رواية ذنوب على قيد الغفران الفصل الحادي و الستون 61 - بقلم براء
فهد : اباوعلها صافنه و وجها احمر دم شبيج حبيبي
غنى : شنو هاي
فهد : بخبث شنو
غنى : يعني طلع ابو قاسم مو صديقك
فهد : ضحكت على تعابير وجها ... ههه لا
غنى : باوعتله بهدوء يعني انت صارلك اشهر تضحك عليه وهو اصلا ماكو شي اسمه ابو قاسم
فهد : ليش ماكو شي اسمه ابو قاسم لعد الشفتي من دقايق شنو غمزتلها بس ما كتيلي شنو رأيج بي عجبج لا
غنى : كمت على حيلي بخجل اقسم بالله انت اكثر واحد منحرف ومتستحي شفته بحياتي
فهد : اباوعلها راحت للغرفه وكوه تتحرك رحت ركض حضنتها وهي تدفع بيه ههههه ولج تخبلتي
غنى : بخجل وخرررر عنييي صاررر اشهررر تضحك على عقليييي وتكلي ابو قاسم الغالييي وتعبان ومدري شبي تالييي طلع ابو قاسم حتى مو رجال
فهد : اكلي تبن شنو مو رجال لعد منو سواج وصلتين ابويه
غنى : وخرررر هو انت هذا الي هاممممك جذااب تكلي تعبااان وانييي اكعد اندعيلللله بالصحه والعافيييه لييييش هيج فهددد ليش والله العظيم عيب عليك
فهد : ههههه بالعكس هاي الدعوه بصالحج غير اذا تعب ابو قاسم ام قاسم تموت هذا رجلها المونسها المستتها المريحها ابو عيشتها وحبيبها اباوعلها كامت تجر بروحها ووجها يريد ينفجر من الحمار
غنى : انتتت شووووكت تبطل سووووالفك متجوووز انتتتت متجوززز من بدااايه زواجنه وانتتت خابصني بابو قاسم وكد ما تحجي علييييه خليتنيييي اتمنى اشوفه تاليييي طلللع ابو قاسم شييي منك ووووبيك وانوووب هسه طلعتلي بأم قاسسم
فهد : هههههه
غنى : اضحك اضحك شكووو عليك انت عزززه بعينيج غنى جماله اني كاعده وادعيله
فهد : تقبلي الواقع حبيبي هاي بعد شفتي ابو قاسم وللمعلومه بالفتره الجايه هواي راح تشوفي ومو بعيده انتي الي تطالبين بشووفته
غنى : بخجل كافييي فهد كاافييي بطل هالحجييي
فهد : ذكرتيني بمثل يكول شاف ماشاف شاف ...... امه واخترع شبيج حبيبي شنو اول مره تشوفين
غنى : باوعتله واني وين اشوف شنو سايبه اني
فهد : اكلي تبن مو هذا القصد اقصد اكيد انتي حاضره طهور سابقا وشايفه المستخبي فليش مخروعه تره مجرد اختلاف احجام لا اكثر
غنى : بهدوء والله العظيم ابليس يتوب وانت متوب من سوالفك المكسره هاي
فهد : ضحكت دايرها عليه حضنتها اروح فدوه للي راح ينفجر من الخجل
غنى : حضنته ليش هيج فهد كل هالفتره مسويني مضحكه وثوله وكاعد تضحك عليه
فهد : هههه .... غير احبج واشاقيج على العموم عوفج من ابو قاسم نلتقي بي بالليل هسه تعاي شوفي شجبتلج
غنى : ابتعدت مباوعتله شجبتلي ؟!
فهد : ولدين وبنيه
غنى : بطل سوالفك
فهد : ابتسمت دتعاي
غنى : دخلنه للغرفه كعدت على الجربايه تذكرت قبل سنه جنت استحي ادخل لهالغرفه وهسه لابسه قميص صاحبها وكاعده ... اباوعله طلع جنطه سوده خلاها يمي ... شنو هاي
فهد : فتحيها وشوفي
غنى : فتحتها جريت اول شي صارت عليه عيني كلبته شنو هذا
فهد : يعني متعرفين قميص نوم شنو يعني
غنى : وانت جايبلي هديه قميص نوم
فهد : جنت ناوي اشتريلج هديه اراضيج بيها من اصالحج فكلت اشتريلج قمصان نوم حتى افيدج وافيد نفسي لان انتي عندج ازمه متلبسيلي شي فهالهديه انسب شي شوفي الباقيات جايبلج هواي
غنى : بخجل زين هذا وين راسه وين رجلي
فهد : ماادري شفت وحده لابسته بس ماعجبني عليها مدري شلونه جسمها بس من تخيلته عليج اووف بنص المحل ابو قاسم صااح اي هو هذا يطلع يخبل عليها وانتي تدرين بهاي الامور ابو قاسم اليختار مو اني
غنى : كلبته جان قميص نوم اسود مشبج بس مااعرف وين بدايته وين نهايه ذبيته ماخذه الثاني انوووب شنوو هذا
فهد : تره مالابس قميص نوم سابقاً غير شفته بالصور واخذته
غنى : ذاك مشبج وهذا بس قطعتين قماش والباقي كله خيوط ... شهالموديلات طلعت الباقيات خزي خزي يمه ذنو ذني اباوعله اجه يمي فتح الفيس وكعد يكلب
فهد : شوفي منا اشتريتهن
غنى : اباوع للصور عززه بعيني جريت الموبايل منه انتت شلووون تباوعلهن موعيب
فهد : غير عارضات اني شعليه وبعدين ماباوعتلهن باوعت لقمصان النوم متشوفين اجسامهن حتى صدر ماكو ميعجبني هيج اني اخرب على الكيمر وماكو كيمر بس هنا
غنى : احم زين انت متخاف الناس تشوفك شمتابع
فهد : خافي اصدقائي بيبي محد يكدر يشوفهم
غنى : بيبي؟!
فهد : يعني حبيبي بالانكليزي مدرسه جيس حب انتي
غنى : مترجمه مو مدرسه وبعدين من شوكت تحجي انكليزي انت
فهد : تره طلعت بالسادس 94 يعني انكليزيتي لابأس بيها اضافه انو اني داخل دورات لغات واحجي انكليزي بطلاقه يحلوه
غنى : ابتسمت حبيبي الذكي فدوه اروحله بست خده
فهد : بست شفايفها يابت الناس من الحلك احلى واترف والله شلج بالخد كله لحيه ويبزز
غنى : ضحكت مكلبه بموبايله اجته رساله على الماسنجر ضغطت عليها طلعتلي صوره استغفر الله عزززه هاي شنو فهددد
فهد : شنو ششفتي شو ابتسمت خرب يومج شوداج هنا
غنى : لا فهد تره ميجوز تشوف هيج حرام ... اصلا شلون الك نفس تباوع هيج اشياء
فهد : ما اباوع لهالسوالف اصلا تلعب روحي احب العملي اكثر وبعدين هذوله السكط جماعتي يدزولي هيج صور ... هاي شوفي ولد السكط شيدزون
غنى : اباوع دزوله رساله مكتوبه
فهد : ضحكت خلي اقرالج شمكتوب ... هاي اكو ثنين نسوان كاعدات يسولفن جان الاولى تسأل الثانيه تكلها البارحه نص الليل صوت رجلج رج المنطقه خير شصاير جاوبتها الثانيه كلتلي هذا رجلي كلي تعاي خلي نصير رومانسيين ونجرب وضع جديد شو هذا شالني وخلاني على ميز التواليت يكول هالوضع فدشي كلها تمدح بي شو هذا اجه يريد يتقربلي جان تنطبك الجراره على الحجي ويخرب ام الوضع ... شكد كو... هالمهيمن عنده سوالف ... اباوعلها عفست وجها شبيج
غنى : اوو شاغت روحي شنو هاي فهد ... هاي كل الشرطه هيج سوالفهم
فهد : نكدر نكول الاغلبيه
غنى : زين ليش
فهد : حاوطت خصرها من وره خليت راسي على كتفها ... شوفي حبيبي طبيعه شغلنه تخلينه نشوف اشياء تجبرنه نفشر ونغلط
غنى : شلون يعني
فهد : يعني ابسط مثال قبل اشهر كاعد بمكتبي ودخلو عليه مره جبيره ووياها ولد يطلع عمره ١٨ ، ٢٠ سنه مو اكثر اني عبالي امه وضاربها او بايك منها مسوين حادث بس انصدمت من دريت لازمين هالولد جاي يمارس وياها ببيت مشبوهه يعني مره عمرها فوك الاربعين وجايه مراهق تسوي هيج وياا شتريدني اسوي وياها احافظ على اخلاقي واحجي بأدب لو اوكلها تبن لا عبالج الشرطه مرتاحين تره بلاوي جاي نشوف وساكتين
غنى : كشت روحي عزه بعينها شلون تتقبل نفسها تسوي هيج
فهد : كح.... غير لو ما كح... متجيب ولد بكد ابنها وتنام وياا
غنى : لعبت باصابعه الله يساعدك اني من يمي لعبت نفسي لعد انت شلون
فهد : تره هاي سالفه بسيطه لاشيئ كدام الي جاي نشوفه كل يوم تدرين مره جابولنه وحده لازميها ويه سايق بالسياره وجابوها للمركز والمفاجئه طلعت مرت واحد من الضباط الي ويانه والاتعس طلع السايق جوارينها ومن يجي رجلها يروحلها
غنى : يااا
فهد : اي والله خطيه بس شافها وكع وضربته جلطه من هول المنظر واخو للمستشفى
غنى : وشسوه بيها
فهد : شسوه يعني طلكها بدون ميشهرها حفاظاً على سمعه جهاله وسوه نقل واخذ جهاله وطلع من المحافظه كلها شتحجين انتي موزين مني ماصرت شكاك بعد هالسوالف الي اشوفها
غنى : الله ليوفقها شكد حقيره ماخافت من الله تسوي هيج اوي يمه كزبر جلدي
فهد : دخلت ايدي جوه القميص شو اشوفه شلون كزبر
غنى : اكعدد فهددد وايددك
فهد : مصيت ركبتها كاعدد والله
غنى : هههه وتالي وياك انت
_____________________
نرجس : كاعده انظف بغرفتي وسمعت موبايلي خير ياطير منو شلته .... هذا علي مينعطى وجهه هالولد .. الوو
علي : شلونه الحلو
نرجس : بخير شكو
علي : عندج مجال نحجي
نرجس : لا مشغوله دانظف
علي : فديت النادره المعدله
نرجس : منو كلك اني معدله وام بيت تره امي هددتني اذا ما انظف تطفي الراوتر فأنجبرت انظف
علي : يعني انتي وصخه
نرجس : اي وصخه واسبح كل اسبوعين مره وبدون شامبو بس ماي عندك مانع
علي : لا ماعندي احبج حتى وانتي وصخه
نرجس : اي عفيه
علي : نرجس
نرجس : نعم
علي : احبج والله
نرجس : شكراً حبتك العافيه
علي : كافي جفه والله تعبت
نرجس : سوده عباتي شمتعبك
علي : عن الاستهزاء نرجس والله تعبان ومحتاجج خلي نرجع ونستعجل بعرسنه واني مستعد اجهز كلشي من حفله المهر للقاعه لكلشي انتي تردي بشهر
نرجس : قاعه ومهر؟! مو قبل كلت ماكو حفله مهر ولا عقد بس حنه نسويها حفله وهي حنه هي زفه
علي : هذا الحجي قبل هسه اريد نسوي حفله بالمهر وبالحنه وبالزفه وبعدها اخذج لتركيا وراها اخذج للمكان الي تردي
نرجس : بس هيج تتكلف
علي : طز بالفلوس اهم شي انتي
نرجس : اممم احاول اصدكك اسمع عليوي والله اذا طلعت تضحك عليه ومتسوي كل هذا لو رجعنه اثرم بصل على عيونه واعميك
علي : هههه عمي قابل الي تردي اني حاضر بس رجعيلي
نرجس : وانت ليش مُصر هيج يعني صحيح اني حلوه واخبل ومليون واحد يتمناني بس يعني عندي فضول اعرف ليش مستقتل عليه على الاقل اعرف سر انجذاب واحد من هالمليون الي
علي : حبيبتي نرجس متحسين الدنيا صارت حاره
نرجس : لا اني كاعده كبال السبلت بس يمكن لان انت بالبصره واهل البصره جوهم يسمط مو بس حار المهم ماعلينه كلي ليش مصر نرجع
علي : لان ببساطه اني محتاج وحده مرحه وطبيعيه بحياتي بعيدا عن الرقه الزايده والاثونه الماصخه اريد مره تونسني وتضحكني بسوالفها مو مكضيتها حجت الحمره الفلانيه وكالت الجنطه الفلانيه ميعجبني هيج اريد مره خشنه
نرجس : بعصبيه مررره خشنه شنو احد كلك عدي عضلات وكل رجل شكبرها وبعدين تعال انت جاي تحسسني انو اني مهرج شنو اضحكك
علي : شكد ثوله انتي اقصد انو احب شخصيتج لان تتصرفين على طبيعتج واقصد بمره خشنه مو مايعه وتتصنعين
نرجس : ياا فدوه هاي اني هيج
علي : هاي الفدوه الي لو لروحج
نرجس : احم الي طبعا
علي : ههه ماشي يله اني اعوفج واروح بعدين نحجي احبج
نرجس : اوك باي سديته ... يمه فدوه لابو فليس صاير غومنسي الواضح من فصخنه مشه عدل هههه والله لكلبك على البطانه بس اصبرلي
___________________
غنى : واكفه اسجل جم شغله اريد فهد يجيبها من الاسواق ... حبيبي هاك جيبلي المكتوب هنا ولتتأخر فدوه
فهد : شو طماطه خيار ، زيت ، شنو هااي
غنى : شنو
فهد : بعصبيه كاتبه اولويز شنو بس لا راح تجيج الشهريه هووو اني ششفت منج حتى تجيج
غنى : بخجل شبيك حبيبي مو موعدها بس للاحتياط
فهد : كتيلي ... ماشي بس خاف اجيبها وتنزل المحروسه على واهس الاولويز
غنى : يعنيي لازم تعلق يله روح ولتتأخر
فهد : اوكفي خلي اشوف الباقي ... خبز ، بيض ، زيتون فلفل اخضر طحين هاي تردين تسوين بيتزا بعد شنو باوعتلها تردين موطه
غنى : اي حاره الدنيا اباوعله ابتسمت ابتسامته المستفزه هاي وكفت ورا دافعته يله حبيبي روح خطي واضح عود هناك اقره الورقه
فهد : بس لحظه خلي نتناقش انتي يعني هسه مشتهيه موطه
غنى : يووو فهد شكد تدقق روح لتضل تعلق
فهد : ههه زين بأي نكهه ترديها وترديها جبيره لو صغيره
غنى : جيب العائليه حتى تكفينه
فهد : هاي هيج تحبين الموطه بحيث متكفيج وحده
غنى : كرصت ظهره متجوز انت يله روح منتظرتك مو تتاخر
فهد : ضحكت داير وجهي بستها بشفتها حيل ... ما اجوز مادام عندي مره قليله ادب تحب الموطه العائليه ... اخذت الورقه ونزلت رايح للاسواق اليوم مزاجي عال العال
غنى : ابتسمت يمه فدوه اروحله ... طلعت لحم سلكته لان اريد اسوي بيتزا خليته الكدر على النار وكفت اغسل ستكانات الجاي نزل ردان القميص وتبلل اووف والله شلعن كلبي قمصان فهد ارفع الردان ترجع تنزل طبعا بدلت ملابس تلث مرات اليوم من وره فهد افندي
دخلت للغرفه اخذت تشيرت منه لبسته وطلعت اي هسه احسن وابرد ... اخذت موبايلي داكه على بيبي حتى افهمها الي صار خليت الموبايل على الكاونتر ووكفت اشتغل
ام صالح : الوو
غنى : الوو بيبي حبيبتي شلونج
ام صالح : ولج ليش عفتيني البيت وحشه عليه البارحه وانتي ماموجوده
غنى : ياعمري
ام صالح : احجيلي شلون هالوصخ قنعج
غنى : للمره الالف اكلج مو وصخ ينكرط كرط من النظافه وينه وين الوصاخه
ام صالح : وللمره الالف اكلج اني اقصد الوصاخه الداخليه مبين عليه هو ينكرط على كولتج بس مع هذا وصخ وابو نسوان
غنى : ابتسمت لا والله بيبي طلعنه ضالمي لا ابو وصخ ولا ابد ... حجيتلها مختصر عن الموضوع ومدخلت بتفاصيل لان اخاف عليه حتى لو بيبيتي وادري بيها امينه بس الحذر واجب
ام صالح : الله يطيح حظج وانتي غير تفهمين منه قبل لا تعوفي واني عبالي شفتي على فراشج ويه وحده ونازله دوسه ونص على الرجال
غنى : بيا حال اني بيبي بذاك الوقت وين عندي قابليه اتناقش مشفتي حالتي انتي
ام صالح : والله انتن نسوان هالوكت مال بالخيزرانه ووين مايوجعجن ولج غبره مادام تدرين برجلج هاي شغلته غير تفهمين منه واني عبالي الرجال حي الله ضابط طلع لا اكبر من هيج شغلته الله يساعده
غنى : انوب لفتي عليه
ام صالح : اي لان تستاهلين ولج حبيبه خليج فطنه مو كل واحد يكلج شي تصدكي دوري وتأكدي وشوفي بعينج وخلي عندج اثبات واحجي بزودج هاي انتي لان مافاهمه شي من الموضوع بعدتي عن رجلج حوالي شهر
غنى : شسوي بيبي اجيت اموت غير كل تفكير طار مني وبقه ذاك الموقف مترسخ ببالي
ام صالح : حقج ومو حقج ، حقج لان مبينه تحبي ومتعلقه بي حيل ، وموحقج لان تعرفين طبيعه عمل رجلج والمفروض تتفهمي بس الحمدلله عدت سلامات وماصار شي
غنى : الحمدلله سلميلي على البنات امانه كولش حبيتهن وكليلهن خلي يدزلي ارقامهن حتى اتواصل وياهن
ام صالح : صار وهاي عمتج تسلم عليج وتكلج سلميلي على بالي بيك
غنى : لا عيني فهد احلى من هذا بالي
ام صالح : دكعدي وسكتي همزين مطفيه بوجهه الكهرباء
غنى : لا بيبي والله فهد حلو
ام صالح : هههه حب واحجي واكرهه واحجي هم وصخ وهم ابو نسوان وناسي بالفرن وهم تدافعيله بس تردين الصدك هو رغم مضلم بس احلى من هذا بالي بيك
غنى : ابتسمت احبج وانتي صريحه ... سلمت عليها وسديته درت وجهي وفزيت لازمه كلبي بسم الله الرحمن الرحيم صدوك تحجي وكعت كلبي
فهد : خليت الغراض على الكاونتر منوه الوصخ وابو النسوان والي مطفيه بوجهه الكهرباء البارحه سمعتها مرتين واليوم هم شنو السالفه
غنى : هاا
فهد : وجعاا شنو هالالفاظ منوه الوصخ منو هاي الي تحجي عليه هيج
غنى : بيبيتي
فهد : وحضرت جناب بيبتج نايمه وياي وتدري نظيف لو وصخ وشنو ابو نسوان شايفتي مكو.... وتحجي هيج
غنى : عيب تحجي عليها هيج و هي جانت فاهمه غلط ومن حركه كلبها كامت تحجي هيج
فهد : وانتي شحاجيه للمره عليه ومجفصه حتى مخليتها تحجي هيج
غنى : تقربت وكفت كدامه رفعت رجليه بايسه ركبته اني اسفه شلت غيبتك بذيج الفتره وحجيت عليك حجي مو حلو اني وبيبي فاسفه
فهد : تلكيج مطلعتني ابن كلب ومسقط مو
غنى : تذكرت حجي بيبي حكيت راسي اسفه
فهد : اخذتي عقابج ومشه الحال بس مره ثانيه اذا اسمع اي كلمه مو حلوه تحجيها بحقي سواء كدامي او كدام العالم او حتى ويه نفسج الي وياج غير تصرف كلشي سوي تشاقي سولفي تناقشي انتقدي بس لتجاوزين ابد وهاي بيبيتج لوما مره جبير جان عرفت شرد عليها ام الوصخ تحجي بالنظافه
غنى : حضنت خصره العفو ياروحي بس من كد مجنت مقهوره حجيت هيج متنعاد والله
فهد : باوعتلها خلص انسي الي صار
غنى : قدمت شفايفي منه مقلدته بوسه بوسه
فهد : ابتسمت حاضنها وماخذ شفايفها
غنى : بادلته بكل حب ضلينه فتره نتباوس ابتعدت بايسه شفته بخفه خو مزعلان
فهد : لا كتلج انسي كلشي صار
غنى : ابتسمت ورحت اشوف الغراض الي جابهن يمكن البعض يعتبرها جرئه مني انو شلون اني الي طلبت منه ابوسه بس اني غلطت وتجاوزت عليه وهو ضاج ولازم اراضي بأي طريقه كانت حتى لو اخجل منه
فهد : الموطه هسه راح تاكليها لو تأجليها لليل
غنى : باوعتله لا هسه اكلها بس خلي احضر العجينه مال البيتزا .... حضرت العجينه وخليتها ترتاح ووكفت ثرمت حشو البيتزا وخليته على جهه اخذت الموطه وطلعنه كعدنه بالصاله اخذتها وكعدت اكل
فهد : تردين من موطتي
غنى : ضيقت عيوني لا شكرا مااريد .... شفت جنطه سوده على جهه شلتها فتحتها لكيت بيها جناسي وتقارير اخذت الجنسيه اباوع هاي صوره فهد قريت الاسم فاروق فاضل ... ضحكت فاروق
فهد : هذا الاسم المستعار الباشا فاروق الي سحل ام عامر ذهاباً واياباً
غنى : بس ملايكلك فهد احلى بهواييي
فهد : صدك يعني اسمي حلو
غنى : يجنن
فهد : ايي ذكرتيني بوحده جانت تقلد وتكول اسمي اسم حيوان
غنى : باوعتله هذا بسمار مو
فهد : شتكولين انتي
غنى : ضحكت ... اكول حبيبي صدوك هاي ام عامر حلوه حتى هيج الدنيا مخبوصه عليها
فهد : ذبيت الموطه ياحلوه تلعب ستين نفس زركه وصخه وكل وذره لحم شكبرها كرشها مطبك اربع طبكات ذره انوثه ماعدها لج صدرها ازرك ازرك وصخ وخاله فوكه مدري شنو صاير رصاصي شتحجين انتي ياجمال ياصخام
غنى : عززه لعد شكد قذره عابت هي الليفه بالف والصابون تارس السوك ولو هذا عقاب من الله طفره كل نور بوجها كد ماعاصيه
فهد : مديت ايدي لازم صدرها النظافه والنور هنا هي كل مره تكول اني نظيفه دخلي تجي تشوف هالزبد هذا وتتفل على روحها
غنى : دفعت ايده بخجل فهدد
فهد : لتجرين الحجايه تره تعمين على روحج ستري علينه وخلينه على ام عامر
غنى : اي زين هاي اذا هيج متنطاق ليش هيج الدنيا مكلوبه عليها
فهد : عراقيين طايحظهم يموتون على اللحم يكلك تدفهم وتريحهم ... ميدرون هاي بالصيف اذا متنحط بالثلاجه تجيف
غنى : عفست وجهي كافي لعبت نفسي لو ادري محاجيه
فهد : اباوعلها اكلت نص العلبه من اكول تحبين الموطه تكليلي لا
غنى : اباوعله يعض بشفته ... سديت العلبه محسيت على نفسي
فهد : حقج يابه حقج
غنى : كمت دخلت للمطبخ اسوي بالعشه اباوعله طب ورايه
فهد : اساعدج بشي
غنى : لا حبيبي
فهد : مليت من الكعده تدرين بيه مااكدر اكعد بالبيت امل انطيني اي شي اسوي
غنى : انت شتريد تسوي
فهد : اريد ننام
غنى : فتحت ايدي بوجهه
فهد : شنو
غنى : صارن خمسه تعرف شنو يعني خمس مرات متشبع انت
فهد : ضربت خلفيتها ليش العنده هي طراوه يشبع من غير ال..... الي ياخذ العقل
غنى : ااخ بخجل حبيبي فدوه اروحلك بله هالالفاظ والله عيب
فهد : كتلج الفاظي ما ابدلها لو مدري شيصير لتحاولين يله انطيني شي اسوي
غنى : هاك هاي الصينيه خلي بيها شويه زيت وطحين حتى افرش عليها العجينه
فهد : هي هاي تاليتي اني الضابط فهد سالم الي مشي المركز على الصراط المستقيم واكف اسوي بيتزا والله يا الله
غنى : اسمعه واكف ويدردم ويه روحه ... خشن صوتي ضابط فهد اشتغل عدل
فهد : ضربتلها تحيه حاضر سيدي
غنى : هههه اي عفيه
فهد : والله كون يشوفوني الشرطه اطك لهالوجه الفاهي تحيه يسوني مزق
غنى : ليش شبي هالوجهه الفاهي ميعجب
فهد : عضيت شفتي عسل
غنى : ابتسمت احبك حبيبي المزنجر
فهد : اخذت العجينه منها مو محترمج ليش تخليني اهينج
غنى : ضحكت حضرنه البيتزا سوه وشويناها
كملت وكعدنه تعشينه
مر اليوم واني بحضنه وابتسامتي مافاركت وجهي
ثاني يوم جبرته جبر نسوي
جلسه نقره بيها قران
لان ادري بي ذيج الفتره ما التزم بقرآنه كولش فلازم يرجع مثل قبل رغم هو شاغل بالي
وتفكيري كل دقيقه وثانيه بس مع هذا منسيت
عبادتي ولا ربي لان ماعندي اهم منه
فهد : اكلج
غنى : صدقت هاا حبيبي
فهد : يصير اختم القران باسبوع واحد
غنى : اي شنو المشكله تكدر تقره اربع اجزاء ونص كل يوم وباسبوع تختمه ... ليش تسأل
فهد : اكول مادامني كاعد خلي التهي بشغله تنفع خاصه اني صارلي ٢٣ يوم مالازم القران فخلي استغل الفرصه واختمه
غنى : عاشت ايدك حبيبي احسن شي تسوي اني بالايام الي فاتت ختمت القران مرتين
فهد : ماواصله ختمتج وداعتج
غنى : ليش
فهد : لان شلعتي كلبي والله كايل رضى الزوج واجب وانتي عصيتيني فكلشي تسوي ميوصل
غنى : بهدوء صحيح كلامك وان شاءالله متنعاد لا اني اعصيك ولا انت تضوجني اباوعله هز راسه
فهد : لو شكد ما احاول استفزتج تجاوبيني بطريقه تخلي روحي تسكن ومن اكول انتي جوهره نادره هم واحد يكلي ليش
غنى : ابتسمت راجعه اكمل جزئي .... كملت وكمت اخابر البنات واستفسر منهن عن احوالهن
اروى : ليش هيج غنى ليش عفتينه ورحتي اذا مو لخاطر فهد لخاطرنه ما كلتي هذوله خطيه ليروح يصير بيهم شي يعني اني حيل زعلانه منج
غنى : بخجل اني اسفه والله موقصدي اسوي هيج بس جنت منهاره
نرجس : زين ليش رحتي من البدايه شصار وياج
اروى : عيني هاي مو رايحه لخالتها بالطريق مخابره فهد طالعلها واحد من جماعه فهد الادبسزيه ومسوي روحه بنيه وكام يسوي اصوات وحركات مال ساقطات وهاي كل عبالها فهد ويه بنيه فهاي رجعت مثل الخبله اخذت هدومها وطلعت رايحه لاهل ابوها وخلتنه نتكرضم عليها لمن شافها فهد بالعرس وفهمها كلشي تالي بردت
غنى : هاي منيلج هالسالفه
اروى : منين يعني غير فهد سولفلنه البارحه
غنى : هاا اي اي صحيح مافهمت السالفه وتصرفت بطيش
نرجس : خرب يومج غير تفتهمين السالفه رحتي سويتيلج زعله على الخالي بلاش
غنى : اي هاي بعد .... عززه فهد فر السالفه عليه وطلعني اني الغلطانه وطلع منها مثل الشعره من العجين والله مصيبه هالرجال
حجيت وياهن وسديت الموبايل
كمت دخلت للغرفه شفت فهد كاعد يقره قران شكله حيبلش من اليوم سديت الباب عليه
حتى يقره براحته كمت
اعزل البيت وكعدت شويه
واجه كعدنه صار وقت العشه
تعشينه ومر اليوم هكذا مرن تلث ايام واني احس روحي كاعده بالجنه حبيبي مدللني دلال ويساعدني بكولشي لاغثني بحجايه
ولا ضوجني بشي بالعكس هادئ الى درجه لا صار عصبي ولا انفعل
حتى صوته ماعله وهالشي خلاني اكتشف انو فهد صار اعصاب وعنيف بسبب المشاكل
والضروف الصعبه الي واجهه بحياته
وبصراحه معذور لان منو منه يعيش كل هالمشاكل
ويشوف كل هالعنف بحياته وميصير انسان
صعب وغير قابل للفهم
وابسط شي من لكه هدوء
وراحه تغير جذرياً
الله يبعد عنه كل اذيه وكولشي يتلفله اعصابه .... سديت مفاتيح الجنان جنت اقره مناجاة الامام السجاد (عليه السلام) كولش ارتاح من اقراهه
فهد : تقبل الله
غنى : تقبل الله اعمالك كمت تمددت على رجله
فهد : تلمست شعرها شبيج حبيبي شو احسج مالج خلك اليوم
غنى : شويه خمول تعرف الدنيا حاره وكل واهس ماكو للحراره كون بس واحد يكابل السبلت ويكعد
فهد : صبري جايج تموز راح بصمط ابهات ابهاتنه
غنى : اسكت شايلتله هم عفيه شهالحر عود هاي الكهرباء والمولده متنطفي بالعماره
فهد : مسحت على خدودها الي صايرات حمر من الحر طبيعيه جسمها بس تحتر تحومر دنكت بستها بعد لتطبين للمطبخ شوفي وجهج شلون صاير هاي عود اني خال بكل الشقق مراوح
غنى : بست ايده معليه المطبخ حبيبي هو العراق جوه حار الله يساعد الي كاعدين بالمحافظات الجنوبيه تلكيهم ساحو من الحر
فهد : اهل البصره بالصيف يصيرون كباب خطيه
غنى : ضحكت كايمه دخلت للمطبخ جبت السلك والحشو اريد اسوي دولمه للعشه فهد مشتهيها جبتهن وطلعت للصاله تربعت بالكاع وكعدت على بروده الكاشي
فهد : اباوعلها لابسه دشداشه نوم قصيره لونها تركوازي جبتها الها ويه سيتات النوم بس شطالعه بت المشعول خو من كعدت وارتفعت لفوك فخذها وطلعن رجليها شعلت ابو ابويه ... اكول حبيبي متعوفين الدولمه
غنى : ليش حبيبي
فهد : ابو قاسم كام يصيح هيا هيا الى الغرفه
غنى : بخجل اكول حبيبي اسوي الدولمه حامضه لو حامضه حلوه
فهد : عضيت شفتي سويها مثل طعمج حلوه
غنى : احم
فهد : ول يابه اروح فدوه لهالكعده هو كل واحد يسوي دولمه يطلع مغري هيج
غنى : ابتسمت شكد ما غزله جريئ ومرات يحجي اشعار تفشل بس احبه احس كلامه رغم بي غير قصد بس من كلبه طالع وبكل وقت يغازلني ويمدحني مو بس وقت حاجته مثل بعض الزلم يجيني عنده طريقه بالتعامل يخلي المره الي وياا مستحيل تفكر بغيره .... فهد
فهد : يا عمر فهد شتردين
غنى : النسوان الي جنت وياهن هم جنت تحاجيهن هيج وتتغزل بجمالهن ومفاتنهن
فهد : ابتسمت فاتح باكيت الجكاير اخذت جكاره ورثتها .... بهدوء ليش منو كلج اني جنت اتغزل بجمال او مفاتن
غنى : لعد شجنت تسوي
فهد : حبيبي مااريد اغثج بس خلي اجاوبج
انتي تعرفين اني عندي نوع من الساديه
او بالاحرى اني اصلا عنيف وجدا ومن
جنت ويه ذني النسوان
جنت اهينهن واضربهن واخليهن يسون الي اريده اخذ حاجتي واطلع لا اتغزل
ولا احجي حجي حلو ولا بطيخ الحجي الحلو والغزل والشعر وغيرها
بس وياج حبيبي لان احبج وكلشي بيج
يعجبني ومن اتغزل بمفاتنج واتلمسج
واتقربلج لان تعجبيني واحبج
مو بس للحاجه ولو انتي تجبرين اكبر واحد يتخبل عليج بأسلوبج واخلاقج الي حاضره حتى بالنومه
غنى : وخرت شعري عن عيوني وابتسمت لعد ليش كل النسوان كاتلات نفسهن عليك
فهد : اخذت نفس من الجكاره ... على حساب خبرتي يروحي
غنى : اباوعله من يذب الدخان ويصير داير مدايره يطلع يجنن ... شلون يعني
فهد : حبيبي ذني يحب الرجال الي يحكمهم حتى بالنومه يحبن الي عنده خبره بالتعامل مو فاهي مااحب امدح نفسي بس للاسف الخبره المطلوبه موجوده عندي لهالسبب مستقتلات بس كلهن زباله عندي مجرد ادوات لا اكثر اله انتي
انتي روحي ومرتي المابدلها بالدنيا كلها
غنى : ابتسمت اروحلك فدوه يا احلى واحسن رجال بهالدنيا دزيتله بوسه بالهوه ورجعت اكمل الدولمه وكلبي مرتاح كملتها وكمت اسويها سمعت فهد يخابر وصوته عله شويه عفته يكمل مكالمته وكل الي
اسمعه اني شكو اني شعليه ... طلعت لكيته ساكت شبيك حبيبي
فهد : خابرني منذر
غنى : خير شبي
فهد : باوعتلها فيصل كاتل سعاد وماخذها لاهلها واخوتها ذابيها بالشارع
غنى : يااا
*************
يتبع
- يتبع الفصل التالي اضغط على (ذنوب على قيد الغفران) اسم الرواية