رواية ذنوب على قيد الغفران الفصل السادس 6 - بقلم براء
البارت السادس
البـــــــــارت السادس
مرحبا حبايبي العسل شلونكم ❤❤
#ذنوب على قيد الغفران
#للكاتبه براء
فهد : وصلت للبيت دخلت وجان ..... انصدم بالي شفته ... اختي ليلى كاعده بالصاله وكلها ملتمه عليها خير شبيكم
سعاد : ولك تعال فهد تعال شوف اختك شصاير بحالها سوده عليه عسى كسر بأيده يلي ميتسمه هذا ملخها تملخ
فهد : ذبيت مفاتيحي صبر صبر شبيج انطينه مجال نفهم اكلتيني اهدي وخلينه نفتهم السالفه ... وكفت كبال ليلى اباوع وجها صاير خريطه وعينها مورمه ... بهدوء هاي منو سوه بيج هيج
فيصل : رجلها الكوا... هالكلب ابن الكلب
سعاد : اي والله
فهد : هسه ناكل تبن لو شلون ... باوعتلها احجي ليش رجلج ضاربج هيج
ليلى : تعاركنه ولزمني ضربني
فهد : معقوله بدون سبب
ليلى : اي والله بدون سبب
سعاد : شنو فهد هو تحقيق اختك جاي تكلك رجلها ضاربها تكلها ليش صدك تحجي بدال ماتروح تكسر عظامه
فهد : وعلى اي اساس اروح اكسر عضامه واني كلشي ما مفتهم من السالفه شنو سايبه هي
منذر : شنو تفهم فهد دباوع وجها شلون مورم كون هسه نروح نطيح حظه وننعل والديه شنو اختنه منطيها فصليه خو ما فصليه
فهد : دكل تبن تنعل والديه شنو يجوز اختك الي غلطانه شمدرينه احنه
ليلى : يعني اني جايه متحاميه باخوتي اكول هسه ياخذون حقي ويطلعون هالضرب من عيون رجلي تالي تكلي انتي الغلطانه لعد شكد حاقد انت
فهد : بهدوء الواضح جلدج يحكج وترديلج بعد كتله ... كلنه خلي نفهم السالفه وبعدين نحكم ولو اني متأكد الصوج منج لان انتي رب المشاكل متملين ولا تهجعين اربعه وعشرين ساعه تتناكرين ويه رجلج
اروى : فهد على كيفك شوف حالها شلونه
ورده : شلونه حالها زي العسل واكثر
فهد : بعصبيه ورده
ورده : هاا
فهد : لغرفتج فوراً ... اباوعلها ضلت بمكانها صحت بيها انييي شكلتتتت
ورده : صعدت ركض
فيصل : شراح نسوي هسه شنو راح نضل ساكتين على عمله رجل اختك الحقير
فهد : انطينه صبر طلعت موبايلي دكيت عليه ... الوو هاا وسام شلونك ... اي عدنه بالبيت ليش ضاربها هيج هي هاي الامانه شنو ماخذها فصليه انت ... على اي اساس تضربها بهالطريقه شنو حيوانه عندك هي ... لو مهما كانت المشكله مالك حق تضربها بهالطريقه .... خزرتها هي هيج مسويه ... وبعدين ... اي خوش خوش يله الله وياك ... سديته ... كتيلي تعاركتو وضربج
ليلى : هاا اي والله
فهد : شالج الله على هالجذب بس والله تستاهلين الي مسوي بيج وخساره ما طلكج
سعاد : شبيك كبيت عليها شكلك هالحقير
فهد : والله ماكو حقيره غير بنتج الادبسزز والله عاشت ايده زين مسوي بيها الحيوانه ضاربه حماتها المره الجبيره المقعده والي بمقام امها ولسوء حضها رجلها شايفها وكاتلها
فيصل : مستحيل متسويها ليلى وحتى لو مسويتها اكيد اكو سبب
فهد : حتى لو اكو سبب يصير ترفع ايدها على مره جبيره وتضربها ماخافت الله ... باوعتلها مو باجر عكبه هم تصيرين حمايه وتشربين من نفس الكاس
ليلى : بدموع مو هي داست ابطني شنو تفشر عليه وتغلط اني فصليه عدها خوما فصليه
فهد : وتطيح حظج مره جبيره تكدرين تغلسين عليها ومن يجي رجلج تكليله امك حجت كذا وكذا مو ترحين تضربيها شنو تايهتلج هي
سعاد : والله تستاهل شنو تغلط وتفشر على بنتي قابل تستكلها على هالاذيه
فهد : يعني يصير هسه الزمج اضربج هنا لان اني شبعت اذيه منج لو يصير الجناين هسه يلزمنج يكتلجن لان منغصه عليهن عيشتهن اذا يصير يسون هيج خلص اني ليلى بعد مااحجي وياها وشتريد تسوي خلي تسوي
منذر : شهالحجي فهد لتنسى هاي امي وبقام امك
فهد : ماكو احد بمقام امي ولو هذا مو موضوعنه ... باوعت لليلى بله ما استحيتي على روحج مره شكبرج تمدين ايدج على مره بكد امج جان خجلتي من وضعها ... والله كمت استحي اكول عندي اخوه كد ما مفشليني كدام العالم
ليلى : فهد والله تعبت جزعوني العيال والجهال اني بشر
فهد : يطبج طوب محد كلج عرسي وكتلي روحج على الرجل .. من كتلج لتعرسين كملي دراسه وتخرجي دكيتي رجل لا اله اعرس ماعليكم بيه شوفي هذا العرس الي كتلتي روحج عليه كل شهر جايتنه زعلانه
فيصل : شنو مستعر منها حضرتك
فهد : والله اني مستعر من هالعائله كلها واولهم انت .... على العموم اني هسه حاجيت رجلج وكلي بعد ميريدج يكول اختكم عدكم وجهالي عندي بس فكوني منها
منذر : دخلي يولي بحاله احنه هالابن الفكر هذا
ليلى : يعني شراح يصير هسه
فهد : شيصير انتظري تهدئ الاوضاع وعوف نشوف شيصير ... وبكل الاحوال هذا بيتج وبيبانه مفتوحه الج بكل وقت بس ياريت تحترمين نفسج هنا ومتسويلنه مشاكل .... يله اني فايت ارتاح صوت ما اريد واروى ملابس الدوام تعالي اخذيهن غسليهن واكويهن اريدهن بالليل حاضرات
اروى : صار
فهد : صعدت لغرفتي ... شلون بيه ويه هالعائله الي متخلص المشاكل بيها
________________
سحر : هاا شكلتلج
نرجس : خليت الصينيه على الميز ... كالعاده متقبل تاكل وشربت شويه مي ودارت وجها عني خاله عفيه حاجيها تره دتمرد نفسها هيج صار ايام هي مخاله ولا لكمه بحلكها وغير المي متشرب ميصير هيج هذا انتحار على البطيئ
سحر : شو جيبي اخذت الصينيه ورحت للغرفه فتحت الباب ودخلت هاي من اجيت لليوم هي على حطتها نايمه ... خليت الصينيه وجريتها شو كومي
غنى : عوفيني
سحر : دكومي كافي مردتني روحج راح تتمرضين صارلج ايام لا اكل ولاشرب كلاص الماي كوه نشربج ياه كافي رحمي نفسج ميصير الي جاي تسوي بروحج
غنى : يطبني مرض معليكم بيه
سحر : ولج يمه شنو يطبج مرض الي جاي تسوي حرام لو كل الناس تسوي مثلج جان خلصت الحياه
غنى : اني الحياة انتهت بالنسبه الي من غاب نفس مروان بيها
سحر : وتالي راح تضلين طول العمر هيج
غنى : ماكو عمر ومروان ماموجود
سحر : كعدت يمها حبيبتي غنى انتي تآمنين بالله
غنى : هزيت راسي
سحر : مادام تأمنين بالله شلون تعترضين على الي كاتبه
غنى : الي صار مو قدر مروان مات بسبب حقاره وجشع الناس .... لو قابلين من البدايه يسووله العمليه جان كدرو يسيطرون على الوضع وجان هسه مروان بحضني نايم .... بدموع بس همه فضلو الفلوس على حياة طفل عمره ميتجاوز 14 سنه
سحر : حبيبتي الله كاتبله يموت هيج موته صدكيني لو ربج رايده يعيش جان نجحت العمليه حتى لو جانت متاخره بس هاي بعد هذا يومه
غنى : بدموع خاله اني لسه ممستوعبه انو مروان راح .... بعد منصلي سوه ولا ناكل سوه ولا نكعد سوه ... خاله بعد محد يتلكاني ويبوسني من اجي من الدوام بعد ما اسمع حسه بالبيت كل هذا اني لسه مكادره اتقبله ... خاله مروان كان ومازال اهم شي بحياتي تصدكين اني صعبه عليه اكو جان يسوي كذا ويحجي كذا ... تخيلي مروان صار ماضي
سحر : اسألج سؤال ... ياهو الاحسن انتي لو زينب عليها السلام
غنى : اكيد زينب عليها السلام
سحر : اذا متعرفين ف زينب عليها السلام .... شافت اخوتها يموتون كدام عيونها وشافت ولدها والي تعبت عليهم وكبرتهم يتذبحون كدام عينها ... ومو بس هيج بكل عين صلفه جابو راس اخوها خلو كدام عينها واخذوها سبيه للشام مشي على رجليها تخيلي حفيده خاتم الانبياء صار بيها كل هذا ... لو ماره بألي ماره بي هي شجان سويتي خسرت اخوتها وولدها واهلها كلهم ومع هذا ضلت صامده مثل ماهي وماكالت غير الحمدلله على كل حال
غنى : بدموع خاله اني ضعيفه مو قويه مثلها اني معندي احد نحرمت من حنان الام وحرص الاب من جنت طفله وتحملت مسؤوليه طفل رضيع وداريته مثل مااداري روحي واكثر ... كمت اشتغل خياطه واسمع حجايه من هذا ومن ذاك واضل متحمله لخاطره دست على حلمي بس في سبيل اكدر اوفر اله مستقبل زين .... تعرفين شنو يعني بنيه عمرها 17 سنه خاله راسها بالمكينه وتخيط بينما الي جانن بعمري اهم شي عدهن الدراسه والطلعه والونسه اله اني جان همي اطلع فلوس علاج لمروان وبيبي ومع هذا متذمرت جانت ابتسامه مروان وحسه بالبيت تسوه الدنيا ومابيها عندي ... بس بس هسه اني خسرت اخر شي جنت عايشه على موده حاولي تفهميني خاله الي صار صعب عليه اتقبله ... كمت طلعت هدومه شلون ترديني استوعب انو مروان بعد ميلبس هذني طلعت دفتره شلون ترديني اصدك مروان بعد ميدرس لهلمرحله وانتهت حياته .... شلون ترديني اصدك انو بعد ما ابوسه ولا اكرص خدوده
سحر : حضنتها وهي طكت بالبجي اريد اسيطر عليها مااكدر بندت عفتها تفرغ الي بكلبها سوده عليه لعد شكد مأثر بيها الي صار ... ضليت ساعه كاعده وهي بحضني تبجي ماسكتت لحظه وحده ... يايمه لعد محمل كلبج ... وره فتره سكتت مسحت على وجها غنى انتي تحبين مروان
غنى : بدموع لتسأليني خاله مستحيل اكدر اوصف مروان شنو بالنسبه الي لو شكد مااحجي مااوصف ذره من حبه بكلبي
سحر : احلفج بمعزه مروان .... كومي اكلي وحاولي ترجعين مثل ماجنتي وين غنى القويه الي اعرفها
غنى : غنى ماتت من وكف كلب مروان اني وكفت الحياة بعيني
سحر : دنيت الصينيه يمها يله اكلي بروح مروان كافي
غنى : مسحت دموعي هاي لخاطر مروان .... لزمت الخاشوكه قربتها من حلكي كوه جرعت اللكمه مااكدر احس روحي داكل سم مينجرع جبرت نفسي اكل شويه شربت مي وعفت الاكل
سحر : اباوعلها وجها احمر من البجي ... بستها عفيه ببنيتي العاقله هاي نونه الي اعرفها
غنى : درت وجهي عنها ونمت
______________________
شهد : دخلت للغرفه اباوع لبنت عمي الغبره مطلعه اغاني وسارحه بخيالها كالعاده ... كعدت هاا وين وصلتي بصفنتج
مروه : باوعتلها شتتوقعين يعني وين صافنه
شهد : اكيد بفهد خرب ولج متشبعين اربعه وعشرين ساعه تفكرين بي
مروه : غمضت عيوني ولج احبه احبه تعرفين شنو يعني احبه ولج لو مر من يمي اضل ارجف
شهد : هسه الي يسمعج يكول مر من يمج براد بيت
مروه : يروحوله فدوه كل الزلم يابراد بيت يا بطيخ ولج هو بس صوته ياخذني لغير عالم
شهد : ليش هو فهد يحجي حتى تسمعين صوته هاي معلومه جديده
مروه : انجبي شهد
شهد :بس فهميني وتالي وين راح توصلين بأحلامج هاي
مروه : ليش احلام ان شاءالله تصير حقيقه
شهد : مروه خلي نكون واقعيين فهد ميعتبرج غير بت عم ومستحيل يحبج ... وبعدين انتي شحبيتي بي هو بس تعقيده ووسوسته كافيه
مروه : شهد فهميني احبه ... احب شكله وملامحه الحاده ... احب عروكه الي طافرات طول الوقت كد ما عصبي ... احب رزانته بالكلام ... احب شخصيته واسلوبه ويه الكل هيبته تسحرني كلشي بي احبه ولج اني كد ما ممركزه بي كمت احسه بس هو رجال
شهد : لعد الي بالجامعه شنو زنابير
مروه : ههه لج لا بس ما اشوف عدهم رجوله مثل فهد يعني مثلا هو عنده حضور من يحجي الكل يصغي اله عنده كاريزما خاصه يكدر يلفت كل الانظار بيها مو مثل ذولاك السفهاء
شهد : اباوعلها تحجي وعيونها يلمعن ... تدرين لو فهد يسمع كلامج جان حبج وخطبج بدون اي مقدمات
مروه : قصدج يحبني مثل حارث موو
شهد : يبووو عليج هم رحتي على حارث
مروه : دكومي خلي ننزل نسوي كيكه اني ضايجه
شهد : يله ... نزلنه شفت باجي ضحى تسوي جاي تحبين اساعدج بشي
ضحى : لا حبيبتي تعالي استريحي
حارث : طبيت للمطبخ شفت شهد بت عمي مهدي عدنه ... هاا شهوده شلونج
شهد : ابتسمت الحمدلله انت شلونك
حارث : والله الحمدلله ... كعدت اي شلونها اختي خو ما شالعين كلبها
شهد : ههه لا والله محسن مدللها دلال
حارث : بهاي جذبتي
شهد : ليش
حارث : لان اخوج طايحظه
البنات : ههههه
__________________
ايمان : كاعده بالصاله وخاله ايدي على خدي اباوع لليلى تاكل وتضحك ولا كأن صاير شي والله قابليه عدهم فضيعه ياكلن طن كتل ويكومن يضحكن ويمشي الوضع عادي
ليلى : اكول اروى مو جنج كبرتي شوكت تعرسين مو جاي تكبر ورده ويجوز تبوك الاضواء منج
اروى : مامفكره حاليا بالزواج اريد اكمل دراسه
سعاد : انتي مو تخرجتي
اروى : اي بس اريد اقدم على الماجستير هم فائده الي وهم ونسه شتاقيت للكليه
سعاد : انتي متكعدين وتسكتين الي بكدج هسه متزوجات مو يفكرن بالدراسه بطلي تفيك
ايمان : ليش شكو بيها اروى شاطره وطموحه ولازم ندعمها مو نحبط معنوياتها وبعدين موضوع الزواج هذا شي بأيد ربنه لان هاي نصيب وبايد ربج فلتكعدن تفتحن هيج مواضيع
سعاد : شبيج انهديتي شحجينه هسه
ايمان : ماحجيتي شي واني هم ماحجيت شي
ليلى : اي ورده شلونج بيا صف صرتي هالسنه
ورده : زينه وصرت بالثالث متوسط
ليلى : وشلونه مستواج شاطره لو لا
ورده : اكيد اطلع شاطره على امي
سعاد : والله صحيح هي امج لوما شاطره تاخذ رجال عليه العتب وغصباً ماعليه
ايمان : بدينه برحمة الله
سعاد : لعد اني جذبت ماكلت غير الصدك انتي خذتي رجلي من حضني وبعدتي عني هاي تسمى شطاره لو لا
ورده : لا خاله هاي مو شطاره هاي قله حظ يعني انتي هسه شكلج على كدج ومو كلش حلو شنسوي اذا امي حلوه وتجذب فمن ابويه شافها سوه مقارنه بينكم وحس امي الاحلى فاختارها وعافج وحيده اححيج انو كدرتي تتحملين هاي لو اني بمكانج جان انتحرت وخلصت الدنيا مني اقصد خلصت من الدنيا
ايمان : ابتسمت شلون بيها ام لسان
ليلى : والله حاقدات على امي بس عليمن تطلعن
اروى : نطلع عليج شلون انتي مسيطره احنه كون نصير مثلج
ورده : مبينه السيطره من عيونها
ايمان : خزرتها ... كافي ورده ... اباوع فهد نزل شعجب ما طلع اليوم
فهد : سلام
الكل : وعليكم
فهد : كعدت اروى جاي
اروى : صار
سعاد : ولك يمه ليش متعرس وتعتمد على مرتك ليش تضل تزحم بخواتك
فهد : باوعتلها يعني اذا اريد ازوج اتزوج على حساب مرتي تسويلي جاي
ليلى : بس اريد اشوف الي تاخذك شلون راح تعيش وياك
فهد : اباوع لبتول ضحكت ودنكت راسها الحمدلله والشكر ... راح تعيش وياي مثل ما انتي عايشه ويه رجلج
ليلى : هذا بسمار يعني
فهد : لا برغي ... اجتي مروه اخذت منها الجاي
علي : نزلت هاا فهد شو اليوم بالبيت
فهد : هسه اطلع بس خلي اشرب جاي
علي : همزين بعدك ما طالع عفيه اريد مفتاح البستان الي بالحله
فهد : شتسوي بي
علي : باجر نريد نطلع اني وجماعتي نتونس هناك تدري هسه الجو حلو ومال طلعه
فهد : ماشي اخذه بس دير بالكم الفلاح وعائلته كاعدين هناك فعزلو نفسكم
علي : صار
فهد : كملت الجاي وصعدت سبحت وبدلت اجيت اطلع صارت آلاء بوجهي ... شعندج هنا
آلاء : هاا اجيت اصيحلك
فهد : شتردين مني
آلاء : لا مااريد شي بس جنه مسوين كعده واجيت اصيحلك .... يربي هذا مو جان جوه شصعده
فهد : تفضلي طلعي بره وبعد ممنوع تدخلين هنا بدون متدكين الباب هاي غرفه حماج مو ابنج لتجين جفت بعد
آلاء : صاار ... عفته وطلعت غميت روحي امداج من عبن اخذتي هالرجل المابي خير ... دشوف فهد شلون معتني بروحه واني رجلي كرشه متر كدامه امده حظي الطايح حظه
فهد : نزلت حتى اطلع
ايمان : وين رايح يمه
فهد : العفو يمه ماسمعت شكلتي
ايمان : تنهدت روح يمه روح الله وياك .... ادري بي حجه هيج بمعنى لحد يسألني ياربي متهدي هالولد وتخلي يزوج ويستقر من دون اخوته مشلوع كلبه
________________
غنى : كاعده بالغرفه وسمعت خاله سحر تصيحني كمت طلعت بدون اي روح ... هاا خاله
سحر : تعاي حبيبتي كعدي يمنه
غنى : ما اريد
زكيه : فتحت ايدي وعيونه كوه مسيطره عليهن لا يبجن .... تعاي غناوي بيبي اشتاقيتلج صار فتره ما حاضنتج
غنى : اجيت تمددت بحضنها وحضنتها احب ريحتها
زكيه : مسحت على شعرها .... اجو زملائج يشوفوج ليش ما طلعتي
غنى : ما اريد اشوف احد
زكيه : حتى اني
غنى : هزيت راسي نافيه
سحر : حاولت افتح مواضيع وياها .... نونه صليتي
غنى : اي
سحر : تدرين اليوم سويتلج دولمه ادري بيج تحبيها
غنى : حتى مروان يحبها
زكيه : غنى بعد ما مسموحلج تجيبين طاري مروان كافي تلفتي روحج وتلفتيني
غنى : شفت بيبي صارت عصبيه سكتت
سحر : اباوع لامي مبينه حيلل متأذيه من جهه دمرها الي صار بمروان ومن جهه ثانيه تخاف تظهر هالشي حتى متنهار غنى
______________________
فهد : دخلت للملهه كالعاده الطاولات متروسه ناس والاجسام تتراقص بطريقه احترافيه .... تذكرت اول مره دخلت هنا جان عمري عشرين سنه وطبعا دخلت بسبب محسن قبل ليتزوج جان يجي لهنا وجابنه وياه وطبعا اني عجبني الوضع وكمت اتردد لهيج نوع من الامكان .... زائد صرت مهووس بالرقص الى درجه انو بس اشوفه احس نفسيتي ترتاح ... مشيت لكيت الشباب متجمعين ... كعدت
ايمن : هاا سيدي شلونك
فهد : مثل لونك
عمر : شتطلب اليوم اني عازمك
فهد : عيني على مسرح الركص ... ما اريد اشرب شي مالي مزاج
.... شلونك سيدي وين هالغيبه مكانك خالي
فهد : طلعت فلوس انطيته مالي خلك هالحجي السخيف والصبغ الماله داعي
..... شكرا سيدي الكريم فدوه لكلبك
فهد : باوعتله ودرت وجهي عايزيني اني شكول شكول على الحساب الفلوس حتى ابليس يطكوله تحيه ضليت بالساعه كاعد اتابع فقرات الرقص والي جانت رائعه باعتبارهم جايبين راقصات جدد
ايمن : فهد ليش ضايج
فهد : بهدوء بالعكس مرتاح كلش
عمر : جاا ليش كالب خلقتك
فهد : التهي بروحك وماعليك بيه
____________________
غنى : طلعت اتمشى من الكليه للشارع العام ... صار تلث اشهر على فراك حبيبي .... الحياة انطفت بالنسبه الي بس كمت على حيلي لخاطر بيبي مالها احد غيري بعد ... صعدت بالعبريه كعدت وبالي بلكي اول للبيت ويطلع هذا حلم صار تلث اشهر ادك باب بيتنه على امل انو يفتحلي الباب مروان ... وصلت نزلت اتمشى وشفت القطعه الي معلكيها بحايط مدرسته تعلن عن وفاته ياحبيبي قبل كم شهر جنت تداوم هنا .... قبل فتره جابولي شهادته بيومها متت من شفته طالع الاول على المدرسه حتى تسعه وتسعين ماعنده كله ميايه بجيت من صدوك بيومها حبيب كلبي شكد جان شاطر ومواضب على كلشي سوده عليه يا حبيبي .... وصلت للبيت دكيت الباب فتحتها بيبي سلمت عليها ودخلت بدلت وصليت وكعدت اقره شويه قران محد مصبرني هالايام غير القران الي صار دوه لجروحي
زكيه : يمه تتغدين
غنى : سديت القران ... كعدي انتي بيبي اني اصب الغده .... كمت صبيت الغده واجتي خاله سحر من فوك جانت تشر الملابس سلمت عليه وكعدنه نتغده بدون نفس كملنه شلت المواعين غسلتهن وكعدت ادرس هالفتره داحاول الهي نفسي بأي شي حتى ماافكر خاصه بعد مابيبي كامت تتخربط عرفتها محتاجتني واني مامستعده اخسر بعد اشخاص ... دك موبايلي شفتها نرجس شلته الوو
نرجس : الوو نونه شلونج
غنى : الحمدلله
نرجس : حبيت احجي وياج شويه
غنى : تنهدت اسمعج
نرجس : تعاي يمنه اليوم والله مشتاقه لسوالفج بالجامعه مكضيتها بس دراسه وميصحلنه نسولف تعالي يمنه العصر
غنى : نرجس مالي خلك تعبانه واريد اكعد اقره العصر
نرجس : خلص اني اسفه بعد ما ازعجج
غنى : خلص العصر اجي
نرجس : اروح فدوه للي ميتحمل يزعلني يله اني كايمه اسوي شاميه واحضر حبشكلات حتى نتونس بيهن من تجين
غنى : اي ... سديته وتمددت حتى واهسي انسد ما اريد اقره غمضت عيوني
____________________
فرح : طفيت المسجل وفتحت الشال ... يمه تعبت هاا شلون كان العرض
فهد : بهدوء ممتاز
فرح : ضحكت اجيت كعدت يمه ... بس لو اعرف ليش تحب الركص لهدرجه
فهد : نفس السؤال اسأله لنفسي دائما
فرح : فهد سؤال
فهد : خير
فرح : انت تحبني
فهد : جج لا
فرح : لعد ليش اختاريتني
فهد : عجبني جسمج وشكلج فتزوجتج لا اكثر
فرح : يعني ماعندك مشاعر تجاهي
فهد : ليش اكيد عندي
فرح : ابتسمت شنو مشاعرك تجاهي
فهد : شهوه ... اشباع غريزه لا اكثر باوعتلها فرح ديربالج تفكرين انو اني ممكن احبج ... اني متفق وياج من البدابه زواجنه لفتره محدده حتى اتونس بيج فلترحين زايد رجاءاً
فرح : بس فهد اني احبك واحبك هواي هم
فهد : فتحت سحاب ثوبها .... مشكلتج هاي انتي ماكدرتي تسيطرين على مشاعرج شسويلج
فرح : غمضت عيونها من حسيت بشفايفه على ركبتي ... صدكني غصباً ماعليك راح اخليك تحبني
فهد : لفيت ايدي على ركبتها خانكها .... بهدوء ما عاش ولا كان الي يخليني اسوي شي غصب عني ... خاف عبالج انطيتج وجهه تره انتي والي لابسه برجلي لزمي حدج واعرفي ويامن جاي تحجين خاف عبالج كلامج هذا راح يخوفني لا انتي ولا ميه مثلج يكدرون يهزون رمش من عيني
فرح : اختنكت فهد ... انكطع النفس عني فهد ف فه فهد
فهد : عفت ركبتها ... العقد راح ينفصخ واليوم اني خذتج حتى اتونس مو حتى تخربين مزاجي ... كمت ينعل ابو شكلج نزعتي مزاجي ... الواضح انتهت صلاحيتج انتي
فرح : فهد اوكف بس اسمعني فهد
فهد : دفعتها وطلعت
فرح : لزمت ايده حباب فهد لتزعل والله ماافتح بعد هالموضوع
فهد : باوعتلها فرح موقف واحد وافصخ كلشي والخلقني جري عدل احسن الج
فرح : خلص اسفه هاي اخر مره
فهد : دفعت ايدها نشوف
فرح : كعدت ابجي لج غبره اله تحجين خربتي كلشي هسه يطلكج وين ترحين يا ثوله اذا طلكج فهد كلشي يضيع من ايدج وانوب لا انتي لايحه كلب فهد ولا لايحه جسمه
فهد : طلعت ... يعني الى متى ابقه هيج مزاجي دومه خربان اريدلي يوم يمر واني مرتاح بي من اوله لأخره بس ماكو لو اهلي يطلعولي سالفه لو هالثوله تطلعلي سالفه ... وصلت للبيت صعدت بوجهي للغرفه كالعاده احس اكو شي متغير بيها مو مثل ما عفتها .... قفلت الباب ودخلت طلعت اللابتوب وفتحت الكامره اي خليت كامره بالغرفه كمت اشغلها من اطلع حتى اعرف منو يدخل للغرفه ... فتحتها ورجعت جسمي على الجربايه ... اباوع ماكو احد ماكو شويه ودخلت آلاء استغفر الله هاي شعدها هنا ... اباوعلها دخلت تمشي على اطراف اصابعها شافت ماكو احد مشت يم الكنتور فتحت الخانه الي خال بيها الخزنه وطلعت ورقه تريد تفتحها جربت اكثر من مره وماكدرت تفتحتها ... ابتسمت هسه فهمت السالفه طلعت هالخبصه على حساب خزنة الفلوس اباوعلها كامت تدور بالغرفه على فلوس خطيه متدري كلشي بالخزنه انوب وكفت كدام ميز التواليت كامت تلعب بغراضي وترش بالعطور هههه والله ياالله هاي شبيها اباوعلها رجعت كلشي لمكانه وطلعت .... بسيطه اني اعرفج شسوي بيج الواضح هاي توصيات رجلها ... طفيت اللابتوب ورجعت لمكانه والله لو تطلع رواحكم متعرفون رمز الخزنه لان كل شهر اغيره اني
___________________
سعاد : هاا شسويتي بتول
بتول : خاله داسوي كلشي بس مو يمه والله اتبدل واتعطر وهو ولا يمه عبالك خشبه
سعاد : ولج تلحلحي لتضلين فاهيه ... سوي كلشي حتى تجذبين فهد او علي تدرين اذا ايمان خطبتج لواحد منهم راح تصيرين فوك النخل فوك خو اذا خذتي فهد هاي بعد اعتبري نفسج ملكتي كلشي
بتول : شسوي يا خاله داحاول بكل مابيه بس ماكو فائده فهد حتى بوجهي ميباوع
سعاد : ولج هو يحبج بس يكابر
بتول : منو كال يحبني
سعاد : اني اكلج انتي حلوه ولطيفه وبنفس الوقت دلوعه وعندج شهاده وهيج مواصفات تجذب الرجال بسرعه وخاصه فهد شكد ماهو خشن وصعب شكد ماهو ينجذب لهيج نوع
بتول : خاله صدك تحجين انتي شايفته شلون يعاملني والله ولا يطيقني
سعاد : لتخافين اني وعدتج فهد الج وان شاءالله اوفي بوعدي تدرين بيه شكد احبج واعزج واريدلج مستقبل زين لهسبب اريدج لفهد
بتول : بكلبي قصدج ترديني اصيرلج مصرف تسحبين منه فلوس عن طريق فهد بس ميخالف اني موافقه
__________________
غنى : كاعده بغرفة نرجس بعد ما انجبرت اجي حتى حتى ما ازعلها مني
نرجس : دخلت اشرقت وانورت نورتي نونايتي
غنى : ابتسمت بهدوء
نرجس : كعدت يمها ولج ما سولفتلج البارحه شصار ويايه
غنى : شصار
نرجس : شفتلج واحد يخبل
غنى : باوعتلها وبعدين
نرجس : ولج اني ضليت صافنه عليه والولد حس عليه بس اني عيني صلفه متقبل تنزل
غنى : مو عيب عليج
نرجس : ولج ياعيب غير طلع الولد صديق جعفر واجانه البارحه شايفه شصار بيه والله طبيت بهدومي
غنى : ياا وبعدين شصار
نرجس : ابتسمت على حماسها ماكو بعدين غير انو هسه ميته من الفشله لان الولد طلع استاذ وراح يداوم عدنه بعد فتره وانتي استلمي
غنى : تستاهلين بطلي تباوعين للولد هسه ياريت لو عدهم شخصيه
نرجس : بله سولفيلي انتي شيعجبج او شنو مواصفات فارس احلامج
غنى : معندي فارس احلام
نرجس : يعني متعجبج صفات معينه موجوده بالرجال
غنى : احب الرجال الي كلبه طيب وحباب تحسين نفسج مرتاحه بوجوده واحب يكون محترم ومحبوب بنفس الوقت يعني الكل يحترمه لاخلاقه ولطافته ... احبه يكون حنين يحن عليه ويعاملني بأسلوب حلو اكرهه الرجال الي لسانه سليط ويغلط واكيد لازم يكون ملتزم يعني يصلي ويصوم ويسوي كل العبادات اما شكله فاحب يكون قريب لشكلي يعني مبيناتنه تناقض وبس هاي الاشياء الي تجذبني
نرجس : يعني متذكرتي شي غريب كلها اشياء موجوده
غنى : بهدوء شلون يعني
نرجس : يعني مثلا اني اريد رجال يكومني بكتله ويكعدني بكتله يغلط ويفشر عليه
غنى : نرجس انتي خبله شهالحجي السخيف اكو وحده تحب واحد يضربها ويهينها
نرجس : دروحي بابا اني اريد رجال خشن شسوي بواحد يعاملني برومانسيه
غنى : كمت اني خلي اروح وانتي ابقي بأفكارج هاي
نرجس : مابيج خير والله
غنى : نزلت من غرفتها .... شفت استاذ جعفر
جعفر : هاا نو احم هاا غنى شلونج
غنى : هلو استاذ انت شلونك
جعفر : ستوني صرت زين
غنى : احم يله من رخصتك استاذ عفته ورحت سلمت على خاله ام نرجس ورجعت للبيت فتحت الباب ودخلت شفت خاله سحر كاعده يم بيبي وبأيدها جهاز الضغط ... خير شكو
زكيه : ابتسمت ماكو شي يمه ضغطي صاعد كالعاده لتخافين
غنى : كعدت يمها ليش صعد وانتي دتاخذين ادويتج بأنتظام
سحر : عادي يمه هاي يجوز اكلت شي بي ملح هواي لتخافين يمه شوفي وجهج شلون صار اصفر
غنى : كمت سويتلها عصير واجيت شربي بيبي بلكي يتوازن ضغطج
زكيه : بعد كلبي كلبج يمه
غنى : بست ايدها اسم الله عليج حبيبتي بيومها بقيت يمها كمت اخاف عليها حيلل والله ينطيها خاله سحر صارلها تلث اشهر عدنه ما راحت مع انو زوجها وبتها تخابرها بس متقبل ترجع تكول بتي مزوجه ورجلي مشغول شعندي راجعه
سحر : كلبي واجعني على امي ماادري شبيها كل ساعه مرتفع ضغطها وكل يوم اكعد الكاها كاعده بزاويه وتنحب وتبجي متكدر تبجي كدام غنى ادري بيها تحبس بكلبها .... ربي دخيلج انطيها الصحه والعافيه اذا مو لخاطرها لخاطر هاليتيمه باوعتلها هاا يمه تنامين
زكيه : بتعب اي يمه تعاي غطيني
_______________________
ايمان : صعدت اصيح لفهد الحجيه راح تخزينه طبعا اهل سالم الله يرحمه متعلمين كل خميس يتجمعون ببيت الحجيه ياسمين حتى عمات جهالي يجن ... فتحت الباب الغرفه عباره عن جكاير استغفر الله هالولد مرد نفسه بهالصخام حتى صدره اندمر ... فهد يمه شهالجكاير هاي
فهد : طفيتها اني استحي ادخن كدام امي ... هاا يمه شتردين
ايمان : ولك يمه شهالجكاير مو مردت صدرك وبعدين ليش مالابس شي مو الجو جاي يبرد يا يمه لتتمرض
فهد : فتحت المروحه حتى تروح ريحه الجكاير ... ماكتيلي شتردين
ايمان : ضل غلس ضل اريد اشوف تاليتك شنو ... على العموم كوم بدل وتعال لبيت جدك تدري بيهم يتجمعون اليوم فتعال احسن ماتزعل عليك الحجيه
فهد : هسه جاي ... رحت سبحت وطلبت لبست تراك اسود ولحكت امي بيت جدي قريب علينه لان كاعدين بنفس المنطقه ... وصلت لبيتهم لكيتهم متجمعين كالعاده طبعا اهل ابويه كلهم كلب على كلب بس احنه بيتنه مليان حقد وكرهه ... السلام عليكم كامو الكل سلمو عليه خاصه عمامي اعزهم بشكل مو طبيعي لو ما همه جان اني هسه ضايع
عباس : شلونك وليدي مشتاقيلك وين هالغيبه
مهدي : احنه بيش حكه بعد
فهد : لا والله انتو على بالي دائما بس هالتشوفون من دوامي للمعمل وهكذا ماعندي مجال حتى انام
عباس : الله يساعدك وليدي
حارث : هاا فهودي شلونك
فهد : هله
فهد : دفعته جم مره كايلك لتبوسني مسحت خدي شهالعبان نفس هذا
ليس هناك داعي للحزن تذكر ان هذه الحياه لا تدوم لذلك ابتسم ودع الحياه تفعل ما بوسعها لاحزانك وتذكر انها لن تنجح لانك قوي...
محسن : عمي اني كلشي شايف بس واحد يكرهه البوس ماشايف
فهد : مااحب واحد يبوسني اضوج احنه مو نسوان ونتباوس مصافحه جدا كافيه ... اباوع اجن بنات عمامي سلمن
مروه : بخجل شلونك فهد
شهد : هلو فهد شلونك صاير حلو
فهد : ابتسمت الحمدلله انتن شلونجن
ساره (بنت مهدي ) : هاا فهد شلونك وين هالغيبه
نسرين : فهيدان ذاك الاسبوع مو جنت مسويه غده ليش من عزمتك مااجيت
فهد : جان عندي خفاره عمه ان شاءالله امرلج بغير يوم ... سلمت على الكل وكعدت يم عمامي شويه واجه ابن عمتي مرتضى طبعا احنه عدنه ثنين مرتضى واحد ابن عمتي نسرين والثاني مرتضى ابن عمي عباس
مرتضى : دخلت لكيت ابن خالي الغثيث فهد كاعد ... هاا شلونك فهد
فهد : هله بيك
مرتضى : بهمس شكد اكرهك يااخي
نسرين : خزرته مرتضى تأدب
مرتضى : تدرين بيه اموت من واحد شايف روحه وابن اخوج راح تطك ركبته كد ما شايل راسه
نسرين : عيب اكبر منك احترم نفسك
__________________
غنى : نايمه وكعدت على صوت صياح كمت ركض لكيت خاله سحر تلطم .... بخوف شبيج خاله
سحر : ولج غنى امي مدري شبيها اكعدها متكعد
غنى : ضليت ساكته دريت اني خسرت اخر امل بحياتي ... طلعت بهدوء بلغت الجوارين واجوي اخذوها للمستشفى سوولها اللازم دخلت شفتها كوه تحجي لزمت ايدها هاا راح تعوفيني بيبي حتسوين مثل مروان
زكيه : مو بأيدي يا يمه خاف اموت .... ما اوصيج دير بالج على روحج خليج قويه ولتضعفين اني تعبت عليج لتضيعين تعبي هدر
غنى : نزلت دموعي ادري بيها حتموت مدري ليش انتابني هيج احساس انو خلص حخسرها ... طلعت من يمها ماكو نص ساعه وسمعت صريخ خالاتي دريت لهنا وانتهه كولشي ... غوشت عيوني ومحسيت بشي بعد
- يتبع الفصل التالي اضغط على (ذنوب على قيد الغفران) اسم الرواية