رواية ذنوب على قيد الغفران الفصل الثامن و الخمسون 52 - بقلم براء
التاني والخمسون
ايمان : كعدت الصبح الساعه بالعشره الحمدلله مر رمضان على خير ربي يجعل ايام العيد كلها خير وفرح وراحه بال الهي بحق حبيبك محمد تحفظلي جهالي وتطول عمري حتى اشوفهم همه وجهالهم سالمين ومرتاحين اللهم امين ... اباوع مثل كل سنه يطب الثلاثي عليه اول الناس بالعيد ابتسمت فاتحه اديه اجو حضنوني ورجعوني وياهم من جنت شباب واكفهم بحضني كل عيد
اروى : كل عام وانتي بالف خير يا اجمل واحلى ام بهالدنيا
علي : ايامج سعيده يانظر عيني الله يحفظج ويخليج خيمه على راسنه
ورده : وخرووو دنطوني مجال ... احم ايامج سعيده ايمان حبيبه قلبي كل عام وانتي بالف خير اتمنى من الله ان يحفظكي ويجعلكي سند وذخر لهذه العائله الجميله المتروسه مشاكل وتعيشين وتشوفين احفادج الي راح يشيطنوج ويخلوج تشلعين شعرج ان شاءالله
ايمان : هههه وانتو بالف خير يا بعد كلبي وفرحتي بهالدنيا ربي يحفظكم ويخليكم اليه وميحرمني منكم
: اللهم امين
اروى : علي حبيبي
ورده : واني هم حبيبي
علي : انجبن غير العشره ما انطي والله لو شما تسون
اروى : حباب علي لتصير بخيل شدعوه عليك هي حمره
علي : يله مو خساره بيجن هاجن هاي كلمن الها حمره وهاي اول مره اسويها
ورده : منك من الشيطان اخذتها اقصد شكرا شكرا
علي : ما اكول يا ابن كلب امه داعيه عليه راح ياخذج
ورده : انت كلت ابن كلب بعد ليش تحجي
ايمان : ههه ولج ورده ام لسانين شلون بيج
ورده : فديت لساني ياما ادب هواي عالم ومشاهم على الصراط المستقيم شتكولون باوعت لعلي واروى
اروى : خزرتها
علي : هاا يله ولن يمه بروح ابوج وين الكليجه
ايمان : دخيلكم لتورطوني ويه انغام روحلها هي تنطيك
علي : يمه حبابه البارحه ضحكتو علينه رحنه زينه ورجعنه لكيناجن نايمات ومنذر راح لغرفته وبعد ماشفته
ايمان : اجيت اجاوبه ودخل منذر صبح علينه واجه باس راسي بعد كلبي شلون وليد ورده متجنب الكل وماله كل علاقه بأحد حتى صوته متسمعه
منذر : صباح الخير ... بست راسها ايامج سعيده خاله
ايمان : وايامك بعد كلبي
منذر : بوست خواتي ... حبيباتي ايامجن سعيده يانور البيت وانت ابو حسين كل عام وانت بخير
علي : وانت بخير ابو سالم الغالي
اروى و ورده : حبيبي منذر
منذر : ضحكت بدون حبيبي هاجن وعذرني من التقصير
ورده : حمرتين هذني ثنينهن الي
منذر : تستاهلن العيون انتن
ورده : يمه فدوه اروحلك يعني شنو انت هم آيه من الجمال وهم حباب وحنين وفوك هذا جيبك يدر فلوس علينه والله من بعد فهد انت تتربع بكلبي
منذر : هههه خو فهد محد يوصل مكانه
ورده : بفخر طبعا هذا حبيبي ابو جيب الحلو
اروى : طاحظج باوعت للولد بعد كلبي فدوه لكلبكم
ايمان : فهد وصل مو
منذر : اي من رحت جبت الكيمر لكيت سيارته بره
اروى : لعد ليش لسه مانزل
ايمان : تدرون بطبعه الاكشر كالعاده يستحي يعيد احد وبألاخص اني
منذر : فهد وسوالفه مو جديد عليج
ورده : لحد يحجي عليه رجاءاً
الكل : ليش
ورده : خلي ينطينه عيديه وعود احجو
الكل : انتي شنو
ورده : هههه تره لتخجوني ادري بروحي كيكه
علي : نعال احسن
الكل : هههه
__________________________
غنى : كعدت صبح نشيطه ومرتاحه مو شلون ماكان اباوع لادين فهد المحاوطاتني من وره درت جسمي عليه اباوعله شلون غاط بالنوم تلمست شعره
شعره يجنن اسود وكثيف بالاضافه لخصلات الشيب المخلوطه ويه سواد شعره والزايدته جمال نزلت اصابعي لعيونه ، انفه ، فكه تلمست شواربه نزلت لشفايفه المرسومات بشكل دقيق اخذت نظره كامله على ملامحه سبحان البدع برسم هيج صوره صافنه عليه وما احس غير فتح عيونه
فهد : بخفوت يعني رجال فقير نايم بأمان الله تتحارشين بي ليش ومن واحد يحاجيج تصيرين خجوله وتكج ماكو
غنى : هاا لا اني جنت اريد اكعدك
فهد : همست واليكعدون يتلمسون وجوه واجسام لو يصيحون فلان اكعد لو انتي عندج طريقه خاصه تكعديني بيها
غنى : مو ماردت اخرعك
فهد : درت وجهي للجهه الثانيه مطفي من النعاس وهاي اجتي تتلمس شعلت الخلفني ... هاي شلج بيها شنو عمري سنتين وتخافين عليه اكول عوفج من هالكلاوات لو تخلينه نسوي حبشكلات حالنه حال الاودام لو عوفيني انام
غنى : حضنته من خصره اول شي صباح الخير وثاني شي يله كوم حبيبي اليوم عيد شعندك لسه نايم
فهد : اول شي ستري على روحج و وخري عني وثاني شي صباح النور ياروحي وثالث شي اجه العيد اي هله بي انسنه ونورنه يله عوفيني اريد انام
غنى : فهد بطل سوالفك يله كوم حباب
فهد : كلبت جسمي مباوعلها سندت نفسها على جسمي ... شلون يعني ما انام
غنى : لا يله كوم كافي نوم عدل نومتك الساعه بالعشره هسه يله اكعد
فهد : وخرت عنها كمت اريد اروح اغسل بس مابيه حتى امشي عيوني كوه فاتحهن رجعت نمت فوكها بنعاس صدك ما انطيتيني عيديه
غنى : ليش المفروض اني انطيك عيديه لو انت
فهد : فتحت عيوني فاركهن ماسمعت
غنى : اكول هو انت المفروض تطلب عيديه لو اني
فهد : يعني تردين عيديه صدك جذب تدللين جريت بجامتها
غنى : فزيت ولزمت ايده شنو هاي فهد وخر ايدك
فهد : يجر بالبجامه مو تردين عيديه راح انطيج
غنى : لا فهد لااا اكعد حباب
فهد : يله انطيج عيديه ثانيه رفعت ايدي لازم صدرها ضاغط عليه بقوه اباوعلها تخبلت تحاول تتملص مني بس متكدر ههه مو تردين عيديه اوكفي خلي انطيج عيديه
غنى : كوه جريت روحي منا كمت بسرعه وكفت كدامه وهو نايم بمكاني ... مو عيب عليك هو يصير شلون تسوي هيج
فهد : خليت ايدي وره راسي ... بهدوء ليش شسويت
غنى : شلون تلزمني هيج ومو عيب عليك اصلا شلون تتجرئ
فهد : اول شي صعدي بجامتج الداخلي الازرك طالع والتشيرت نزلي هاي نقطه نقطه ثانيه انتي الي تحارشتي بيه مو اني نقطه ثالثه اذا تعلين صوتج عليه اكوم اشكج بالنص واسويها
غنى : صعدت البجامه بسرعه انت بس تحاسب متشوف روحك هاي لو واحد مسوي بيك هيج تقبل
فهد : اذا واحد طبعا لا انعل والديه بس اذا وحده اي هله بيها اهلا وسهلا
غنى : بعصبيه يعني تقبل تجي وحده هيج تلزمك
فهد : اذا حلوه اي عادي ما اخليها بنفسها
غنى : يعني عادي
فهد : اي طبعا
غنى : بعصبيه مادام تتقبل هالشي لتحاجيني بعد درت وجهي عنه ودخلت للحمام اخذت فرشت الاسنان ميستحي جماله يحجيها بوجهي بدون خجل اباوعله دخل ورايه هذا شلون يدخل هيج همزين جنت افرش مدرتله بال اصلا
فهد : حاوطت خصرها سؤال انتي صارلج شكد تعرفيني
غنى : لارد
فهد : كرصتها بحده ردي
غنى : ااه غسلت حلكي وهو لازك بيه كوه دنكت ... سنه وشهرين
فهد : وبهالسنه وشهرين ماعرفتي شقايه من جدي
غنى : بدموع ليش انت تشاقه حتى واحد يعرف شقاك من جدك
فهد : درتها عليه اولا ماكو داعي لهالدموع رفعتها مكعدها على ميز الحمام ... وخرت شعرها لوره ودنكت بست ركبتها ورب الكعبه ويكرم طاري بهالمكان من يوم التزوجج ولهالحظه اني انطفت رغبتي بكل نسوان الدنيا وكلهن صارن لا شيئ بعيني والوحيده الي اسمحلها تبوسني تلمسني تناقشني تحاجيني تشاقيني هي انتي وبس
غنى : يعني جنت تشاقه
فهد : اكيد حبيبي اني ما ابدلج بكنوز الدنيا كلها صدك تحجين بس انتي تتحارشين شسويلج
غنى : ولا حتعجبك وحده غيري
فهد : ابد
غنى : احاول اصدكك
فهد : تقربت اخذت اديها مخليهن حواليه وتقربت عليها عوفج من هالموضوع .... انتي تدرين احنه متعودين ناكل كيمر وعسل بكل عيد
غنى : حتى احنه
فهد : بس اني عندي مصنع مال كيمر وعسل اصلي فبرأيج اكل منه لو اروح اشتري من بره
غنى : اذا اصلي اكل منه ليش تشتري من بره وتكلف نفسك
فهد : همست يعني هيج رأيج
غنى : اكيد
فهد : خلص لعد خلي امشي على حجايتج دنكت اخذت شفايفها على كيفي شكد ما اني عنيف بس من اوصل يمها اخاف اقسي وااذيها واحاول قدر الامكان ما اكون قاسي وياه ...جريت شفايفها الجوه بسنوني احس بشعور لا يوصف من اسوي هالحركه خاصه من شفتها تنجر باسناني الله .... حسيت بأيدها تجرني مقربتني عليها اعرف تصرفها هذا كله بدون شعور تعمقت واني احس كلبها يدل بسرعه واصابعها التتلمس ركبتي مقربتني عليها حاوطتها بقوه مكمل البديته نزلت بشفايفي لركبتها عضيت شحمه اذنها الي فعلا ينكال عليها شحم من شده بياضها نزلت لركبتها امتصيتها والفاجئني تأوهاتها الخافته والي انطتني انذار عن استمتاعها ولاول مره رفعت ايدي منزل التشيرت مالتها اباوع لابس حماله جويتيه شمطلعتها بت المشعول صدرها يبرك من البياض شكد مشافر لدول اوروبيه وشافين نسوان كد ما بيض وترفات متحسهن بشر بس غنى مستحيل اكو مثلها مره شنو نظافه شنو عطر شنو ترافه شنو جمال فعلا تستحق واحد يسميها لعابه ... نزلت ايدي لازم صدرها من فوك الحماله
غنى : بدون شعور ... آاه فهد
فهد : وزعت بوسات متفرقه على ركبتها وايدي على جسمها اشتعلت الساعه الي انولد بيها فهد جريت حماله صدرها اريد اكتشف معاني جسمها
غنى : لزمت ايده لا فهد اوكف
فهد : خليت شفايفي على شفايفها وحجيت اااش غنى لازم افطر بعد ما اتحمل راح انفجر
غنى : وخرت شفايفي عنه ودفعته على كيفي الباب تندك اطلع افتحها
فهد : عوفيها
غنى : حبيبي روح افتح الباب
فهد : ابتعد عنها متنهد خرب اباوعلها وجها احمر وتفتح وتسد بعيونها لا الواضح ابد ما متأثرين لا اني ولا هي وكفت غسلت وجهي بماي بارد اشتعلو واحتركو بكاز اله يدكون الباب ... طلعت فتحت الباب شفت الجهال كدامي ... خير اللهم اجعله خير شو مجمعين شكو
احمد : كل عام وانت بخير عمو
زينه : انطينه عيديه عمو
سالم : ايامك ثعيده اموو
فهد : دنكت بوستهن باوعت لسالم خزرته هاي منو مزين شعرك هيج
سالم : بخوف بابا ليث (ليش) مو هلو
فهد : هزيت راسي لا حلو
غنى : طلعت من الحمام شفت جهال فيصل ومنذر بالغرفه رحت يمهم ... صباح الخير ايامكم سعيده بوستهن كلهن اوي هاي شطالعين تخبلوم وانت سالم هاي شطالع شنو هالشعر الحلو
سالم : ثكرا نونه
غنى : ياا بعد كلبي فدوه لهالحلك
فهد : ابن الكلب نونه شنو بكدك هي
غنى : اباوعله برطم لا فهد لتسوي هيج حضنته ماعليك بي اني نونه
سالم : باذي نونه (باجي)
غنى : يمه فدوه
فهد : تردون عيديات
: اي
فهد : اخذت محفظتي هاكم وانت سالم لان زعطوط الك بس عشره
سالم : برطم اني رذال
فهد : لا زعطوط
سالم : صاح انييي رذااال
فهد : خزرته لك
غنى : اباوعله لبد ورايه وبجه لا فهد لا لتسوي هيج ويا ليش تخلي يضوج منك حرام عليك ... تعال حبيبي عمو يشاقه وياك والله ليش تبجي
فهد : شلته كطفته بالهوه سرسري اشاقه وياك ليش تبجي طبعا انت رجال وسبع هم
سالم : اي ما ابثي
فهد : نزلته عفيه هيج اريدك يله هاك هاي الك
سالم : بفرح همره ثكرا امو
فهد : عفوا عفوا يله امشو تريكو بسرعه يله يله
غنى : اباوعلهم طلعو فدوه اباوع لسالم شلون يمشي .. باوعت لفهد كرصت ايده بطل قساوه بجيت الطفل
فهد : دفعت ايدها المفروض اتوجع هسه دوخري .. وبالنسبه لسالم فأني كلش احب ابجي
غنى : ضميت اديه حرام عليك
فهد : جريتها دتعاي خلي نبدل حتى نروح لبيت جدي لنروح نكمل الجوله مالتنه ولا انتي تربحين ولا اني لان كلشي ما اكدر اسوي وانتي هذا وضعج
غنى : بخجل انت متوب
فهد : لا ما اتوب يله امشي حضريلي ملابسي
غنى : وكفت طلعتله قميص جديد لونه زيتوني غامق وبنطرون اسود واني لبست قميص بدون ياخه لونه اسود ويا تنوره رصاصيه كلوشه وياهن شال اسود ورصاصي رغم مجنت حابه اطلع بس مااريد اضوجه ما عولت اغيرله مزاجه المتعكر من يوم حادث المعمل ... وين حتبدل
فهد : ليش
غنى : اذا تبدل بالغرفه ادخل للحمام ابدل
فهد : اذا ناسيه اذكرج قبل دقايق شجنه نسوي بالحمام عليمن هالمستحه هذا اني رجلج وباجر عكبه راح تنامين بحضني مثل ما الله خالقج فماكو داعي للخجل كسري هالحاجز ونزعي كدامي
غنى : بارتباك انت متبطل سوالفك اني حدخل للحمام ابدل
فهد : هزيت ايدي والله النسوان عدهن سوالف من تمطك هي ورجلها ويتباوسون ميستحن بس من يردن يبدلن يستحن ويصعد الخجل عدهن والله يا الله
غنى : بدلت وطلعت لكيته مبدل و واكف يلبس ساعته

فهد : باوعتلها هاي شطالعه لخاطر محمد جماله لسه ما لابسه الحجاب ورافعه الشعر ونازله خصل منه على جوانبها وركبتها الطويله مبينه تلمع ومزينتها بوساتي ما اكول غير الك الله ياابو قاسم تحمل هاي اذا كدرت تتحمل ... تدنيت عنها اجت وكفت كدامي
غنى : وكفت الف شالي واباوعله من المرايه ... كملت واخذت جنطتي وغراضي وهو اخذ سلاحه شتسوي بي
فهد : ما اكدر اطلع ما اخذه وياي مجرد عاده لا اكثر ... باوعتلها اني اكول لبسي صايه فوكهن استر
غنى : بهدوء حبيبي تره مستورات وممبين منهن شي مشيت كدامه شوف وبعدين احنه حنصعد بالسياره لان مااكدر امشي بالشارع لا اني ولا اروى بس اذا مصر معندي مانع البس ومن هالعين قبل هالعين اهم شي متضوج
فهد : ابتسمت مبوس اديها يعني بعد هالحجي هذا شريد اكول اني حتى لو اريد افرض عليها بأسلوبها هذا حرف متخليني انطق ... خلص خليج لابسه ذني احنه رايحين بالسياره
غنى : اوك اخذت ايده ونزلت تعال نعيد خاله
فهد : هاا روحي انتي اني كاعد هنا
غنى : ليش غير تعيد امك تعال فشله كلها بغرفتها
فهد : حكيت راسي استحي
غنى : تستحي؟
فهد : اي احس روحي مايع ماادري مااحب اعيد احد
غنى : شعليه؟ هي معايده دتعال فدوه فهد بداعتي امشينه
فهد : طاحظه الينطيج مجال ... مشيت وياها
غنى : فتحت الباب ودخلنه .... صباح الخير
الكل : صباح النور
غنى : رحت عايدت الكل واباوع لفهد راح بس سلم و كعد
فهد : بست امي شلونج
ايمان : ضميت شفايفي حتى ما اضحك ... الحمدلله
ورده : فهد شو ماعايدتنه
فهد : هاا كل عام وانتو بخير ... باوعت لامي ضحكي لتضميها راح يطك وجهج
ايمان : هههه متتغير لو الدنيا كلها تتغير ولك والله مابيها شي اذا عايدت احد لا عيب ولا حرام عليمن تخبص روحك ماادري
فهد : اكول خلي نتريك ونروح لبيت جدي احسن
ورده : فهد حبيبي ايدك متحكك
فهد : لا
ورده : ابد ابد ولا شويه تحكك
فهد : رفعت حاجبي الف مره كايلج خليج صريحه كولي اريد عيديه
ورده : بس انت تفهمني
فهد : هاج
ورده : فتحت عيوني هذي كلها الي
فهد : اي وانتي اروى هاج حبيبتي
اروى : فدوه لكلبك حبيبي
ورده : ورقه ياجماعه ورقه هله هله
علي : واني فهد شو منطيتني عيديه
فهد : اكل تبن عيب عليك صرت مطي شكبرك وتريد عيديه
ورده : خخخ حيل
فيصل : اكول فهد شو عادي انت
فهد : شلون يعني
فيصل : يعني شو ما ضايج على المعمل
فهد : يمعود فدوه شريد اسوي يعني
فيصل : يعني ماضايج لان تعب سنين كله راح
فهد : ضغطت على ايدي ... لا عليش اضوج الفلوس اني اجيبها مو هي تجيبني عادي احترك اسوي عشره غيره ... اباوعله كام ينافخ والله لو طلعت انت الحاركه اطلع بروحك وفنه الي يكلي ليش اني غادي نار بس مجبور ابين ما مهتم لان ادري السفله الي بحياتي ومتأكد الحرك المعمل شخص مقرب منه
غنى : كعدنه نتريك بالصاله اباوع نزلت آلاء وانغام مبدلات و سعاد وبتول وليلى وساره نزلن عرايس الله يحفظهن
آلاء : يله فيصل كوم
ورده : وين
سعاد : ليش متدرين كل سنه نسوان اخوانج يروحن يعيدن عد اهلهن هاي العاده معروفه عد اغلب العوائل
آلاء : ليش هو اكو احلى من الاهل ترحين وتجمعين ويه اهلج ضحكه امج سالفه ابوج جمعه اخوتج صدك لو مهما البنيه تعيش سعاده ماكو سعاده تضاهي سعادة التعيشها ويه اهلها
ليلى : والله انقهر على الي ماعدهم اهل يكبرون وحدهم ويعرسون وحدهم لا بعيد يزورون ولا بمناسبه يسيرون على اهلهم وحتى جهالهم ميعيشون اجواء بيت الجد
ساره : شتقصدين بكلامج جاي احس اكو بسمار بالموضوع
ليلى : لا حبيبتي شنو بسمار اني احجي على اليتامى بصوره عامه وبالعكس انقهر عليهم مو اتشمت
اروى : اباوع على غنى مدنكه ولا شالت راسها ادري الحقيرات يقصدنها الها حبيبتي ادري بيها استهضمت خاصه هي كلش تتحسس من هالموضوع
غنى : حاولت هواي اغلس بس مكدرت كلامهن رجعني لايامي القديمه تذكرت ايامنه اني وبيبي ومروان العام جنه بهيج وقت نتريك وبعدها نتغده احنه وبيت خاله ام جعفر والعصر اطلع الفلوس المجمعتها واخذ مروان للزوراء حتى يتونس وهسه صفيت وحدي اني لا مروان ولابيبي نزلت دموعي قبل سنه جانو يعيدون بالمتنزهات وهسه عيدهم صار بالكبور حسيت بأيد فهد تمسح على ظهري مسحت دموعي وشلت راسي
فهد : اباوع لعيونها لو شكد ما تحاول متبين بجت يبين عليها ... كمت غسلت واجيت ليلى اريدج بموضوع
ليلى : معقوله كلتله ياريت مليت واني اصبغ وامدح بيها بس حتى تقنعه ...تقربت هاا خويه اامر
فهد : انتظري اريدج بموضوع علي اخوتك راح يرحون ويه نسوانهم وبعدها يرجعون اخذ سيارتي وودي اروى وغنى وامي والباقين يرحون مشي وعود اني اجي ويه ليلى بعدين
ليلى : بلكت والله ينطيني التسع ملايين هسه ... اي روحو واحنه نلحكم
ساره : ليش احنه نروح مشي ومرتك تروح بالسياره
فهد : مرتي متكدر تمشي عود من تتكسحين بأذن الله نصعدج بسياره يله بله حجي زايد علي امشي
بتول : كل عام وانت بخير فهد
فهد : ماجاوبتها يله يمه فضيها
ايمان : لحظه يمه خلي اجيب الكليجه كمت دخلت لغرفتي اطلعها باوعت استغفر الله نسيت اشرب علاجي سمعت صوت فهد يله من ارجع اخذه طلعت ويه علي وبقه فهد ويه ليلى مااعرف شعده هالولد
ليلى : بابتسامه خير فهد شتريد مني
فهد : جريت ايدها لويتها اني شكتلج
ليلى : اااخ هاي شبيك تخبلت هددد ايدي
فهد : بحده اني شكتتتتلج مو كتلج بصبحتي فكي ياخه عن مرتي ولتحتكين بيها ابددد كلت لو لا
ليلى : بألم كلت كلت بس فهمني اني شسويتلها وهيج تخبلت عليه
فهد : واوكلج تبن هم خاف عبالج لان اختي الجبيره لازم احترمج لا والخلقج ادوسج بالبرجلي اذا تجاوزين الف مره كتلج مرتي خط احمر اذا تمسيها يعني تمسيني متفهمين انتي
ليلى : آاااخ ولك راح تنكسر ايدي هسه غير تفهمني اني شمسويتلها
فهد : شنو معنى كلامج هذا على الريوك ليش تذبين بسامير عليها وتغثيها ليييش شمسويتلج هي وحاقده عليها
ليلى : والله العظيم مو عليها اقصد
فهد : شالج العظيم يا جذابه كلنه ندري محد يتيم كاعد غيرها هي وديربالج تكولين اقصد بتول اني مو زوج ولا طفل وتضحكين على عقلي وعلى فكره اني اكدر اكوم اهينج كدام الكل واطلع كل حجايه حجيتها من خشمج بس جهالج كاعدين وما ردت اهز صورتج كدامهم واخليهم بعد ميحترموج هالمره حاجيتج بيناتنه المره الثانيه اقسم بالله اكوم اهينج كدام الصغير قبل الجبير فتهمتييي
ليلى : فهمت فهمت بس عوف ايدي اااخ يمه انشلت ايدي بس لو اعرف هالسحاره شمسويتلك وهيج مخبوص عليها
فهد : اي تعلمت السحر من امج شلون ما امج تضم سحورتها بالكانتير هي هم تسوي هيج
ليلى : ما اسمحل...
فهد : قاطعتها اششش ولا حرف لتجاوبين لبسي صايتج خلي نولي ييييله
ليلى : عدلت هدومي وايدي تون عليه اااخ يمه متت الله لايوفقك عسى كسر بأيدك
فهد : قفلت البيبان وطلعنه لبيت جدي دفعت الباب ودخلت لكيت كل الولد سلمت عليهم وعلى عمامي الي الفرح منطفي بعيونهم ... لتضوجون يرجع مثل اول واحسن
مهدي : كسر ظهرنه هالمعمل والله ضايج عليه مو شلون ما كان
عباس : بس لو اعرف منو حركه اريد اكله ليش بشنو اذيناك احنه وهيج حاقد علينه
فهد : لابد يجي وقت ونعرف وساعتها اذا ما ابجي دم اني معتب يله لتضلون ضايجين تره اني هم اضوج وياكم
عباس : الحمدلله على كل حال يله امشونه نطب يم الحجيه
_______________________
غنى : كاعده بصف الحجيه وعمت فهد الي اول ما اجيت استلمتني ما حبلتني وليش وشلون وخاف متخلفين وغيرها لمن صاحت بيها الحجيه
ياسمين : خايبه هاي امور شخصيه شلج بيها يجوز همه ميردون جهال هسه
نسرين : ياا يايمه قابل هو صغير وميريد تره رجال جبير هو مو طفل راح يعبر الثلاثين وهو بعده ما حطله جاهل بحضنه
ايمان : الله يرزقه الذريه بالوقت المناسب لتخافين ما مستعجلين احنه
ياسمين : شلون صرتي انتي اليوم
ايمان : والله حجيه شو صبحت اليوم شحلاتني كل الم وتعب ماعندي مدري شبيه صارلي اسبوع تعبانه بس شو اليوم كلشي ماكو
ياسمين : يجوز صدك حاله نفسيه
ايمان : اي والله اكلهم ميصدكون
ليلى : السلام عليكم ايامكم سعيده
ياسمين : وايامج وين جنتي
ليلى : خزرت غنى جان عندي شغله ويه اخويه واجيت
مروه : غنى لعد وين فهد
غنى : هسه هي شعليها .... ماادري
مروه : اكو مره متعرف رجلها وينه
غنى : مو بمعناها اذا هو زوجي اصير نقناقيه واحشر نفسي بكولشي يخصه
نسرين : هاي شنو اول مره اسمعج تناقشين شنو انعديتي من فهد
غنى : لا بس حبيت اوضحلها فكره لا اكثر ... سكتت مجاوبتني شويه وطلعو الولد من الاستقبال ومن ضمنهم فهد حتى فيصل موجود شعجب هو مو راح ويه الاء
ياسمين : هاا ولك الحمدلله على سلامتك ليش ما اجيت عايدتني
فهد : كعدت الله يسلمج حجيه اي شلونج شخباج شلون صرتي
غنى : اباوعله غير الموضوع وما عايد ولا واحد والله عده سوالف
نسرين : اكلكم هاي شكثركم انتو شو خلي احسبكم فهد ، حارث ، مرتضى ، محسن ، سامر ، مرتضى ابني ، فيصل ، منذر ، علي ، هاي شنو عدنه عشر ولد والله ولا ادري شوكت صرتو شوكت كبرتو
ياسمين : اللهم صلِ على محمد ليش تحسبيهم ولج ميصلح
نسرين : يو يمه والله عدج سوالف بس تدرون المفروض مناخذ من بره ننطي بناتنه لولدنه حتى نحافظ على نسلنه ومنلوثه بغير نسل
فهد : على اساس نسلنه نسل النبي يوسف عمه رحمه لابوج كعدي راحه همزين كلها نسخ مستنسخه علا تشبه حارث وشهد تشبه محسن وليلى تشبه فيصل والباقين خليها سكته
شهد : يااا فهد اني اشبه محسن صدك تحجي
فهد : بهدوء ليش مشاقي وياكم سابقاً
محسن : ولج شو ما راضيه شرف الج تشبهيني
شهد : شو دسكت همزين وجهك مطفيه بي الكهرباء مدري شلون علا قبلت بيك
علا : اي والله
محسن : هاا هيج صار الحجي اذا ما اعرس عليج واخليج تتندمين ما اتسمى محسن
علا : سمعتي حجيه
ياسمين : اشكه بالنص اليعرس على مرته اكلو تبن وانجبو وين تلكون مثل حفياداتي
سامر : اكعد ياخوي شتسوالك هسه ترزلت
ياسمين : انت انجب لتدخل
حارث : ههههه حيييل بيك
غنى : درت وجهي على فهد شفته يباوعلي ... شنو
فهد : شهالجمال هذا تدرين لو بأيدي ابوشج ولا اخلي واحد يشوفج
غنى : همست مو علساس فاهيه اني
فهد : احلى فاهيه شفتها بحياتي
غنى : حسيت اكو الم صار بمعتي بس الم حلو ابتسمت وشلت راسي شفت مرتضى كاعد كبالي وكالب وجهه رغم هواي اذاني بس محقدت عليه ابد اصلا هالفتره ناسيه نفسي وماكو ببالي غير فهد وبس
مهدي : مادام الكل كاعدين اكو موضوع اريد احجي بي من رخصتج حجيه
ياسمين : احجي بعد كلبي
مهدي : من بعد اذنج اعرف الظرف هسه ما مناسب تعرفون المعمل والصار بي شلون كسر ظهورنه بس اني واعد ولازم انفذ وعدي عمي فهد اني اريد اخطب اروى لابني سامر على سُنه الله ورسوله واريد الجواب منك ومنها هسه مادامنه اهل وماكو كل رسميات بيناتنه
ياسمين : زينه العقل يمه هذا الحجي العدل
عباس : اي والله ..... هاا فهد شو ساكت شنو بس لا موافق على وليدنه
فهد : باوعت لعمي طلبك على عيني وراسي وانت وسامر على راسي وصدك اني سامر احسبه حسبه اخواني واكيد ما الكه احسن منه بس القرار بالاول والاخير لاروى شتكول اني وياها ... طبعا هالشي من بعد موافقه امي
ايمان : ياا وين الكه احسن منكم ربي يشهد سنين عايشه عدكم ماحسيت روحي غريبه بيناتكم
مهدي : اختنه وعلى راسنه انتي ام فهد
حياة : اي والله واني يوم سعدي لو صارت اروى جنتي
غنى : باوعت لاروى مبتسمه يعني سامر سواها صدوك وخطبها فدوه اباوعلهم شلون مرتبكين وسامر مانطق ولا حرف بس حجه عم فهد اروى كامت من المكان
مهدي : خلص لعد خلي البنيه تفكر وردولنه خبر ولو اني متأكد ماراح ترد عمها
ياسمين : ان شاءالله ... ابقي انتي الغبره اخوج خطب وانتي كمختي عدي
شهد : رحم الله والديج حجيه هيج تحاجيني كدام ذني الحقيرات اشكرج
فيصل : بس لحظه من رخصتكم انتو على اي اساس توافقون اني ماموافق
فهد : عفواً شنو ما موافق
فيصل : والله مثل ما سمعت احنه هم اخوانها انت مالك حق تقرر وتوافق من وحدك اروى مو اختك وحدك وبكيفك تقرر
سامر : لحظه فهد من رخصتك قبل لتحجي اكدر اعرف شنو السبب الي يخليك ترفض ارتباطي بأختك بدر مني شي سامع عني شي احد كلك شي عني حتى رافضني
فيصل : اني ما رافضك الك بالذات بس شلون فهد يتصرف بكيفه بدون ما يرجعلي لا اني ولا علي ولا منذر شنو اخوتها لو ولد عمها احنه
علي : اني ما معترض واصلا مالي حجايه بعد حجايه فهد هو اعرف مني ومنك بمصلحه خواتي واذكرك تره فهد المتحمل مسوؤليه البنات لا اني ولا انت ولاحتى منذر صارف عليهن ولو ربع دينار وبالاول والاخير فهد الجبير وهو اليقرر
فيصل : اني اكبر منه
علي : بس بالعمر بالمسوؤليه انت اصغر من ورده فلتضل تحجي
فهد : علي كافيييي خزرته الف مره كايللهم لحد يطلع سوالف الثاني كدام العالم ... كافي القرار لاروى وهو اليحدد موافقتها او لا ....لا اني ولا اي واحد اله حق يدخل يله كافي
مرتضى : مادام كلكم كاعدين اني هم اريد اخطب واريد امي والحجيه يخطبولي
مهدي : اي بالمبارك خالي
ياسمين : باوعت لنسرين اني موكتلها لتخطبين مروه هسه شبيها هاي متفهم ... اي كول بيبي منو هي
مرتضى : نرجس صديقه غنى
علي & غنى : شنووو
فهد : باستغراب شكو شبيكم شهكتو
غنى : باوعت لخاله ايمان شنو يخطب نرجس
نسرين : ولك يا نرجس بس لا هاي صديقه اروى السمره
مرتضى : يمه طلعتي روحي اكلج خطبي فلانه تكولين بيضه فاهيه بلكه ما اريدها اكلج خطبي الثانيه تكليلي سمره تره حرت وياج
غنى : اباوع الكل دار وجهه عليه وفهد خنزر بعيونه دخيلك ربي كون متصير مشكله
فهد : بهدوء منو الفاهيه البلكه الجنت تريدها ولك
مرتضى : هاا وحده من كرايب ابويه متعرفها انت
غنى : اباوعله طنكر يبوو شيخلصني بعد
علي : من رخصتكم حجيه اني هاي البنيه حاجزها
نسرين : يابنيه
علي : نرجس صديقه اروى وره العيد اروح اخطبها رسمي من اهلها
نسرين : صدك تحجي تاخذ هاي الزركه
علي : شسوي بالشكل واخلاقها صكط وبالنسبه لشكلها فمو كل سمره مو حلوه وعلى فكره اغلب بناتنه سمر بس مو بشعات
نسرين : انتي قابله على حجي ابنج
ايمان : اي طبعا اهم شي الاخلاق وهو لو حب اخلاقها تلقائياً يحب شكلها اعرف واحد جان يعيب على وحده ويكول ما اعرف منو يفكر ياخذها تالي هو خذاها لا ومن تمرضت انهار ووكع من طوله عليها
غنى : همستله برأيك منو تقصد
فهد : خو انتي كيفتي
غنى : طبعا شكد جنت تعيب تالي هسه انت تموت عليه
فهد : واثقه من نفسج
غنى : بهدوء تتوقع زوجه الضابط فهد سالم ومتكون واثقه من نفسها زحمه مو
فهد : عضيت شفتي والله لو الزمج
غنى : ابتسمت مرجعه عيوني على النقاش الي لسه ما انتهى وطبعا مرتضى وعلي واحد يخزر بالثاني واروى اصلا ماشفناها بعد لحد ما صاحولها ياله اجت كالو الولد يتغدون بالحديقه لان يردون يشوون مدري شيسوون طلعنه كعدنه بالحديقه والهوه يجنن لان مسقفيها وخالين مراوح داير مدايرنه فالجو كولش حلو صاير ... كافي تتبسمين لينتبه عليج احد
اروى : سكتي ولج فرحانه مو شلون ماجان سامر سواها صدك وخطبني بالعيد
غنى : تستاهلين حبيبتي انتي نيتج صافيه والله مقصر وياج
اروى : ونعم بالله ... تعاي خلي نخابر نرجس دكيت عليها
غنى : اول مفتحت حجينه اني واروى سوه ايامج سعيده كل عام وانتي بخير
نرجس : وانتن بخير حبيباتي نونايتي الحلوه هاي شطالعه تخبلين ولج راح تنضربين عين رجلج الصاك شلون هيج مطلعج
غنى : بهدوء عيب لتكولين على رجلي هيج
نرجس : اوي فديت الغيره شحال لو ماجنتي تكولين عليه اسمه اسم حيوان لتخلينه نطلع السوالف على العموم مو هذا موضوعنه لج اروى هاي شطالعه جنج صخل
اروى : الله يطيح حظج ياسخيفه عود عبالي راح تباركيلي
نرجس : ليش يمه معرسه
اروى : اي عمي خطبني لسامر
نرجس : ياا واخيرا كلللووووش
غنى : فضحتينه ولج مابقه واحد مسمع هلهولتج اباوع لفهد اشرلي جان واكف على الشوايه بنات من رخصتجن كمت امشي على كيفي والثيل ويه المي ريحته تجنن وصلت وكفت يمه تريد شي اباوعله اخذ نفس من الجكاره ضيق عيونه وذب الدخان عليه احم احم
فهد : لا
غنى : شدتسوي
فهد : معلاك وكباب تحبي
غنى : اي عادي
فهد : هفيت على الشوايه ... تدرين تفاجئت ذاك اليوم من شفتج اكلتي توقعت تسوين اوي ما اكله شنو هذا يخرب الاتكيت الانثوي مالتي
غنى : ههه لا عادي اكله مابي شي يلعب النفس وللمعلومه الاتكيت والانوثه معليها بنوع الاكل الي تاكله الاتكيت يعتمد على اسلوبك كلامك شخصيك مرات بطريقتك بالاكل وغيرها من الامور الثانويه
فهد : اخذت قطعه تكه نفختها هاج كليلي شعايزها
غنى : اخذتها منه عاشت ايدك بس مالحه زياده
فهد : اي تصير اطيب
غنى : هي اصلا طيبه
فهد : سبع عافيات ضليت واكف اشوي واسولف وياها سوالفها ولا تنمل ... هفيت عليها
غنى : ههه هاي شدتسوي
فهد : بهدوء اهفي عليج حبيبي خاف تموعين من الحر
غنى : لا عاد مو لهالدرجه
فهد : ابتسمت ميخالف اخاف عليج
مروه : كاعده وعيني عليهم واكفين بنهايه الحديقه والابتسامه مرسومه على وجوهم اباوعله يوكلها وكل شويه يهفي عليها وهي غاديه حمره من الضحك عمري ما راح اسامحج على كل دمعه نزلت من عيني وعسى هالضحكه تطلع من خشمج ياغنى
غنى : كمل فهد شوي والولد جابو السمج من وره الحديقه جانو يشوو بتنور الطين
محسن : هاا كملت
فهد : اي تعالو اخذو خلي اروح اغسل .
غنى : هو راح واني رجعت كعدت
مروه : سعيده ويه فهد
غنى : الحمدلله
مروه : ماراح تدوم صدكيني
غنى : بهدوء هذا شي مو انتي تقرري ولا حتى بأرداتج كولشي الله كاتبه النه نشوفه لا بكيفج ولا بكيفي ... شويه واجو الولد فرشو السفره وجابو الغده واجو الحلو بيهم ميتعاجزون عادي عدهم همه يطبخون بدال النسوان ودائما يحبون يطلعون ويتجمعون سوه مبيناتهم سالفه هذا رجال وميطبخ ولا يشتغل ولا اي شي من سوالف بعض العوائل اجه فهد وكعدنه نتغده
فهد : يله اكلي لتضلين تباوعين
غنى : انت اكل ومعليك بيه ... تغدينه وكمنه شلنه المواعين وصبن البنات جاي وطبعا فهد مشرب معقد مو بأيده ... للعصر وكام فهد
فهد : يله من رخصتكم اني تعبان واليوم الفجر وصلت ولازم ارتاح شويه
ياسمين : هسه شنو شفت منك بيبي
فهد : ميخالف حجيه امرلج غير وقت بس خلي ارتاح علي سويجي وينه
علي : هاك
فهد : ترحون ويانه لو باقين
ايمان : اني وخواتك بعدنه روح انت وخلي مرتك ترجع ويانه
فهد : لا متبقه يله غنى اخذت ايدها وطلعت صعدتها بالسياره وطلعت راجع للبيت ... تحبين نطلع لمكان
غنى : لا تعبانه اريد انام
فهد : وكفت السياره يله نزلي ... فتحت الباب ودخلنه افييش شكد حلو البيت وهو هادئ بدون هوسه سعاد وفريقها
غنى : صعدنه فوك لعد اذا ممرتاحين سوه ليش كعدتو بنفس البيت
فهد : فتحت قميصي كتلج وصيه الوالد جانت نعيش كلنه بنفس البيت شكله ما جان يدري بالحيه العنده فتحت باب الغرفه دخلي
غنى : والله ما اعرف شكلك زين سعاد ليش تكرهكم
فهد : ميرادلها تفكير جهال ضرتها اكيد تكرهنه ... ذبيت قميصي وتمددت
غنى : رحت بدلت لبست دشداشه قصيره واجيت فتحت شعري هاا حتنام
فهد : اي فتحت اديه تعاي
غنى : نمت بحضنه وحضنته
فهد : عكب باجر نروح نسويلجن اشعه حتى نشيل هالتجبيس هذا
غنى : ان شاء الله
_________________________
ايمان : رجعنه للبيت
سعاد : اكول ايمان ليش وجهج اصفر
ايمان : لا كلشي مابيه
سعاد : لا والله وجهج اصفر مو بتول
بتول : اي خاله وجهج حيل تعبان هاي يمكن لان ما اخذتي ادويتج
ايمان : يمكن يله هسه اخذهن ... دخلت لغرفتي فتحت العلاكه اخذت دوه السكر وين دوه الضغط هاا هذا اخذت حبايه منه وتمددت شويه وحسيت الالم رجع لكلاتي استغفر الله ولا حول الا بالله العلي العظيم دخيلك ربي شهالام لزمت كلاتي واحس بده نفسي يضيق مثل كل مره مر اليوم كوه والالم نفسه معقوله سعاد مسويتلي سحر بهذا الفراش عفت الغرفه واخذت اروى ورحت لغرفه ورده نمت هناك هم نفس الشي
ورده : شبيج يمه
ايمان : هيج يمه كومي انطيني براسيتول
ورده : شيوجعج
ايمان : دكومي يا يمه لتناقيشين اخذت البراسيتول وحسيت الالم خف عليه الحمدلله بس شنو الفائده والالم يسكن ساعه ساعتين وانوب يرجع ازيد واخاف اكللهم واخوفهم فوك ماهمه خايفين مرن الايام واني كل مابيه تتراجع صحتي الاكل ما اشتهي والماي لو شربته اذبه احس كلاتي يصيحن عليه
___________________________
غنى : كاعدين بغرفه الدكتور وديكصون الجبيره من رجليه بشي مثل اللحيم بعد ما سوينه اشعه وطلعت رجليه سليمه وملتئم العظم فتحوها حركت رجلي واحس جسمي تحرر
فهد : نزلت تنورتها خازرها رجلج
غنى : اسفه منتبهت
: يله بعد الرجل الثانيه رفعي التنوره اختي
فهد : لحظه صعدتها لحد مكان الجبيره
اروى : فهد طنكر
غنى : هو يايوم جان ممطنكر اباوعلها واكفه على رجليها وتروح رايحه جايه شكلها ممصدكه رجعت تمشي خطيه هي بالذات حالها يكسر الخاطر لان اديها ورجليها مكسرات من غير الرضوض الي بوجها فالحمدلله وضعها هسه صار احسن ورجع طبيعي فتحو رجلي الثانيه
فهد : فتحو رجلها اباوع طلعت رجلها يلعن ابو هالبشره هاي تصفن حتى الحصان اباوع حتى البنات الواكفات صفنن عليها استغفر الله نزلت التنوره على رجليها وتالي
غنى : شبيك فهد
فهد : ولا كلمه
غنى : اكدر امشي
: اي طبعا خلص تكدرين تتحركين براحتج بس ديربالج
غنى : ثبتت رجليه بالكاع وكمت يمه هم وانزاح عن كلبي الجبيره جانت مقديتني حركت ايدي براحه اووف
فهد : يله امشنه ... الحمدلله على سلامتجن تنذكر ومتنعاد
البنات : اللهم آمين
فهد : رجعنه للبيت لكيناهم كاعدين اباوع لامي وجها اصفر ركضت الها شبيج يمه
ايمان : مابيه شي
ورده : فهد اني بعد ما اكدر اسكت امي صارلها فوك الاسبوع شحالها كل يوم تتخربط ومتقبل تروح للدكتور عفيه اخذها انت
فهد : باوعت لعلي انت مطيي مو صخام دكتور ماعرفت تقيسلها ضغطها
علي : قسته هابط اكلها امشينه للمستشفى متقبل
فهد : هو بكيفها عمي دشوف وجها صدك تحجي كومن لبسنها خلي اخذها لدكتورها بسرعه مادام الدنيا عصر والاطباء كاعدين
ايمان : يمه ماكو داعي
فهد : لتناقشين يمه رحمه لدينج ... غنى اخذيها خلي تبدل حتى نطلع وانت حسابك بعدين هم صاير مو ادمي امك تتلوه كدامك متعرف تشيلها وتاخذها للدكتور
علي : انت ليش تذب الصوج بيه اكلك طاح حيلي واني اتوسل بس متقبل تدري بيها شكد تضغط على روحها ومتكول مريضه
فهد : عود بعدين نتناقش يله يمه تعاي اروى جيبي ادويتها
ايمان : يمه والله ماكو داعي
فهد : سكتي يمه سكتي اخذتها ومشيت صارت سعاد بوجهي
سعاد : خير وين رايحين
فهد : للمستشفى
سعاد : بس لا راح تاخذ امك
فهد : اي
سعاد : لا يمعود صدك تحجي تريد تاخذها للدكتور حتى يدمرها
فهد : احد كلج راح اخذها لدكتور خريج كليه الحمام اكيد شغله ويعرفله يله يمه
سعاد : دوكف اني هسه اروح اسويلها اعشاب وعود اذا ما صارت زينه عود اخذها باجر
فهد : بشك وانتي ليش مصره لهالدرجه
سعاد : هاا غير خايفه عليها
فهد : وانتي من شوكت تخافين عليها وخري رجاءاً وخلي اعشابج الج
سعاد : ولك اوكف اخذها مني لتاخذها ذاك اليوم سمعت وحده راحت للمستشفى ضربوها ابره غلط موتوها بمكانها
فهد : شنو ولك اشتغل عندج اني ... وخري يله اخذت امي وطلعت كبل لدكتورها اباوعلها الطريق كلها صوت نفسها عالي وكوه تجر الهوه ... بس لو اعرف ليش متحمله وساكته كل هالفتره ما ادري وصلت للدكتور صفيت سيارتي ونزلت حجزت بأسمها وكعدت منتظر دورها للتسعه ياله اجانه السره دخلتها للدكتور سلمت عليه وشرحتله وضعها
الدكتور : وانتي ليش ساكته كل هالوكت حجيه
ايمان : دكتور كلشي مابيه عادي مجرد تعب
الدكتور : حجيه مو انتي جبيره وعندج سكر وضغط شلون تهملين نفسج هيج
ايمان : بتعب دكتور الدوه جاي اخذه اول بأول بس هالالام التهيج عليه فجئه مااعرف سببها
الدكتور : شو اشوف علاجج
فهد : انطيته العلاج
الدكتور : طلعت الادويه اباوع للادويه شنو هالادويه
فهد : ادويه السكر والضغط الي كتبتها انت الها من اول ما صار عدها سكر وبحضوري اني
الدكتور : ابني هذا صح دوه سكر بس هذا مو دوه ضغط اصلا ماكتب لوالدتك هيج دوه وشلون وصل الج هالدوه وهو ممنوع بأغلب الصيدليات ومينصرف اله بحالات خاصه وبطلب من الدكتور الاخصائي فقط
فهد : لحظه دكتور بس فهمني شنو مو دوه الضغط شنو مو انت كتبته
الدكتور : والدتك صارلها فوك الاسبوع حسب كلامكم ماجاي تاخذ دوه ضغط وانما الجاي تاخذه دوه ينصرف بحالات خاصه وبأشراف دكتور لان يسبب عجز بالكلى واختلال بعمل الرئتين اضافه انو يسبب مشاكل ثانيه بالجسم لا تعد ولا تحصى منين اجاكم هالدوه وشجابكم عليه
فهد : احس الدنيا ضاكت بعيني شجاب هالدوه لامي بالذات زين دكتور هي تاخذ هالدوه من سنين فشلون هسه ياله بينت نتائجه
الدكتور : لا الجانت تاخذه هو دوه الضغط اما هذا صارله اقل الشهر عدها والا مستحيل من سنين تشربه وتضل عايشه وهسه راح اسويلها تحاليل حتى نتأكد من وضعها الصحي وادعي لربك كون كلاتها مابيهن شي
فهد : اخذتها للمختبر يمه بس فهميني منين جبتي هالدوه
ايمان : والله ما ادري يايمه هو عبالي دوه الضغط اصلا نفس شكل حبايه الضغط بس طلع مدري شنو واني اكول ليش كلياتي يونن عليه
فهد : رحنه سوينه التحاليل الرادها الدكتور ورجعنه للدكتور فتح التحليل كدامنه اباوع ملامح وجهه متبشر بالخير
الدكتور : يؤسفني ابلغك انو نسبه الدوه بجسم والدتك لابأس بي وللاسف هالدوه مسوي اضطراب بنسبه السكر والضغط بالدم ولهالسبب والدتك دخلت بمرحله ثانيه بالسكر بعد ماجان سكرها ببداياته ومو مؤذي اما هسه فلا لازم تدير بالها على نفسها وتتجنب المؤثرات والحوادث الخارجيه التتعرضلها لان اقل حادث ممكن بسببلها التهاب او جرح عميق وهالشي يخلينه نقطع واحد من اجزاءها المصابه بالتحديد فلازم تكونون حذرين جدا ومن اليوم
ايمان : بهدوء الحمدلله على كل حال
فهد : دكتور ماكو شي يرجع سكرها مثل ماجان سواء دوه عمليه حتى لو اكو علاج بره اني مستعد اسفرها
الدكتور : العلاج الي هنا نفسه البره خاصه والدتك مصابه بالسكري وسواء بالعراق او خارج العراق هو ما اله علاج مثله مثل الربو هذا مرض مزمن ما اله علاج قطعي وانما المريض لازم يدير باله على نفسه ويلتزم بعلاجه اول وبأول حتى يحافظ على حياته
فهد : ولاول مره احس روحي ضعيف ما مصدك الجاي يحجي عليها الدكتور هسه هي امي اخذتها وطلعت جبت ادويتها الجديده وتأكدت منهن بنفسي وراجعت الدكتور مره ثانيه ياله طلعت
ايمان : يمه فهد كول الحمدلله سكر ولا وحده من كلياتي توكف
فهد : بس اريد اعرف منين اجاج هالدوه همزين اجينه للدكتور والا جان انتي هسه وضعج بالنازل الحمدلله لا وجماله سعاد تكلي لتاخذها للمس... سكتت
"لتخاذها للمستشفى هسه دوكف اني هسه اروح اسويلها اعشاب وعود اذا ما صارت زينه عود اخذها باجر"
"هاا غير خايفه عليها "
فهد : لا ياا بت الكلب والله لو طلعتي انتي العامله هالعمله متكفيني روحج والله ... امشي يمه بسرعه خلي نرجع دك موبايلي شلته الوو
: شلونك سياده الضابط وياك المحقق كرار حبيت ابلغك لكينه الرجال الحرك المعمل وكدرنه نرصده من خلال كامرات المراقبه مال واحد من الجيران وياريت تجي بسرعه للمركز
فهد :
********
يتبع
- يتبع الفصل التالي اضغط على (ذنوب على قيد الغفران) اسم الرواية