجي يعني اني
شنو أكدر سويله
رئيس: تره منطيج مجال بمزاجي لاتخليني
أسوي الي بالي وخليج تتندمين على هاذه
كلامج
مارديت بقيت ساكته بالكوه كامشه لساني
لو بأيدي ركع راسه بالحايط بس مااكدر
دنكت راسي حاول خفي غضبي
روكا: أحجي وين راح لسانج مو جاي
يحجي وياج الرئيس
:: ماعندي شي أحجي
تقرب من الرئيس أحس رجليه ماشيلني
من الخوف رجعت شوي ورا أبتسم هو
وباوع على روكا
ࢪئيس: طلعي روكا
ب... بعده ممكمله شرإله على باب هزت راسها
وطلعت جيت طلع وراها كمشني من أيدي باوعتله
بخوف دفعت ايده عني بسرعة ورجعت ورا
ࢪئيس: ليش هيج خايفه نجمتي
:: طلع شنو تريد عليش باقي هنا
ࢪئيس: على ماعتقد هاذه المكان كله الي أني
مارديت وأكف مكانه وكال
ࢪئيس: لاتحاولين تلعبين وياي انت الي راح
تندمين تعرفين شنو راح أسوي أذا لعبتي
بذيلج
خزرته ودنكت ضحك هوه وأجه أحتى يطلع
باوعلي أنظرات خيرأ وطلع
اخذت نفس وزفرته رجع نفتح الباب بكل
قوة ودخل....
.................
- يتبع الفصل التالي اضغط على ( سر بين السطور) اسم الرواية