رواية ذنوب على قيد الغفران الفصل الحادي و الخمسون 51 - بقلم براء
انغام : واكفه الكط التمن بدال خاله ايمان وسمعت صياح ورده طلعت اركض شفت خاله ايمان واكعه بالكاع يم باب غرفتها ركضت عليها .... شبيها
ورده : ما ادري ما ادري ركضي خابري واحد من الولددد
انغام : اباوع كلهن نزلن جوه
ساره : ركضت ياا شبيها
ورده : هم حجن روووووحن خابرن احد وعوفجن من الحجييي لخاطر الله
انغام : الووو هاا منذر عفيه تعال خالتي تخربطت اي تعال بسرررعه
ساره : بنات خلي نشيلها
ورده : شلانها تلاثتنه اني وانغام وساره خليناها على القنفه
انغام : اخذت ماي غسلت وجها خاله خاله تسمعيني
ايمان : هممم
ورده : بدموع يمه حبابه احجي
ايمان : بتعب مابيه شي يمه مابيه شي لتخافين
انغام : هسه يجي منذر ياخذج للمستشفى
سعاد : لالا شنو ياخذها للمستشفى يرحون وهمه صيام ينطوها ابره يسكتوها بمكانها ماكو داعي للمستشفى ... يمكن صار عدها هبوط بالضغط لان صايمه
ساره : هي رمضان كله صايمه شعجب اليوم بالذات ياله تعبت
سعاد : خزرتها اله تحجي بت الكلب ... نسيتو قبل يومين شصار اكيد من حركه كلبها على المعمل وكعت
بتول : وهم قبل لا يحترك جان يوم الموته واكيد الطبخ تعبها
سعاد : اي صحيح عفيه هذا كله تراكم عليها تالي وكعت
ورده : هي تطبخ للموته كل واحد وعشرين برمضان مو شي جديد ولا صار بيها شي ولا ابد
ايمان : بتعب كومني يمه كومني ... كعدت لتخافون كلشي مابيه يمكن صدك التعب تراكم عليه وتعبت هسه بس ارتاح وافطر اصير زينه
سعاد : اي هذا الحجي عليمن ترحون للمستشفى وهالخبصه
ايمان : اي هو هيج يمه انغام خابري منذر خلي يرجع لشغله
انغام : خاله والله لو تسمعين كلامي
سعاد : كاعده تكلج بس ترتاح تصير زينه ليش تلحين.. شو وخرن تعاي اكومج لغرفتج ماعليج بذني
ايمان : كمت على كيفي وياها
اروى : صار ساعه اصيح واكول تعالو ساعدوني حتى اطلع شكو شبيكم
سعاد : كلشي ماكو امج ماعت روحها من التعب والوكفه بالمطبخ مدري عليمن خابصه روحها هي تشتغل والجنه كاعده ومربخه
ايمان : جنتي متكدر توكف روحي حاسبي نسوان فيصل مو جايه على جنتي الفقيره
سعاد : لو فقيره ما اخذت ابنج ... كعدتها خليج ارتاحي اهم شي راحتج ولتنسين دواج اخذي اول بأول مو تتكاسلين اهم شي ادويتج يله اني اعوفج ترتاحين
اروى : يمه ترحين للمستشفى فدوه كومي خاف تتخربطين بالزايد
ايمان : يمه والله كلشي مابيه لتخافون شنو اول مره يهبط ضغطي
اروى : ميخالف حتى نطمئن
ايمان : عود اذا تعبت بعد اكلكم تاخذوني للمستشفى
اروى : بست ايدها مابيج غير العافيه والله لو تبطلين هالوكفه بالمطبخ كلشي ميصير بيج
ايمان : قابل اعوف مرت منذر وحدها هم خطيه البنيه وذنيج خالاتها على الصامت ومغلسات على الوضع ومرت اخوج مريضه واعرفها لو تكدر متقصر فأكوم اني ويه البنيه احسن
اروى : شيخلص رمضان حتى نروح للدكتور نشيل هالصخام ونرتاح
ايمان : يله مابقه شي جم يوم وترحون
اروى : ان شاء الله
__________________________
فهد : كاعدين اني والولد وطب عمر
عمر : انطيني البشاره
فهد : خير
عمر : وصل صباح ستوه
فهد : بهدوء اي هله بي حضرته جان ماخذ اجازه واليوم شرف .... كمت
مهيمن : وين وين ... ديربالك تسوي شي لصباح تره من غير شي المسوؤل مطنكر عليك
فهد : يطبه عرج شسويله ... باوعت لعمر شفته راح لغرفته
عمر : اي
فهد : خوش
ايمن : فهد اوكف .. لتنسى ال600 الف الكصوهن من راتبك من ورا ما اوصيك طلعهن من عينه
فهد : كتلك الفلوس متهمني اعتبرهن واكعات مني بس اريد اعرف ليش سوه هيج ولتخاف اول وتالي اطلعهن من خشمه ... طلعت رحت لمكتبه دكيت الباب ودخلت ... سلام
صباح : بارتباك وعليكم ... خير
فهد : كعدت ووخرت سلاحي بهدوء اكدر اعرف ليش اجتني عقوبه من فوك بسبب نزولي وليش تعاقبت واني ماخذ اجازه وعلى حسب علمي انت سجلت اسمي وانطيتني اجازه صحيح لو لا
صباح : احم اي صحيح
فهد : لعد ليش اجاني كتاب عقوبه وكصو من راتبي واني ماخذ اجازه
صباح : ما اعرف اني سجلتك اجازه
فهد : رفعت حاجبي هاا يعني مو انت المسحت اسمي ورحت قدمت شكوه بيه للمسوؤل والمسوؤل جاي ما لاكي اسمي ويه الحضور تالي مخابر غانم ومتعارك وياا وبغضون فتره قصيره اجه امر بقطع 600 الف من راتبي
صباح : هاا اي اني قدمت بيك شكوه لان اعتديت عليه وهددتني بسلاحك وخليتني اسجلك اجازه غصباً عني
فهد : حركت السلاح بأتجاهه
صباح : شجاي تسوي
فهد : شبيك ما جاي اسوي شي ... اي كمل
صباح : اي ولان من وراك كصو من راتبي فتستاهل حتى تبطل تتمرد واقسم بالله اذا تكرر هالموقف والله اخليهم يشيلوك من الشرطه كلها
فهد : بهدوء يعني هالخبصه كلها لان اشتكيت عليك يوم الدزيت خبر انو احنه استشهده وبنفس الوقت ماقبلت تدزلنه قوات دعم
صباح : اي عبالك اسكتلك على سوايتك هاي فديربالك تره كلشي اكدر اسوي وماعندك اي دليل عليه ولا حتى اثبات فخليك عاقل وامشي بأوامري حالك حال الضباط المثلك احسن الك انت
فهد : بعصبيه وانت ما خفت من الله تتبلى عليه
صباح : والله محد كلك تمشي حجايتك عليه هذا مصير اليتحدى الاعلى منه
فهد : خزرته وكمت بسيطه بطن عيني لزمت شاربي اذا ما خليتك تتندم على عدد شعر راسك لان اندكيت بيه هذا شاربي ازينه واطلع عار من الزلم .... عفته وطلعت راجع لمكاني
عمر : شصار
ايمن : شبيك ساكت شو لا سمعنه تكسير ولا صياح توقعتك تذبحه
فهد : مديت ايدي بجيبي مطلع موبايلي سديت التسجيل وحفظته ... ضغطت مشغله
مهيمن : خرب يومك والعباس انت داهيه
فهد : ابتسمت عباله راح ادخل اتناقش وياا واطلب السماح منه والله لخلي يعض اصابعه ندم ... حولت التسجيل لغانم والمسوؤل مالتنه
عمر : اريد اشوف شراح يصير بي من يدري بسوايتك
فهد : يطبه طوب هو يستحك... براسي ومسوي روحه فطن كو... ميدري اذا اخلي براسي ازوعه حليب امه وبالتالي هذا مصير الي يحط راسه براسي للاسف هو نسه اني منو وابن منو
مهيمن : يا شباب تره صيام فهد واصل
عمر : اي من شي.... الخلفني
ايمن : احلف عليكم فهد صيامه كله ما مقبول اذا هو رمضان كله مكضي مفشر على فلان غالط على علان وتالي يروح يقره قران لا فلحنه
فهد : بهدوء تسكتون لو اغرد عليكم هسه
مهيمن : دخيلك ابويه استلك من شتايمك لا وجماله امي تمدح بيك من الصبح لليل تكول شلون حباب صديقك شنو ادب شنو اخلاق شنو شخصيه متدري بيك من تصير عصبي تطلعها مو شريفه
فهد : ابتسمت والله هي امك حبابه بس غلطها الوحيد راحت جابت واحد عار مثلك فتستاهل
مهيمن : انعم الله عليك
فهد : حبيبي بالخدمه اني ... كمت يله اني اروح انام من الصبح كاعد اشتغل طبيت لغرفتي بدلت ملابسي وتمددت حتى انام بعد ساعتين تلاثه تخابرني سماحه العلويه غنى تذكرني بالصلاه والقران .... تنهدت شتاقيتلها الملعونه
________________________
ام جعغر : هاا شبيج مطنكره
نرجس : ضايجه
ام جعفر : مو البارحه اخذتج ورحت للسوك
نرجس : ما اريد اطلع
ام جعفر : لعد شتردين
نرجس : اريد اروح للصالون اصبغ شعري اريد اغير
ام جعفر : تأدبي لج شنو تصبغين شعرج شنو معرسه انتي
نرجس : شعلي العرس يعني اذا اريد اغير شكلي يعني اريد اعرس
ام جعفر : اي كعدي وانجبي اني ما صبغت لحد ما تزوجت ابوج شلون جيل هيلك هذا
نرجس : استغفر الله زين خلي اسافر
ام جعفر : عرسي ورجلج ياخذج
نرجس : يبووووووووو
ام جعفر : قزرقط يبو على عمر العدو ليش تولولين
نرجس : اكلها اريد اصبغ تكلي تردين تعرسين اكلها اريد اسافر تكلي خلي رجلج ياخذج شنو انتو شنو كلما كلت شغله كلتو من تزوجين عمي زوجوني اني اريييد اتزوج
ام جعفر : جريت اذنها مو عيب تكولين اريد اعرس صدك ادبسز انتي
نرجس : بله مو عيب بنيه شكبرني شكدني جني هايشه تجريني من اذاني
ام جعفر : واطيح حظج دبسز
نرجس : روحي يا يمه بجاه هذا رمضان كون ابويه يعرس عليج وياخذ نسوان ثنين ويحرك كلبج مثل ما حركتي كلبي
ام جعفر : لطمت على صدري ولج تدعين ابوج يعرس عليه تعاي اليوم اذا ما امسح البيت براسج ما اتسمى بأسمي
نرجس : صعدت ركض وكالعاده اجاني النعال من حيث لا احتسب اااخ .... سديت الباب بسرعه لازمه كلبي همزين ما لزمتني ... صارت عيني على موبايلي اخذت داكه على حظي
علي : هاي الشمس منين طالعه واجتي خابرتني
نرجس : طالعه من الحمام يعني منين طالعه محبوسه بالبيت
علي : خير شبيج
نرجس : اريد اصبغ شعري
علي : بأستغراب اي واني شعليه
نرجس : شنووو شعليك امي متقبل اصبغ شعري اله اتزوج
علي : هاا هيج السالفه اكول ليش مطنكره واني عبالي مشتاقتلي
نرجس : فريت خصله من شعري لا شتاقيتلك بس هم اريد اصبغ شعري
علي : ههه عمي ماشي من اخطبج اخذج لاحسن صالون وصبغي شعرج اللون اليعجبج عسما اخضر هم ميخالف
نرجس : و وره عرسنه اريد اسافر
علي : صار من عيوني وين تردين نروح بشهر العسل اني حاضر اهم شي يمي واشبع منج
نرجس : عيب هالحجي شنو شهر عسل شنو تشبع مني الزم الفاظك رجاءاً اني بت عالم
علي : ضحكت كلنه ولد عالم ... اي ما كتيلي وين تردين
نرجس : اريد نروح لايطاليا
علي : شنو مو جنج رحتي زايد شوفي حبيبتي عندج تلث خيارات لو ايران لو تركيا لو شمال العراق غيرهن ماكو وياريت لو تختارين الاقتراح رقم تلاثه حتى توفرين عليه
نرجس : ليش يمه فلوسك قليله
علي : ما احب المصاريف الزايده
نرجس : اني ليش احسك بخيل
علي : مو بخيل بس هاي طباعنه حريصين
نرجس : منو همه الحريصين
علي : اني واخواني
نرجس : لتجذب لو اخوك حريص ما صاعد جكساره اخر موديل
علي : قصدج فهد ؟
نرجس : اي
علي : اي فهد ومنذر صرافين ميهتمون للفلوس ماحارمين نفسهم من شي يطبقون مقوله اصرف مافي الجيب يأتيك مافي الغيب عكسي اني وفيصل عدنه نوع من الحرص وخاصه اني ما احب اصرف فلوسي على اشياء مالها داعي عليمن اصرف ملايين على سياره والله حلوه وموديل السنه شله داعي اهم شي سياره تاخذني وتجيبني وكان الله يحب المحسنين
نرجس : ما اعرف شكلك بس كلامك مو مقنع بعيداً عن السفر والصرف اني انسانه مو ماديه نهائيا بس الفلوس اذا متفيدني وتونسني المن خالها قابل اخذها وياي للكبر خو اعيش واتهنه بيها اني اول وتالي ميت ما اقصد اكون مبذر بس هم ما اكون بخيل
علي : اني هذا طبعي وكل واحد اله طبع شكل اني شي واخوتي شي وانصحج ايالج تقارنين بيني وبين اخواني ابد لان لا همه يشبهوني ولا اني اشبهم
نرجس : خلص لتضوج اني اسفه شتريد تسوي سوي كتلك اني مو ماديه نهائيا ..اخذ راحتك
علي : لحظه حبيبتي اني ما اريدج تاخذين فكره مو حلوه عني صدكيني راح تفهميني وتحبين حرصي لو عرفتي شنو المغزى منه
نرجس : اني بكل الاحوال راضيه بيك حتى لو بخيل اخليك تبطل اقصد اتعود عليك
علي : احبج
نرجس : بخجل احترم نفسك عيب
علي : هههههه خرب يومج
_______________________
الساعه 5عصرا
غنى : كعدت العصر من النوم هالايام كضيتها نوم بس حتى اخلص اليوم من راح فهد صار عندي اكتئاب لا اشتهي اكل ولا اشرب ولا حتى احجي ويه احد يمكن لان بأخر فتره تقربت منه كولش هيج داحس تنهدت موخره مخده عني كايمه على كيفي افف شيجيب العيد اباوع للغرفه لازم ابلش انظفها تنظيف العيد بس شلون واني بهالحاله تنهدت مباوعه للساعه صارت بالاربعه خلي اخابر فهد اشوفه صله لا ... خابرته مجاوبني من اول مره رجعت دكيت عليه جاوبني
فهد : بنعاس الوو
غنى : ابتسمت صحي النوم حبيبي الساعه بالاربعه
فهد : هله حبيبي قبل ساعتين نمت ماصارلي هواي
غنى : سوده عليه مبين على صوته لسه ضايج على سالفه المعمل هاي من يومها ولسه هو شحاله احم ميخالف كوم غسل وصحصح حتى اني هستوني كعدت وكلت اخابرك
فهد : همزين خابرتيني حتى اكعد
غنى : صليت لو بعدك
فهد : كعدت لا صليت اول ما اذن
غنى : عاشت ايدك وقران قريت
فهد : لا ماعندي وقت ومابيه حيل هم اذا ما اقره بتركيز يستحسن ما اقره
غنى : ميخالف حبيبي اقرالك ولو سطرين هاي ليالي مباركه الك ثواب جبير اذا تقره قران وتصلي بيها
فهد : ماشي احاول افرغ نفسي واشوف شنو المفروض اسوي
غنى : اني دزيتلك الاعمال على الواتساب شوفهن
فهد : عيب يامره اعمال شنو احنه ناس نخاف الله منسوي اسحار
غنى : ابتسمت ادري بي يحاول يلطف الجو حتى ميبين ضايج ... لا مو سحر والعياذ بالله اقصد تصلي صلاه الليل تقره ادعيه ليله القدر وغيرها
فهد : كمت ماشي اكو شي ثاني
غنى : اي خو مفشرت ولا غلطت اليوم
فهد : لا
غنى : يعني تقنعني من الصبح لسه لا غلطت ولا فشرت على احد
فهد : بس على صباح
غنى : بس؟
فهد : وعلى جماعتي
غنى : وبس !!
فهد : وعلى الطباخ لان سمعت بي راح يسوي مركه شجر و وعلى المسوؤل العاقبي وبس
غنى : لا صيامك واصل واصلا الملائكه خجلانه من كميه الخشوع والالتزام الي التزمته برمضان
فهد : كلبت عيوني مو اشتغلنه حبيبتي ... تره مالي خلك من الصبح واكف على رجليه من وره خوات الكح... ذوله
غنى : وتالي وياك فهد مو انت صايم شلون تفشر
فهد : اي صحيح اسف
غنى : تنهدت حبيبي افهم الصيام مو القصد بي الصيام عن الاكل والشرب وانما الصوم عن كل المنكرات والسيئات بصوره عامه وبعدها يجي الاكل والشرب شلون تريد صيامك ينقبل وانت غالط على هذا ومفشر على ذاك ياعمري انت قابل اني اكرهك اكيد لا بس ما اريد تعب صيام وقراءه قران والتزام شهر يروح من وره لسانك
فهد : هسه صار لساني مو زين ذاك اليوم جان يلعب بلسانج
غنى : بخحل والله عيب عليك ولا تبطل سوالفك يعني اني وين وانت وين
فهد : هسه عوفج مني شصار بالمعمل جاي يطلعون اخواني يشوفون عمال يرجعون يبنو لو لا
غنى : هاا اي منذر خطيه كل يوم ديطلع هو وعمامك وولد عمك يشوفون شراح يصير بالمعمل
فهد : اكو احد يمج
غنى : لا
فهد : البارحه خابرني صديقتي المحقق كال اكو كامرات بفرع قريب على المعمل وكادرين يلكفون واحد ملثم طالع يركض من جهه المعمل وشاكين هو نفسه الحرك المعمل وجاي يتحرون عن الموضوع
غنى : ياا لعد ليش محجيت
فهد : محد يدري بس اني وحارث لان جاي يتابع التحقيق وديربالج فيصل يسمع بهيج شي لا هو ولا اي واحد
غنى : ليش
فهد : هسه لتناقشين كتلج لتحجين كدام احد وعود من ارجع احجيلج
غنى : ماشي
فهد : عفيه
غنى : بعدك ضايج على المعمل
فهد : اجذب عليج اذا اكلج لا ميت قهر لان حيل مستعز بي لوما هو جان احنه هسه ولا فلس كتلج سابقاً هالمعمل هواي فاد ناس واني منهم
غنى : ان شاء الله تبنو من جديد ويرجع مثل قبل واحسن
فهد : ان شاء الله يله حبيبي اني اروح لشغلي مثل ما وصيتج ديري بالج على روحج وعلى امي
غنى : بعيوني ... يله الله وياك حبيبي
فهد : سديته منها ورحت بدلت وطلعت
غنى : اخذت صايتي وحجابي بدلت واخذت عكازتي وطلعت على كيفي وصلت للمحجر باوعت ورده كاعده بالصاله صحت ورده
ورده : شلت راسي هاا نونه
غنى : بله زحمه عليج تعاي ساعديني خلي انزل
ورده : اي اجيت
غنى : اجتي سندتني ونزلنه لعد وين خاله والبنات
ورده : امي تخربطت وماعت روحها وهسه كاعده بغرفتها والبنات انغام طبخت الفطور وصعدت وذنيج الغبر بغرفهن
غنى : ياا خاله شوكت وكعت وليش ما كتلي
ورده : ليش ما وصلج صوت صياحنه
غنى : لا والله ولا سمعت جنت نايمه
ورده : همزين مانزلتي اصلا كلنه جنه ملتهين ويه امي منو ينزلج يله تعاي اكيد هسه نلكاهن كاعدات
غنى : مشينه لغرفه خاله دكيت الباب ودخلت لكيت خاله واروى كاعدات على التلفزيون ... السلام عليكم
وعليكم السلام
غنى : خير شبيج خاله هستوها كلتلي ورده تخربطتي و وكعتي والله جنت نايمه وماادري
ايمان : يمه كلشي مابيه شنو اول وحده اوكع صيام وعطش وفوكها الجو حار ماتحملت هبط ضغطي و وكعت سونها سالفه هسه بس يأذن اخذ ادويتي واصير زينه
غنى : زين ليش مرحتي للمستشفى على الاقل تتاكدين من وضعج الصحي
ايمان : عمي كلشي مابيه لتوهسن لا مستشفى ولا بطيخ
اروى : عوفيها بعد كالت نهي يعني نهي
غنى : ابتسمت شلونج اليوم
اروى : ممتازه بقن بس ذني خلي يشيلوهن حتى ارتاح واكدر اتحرك براحتي
غنى : حتى اني مليت من العكازه والجبيره اريد اذبهن رجليه صارن زينات وايدي هم بس فهد ميقبل اله نراجع دكتور
اروى : اي المفروض يسوون اشعه ويتأكدون الكسور التأمت ياله يفتحوهن
غنى : هزيت راسي ... شويه وصارت بالسته كمت وياهن للمطبخ اساعدهن هم خطيه هنه
ليلى : ما حاجيتي فهد مو
غنى : تنهدت هو بيا حال مشفتي شصار بالمعمل هاي من غير دوامه
ليلى : ولج انتي ليش تتهربين مره على مره اكلج وتكولين اي وتغلسين
غنى : والله ممغلسه بس دشوفين الضروف الي دنمر بيها من جهه شغل فهد وحياته المعرضه للخطر ومن جهه المعمل الي احترك يعني الوقت ابد مو مناسب
ليلى : هو الصوج مو بيج بيه اني الاعتمدت على وحده غبره مثلج
غنى : مجاوبتها وحده ذره ذوق معدها اكلها اخوج مو حمل احاجي بأي شي تريدني اروح اكله داينها وهو صاير بارود متفهم اذا حاجيته وهو بهالحال حيرفض اكيد .. رجعت اساعد البنات اذن كعدنه فطرنه وكملنه كمت وياهن بهالاكدر عليه ساعدتهن
ساره : وخري اريد اخذ الاستكان
غنى : تدنيت عنها اباوعلها اخذت كلاص فهد ... هذا مالت فهد
ساره : واذا مالت فهد شنو راح ناكله شبيج شهالنحاسه هاي
غنى : هاي شبيها هالكلاص لفهد ميقبل واحد يشرب بي حتى اني
ساره : دبطلي بطلي هالسوالف هذا اسمه تنعثل شنو كلاص خاص وخاشوكه خاصه ما طلعت هاي ادري كاعدين ويه ناس بيهم جرب لا تقبلون تنطون ملابسكم ولا كلاصاتكم ولا خواشيكم شنو السالفه
انغام : شبيج ساره شدعوه عليج البنيه ما كلتلج شي هالكلاص فعلا لفهد ومن قبل لا يتزوج غنى هو ميقبل واحد يشرب بي واذا تلاحظين حتى من نروح لبيت حجي علي ميصبوله غير بستكان جديد فالبنيه شعليها مجرد كلتلج هذا مالت فهد شبيج
ساره : شو دروحي عني والله هاي اكبر نحسه ماجانت هيج بس من دخلت للمستشفى وشافت الناس مخبوصه بيها كامت تتعالى علينه
غنى : سديت الكاونتر اني صاعده لغرفتي اذا احتاجيتو شي صيحولي ورده حبيبتي تعاي ساعديني ... صعدت لغرفتي بس طبيت ذبيت ملابسي وكعدت يربي شوكت اخلص من هالمشاكل واسمك لعبت روحي بعد ماعندي قابليه اتحمل كلها تتأمر وتجاوز عليه ذره احترام ماكو حتى طلب بأسلوب ماكو كولشي اوامر اوامر غنى سوي هذا غنى جيبي هذا غنى غنى غنى والله مليت المشكله هذا اسلوبهن ميطلع غير بس من فهد يطلع وهو موجود ميسترجن يسون شي اما ساره مدري شبيها من يوم الي ماقبلت انطيها سيت نوم ولسه هي شاده ويايه اووووف شلون بيه ويه هالعائله
_________________________
غانم : هاا جبتوها
: اي سيدي موجوده بهاي الغرفه
غانم : عفيه عليكم ... كمت رحت لغرفه التحقيق خليتهم يجيبوها اريد اعرف شتريد من فهد ما مرتاحلها ابد وخايف لا تطلع مدسوسه من الارهاب حتى تجسس علينه ... دخلت للغرفه شفتها كاعده تبجي اباوعلها مره مبين عمرها بنهايه العشرين او بدايه الثلاثين ... شكلها حلو بس مبينه مو راحه
فرح : بدموع منو انتو
غانم : هذا السؤال المفروض اني اوجهه الج انتي الي منو ... كعدت احجيلي كلشي عنج بالتفصيل وديربالج تجذبين
فرح : اني اسمي فرح عمري تسعه وعشرين سنه من محافظه (....) ربه بيت والله ما مسويه شي سيدي
غانم : انتي مزوجه
فرح : اي وعندي ولد
غانم : لعد اذا مزوجه وعدج جهال شجابج على الملاهي وشعندج ويه الضابط فهد سالم او بالاصح شتردين منه
فرح : فتحت عيوني انت تعرف فهد
غانم : انتي هنا تجاوبين مو تسألين مفهووووم
فرح : بدموع الله يخليك كلي ليش خليتهم يجيبوني لهنا
غانم : اذا تحجين بصراحه اطلعج منا وهذا وعد اما اذا لا فصدكيني اذبج بتهمه اربعه ارهاب وترحين بيها اعدام وخاف عبالج اذا جذبتي ماراح اعرف والله اذا عرفت بيج مجذبه ولو بحرف لو مو تطلعين من بغداد اجيبج اجيبج
فرح : انت شتريد بالضبط واني والله احجي الصدك
غانم : انتي تابعه لعصابه معينه او منظمه ارهابيه
او اي منظمه اخرى واجيتي لهنا تتحرين عن الضباط
فرح : لا والله ما تابعه لاي جهه ولا اعرف اي احد صدكني انتو مشتبهين والله اني مو عصابجيه ولا ارهابيه
غانم : لعد شعندج ويه الضابط فهد سالم وليش اجيتي سألتي عليه بالذات بالمركز ورحتي للملهى اليكعد بي هم
فرح : بدموع فهد يصير زوجي وجنت جاي ادور عليه والله ماعندي غير غرض لا عصابه ولا ارهاب ولاشي
غانم : زوجج؟ ..دكلي تبن بابا فهد مزوج شجابه عليج وبعدين انتي مو كلتي مزوجه شلون فهد زوجج
فرح : اني مطلقه مو مزوجه وبالنسبه لفهد ادري بي متزوج بس هو جان متزوجني متعه وعافني من عرس واني ماردته يطلكني كمت ادور عليه اريده مو بأيدي
غانم : معقوله فهد يسويها ويتزوج متعه ... باوعتلها هسه اخابره واتأكد
فرح : بخوف لالا لا ابوس ايدك والله اذا عرف اني هنا وحجيتلك يذبحني والله بجيت احلفك بأعز ماعندك لتكله
غانم : هاي الدموع متمشي عليه روحي على واحد زوج مشيهن براسه مو واحد صارله فوك العشرين سنه بهالمهنه ... خابرت فهد حتى اتأكد اباوعلها كاعده وترجف هاي لو جذابه لو صدك خايفه من فهد ... جاوبني الووو شلونك ياسبع
فهد : هله بيك شفت التسجيل
غانم : اي عاشت ايدك شفته وحولته للمسوؤل بس لسه مارد عليه ... المهم عوفك من هالموضوع محلول بأذن الله تعال كلي انت جنت تزوج متعه
فهد : بحده وشنو لزومه هالسؤال ما اعتقد حياتي الخاصه تفيدك بشي حتى تسألني هالسؤال
غانم : على كيفك لتصير عصبي مو القصد اتدخل بحياتك بس اكو وحده اجت سألت عليك وخفت لا تطلع تشتغل بعصابه بشي فخليت الشباب يجيبوها ومن حاجيتها كالت اني مرته واجيت ادور عليه
فهد : اني عندي مره وحده وذيج وياها مزروعه بالبيت واكسر رجلها لو توصل للمركز اما علاقاتي السابقه فلا وحده تعرف مكان شغلي او بيتي فما اعتقد هاي الاجت كلامها صح تأكد منها تلكاها وحده مدسوسه
غانم : لحظه انت المزوجهن جم وحده
فهد : ميخصك
غانم : لا اله الا الله انت مزوج وحده اسمها فرح سمره وطويله
فهد : غمضت عيوني لتكلي هاي الجبتها فرح
غانم : اي نعم
فهد : حاولت احافظ على اعصابي شتريد مني
غانم : يعني صحيح مرتك
فهد : اني ماعنديييي غير مره وحده لتكول مرتك
غانم : خلص عمي خلص هاهي جنت تعرفها مو مرتك
فهد : اي
غانم : خلص روح بعدين اخابرك
فهد : تعال كلي شراح تسوي
غانم : الك الصافي ماعليك يله روح ... باوعتلها سديته شتردين انتي هسه
فرح : كلشي مااريد بس خلي اشوف فهد الله يخليك ابوس ايدك
غانم : بابا الرجال تزوج شتردين منه وهاي كدامج سمعتي شلون صار عصبي من سمع بيج جايه لهنا
فرح : ما عليه اريده
غانم : شوفي ولج عدج منا لباجر اذا شفتج ببغداد امحيج والله ترجعين لمحافظتج و وجهج بعد ما اشوفه ونصيحه سمعي كلامي وفلتي بجلدج تره اذا لكاج فهد اقري الفاتحه على روحج فياا حبابه اخذي جوالاتج وطفي بجلدج احسن الج انتي
فرح : زين اني مستعده اتزوجك مؤقت بس وصلني لفهد
غانم : استغفر الله لج حيوانه اني رجال بكد ابوج متستحين على روحج تعرضين روحج على رجال اكبر منج بعمرين
فرح : بس وصلني اله الله يخليك واني مستعده كلشي اسوي
غانم : الواضح انتي كاتله روحج على فهد لسببين يا اما لفلوسه او لخبرته واعتقد المثلج يكيفين على الاثنين فكومي طلعي بره لا اجيب عليج هسه الضباط خوش يشتغلوج
فرح : لالا حباب والله اروح بس لتخلي احد يدنالي
غانم : واذا رجعتي وره فهد
فرح : بدموع والله خلص بعد مالي علاقه بي بس عوفني اروح والله حتى بغداد راح اطلع منها وهسه اروح بس خليني اروح اني جنت رايده فهد والله لان احبه بس خلص اذا حبه يأذيني اني انسحب حباب خليني اروح عود اذا شفت وجهي بعد سوي الي تريده
غانم : يله امشييي ولييي والله اذا اشوفج يم المركز بعد اخليييج سبيل يستخدمه الرايح والجاي ييييييله روحي اباوعلها طلعت بسرعه بس لو الله يخلصنه من هالسالفه زواج مؤقت وهالسوالف المكسره محد دمر المجتمع غير تفكير الزلم بشهواتهم القذره عمي المره اذا مو حلالي ومتأكد منها شريفه وطاهره يفلا اتدنالها بس صدك لا كالو فرخ البط عوام ولو سالم ماجان يزوج متعه مدري عليمن طالع هالولد متعرفه زين لو شين اني الماحيرني شي حيرني ابن سالم اوف منك فهيدان اوف
___________________________
غنى : مرن الايام بسرعه وباجر العيد اسلتمت الغرفه تنظيف رغم لاكيت صعوبه بس ميخالف لازم انظفها واكفه اطلع الملابس وارتبهن كملت تنظيف الغرفه وبالي يم خاله صارلها ايام شحالها نتوسل بيها تروح للمستشفى متقبل حتى علي طاحت وصله من لسانه وهو يقنعها وهم ماقبلت تروح وحذرتنه نجيب طاري لفهد المشكله هي منتظمه بعلاجها اول بأول بس ليش دتخربط هيج ومالها خلك محد يعرف ... تنهدت مطلعه ملابس فهد خليتهن على الجربايه رتبتهن من جديد اخذت الجواريب اريد اخليهن بالجراره وين خانه جواريبه فتحت جرارته الاخيره وسديتها لحظه شنو هذا رجعت فتحته اباوع
كلبشات ، معصم مال عين ، كتر مال شعر ،الك حال الضباط المثلك احسن الك انت
فهد : بعصبيه وانت ما خفت من الله تتبلى عليه
صباح : والله محد كلك تمشي حجايتك عليه هذا مصير اليتحدى الاعلى منه
فهد : خزرته وكمت بسيطه بطن عيني لزمت شاربي اذا ما خليتك تتندم على عدد شعر راسك لان اندكيت بيه هذا شاربي ازينه واطلع عار من الزلم .... عفته وطلعت راجع لمكاني
عمر : شصار
ايمن : شبيك ساكت شو لا سمعنه تكسير ولا صياح توقعتك تذبحه
فهد : مديت ايدي بجيبي مطلع موبايلي سديت التسجيل وحفظته ... ضغطت مشغله
مهيمن : خرب يومك والعباس انت داهيه
فهد : ابتسمت عباله راح ادخل اتناقش وياا واطلب السماح منه والله لخلي يعض اصابعه ندم ... حولت التسجيل لغانم والمسوؤل مالتنه
عمر : اريد اشوف شراح يصير بي من يدري بسوايتك
فهد : يطبه طوب هو يستحك... براسي ومسوي روحه فطن كو... ميدري اذا اخلي براسي ازوعه حليب امه وبالتالي هذا مصير الي يحط راسه براسي للاسف هو نسه اني منو وابن منو
مهيمن : يا شباب تره صيام فهد واصل
عمر : اي من شي.... الخلفني
ايمن : احلف عليكم فهد صيامه كله ما مقبول اذا هو رمضان كله مكضي مفشر على فلان غالط على علان وتالي يروح يقره قران لا فلحنه
فهد : بهدوء تسكتون لو اغرد عليكم هسه
مهيمن : دخيلك ابويه استلك من شتايمك لا وجماله امي تمدح بيك من الصبح لليل تكول شلون حباب صديقك شنو ادب شنو اخلاق شنو شخصيه متدري بيك من تصير عصبي تطلعها مو شريفه
فهد : ابتسمت والله هي امك حبابه بس غلطها الوحيد راحت جابت واحد عار مثلك فتستاهل
مهيمن : انعم الله عليك
فهد : حبيبي بالخدمه اني ... كمت يله اني اروح انام من الصبح كاعد اشتغل طبيت لغرفتي بدلت ملابسي وتمددت حتى انام بعد ساعتين تلاثه تخابرني سماحه العلويه غنى تذكرني بالصلاه والقران .... تنهدت شتاقيتلها الملعونه
________________________
ام جعغر : هاا شبيج مطنكره
نرجس : ضايجه
ام جعفر : مو البارحه اخذتج ورحت للسوك
نرجس : ما اريد اطلع
ام جعفر : لعد شتردين
نرجس : اريد اروح للصالون اصبغ شعري اريد اغير
ام جعفر : تأدبي لج شنو تصبغين شعرج شنو معرسه انتي
نرجس : شعلي العرس يعني اذا اريد اغير شكلي يعني اريد اعرس
ام جعفر : اي كعدي وانجبي اني ما صبغت لحد ما تزوجت ابوج شلون جيل هيلك هذا
نرجس : استغفر الله زين خلي اسافر
ام جعفر : عرسي ورجلج ياخذج
نرجس : يبووووووووو
ام جعفر : قزرقط يبو على عمر العدو ليش تولولين
نرجس : اكلها اريد اصبغ تكلي تردين تعرسين اكلها اريد اسافر تكلي خلي رجلج ياخذج شنو انتو شنو كلما كلت شغله كلتو من تزوجين عمي زوجوني اني اريييد اتزوج
ام جعفر : جريت اذنها مو عيب تكولين اريد اعرس صدك ادبسز انتي
نرجس : بله مو عيب بنيه شكبرني شكدني جني هايشه تجريني من اذاني
ام جعفر : واطيح حظج دبسز
نرجس : روحي يا يمه بجاه هذا رمضان كون ابويه يعرس عليج وياخذ نسوان ثنين ويحرك كلبج مثل ما حركتي كلبي
ام جعفر : لطمت على صدري ولج تدعين ابوج يعرس عليه تعاي اليوم اذا ما امسح البيت براسج ما اتسمى بأسمي
نرجس : صعدت ركض وكالعاده اجاني النعال من حيث لا احتسب اااخ .... سديت الباب بسرعه لازمه كلبي همزين ما لزمتني ... صارت عيني على موبايلي اخذت داكه على حظي
علي : هاي الشمس منين طالعه واجتي خابرتني
نرجس : طالعه من الحمام يعني منين طالعه محبوسه بالبيت
علي : خير شبيج
نرجس : اريد اصبغ شعري
علي : بأستغراب اي واني شعليه
نرجس : شنووو شعليك امي متقبل اصبغ شعري اله اتزوج
علي : هاا هيج السالفه اكول ليش مطنكره واني عبالي مشتاقتلي
نرجس : فريت خصله من شعري لا شتاقيتلك بس هم اريد اصبغ شعري
علي : ههه عمي ماشي من اخطبج اخذج لاحسن صالون وصبغي شعرج اللون اليعجبج عسما اخضر هم ميخالف
نرجس : و وره عرسنه اريد اسافر
علي : صار من عيوني وين تردين نروح بشهر العسل اني حاضر اهم شي يمي واشبع منج
نرجس : عيب هالحجي شنو شهر عسل شنو تشبع مني الزم الفاظك رجاءاً اني بت عالم
علي : ضحكت كلنه ولد عالم ... اي ما كتيلي وين تردين
نرجس : اريد نروح لايطاليا
علي : شنو مو جنج رحتي زايد شوفي حبيبتي عندج تلث خيارات لو ايران لو تركيا لو شمال العراق غيرهن ماكو وياريت لو تختارين الاقتراح رقم تلاثه حتى توفرين عليه
نرجس : ليش يمه فلوسك قليله
علي : ما احب المصاريف الزايده
نرجس : اني ليش احسك بخيل
علي : مو بخيل بس هاي طباعنه حريصين
نرجس : منو همه الحريصين
علي : اني واخواني
نرجس : لتجذب لو اخوك حريص ما صاعد جكساره اخر موديل
علي : قصدج فهد ؟
نرجس : اي
علي : اي فهد ومنذر صرافين ميهتمون للفلوس ماحارمين نفسهم من شي يطبقون مقوله اصرف مافي الجيب يأتيك مافي الغيب عكسي اني وفيصل عدنه نوع من الحرص وخاصه اني ما احب اصرف فلوسي على اشياء مالها داعي عليمن اصرف ملايين على سياره والله حلوه وموديل السنه شله داعي اهم شي سياره تاخذني و
لفت نظري حزام اسود محفور داير مدايره اسم فهد مزغرف شنو هذني وشيسوي بيهن فتحت الجراره كلها اباوع للغراض الوكعن صفنت سجاجين صغيره باشكال غريبه ، وكلبش صغير محفور عليه اسم فهد مثل الحزام ، تيب ... واشياء ثانيه ما اعرف اصلا شنو هنه ... للحظه حسيت هالاشياء مال مجرمين بلعت ريكي يمه شنو هذني فتحت باقي الجرارات ماكو شي رجعت اباوعلهن واحد واحد اريد اعرف هذني شنو وبشنو نستفاد منهن مالكيت جواب رجعت كولشي لمكانه وكملت الملابس والف سؤال يدور ببالي ... كملت كولشي ودخلت للحمام
___________________________
فهد : كاعدين ودخل المسوؤل العاقبني علينه
الكل ماعدى فهد : وعليكم السلام
المسوؤل : شلونهم الشباب
الولد : الحمدلله سيدي
المسوؤل : شلونك ضابط فهد
فهد : بخير
صباح : هاا شلونك سيدي اهلا وسهلا بيك نورت
المسوؤل : ضابط فهد تعال وانت صباح تعال اريدكم بمكتبك هسه
صباح : حاضر سيدي
فهد : كمت متملل رحت وراهم دخلت للمكتب كعدت كبال صباح وبده المسوؤل يحجي
المسوؤل : قبل ما ادخل بالموضوع خلي نرجع شويه لوره اذا تذكرون بشغلنه اول شي تعلمنا انو تكون عدنه مبادئ نمشي عليها بكل خطوه نخطيها وحتى نكدر نسيطر لازم يكون كلامنه وافعالنه صادقه وحقيقيه بكل معانيها صح لو لا
صباح : اي طبعا سيدي احنه عدنه مبادئ منتخطاها ابد
المسوؤل : لعد شتفسر هالتصرف يا صباح شغلت التسجيل
فهد : اباوع لصباح كام يبلعم و وجهه صار اصفر ابتسمت عبالك افوتها الك لا والف لا اتبعت الصمت وضليت استمع لهالحوار الشيق هذا
صباح : سي سيدي هذا التسجيل مفبرك وهذا مو اني الي جاي يحجي ويه فهد مو اني
المسوؤل : ليش منو كال هذا انت اني حتى ماذكرت انو المذكور هنا هو الضابط فهد انت حجيت من ذاتك
صباح : بارتباك لان اعرف فهد الي مزور التسجيل ودزه الك حتى يطلع نفسه مو غلطان
المسوؤل : بس التسجيل عرضته على اخصائيين وهاي صارلي فوك الاسبوع منتظر واليوم الظهر وصل وهاي اني اجيت لهنا بعد ما كلولي التسجيل صحيح ومابي كل فبكره
صباح : هاا
المسوؤل : ليش تلبكت ... احنه بشغلنه نتعامل بالقانون والي يخالف المبادئ والقانون شيصير بي يا سيادة الضابط فهد
فهد : ابتسمت بجانبيه يتعاقب
المسوؤل : عفيه عليك ... ونظراً لتخلي المقدم صباح عن مبادئه وعدم التزامه بالقوانين والتزوير بدافع اذيه الضباط الي وياا راح يتعاقب اضافه للاعتذاري الشديد للضابط فهد على التصرف المتسرع الي صدر مني بدون قصد
فهد : عفواً منك اعتذارك مامقبول انت مافكرت ولو مجرد تفكير تتواصل ويايه تفهم مني اضافه انو انت لو مصدر قرار بنقلي لغير مكان او تحويلي بكتاب لوزارة الداخليه جان فوك النقل ينسحب الراتب مني لاشهر مامعروف عددها الماده متهمني بس بتصرفك هذا بينتني انسان غير مسوؤل و واعي واني الكل يعرفني شكد ملتزم واحب شغلي وانت اول الناس الجانو يمدحون بيه
المسوؤل : حقك على راسي من فوك ما انكر كتلك اني غلطان وهذا راسك ابوسه بس الاهم هسه نرجع للمقدم صباح اي صباح ماعندك شي تكوله
صباح : التسجيل...
المسؤول : مو كتلك مو مفبرك لتحاول تتهرب
صباح : لارد
المسوؤل : ماعندك شي تحجي مو ؟ ... احجي سمعني صوتك
صباح : لا سيدي
المسوؤل : لعد اسمع نظرا لسلوكك الغير اخلاقي والمتعمد لاذيه الضابط فهد صدر قرار تجاهك والي ينص على نقلك من مسوؤل قوات بالموصل الى مسوؤل بمركز (.....) بذي قار اضافه لقطع حوالي 500 دولار مو راتبك
صباح : صدك تحجي سيدي شلون تنقلوني للناصريه لا وتقطعون راتبييي شنو من بشررر انتو
فهد : لعد الناس الي وياك حيوانات مو بشر مافكرت الي سببتلهم مشاكل وخليت الحكومه تكطع من رواتهم ذاك المبلغ شراح يسوون واني جاي احجي بصوره عامه لان ما اعتقد اني اول واحد تسوي هالسوايه وياا
المسوؤل : كلامك عين العقل وماكو داعي لهالمناقشه اجه كتاب وخلصت السالفه وبالنسبه للضابط فهد فاني اعتذر المبلغ الي انأخذ منك ماراح يسترد تعرف انت الفلس اذا طب بجيب الحكومه ميطلع بعد
فهد : ماكو داعي يرجعوهن اعتبر جلب وكلاهن عن اذنك ... انعل ابوكم لابو حتى الحكومه كوا... حراميه محد دمر البلد غيركم
____________________________
علي : لج ورده مو هيج وانتي انغام زيدي التمر لتخلين شويه حبابه شنو كليجه لو بسكت
ايمان : بتعب ولك علي فك ياخه تره مالنه خلكك امشي اطلع بره
علي : دباوعن مرت فهد تترسها تمر دعوووفن الحلقوم والسمم سون بس تمر
غنى : ابتسمت يمه علي صرع راسنه من بدينه لسه مكابلنه وكاعد
ايمان : الله يساعد كلبج يالبالي على ما ابتلاج
علي : هاا شو كمنه نبسمر
غنى : حسيتها رادت تجاوبه بس اختنكت خاله شبيج
ايمان : اخذت نفس مابيه شي حبيبتي
علي : يمه لخاطر محمد كومي للمستشفى الله يخليج ماصارت هاي كل ساعه واكعه
ايمان : هسه اني واكعه كلشي مابيه مثل الورد ... كمت غسلت وجهي ما اريد اقلقهم همه منا ملتهين بسالفه المعمل مو جماله عليهم اني الواحد يحجي الصدك اني حيل تعبانه الليل كله ما اكدر انامه كلياتي يونن عليه ونفسي ضيق ساعات ما اكدر اتنفس لدرجه يغمى عليه من وره صلاه الفجر للصبح ياله اكعد بس مصبره روحي واكول حاله نفسيه لا اريد دكتور ولاشي تنهدت طالعه
اروى : شلون صرتي يمه
ايمان : الف الحمدلله يله بنات خلي نكمل الكليجه بعد ورانه الشوي وهاي الشغله تكسر الظهر احنه والفجر اذا خلصنه
ورده : باجر نروح لبيت جدي
ايمان : ما اعتقد عمامج ملتهين بالمعمل مو مال يطلعون ويجتمعون بأحد
علي : خابرت الولد كالو باجر كلهم هناك لتخافين سالفه المعمل مأثره على عمامي ومأذيتهم بس مو لدرجه يعتكفون على نفسهم
ورده : ييييس همزين اشتريت ملابس عيد لعد والله فديتج غنى فكره التوصيه فادتني
غنى : كتلج وصي ولا تضلين بدون ملابس
آلاء : شو ما شفتج اشتريتي ملابس
غنى : عندي كومه ملابس بالكنتور ملابستهن عود البس منهن
ساره : عدها كومه ملابس ومتقبل تنطي وحده نحسه
غنى : تنهدت استغفر الله كملنه الكليجه و وكفت اني وانغام نشويها وكل شويه جايين الولد يسألون ستوت لو لا جزعونه
انغام : كافيييي منذر شلعت كلبي هاي سابع مره تطب للمطبخ بعدها ما خلصت
منذر : طلعتن وجبه كامله ليش متنطنه
انغام : حاره تجوي خلي تبرد وانطيكم شبيكم
منذر : استغفر الله يعني راح تذلونه غنى انتي حبابه انطينه ماعون نكرز بي اني وعلي
غنى : خطيه انطيهم
انغام : روح زين واخذ سالم زينله وياك وتعال اخذ
منذر : بعد وكت مو هسه
انغام : هسه بالوحده بالليل يله الله يخليك روح وهاا سالم زينله زيان جديد كتغيير يعني
منذر : صار وينك سالم ابن المشعول وين خاتل تعال نزين راح اخذه ونطلع اني والولد نتأخر بالرجعه
انغام : براحتكم عيوني
غنى : خطيه لو مطيتهم
انغام : ولج سكتي لو منطيته الكليجه مياخذ سالم ويروح يزين اعرف سوالفه
غنى : والله عدج سوالف ضلينه واكفين على الفرن لتلاثه ياله كملنه كولشي خلينه الكليجه بحافظات تقديم وانغام كل عقلها خلتهن جوه جربايه خالتي حتى ميلكوهن الولد ... يله محتاجه شي بعد
انغام : لا حبيبتي بس لحظه شو ماشفتج رحتي للصالون ولا حتى حفيتي ليش
غنى : راح عن بالي واصلا اني وجهي مبي شعر
انغام : ميخالف حتى لو مابي من تحفين يطلع وجهج تعاي اني احفلج
غنى : تعرفين
انغام : طبعا يله امشينه نصعد لغرفتج حتى ترتاحين اكثر ليجي منذر يجفت علينه
غنى : صعدنه لغرفتي وهي الله يخليها ساعدتني اصعد دخلنه لغرفتي
انغام : اللهم صلِ على محمد
غنى : شنو
انغام : ابتسمت هاي امي بعد كلبي معلمتنه اي مكان جديد ندخله نصلي على النبي حتى منضرب صحابه عين
غنى : ابتسمت عليه افضل الصلاه والسلام .. الله يحفظها الج .. اجيبلج خيط
انغام : ويحفظ احبابج حبيبتي ...اي اكيد لعد احفلج بأصبعي
غنى : جبتلها خيط واجيت
انغام : نزعي حجابج وشيلي شعرج
غنى : فتحت حجابي لفيت شعري لفوك
انغام : شعرج يخبل هاي اول مره اشوف بنيه هيج شعرها طويل بالحقيقه ماشاءالله
غنى : حبيبتي من ذوقج
انغام : يله تقربي خلي احفلج
غنى : بدت تحفلي بس شنو متت احس وجهي صار نار ويحركني اخ ولج استعجلي خلصيني
انغام : لازم احف ببطئ حتى ميطلع الشعر بسرعه اذا بسرعه يتحسس وجهج وهم يطلع بسرعه حواجبج اغير شكلهن
غنى : لالا لتغيرين بيهن شي بس نظفيهن
انغام : ماشي
غنى : كملت وره نص ساعه لزمت وجهي يمه راحت روحي
انغام : طلع وجهج والله صار زبد
غنى : عاشت ايدج
انغام : تدللين حبيبتي مسويه جسمج لو اسوي اني اذا متكدرين
غنى : لا شكراً جسمي مسويته قبل شهر ونص ولحد الان مطلع شي شوفي
انغام : هاي ليش اني اسبوعين ويبلش يطلع
غنى : كتلج اني مو مشعره واذا يطلع كولش خفيف ميبين
انغام : والله نيالج اني مكابله جسمي وكاعده كل يوم سالفه شكل لمن جزعت روحي ورحت سويت ليزر يربج الجهال يشلعون الكلب وماعندي وكت تالي هاي اني من جبت رفل كام يطلع مره ثانيه لان تشطت هرموناتي بت الزفره خربت كل الشغل
غنى : ههه خليها سالمه
انغام : اي والله يله حبيبتي اعوفج هسه الكه منذر منتظرني يريد عيديه
غنى : شلون يعني
انغام : من يوصل فهد تعرفين شنو عيديه الازواج يله حبي تصبحين على خير
غنى : ابتسمت اجمعين سديت الباب وراها واخذت الموبايل داكه على فهد .. الوو حبيبي
فهد : هااا حبيبي
غنى : طلعت لو بعدك
فهد : اي طلعت ان شاءالله الفجر اني بالبيت
غنى : ان شاء الله حبيبي ديربالك من الطريق
فهد : صار تردين شي حبيبتي
غنى : سلامتك حبيبي باي
فهد : باي
غنى : رحت بسرعه رتبت الفرشه وحضرتله ملابس نظيفه اخذت تراك لونه رصاصي ودخلن للحمام سبحت سبحة العيد وطلعت نشفت شعري وطبعا بصعوبه اخذت حمره لونها احمر ولاول مره امد ايدي على مكياجي خليت مسكاره همزين ايدي الاستخدمها دائما سليمه جان هسه حال الضيم حالي رشيت من عطري وكمت كعدت بالصاله منتظره فهد يجي للتلاثه ونص اذن الاذان وفهد ماكو كمت مسحت الحمره ودخلت توضيت وطلعت اباوع بقه اثر من الحمره خليت عليها مرطب صار لونها احلى لبست الجادر وكفت صليت وكعدت اقره قران واخيرا ختمت القران الف الحمدلله بديت بأذان فجر اول يوم برمضان ونهيته بأول يوم العيد ... سمعت الباب ينفتح عرفت حبيبي وصل

فهد : دخلت للغرفه شفتها كاعده ولابسه جادرها وقرائنها بأيدها كالعاده يمكن اذا اكول هالمنظر يأثر بيه اكثر من ملابس النوم والركص محد يصدكني ... هاا شو لسه كاعده
غنى : كمت بسرعه نزعت جادري ومشيت اله بابتسامه الله يساعدك جنت منتظرتك
فهد : اباوعلها شهالجمال هذا جريتها حضنتها بهدوء ويساعدج ياروحي اوف شكد شتاقتيلج
غنى : حضنته اني اكثر
فهد : ابتعدت مباوعلها طالعه حلوه
غنى : صدوك
فهد : لعد اجذب عليج
غنى : باوعتله مزين وطالع يجنن ... هاي شوكت زينت
فهد : بالطريق شفت حلاقي مفتح نزلت حلقت عنده واجيت متشوفيني تأخرت
غنى : حلو
فهد : نزلت اديه محاوط خصرها مقربها عليه عجبج
غنى : هزيت راسي
فهد : اباوعلها الشفه تلمع مدري شخالتلها ... دنكت عليها بله وشيعجبج بعد
غنى : بهمس كولشي
فهد : بست ركبتها كلشي كلشي
غنى : اي
فهد : زين سؤال بعد ماكو صيام مو
غنى : لا
فهد : يعني يصير كلشي اسوي مو
غنى : مثل شنو يعني
فهد : مثلا هاي اخذت شفايفها بين شفايفي رفعتها حتى تصير اقرب عليه وحاوطتها افييش الله كعدت وخليتها بحضني وشفايفي على شفايفها لزمت وجها مرتوي من رحيق شفايفها يلعن ابو الدوام لابو المسوؤلين البعدوني اسبوع عن هالشفه ابتعدت مباوع لوجها انتي ليش تخنسين من ابوسج
غنى : فتحت عيوني هاا
فهد : هو هذا الانتي فالحه بي هاا هاا هاا وجعا
غنى : حضنته دافنه راسي بركبته مااكدر اشرحله شكد هو مأثر بيه
فهد : ابتسمت محاوطها هاا حبيبي وين سافرتي
غنى : بخجل يمك
فهد : بست ركبتها وكمت شايلها
غنى : وين
فهد : نسبح سوه شنو رأيج
غنى : لا مو لهالدرجه فهد نزلني
فهد : تره بعد يومين راح نسوي شي انكس من السبح سوه على العموم الشغله وراج وراج خليتها على الجربايه وبست خدها ملابسي وين
غنى : هياتهن
فهد : انتظريني مو تنامين دخلت سبحت وطلعت بدلت وصليت صلاة الفجر تدرين شراح اسوي هسه
غنى : شراح تسوي
فهد : اشرب ماي بعناد المؤذن
غنى : هههه شعليه المؤذن
فهد : شكنه شك طول رمضان كوه يأذن وهاا اني بستج وما حجه هذا الخبيث وكال لا اشرب الماء هنياً يا هنياً وانت صحت جنك جهاز مكافحه
غنى : ضحكت رغم هو يستهزء ويقلد بس ابد ميضحك يضل محافظ على ملامحه بحيث اني افقد من الضحك عليه
فهد : اباوعلها شلون تضحك ابتسمت اجيت تمددت ونيمتها على صدري تدرين مستعد ادفع عمري كله بس في سبيل اشوفج انتي وامي وخواتي دائما هيج مرتاحات
غنى : اخذت ايدها بستها اسم الله عليك ربي يجعلك خيمه على راسنه طول العمر
فهد : طول العمر ؟ ومتملين
غنى : حضنت خصره وباوعتله لو امل من الدنيا كلها منك ما امل
فهد : بست شفايفها من اكول عليج نعمه هم واحد يكلي ليش وخلي يجي واحد يلومني لان احبج
غنى : اني هم احبك
فهد : ابتسمت وحضنتها ونمت
************
يتبع
- يتبع الفصل التالي اضغط على (ذنوب على قيد الغفران) اسم الرواية