رواية ذنوب على قيد الغفران الفصل الثالث و الخمسون 53 - بقلم براء
الثالث والخمسون
شلونك سياده الضابط وياك المحقق كرار حبيت ابلغك لكينه الرجال الحرك المعمل وكدرنه نرصده من خلال كامرات المراقبه مال واحد من الجيران وياريت تجي بسرعه للمركز
فهد :
كرار : الوو سيدي تسمعني
فهد : اي وياك هسه جاي سديته محرك السياره ... سمعي يمه الراح اكوله تنفذي بالحرف الواحد مفهوم
ايمان : خير يمه
فهد : ما اريد جنس مخلوق يدري الدكتور شكال على وضعج ولا حتى تكولين علاج الضغط طلع مبدل بادويه خطره يسألوج شبيج كليلهم سكري معلك والدكتور غيرلي العلاج وضغطي كلشي مابي
ايمان : ليش
فهد : سوي الكتلج عليه وماعليج بالباقي وديربالج سعاد تحاول تاخذ لسانج
ايمان : انت شاك بسعاد مو
فهد : متأكد بس ماعندي دليل عليها فأريد الزم عليها شي ياله اتصرف وانتي هم انتبهي على تصرفاتها شوفيها هم تحاول تتوددلج تدخل غرفتج تسوي اي تصرف مشبوه ودواج ضمي بمكان محد يندله ولتخلي يوكع بأيد احد الله عليج خليج فطنه تره ماعندي اي استعداد اخسرج
ايمان : لتخاف يمه مادام الله ويانه ميصيرلنه شي وبالنسبه لسعاد ما اعتقد تسويها لو مهما يكن متوصل بيها تبدل ادويتي حتى تموتني
فهد : اليمشي بطريق نكس ويواطن السحره والدجالين كلشي يطلع منه والعنده قابليه يسوي سحور للعالم وكل الدنيا تعرف على شنو يتسوه السحر هذا اساسه واصله نكس والله غاضب عليه منا لمن يموت هذا هجمان بيوت
ايمان : بس هي حلفت بالعباس(عليه السلام ) بعد متسوي سحر
فهد : هي الوادم مسويه اهل البيت سبيل ياهو اليجي يحلف بيهم خو الله ولا جنه رب هالكون يحلفون بي جذب وبكل عين صلفه لو رادو شي توجهوله يطلبوها منه صدق المثل الكال ان لم تستحي افعل ما شئت هي من ربها ماخافت منه واتجهت لاقذر ما خلق الله ترديها تخاف من اهل البيت
ايمان : تنهدت كلامه كله صحيح بس هم ما اتوقع تسويها لو مهما بلغ الحقد والكره عد البشر متوصل بي يقتل روح
فهد : وصلت للبيت يله يمه نزلي ومثل ما كتلج ديربالج يفلت لسانج وتحجين
ايمان : ماشي ... نزلت وهو راح دكيت الباب فتحوها ودخلت
منذر : هاا خاله بشري شكلج الدكتور
ايمان : سكري متخربط بدلي العلاج وان شاء الله اصير زينه
منذر : الحمدلله شفتي لو من البدايه خليتينه ناخذج للدكتور ماجان صار هذا وضعج
ايمان : بعد كلبي ماردت اتعبكم فوك ما انتو تعبانين دخلت جوه لكيت الكل كاعدين اول ماطبيت اجن بناتي شبكني
اروى : هاا يمه شصار بالمستشفى
ايمان : كعدت وعيني على سعاد مارحنه للمستشفى رحنه للدكتور اباوع لسعاد كامت تبلعم ووجها اصفر
سعاد : اي وشكلج
ايمان : كلي سكري مرتفع بسبب التعب وعدم الانتظام بالاكل كتبلي علاج جديد
بتول : وضغطج ما قاسه
ايمان : طلعت مستعجله نسيته بالدرج ما اخذته وياي بس هم قست الضغط طلع متضارب ويه السكر ونبهني الدكتور التزم بدوه الضغط والسكر اول بأول حتى اصير زينه ... اباوعلهن وجوهن استبشرت مااعرف اذا فرح لان ما انكشفن او فرحانات لان طلع ماكو شي
سعاد : اي الحمدلله اهم شي تلتزمين بالعلاج حتى تصيرين زينه
بتول : هو اهم شي العلاج اذا ما التزمتي تتخربطين
ايمان : وهذا الراح اسوي طبعا لازم التزم
علي : الحمدلله كدرنه نسيطر على الوضع لو هامله نفسج واحنه ماشين بكيفج وعايفيج براحتج جان دخلتي مرحله ثانيه بالسكر لان هالمرض مو مال ينهمل بأقل شي صاحبه يتأذه
ايمان : تنهدت اي
ساره : هاا خاله شلون صرتي والله كلبي تكطع عليج متستاهلين عسا المرض باليكرهج
ايمان : حبيبتي الله يسلمج
ساره : لعد فهد وينه شو ماهو
ايمان : عنده شغله راح يسويها زين غنى وين شو ماشفتها
سعاد : المسعده من طلعتو لسه ماشفناها بعد
اروى : هسه شعليكم بيها خلوها براحتها
ورده : يمه والله كلبي موتني عليج حتى شوفي شلون يدك
ايمان : بعد كلبي الحنينه مابيه شي وعلى العلاج ارجع اصير مثلج ورده
ورده : تروحلج فدوه سعاد وجماعتها وياهم فيصل الخيخه
ايمان : هههه
___________
فهد : دخلت للمركز رحت بوجهي لكرار
كرار : صافحه اهلا بيك سيدي شلونك
فهد : بهدوء الحمدلله ادخل بصلب الموضوع رجاءاً شصار وياكم بشغله المعمل
كرار : مثل ماتعرف من يوم الحادث واحنه نحقق بالموضوع وندور وتقريبا دورنه بكل المناطق المجاوره للمعمل وما لكينه غير بس كامرات مراقبه لبيت قريب على المعمل رحنه حاجينه الرجال وشفنه الكامرات وفعلا شفنه رجال طلع يركض من المكان الي بي المعمل وهذا الاكدلنه ان الحادث فعلا مفتعل مثل ما انت كلت
فهد : ماكدرتو تحصلون شي عليه او تلمحون شي منه
كرار : حسب الشفنا جان ملثم
فهد : عندك التسجيل مال الكامرات
كرار : اي نعم تفضل ويايه
فهد : رحنه لغرفه المراقبه درج التسجيل بيها وطلع اباوع واحد كصير وسمين طلع من مكان المعمل يركض ولاف وجهه لف بحيث ما مبين منه ولاشي يعني هذا كطف الجكاره حرك معمل معيش كومه عوائل حسافه كطوف الجكاير يطلع منها هذا . انتبهت اكو شي غريب بالفيديو كرار لحظه رجع الفيديو للبدايه بسرعه
كرار : ليش
فهد : درجه ليش تناقش
كرار : حاضر
فهد : اباوع الاتجاه الطلع يركض بي والجان بعيد اكو سياره مثل اللمضت وانوب تحركت بسرعه ... هاي السياره مو لمضت بأضائه خفيفه
كرار : شو اي صحيح بس كلشي مامبين
فهد : بطئو الفيديو بسررعه ... اباوع فعلا اشتغل لايت بسرعه وانطفه وانوب تحركت السياره داخله لنفس الفرع الي هو دخل بي بعدين واختفى من نظر الكامره سجلو رقم السياره
كرار : متشوفها طلعت بسرعه وين نكدر نسجل رقمها
فهد : وخر كعدت بمكانه شغلو الفيديو ومن يوصل من يعلك لايت وكفو الفيديو واختارو اعلى جوده يله لتباوعولي اشتغلو ... عيني على الشاشه اي اوكف كبر الشاشه و وضح الصوره ... اباوع بين الرقم بس مو كلش واضح حاولت اركز بلكي اعرف الارقام انطيني ورقه وقلم بسرعه بديت اسجل وعيوني على الصوره وادعي الله كون ما اطلع غلطان برقم ذبيت القلم هاك دورولي على صاحب رقم هالسياره .. السياره النتره ولونها احمر رقمها صار يمك هذا اذا طلع صح دورولي عليه ومن تلكو ردولي خبر
كرار : حاضر
فهد : غانم موجود
كرار : اي بمكتبه
فهد : رحتله دكيت الباب ودخلت هاا شلونك
غانم : ياهلا بيك هاا شعدك هنا
فهد : خابرني المحقق على شغله المعمل واجيت ورب الكعبه راح انجن اريد اعرف منو ابن الكح... الحركه
غانم : ادري سمعت بي الله يعوضكم ... ماحاولت تعرف خاف واحد من التجار عندك مشكله وياا او واحد من اصحاب المعامل المنافسه الكم
فهد : ما اعتقد اني ماعندي اي مشاكل ويه اي تاجر وبالنسبه للمعامل المنافسه فأحنه ماكاعدين بفلم هندي لو عربي و واحد يحرك رزق الثاني
غانم : والله ما اعرف شكلك ... اي شلونك
فهد : موزين جزعانه روحي
غانم : مادامك اجيت خلي افجر قنبله عليك للاسف اجاني خبر اليوم الصبح ماراح يسرك لا انت ولا الشباب
فهد : خير ياطير هو اني هالفتره ما اخذ منك غير بس الاخبار الموزينه احجي
غانم : اجه قرار من الوزاره بارجاع جميع ضباط قسم الاستخبارات من الموصل وعودتهم لمراكزهم الاصليه
فهد : شنوو صدك تحجييي انت هو شسوينه احنه حتى يرجعونه
غانم : حاليا الارهاب جاي يزرعون عناصرهم بعموم العراق كله وحالياً بغداد هي المستهدفه واحنه نعرف كلش زين اذا داعش خطت رجله لبغداد اعتبر العراق بح طار من ادينه
فهد : حتى لو الموصل هسه اهم احنه ما تدربنه وتعبه شعور ورحنه قاتلنه بنص الموت على حساب
تكلولنه انسحبو بالنهايه شهالاكلان تبن هذا لا اني ولا الويايه حققنه النريده الموصل لسه ما تحررت حق الشهداء ما اخذنا حق اعراضنه الي انتهكوها لسه ما اخذنا الامهات الماتت رواحها من البجييي على ولدها ما اخذنه حق اي عراقي عانه بسببهم كلشي ماسوينه
صحيح سيطرنه على بعض الجوانب بس بقه الاساس ما متحرر الناس بالموصل جاي تموت كوموووومصه شهداااء انطينه شباااب بعمرر الورد راحو هيج مهدي ماااات ومرتتته حامل ابنه تيتم وهو ببطن امه لو باقي الولد الي ماتت امه من سمعت الخبر والي انجلط ابو من شاف تابوته والي ستوه خاطب لو معرس تالي كلا التراب انتو ليش تعتبرون هالشي مسأله تأديه واجب وبس داعش صار قضيه رأي عام ماكو واحد ميعرف منو هو وشسوه بالعراقيين والسوريين واليمنيين
غانم : اعرف واقدر وطينتك وحبك للبلد بس البلد هسه محتاجكم
فهد : هذا بلدنه تعرفون شنو يعني بلدنه هالكاع ساتره علينه واجو زبايل النغ.... صار براسهم خير بأسم الدين وكامو يغتصبون بالنسوان ويقتلون بالجهال والزلم وانتو بدال ما تحاربوهم تنطوهم فرصه اكبر حتى يتوسعون
غانم : شجاك انفتكت هذا النقل الصار لمصلحتكم ولمصلحه البلد انت والشباب اكو الف واحد غيركم بالموصل اما هنا ماكو اشخاص كفوئه وعليها الاعتماد بكدكم وخاصه انت تدري جم خليه نائمه وعصابه قبضنه عليها
بسببك وبسبب فريق الاستخبارات الباقي خلي عقلكم يشتغل شويه اذا رجعتو لهنا ماراح يأثر هالشي على الموصل لان اكو من عليه الاعتماد هناك والحشد الشعبي ما مقصر ابد اصلا لو ماهو جان البلد بخبر كان بس ماكو اليحمي مركز البلد الي هو بغداد
اذا انتو هناك وكل واحد عليه الاعتماد هم هناك منو يدير باله على امور المحافظه ولتنسى انت والوياك التحقتو بأمر وترجعون هم بأمر ولتنسون انتو مو بالحشد مجرد ضباط بالاستخبارات البشريه وضيفتك تحلل وتجمع معلومات تخص اشخاص معينين بالاضافه لمراقبه الوضع الداخلي والخارجي للبلد مو شغلك تقاتل انت عملك يختص بشي معين التزم بي
فهد : عملي على عيني وراسي ومثل ما تكول اكو الف ضابط بالموصل هم اكو هم آلالاف الضباط ببغداد والوضع ما معتمد على فهد المسوي انتو سبايدرمان فرع العراق وهو حاله من حالكم
غانم : بطل استهزاء لتخليني اصير عصبي ويرتفع ضغطي التزمو بالاوامر رجاءاً التحاق ماكو بعد باجر يوصل كتاب يعفيكم من الالتحاق بعد وترجعون لعملكم الاساسي بالبحث عن الخلايا النائمه والعصابات ... القتال مو شغلكم حياتكم اذا مو مهمه بالنسبه الكم فهي مهمه بالنسبه البلد واي شي يخدم البلد احنه منفرط بي
فهد : والله دنعل ابوكم لابو هالبلد الفقير الطاح بأيدكم وطبعا اني ادري هذا القرار طلع من واحد وجهه جنه بسطال صارله سنه بالشمس ودوام ما اداوم منا لمن تخلص الاجازه وارجع اداوم بهالمركز الاكشر هذا
غانم : ماراح اخذ على خاطري منك ادري بيك صاير عصبي تكدر تروح ومن تهدئ نتفاهم
________________
غنى : وره مطلع فهد هو وخاله صعدت فوك بسرعه سويت اعاده تشحيم لجسمي سويت جسمي كله و وجهي اصلا قبل العيد بيوم حفته الي انغام سبحت وطلعت
جففت شعري وسشورته تمكيجت مكياج خفيف ولبست ثوب قصير لونه ابيض وبي ورد احمر ووردي

الله احس نفسيتي مرتاحه اليوم رحت عزلت الغرفه بدلت فرشه الجربايه وغيرت مكان القنفات تغيير ديكور شويه كملت وكعدت على التلفزيون شويه وسمعت صوت جوه لبست صايتي ونزلت
سلمت على خاله وتطمنت عليها سألتها على فهد كالت صارت عنده شغله وطلع ضليت جوه سويت العشه ويه انغام بس الفاجئني سعاد شلون فرحانه ومنطلقه بشكل مو طبيعي كل يوم وجها ميكصه الطبر اليوم مدري شبيها كملنه العشه همه تعشو
اني صعدت لغرفتي انتظر فهد صارت الدعش وهو ماكو دكيت عليه يدك بس ميجاوب معقوله راح للملهى لا استغفر الله شهالتفكير هذا كعدت انتظره للوحده ياله اجه ... هاا حبيبي الله يساعدك
فهد : هله
غنى : هله ؟!! ... خير صاير شي
فهد : لا حضريلي ملابس اريد اسبح
غنى : اي ... رحت طلعتله تراك تفضل
فهد : جيبي ... الكل نام لو بعدهم كاعدين
غنى : شبي مطنكر مو جان قبل شويه شحلاته ... ما ادري بس اكيد نايمين هسه همه من وكت ينامون
فهد : خوش رحت قفلت الباب واجيت فتحت الخزنه
غنى : شنو هذني
فهد : كامرات
غنى : شتسوي بيهن
فهد : جنت خالهن بغرفتي حتى اعرف اليدخل واليطلع بس شلتهن من تزوجنه حتى متتقيدين بحركتج داخل الغرفه واخاف تصورج الكامره وانتي تبدلين او شو شتسوين فشلتها خوما اكلج روحي لبسي حجابج وشوفي اكو احد اريد اطلع اخليهن بالبيت مادام كلها نايمه
غنى : ليش
فهد : هسه اله تناقشين سوي الكتلج عليه بدون نقاش ولتسألين
غنى : شجاك هسه اني شكتلك ... اخذت حجابي وصايتي لبستهن وطلعت نزلت جوه مالكيت احد صعدت فوك هم كل الغرف مطفيه اضويتها يعني نايمين رجعت للغرفه ماكو احد كلها نايمه
فهد : خوش ... طلعت من الغرفه رحت فتحت المخزن طلعت الدرج على كيفي خليته بالصاله صعدت وخرت شويه من السقف الثانوي وخليت اول كامره حتى محد يشوفهن نزلت ورحت خليت بالجهه الثانيه مال الممر والثالث خليتها يم غرفه امي كملت وصعدت الدرج مرجعه دخلت للغرفه
غنى : كملت
فهد : اي
غنى : فهد
فهد : هاا
غنى : وين جنت
فهد : عندي شغل ولتسأليني شنوه لان مابيه حيل احجي اريد اسبح وانام عود من ارتاح احجيلج
غنى : شغل ؟ من الخمسه العصر للوحده بالليل شغل شنو من شغل بنصاص الليالي
فهد : باوعتلها شنو القصد من هذا كلامج
غنى : بهدوء ما اقصد شي بس داسألك شنو من شغل هذا المستمر لهيج وقت
فهد : جنت اكو... زين هسه عفتها ودخلت للحمام
غنى : هاي شبي شجاه ويايه هسه اني شمسويتله رحت تمددت خلي انام احسن ما نتعارك ضليت اتكلب تنهدت حتى النومه طارت من عيني لزمت الموبايل اكلب بي اباوعله طلع لابس بس البجامه وملابس من فوك
غنى : صليت
فهد : اي
غنى : شوكت لحكت تصلي
فهد : شنووو هو تحقيق خوما تحقيق نزلت بمسجد صليت واجيت قابل اذا ما اريد اصلي تفرضين عليه
غنى : استغفر الله متعشي لو اسويلك عشه
فهد : ما اريد سم
غنى : مرديت عليه اباوعله واكف ينشف شعره
فهد : انتبهتلها لابسه ثوب قصير ومسويه شعرها وحاطه مكياج الواضح جانت متحضره واني كل الواهس جان بيه بس هسه روحي مالي خلكها تلث ضربات على الراس توجع امي والمعمل وشغلي كلهن جره وحده عليه ... سؤال
غنى : بهدوء جواب
فهد : تتحملين ؟
غنى : شنو
فهد : تتحملين الراح اسوي
غنى : هو شنوه الي حتسوي حتى اتحمله ... اباوعله تقدم تجاهي اجه نام فوكي
فهد : اخذت شفايفها بقوه اريد اطفي النار الموجره جوايه
غنى : فتحت عيونها متفاجئه .... حاولت ادفعه على كيفي ميندفع ملخ شفايفي تملخ حسيتهن حينقلعن حاولت اجاري بس مااكدر حسيت بأيده تجر شعري ...صحت بألم مبعده نفسي كوه آااه فهد شعري
فهد : لزمت فجها صوتتتج ماااريدد اسمعه ابد خليج ساكته خوش رجعت اخذت شفايفها شي بداخلي يكول كافي انتبه الكدامك منو بس ماكو طريقه اهده بيها غير هاي لا اكدر اسكت ولا احجي
غنى : بجيت احس حلكي صار نار شلون المجويه احاول اوخره عني بس ما اكدر هو ضخم واني انعم منه ...انوب ايده على شعري يجر بي اخر شي دفعته وكوه احجي بدموع شبيك فهد شجاك ليش تعاملني بهذا الاسلوب ولا كأن احجي وياا مو يمي اصلا
فهد : رفعت ثوبها دافن راسي بركبتها
غنى : احس بأيده ثقبت جسمي يغرس اصابعه بأديه وخصري كل قوته .... صرخت فهد دتأذيني حباب وخر الله يخليك عوفني مرييييضه ميصير لتتقربلي
فهد :شلت راسي شنو مريضه
غنى : بألم مريضه شبيك افهمها
فهد : عليج الدوره ؟!
غنى : هزيت راسي اباوعله كام يفشر ويغلط احسه انكلب انسان ثاني مو فهد الاعرفه
فهد : كمت هسه وكتهااااا جماله عليه اني شعدها تصخمت هسسسه وين جانت قبل فتره لو لمن فهد راد ياكل تبن نورت وزارتج
غنى : بدموع شبيك فهد قابل هو بكيفي لو بأرداتي اني شعليه اذا صارت اليوم
فهد : وانتييي ثوله غير تحسبيلها لو ندارتج تطلع بس ويه العالم يم فهد تصيرين اغبر من الحمار
غنى : كمت لتجاوز رجاءاً مو بمعناها انت زوجي واني منطيتك كامل الحب والاحترام تعاملني بهالطريقه كافي فهد تره مليت لا مره ولا ثنين تعاملني عبالك اني وحده بلا مشاعر اعرف انت تفقد من تصير عصبي بس مو هيج فهد انت شايييف روحك لو عصبت تنكلب انسان ثاني للحظه كمت اشك بيك انفصام بالشخصيه
ساعات ضحكتك شحلاتها وتسولف وتحجي تاخذني وياك لعالم ثاني وساعات تنكلب شخص اني اصلا مااعرفه ليش ما ادري وهاي اخر شي من تقربلتي ملخت شعري بأيدك وهاي شفايفي مداميه من وراك كل هذا السويته اذا يريد يدل على شي فيدل على انو انت ... سكتت
فهد : شنو
غنى : تصرفاتك تدل على انو انت مريض نفسي بعدني ممكمله حجي ومااحس بي غير خنكني
فهد : بحده هاي عليمن منووووه المريض النفسي ولج
غنى : بدموع كافيييي فهد وخرر مو هيج مو هيج شهالاسلوبب شنووو عبده عندك اني كافي وخر اختنكت
فهد : دفعتها انتي وحده مو مال احترام
غنى : مومال احترام لان حجيت الصدوك هاي كل العالم من تصير عصبيه تغلط تتعارك ممكن تكسر غراض بس تتغير جذرياً وتنكلب وحش هذا الشي الينافي الطبيعه والواقع وابسط مثال على كلامي وجود اشياء غريبه عجيبه عندك
فهد : بهدوء شنو قصدج
غنى : فتحت كنتوره جريت الجراره شنو هذا اكو بشر طبيعي يخلي هيج اشياء وادوات حاده عنده وبكنتوره
فهد : جريتها بعصبيه ... انتييي شلووون تتجرئين تمدييين ايدج على اشيائييي الخاصه ومنووو سملحح تفتحين هالدرج
غنى : جنت ارتب ملابسك وشفت هالجراره وانصدمت بالي بيها
فهد : انصدمتييي لا انصدمتييي بأي حق تفتشين بغراضي
غنى : لتنسى اني مرتك
فهد : واذا قندرتي يعني يحقلج تتدخلين بخصوصياتي هااا احجييي
غنى : بهدوء هسه صرت قندرتك خلص عوف ايدي فهد ايدي حتنكسر فهد اليوم شلت الجبيره منها كافيييي عوفي والله بعد ما اتدنه لاشيائك
فهد : من شفتها فقدت دلاله على المها تركت ايدها اباوعلها راحت كعدت على القنفه غطت وجها وضلت تبجي وتحجي ويه روحها كعدت عرفت راح تكون هاي ردة فعلها
غنى : شهالانسان المنفصم ياربي ماكو هيج بشر عاقل ابد يييمه وين عفتيني والمن عفتيني لك مروان دبسزز رحت يمهم وعفتني شوف شصار بحالي صرت مكفخه ياهو اليجي يكفخ بيه لزمت راسي اباوع شعري تكفش وتشلع بجيت بالزايد
فهد : بجيها كسر كلبي هاي اول مره اتعامل وياها بهالاسلوب حقها بس اني فقدت وهي استفزتني كمت كعدت كدامها وخرت ايدها عن راسها دفعت ايدي
غنى : وخر عني مو كل مره تهيني وتطيح حظي وبعدها تجي تراضيني ومو كل مره اني اقبل لان احبك يلعن يوم هالحب
ما اكول غير الله لينطيهم خوالي هجولوني وطلعني من منطقتي واجيت لهنا وحبيتك ساعه السوده الحبيتك بيها لو باقيه هيج عايشه لنفسي ومجايه لهالمنطقه احسنلي بألف مره بتليت على عمري يوم الحبي..
فهد : قاطعتها بهدوء اني ماصرت هيج بأرادتي .. من وعيت على الدنيا واني اتعرض لتعذيب بشكل يومي من ابويه ضرب جوي تجويع اهانه كلشي يخطر على بالج
غنى : رفعت راسي مباوعتله
فهد : جنت اشوفه يضرب امي بالعوده ومن يشوفني اباوعلهم يجرني للمخزن يذبني بي ويكعد يضرب بيه بالصونده السوده حتى يطلع حركته بيه لو من جان يتعارك ويه جدي او الحجيه يجي يدورله حجه بس حتى يضربني ويرتاح
بيوم من الايام جنت معاقب ومحروم من الغده والعشه ... غلطت على سعاد لان شتمت على امي المهم اني طفل وما اتحمل طبيت للمطبخ جريت كدر التمن خليت عليه مرك وركضت لبدت جوه الدرج وكعدت اكل بشراهه لان جوعان يوم كامل اني بدون اكل و ويه حظي نزل من بيت سعاد ولكفني ابتسمت تدرين شسوه بيه
غنى : جاوبته واني مصدومه من كلامه ... شسوه
فهد : جبرني جبر اتقيئ كل الاكلته وطبعا جان يقفل الباب على امي حتى متطلع وتدافعلي و وره ما زوعني كل الاكلته جرني للمخزن وطاحلي ضرب بالقايش مال المبرده ضحكت تدرين بيومها كد ماخايف من الضلمه والم القايش سويتها على روحي وبهاي عيني التاكلها الدود اشوف سعاد واكفه تضحك عليه هي وفيصل وفيصل يسويلي خطيه سواها على نفسه الزعطوط واني ابجي بحركه كلب متفشل ومتألم بنفس الوقت
استمرت طفولتي هيج لحد ما تعلم جسمي على الضرب وكمت ما اهتم لحد ما وصلت لعمر العشر سنين وبده الضرب يزيد لمن ابويه التجئ لاسلوب ثاني وياي بالتعذيب والي هو الجوي وطبعا جانت كل كتله اكلها على اسباب تافهه وجذب من سعاد
تدرين اني سنين ماباجي تالي بجيت من كل كلبي بسبب جذبه لفقتها سعاد عليه واني بريئ ابويه حمه الصيخ احدما صار ملتهب واجه زرعه هنا اخذت ايدها خليتها على صدري شوفي هذا الاثر هذا طول الصيخ الجواني بي
غنى : اباوعله يحجي وصوته كل مابي ينخفظ
فهد : تدرين تلث تيام الجويه ملتهبه ومااكدر انام من وراها وامي ما بأستطاعتها تسوي شي غير تصبرني تركت اهلي وشردت للبصره يم خوالي الجانو احن عليه حتى من ابويه مشت حياتي هيج وكلما اجي لبغداد ارجع للبصره مجوي لو على جسمي اثار ضرب شوفي ظهري درت وجهي راويتها اثار الجوي والضرب شفتي هالاثار كلها علامات طبعها ابويه على جسمي لخاطر ترضه سعاد
غنى : اباوع لدموعه نزلت وهاي اول مره اشوفه يبجي هو يحجي واني ابجي وياا بدون شعور تقدمت حضنته ودموعي تنزل بجيت بحركه كلب عليه عمري ماتخيلت اكو انسان عايش هيج حياة
فهد : بدموع جنت غنى انام جوعان سعاد تقفل الثلاجه وتصعد وامي متحجي وبعز الشته انحبس بالمخزن واضل ابجي من البرد الجو يكرص واني كاعد بالمخزن على كاع لا بطانيه لا مخده ولاشي وامي تنام يم الباب ودموعها تنزل ومن جان يجي العيد كل اخوتي يعيدون حتى علي واروى اله اني جان ابويه حنين على الكل اله عليه جانو اخواني بذاك الوكت يلبسون احسن لبس وياكلون احست اكل اله اني فضالتهم تجيني بحجه انت معاقب ولسانك زفر ما الك
اتذكر جنت كل سنه اطلع الاول على المدرسه حتى 99ماعندي كلها ميايه بس في سبيل احاول اكسبه وجان فيصل يطلع كلها على الحافه وليلى رسوب حتى منذر مو شي بس اني جنت شاطر بيهم
وبهاي عيني جنت اشوفه يبوسهم ويواسيهم واني اجي طالع الاول تعرفين دراسه قبل شلون جانت صعبه ومعقده والتعليم سيئ ومع هذا اني جنت لا مصرف ولا جو دراسي براسه خير ولا حتى جو عائلي زين ومع هذا جنت اطلع الاول ومن جان يشوف شهادتي يكلي اي زين ويشيل الف دينار ينطيني عود هاي مفتخر بيه
بعدها ماكدرت اتحمل سويت نقل وكملت دراستي بالبصره شارد منه وقبل ليموت دزو عليه ومن وصلت لبغداد ماشفته مات بالعمليات والفاجئني طلع مسجل املاكه كلها بأسمي مااعرف لحد الان شنو السبب يمكن وعى على روحه قبل ليموت وحب يكفر عن ذنبه
غنى : ابتعدت ماسحه دموعي ودموعه اني مجنت ادري بكل هذا ليش ضميت عليه
فهد : ماردت احجي عن حياتي السابقه بس حجيت حتى اكلج الصار ويايه بطفولتي خلاني اصير هيج عنيف بتصرفاتي واني بطبيعتي سكوتي ما احجي نهائيا دائما اكبت بداخلي ما ابين لاحد واروح الجئ لاشياء معينه حتى اصبر نفسي مثلا اكسر شجر اروح اصيد حيوانات جانت ترتاح نفسيتي واني اشوفهن يموتن كدام عيني كمت ارغب للعنف بشكل مو طبيعي وكل شي يخليني ارتاح بعد ما افقد السيطره على اعصابي الجئله صار الضرب جزء مني ما ارتاح اله امارسه بأي طريقه من الطرق
و استغليت هالجانب البيه ودخلت كليه شرطه حتى اكدر امارسه بشكل ميخليني احس بالذنب وتأنيب الضمير وفعلا العنف الي بداخلي صار اله فائده وفعلا جان ومازال اذا وكع متهم بأيدي يطلعو مني مباشرتاً معترف وبوجهه للمستشفى اضافه انو طبيعتي هاي ما اقتصرت على الضرب فقط وانما على اشياء ثانيه منها العلاقه الجسديه بين المره والرجال والاشياء الشفتيها بالكنتور الي واستخدمها بهيج نوع من الاشياء
غنى : بصدمه هالشي حرام شرعاً
فهد : حرام اذا اسبب اذى نفسي وجسدي للمقابل بس اني ماجنت اجبر وحده على هالشي وكلشي جان يصدر مني بموافقه وتأكيد منهن عمري ما مارست "ساديتي" على وحده وهي ماقابله
غنى : يعني انت سادي
فهد : اي نعم جنت سادي وجدا اما هسه لا انقطت من فتره طويله وبس وقت الافقد التجئ اله الحجيته الج مو مبرر لتصرفاتي وياج بس كتلج الحياة المأساويه الجنت عايشها هي الخلتني اصير هيج صدكيني عنفي ماصار اعتباط من لاشيى وهاي اول مره احجي لاحد الجان يصير ويايه جنت ومازلت ضامه بكلبي ولوما فاقد وياج هسه ماجان حجيت
غنى : ليش مكتلي من البدايه ليش مخليتني اساعدك مثل كل مره ليش فهد ضام كل هذا عني
فهد : اصلا جنت مستبعد انو راح اتعامل وياج بهالطريقه لان مستحيل اسويها ولهالسبب اكلج دائما من اصير عصبي افقد ابتعدي عني حتى ما تصيرين انتي بوجهه المدفع وتالي تكرهيني
غنى : لزمت وجهه بست اول جه من خده ورجعت بست الثانيه فهد اني وياك بكل خطوه تخطيها بس اكو اشياء غلط احنه لازم نتركها ابسط شي هسه اني ضجت منك لان مجنت ادري بوضعك ولتضوج مني بس هذا مرض ولو الساديه العندك بيها فائده الك ولغيرك جان الله وصانه بيها صدكني فهد بهالشي انت دتمر نفسك واني مستحيل اوافقك على هيج شي لان حتأذيني وتأذي نفسك
فهد : كتلج بطلت هالشي من زمان ونادراً ما اسوي
غنى : بس اني ما اريدك تتركه لمده غير معلومه اني اريدك تنقطع عنه نهائيا
فهد : تنهدت صدكيني اني شخص طبيعي حالي من حالج بس المشاكل الي تطلعلي كل يوم تخليني افقد
غنى : لعد لو تعيش حياة الانبياء شتسوي النبي محمد (ص) جانو الناس يعتدون عليه بالكلام وبذبون الزبل يم باب بيته من غير الالقاب الكذب الطلعوها عليه يا مجنون ياكذاب يا سحار حشاه بس بقه صامد وصار ماراح سوه مثل ما انت
سويت
فهد : هذا نبي اني مو نبي ياغنى اني بشر عادي وبشر خطاء هم لتقارنيني باشخاص لو نموت الف موته منوصل لاظفرهم صحيح اني اغلط بس واضح والاسوي اعترف بي وموضوع العنف وحياتي السابقه ضميته عنج حتى متشفقين عليه وتخافين مني لا اكثر
غنى : اني اني اشفق عليك فهد صدوك تحجي انت روحي فهد اكو واحد يشفق على روحه صدكني اني من حبي الك اريد اغيرك مو لان ماراضيه او شفقانه عليك ابسط شي انت شلعت شعري بأيدك وخنكتني بس من حجيتلي عذرتك
فهد : اني اسف
غنى : اني الاسفه مجنت اخلي مبررات لتصرفاتك اني اسفه وخلص من اليوم احاول اخلي شكو شي يخليك تتعصب بعيد عندك
فهد : هزيت راسي وحضنتها
غنى : حضنته بقوه ... فهد
فهد : هممم
غنى : اني احبك وبكل حالاتك هم
فهد : تنهدت واني اتنفسج ياروحه لفهد.
______________
صباحا _ الساعه التاسعه _ بيت نرجس
نرجس : كاعدين نتريك وحجت امي
ام جعفر : جعفر يمه روح جيبلي حلويات وكيك من بره راح يجن نسوان العصر النه
جعفر : منو يمه
ام جعفر : ام فهد شبيك بتها تصير صديقه اروى وابنها فهد الماخذ غنى
نرجس : غصيت بالاكل شنو شنو منو راح يجينه
ام جعفر : ام فهد شبيكم اوذن حتى تسمعون
جعفر : باوعتلها وانتي شبيج غصيتي
نرجس : هاا مو تفاجئت اكول منو ام فهد ماعبالي ام اروى
جعفر : ليش جم ام فهد تعرفن هي بس هي ام هذا الغثيث رجل غنى مدري شلون متحملته
ام جعفر : ليش شبي الرجال
جعفر : ما ادري شلون دومه كالب خلقته وتحسي مان علينه عايش بهالكاع لا ومن تشوفي تقائياً تحسي قرفان منج يخليج تشكين بروحج
ام جعفر : معقوله
اروى : انت ليش تبالغ لا يمه ابنج ميفهم بالشخصيات هو شخصيته هيج ثكيل ثكيل الحجايه لو حجاها تحسيها حكمه لان اصلا هو ميحجي
جعفر : الثكيل مو الميحجي الثكيل المو مشنتر ويتصرف بمراهقه الضحك والشقه مطلوب عليمن الواحد مغندب اربعه وعشرين ساعه اصلا اتعجب على غنى شلون قبلت بي يعني بنيه قمه بالهدوء والبساطه تاخذ واحد قمه بالغرور والانفه والله مو عدل يله من رخصتج يمه اروح اجيبلج الغراض
ام جعفر : ولج جم مره كايلتلج عيب تحجين على رجال واخوج كاعد
نرجس : ما شفتي شلون ينتقده من عبنه يغار
ام جعفر : منين يغار من هذا البيذنجانه
نرجس : بابا اسمر اسمر مو بيذناجه ما سامعه ساجده عبيد شتكول
ام جعفر : شتكول
نرجس : كمت غنيت واسمر والعيون وساع جتاله هاي الاغنيه تنطبق على فهد رجل غنى لان اسمر وعيونه وساع ويموت اللهم ارزقنا حظ غنى بت ختام يارب
ام جعفر : والله دنعل ابوج لابو الجابج تربيه سز لحكتي البنيه على هالرجيل العدها
نرجس : ضحكت داخله للاستقبال سديت الباب مخابرته شويه ورد عليه الوو ... شعدكم جايين ؟
علي : ليش اكو مشكله متقبلين ؟
نرجس : لالا هله بيكم بس اقصد شنو سبب الزياره
علي : حتى تصبغين شعرج
نرجس : صدك يعني راح تخطبني
علي : ههههه اي قابل مجذب عليج كتلج وره العيد اهلي يمكم
نرجس : ياربي ما مصدكه
علي : لا صدكي حبيبتي
نرجس : اكول احترم نفسك عن الالفاظ الخارجه رجاءاً
علي : اكلج تره اشتمج هسه انتي من تحجين وتحيرين شتجفصين اني ما احجي بس لو تغزلت بيج احترم نفسي اني اكول انتي الي احترمي
نرجس : هاي منيه التحترم نفسها صدك ماعندك ذوق
علي : هو لو عندي ذوق جان اختاريتج
نرجس : شنو شنو يمه دازين عليك خط مصخم حتى تتمنن عليه اسمع عيني تره اكو عشره غيرك منتظرين حجايه وحده مني
علي : اي اعرفهم موجودين بسوك الغزل
نرجس : بعصبيه شنو قصدك
علي : سوك الغزل بي حيوانات وشكو واحد ينتظر حجايه منج يصنف من ضمنهم
نرجس : على هالحجي انت حيوان
علي : احترمييي نفسج لج
نرجس : ولجلاله لتكول لج هاي بعدك ماصرت رجلي هيج لعد لو صرت عدك شتسوي
علي : اشك حلكج
نرجس : لالا تره ارجف روح بابا اني ما اخاف وهسه تشوف اذا ما اخليك تمشي سيده اني مو نرجس
علي : انتي كد حجايتج
نرجس : اي طبعا
علي : خوش اني اعلمج طبكت الموبايل بوجها قليله ادب
نرجس : سده بوجهي روح ياعلي كون كل العالم تطيب سنونها بقدره إلهيه بحيث مالك شغل بعد وتكعد على الحديده ... بتفكير لج شهالدعوه مو اذا كعد على الحديده منين يصرف عليج استغفر الله ربي اني اسحب الدعوه لتحققها رجاءاً
_____________
ايمان : كعدت الصبح اخذت دوه السكر ودوه الضغط الاصلي مالتي وضميت ادويتي بالكنتور وكمت الحمدلله فعلا من ما اخذته البارحه ارتاحيت لان ادويتي اخذها على تلث دفعات ويه وجبات الاكل كمت طلعت صارت بتول بوجهي
بتول : صباح الخير خاله
ايمان : صباح النور خير
بتول : خاله اريدج بموضوع
ايمان : اي احجي
بتول : اليوم راح يجون ناس يخطبوني واريدج تبيضين وجهي كدامهم
ايمان : يخطبوج ؟! منو راح يخطبج
بتول : استاذي بالجامعه فاتحني بالموضوع قبل فتره وانطيته الاوك البارحه واليوم يجون اهله
ايمان : اي هله بيهم بس مو اليوم اني رايحه اخطب لعلي اليوم ومتفقه ويه الحجيه ونسوان عمه وعمته وخابرت المره واخذت منها موعد شلون ترديني اخلف بحجايتي
بتول : بس خاله اني انطيتهم كلمه
ايمان : اي يا امي مشكلتج هاي شلون تتصرفين من كيفج وانتي تدرين بيه طالعه اليوم
بتول : يعني ماراح تبقين
ايمان : خلي يجون الظهر اني حدي للاربعه واطلع هاي اني كتلج وبعدين خالتج موجوده وبتها موجوده وجناينها موجودات يكفن ويوفن
بتول : بكلبها شكد انانيه وحقيره هالمره ... خلص اخابرهم اكلهم يجون يخطبون الظهر
ايمان : خوش هله بيهم
_____________
غنى : واكفه اعزل الغرفه واباوع لفهد الي مكابل اللابتوب وكاعد يشوف بكامرات المراقبه وكل شويه يكطفوله حجايه شكبرها غير اعرف ليش خله كامرات مراقبه ميقبل يححي واني عايفته براحته من البارحه نمنه وسدينه هالموضوع وكعدنه وكأن شيئاً لم يكن ... رحت خليت الملابس النظيفه بالكنتور شفت غراضه الزفت اجيت اذبهن سمعت صوته
فهد : شجاي تسوين
غنى : اريد اذبهن
فهد : كمت اخذتهن منها ... لتذبيهن
غنى : فهد شحجينه البارحه
فهد : عوفيهن رجاءاً هذني الهن مكانه خاصه بحياتي ومعتز بيهن لو ما هنه جان اني هسه متخبل
غنى : خليتهن على الكرسي ... شلون تستخدمهن
فهد : تردين اشرحلج؟!!
غنى : اخذت الحزام المحفور عليه اسمه هذا شتسوي بي
فهد : اضرب بي
غنى : وعادي عندك
فهد : جدا لذه من نوع اخر
غنى : ذبيته وذني الكلبشات شتسوي بيهن
فهد : بهدوء اكلبش بيهن شسوي يعني ادخل بالثكيل تردين ماعندي مانع
غنى : زين والسجاجين هاي تجرح بيهن
فهد : لا طبعا مو لهالدرجه هذني سجاجين وصيت عليهن من بره عمرهن فوك التسعين سنه وغاليات كلش يجذبني هيج نوع من الاشياء العتيقه فأشتريها اما اعذب بيها مستحيل
غنى : زين هذا شنو شكله غريب وهذا الثاني هم شنو تسوي بي
فهد : ابتسمت تردين تعرفين شنو فائدتهن
غنى : هزيت راسي
فهد : دنكت عليها همستلها اباوعلها فتحت عيونها حسيتهن راح ينطن من مكانهن
غنى : جذب
فهد : والله وذني الثانيات يستخدموهن ..... هم همستلها رغم ماكو احد غيرنه بس يعجبني
غنى : عزه العزاني فهد هاي شلون تتقبل نفسيتك تسوي هيج وذنيج الميستحن شلون يقبلن تسوي هيح بيهن حسيت بشعور ابد مو حلو لمجرد افكر فهد جان يتقرب لنسوان ويستخدم عليهن هالادوات احس كلبي يريد يطلع من مكانه
فهد : مجرد رغبات لا اكثر كلمن اله رغبات مدفونه محد يعرفها
غنى : زين الكتر والمشد شتسوي بي
فهد : اخذت الكتر ووكفت وراها شديت شعرها انطيني المشد
غنى : شدتسوي
فهد : دنطيني .. اخذته شديت عيوني رجعت جسمها على جسمي هامس يم اذنها اولا المشد اشد بي الشعر حتى اسيطر جريت شعرها بخفه
غنى : آه فهد
فهد : افديها لهالاهات هاي عضيت اذنها ... والمشد ينشد على العيون حتى يتفاجئ المقابل وميحزر انت شراح تسوي حاوطتها من وره فهمتي
غنى : اي ... واكو اشياء بعد
فهد : طبعا اكو صوط يضربون بي واكو مثل المضرب الكهربائي ينتل الجسم نتله خفيفه واكو اشياء ثانيه اذا احجيلج عنها راح تتقيئين بست ركبتها اسألج سؤال
غنى : بخفوت شنو
فهد : هسه من سديت عيوني وجريت بشعرج شحسيتي
غنى : مم محسيت بشي
فهد : ضربت خلفيتها بقوه بحيث هي بسرعه نطت جريتها عليه مرجعها وهسه شحسيتي
غنى : فهد وخر حباب محسيت بشي
فهد : تلمست ظهرها نازل بأيدي تحبين تجربين هالشعور مره ثانيه احجي الصراحه اني ما راح اتعامل وياج مثل ماحجيتلج بس اريدج تحجين بصراحه ... عضيت اذنها تردين اضربج مره ثانيه
غنى : رجف جسمها بهدوء اريدك تحضني مو تضربني اريدك تمشطلي مو تشد شعري حتى تسيطر واريدك تفتح عيوني حتى تلتقي بعيونك الضلمه متأثر عليه مثل نظرات عيونك هاي اني كتلك الصراحه
فهد : غمضت عيوني يا إلهي شكد احبج اني فتحت عيوني وجريت الكتر من شعرها درتها عليه وحضنتها
غنى : حضنته كلي احساسك هسه وبصراحه
فهد : ليش تبوكين كلامي
غنى : ابتسمت اني وانت واحد حتى لو ابوك كلامك ... يله كلي شنو احساسك هسه
فهد : احس الله دزج الي رحمه بعد عذاب سنين شفته الله دزج حتى تداوين كل جرح بيه ولهالسبب اني احسج قطعه من روحي وكأنج شي عزيز عليه اريده ومااريده بنفس الوقت اريدج واحبج بكل مابيه بس بنفس الوقت اني ما استاهلج انسانه مثلج كون تاخذ واحد مثلها مو مثلي
غنى : واني ما اريد واحد مثلي اريد واحد مثل فهد سالم علي بعصبيته بهدوئه بشقاا المدري شلونه بماضيه وحاضره بكولشي بي
فهد : شلت راسي ممكن ابوسج اذا كلتي اي راح ابوسج واذا كلتي لا هم راح ابوسج
غنى : غمضت عيوني اشاره على موافقتي حسيت بشفايفه تداعب شفايفي وايده تحاوطني رفعت رجليه محاوطه ركبته ومبادلته ... بعد تقبلي لفهد وهو بكل هالعيوب اعترف اني مهووسه بي وبشده
__________
الساعه 3_ظهراً
اروى : عود صدك يعني عرست ويه عرسنه هسه وكتها تجيب خطابتها اليوم
ايمان : لبست بتوتي يعني شلون ناس راح تدخل بساطنه نطردهم شبيج انتي
اروى : اعرف يمه بس مو كلها سوه يعني احنه اليوم نخطب نرجس يعني حبكت اله ويانه
ورده : حبيبتي هاي شافت نرجس راح تنخطب وهي لسه بعدها كلتلج خلي اعرس احسلي لان فهد وبح وعلي وبح ومنذر ومابي مجال المن باقيه حتى ياخذها فيصل الثالثه مثلا كلتلك احصلي رجيل على كوله العجايز تطبيقاً للمثل المصري المحترم والجميل ضل راكل ولا ضل حيطه
ايمان : هههه والله سوالفج يا ورده ... صدك وين مرت اخوجن شو ماشفتها
اروى : صار ساعه ادك عليها متجاوب واستحي اصعدلها فوك خاف كاعده ويه فهد
ايمان : هسه اني اصعدلها اكلها تجهز نفسها فشله من العالم ... صعدت فوك دكيت الباب طلعلي فهد
فهد : هاا يمه شو كاشخه جاييج خطابه
ايمان : نزول عليك وخر وين مرتك خوما نايمه لو شي خاف ازعجتكم
فهد : تعاي يمه تفضلي عليها الشهريه كلشي ماكو حظر كلشي منسوي منا لحد ماتروح ضيفه مرتي العزيزه الانسه شهريه
ايمان : ابو لسان الزفر تأدب اني امك
فهد : هسه اني شكلت غنى تعاييي
غنى : هاا حبيبي كمت شفت خاله ايمان عززه شكد عيب يمكن سمعتني ... هاا فهد
فهد : انتي عليج الشهريه لو لا
غنى : هاا
فهد : وكفت الصوره اكول طبي يمه مرتي تشكل يرادلها تبديل باتري
ايمان : والله عدك سوالف اكول يمه غنى تحضري بالاربعه نطلع وهسه بالطريق جايين نسوان يخطبون بتول واريدجن كلجن تنزلن صحيح هي تضوجج بس لو مهما يكن تبقى يتيمه والجن بيها اجر
فهد : هذا يا مطي خطبها
ايمان : عيب هذا الحجي شبيها البنيه
فهد : لا ابد ست الستات دوله وعلم هي وسعاد
غنى : يمه منك فهد حاط دابك ودابهن ماشي خاله هسه ابدل وانزل
ايمان : عفيه عليج بعد كلبي جنتي العاقله
فهد : باوعتلها صدك عاقله
غنى : ابتسمت .. راحت خاله دخلت جوه مشطت شعري لبست ثوب مال بيت وتمكيجت
فهد : متنزلين جوه بهذا المنظر واخوتي موجودين
غنى : علي شويه ويطلع للعياده وفيصل اصلا مو هنا ومنذر عنده محاضرات ويه طلاب يعني محد هنا بس انت
فهد : وانتي شدراج
غنى : غير نسوانهم كالن ... يله اني نازله ... نزلت جوه شويه ونزلن آلاء وساره بالمختصر سعاد وجماعتها كلهن على سنكه عشره خو ساره مبدعه والله عبالي عدها عرس ... اجن كعدن
سعاد : شعدج نازله
غنى : بهدوء بيت رجلي اكو مشكله
سعاد : بيت رجلها ام الوصخ
بتول : رجاءًا خاله خلي اليوم يمر على خير
ساره : ورده حلو اسوارج
ورده : شكراً ومو بالعرضه
ساره : شنو يعني
ورده : يعني ما اسلفه لتحاولين هذا فهد جايبه الي
ساره : شو فهد بس يجيبلجن
ورده : اني اخته وهاي الثوله الثانيه هم اخته وهاي حمامه السلام الكاعده مرته حبيبته وهاي امه انتي شتصيرليه ويجيبلج شنو مخلفج وناسيج لا لحظه هو ميخلف غنى التخلفله بس يله الامثال تضرب لا تقاس
ساره : عائله نحسه
آلاء : قصدج انتي عينج ضيكه وتردين كلشي عد غيرج
ساره : اذا تلمحين ففيصل خذاني لان انتي وصخه مو لان اني عيني ضيكه
ورده : اللهم اجعل كيدهم في نحرهم حيل بلكي يتكافشن وتخرب الخطبه
غنى : كرصتها كافي ليهدن عليج ... اجوي النسوان بس كلهن كبار بالعمر سلمن على الكل وكعدن
: انتي امها حبيبه
ايمان : لا بس تكدرين تعتبريني مثل امها
سعاد : اني خالتها والربيتها طول عمري
: الله يحفظها هي اسمها بتول مو
ليلى : اي هسه تجي حبيبتي بتول تعاي ميخالف هي تستحي كلش تعاي حبيبتي لتخجلين
اروى : عمت عين الجذب بتول تستحي
بتول : بهدوء ومياعه السلام عليكم
الكل : وعليكم السلام
: ياا انتي بتول
بتول : اي
: ماشاءالله جبيره
: لا وينها تخبل الله يخليها
: اي بس اهم شي كون تعرف تطبخ تنظف تعتنتي بالرجال
سعاد : كلشي تعرف اشكال الي تردي تسوي وبالنسبه للنظافه شوفيها تبرك برك
: حبيبتي النظافه مو بس نظافه بيت كون نظيفه نفس وبيت والا شنسوي بيها اذا نظيفه بس جسم
غنى : باوعت لاروى النسوان اسلوبهن ولهجتهن كولش غريبه مااعرف داحسهن يتأمرن
اروى : والله حتى اني خاصه المره الجبيره
ايمان : اشرت لبتول تكوم تجيب الضيافه راحت جابتها واجت بنات كومن خلن طبلات
غنى : ولا وحده تحركت كمت اني
: الله صلِ على محمد حبوبه هذا شعرج صدكي
غنى : خليت الطبله كدامها بهدوء اي حجيه
: اكول حبوبه عوفي الطبله تعاي كعدي يمي انتي شسمج
غنى : اباوع لاروى تركص حواجبها ... غنى
: يا بعد كلبي اسمج حلو تلمست وجها انتي كلش كلش حلوه ماشاءالله شهالحسن هذا انتي كرديه
غنى : لا
ساره : وليش تكولين كرديه
: حبيه هالبياض بس عد الكرديات وامهات الشمال موجود
سعاد : لا عيوني مو كرديه منا من بغداد وتره بياضها عادي
: شو ايدج خليها يم ايدي
ايمان : اباوعلها خلت اديها بصف ادين غنى وتقارن بين الوان البشره وكل ساعه تلزم وجها لو شعرها قل اعوذ برب الفلق شهالناس هاي ... جماله المره كلش جبيره بالعمر ما اكدر افشلها
ورده : بغيره حجيه شنو السالفه تره اخويه ميقبل
ايمان : خزرتها ولج
ورده : اااا اقصد بيبي هاي مرت اخويه واخويه ميقبل واحد يلزمها يخاف عليها حتى احنه ميقبل نلزمها عوفيها حبابه
: هسه شسوينالها شو كومي حبوبه رجعي لمكانج حتى هاي البصفج احلى منج (تقصد اروى) شنو قحط نسوان والرجوله متقبل
اروى : الله يطيح حظج ورده فشلتينه
: نرجع لموضوعنه احنه نريد نخطب بتكم لابنه وهاي من البدايه اكلكم اذا وافقت كون تقبل بكل ضروفه
سعاد : ليش
: مثل متعرفون ابنه رجال جبير ومرته ميته وماعنده جهال ويريد وحده يستقر وياها هو كضه حياته بهالجامعه وتعبها
ليلى : شنو مزوج شنو مرته ميته حجيه ابنكم شكد عمره
: ليش عيوني متدرون بتكم تدري وهي الدزت علينه ووافقت ابنه متزوج ومرته ميته وتقريباً عمره 51 سنه واستاذ بجامعه بغداد قسم انكليزي
اروى : شنو اسمه
: الاستاذ كريم محمود
غنى واروى : شنوووو
********
يتبع
- يتبع الفصل التالي اضغط على (ذنوب على قيد الغفران) اسم الرواية