رواية ذنوب على قيد الغفران الفصل السادس و الستون 66 - بقلم براء

 ذنوب على قيد الغفران

 

غنى : شبيك يا حبيبي شجاك 

فهد : رفعت تشيرتها مطلع بطنها تلمستها باصابعي يعني اني راح يصير عندي ثنين جهال منج توم وولد وبنيه 

غنى : ابتسمت اي 

فهد : بست بطنها بهدوء هاا باباتي حبايبي شجاكم واستعجلو تردون تطلعون سوه مو موزين على امكم  

غنى : ضايج 

فهد : مو ضايج خايف عليج ... التوم راح يأذوج 

غنى : ليش تحجي هيج حبيبي وتكسر فرحتي اني طايره بيهم واذا على كلبي فحسويي عمليه محولد طبيعي 

فهد : اعرف ياروحي والله اعرف بس خايف عليج والتوم فرحان بيهم كلش راح يصير عندي بنوته منج و ولد ابن كلب هم 

غنى : ابتسمت حشاا هذا حبيبي ابن الضابط فهد سالم ما اقبل تكول ابن كلب 

فهد : حضنتها بقوه 

غنى : مسحت على راسه لتخاف يروحي خليك متفائل يعني اني الي حامل بيهم ومخايفه مثلك 

فهد : ليش متدرين اني اخاف عليج اكثر من نفسج 

غنى : رفعت راسه وبست خده اني مؤمنه بالله والي يريده الله حيصير  

فهد : تنهدت ونعم بالله 

غنى : سمعنه الباب يندك كمنه فتح فهد الباب طلعو بيت جده جايين لبست صايتي ونزلنه لكيناهم كاعدين باركو لفهد والي 

شهد : صدك راح تجيبين توووم 

غنى : ضحكت اي 

محسن : بطل فهد انت بطل 

فهد : لعد شعبالك 

حارث : هههه كونو مثل فهد يا شباب كله زوجي 

مرتضى : بس غنى كلبها شلون تخليها تحبل بتوم 

فهد : شنو هو بكيفي 

ياسمين : الف مبروك الله يكومج بالسلامه بعد كلبي 

غنى : حبيبتي حجيه الله يسلمج 

اروى : اوي غنى من هسه جاي اتخيل شكلهم تخيلو ياجماعه هيج صغار وثنين يجون ناعمين واديهم صغار وناعمه 

نرجس : عفيه كلبي كام يوجعني لتحجين هيج اني ضعيفه كدام هيج وصف 

نسرين : اي شو انتن صارلجن تلث اشهر وكلشي ماكو وهي ماكو اشهر وحبلت وهم اشهر وطلع بيها توم 

ضحى : صلِ على نبيج ام مرتضى وبعدين البنات يادوب صارلهن جم شهر عليمن مستعجلات قابل اكو احد راكض وراهن 

نسرين : اي بس لتنسين اروى عمرها 25 سنه مو صغيره اذا متلحك تسوي طفل بعد ميصير عدها 

غنى : اباوع لاروى ضاجت يعني عمه فهد لازم بكل تجمع تغثلها واحد بس عجبني رد سامر عليها شفت حتى فهد ابتسم 

       

                

سامر : عمه اني ما مستعجل على الجهال بعدنه ستونه يا الله وبعدين مرتي بعدها صغيره يعني الي عمرها 25 عجوز يعني 

نسرين : لا مو هذا القصد بس هي مو صغيره خلي تلحك تسويلها طفل حتى مرت علي يجوز تطلع على امها تخلف بس ثنين وتكعد 

نرجس : خاله تره امي اكتفت بيه وبأخويه وبعدين انتي هم جبتي بس ثنين يعني اكو مشكله بيج 

نسرين : لا اسم الله شنو خلل بيه ابو مرتضى توفى وبعد ماخلفت 

نرجس : خلص لعد هاي ارزاق وربج الي يقسمها 

علي : كافي حبيبتي عوزج تركعيها بوكس كافي انطي بريك لروحج 

نرجس : بهمس انت اسكت شفت سامر شسوه بيها وانت ساكت حسابك من يطلعون تنام بالكاع اليوم 

علي : خوش رجعيلي الخمس اوراق الي انطيتهن الج وانام بالكاع 

نرجس : ههه حبيبي اشاقه وياك شبيك 

علي : عبالي 

فهد : اي حارث شوكت تعرس 

حارث : ان شاء الله بعد شهر ونعرس وخلي تأجل وتشوف رسن نكول بيباي 

محسن : شنو قصدك ولك 

حارث : اني صارلي سنتين الي بكدي هسه عدهم جهال وست شهد تأجل وترجع لوره عدها مهله منا لشهرين والله اذا اجلت 

سامر : كوم لك هو منو يمشي بحجيها مو انت لو منك وره شهرين بالهواي من العقد اعرس واخلص هي هاي مال احترام 

شهد : اكلكم شو لفيتو عليه مو حددنه وخلصت السالفه شبيكم وبعدين شلون تنطون بيه كدامه 

محسن : ههه مو غريب ابن عمنه عادي اسره مع بعضيتا مو ولك احجي وجهه التنكه 

حارث : هههه اي ومرض لهالخلقه الزفره 

نرجس : كومي وياي غنى خلي نسوي العشه ونكعد نسولف مليت هاي نسرين نفخت مرارتي 

غنى : اي ... اخذت ايدها وكمنه اني وياها واروى للمطبخ وبدت نرجس تغرد 

نرجس : لج غبره شلون تسمحيلها هيج تحاجيك لو منج اوكلها تبن 

اروى : شنو ترديني اتجاوز على عمتي وبعدين شريد اسويلها يعني سامر كفه ووفه 

نرجس : بس اخوج الفاهي ضل ساكت اااخ عل كلبي والله 

غنى : لزمت بطني حبيبتي هو علي ميحب المشاكل يعني لو راد عليها منها حجايه ومنه حجايه تصير مشكله 

نرجس : ميخالف يا غنى صارلنه تلث اشهر متزوجين كلما اكله حاجه يكلي ماعلينه اكله عمتك ذيج الجمعه  سمتني سم بالغده يكلي لبسيها 

غنى : احسن قابل مثل فهد كل شويه مفشله واحد بحيث كام الكل يضوج منه 

اروى : اوي الله يساعدجن اني رجلي حبيبي فديت كلبه هادئ ومسالم واحلى منه ماكو 

        

          

                

نرجس : يروح فدوه لعلي رجلج الفاهي هذا 

اروى : اكلي تبن لج لتحجين على رجلي 

غنى : ههه خليجن تكافشن حبيباتي رجلي احسن من رجلج ورجلج انتي الثانيه 

نرجس : تردين الصدك والله يستاهل 

اروى : غير الروح والريه فهيدان هذا 

غنى : ههه اباوع للبنات دخلن 

ساره : هاا غنى شو كاعده اكيد الحمل متعبج

غنى : اي والله 

آلاء : شلون حبلتي بتوم 

ملك : سؤالج مو سؤال وحده متزوجه وبالاول والاخير الامر مو بأيدها المره مستودع للخزن لا اكثر 

آلاء : اعرف بس هي تقره قران وملتزمه عبالي سوتلها ختمه قرت سوره معينه وحبلت بتوم 

بتول : والله زين نونه بعدج هالطولج وحبلتي بتوم

غنى : باوعتلها ولزمت بطني والله كمت اخاف منها كلما تحجي حجايه تصير مصيبه ... كمت اقره ايات على بطني يمكن من كد حبي لاطفالي ودافع الامومه الي بداخلي يخليني اخاف عليهم من كولشي ... بدن البنات يسون العشه ويسولفن واني كاعده 

بتول : اووف ياخالتي سوده عليه بقت وحدها وانحرمت من هالجمعه 

نرجس : والله هي الجابت لنفسها كل هذا 

بتول : تره انتي البارحه صرتي لتدخلين بشي ميخصج 

نرجس : اني جنه بهالبيت والكاعدين بره اهل رجلي انتي الي شنو بهالبيت عندج رجل هنا اهل رجلج ذوله لا ... فلتضلين تدخلين بشي ميخصج لان ردي عليج راح يكون رد مو حلو ... من رخصتجن اروح رجلي يصيحيلي    

شهد : مرت علي قويه 

ملك : شخصيتها حلوه وتعرف شلون ترد 

غنى : اباوع لبتول طلعت من المطبخ ووجها احمر اعرف نرجس متسكت وبتول كل عبالها نرجس مثلي راح تسكت وتتجنب المشاكل متدري اذا طنكرت نرجس تخبز شكو واحد كدامها كملن البنات وطلعنه ودينه العشه دخل فهد للمطبخ 

فهد : تعاي انطيني ايدج كومتها على كيفي 

شهد : هذا انت فهد ماعرفتك والله 

فهد : اذا تعاركنه اني وياها اليوم من وره عينج طلاكج على ايدي 

شهد : هههه رحم الله والديك 

غنى : طلعنه كعدنه بره وتعشينه بين ضحكه وسالفه والحجيه هم غيرت جو لان جانت حزينه بهذيج الايام بس كالعاده الراحه متدوم ولازم يطلع واحد ينغص علينه 

فيصل : اييي والله مكان امي خالي ... عاشت بهالبيت سنين وتعبت وفنت عمرها بي تالي اجو الغربه و ولد الشوارع اخذو الجمال بما حمل 

فهد : صحيح امك عاشت بهالبيت سنين وتعبت وهي تسوي مشاكل مأذيه فلان ومتعاركه ويه علان وبعدين شنو قصدك بولد الشوارع يمكن تقصد خوالك لان اخذو الكاع من امك غصباً ماعليها وماقبلو يدفعون دينار واحد من جيبهم مو 

        

          

                

غنى : لكزت ايده داس بالحجي هواي 

فيصل : المسامح كريم تره 

فهد : واني بخيل 

عباس : عمي فيصل سد هالموضوع رحمه لابوك بهالساعه 

غنى : كملنه عشه وكامن البنات شالن الاكل وصب جاي لليل ياله طلعو الجماعه 

نرجس : يمه تعبت 

علي : اكول فهد متخلينه نروح للحله نتونس 

فهد : الدنيا بارده يمعود 

علي : هي طلعه الشته احلى 

فهد : اني ما اروح عندي دوام وكون اطلب اجازه من فوك ولو توصل وتجيني باليوم الاريده لو لا فاذا تريد اخذ امي ومرتك و ورده ورحو 

ورده : بس اني عندي دوام 

فهد : اذا متردين ترحين براحتج اني وغنى موجودين 

ورده : حباب علي خلي روحتنه الخميس 

علي : اي هو الخميس لان عطلتي الجمعه حتى نروح الخميس ونرجع السبت 

ورده : خوش عاشت ايدك جوسه راااح نطلع 

نرجس : واخيرااا طلعه ياييي 

غنى : اباوع لورده ونرجس متحاضنات ويضحكن طبعا نرجس و ورده متوالمات بشكل والايام كلها يكضنها يطبخن ويسون حلويات مرات يصيحلي ويخابرن اروى يتمكيجن ويلبسن بدلات ويركصن يعني نرجس من اجت لهالبيت ضافته روح 

فهد : يله غنى تنامين 

غنى : اي يله اخذت ايده وصعدت يايمه شيخلص هالاربع اشهر واجيب متت متت ... دخلنه للغرفه ذبيت ملابسي وبقيت بس بالتشيرت اختنكت احس الاطفال كاعدين على كلبي 

فهد : اباوعلها وجها احمر دم وصدرها هم ... شبيج غنى نروح للمستشفى 

غنى : لاحبيبي بس فدوه اروحلك اعلكلي المروحه 

فهد : غنى بارده مو صيف هذا لتتمرضين 

غنى : حبيبي حرانه جسمي غادي نار اريد بروده بس شويه خلي ابرد وطفي المروحه 

فهد : علكت المروحه اباوعلها رجعت جسمها على المخده وغمضت عيونها .... نزعت التشيرت واجيت يمها لزمت رجليها صاحت 

غنى : ااخ يمه فهد لتلزمهن مورمات ويوجعني 

فهد : كعدت وخليت رجليها بحضني اباوعلهن منتفخات وهي رجليها صغار وحمر وهسه سمنانات على الحمل صايرات يخبلن ... كريم الرجلين مالتج وينه 

غنى : هياته هنا حبيبي عوف رجليه هسه من ارتاح يهدئن 

فهد : لا خلي ادلكهن الج حتى تنامين مرتاحه بس انطيني الكريم من يمج 

غنى : فتحت الجراره الي بصفي اخذته وانطيته اله اباوعله كام يدل رجليه على كيفه ... بيومها صدوك  حسيت نفسي شي مهم عنده لان يا رجال يقبل يمرخ رجلين مرته والله شنو حامل مو كل رجال يتقبل ... فهد 

        

          

                

فهد : هاا حبيبي 

غنى : اني محظوظه بيك 

فهد : ابتسمت اني الي محظوظ ... هاا هسه ارتاحن رجليج 

غنى : اي حبيبي عاشت ايدك 

فهد : امرخلج جسمج بعد 

غنى : لا يعمري هسه انام روح غسل وتعال اني وجهالك نريد ننام بحضنك 

فهد : مو يدللون مريتي وجهالي هسه ثواني واجي ... رحت غسلت واجيت طفيت المروحه ونمت بصفها اخذتها بحضني وكعدت العب بشعرها وامسح على بطنها وهي من التعب نامت رغم ما جاي تشتغل بس الحمل مردها اباوع لوجها وخدودها الناطات لان سمنت صارت تخبل .... دك موبايلي شفته عمر جاوبته 

عمر : الوو فهد شلونك 

فهد : هله بيك خير 

عمر : اكلك تعرف واحد اسمه اسعد ال... يصيحوله ابو امير  

فهد : اسعد ؟ لا ما اعرفه منو هذا 

عمر : جابو سكران وساحك طفل بدون ميدري والطفل مثروم جوه السياره والدنيا مكلوبه بالمركز اهل الولد يردو وهو يبجي ويدك ويلطم اخر شي من صحه كال الضابط فهد ماخذ بت اخت مرتي وهم الزلم الي اجو من طرفه كالو الضابط فهد نسيبنه خابرو النه اني تفاجئت كلت فهد شعرفه بهالاشكال حتى مهيمن صفن وكلي اخابرك واتأكد  

فهد : شعره ابيض ويلبس دشداشه وصخه مثل وجهه  

عمر : اي عفيه يعني تعرفه 

فهد : اي اعرفه .... عمر اريد اطلب منك طلب 

عمر : انت تامر

فهد : اريدك تغسليا غسله معدله بحيث تطلعلي حليب امه من خشمه 

عمر : الواضح هذا داك وياك دكه ناقصه 

فهد : باوعت لغنى الي نايمه مو بس دكه ناقصه انقص من الناقصه ما اوصيك عمر اشتغل عبالك اني الموجود لتنسى هو ساحك طفل وسكران وفوك هذا داك الناقصه ويه صاحبك 

عمر : والله ليرحلك كلبك بي خاصه الطفل يمكن يموت وحالته خطره وشلون طفل هو مردلي كلبي  اصبرلي باجر الصبح اذا ميوصلك صوته اعتب عليه 

فهد : عاشت ايدك وهذا الاريده يله الله وياك 

عمر : زين وذوله المخانيث الخبصونه حتى نخابرك 

فهد : كللهم يكول فهد صار جاييكم يكو.... 

عمر : هههه خوش يله باي 

فهد : سديت الموبايل سبحان الله يمهل ولا يهمل صحيح كتلته وزوعته العافيه بيوم الي اعتدى على غنى بس مابرد كلبي ما انسى ايام غنى تبجي وماخذتها الخوفه من عمامها ومن خوالها بس الله ماضيعها وطلعها من خشمه لهالسافل ... ابتسمت واحس ماي بارد ونزل على كلبي يوم لعمامها كون بس خلي يوكعون بأيدي 

        

          

                

__________________________ 

صباحا     

غنى : كعدت الصبح لكيت فهد طالع خطيه ماجاي اكعد وياا ولا حتى ريوك اسويله كل حيل مابيه وخرت الغطه حرانه ميته كمت سبحت وبدلت ونزلت فتحت الثلاجه ماخذه نوميه من الشهر الثالث لليوم اني افقد على الحوامض وخاثه النومي والكوجه الخضره اغمسها بالملح واكلها 

ايمان : صباح الخير ولج يمه مو زين على الريك تريكي يايمه 

غنى : ابتسمت خاله مو اني ذوله احفادج يتشهون من الصبح  

ايمان : يمه بعد روحي اليتشهون مثل ابوهم ميحبون الحلا ... بس ميخالف عوفي النومي خلي اسوي ريوك وتريكي افيدلج 

غنى : لا خاله كعدي اني اسوي 

ايمان : شوكت تبطلين تتقيدين وتستحين بنتي اني امج وهذا بيتج شبيج 

غنى : لا والله مو متقيده بس ما اريد اتعبج 

ايمان : تعبج راحه يمه يله خلي اسوي ريوك ونتريك قبل لا يكعد الثنائي الخبل 

غنى : الثنائي المرح ؟ 

ايمان : ورده ونرجس متعرفين يعني هالشيطانات ذني البارحه كاعدات للفجر لمن عاط بيهن علي ياله طفن التلفزيون وطلعت ورده وهي نامت 

نرجس : سمعت اسمي ياجماعه موعيب غيبه من الصبح  ... صباح الخير خاله حبيبتي بستها 

ايمان : صباح النور ولج ليش البارحه خليتي علي يفرفح 

نرجس : يعني ياخاله اني و ورده كاعدات نشوف فلم رعب وهاي ورده ويه كل لقطه تصرخ تالي علي صرخ علي وفززنه ثنينه والله العظيم ياخاله كلبي وكع ورده طلعت تركض لغرفتها واني ترزلت والله شنو عنده دوام ويريد ينام اي واني شعليه مينام اووي بس يدور حجج

ايمان : هههه نزول عليج مو لسان رشاشه دتعاي خلي نتريك 

نرجس : هاي شبيج من الصبح تاكلين نومي وتعفسين وجهج جنج واحد شام ريحه مو طيبه 

غنى : طاحظج لعبتي نفسي 

نرجس : تذكرين ريحه استاذ كاظم شلون جانت خاصه بالصيف 

غنى : لزمت معدتي عليج الله كافي والله راح اتقيئ 

ايمان : ولج نرجس راح اكوملج والله اني الي ما اعرف الرجال لعبت روحي منه 

نرجس : هههه وهذا المطلوب وكفت اسوي ريوك كملته وكعدنه نتريك ... لج كافي ملح 

غنى : هسه انتي شعليج ... اكلت لمن شبعت كمت غسلت وكعدت الكط تمن وين اروح وخاله ايمان ونرجس يسولفن .... للظهر اجو الولد من الدوام 

فهد : السلام عليكم 

الكل : وعليكم السلام 

ايمان : هاا يمه الله يساعدك 

        

          

                

فهد : ويساعدج حبيبتي 

غنى : كمت اريد اصعد ورا ما خلاني صعد هو بدل وصله ونزل صبينه الغده وكعدنه نتغده ستونه بدينه نتغده واندكت 

علي : هذا ياماعنده ذوق جاي بهذا الوقت 

فهد : اكعد اني كايم طلعت فتحت الباب صارت بوجهي خاله غنى اول ماشفتني كامت تصرخ وعلى حسها طلع الكل 

غنى : شفت خالتي وانصدمت شعدها هنا 

سهاد : ولللج غنى رجليييي راح راااح 

غنى : باوعتلها بأستغراب شنو مات رجلها الحقير 

فهد : بهدوء طلعي بكرامتج منا احسلج يله تفضلي راوينه عرض كتافج 

سهاد : ابوووس ايدددك ابوووس رجلك ساعدنييي رجلي راح الطفل مات ورجلي راح ينحكمممم اقل شي اربع سنووات 

فهد : ويطبه مرررض انيييي شكو 

سهاد : ابووس ايدج حجيه حاجييي ابنج يساعد ابني داخله على الله وعليكم اعرف بي غلطان بس لخاطر الله ساعدو ماعندي غيره بس هو بقالييي بهالدنيااا 

ايمان : عجيبه الصلافه بعد كل الاذيه الي سويتوها ويه البنيه جايه تطلبين المساعده منهااا لو منج اطم روحي ولا اسويها 

سهاد : غنى ابوس ايدج ابوووس رجلج حاجي رجلج خلي يطلع رجلي والله المبلغ الي يريده ادفعه 

فهد : ضحكت واني بعازه فلوسج اكول طلعي منا احسلج رجلج شغلته مو يمج وقبل لا ترحين سمعي هالجمله وفكري بيها زين ... همست الي يأذي العالم يجي يوم والله يأذي اذا ناسيه اذكرج قبل سنه شصار وشلون طعنتي ببنيه يتيمه ورحتي شهرتيها بين عمامها وخوالها وخليتيها بالشوارع شوفي حالج هسه صرتي ذليله تتوسلين للرايح والجاي حتى تنقذين رجلج بس صدكيني ماراح تكدرين تنقذي لان ربج العاقبه هالمره ومحد يطلعه منها غير ربج وهسه يله طلعي بررررررره 

غنى : اباوعلها طلعت تبجي وتدعي عليه 

سهاد : روحو عسى الله لايوفقكم عساج ياغنى بالسل وعسى البطنج بالموت سرطان بكلبه واني ماشايفته عساج تلزمي بأيدج وتطلع روحه كدام عينج وتنقهرين مثل ماقهرتي كلبي 

غنى : نزلت دموعي ولزمت بطني يمه اسم الله على كلبكم عسى المرض بيه ولا بيكم 

ايمان : شلل بالسانج ياحقيره 

فهد : لتبجين كافي صدك تحجين عبالج الله يتقبل دعائها كل عقلج 

غنى : بدموع حتى لو شلون واحد يدعي على اطفال هيج هذوله احباب الله 

فهد : دخلي يعرفون الله وبعدين عود يفكرون باحبابه تعالو خلي ندخل خرب حظي الكو..... كل يوم طالعلي واحد سكط من مله اسكط 

علي : زين فهد انت ليش ماقبلت تساعدها وشمسويه لغنى هي 

فهد : احم اخذت ورث بيبيتها هي واخواتها وطلعت غنى من البيت وعافتها بالشارع تستاهل واحد يساعدها 

        

          

                

علي : يطبها مرض لعد 

غنى : رجعو كملو غداهم ماعدايه انسدت نفسي ... كملو وكمت اغسل المواعين بس اريد التهيلي بشي ياترى اسعد الحقير شمسوي التفكير اكل راسي .. كملت وصعدت فوك اريد بس اوصل واسأل فهد يربي كوه صعدت فتحت باب الغرفه ودخلت 

فهد : ليش صعدتي وحدج ما كلتيلي اصعدج 

غنى : ميخالف حبيبي كعدت تعال احجيلي شبي اسعد  

فهد : لتجيبين طاري هالنكس على لسانج لا اكصه 

غنى : ماشي بس كلي شبي 

فهد : واحد كوا.... م.... سكران وطالع بسرعته هو وسيارته المطعطعه بكل سرعته شايف طفل بالشارع ما منتبهله وصاعد فوك الطفل ثارمه ماكو ناقي للمستشفى للفجر ميت 

غنى : يايمه سوده عليه الله يساعد اهله 

فهد : اي والله انقهرت عليه اليوم هدو عمامه عليه ويبجون لان طفل عمره عشر سنوات شنو شاف من الدنيا 

غنى : يمه اني خو مشايفته وكلبي وجعني عليه زين هذا الحقير شصار بي 

فهد : راحت عليه اقل شي ينسجن اربع سنوات هاي اذا ما تحولت السالفه لثار عشائري وساعتها راح ياكل تبن اكثر 

غنى : الله لا يوفقه حتى الطفل ماخلص من شره واذيته 

فهد : هذا ربج مينسى اذيه لاحد يحاسب يحاسب لو بعد مليون سنه

غنى : ونعم بالله ... تمددت وكلبي صار يم ام الطفل شلون بيها هسه اكيد تلكاها ماتت من البجي ضايكه هاي اللوعه اني سوده عليه عليك ياحبيبي يمروان .... تنهدت خلصت اليوم نوم ويومين على هالحال بين دوام فهد والبيت والحمل ماشيه ايامي نزلت جوه خاله و ورده وبيت علي راحو للحله وبقت بتول ويانه اني وفهد اباوعلها نزلت لابسه سيت نوم احمر 

بتول : صباح الخير 

غنى : تره فهد حيرجع من وكت اليوم 

بتول : اعرف سمعته البارحه كال 

غنى : زفرت ومنظرج هذا منظر وحده تعرف اكو رجال غريب حيرجع لبيته 

بتول : هسه ماعليج مني اريد اسألج سؤال ولتفهميني غلط 

غنى : خير 

بتول : فهد شلونه وياج بالفراش نار مو 

غنى : فتحت عيوني شنو هالسؤال هذا مو عيب تسألين واحد هيج اسأله 

بتول : شبيج تعصبتي ديربالج ليطكلج عرك اني سألتج لان من اجيت لليوم ماشفت ركبتج طابت كل يوم طكعه شكل من غير صوتكم بالغرفه بنصاص الليل هاي عود انتي حامل كلت خلي اسألج فهد زين ونار لهالدرجه

غنى : اعتقد انتي متزوجه وعندج رجال فماكو داعي اجاوبج 

بتول : منين يحسره الله ينطي الحبوب تخلي يهيج عليه ياخذ اليريده ويخليني اسوي ...... لحد مايفوخ ياله يعوفني 

        

          

                

غنى : استغفر الله بتول رجاءا اني هذا الكلام ما اتقبله واصلا ميجوز تحجين بهالموضوع كدام لحد حرام 

بتول : ليش الي تسوي انتي وفهد من تنامون كل يوم سوه والبارحه صوت آلاه مالتج ترن رن هذا يجوز بس اذا احجي اني ميجوز 

غنى : هذا رجلي حلالي اي شي يصير بيني وبينه يبقه بيناتنه انتي ميخصج بي مرايحه مسويه نشره اني واصلا عيب عليج تتنسطين علينه متستحين انتي 

بتول : والله يحبيبيتي اني مره متزوجه وصار اربع تشهر محرومه من اسمع صوت صياحج واشوف ركبتج كل كطعه شكبرها اكيد اتذكر رجلي واريد 

غنى : هزيت راسي انتي شنو من بشر جان استحيتي على روحج ولو انتي مستحيتي من نفسج نازله بقميص نوم لجوه وانتي ببيت غريب قابل تستحين مني 

بتول : على فكره تره ذاك اليوم من نزل فهد يشتغل بالحديقه انتبهت على جسمه يخبل وصدك اكس اكس اكس لارج طلع مثل ماتكول ساره يهنيالج عليه وعلى الحاوي 

غنى : يمه احس روحي شبيت نار طبيت للمطبخ فتحت الماي الاساله ونكعت ركبتي ووجهي اريد بس ابرد شكد حقيره وقليله ادب تنهدت بصوت عالي محاوله اخذ نفس صدوك لعبت نفسي من كلامها شلون تباوعله الحقيره لا وبكل صلافه تحجيها كدامي يربي مطلعت هاي حتى رجلي منفس ضليت واكفه اغسل وجهي حتى هدوي نكعتها من

قهري اجه فهد دخل وشافني 

فهد : ذبيت مفاتيحي راكضلها الله الله شبيج 

غنى : اختنكت 

فهد : فتحت دكم دشداشتها وفركت صدرها شبيج بس كليلي شجاج هالايام 

غنى : من كد ماغثني كلامها واني منا تعبانه من الحمل حضنته وبجيت من كل كلبي هالايام مدري شبيه خلي كولش ضيك  

فهد : شبيج حبيبي بس فهميني عليمن تبجين نروح للمستشفى يوجعج شي سامعه شي 

غنى : تنشغ مالي خلك فهد تعباااااانه 

فهد : سلامتج ياروحه لفهد من شنو تعبانه 

غنى : ابتعدت مباوعتله حباب بعد لتلبس شي ضيك واذا بتول موجوده لتكعد عليك بداعتي اذا احبني  

فهد : باستغراب ليش 

غنى : بدموع لتسال حباب نفذ الاريده الله يخليك 

فهد : خلص حتى نزله ما انزل اذا هي موجوده بس لتبجين 

غنى : هزيت راسي ورجعت حضنته اني اسفه اعصابي تلفانه هالفتره تحملني حبيبي 

فهد : اتحملج والله واخليج على راسي بس اهدي وارتاحي اهم شي عندي راحتج 

غنى : بست ركبته وحضنته حيل ابتعدت مباوعتله جاي بملابس الشغل ... الله يساعدك حبيبي 

فهد : بوست اديها ويساعدج يكلبي كومي اني راح اصب الغده واجي حتى نتغده سوه مو متردين اكعد ويه بتول خلص 

غنى : صعدنه فوك وفعلا فهد ما كام يكعد وكت التكعد بتول حتى اذا تكعد يدوله سالفه ويطلع من المكان حتى هي حست وكامت تضوج تالي ملت من محصلت شي وراحت لبيت منذر يم سعاد وكل يوم كابه العيطه هناك 

مرت اشهر حملي بأصعب مايكون خو بالشهر الثامن كضيته نايمه حملي ثكيل ومتعب تكول خاله ايمان لان بجر وتوأم هيج يتعبون وفعلا همه حركين ميكعدون كل شويه رافسيني وحبيبي فهد يضرب على مكان معين ببطني ويردوها اله وهو يطير عبالك يشوفو ويعرفو من صدوك 

جهزت الهم كولشي سراير وملابس اشكال من شورتات لاحذيه لتشيرتات مخليت شي اشتري بكل واهس وفهد من يشوف الملابس يكلي راح اتخبل شوكت يجون اريدهم 

كملت كولشي حطيت الهم كنتور خاص وعزلتلهم جزء خاص بالغرفه كل هذا بمساعده اروى ونرجس الي خطيه اكلو راسهم العالم على الحمل وهو رزق بأيد الله .... دخلت بالشهر التاسع واليوم موعد ولادتي وعمليتي بدلت بمساعده البنات الي كلهن اجن بنات عم فهد وخواته ونرجس وبنات عمامي كلها متجمعه يمي وكل الناس مو بعيني غير فهد الي واكف على جهه ومبين شحاله اشرتله اجه يمي ... شبيك 

فهد : منتظرج مو تعوفيني 

غنى : اباوع لعيونه صايرات حمر عبالك يريد يبجي ... ابتسمت اوصيك حبيبي اذا صار عليه شي جهالي بامانتك 

فهد : بعصبيه لتحجين هيج 

غنى : ميخالف حبيبي خاف اموت اريدك تديربالك على اطفالي ولتخليهم يحسون بغيابي عوضهم عني 

فهد : اسم الله عليج 

غنى : ابتسمت بايسه ايده لتنسى شي اني احبك هواي فهد اموت عليك اباوعله قبل ليرد اجو اخذوني وعيوني على فهد دخلوني لغرفه العمليات انطوني مخدر وبعدها ماحسيت على شي 

********

يتبع