رواية ذنوب على قيد الغفران الفصل الخامس 5 - بقلم براء
ذنوب على قيد الغفران
البـــــــــارت الخامــس
مرحبا حبايبي العسل شلونكم ❤❤
#ذنوب على قيد الغفران
#للكاتبه براء
ظلمت نفسي كثيراً من اجل اسعادهم
وياليتني نلت شيئاً
غير الالم
... بدموع يبنيه جنه نلعب واخوج وكع بالكاع نكعد بي ميكعد منعرف شبي حبابه تعاي شوفي
غنى : شنووو شبي شبي
... اي حبابه تعاي مجاي يتحرك
غنى : اخذت شالي وطلعت ركض بملابس البيت
زكيه : يمه سوده عليه كمت اخذت عباتي وطلعت وراها
غنى : وينه وينه
... هنا بهاي الساحه
غنى : اركض واحس روحي دتطلع وصلت للساحه اباوع كومه ولد ملتمه ... صحت وخرو وخرو اباوع مروان نايم بالكاع وكل حركه ما اله... مروان مروان شبيك حبيبي تسمعني بدموع بس كلولي شبي الله يخليكم
... والله مندري جنه نلعب طوبه وهو كام يركض تالي وكع
غنى : خليكم هنا حبابين هسه اجي ركضت لبيت نرجس دكيت الباب بكل قوتي ايد على الجرس وايد على الباب
جعفر : كاعدين نشرب جاي العصريات وسمعت الباب تكسر هذا منو الي ماعنده ذوق ويدك الباب هيج ... طلعت اي اي اجينه شبيكم فتحت الباب صارت بوجهي غنى اباوعلها طالعه بثوب البيت وشعرها طالع ... بخوف شبيج
غنى : بدموع استاذ جعفر الله يخليك تعال ويايه مروان وكع بالشارع ومدري شبي فدوه تعال وياي خلي ناخذه للمستشفى
جعفر : اهدي اهدي هسه جاي بس اجيب سويج السياره واجي طبيت بسرعه
ام جعفر : خير شبيك يمه
جعفر : يمه اخو غنى تخربط روحي يمهاا بسرعه
ام جعفر : يا سوده عليه ... طلعت يمها اني ونرجس اشوفها تنشغ من البجي ولج يمه صلي على محمد ان شاءالله ماكو شي
غنى : عليه افضل الصلاة والسلام
نرجس : حضنتها لتخافين مابي شي هسه تلكي من التعب ماعت روحه هسه ناخذه للمستشفى وماعنده غير العافيه
غنى : هزيت راسي
جعفر : طلعت يله امشينه بس لحظه نرجس انطيها صايه منج شوفي حالها
نرجس : رحت بسرعه جبت صايتي انطيتها الها اباوع طلعت هي وجعفر وامي لبست عبايتها وراحت يم بيبيتها ... ياربي دخيلك كون مابي شي
________________
فهد : واكف اباوع للحجيه ... يعني بشرفج هي مال صيام هسه .... شوفي سكرج هابط ومتخربطه
الدكتور : حجيه ميصير تصرفين بكيفج انتي عندج علاج ولازم تاخذي بأنتظام حتى يتوازن سكرج انتي من الصبح لسه لا ماخذه علاج ولا ماكله اكيد تتخربطين وهسه فوك السكر ضغطج علك
ياسمين : دكتور يعني ابطل ما اصوم
الدكتور : ما كتلج لتصومين بس هو مو رمضان حتى تصومين وحتى برمضان اذا متكدرين فطري
ياسمين : شنو شايفني كافره وافطر
فهد : بنفاذ صبر حجيه قصده اذا متتحملين لازم تفطرين وبعدين انتي مريضه يعني معذوره
ياسمين : شو دسكتو انتو كلشي متعرفون
الدكتور : ابتسمت على العموم لازم تبقين هنا اليوم لحد ما يستقر سكرج هو والضغط وانوب تطلعين
فهد : رحم الله والديك دكتور
الدكتور : ولو سيد فهد تدلل وان شاءالله مابيها غير العافيه
الكل : ان شاء الله
فهد : يمه اذا تعبانه ارجعج واني ابقه ويه الحجيه
ايمان : لا يمه ابقه وياها ما اعوفها
ياسمين : بعد كلبي يا حنينه
ايمان : يسلم كلبج غير انتي امي
فهد : طلعت بعد ماحجزتلها غرفه خاصه
جعفر : اباوع لغنى تفتر رايحه جايه ... كمت وكفت يمها اهدي غنى ماكو شي ان شاءالله
غنى : بدموع كله مني اني صوجي ليش خليته يطلع ليش خو اكعد وانجب وابطل اسمع كلامه شلون فاتتني هاي ونسيت هو يتعب بسرعه وموزين عليه اللعب
نرجس : انتي مؤمنه غنى وهذا اختبار توكلي على الله
غنى : ونعم بالله ونعم ... بكلبي ياربي دخيلك كلشي ولا مروان الهي اخذ من عافيتي وانطي دخيلك ... عيني على الباب الدكتور لسه ما طلع ... اباوع دك موبايلي شفت بيبي تتصل .. مسحت دموعي احم جاوبت هاا بيبي
زكيه : تبجي ولج يمه مروان شبي
غنى : عاضه على شفايفي حتى ماابجي ... هاا مابي شي تدرين بي انتي لان حرك تعب وهسه دخل الدكتور يشوفه لتخافين سبع مروان ومو اول مره يتخربط هسه شويه وتلكي يكمز
زكيه : بدموع الف الحمدلله يعني مابي شي
غنى : ان شاءالله كلشي مابي ... سديت الموبايل ياربي وين صار الدكتور تأخر هواي
جعفر : اباوعلها شلون مخبوصه دخيلك ياربي شكد متعوبه هالبنيه الله يساعدها ماشافت يوم راحه بحياتها ... ياكلبي ياغنى ماشفتيلج يوم واحد حلو دومج مشلوعه كلب
غنى : اباوع طلع الدكتور ... كلنه التمينه عليه هاا دكتور
الدكتور : للاسف وضع اخوج حييل تعبان كلبه منتهي ولازمه عمليه فوراً المفروض انو يدخل بال18 يالله نسويها بس هسه منكدر ننتظر الموضوع غير قابل للنقاش
غنى : بدموع سوده عليه ... باشر بيها هسه الله يخليك استعجل شمنتظر
الدكتور : لازم بالبدايه تدفعون رسوم العمليه
غنى : شكد المبلغ
الدكتور : (( .... ))
غنى : ضليت صافنه عليه ... بس بس اني معندي هالمبلغ هسه
الدكتور : والله يا بنتي الموضوع مو بأيدنه هاي التعليمات ... منكدر نجري اي عمليه قبل دفع التكاليف
جعفر : بعصبيه انتو صدك تحجون طفل جاي يموت جوه والي هامكم الفلوس ... حرام عليكم اذا صار بي شي هسه الربح بيكم
الدكتور : كنالك الموضوع مو بأيده هاي تعليمات
غنى : بدموع ياربي وين انطي وجهي اذا صار بي شي ... باوعت للدكتور الله يخليكم باشرو بالعمليه هسه .... انت دتكول كلبه منتهي يعني مبيها مجال لازم يسوي العمليه اليوم الله يخليك باشر بيها هسه والله ادفعلكم الفلوس كلها من يصير عندي بس سووها اله
الدكتور : اعتذر الموضوع طلع من ايدي اذا دبرتي الفلوس نباشر بالعمليه اذا لا تعذرينه الامر مو بأرادتنه
جعفر : اباوع لغنى كامت ترجف ... اهدي غنى اني ادبر الفلوس هسه اخابر جماعتي لو اعرف ابيع سيارتي ولا اخليج حايره
غنى : باوعت بعيونه خاف يموت مروان
جعفر : لتكولين هيج مروان كلشي مابي والعمليه راح يسويها بس انتظري
غنى : هزيت راسي نافيه .... مااكدر انتظر اني رايحه لازم ادبر الفلوس لو مهما كان ...قبل لا اطلع دخلت للغرفه اباوع لمروان كاعد سوده عليه شحاله ... كعدت يمه هااا حبيبي عندك العافيه ليش هيج وكعت كلبي عليك
مروان : بتعب نونه
غنى : ياروح نونه
مروان : كلبي يوجعني نونه
غنى : بدموع عسى هالوجع بكلبي ولا بكلبك ياعمري انت
مروان : لتعوفيني نونه حبابه خليج يمي كلبي كلش يأذيني
غنى : بوست اديه مااعوفك ياروحي اكو واحد يعوف روحه لتخاف هسه اروح اجيب الفلوس ونسوي العمليه الك
مروان : بس انتي منيلج فلوس
غنى : لو اعرف ابيع روحي واسويلك العمليه مااتردد لحظه وحده بس طبعا انت لازم تصير قوي وتتحمل حتى تطلع منها سلامات وانوب تكدر تسوي الي تريده براحتك
مروان : يعني اذا سويت هالعمليه راح يصير كلبي زين واكدر اطلع واللعب براحتي
غنى : هزيت راسي ودموعي تجري ... اي طبعا بعد ما امنعك عن شي بس خلي اطمئن كلبك صار سليم وكلشي مااريد ... بوست خدوده واديه اني حروح ما اتاخر عليك وهسه نرجس تجي يمك ادري بيك تحبها ... عفته وطلعت نرجس ابقي انتي والاستاذ يم مروان واني شويه وارجع
جعفر : وين رايحه
غنى : ادبر الفلوس
جعفر : منين تدبريهن
غنى : ما اعرف اروح لاقاربنه اداين من الجوارين اكدي بالشارع ... لتسألني منين ادبرهن
جعفر : كتلج خابرت جماعتي وكالو راح يحاولون يدبرون المبلغ
غنى : انت كلتها يحاولون يدبرو مو حيدبرو عفيه استاذ خليك يمهم اني ما اتأخر
جعفر : تعاي وين رايحه اني اخذج روحي للكراج واني ادفع اجور الكشف واجيج
غنى : بدموع شكرا استاذ فضلك مراح انسى طول عمري
جعفر : اشش كتلج احنه ما بيناتنه هاي الرسميات احنه اهل وهسه يله روحي واني الحكج
غنى : هزيت راسي ومشيت بسرعه
فهد : دخلت للمستشفى بعد ما جبت كم حاجه للحجيه ... اباوع وحده اجت تمشي بسرعه وتتدافع ويه الناس هاي شبيها خبله شهالحركات السخيفه هاي ولو اني شعليه يطبها طوب
غنى : طلعت وكفت يم سياره جعفر يارب كون اكدر ادبر هالمبلغ اليوم .... الهي لجئت الك لتردني خايبه ... اباوع اجه استاذ جعفر
جعفر : فتحت السياره يله صعدي
غنى : صعدت
جعفر : هسه وين تردين نروح
غنى : لبيت خوالي
جعفر : تندليهم ؟
غنى : اي بمنطقه (.....) كاعدين بنفس المنطقه همه
جعفر : خوش ... طلعت متوجهه لبيتهم ... ماكو ربع ساعه وصلنه ... يله نزلي اني منتظرج هنا
غنى : هزيت راسي نزلت دكيت الباب على بيت خالو كامل اتذكر مكانهم لان جايتهم مرتين .. طلعلي حمزه ابن خالو كامل .. السلام عليكم
حمزه : وعليكم السلام هلو غنى خير شبيج
غنى : خالو موجود
حمزه : اي تفضلي
غنى : دخلت لبيتهم لكيت بيت خالو خالد هم موجودين عدهم همزين ... سلمت وكعدت
كامل : خير خالي شبيج ليش هيج حالج امي خو مابيها شي
غنى : لا خالو بيبي مبيها شي بس سكتت باجيه
خالد : هسه غير تحجين شبيج تبجين وكعتي كلوبنه
غنى : بدموع خالو مروان بالمستشفى
كريمه : خير شبي
غنى : كلبه متأذي انتو تعرفون هو عضله قلبه جدا ضعيف وهسه سائت حالته ولازمه عمليه ضروري
نورس : سوده عليه ميستاهل
كامل : عنده العافيه ان شاءالله ... بس ما كتيلي انتي ليش عايفته وجايه لهنا هسه غير تبقين وياه
غنى : بدموع خالو العمليه مالته تكلف ((....)) واني معندي هيج مبلغ حالياً فاجيت اكلكم بلكي تداينوني ولو نص المبلغ واني والله ارجعه الكم من يصير عندي
كامل : والله يا خالي اني ماعندي
خالد : ولا اني
كريمه : انتي مارحتي لاهل ابوج احنه منين نجيبلج
غنى : خاله والله معندي احد واخويه الوحيد متأذي ملكيت نفسي غير جايه لهنا وين انطي وجهي
نورس : نزعت بتوتي (اسوارات) هاج حبيبتي بيعيهن وشوفي شكد يجيبن الذهب يتعوض بس الصحه متتعوض اخذيهن حبيبتي وهسه اخابر خالتج سهاد اشوف عدها فلوس جوه ايدها لو لا
خالد : شنو انتي بكيفج تصرفين شنو تبيعهن هو احنه منيلنه اشو على الراتب عايشين لتصدقين بكيفج وبعدين سهاد كلشي ماعدها منين تجيب لتورطيها كعدي وسكتي
كامل : خالي خصم الحجي احنه ماعدنه هيج مبلغ ولو عدنه جان ما شفتي هذا حالنه ... روحي شوفيلج واحد غيرنه يداينج
غنى : بدموع خالو الله يخليك حاول تدبرلي الفلوس والله العظيم ارجعهن اني ماعندي غير مروان باقيلي من ريحه اهلي الله يخليكم ساعدوني والله مستعده كلشي اسوي بس ساعدوني
كريمه : هسه مو كنالج ماعدنه شهالالحاح هذا لزكتي
غنى : اباوع بعيونهم ما اصدك هذوله خوالي معقوله الفلوس عدهم اهم من ابن اختهم ... كمت درت وجهي وطلعت ودموعي ما وكفن لحظه حسيت على ايد على متني
نورس : حبيبتي غنى ماعليج بيهم اخذي ذهبي بيعي صحيح ميجيب ذاك المبلغ بس يفيدج
غنى : رجعته الها ... شكرا خاله اني مااريد اسببلج مشاكل عفتها وطلعت لكيت جعفر واكف
جعفر : هاا شكلولج
غنى : صعدت بهدوء معدهم ينطوني ... بدموع وين اروح استاذ ضاكت بيه الدنيا وحصرتني بزاويه وخلتني بموقف صعب هاي اني كلت لاهل امي ولاواحد حاول مجرد محاوله انو يساعدني
جعفر : اني وياج غنى مااعوفج لو ادري اموت خابرت جماعتي ااكد عليهم وكالو راح يدبرون المبلغ لتخافين اني وياج
غنى : باوعتله هسه وين اروح بس فهمني جنت متأمله باهل امي وكولشي محصلت
جعفر : خابري صديقاتج شوفي اذا اكو هيج مبلغ جوه ايدهن
غنى : معندي صديقات غير نرجس
جعفر : زين تكدرين تصبرين فتره
غنى : احس دموعي نار وتنزل مو دموع ... استاذ دتفهم كلام الدكتور انت ديكول كلبه منتهي تعرف شنو يعني منتهي يعني مبيها مجال لازم العمليه تتسوه اليوم وانت شوف ضاعن تلث ساعات ... هاي الساعات مو وقت عادي هاي ساعات ضياع عمر اهم شخص بحياتي باجر الصبح اذا مجبت المبلغ حيطلعون مروان وين اودي اني فهمني
جعفر : اباوعلها انهارت اهدي غنى موزين الي جاي تسوي
غنى : شلون اهده واني ادري اخويه على شفه حفره شلووون شلون تريدني اخذ الامور طبيعيه واني اشوف اخويه طريح الفراش اتمنى هسه اكدر اوصل الي احس بي الكم جان كلتو حقج ... غطيت وجهي والله لو يقبلون انطي كلبي ويعيش ما اكول لا ولا اشوفه هالشوفه
جعفر : انطيتها ماي شربي وتهدي بالله وان شاءالله نكدر نسيطر على الوضع ... وهسه فكري بأحد ممكن يكدر يساعدج فكري بلكي يخطر على بالج احد
غنى : منو منو منو معندي احد اروحله .... صفنت معندي غير هالحل استاذ اخذني للبيت بسرعه
جعفر : تذكرتي احد
غنى : اي تذكرت
جعفر : طلعت للبيت اباوع على اديها طول الطريق تفرك بيهن لمن صارن دم ادري بيها متوتره ... اتمنى الزم ايدها واكلها كافي اني يمج ومااعوفج بس ما اكدر اتجرئ ... وصلنه للبيت يله نزلي ... اباوعلها نزلت تركض الدنيا صارت ليل وهي لسه مصره تدبر الفلوس بعد منو يسوي العمليه
غنى : دكيت الباب فتحتها ام جعفر دخلت ركض بدون حتى ما احاجيها صعدت لغرفتي فتحت مذكرتي اكلب بالارقام وينه وينه ... اي لكيته اخذته كتبته ودكيت عليه ايدي على كلبي يارب كون يردون يارب ... سمعت صوت
.... الوو
غنى : الوو عمو حسنين اني غنى
... يا غنى ؟
غنى : عمو اني غنى بنت اخوك صالح
... هاا وشتردين مخابره
غنى : بدموع عمو مروان اخويه مريض وبالمستشفى ويحتاج عمليه هسه
... واني شكو تكليلي
غنى : عمو اني محتاجه فلوس لعمليته الله يخليك ساعدني
... امشي لج ستوها تذكرت عدها عمام وين جنتي صارلج سنين لو بس وكت الفلوس تذكرينه
غنى : تنشغ عمو والله لو ممحتاجه يا فلا اخابركم وازعجكم بس والله متوازيه على المبلغ اخويه حيضيع مني اذا مسويتله العمليه يموت وهو عنده قلب يعني عمليته مو سهله خطره وصعبه
.... يطبكم مرض احنه شعلينه بيكم شنو ناقصنه هم فوك همنه
غنى : زين انطيني رقم بيبي اخابرها بلكي تكدر تساعدني
.... تردين امي تدري حتى يوكف كلبها وتموت حيوانه احنه ما عولنه نسيها انو عدها احفاد هسه تجين تفتحين الدفاتر القديمه انتي غبيه
غنى : عمو ابوس رجلك ساعدني اعرف انت عندك واني ضاكت بيه الدنيا ومااعرف وين اروح ومالكيت غير الجئ الكم توقعت انتو اهل ابويه وحتساعدوني اذا عدكم خاطر لابويه ساعدوني واني والله ارجعلكم الفلوس لو اعرف اجدي
.... احنه تنازلنه عنكم من زمان يعني مسؤوليتكم بأيد اهل امكم همه مو رادوكم خلي يتحملوكم وهسه يله روحي اخذتي من وقتي هواي ... يله امشيي ولي
غنى : عمو بس لحظ... سده بوجهي ركعت الموبايل بالكاع ونزلت الطم منين ادبر الفلوس هاي اخر محاوله وين اروح بعد ياربي ليش هيج ما لكيت غير مروان تبتلي بهالمرض ربي خلي المرض بيه وعافي دخيلك وين انطي وجهي اخويه حيموت اذا ضل هيج
ام جعفر : دخلت ولج شبيج يمه
غنى : خاله حموت اروح لاهل امي يكلولي معلينه اروح لاهل ابويه يكلولي معلينه لعد وين اروح اني كل الي ديصير بسبب ابويه وامي ليش راحوو وعافووو هالمسؤولييييه علييييه ليييش اني من وعيييت على الدنيا وانييي مشلوعه كلب للليش خاله ليش مو حالي حال البنات ليش اني من دونهن هيج متعذبه ليش
ام جعفر : حضنتها ولج يمه اهدي غناوي عود هاي انتي المؤمنه هيج تسوين لعد شخليتي للي ماكو ايمان بكلبه
غنى : خاله تعبت والله تعبت ... جنت متأمله باهل ابويه كلت لو مهما يكن نبقه ولد اخوهم ومن دمهم ... تدرين شيكولي يكول احنه تنازلنه عنكم معلينه بيكم بعد شعليه التنازل بالدم احنه بقينه من ريحه اخوهم شلون كلبهم ينطيهم يسوون هيج بينه
ام جعفر : اهدي حبيبتي اهدي احنه اهلكم واني اعتبريني امج خلي يولون هالميخافون الله لو بيهم خير مياكلون حق جهال اخوهم كافي يايمه كافي
غنى : هدئت شويه ... باوعتلها شسوي هسه خاله حرت وين اروح وين انطي وجهي
ام جعفر : اتكلي على الله وهو يحلها وانتظري بلكي منا للصبح جماعه جعفر يدبروله المبلغ وتسويله العمليه
غنى : ماعندي غير هالحل بقالي جماعه الاستاذ اخر امل واني والله لو ممحتاجه ما ازحمكم هيج بس معندي احد
ام جعفر : لتحجين هيج انتي بنتي حالج من حال نرجس واعز والله ... كومي حبيبتي غسلي وجهج ورجعي ويه جعفر للمستشفى ولتبينين للبيبيتج شي تره نايمه هي هسه من تكعد عود اني افهمها
غنى : هزيت راسي كمت غسلت وجهي وعدلت حجابي والي طالع نص شعري منه ... طلعت لكيت استاذ جعفر كاعد بالباب
جعفر : هاا بشري شكلولج
غنى : مقبلو ينطوني
جعفر : تنهدت لتخافين ان شاءالله منا لباجر الفلوس تدبر
غنى : هزيت راسي ... كمنه رجعنه للمستشفى وصلنه نزلت بوجهي لغرفته شفت نرجس كاعده بره هاا
نرجس : الدكتور جان يمه رجع تعب وانطو ادويه حتى بلكي يتحسن
غنى : وينه الدكتور هسه
نرجس : هسه يطلع
غنى : انتظرت شويه وطلع حاجيته ... دكتور شلون وضع مروان
الدكتور : والله يا بنتي وضعه جدا سيئ جان لازم من زمان نبدي بهالعمليه كلبه حييل تعبان
غنى : بدموع زين شلون هسه دكتور
الدكتور : عندج منا لباجر دبرتي الفلوس نسوي العمليه مادبرتيهن بعد مااعرف شكلج اخوج يطلع منا
جعفر : اباوعلها عافت الدكتور وطلعت راحت وراها نرجس لزمتها ... عوفيها وحدها شويه خليها تفرغ الي بكلبها
غنى : طلعت كعدت بره ما اعرف شسوي الامر خرج عن ايدي ... حتى لو اريد ابيع البيت مستحيل ينباع بيوم
فهد : حجيه شلون صرتي
ياسمين : ولك يمه كلشي مابيه ليش مكبرين الموضوع ... سكر وصعد شصار اموت الاعمار بيد ربك ومحد يموت ناقص عمر
فهد : اسم الله عليج حجيه طولت العمر الج ان شاءالله
ياسمين : هاا ولك فهيدان تخاف عليه
فهد : ابتسمت طبعا اخاف عليج غير حبيبتي انتي
ايمان : جاا اني ليش ما تتغزل بيه هيج ولك
ياسمين : هاا ولج المسمومه تغارين
فهد : وانتي ما لكيتي غير امي تكولين عليها مسمومه
ياسمين : هاا ولك راح تنحاز
فهد : طبعا غير امي
ياسمين : ربيني واني وليد امي ... الله يطيح حظك
فهد : ابتسمت تردين اجيبلج شي
ياسمين : اي راسي يوجعني اريد استكان جاي هذا الاكل نام على كلبي
فهد : وانتي يمه
ايمان : اي يمه حتى اني تدري بيه متعلمه عليه
فهد : هسه اروح اجيبلجن واجي ... طلعت اجيبلهن جاي واشرب جكاره راسي مصدع ... طلعت الجكاره ورثتها وكعدت ادخن ... تنهدت بتعب باجر عندي دوام شيخلص هالتعب ما ادري ... سمعت صوت شهكات بمكان بعيد عني بشويه سمعتها بوضوح لان ماكو احد بالحديقه خاصه الدنيا ليل هسه ... اباوع هاي نفس البنيه الي شفتها العصر طلعت ... ما اعرف ليش انتابني فضول تجاهها رغم اني مو فضولي نهائياً بس وضعها غريب احسها تبجي بحركه كلب ما لكيت روحي غير اسألها ... شبيج ؟
غنى : رفعت راسي اباوع رجال كاعد قريب عليه بغير مسطبه ... هاا
فهد : بهدوء اكدر اعرف شبيج
غنى : انت شعليك
فهد : مجرد سؤال عادي لتجاوبين
غنى : باوعت كدامي ودموعي ينزلن ... اخويه مريض
فهد : اخذت نفس من الجكاره ... شبي
غنى : قلبه ضعيف
فهد : ستوكم دريتو ؟
غنى : بدموع لا من زمان بس كالو نسويله العمليه من يصير عمره 18 بس اليوم تأزمت حالته وكال الدكتور لازمه عمليه فوراً
فهد : وانتي خايفه من العمليه
غنى : هزيت راسي لا
فهد : لعد ؟
غنى : بدموع معندي فلوس العمليه اصلا حتى اخاف منها
فهد : اباوعلها تنشغ من البجي ... وين اهلكم
غنى : متوفين
فهد : بهدوء الله يرحمهم ... ضلينه ساكتين طلعت جكاره ثانيه ورثتها ... شكد تكلفة العمليه ؟
غنى : ليش ؟
فهد : اسأل
غنى : ( .... )
فهد : شوكت المفروض تتسوه
غنى : فورا ... بس مدبرت الفلوس فانطوني مهله لباجر
فهد : ودبرتيهن
غنى : بدموع لا
فهد : شنو اسم اخوج
غنى : ليش
فهد : بهدوء اسمه ليش ؟
غنى : لا مروان
فهد : ذبيت الجكاره وكمت ... عفتها ومشيت بدون سابق انذار ... طلعت موبايلي الوو علي
علي : هاا الوو فهد
فهد : اصعد لغرفتي وافتح الخزنه اكتب ..... وجيبلي (( .... ))
علي : شتسوي بهالمبلغ هسه شنو الحجيه بيها شي
فهد : لا بس محتاجهن مثل ما كتلك جيبهن وتعال
علي : حاضر هسه بس اتعشه واجيبهن محتاج شي بعد
فهد : لا مااريد شي سديته ... مااعرف ليش خطيت هيج خطوه صحيح ما اعرفها بس مهما يكن هي بعازه واني مو عديم الانسانيه حتى اشوف شخص محتاج وما اساعده والبنيه مبينه وضعها حرج جدا ... اخذت الجاي ودخلت للمستشفى
غنى : ضليت كاعده فتره اشم هوه وافكر بباجر اتمنى اليوم ميخلص بلكي اكدر ادبرهن ... شلت راسي للسما ... ااااه يا ماما وبابا تعالو شوفو اهلكم شسوو بينه وينك بابا حبيبي تعال احضني مثل مجنت تسوي قبل صحيح شكلك ما اتذكره كولش بس مواقفنه الحلوه بعدها صورتها مطبوعه ابالي ياربي اعرف هذا اختبار منك واني اعترف مو كد هالاختبار ما اكدر كلشي ولا مروان هذا روحي كمت دخلت جوه لكيت جعفر متمدد على القنفه ونايم الله يساعده اليوم تعب وياي هواي ... نرجوسه حبيبتي كومي نامي على القنفه الثانيه ليش كاعده هنا
نرجس : لا نامي انتي اني مو نعسانه
غنى : دكومي نامي عود اذا نعست اكعدج ... كامت تمددت واني كعدت يم راس مروان ابو خدود الحمر وجهه اصفر وشحاله .... ااااه شلون بيه باجر وين اوديك يا حبيبي وين اخذك لو مدبرت الفلوس اتمنى لو عندي مبلغ عمليتك بأيدي والله جان صرت اسعد وحده بالكون لمجرد اني المحك تلعب كبال عيني ومابيك شي ... بوست اديه حبيبي
صباحاً
فهد : انطيت الدكتور المبلغ وطلبت منه يباشر بالعمليه ورحت اسوي اوراق الخروج للحجيه
غنى : الليل كله ما نمته ولا عيني غمضت لحظه وحده ... صار الصبح والي يعلن عن انتهاء المده اصدقاء جعفر دبرو ربع المبلغ والي ضافه جعفر جاب نص المبلغ والمستشفى تريده كاش وضلينه حايرين واني ماعندي حل غير البجي كمت اريد احاجي الدكتور مستعده ابوس ايده ورجله بس في سبيل يسويله العمليه بنص المبلغ رحت لغرفته دكيت الباب ودخلت ... دكتور عادي احاجيك بموضوع
الدكتور : تفضلي بنتي
غنى : دكتور اني دبرت نص المبلغ متكدر تاخذ نص المبلغ هسه وتسوي العمليه والنص الثاني احاول ادبره بعدين الله يخليك
الدكتور : لتبجين بنتي المبلغ اندفع كامل وراح نباشر بالعمليه هسه
غنى : فتحت عيوني منو دفعه
الدكتور : واحد كال هو من معارفكم طلع ستوه منا لابس اسود
غنى : طلعت بسرعه ادور على واحد لابس اسود ماكو شفت واحد طويل واكف ... عفوا دار وجهه عليه هذا نفسه الي شفته بالزياره وهو هم الي شفته بالحديقه بس مجنت مركزه
فهد : نعم ؟
غنى : عادي تجي شويه
فهد : تقربت عليها هاا
غنى : انت الي دفعت تكاليف العمليه
فهد : اي عمليه
غنى : عمليه اخويه
فهد : لا .... ليش منو انتي واني ادفعلج احد من اهلي واني ماادري ؟
غنى : لا العفو عبالي انت لان الدكتور كال الي دفع المبلغ لابس اسود وعبالي انت
فهد : باوعتلها شكلها مو غريب احس روحي شايفها ... لا مو اني متوهمه على العموم ان شاءالله يكوم اخوج بالسلامه وعنده العافيه مقدماً
غنى : صفنت عليه قبل شويه رزلني وهسه يحاجيني بهدوء شنو هالتناقض جاوبته الله يسلمك ودرت وجهي ورحت مبتسمه يا ترى منو الي دفع الفلوس معقوله عمامي ... ميهم الحمدلله مروان حيسوي العمليه ويصير زين ... وصلت للممر
جعفر : صدك الي كاله الدكتور راح يسوي العمليه هسه
غنى : بابتسامه اي
نرجس : والفلوس منو دفعهن
غنى : كال واحد من اقاربنه اعتقد عمامي كلبهم منطاهم واجوي لهنا ودفعو التكاليف الله يحفظهم
جعفر : الحمدلله عدت على خير
غنى : بس تذكرت هالعمليه خطره اختفت ابتسامي يا الله مشي هالعمليه بسلام ... جنت شايله هم للمبلغ هسه شلت هم للعمليه يارب مشيها بسلام اخذو مروان للعمليات بعد ما بوسته وحضنته حبيبي فرحان ويكولي اني مو خايف اني رجال اروحله فدوه دخلو لغرفه العمليات واني دموعي كامت تجري من الخوف عليه يارب استر
فهد : رحت طلعت الحجيه بعد ما سويتلها اوراق الخروج ... طبعا تعمدت ما اكل للبنيه اني دفعت لان ما اريد احرجها مبينه حالتها الماديه ضعيفه جدا وماعدها ...اباوعلهم اليوم من الصبح همه يفترون وهي الارتباك والخوف واضح عليها ... هسه يجي واحد يكلي ليش ساعدتها انت ما مجبور ... صحيح اني مامجبور بس انسانيتي متسمحلي اشوف شخص محتاج و وضعه حرج واني اكدر اساعده واغلس لو مهما تكون القساوه الي بداخلي من يوصل الموضوع لحياة شخص ما اكدر اضل ساكت واني متمكن من المساعده ... المسئله مسئله موقف اني لو متعرض لهالموقف جان حسيت نفس احساس هالبنيه من تنسد بيبان الدنيا كلها بوجهي مليون بالميه احير وين اروح ويمكن الكه شخص يساعدني ويمكن لا ... دخلت للمركز
الكل : صباح الخير سيدي
فهد : بهدوء صباح النور ... دخلت لمكتبي ماكو شويه ودخلو جماعتي
عمر : وينك يمعود من البارحه ادك عليك متجاوب
فهد : جان عندي ظرف خير شكو
ايمن : فاتتك البارحه السهره للوحده يالله طلعنه كد ما جنه متونسين
فهد : بهدوء عادي نروح ونشوف اليوم
عمر : بخبث اكو وحده البارحه سألت على واحد كالت شو ماهو
ايمن : وياريت لو لاكيات وجهه منه اشو يطب ضايج ويطلع ضايج
فهد : يعني اذا مرتاح لازم اضل اتبسم مثل المخبل ... من السخافه الواحد يضل يضحك على اشياء مالها داعي
ايمن : بس سؤال انت متنطي مجال ولا تتقرب الهن شنو الي يخليهن يحبنك ويركضن لحضنك ماادري
فهد : تصحيح اشرت بأيدي يحبن جيبي مو يحبني
عمر : وخبرتك هم
فهد : ابتسمت الخبره مطلوبه وضروريه
ايمن : خو انت عندك خبره بكلشي ... الله يساعد الي تاخذك راح تتعب هواي بسبب خبرتك
عمر : لا ولك هسه احلى شي تطلع مرته وجهه الصخل وتروح خبرتك يا سيد فهد على الخالي بلاش
فهد : بما انو تطرقتو لموضوع الزواج ... طلعو بره عندي شغل
ايمن : تره احنه نفس الشغل
فهد : اي ميخالف طلعو بره خلي اشتغل وانتو هم روحو كملو شغلكم ما اجينه نسولف احنه يله بره
عمر : عيب عليك تطردنه تره
فهد : بشغلي ما اعرف ابويه يله طلعو ... طلعو واني كعدت اشوف شغلي
غنى : تأخر الدكتور صارله تلث ساعات
زكيه : صلي على النبي يمه
غنى : باوعت لبيبي الي اجت قبل نص الساعه مكدرت تبقه بالبيت ... اللهم صل على محمد آل ومحمد
نرجس : غنى شجاج ترجفين اهدي باعي اديج شلون ترجف اهدي ليروح يصير بيج شي
غنى : بس خلي يطلع مروان وطز بيه
جعفر : اسم الله عليج لتحجين هيج
غنى : ما جاوبته بالي اصلا مو يمه
الدكتور : نزلت الكمامه ... لا اله الا الله ... اباوع للدكتوره كامت تبجي
... دكتور لازم تطلع تبلغ اهله مو
الدكتور : هزيت راسي ... طلعت من العمليات شفت البنيه اجتي تركض
غنى : هاا دكتور شلونه وضعه خو متعبان من العمليه
الدكتور : صفنت بوجها كلبي مينطيني اكلها
جعفر : احجي دكتور
الدكتور : البقيه بحياتكم المريض توفه
جعفر : لا يا الله اباوع الحجيه ونرجس كامن يبجن اله غنى ضلت صافنه على الدكتور بدون اي رده فعل
غنى : لحظه لحظه ... شكلت انت
الدكتور : بنتي هذا قضاء الله وقدره احنه سوينه الي علينه بس اخوج ما استجاب وكف كلبه
غنى : يعني مروان هسه مات ؟
زكيه : حاطه ايدي على وجهي ولك يمه شنو شفت ورحت ولج ختام راح وليدج
غنى : مشيت بكل هدوء داخله جوه ... اباوع الاجهزه مطفيه ومروان نايم بدون اي حركه تقربت منه ... مسحت على شعره بهدوء مروان حبيبي احنه هيج اتفقنه مو كلنه تصير رجال وتطلع منها سلامات ليش خلفت كلامك وورحت
نرجس : بدموع غنى حبيبتي لتسوين هيج تقبلي الي صار هذا قضاء وقدر
غنى : انتي صدوك تحجين قبل اربع ساعات جان يحجي وياي قبل كم ساعه بوسته وحضنته جايتني هسه تكليلي ماات خبله انتي درت وجهي عليه ... مروان حبيبي لتعوفني حباب منو الي غيرك اني يصير تسوي هيج المن عفتني وحدي .... نزلت دموعي مروان حباب اكعد بعد عدنه ختمه لسه مخلصناها اني وياك اذا رحت منو يكملها ... شهادتك لسه مستلمتها هديتك لسه ما اخذتها مروان اكعد انت مو ردت حلاوه حليب البارحه وسويتلك اذا رحت منو ياكلها هاا قابل اذبها ميصير اكعد اخذ حصتك حبييي .... كمت اهز بي مروان اكو هواي اشياء لسه مسويناها اني وياك مو تريد تلعب طوبه كوم اطلع العب ما امنعك بس اكعد .... حضنته ليش جذبت عليه انت مو كتلي راح اصير زين واطلع حتى العب ويه الولد بالساحه لعد ليش رحت لعد اني المن اشتغل واتعب غير على مود اامنلك مستقبل زين ... ليش رحت ولغيت مستقبلك ومستقبلي اكعد مروووان
نرجس : جريتها شبيج غنى عوفي كافي تخبلتي
غنى : دفعتها وخررري عنييي لحد يدنالي ... رجعت حضنته بقوه واصرخ مروان كوم حباب يله كوم اني منتظرتك حتى نطلع منا ونروح لبيتنه كوووووم حبيبي كوم لتعوفني وحدي ما اكدر بليااااك اني مرروان لتسوي مثل بابا وماما علقوني بيهم تالي عافوني انتتت مو تكووول اني سندج لعد شلون تعوفني بدون سند هااا شلوووون ... باوعت لوجهه بوست خدوده وراسه ليش هيج جسمك بارد حبيبي ليش يروحي هيج حالك صار
جعفر : ماكدرت اسيطر على نفسي بجيت اباوعلها تحجي وياه مثل المخبله وتبجي حاضنته ومتقبل تعوفه رحت جريتها كااافي عوفييي ميجوز الي جاي تسوي ميجوز
غنى : ووووخر ماااكو شي اسممممه ميجوووز اسوي هيج لعد يجوز اخووويه يموت ويعوفنيييي لك اخويه ماتتتت تعرررف شنووو يعني ماات يعني راح يدفنو وهو طفل ... طفل لسه كلشييي ما شايف من هالدنيا .... يعني بعد ما اشوووفه بعددد ما احضنه وانام بعددد ما اطلللع اشتريله ملابس للمدرسه بعدد ما انومه بحضنييي واللعب بشعره بعد ما اصلي ورى بعددد تنهتييي حياتيييي انتتتت تعرررف شنووو مروووان بالنسبه الي هذا ابنييي ربيته من نولد ولليوم اني اداري بعيوني تالي يعوفنيييي لييييش لككككك لييييش شفت بيبي تبجي رحت يمهاا انتي مو دائما تكليلي الله يحبني لان مؤمنه .... اذا يحبني لييييش اخذ اعز ماعندي ليشش اني ممسويه شي حتى الله يعاقبني باخويه ..... ولج بيبي كسرت ظهري وكعدتي على المكينه تالي الليل راحت هدر تخليت عن حلمي لخاطره وتالي عافني هوو يصير بس فهمينبييي يصير بعد كل الي سويته يتركني وحيده يصيييييييير
زكيه : حضنتها وابجي ... هذا امر الله يا يمه الروح اله ورجعتله ما من حقنه نكله ليش بكيفه خلقه ويريده تحاسبي
غنى : تشهك لو ماخذ عمري ولا عمره ... باوعت للدكتور كمت كله من وراكم انتو لو مسويله العمليه البارحه مجان مااات هسسسسه كتلكم سووها اله والله انطيكم الفلوس ليش خليتو للصبح هاااي ماتت شفادت الفلوس لو مسويها اله جان هسه هو كاعد واني اسولف وياه
الدكتور : بابا هاي مشيئت ربج مو بأيدنه
غنى : ااااه اخذ كلبي وخلي مكان كلبه والله ما اكلك لا بس حاول تنقذه اني ماعندي احد غيره
ام جعفر : تبجي ... ولج يمه هذا يومه بعد ومكتبوله يوم الي انولد لتسوين هيج بروحج ... ترحميله
غنى : تنشغ ليش هو شنو شاف من الدنيا حتى اكول الله يرحمه شنو شاف يا خاله
جعفر : اباوع للناس متجمعه وتبجي على حالها حتى الي ميعرفها تعاطف وياها ... حالها يكسر الكلب تصرف بطريقه غريبه ساعه تبجي ساعه تحضنه بقوه ساعه تحجي بهدوء ... والاتعس من رادو ياخذو انهادت كامت تملخ بوجها اباوعلها دمت روحها ركضو لزموها وهي تتمرغل بينهم تريد تروح ورى ... اخر شي ضربوها ابره لمن فقدت الوعي ... ياربي الك بيها اراده
نرجس : اول مره بحياتي اشوف غنى بهالوضع هاي الهادئه الي صوتها مينسمع يطلع منها كل هذا ... ملخت نفسها تملخ بهذلت نفسها حجابها وكع من راسها نريد نسيطر عليها منكدر ... من ضربوها ابره هدئت .... دخلوها لغرفه وكلنه التمينه عليها ماعدى جعفر طلع يبلغ خوالها ويسوي الاجرائات حتى يستلم مروان .... اااخ يامروان سوده عليه كلشي ماشفت من الدنيا ورحت تارك وراك هالمسكينه والي روحها بيك
___________________
فهد : طلعت من دوامي ورحت للبيت طبيت لكيت هوسه كالعاده لو سعاد متعاركه لو جناينها متعاركات ... سلمت وصعدت لغرفتي فتحت الباب ودخلت اباوع للغرفه مدعثره .... صحتتت منوووو داااخل لغرفتييي
اروى : طلعت بسرعه هااا
فهد : بحده شنو هاي الغرفه منو داخل الها ليش مخربطه
اروى : والله مو اني تدري بيه ما ادخل الها بس وكت التنظيف ... يمكن الجهال
فهد : والصخام ماعدهم غرف جايين لهنا
آلاء : طلعت من غرفتي هاا الله يساعدك فهد شلونك
فهد : انتي داخله لغرفتي
آلاء : هاا لا مو اني
ايمان : شبيك يمه صوتك يلعلع
فهد : الف مره كتلكم غرفتي لحد يطبلها ... تدرين بيه شلون اتخبل من التدعثر اطب للغرفه الكاها مخربطه ليش البارحه عفتها تلمع
ايمان : شجاك يمه هسه اخلي اختك تنظفها
فهد : دخلت لغرفتي اخذت ملابسي ودخلت سبحت طلعت لكيت اروى وورده يعزلن بيها ... اروى هنا كنسي عدل اكو شويه تراب بالحافه
اروى : باوعت وينه
فهد : هناك هناك شوفي
اروى : بكلبي خرب يومك شكد تدقق
ورده : عززه فهد هاي انت شكد نضرك قوي شلون لمحت الزاويه وانت بعيد .
فهد : شكلتي
ورده : اكول اني هسه اخلي الغرفه تلمع واحلى من البارحه
فهد : اي عفيه اشتغلي
اروى : همستلها اشتغلي عدل لا يجيج راشدي
ورده : فهد اروى تكول اذا ما اشتغل عدل فهد يضربج راشدي صدك تضربني
فهد : بهدوء ورده مالي خلكج اشتغلي وانتي ساكته تره راسي مصدع وتعبان
ورده : رحت بسته بيه ولا بيك
فهد : بستها ... اسم الله عليج
اروى : واني شنو بت البطه السوده فوك ما نظفت الغرفه
فهد : ابتسمت كايم ... بستها انتي شمعه البيت وين اكو منج ... كملن وطلعن واني رحت خذتلي كسره حتى بالليل اطلع اعدل مزاجي
_____________________
نرجس :
اليوم فاتحه مروان كل الناس اجت ماعدى اهل ابو غنى .. طبعا غنى اعتكفت على نفسها كاعده بالغرفه لا تقبل تشوف احد ولا تقبل تحجي ويه احد الدكتور كال صار عدها انهيار عصبي وعقلها رافض الي صار لهسبب تضل ساكته ... ااه يا غنى متستاهلين والله كمت جبت صينيه الماي للنسوان الفاتحه كلها شلناها اني وامي ونورس مرت خال غنى بيبي زكيه بندت من البجي واللطم وكل ساعه توكع وغنى ماطلعت من الغرفه اصلا
... اكلج عيوني وين اخت الميت اروح اخذ بخاطرها
نرجس : خاله كاعده بالغرفه عوفوها متكدر تطلع
... بله مو عيب عايفه الناس وكاعده بالغرفه
نورس : عيوني والله حالتها تعبانه وحيل مالها خلك قابل هي بأيدها
.... دتعاي خلي اخذ بخاطرها
نرجس : تنهدت ناس متفهم تعاي وياي دخلنه للغرفه اباوعلها نايمه وحاضنه مخده مروان وصافنه ... حبيبتي دموعها تنزل على الصامت
... البقاء في حياتج بنيتي
غنى : لارد
... حبيبتي مايصير تبقين معتكفه على نفسج هاي الناس كلها جايه تاخذ بخاطرج شلون تعوفين الناس بفاتحه اخوج
غنى : باوعتلها .... بهدوء فاتحه اخويه ؟
.... اي يمه انتي حتى من خذو للدفن ما رحتي هو يصير هي هاي حرمه الميت يتركو اهله
غنى : درت وجهي عنها .... حضنت المخده مروان راح يعني حنام وحدي اليوم
نرجس : كعدت يمها مسحت على شعرها حبيبتي غنى مو كافي بجي مردتي نفسج مرد كافي رحمي حالج
غنى : غمضت عيوني نرجس اريد انام رجاءاً عوفيني
نرجس : تنهدت كايمه ... طلعت كملت الشغل خلصت الفاتحه وطشت الناس وهكذا لمده تلث ايام غنى على حطتها متروح غير للحمام لا تاكل ولا تشرب كاعده بالغرفه وحاضنه مخده مروان حاولنه وياها بكل طريقه حتى جعفر حاجاها ماجاوبته اصلا خلصت الفاتحه وبده الهدوء يخيم على بيت غنى خوالها حتى بخاطرها مااخذو بس نسوانهم كريمه اجت حالها حال الغريبه بس نورس الله ينطيها العافيه وخالتها سهاد خو اجتي يوم واحد وراحت اني بقيت يمهن بيبي زكيه كل شويه توكع من البجي والنعي وغنى اصلا منعزله عن العالم حتى دوام رفضت تداوم .... موت مروان اثر عليهن بشكل مو طبيعي سمعت الباب يندك طلعت فتحته شفت خالة غنى سحر الي جانت مسافره
سحر : بدموع ولج نرجس صدك الي سمعته صدك مروان راح
نرجس : اي خاله
سحر : طبيت ركض للبيت شفت امي كاعده بالصاله مغطيه وجها بشيلتها وتبجي ركضت حضنتها وابجي
زكيه : بدموع ولج يمه وصيه اختج راح ولج الي شفته يكبر كدام عيني ياما حللته وياما بوسته وياما ناغيته تالي يروح مني يا يمه
سحر : سوده عليه ولج يمه راح بعمر الورده شنو شاف من الدنيا شنو التجارب الي خاضها ويروح ........ وين غنى اريد اشوفها
زكيه : غنى هاي رايحه بعالم ثاني ولج سحر غنى ضاعت ودعت كلشي من بعد مروان وصارت روح خاليه البارحه اكلها اكلي تكلي شلون اكل ومروان طلع منا وهو جوعان شلون تغمضلي عين ومروان نايم بالكبر
سحر : مسحت دموعي والله ما صدكت من كلتلي نورس حجزت بأقرب طياره واجيت وينها هي هسه
زكيه : بغرفتها
سحر : كمت دخلت للغرفه شفتها لابسه ثوب اسود ونايمه كعدت يم راسها بستها شلونج يمه
غنى : باوعتلها ... شوكت اجيتي
سحر : مسحت على شعرها ... هسه اجيت كليلي شلونج حبيبتي
غنى : بهدوء ميته اني خاله
سحر : اسم الله عليج يمه
غنى : نمت بحضنها خاله كلبي يوجعني
سحر : سلامت كلبج حبيبه
غنى : سالت دموعي ... خاله تصدكين مروان مات وعافني تخيلي صارلي اسبوع انام وحدي
سحر : هذا يومه يمه يومه هذا ... ريحي نفسج كافيي هذا امر ربج
غنى : غمضت عيوني على امل انو انام عسى ولعل اشوفه بأحلامي
فهد : طلعت من دوامي رحت كبل لفرح ما اريد ارجع للبيت وهم يستقبلوني بالمشاكل ... وصلت للبيت دكيت الباب طلعت تركض
فرح : حضنته حبيبي وينك شتاقيتلك هواي صارلك تلث اسابيع مختفي يصير تعوفني زعلانه هيج
فهد : يطبج طوب شسويلج
فرح : دتعال فوت وبعدين نتناقش
فهد : دخلت جوه كعدت اااخ
فرح : كعدت بصفه شبيك حبيبي
فهد : تعبان
فرح : ابتسمت ماده ايدي فاتحه قميصه بست صدره هسه اروحلك كل التعب
فهد : وخرتها عني ماعندي واهس كعدي
فرح : كعدت بحضنه لتخاف هسه اسويلك احلى واهس
فهد : دفعتها بعصبيه مو كلنه ماعندي واهس لتلحين اجيت ارتاح هنا عوفي ذيج السالفه من يتحسن مزاجي عود
فرح : كمت انت ليش جاف ويايه هيج مسويتلك شي اني
فهد : لا بس هذا طبعي اكرهه الالحاح وانتي صارلج شهرين وياي ما عرفتي شريد وشلون طبعي
فرح : تنهدت تتغده
فهد : هزيت راسي
فرح : ابتسمت مسويتلك دولمه تجنن هسه ثواني واجيب الاكل رحت بسرعه صبيت الاكل وطلعت المقبلات يله تعال تغده
فهد : كعدت شعجب طابخه هيج شنو منتظره احد
فرح : لا طبعا بس اشتهيت الدولمه وسويتها لنفسي شنو ميحقلي ادلل نفسي
فهد : اي ليش لا تدللي عيني ... اخذت الخاشوكه
فرح : اباوعله يباوع للخاشوكه بتركيز ... بس كلي شوكت تبطل تدقيق والله نظيفه
فهد : شبيج
فرح : وياك بطل هالوسواس هذا بكلشي تدقق
فهد : باوعتلها صفح ورجعت اكمل اكل
فرح : كاعده واباوعله يربي شكد حلو حتى من ياكل بكل هدوء ورزانه ... والله لو يعلن زواجنه للكل اخلي بعيوني بس ادري بي ميحبني وجيته لهنا متتجاوز الساعتين تلاثه ويروح
فهد : شلت راسي لكيتها صافنه بوجهي شبيج صافنه
فرح : بهدوء احبك
فهد : كلبت عيوني شكرا
فرح : بس لو اعرف انت ليش مستفز لهالدرجه
فهد : دكومي سويلي جاي وبلا حجي زايد
فرح : عفت الاكل وكمت اسويله جاي اجيت لكيته واكف يغسل بالحمام كمل واجه كعد ... هسه شراح نسوي
فهد : خلي اشرب جاي وارتاح لتلحين
فرح : حضنته غير مشتاقتلك
فهد : مديت ايدي رافع تشيرتها غيرت رأيي خلي نبدي هسه
فرح : ضحكت
بعد ساعه
فهد : نايم وهي نايمه بحضني مااحب واحد يكون بهالقرب مني بس ما اريد اوخر عنها واحرجها
فرح : حبيبي
فهد : هاا
فرح : اهلك وين سكنهم
فهد : وانتي شكو
فرح : مجرد سؤال ليش صرت عصبي
فهد : لان هذا سؤال ... جوابه ميفيدج عوفي ولتسألي بعد ممنوع تجيبين طاري اهلي على لسانج
فرح : شنو اني نكسه ومتقبل اجيب طاريهم شبيك فهد
فهد : مو قصه نكسه بس اهلي مااحب احجي عنهم لان ميخصوج وخلص الكلام ماله داعي هالنقاش لتخربين مزاجي
فرح : خلص حبيبي دنكت ابوس شفايفه وخر راسه شبيك
فهد : كمت من يمها ... لازم اروح صارت الدنيا مغرب ... بدلت وخليتلها مصرف وطلعت للبيت ... وصلت للبيت دخلت وجان ..... انصدم بالي شفته
*******************************
- يتبع الفصل التالي اضغط على (ذنوب على قيد الغفران) اسم الرواية