رواية ذنوب على قيد الغفران الفصل السابع 7 - بقلم براء
البارت السابع
البـــــــــارت السابع
مرحبا حبايبي العسل شلونكم ❤❤
#ذنوب على قيد الغفران
#للكاتبه براء
غنى : كاعده بالفاتحه ... اي بيبي ماتت بعد ماصحيت بلغوني بوفاتها ما استغربت جان عندي احساس انو حتلحك مروان .... اباوع خالاتي ملخن نفسهن هنه ونسوان خوالي اله اني كاعده بزوايه وابجي على المره الي ربتني والي جانت تمسح على راسي وتكلي الله يساعدج حبيبتي ... بعد منو يمسح على راسي ويواسيني ماادري شفتي يا بيبي هاي اني صرت وحيده بعدج وبعد مروان
سحر : ولج يمه سوده عليه حتى وانتي على فراش الموت توصيني على غنى
سهاد : هي من وره منو ماتت غير من وره غنى واخوها ماتت قهر عليهم سوده عليه
سهاد : هي من وره منو ماتت غير من وره غنى واخوها ماتت قهر عليهم سوده عليه
غنى : اي والله صحيح بيبي ماتت من القهر والبجي على حالاتي والي صار
... منو هاي الي كاعده بالزاويه
... خطيه هاي حفيدة المرحومه اهلها ماتو من جانت صغيره وضلت بس هي واخوها تالي كبرت اخوها وخلته رجال وطلع بي قلب ومات قبل اشهر وهسه توفت الحجيه وبقت هاي البنيه وحيده
... خطيه شلون بيها ماعدها احد ومنو يتحملها بعد
... الله يصبر كلبها خطيه تكسر الخاطر مو سهله يكون الشخص وحيد لاام ولااب ولا اخ ولا اي احد الله يعلم شراح يصير بحالها هسه
غنى : اسمع كلامهم وابند من البجي لعد شكد مثيره للشفقه اني ولو كلامهن صحيح اني فعلا مبقه عندي احد المن اعيش واتعب بعد عليمن ربي ليش هيج مو ضربتين على الراس توجع
سحر : تقربت حضنتها بدموع كافي يمه كافي انتي ما عايزه لتهيجين جروحج يمه
غنى : بدموع هو اني شوكت طابت جروحي خاله مروان صارله تلث اشهر ولحكته بيبتي وشمدريج يجوز بعد تلث اشهر الحكهم اني واخلص ... اني تعبت خاله كلبي ديوجعني انتي تدرين اني كلبي مقسوم نصين نص لمروان ونص لبيبي وهسه ثنينهم راحو يعني كلبي انتهه خاله
سحر : سوده عليه يمه
غنى : تنشغ بقيت وحيده خاله محد الي بعد بيتي فرغ خاله لابي صوت مروان ولابي ريحة بييي شلون اعيش اني خاله اخاف ابقه وحدي
سحر : لا يمه انتي مو وحيده اني وياج وما اعوفج ابد انتي بنيتي اني ربيتج ويه امي وما افرط بيج
نرجس : بنتدت بجي على غنى ياربي هالبنيه ما مكتوبلها ترتاح الى متى تبقى هيج ملحكت تطلع من صدمة دخلت بصدمه ثانيه ارحم بحالها إلهي الي مثلها ميستاهلون الي ديصير ... اباوعلها شحالها صارت هاي غنى ام ضحكه الحلوه ام وجهه المنور هيج يصير بيها
غنى : مرت ايام الفاتحه بغمضه عين رحت زرت بيبيتي وبيومها وكفت اباوع على قبرين واحد بصف الثاني لمروان وزكيه .... الناس تبجي اله اني واكفه اباوع للكبورهم واني ساكته اعاتبهم بكلبي لان عافوني
نورس : مسحت على ظهرها حبيبتي غنى لتكبتين بصدرج ابجي احجي سوي اي شي بس لتضلين هيج
غنى : نشفت دموعي بعد خزاني خلص خاله ... عفتها وتقربت خليت ورد وعلكت بخور على قبرهم امسح على اساميهم بأيدي معقوله اجسادكم نايمه هنا بهالبرد .... بيبي ليش عفتيني اذا على مود مروان فمروان حيروح يم اهلي اله اني من تركتيني بقيت وحدي ... باوعت الكل بده يروح خو خوالي حتى مكلفو نفسهم يحاجوني وياخذون بخاطري رجعت ويه خاله سحر ودعت مروان وبيبي بالنجف ورجعت لبغداد الي صارت مدينه احزاني بعد مجانت مركز سعادتي .... وصلت للبيت الكل راح حتى خوالي وخالاتي بقينه بس اني وخاله سحر اباوع البيت فارررغ مبي اي حس فرغت غرفه بيبي ومروان وبقه بس صوتي ينسمع بهالبيت
سحر : نونه حبيبتي اني داخله انام تعبانه من الطريق وانتي هم نامي
غنى : هزيت راسي
_______________________
فهد : رجعت من الدوام لكيت مروه بنت عمي عباس عدنه شعجب ... السلام عليكم
الكل : وعليكم السلام
مروه : شلونك فهد
فهد : الحمدلله انتي شلونج
مروه : ابتسمت الحمدلله زينه
فهد : لعد وين الباقين
ورده : سعاد تغدت هي وجناينها وصعدت واروى تدري بيها طلعت للسوك ويه بنات عمامي على حساب الدوام واني وامي و مروه بقينه هنا
ايمان : ولج ورده وتالي ويه لسانج ادري نشره اخباريه انتي يمه فهد روح بدل وتعال تغده
مروه : خاله ماخابرتي اهلي بلكي يكدرون يرجعون من وقت
ايمان : ليش يمه خليهم براحتهم
مروه : لا مو اخاف زحمه
ورده : زحمتيش تره احنه بيت عم عوفي الرسميات سمعت فهد
فهد : شهالحجي مروه بيتج هذا
مروه : ابتسمت يكلي بيتج هذا يمه شيقصد يعني
فهد : يمه عفيه لبين ما ابدل اريد الغده جاهز تره كلش تعبان
ايمان : صار يمه
فهد : وصلت لغرفتي صارت آلاء بوجهي
آلاء : هاا الله يساعدك فهودي
فهد : ويساعدج هاا بشري لكيتي شي بالغرفه اليوم
آلاء : بارتباك هاا
فهد : هاا وجعا التوجعج عبالج ما الكفج ... كلي لرجلج هاي الدروب بطلوها متمشي على فهد اذا ناسين اذكركم منو اني وشكدر اسوي يله وخري عن وجهي فتحت الباب ودخلت
آلاء : رجعت للغرفه ركض كعدت فيصل ... اكعد اكعد
فيصل : هاا هااا شبيج خليني منطمر
آلاء : فيصل فهد دره اني الي ادخل لغرفه مالته
فيصل : كمت انتي صدك تحجين
آلاء : اي والله
فيصل : انتي مو كتيلي اني ادخل للغرفه بس من فهد ما موجود لعد شلون عرف احنه جاي ندور بغرفته
آلاء : والله ماادري اني حتى ماادخل بوكت الي هو موجود بس ماادري شلون كدر يعرف
فيصل : شكلج بله
آلاء : كلي .. كولي لرجلج خلي يبطل هالدروب
فيصل : مسحت على شعري سمعي ولج تسوين روحج كلشي ما مفتهمه ولتاخذين بكلامه ارتاحي هو يمكن شايفج بعينه يعني ماعنده دليل يثبت كلامه
آلاء : هيج رأيك
فيصل : اي ... اااخ احتركت روحك سالم بهذا اليوم من عبن سجلت كلشي بأسم فهد وخليتنه ننجبر نتصرف مثل الحراميه
آلاء : اي والله
مروه : خاله وين اودي صينيه الاكل
ايمان : يمه عوفي هسه ورده توديها
البـــــــــارت السابع
">ايمان : يمه عوفي هسه ورده توديها
مروه : لا خاله شنو السالفه بس كليلي وين اوديها
ايمان : طلعيها بالصاله خلي اصيح فهد
فهد : نزلت من فوك وكعدت اتغده
ايمان : طلعيها بالصاله خلي اصيح فهد
فهد : نزلت من فوك وكعدت اتغده
مروه : اباوعله شلون ياكل يربي معقوله اذا صار نصيب بيناتنه اوكله بأيدي واطبخله واحضر ملابسه ياربي احلفك بالنبي تخلي فهد من نصيبي مااريد شي غير يصير فهد حلالي
ورده : مروه مروه احاجيج شبيج
مروه : هاا ورده حبيبتي
ورده : صار ساعه احجي وياج شنو طرشه
فهد : نزلت الخاشوكه .... بحده ورده
ورده : اسفه
فهد : كملت غده وشلت الصينيه خليتها بالمطبخ درت وجهي لكيت امي ورايه ... هاا يمه
ايمان : فهد اريدك تحاجي ورده صار ساعه احجي وياها على الصلاه متقبل تصلي حاجيها انت بلكي تسمع كلامك
فهد : عذريني يمه اني مااكدر احاجيها
ايمان : ليش غير اخوها الجبير انت
فهد : صحيح بس على اي اساس اروح اكلها روحي صلي وبالمقابل اني مااصلي .... سمعي يمه مستحيل اعلم واحد على شي اني ما اسوي هذا يسمو تناقض تردين روحي لحجيه ياسمين وهي تفهمها زين
ايمان : وانت شوكت ناوي تلتزم مو صرت شايب
فهد : علاقتي ويه ربي شي خاص بيني وبينه رجاءاً لحد يدخل ... عفتها وطلعت اتنرفز من واحد يحجي وياي بخصوص هالموضوع
____________________
غنى : صار ايام على وفاة بيبي وصار الحزن مخيم على بيتنه غابت الضحكه و صرت بس اني بي اااااه كلها بجفه ومن يجي الليل جفه ثانيه شكو الم عندي يطلع ... خاله سحر ابد ما عافتني والي سمعته انو هي حتستقر بالعراق بس شنو الفائده واني وجود اي شخص بحياتي هالفتره ميشكل فرق عندي
سحر : هاا حبيبتي شمكعدج بره
غنى : طلعت اشم هوه مخنوكه
سحر : سلامتج يمه خو مابيج شي
غنى : هزيت راسي نافيه لتخافين مبيه شي ... ضليت ساكته فتره اجه سؤال على بالي ... خاله ليش قررتي تبقين بالعراق
سحر : كافي بعد صارلي سنين عايشه بره صار الوقت انو ابقه وحتى لو رجعت المن ارجع بنتي وتزوجت ومستقره ويه رجلها ورجلي مشغول ..... حابه اوضحلج شغله اذا عبالج اني راح استقر على مودج فشيلي هالفكره من بالج
غنى : خليت راسي بحضنها ... يعني قرارج هذا مخصوم
سحر : فتحت شعرها ماشاءالله شعرها بطولها ... اي طبعا
غنى : وشنو رأي عمو ابو حوراء
سحر : كلي براحتج
غنى : غمضت عيوني خاله ضلي لعبي بشعري اريد انام
سحر : بستها مو تدلل بنيتي
________________________
ايمن : عمر وينك تعال
عمر : هاا
ايمن : شوف هذا التقرير مسوي فهد هذا صدك يحجي ميخاف على روحه
عمر : شو اشوفه ... هذا شبي ميدري هالاسماء اذا نعرفت شراح يصير بي
ايمن : هذا فهد راح يوكع نفسه بتهلكه امشي خلي افتهم السالفه منه ... طلعت من مكتبي دخلت لمكتبه كاعد يشتغل كالعاده ميمل من الشغل ابد ... فهد شن..
فهد : قاطعته وعيوني بالاوراق ... اطلع بره
ايمن : دسمع
فهد : بطل هالحاله من تدخل لمكان دك الباب لتصير بدون ذوق
ايمن : مو وقت بطيخ هسه خليت الملف كدامه ... شنو هذا
فهد : باوعت مسوي روحك غبي متشوف شنو هذا
ايمن : اعرف شنوه بس فهد شنو هالاسماء الي ذاكرها بي
عمر : فهد هالاسماء خطره وممكن يأذوك اذا درو ذاكر اسمائهم بهيج قضايا معقده
ايمن : هسه ليش ساكت غير تحجي
فهد : خلصتو ... اولا اني لو ما متأكد من الاسماء هاي ما جان ذكرتها وثانيا الموضوع راح يبقه سري يعني بيني وبين الكادر التحقيقي والي هو انتو والمسؤول فماكو شي يدعي للقلق
عمر : انت تدري روحك ذاكر اسم منو لك تعرف منو هذا وجاي ذاكر اسمه بهيج قضيه
فهد : منو يعني نعل من نعالات الدوله واحد مرتشي وسافل والقضيه لايحته لايحته حي على الصلاه واذا عبالكم سلطته تخوفني فغلطانين ماعاش ولا كان الي يخوف فهد سالم
ايمن : فهد خلي نكون واقعيين انت مو هذا شغلك الي جاي تسوي مجرد غطاء لشغلك الاساسي لا اكثر وتعرف كلش زين اذا عرفو انت الشخص الي يدورون عليه شيصير بيك راح تموت
فهد : ميخالف اموت واخلي هالاشكال بالسجن ولا ابقه كاعد وساكت مثل النسوان اباوع على الي ينهبون بلدي واضل ساكت
عمر : انت وتالي وياك اذا متخاف على روحك خاف على اهلك
فهد : تنهدت لتخاف محد يعرف اي معلومه عني لا عن اهلي ولا عن حياتي الشخصيه انتو نسيتو اني شخصيه مجهوله الهويه يعني بشغلنه الاساسي محد يعرفني ولا شايفني
ايمن : ميخالف الحذر واجب
فهد : هسه انتو عليمن مخبوصين تره اني صارلي سنين بهالشغل واعرف شلون اتصرف بحكمه وتكتيك مو مبتدئ اني وتخافون عليه
عمر : مبتدأ لو خبر هههه ... اباوعلهم صفنو عليه
فهد : كملت نضحك ....باوعت لايمن اضحك ايمن
ايمن : ههههههههههههه بعد لو كافي
عمر : والله انتو ماتستحون
فهد : ابتسمت دطلعو يله عبالي عدكم سالفه ... طلعو واني رجعت اكمل شغل شفت رساله اجتني من فرح ..... " حبيبي اشتاقيتلك شوكت تجي والله اني اسفه " .... غلقت الموبايل مااريد ارد على احد خليته على الميز وكمت دخلت لغرفه التحقيق
___________________
غنى : اجيت من الجامعه رجعت للدوام اذا ابقه بعد اسبوع انفصل وهاي اني انجبرت اداوم بعد وفاة بيبي بأسبوعين الحياة هادئه نوعاً ما اني وخاله سحر مكضيها سكوت او نقاشات على مواضيع بسيطه وصلت للبيت فتحت الباب ودخلت شفت خاله تروح وتجي على الطباخ ... السلام عليكم
سحر : بستها هله يمه دخلي بدلي وصلي علما اصب الغده حتى نتغده ونكعد ننتظر خوالج راح يجونه العصر
غنى : ذبيت ملازمي خير شعدهم
سحر : والله علمي علمج يا يمه
غنى : دخلت لغرفتي نزعت ملابسي ودخلت سبحت طلعت انشف بشعري لازم اكصه صاير يضوجني يرادله سنه ياله ينشف وسنه ياله يتمشط فلازم اكصه ... مابيه حيله اني روحي كوه متحملتها .... فتحت كنتوري اباوع ملابسي كلها صارت سود ابتسمت اني الي جان اللون الاسود ميلوح جسمي هسه حلبسه طول عمري .... طلعت ثوب ساده صيفي بدلت وشلت شعري طلعت لكيت خاله دتصب وكفت اصلي كملت وكعدنه نتغده
سحر : شلون كان يومج بالجامعه
غنى : ماكو شي جديد دنحضر للامتحانات النهائيه بعدلها يمكن شهر ونص
سحر : ونرجس شلونها اكيد مكطعه روحهه بالدراسه
غنى : نرجس والدراسه ماكو تناسب اصلا استاذ جعفر يريد يرسبها لو ما يخاف من ابو
سحر : رغم وكاحت هالبنيه بس هي عسل تنحط بنص الكلب سوالفها حلوه وماعدها تصنع تصرف بطبيعيه
غنى : بمجتمعنه القذر عدهم الي يتصرف على طبيعته ديلمح لشي او يسوي هيج حتى يبرز نفسه مجتمع جاهل
سحر : منكدر ننكر فعلا اكو اشخاص هيج يسوون
غنى : صحيح بس مو الكل
سحر : ابتسمت صار هوايه ممسولفين اني وياج حيلل ترتاح نفسيتي من اشوفج هيج
غنى : تنهدت خاله اني جنت ومازلت متأثره بالي صار وعمري محنسى بس شنو اسوي بجي بحيت لطم لطمت شنو الفائده قررت انو الجئ لربي مثل كل مره واني متأكده حينصفني شكد ما مروان وبيبي الله يرحمهم جانو حنينين عليه بس مستحيل يضاهون حنيه ربي عليه
سحر : بست راسها اروح فدوه لبنيتي العاقله الي تفهم .... رفعت اديه الله يوفقج ويرضى عليج وينور دربج ويرزقج بأبن الحلال بجاة كلمن اله جاه عند رب العالمين
غنى : ابتسمت على كلامها حبيبتي خاله ربي يحفظج .... كملنه غده وكعدنه نشرب جاي شويه واجوي بيت خوالي همه ونسوانهم
كامل : شلونج خالي
غنى : الحمدلله
نورس : بوستها شلونج نونه حبيبتي شخابرج عساج بخير
غنى : هلو بيج خاله الحمدلله انتي شلونج
نورس : بخير بعد كلبي
غنى : رحت جبتلهم مي واجيت كعدت اباوع بوجهم شكد كرهتهم بعد اخر موقف صار بيناتنه ... خير شعجب اجيتونه اليوم حيصير شهر على وفاة واحنه مشفناكم
خالد : والله مشاغل
غنى : اباوعلهم مبينين عدهم سالفه
سحر : شو سكتو خير شكو
كامل : خالي غنى ركزي على كلامي زين الي كلته ماراح اعيده تره
غنى : بهدوء تفضل
كامل : احنه عرضنه البيت للبيع وتقريبا انباع
سحر : شنووو انتو صدك تحجون
غنى : لحظه خاله اسمحيلي .... انتو على اي اساس تعرضون البيت للبيع شنو هو فارغ وتصرفون بكيفكم
خالد : شهالسان الطويل هذا ولج
غنى : ماجاوبته اصلا ... اكدر اعرف ليش عرضتو البيت للبيع ومنو انطاكم صلاحيه بهالشي
كامل : مثل ماتعرفين خالي احنه ناس حالتنه على كدنه وامنه توفت ومابقه منها غير بس هالبيت فاتفقنه انو نبيعه ونقسم الورث بيناتنه
سحر : ولكم انتو شنو وبنت اختكم وين تروح مافكرتو بيها
خالد : عدها اهل تروح يمهم او تاخذ حصه امها وتشتريلها مشتمل على كدها تكعد بي
سحر : ولكم انتو صدك تحجون تردون تبيعون البيت وامكم ما دايره عليها السنه
كريمه : هاي الحياة شنسوي يعني لازم تمشي
غنى : اباوعلهم شهالجشع هذا ... زين انتو من عرضتو البيت للبيع مفكرتو اني وين حروح
كامل : اهلج موجودين واحنه مامجبورين نتحمل مسؤوليتج
سحر : هاي بدال ما تركون البيت وترفضون تاخذون حصصكم لخاطر بنت اختكم جايين تبيعون البيت انتو شنو من بشر بس فهموني
خالد : على اي اساس نتنازل عن حصصنه انتي متعرفين احنه شنو وضعنه
كامل : هاي اختك صارلها سنين بره وشبعت فلوس ويه رجلها وجايه تبيع مثاليات براسنه تردين اخذي حصتج انطيها الها اني عن نفسي ما اتنازل
خالد : ولا اني
سحر : باوعت لسهاد وانتي
سهاد : باوعت لغنى عذريني خاله اني محتاجه الفلوس مااكدر اتنازل عن حقي الج
غنى : اجتي خاله تحجي لزمت ايدها ... بهدوء شكرا بس اني ما اريد منكم شي وحتى لو جنتو تردون تتنازلون اني مااقبل فلوسكم ما احتاجها مثل ما كدرت اعيش مروان وبيبي بكدي وتعبي اكدر اعيش نفسي ومن كدي خلص انتو مو بعتو البيت بالعافيه عليكم
نورس : هزيت راسي حسبي يالله ونعم الوكيل عليكم
سحر : باوعتلها يمه انتي ما محتاجه فلوس احد مادام امج موجوده متعوفج ... وبالنسبه لخوالج اذا ميعرفون فأحب ابلغهم انو امي عدها بيت بمنطقه ((......)) تاركته صار سنين ومن دخلت غنى للكليه سجلت البيت بأسمها فهي مو بحاجتكم ولا حتصير بحاجتكم
غنى : بأستغراب هاي شوكت صار كل هذا شو اني معندي علم
كامل : بعصبيه انتي صدك تحجين امي منيلها فلوس حتى تشتري بيت بهالمنطقه انتي تعرفين اسعار البيوت هناك شلون تكسر الظهر
سحر : تنهدت يمكن امي جانت تدري من بعدها راح تذلون بت اختكم فخطت هيج خطوه حتى تأمن على غنى وللمعلومه هالبيت جان بأسم ابويه من زمان حسب كلام امي ابويه جان يشتغل صانع عد واحد وكلشي ماعنده والرجال ساعده بمبلغ وكدر ابويه يشتري بيت صغير بذاك الوكت وضلو اهلي الله يرحمهم كاعدين هناك لفتره طويله لحد ما صرنه احنه وزاد عددنه فأنجبر ابويه يشيل لغير منطقه والحمدلله جان عنده امكانيه انو يشتري بيت ويبقي ذاك وامي جانت مستعزه بي لان بي ريحة ابويه فخلته وماحجت عنه والبيت ذاك بقه على حطته وربكم راد يصير لغنى من تكبر
عمر : مبتدأ لو خبر هههه ... اباوعلهم صفنو عليه
فهد : كملت نضحك ....باوعت لايمن اضحك ايمن
ايمن : ههههههههههههه بعد لو كافي
غنى : دخلت لغرفتي نزعت ملابسي ودخلت سبحت طلعت انشف بشعري لازم اكصه صاير يضوجني يرادله سنه ياله ينشف وسنه ياله يتمشط فلازم اكصه ... مابيه حيله اني روحي كوه متحملتها .... فتحت كنتوري اباوع ملابسي كلها صارت سود ابتسمت اني الي جان اللون الاسود ميلوح جسمي هسه حلبسه طول عمري .... طلعت ثوب ساده صيفي بدلت وشلت شعري طلعت لكيت خاله دتصب وكفت اصلي كملت وكعدنه نتغده
سحر : شلون كان يومج بالجامعه
غنى : ماكو شي جديد دنحضر للامتحانات النهائيه بعدلها يمكن شهر ونص
سحر : ونرجس شلونها اكيد مكطعه روحهه بالدراسه
غنى : نرجس والدراسه ماكو تناسب اصلا استاذ جعفر يريد يرسبها لو ما يخاف من ابو
سحر : رغم وكاحت هالبنيه بس هي عسل تنحط بنص الكلب سوالفها حلوه وماعدها تصنع تصرف بطبيعيه
غنى : بمجتمعنه القذر عدهم الي يتصرف على طبيعته ديلمح لشي او يسوي هيج حتى يبرز نفسه مجتمع جاهل
سحر : منكدر ننكر فعلا اكو اشخاص هيج يسوون
غنى : صحيح بس مو الكل
سحر : ابتسمت صار هوايه ممسولفين اني وياج حيلل ترتاح نفسيتي من اشوفج هيج
غنى : تنهدت خاله اني جنت ومازلت متأثره بالي صار وعمري محنسى بس شنو اسوي بجي بحيت لطم لطمت شنو الفائده قررت انو الجئ لربي مثل كل مره واني متأكده حينصفني شكد ما مروان وبيبي الله يرحمهم جانو حنينين عليه بس مستحيل يضاهون حنيه ربي عليه
سحر : بست راسها اروح فدوه لبنيتي العاقله الي تفهم .... رفعت اديه الله يوفقج ويرضى عليج وينور دربج ويرزقج بأبن الحلال بجاة كلمن اله جاه عند رب العالمين
غنى : ابتسمت على كلامها حبيبتي خاله ربي يحفظج .... كملنه غده وكعدنه نشرب جاي شويه واجوي بيت خوالي همه ونسوانهم
كامل : شلونج خالي
غنى : الحمدلله
نورس : بوستها شلونج نونه حبيبتي شخابرج عساج بخير
غنى : هلو بيج خاله الحمدلله انتي شلونج
نورس : بخير بعد كلبي
غنى : رحت جبتلهم مي واجيت كعدت اباوع بوجهم شكد كرهتهم بعد اخر موقف صار بيناتنه ... خير شعجب اجيتونه اليوم حيصير شهر على وفاة واحنه مشفناكم
خالد : والله مشاغل
غنى : اباوعلهم مبينين عدهم سالفه
سحر : شو سكتو خير شكو
كامل : خالي غنى ركزي على كلامي زين الي كلته ماراح اعيده تره
غنى : بهدوء تفضل
كامل : احنه عرضنه البيت للبيع وتقريبا انباع
سحر : شنووو انتو صدك تحجون
غنى : لحظه خاله اسمحيلي .... انتو على اي اساس تعرضون البيت للبيع شنو هو فارغ وتصرفون بكيفكم
خالد : شهالسان الطويل هذا ولج
غنى : ماجاوبته اصلا ... اكدر اعرف ليش عرضتو البيت للبيع ومنو انطاكم صلاحيه بهالشي
كامل : مثل ماتعرفين خالي احنه ناس حالتنه على كدنه وامنه توفت ومابقه منها غير بس هالبيت فاتفقنه انو نبيعه ونقسم الورث بيناتنه
سحر : ولكم انتو شنو وبنت اختكم وين تروح مافكرتو بيها
خالد : عدها اهل تروح يمهم او تاخذ حصه امها وتشتريلها مشتمل على كدها تكعد بي
سحر : ولكم انتو صدك تحجون تردون تبيعون البيت وامكم ما دايره عليها السنه
كريمه : هاي الحياة شنسوي يعني لازم تمشي
غنى : اباوعلهم شهالجشع هذا ... زين انتو من عرضتو البيت للبيع مفكرتو اني وين حروح
كامل : اهلج موجودين واحنه مامجبورين نتحمل مسؤوليتج
سحر : هاي بدال ما تركون البيت وترفضون تاخذون حصصكم لخاطر بنت اختكم جايين تبيعون البيت انتو شنو من بشر بس فهموني
خالد : على اي اساس نتنازل عن حصصنه انتي متعرفين احنه شنو وضعنه
كامل : هاي اختك صارلها سنين بره وشبعت فلوس ويه رجلها وجايه تبيع مثاليات براسنه تردين اخذي حصتج انطيها الها اني عن نفسي ما اتنازل
خالد : ولا اني
سحر : باوعت لسهاد وانتي
سهاد : باوعت لغنى عذريني خاله اني محتاجه الفلوس مااكدر اتنازل عن حقي الج
غنى : اجتي خاله تحجي لزمت ايدها ... بهدوء شكرا بس اني ما اريد منكم شي وحتى لو جنتو تردون تتنازلون اني مااقبل فلوسكم ما احتاجها مثل ما كدرت اعيش مروان وبيبي بكدي وتعبي اكدر اعيش نفسي ومن كدي خلص انتو مو بعتو البيت بالعافيه عليكم
نورس : هزيت راسي حسبي يالله ونعم الوكيل عليكم
سحر : باوعتلها يمه انتي ما محتاجه فلوس احد مادام امج موجوده متعوفج ... وبالنسبه لخوالج اذا ميعرفون فأحب ابلغهم انو امي عدها بيت بمنطقه ((......)) تاركته صار سنين ومن دخلت غنى للكليه سجلت البيت بأسمها فهي مو بحاجتكم ولا حتصير بحاجتكم
غنى : بأستغراب هاي شوكت صار كل هذا شو اني معندي علم
كامل : بعصبيه انتي صدك تحجين امي منيلها فلوس حتى تشتري بيت بهالمنطقه انتي تعرفين اسعار البيوت هناك شلون تكسر الظهر
سحر : تنهدت يمكن امي جانت تدري من بعدها راح تذلون بت اختكم فخطت هيج خطوه حتى تأمن على غنى وللمعلومه هالبيت جان بأسم ابويه من زمان حسب كلام امي ابويه جان يشتغل صانع عد واحد وكلشي ماعنده والرجال ساعده بمبلغ وكدر ابويه يشتري بيت صغير بذاك الوكت وضلو اهلي الله يرحمهم كاعدين هناك لفتره طويله لحد ما صرنه احنه وزاد عددنه فأنجبر ابويه يشيل لغير منطقه والحمدلله جان عنده امكانيه انو يشتري بيت ويبقي ذاك وامي جانت مستعزه بي لان بي ريحة ابويه فخلته وماحجت عنه والبيت ذاك بقه على حطته وربكم راد يصير لغنى من تكبر
كريمه : والله اني من البدايه ما ارتاحيتلج وحسيتج مو راحه عرفت سكوتج وخضوعج هذا اله سبب طلعتي خوش حابكتلج حبكه
غنى : بهدوء والله كلمن يرى الناس بعين طبعه يا مرت خالي
كامل : كمت ولج بت الكلب شو طلع لسانج اجيت اضربها صارت كدامي سحر
سحر : اكسر ايدك اذا تمدها عليها فتهمت والله اشتكي عليك بالشرطه افتهمت
خالد : خلص اهدو شبيكم احنه جاي نتناقش بالموضوع شجاكم
سهاد : هسه عليمن هالهوسه احنه اجينه ناخذ البيت وننطي مهله لغنى حتى تفرغ البيت وهسه طلعلها ذاك البيت يعني ماكو اقل الاسبوع وتفرغ البيت
سحر : تف عليج يا ام نفس الدنيه يالماعندج كلب لو بيج خير متبيعين البيت الي تربيتي وكبرتي بي بس انتي طينتج وصخه مثل اخوتج اهم شي عدكم الفلوس
كريمه : خلاصاً للمشاكل هذا البيت ناخذه احنه بدون مننطي شي لغنى ونعتبر ذاك البيت هو حصه امها وخلصت السالفه
كامل : هو هيج عاشت ايدج احسن حل
سحر : شنو هو بكيفكم مالها حصه هنااا والله اطيح حظكم يييييله امشووووو طلعوووو برررره
غنى : اهدي خاله اني كلشي مااريد منهم خلي ياخذون هالبيت واني وياج نروح هناك بس فضينه لخاطر الله تره ماعندي اي طاقه انو اتناقش فرت دمعه من عيني مسحتها بسرعه
كريمه : حقج متردين شي انتي بس البيت الي طلعلج بذاك الحساب
كامل : عندج اسبوعين حتى تفرغين البيت الرجال يريد يجي يشوفه حتى اذا عجبه يشتري وانتي سحر حصتج ادزها الج من نستلم الفلوس يله امشونه
غنى : اباوعلهم طلعو ولا كأن شي صاير ... باوعت لخاله سحر كعدتج تبجي ... بهدوء ليش تبجين خاله
سحر : باوعتلها يعني انتي مضايجه من الي سوو
غنى : كعدت كبالها ودموعي نزلت اكيد ضايجه بس مو على حسابهم لا على حساب البيت لان ربيت بي وبي ريحة بيبي ومروان مااريد اتركه اني الي بقالي منهم هالبيت فصعب عليه اتركه خاصه انو صديقه عمري كاعده يمي ومن احتاجها الكاها بصفي بس شسوي هاي بعد الامر طلع من ايدي ابجي اتوسل بيهم ماكو فائده همه مصرين على البيت خلي ياخذو واني مقابله ومااعتقد حيتهنون بي
سحر : مسحت دموعها يروحون فدوه لاظفر رجلج هالكلاب ذوله باجر ان شاءالله ناخذ تكسي ونروح نشوف البيت اني وياج
غنى : انتي تندلي
سحر : اي بأخر زياره الي للعراق رحنه اني وامي حتى نسجل البيت بأسمج صحيح السالفه صارلها سنين بس اني من اشوف بيت الرجال اتذكر مكان البيت لان كباله وحتى لو ما اندله اسأل وهمه يدلوني الي يسأل ميضيع لتخافين
غنى : هزيت راسي
سحر : تدرين اكو شغله حلوه من كل هالمعمعه الصارت اليوم
غنى : شنو هي
سحر : راح تكعد بمنطقه حلوه وبنفس الوقت تغيير وكذا
غنى : ابتسمت حاضنتها خاله حبابه لتعوفيني مالي احد غيرج بعد والله
سحر : ولج اكو ام تعوف بتها اني بعد مااعوفج انتي اعز حتى من حوراء انتي بنيتي وحبيبتي العاقله والفاهمه والي ينضرب بيها المثل غير هيج اكو واحد يشوف وجهج وجمالج وميحبج
غنى : منيلي جمال خاله
سحر : ليش ولج وجهج جنه كيمر السده من البياض تبركين برك وعيونج يخبلن وكل هذا بجفه وطيبت كلبج وجمال روحج بجفه ثانيه
غنى : بياضي الماصخ على كوله نرجس
سحر : ضحكت دختولي قابل مثلها ام لسان ناسيها بالفرن
غنى : ابتسمت ادري بخالتي تحاول قدر الامكان تطلعني من الحاله الي اني بيها ومتبين كدامي انو هي ضايجه لهذا دتفتح مواضيع حتى تغير مزاجي
___________________
فهد : هاي ثاني مره تخابرني فرح مااعرف شبيها لزكت ... جاوبتها خير شتردين
فرح : فهد لازم تجي للبيت اريد احجي وياك بموضوع مهم
فهد : احجي اسمعج
فرح : فهد الموضوع مينحجه بالموبايل لازم اشوفك واحجي وياك وجه لوجهه رجاءا تعال اني منتظرتك
فهد : تنهدت يله جايج ... كمت بدلت ونزلت شافتني امي
ياسمين : هاا يمه وين رايح مو سوينه العشه تعشه واطلع
فهد : بست ايدها صار عندي شغل اكمله وارجع ما اتاخر احاول اكمله بسرعه ... عفتها وطلعت اخذت سيارتي ورحت لفرح ... وصلت للبيت فتحت الباب ودخلت لكيتها كاعده بالصاله بس مبينه تعبانه ... شردتي مني
فرح : كمت وكفت كباله اجيت احضنه بس وكفت ... شلونك فهد
فهد : كعدت بخير احجي شكو
فرح : بارتباك فهد اني صارلي فتره تعبانه حيلل ونفسي تلعب وشهريتي غايبه مااعرف شنو السبب
فهد : وبعدين
فرح : باوعتله فهد يمكن اني حامل
فهد : باوعتلها شلون حامل واني ماخذ احتياطتي ومن ناحيتج انتي جاي تاخذين حبوب منع حمل فشلون يصير حمل
فرح : ماادري بس هالاحتياطات مو دائما تنجح
فهد : كمت اني رايح اجيبلج اختبار حمل واجي وعود من تطلع النتيجه نحجي
فرح : لزمت ايده فهد اذا اني طلعت حامل راح تخليني انزل الطفل
فهد : مستحيل اخليج تنزلي
فرح : جاا شتسوي
فهد : اتزوجج رسمي واخلي زواجنه علني
فرح : بس انت كلت مستحيل تخلي زواجنه علني
فهد : مستعد ادوس على نفسي وعلى الناس واعلن زواجي منج بس في سبيل مااخلي ابني يصير منبوذ بالمجتمع ... عفتها وطلعت للصيدليه اني ماخايف من شي لان شبه متأكد هي مو حامل لان اني ماخذ كامل احتياطاتي مو غشيم واخليها تحبل ولا يمكن انو افكر اسوي طفل منها هسه او بعدين بس هذا امر الله اذا طلعت فعلا حامل لازم اتقبل هالشي مهما يكن يبقه هالطفل مسؤوليتي ... جبت الاختبار ورجعت للبيت ... هاج روحي حللي وشوفي
فرح : اخذته منه ودخلت للحمام
فهد : طلعت جكاره ورثتها وكعدت ادخن ... ماكو ربع ساعه وطلعت ... هاا ؟
فرح : طلعت النتيجه سلبيه
فهد : يعني ؟
فرح : بدموع مو حامل
فهد : اخذت نفس من الجكاره جنت متاكد ... كمت يله من رخصتج اني اروح
فرح : ركضت حضنته .... بدموع فهد الله يخليك لتروح نفسيتي حيلل تعبانه هالايام والله راح اموت من القهر بعدك عني يموتني
فهد : حضنتها خلص اهدي لتبجين
فرح : دفنت راسي بصدره فهد اني احبك تعرف شنو يعني احبك الوحيد الي مستعده انزل نفسي اله مره وثنين وعشره بس في سبيل ما اخسره هو انت
فهد : لا رد
فرح : باوعتله راح تروح مو
فهد : هزيت راسي لا راح ابقه يمج ... تعاي كعدت واجتي حضنتني .... خابرت امي الوو
ايمان : الوو هاا يمه وينك شو تأخرت
فهد : صار عندي شغل ضروري يجوز مااكدر ارجع اليوم
ايمان : خير خوماكو شي
فهد : لا يمه لتشغلين بالج ماكو شي مجرد شغل
ايمان : خوش يله يمه الله وياك
فهد : سديته
فرح : ابتسمت راح تبات يمي اليوم
فهد : اي
فرح : جاا خلي اكوم احضرلك العشه
فهد : لا كعدي ماكو داعي اني مو جوعان
فرح : براحتك حبيبي تمددت خليت راسي بحضنه فهد انت مو زعلان مني
فهد : لا مو زعلان
فرح : جنت بالبدايه اشوفك كلش متلهف عليه عكس هسه احسك كوه تتقربلي
فهد : اني بيه طبيعه مو حلوه انو اني شخص ملول امل بسرعه مرات اكتل روحي على شي ومن يصير بأيدي فتره وامله اكرهه الروتين مع انو حياتي روتينيه لابعد درجه
فرح : راح يصيرلي وياك اربع اشهر ولسه ماكدرت افهمك مرات احسك منفصم لان مااعرف شتريد حتى من انت مرتاح يبقه وجهك محافظ على ملامحه المستفزه عمري ما سمعتك تضحك بصوت او تسوي شي يسوو كل الشباب .... دائما اشوفك تكتفي بكلمه بسيطه او ابتسامه ماشفتك فديوم جاملتني تغزلت بيه ... وكلامك ويايه كل يكون بوقت الفراش تاخذني لغير عالم ومن اكعد انصدم بالواقع هواي اشياء بيك يافهد تخليني حايره شلون افهمها
فهد : اني مو منفصم هاي طبيعتي مااحب اكون فرش وتافه مثل بعض الشباب بالوقت الحالي .... وبالنسبه الي الي يريد يحبني لازم يتقبل شخصيتي ومزاجي المتقلب وقبل هذا كون يتقبل عيوبي زائد اني ما مستعد اغير نفسي حتى ارضي احد
فرح : بس اكو اشياء انت لازم تراعيها بنفسك لان فضاضتك ببعض الاحيان يكرهه الناس بيك
فهد : بهدوء يطبهم طوب اني مامجبور اروح اتحفحف واخط حاجبي حتى ارضيهم ولا مجبور اروح اشتري بنطرون نزالي حتى يبين الشورت الماركه مالتي ولا مجبور اتبع تسريحه وطواطيه حتى اعجب البنات هذا اني وهاي شخصيتي الي يحبني لازم يحبني كلي على بعضي مامستعد اتصنع اللطف والادب واكعد ابيع مثاليات براس الناس حتى الفت الانظار هاي مو شخصيتي ولا راح تكون
فرح : هسه عوفنه من هالموضوع ... صدك لو جنت طالعه حامل جان تزوجتني صدك
فهد : اي
فرح : ليش
فهد : الطفل ماله ذنب ينولد بالمجتمع وزواج اهله ماموثق ومامعترف بي ... محد راح يتقبله واني مااريد ابني يتعذب مستعد اسوي كلشي ولا اخلي اطفالي يشوفون يوم واحد موزين
فرح : زين انت اذا تحب الاطفال لهلدرجه ليش ماتزوجت من زمان
فهد : ما احب احجي عن الموضوع سدي
فرح : بسته صار
_______________________
نرجس : لج انتي صدك تحجين شنو ترحون
غنى : نرجس شبيج قابل هو بأيدي داكلج انطوني اسبوعين حتى افرغ البيت
نرجس : بس اريد افتهم هذوله شنو من بشر يعني كل ضمير ماعدهم ميكولون هاي بت اختنه وين تروح
غنى : بهدوء همه مبلغ عمليه مقبلو يسلفوني ترديهم يتنازلون عن البيت والمن الي اني
نرجس : الله لا يوفقهم روح ياكامل وخالد وسهاد عساكم متتهنون بالبيت وعسى ينهدم على روسكم اللهم امين
غنى : لتحجين هيج نرجس ميجوز
نرجس : دمعت عيوني لج غنى راح اتخبل يعني حتروحين وتعوفيني
غنى : تنهدت شسوي يعني قابل الامر بأيدي بس لتضوجين اني مااعوفج اكو واحد يعوف اخته وصديقه طفولته
نرجس : اوو والله ذكرتيني بأيام الابتدائيه من جنت اسحلج من شعرج
غنى : ابتسمت ضلينه نحجي شويه وهي راحت ... كمت توضيت حتى اصلي
جعفر : كاعدين ونزلت نرجس عيونها حمر شبيج نرجس
نرجس : غنى حتروح
ام جعفر : ياا وين تروح
نرجس : خوالها باعو البيت وانطوها مهله حتى تفرغه وهي مارفضت وراح تروح باجر تشوف البيت حتى تنتقل بدموع يمه غنى راح تعوفني اني مااكدر بدونها
جعفر : بعصبيه انتي صدك تحجين وين راح تروح وشلون يطلعوها من البيت شنو هي سايبه الشغله
نرجس : راح تنتقل لمنطقه ((....))
جعفر : انتي ثوله وغنى منيلها فلوس حتى تشتري بيت بهالمنطقه
نرجس : مو الحجيه الله يرحمها طلعت مسجله البيت ذاك بأسمها تكول غنى خالتها كايتلها مكان شلون الملحق او هيج شي مو بيت مثل الي ابالك
ام جعفر : سوده عليه ياغنى شلون حاله هاي والله كسرت كلبي هالبنيه دومها مشلوعه كلب
جعفر : صعدت لغرفتي بسرعه جبت موبايلي ودكيت عليها شويه وردت الوو غنى
غنى : سديت القران الوو استاذ شلونك
جعفر : موزين غنى موزين
غنى : خير صاير شي
جعفر : غنى طلعي بالحديقه اريد احاجيج بسرعه
غنى : شكو استاذ خوفتني
جعفر : ماكو شي اريد احاجيج يله اني جاي
غنى : سديت الموبايل وطلعت بجادر الصلاة
سحر : وين يمه
غنى : استاذ جعفر يريد يحجي وياي وحطلع للحديقه اشوفه شيريد
سحر : الدنيا ليل هسه شعنده جاي ماكلج
غنى : لا والله ... فتحت الباب وطلعت ماكو خمس دقايق ودك الباب فتحتها وهو دخل للحديقه همزين خاله سحر موجوده والا مجان دخلته ... تفضل استريح استاذ
جعفر : اباوعلها لابسه جادر الصلاه وطالعتلي دخيل ربج بس كليلي شمسويتلي حتى هيج صايره بعيني .... احم صحيح الي سمعته ؟
غنى : شسمعت
جعفر : راح تنتقلين منا
غنى : هزيت راسي
جعفر : ماكو شي اسمه تنتقلين تبقين هنا
غنى : الشغله مو بكيفي استاذ لو بأيدي جان بقيت طول عمري هنا ... وبعدين انت ليش صاير عصبي
جعفر : غنى مستحيل اخليج ترحين منا اذا رحتي اني اضيع
غنى : عفوا ؟
جعفر : غنى تتزوجيني
غنى : هاا
جعفر : لتكولين هاا غنى اني احبج ومن زمان هم من صادقتي نرجس وكمت اشوفج تكبرين وتحلوين كدام عيني حبيتج لدرجه متكدرين تتخيليها صرت استاذ وشفت اشكال والوان من البنات بس ولا وحده رف كلبي عليها غيرج الوحيده انتي الي من اشوفها تتخربط اوضاعي وارتبك اعرف انو هالحجي مو وكته بس غنى اني ما اكدر اضيعج من ايدي اني احبج واريد ازوجج
غنى : بهدوء استاذ اني ممفكره بيك هيج انت استاذي اني احترمك واعتبرك مثل اخو..
جعفر : قاطعتها بعصبيه اني مو اخوج فتهمتي اي صله ماكو بيناتنه غنى اني احبج واريدج ومستعد باجر اتزوجج بس لترفضين
غنى : استاذ الزواج اصلا مو بالي ولا افكر بي
جعفر : خلص اني اعوفج براحتج من تهدئ الاوضاع اتقدملج رسمي
غنى : استاذ انت دتفهمني اني رافض.....
جعفر : ماكو شي اسمه رافضه فكري بالموضوع غنى لو تلفين هالدنيا كلها متلكين واحد يحبج بكدي اني مستعد افديج بروحي غنى اني ماراح اضغط عليج بس رجاءاً حاولي تفكرين بالموضوع وصدكي اني مستحيل اعوفج
غنى : ضليت صافنه عمري مافكرت انو استاذ جعفر يفكر بيه بهالطريقه عبالي مجرد اعجاب لا اكثر ... ياربي منين طلعتلي هالسالفه ... دخلت جوه شفت خاله سحر واكفه
سحر : هاا شكلج
غنى : استحيت اكلها ... راد يستفسر على موضوع النقل
سحر : هاا دتعاي طبي يمه خلي نتعشه
غنى : هزيت راسي
بتول : اليوم الكل متجمع بالمطبخ ماعدى فهد ... اكول اروى لعد فهد وينه غير استراحته اليوم شو ماهو
اروى : واكفه اسوي جاي ... والله ماادري يجوز صار عنده شغل
آلاء : صباح الخير
اروى : صباح الظهر
آلاء : هم حجت حبيبتي اني مره مزوجه وجنت سهرانه البارحه ويه رجلي اكيد اكعد متاخره بس هي شلون سهره جانت يمه ولا الف سهره
ايمان : بحده آلاء عيب هالحجي لتنسين نفسج
سعاد : ليش يمه شكالت
ايمان : سعاد خصوصيه المتزوجين تبقه بينهم ما تسولف كدام الناس لو احنه بايعين المستحه كلش
آلاء : كلبت عيوني ... وين ليلى
سعاد : نايمه سوده عليه مالها خلك
اروى : شبيها ؟
سعاد : مشتاقه لجهالها ورجلها مايقبل يجيبهم خطيه البارحه بندت من البجي تريدهم بعد كلب ام وعدكم الحساب
ليلى : بابتسامه سلام عفيه سولي ريوك ميته من الجوع
ايمان : تلقائيا كلنه اندارينه على سعاد
سعاد : احم هاا يمه شلون صرتي
ليلى : ليش شبيه
اروى : طلعت البيض تفضلي سوي ريوك لنفسج اني عندي دراسه
انغام : اليوم جمعه شعندج
اروى : يمعوده ضايجه وين اروح على الاقل التهي شويه بالدراسه
ليلى : عمت عين الشطاره
اروى : كل واحد يلتهي بنفسه احسن اله
علي : صباح الخير
الكل : صباح النور
سعاد : اي شلونك دكتور شو هالايام منشوفك
علي : ومن شوكت انتي تحبين شوفتي
سعاد : غير ولدي انتو واحبكم
علي : الله يرحم ايام النعال والطردات الي جنه ناكلها منج
ايمان : عليي تأدب
سعاد : عوفي ادري هذا مو حجيه اكو من يزرع براسه شوف علي اني احبكم وانتو ولدي حتى لو ماجنت جايبتكم بس ابقه مرت ابوكم وبمقام امكم رضيتو او مارضيتو
علي : باوعتلها صفح تصدكين تأثرت .... اكلج يمه عفيه مشتهي دولمه سويلي اليوم بالليل
آلاء : ليش الدولمه تنوكل بالليل
علي : اي اني احب اكلها بالليل
ايمان : صار يمه ان شاءالله اسويلك بالليل اذا صار عندي مجال
علي : اروح فدوه للام كلب الحنين
سعاد : اييي حظوظ لعد ولدي ميصيرون مثلكم اهمده حظج ياسعاد لامن الرجل ولامن البزر
ايمان : بكلبي عينج بارده علينه ان شاءالله
ليلى : لعد وين فهد
ايمان : طالع
ليلى : يربي هالولد ولا يكعد بالبيت هسه يجيبلكم مصيبه بسبب طلعاته هاي
علي : على فكره تره فهد رجال مو ولد انتبهي على الوصف
ليلى : شدعوه كاعدلي على الكلمه
علي : يمه اني بغرفتي من يجي فهد صيحيلي
ايمان : هزيت راسي
__________________
سحر : يله غنى يمه تعاي تأخرنه
غنى : عدلت شالي يله اجيت طلعنه اخذنه تكسي ورحنه للبيت البيت شويه بعيد عن منطقتنه لان احنه كاعدين بمنطقه شعبيه عاديه مو منطقه راقيه وصلنه للمنطقه وره فتره اباوع المنطقه كلش حلوه بيوت ضخمه وجبيره وبنائها حديث .... نزلنه باوعت لخاله تندلين البيت
سحر : تعالي خلي نسأل .... شفت واحد بالشارع عفيه خويه تندل بيت حجي علي
... قصدج حجي علي المرحوم صاحب معمل ((....))
سحر : اي اي وين صاير بيته
... بهالفرع ثاني بيت على ايدج اليمنه
سحر : هاا شكرا خويه رحم الله والديك
... بخدمتج خويه
سحر : يله نونه تعالي
غنى : امشي واباوع للشارع ماشاءالله الشوارع كلها مبلطه ومزروعه ومبينين الناس الساكنين بهالمنطقه كلهم اغنياء
سحر : باوعت للبيت هذا بيت الحجي علي الله يرحمه
غنى : زين هسه انتي اندليتي البيت
سحر : اي تعاي تذكرت مكانه
غنى : مشينه مسافه مو بعيده وصلنه اباوع البيت كدامه سيارات هواي حديثه وعاليه شنو بس لا هذا البيت
سحر : ضحكت لا ولج هذني البيوت لولد حجي علي هذا بيتنه بصف هالبيت لزك
غنى : عبرنه السيارات وشفنه البيت مبين بسيط من شكله واصلا مامبين لان البيوت الي بصفه مغطيه عليه كد ما جبيره ... فتحت خاله الباب ودخلنه ... اباوع البيت بي حديقه جبيره بس كلها منتهيه وزرعها منتهي
سحر : فتحت الباب تعاي يمه خلي نشوف البيت
غنى : دخلت اباوع البيت بسيط وحلو صحيح وصخ بس هالشي ما مأثر عليه ... افترينه بالبيت بي طابقين الجوه بي غرفه وصاله ومطبخ واستقبال صغير وصحيات صعدنه فوك لكينه غرفه صغيره بس وباب بنهايه الطابق اجيت افتحه لكيته مقفول
سحر : يمه هذا الباب مشترك بين ذاك البيت وبيتنه عوفي مالج شغل بي
غنى : هزيت راسي .... ومن يومها كمنه نجي كل يوم اني وخاله ننظف البيت طبعا هلكت لان اجي من الدوام اناملي ساعه وبعدها نطلع اني وخاله نظفنه البيت طلع وجهه صار يخبل واني رحت للمشتل جبت بذور وكم شغله حتى ازرع الحديقه تقريبا بأسبوع كملنه كلشي بقه بس ننقل غراضنه ... طبعا جعفر الله يخلي ماتركنه لحظه كله ويانه نقلنه الاثاث البسيط الثلاجه الطباخ الكاونتر وتخم القنفات البسيط مالتنه خلينا بالبيت ماشاءالله صار البيت تحفه .... وانتقلنه اني وخاله واستقرينه بهالمنطقه ناسها هادئين بشكل
سحر : ولج غنى عوفي الحديقه اني اسويها
غنى : لا خاله معندي شي ... سمعت الباب يندك خاله اديه وصخه تعالي فتحي الباب
سحر : طلعت فتحت الباب شفت بنيه حليوه اهلا حبيبتي تفضلي
اروى : بابتسامه السلام عليكم احنه جوارينكم الي بصفكم نورتو المنطقه تفضلي
سحر : اخذت الصينيه منها بعد كلبي بيت منو انتو
اروى : بيت ابو فيصل
سحر : الحجي علي شيصير منكم
اروى : جدي ابو ابويه احنه بيت سالم اذا تعرفو
سحر : لا حبيبتي لا صغرا بيكم بس ما اعرفكم بس ابويه الله يرحمه جان يشتغل عند جدج اكيد بيبيتج وعمامج يعرفو. .... ليش واكفه تفضلي حبيبتي شنو اسمج
اروى : اروى
سحر : عاشت الاسامي حبيبتي تفضلي
اروى : دخلت للطرمه لكيت بنيه اديها كلها طين مبينه جاي تشتغل بالحديقه
سحر : غنى حبيبتي كومي سلمي على البنيه
غنى : شلت راسي شفت وحده واكفه بالطرمه كمت هلو
اروى : ابتسمت اباوعلها لابسه تراك اسود برموده شكلها كلش حلو هلو بيج حبيبتي
غنى : احم تفضلي تفضلي
اروى : لا حبيبتي تسلمين عود نجي بغير وقت نتعرف عليكم
سحر : تنورون بأي وقت
اروى : عذرونه من التقصير وامانه اي شي تحتاجو لتترددون اعتبرونه اهلكم
سحر : تسلمين بعد كلبي سلميلنه على الوالده
اروى : يوصل يله من رخصتكم
سحر : الله وياج حبيبتي ... سديت الباب ودخلت لكيت غنى واكفه تغسل ولج مو فشله ضليتي صافنه بوجهه البنيه
غنى : استحي شجاوبها يعني وبعدين شنو هالصينيه متروسه اكل شنو المناسبه حتى جابوها
سحر : يمه هاي عاده قديمه اسمها نزله كل واحد ينتقل لمنطقه جديده جوارينه القريبين عليه يسووله نزله يعني يدزوله اكل
غنى : هاا ... باجر كون اسوي غده مرتب وادزه الهم فشله شوفي شلون مزحمين نفسهم
سحر : مبينين خوش ناس
غنى : اي بتهم لطيفه .... كملنه شغل وتغدينه وبعدها رحنه نمنه والعصر خالتي راحت تسوكت كعدت ثاني يوم سويت دولمه وبرياني وحلويات خليته بمواعينهم ... بدلت ورحت اودي الهم والله طبيت بنص هدومي من شفتهم دزولنه اكل شكد فشله .... وصلت لبيتهم هسه شلون ادك الباب درت وجهي شفت اكو سياره خليت الصينيه عليها ودكيت الجرس ورجعت شلت الصينيه .... شويه وانفتحت الباب طلع واحد صخم ولابس تراك اسود شلت راسي باوعتله ... فتحت عيوني ....... هم انت ؟
********************************
- يتبع الفصل التالي اضغط على (ذنوب على قيد الغفران) اسم الرواية