رواية سر بين السطور الفصل الخمسون 50 - بقلم ريو الطائي

 

 

................... 

‏بيمن قصرت وانذكر بـ المُوزين

واني الگلت هَاكم ما گلت بعدِين

نشرته بدون مراجعه أي غلط غلسو 😂

............... 

نيران.... 

ملاك: الأكبر راح يتزوج ليلى

غمضت عيوني وأخذت نفس عميق وگلت بهدوء

نيران: أدري شنو الجديد

فتحت حلكها على وسعه وصاحت

ملاك: وانتي عاااادي عندج ولج جاي يحچي هوه وماجد حتى يجهزون للعقد باچر

رجعت بهدوء كعدت خليت رجل على رجل وگلت

نيران: أممم حلو وين إلياس

بقت تباوعلي بستغراب مصدومة من برودي هيه ما تعرف شنو يدور براسي

ملاك: موجود جوه تردين أطلعه إلج 

هزيت راسي بـ "أي" وهي راحت تركض نزلت تجيبه وهي فرحانة لأن عبالها تقبلته

كمت من مكاني ودخلت للغرفة لشوكت أبقى هيچ كاعدة وساكتة مستحيل بعد الجاي يصير  أبقى لازم أجبر نفسي علي لحد ما أتقبله وأشوفلي حل لهذا الموضوع مو معقولة أبقى طول عمري وأني ما أطيقه صحيح من أني وصغيرة ما أحب الأطفال بس ما أريده يعيش نفس العيشة اللي عشتها ولا أخلي يتعذب

أخذت نفس طويل وزفرته انفتح الباب ودخلت ملاك وهي شايلته وتبوس بي نطّتني ياه وكالت

ملاك: إذا احتاجيتي شي كوليلي

نيران: ماشي شكراً ملاك دا أتعبج هواي 

ابتسمت وهزت راسها بـ "لا" وكالت

ملاك: بالعكس نيران والله حيل فرحانة بيه وأحسه ابني

نيران: ملاك عتبري إلياس أبنج لان أنت جاي تهتمين بي مو أني

ملاك: يروحي أنتي 

ابتسمت إلها وهي نزلت جوه خليته على الجرباية وبقيت أباوعله جان حيل حلو وابيض وملاك ملبسته تراك أزرك وعيونه زركه وشعره أسود ومثل الحرير

عضيت شفتي السفليه ولزمت ايده تقربت منه وحاولت أبوسه، بس ماگدرت چانت مشاعري متضاربة عقلي يرفضه 

    

                

حسيت أكو شخص جاي يسحبني عنه

ابتعدت بسرعة من شفت الباب نفتح

درت وجهي شفته الأكبر واكف يباوعلي وعيونه متوسعة من الصدمة

كال بصوت متفاجئ

::  شنو جاي تسوين

نيران: جاي ألعب تلعب وياي

خزرني وبدون ما يحچي أكثر مشى نحوي أخذ إلياس من حضني وشاله وكال بصوت جدي وهو يباوع بعينيّ

::  منج من الشيطان مخليه إلياس يمج 

خزرته وكلت

نيران: ابني وين المشكلة إذا لعبته؟

رفع تك حاجب وكال

:: خير إن شاء الله شنو يدور ببالچ نيران

كلبت عيوني وكلت

نيران: ماكو شي سلامتك أبو إلياس

ابتسم نص خد وتركني وأخذ إلياس وراح للصالة

أخذت نفس طويل وكلت بيني وبين نفسي

:– لازم هذا اليوم أخلي مطبوع بعقله

رحت للحمّام سبحت وسويت جسمي ووجهي كملت ولبست روب الحمام جان قصير فوك الركبة شديته وطلعت

باوعت على الساعة جانت 4 العصر حيل شكد متأخرة

كعدت أمشط بشعري كصيت كُثلة وعدلتها وصبغت أظافر رجليّ وإيديّ

كمت من مكاني أشوف وين الأكبر رحت للصالة شفته ماكو لا هو ولا إلياس أكيد جوه لو بالحديقة رجعت للغرفة وطلعت شورت لونه أسود وبلوزة لونها أبيض 

لبستهن

باوعت على المكياج ما عرفت شأخلي زفرت نفس بضوجه وأخذت بس حمرة وخليته طلع شكلي كلش حلو مع إن ما مخليّة مكياج

رحت للكنتور وطلعت جنطة مال ظهر خليت بيها شكم لبسة وجنسيتي وفلوس باوعت على ملابس إلياس بلعت ريگي وخليت له شكم لبسة سديت الجنطة وضميتها بالغرفة الثانية وسديت الباب

كلبي جان يدگ بقوة متوترة وخايفة بس ما أتحمل أبقى أكثر  من هيج وياه الأكبر  حنى نختلف عن بعض ومستحيل نكدر نستمر  سوى سمعت صوت سيارة

فتحت الشباك وباوعت منه شفت سيارة جبيرة واكفة يم الباب وجاي ينزلون منها غراض عرفته كوشة العقد

حسيت سجين دخل بكلبي ليش هيچ مستعجل

باجر العقد، مو اليوم؟

هيچ مستعجل يتزوجها؟ عضّيت شفتي السفلية وضغطت على إيدي بقوة نبتت أظافري بيها 

        

          

                

سديت الشباك وكعدت أفكر بكلشي راح يصير وراح أسوي

حلفت له خلي يبچي دم على كلشي سواه بيه بسيطة عباله نيران سهلة نيران تحرك كلشي حواليها وماتحترك

رحت للمطبخ سويت أكل وكعدت آكل لأن جنت حيل جوعانة

بالليل نفتح الباب ودخل الأكبر وهو شايل إلياس

وآني جنت كاعدة بالصالة أباوع على التلفزيون ومخليّة رجل على رجل

درت وجهي وباوعت له شفته واكف ويباوعلي

گال بهدوء وهو يبلع ريگه

:: إلياس نام تعالي خذي خلي مكانه

ابتسمت بوجهه وكمت من مكاني وأخذته منه وكلت

نيران: سوده عليه نام بدون لا يرضع 

رفعت عيوني له شفته صافن بيه  باوعتله بنظرات بريئة ولطيفة وتركته ورحت للغرفة

خليت إلياس بمكانه ورحت بسرعة للحمّام غسلت إيديّه بماي بارد لأن حسّيتهم حتركن

بقيت إيدي شوية جوه الماي لحد ما خف الألم وطلعت

شفته كاعد على مكتبه نازع القميص مالته

ومرجع نفسه على الكرسي ويشرب جكاير

تقربت منه بهدوء وسندت نفسي على المكتب وگلت

نيران: شفت جابو كوشة العقد مالتكم مبروك

رفع راسه وصارت عيوني بعيونه زفر نفس من الجكارة وكال

:: خلي المباركة الباجر ورا ما نعقد أني وليلى أحسن

كلت بهدوء

نيران: عادي ماكو مشكلة بس حبيت أباركلك أول وحدة بما إني مرتك مو صح

رد بسخرية

:: إي عفية عليج خوش صاحبة واجب

نيران: شكراً حبيبي على مدحك إلي

كمت من مكاني فتحت إيده وكعدت على رچله

لفّيت إيدي على ركبته وعيوني بعيونه وكلت

نيران: بما إن الأيام الجاية راح تكون مشغول وياه زوجتك الجديدة أريد أخلص هاي الليلة وياك

بقى ساكت متفاجئ من كلامي ممصدگ إنّي جاي أحچي هيچ بسته من خده بهدوء وكلت

نيران: شبيك صخري ليش ساكت

سكت شوي وكال بهدوء

:: نيران شنو جاي يدور ببالج

        

          

                

ابتسمت ابتسامة خفيفة وگلت بنعومة

نيران: أممم ماكو شي غيرك شبيها إذا دلّلت زوجي غلط

كملت كلامي ومسحت عرق جبينه بهدوء بسته من شفته وهمست

نيران: تريد أركصلك؟

فتح عيونه وهو مصدوم ضحكت بدلع وكلت

نيران: شبيك حبيبي

كعد يباوعلي وهو مصدوم كال

:: شنو شبيه وخري نيران تخبلتي شنو هذا الحچي

ضحكت وهمست

نيران:لا حبي كلشي ما بيه بس عاجبني أركص لاتخاف ترى ركصي حلو راح يعجبك

:: أنجبي نيران

نيران:  أوف كوم وياي صخر

چان يريد يحچي كمت من حضنه ولزمت إيده وكلت

نيران: روح للصالة هسه أجي وراك

ماتحرك بس ظل يباوعلي بنظرات بيها شي غريب

حسيت أعرف بيه جاي أجذب وراح أسوي شي 

واني بعيوني أعطيت براءة مصطنعة ومسح على وجهه وهمس

:: نيران لاتلعبين بالنار محد راح يتأذى غيرچ

ضحكت بخفة وهمست

نيران: لاتخاف المتبلل ما يخاف من المطر

سكت، ما رد بس راح للصالة

واني رحت للكنتور طلعت فستان قصير لونه أحمر ضيك على جسم أخذته ودخلت الحمام لبسته طلعت طوخت حمرة وخليت عطر وأخذت نفس طويل وكلت

لازم أسوي هيچ

تنهدت وطلعت من الغرفة وسديت الباب بهدوء شفته كاعد على الكرويته بس أول ما طلعت دار وجهه إلي ابتسمت له بهدوء ومشيت بخطوات ناعمة

چان أكو ديجل صغير موجود أخذته وشغلته ما خليت الصوت عالي كلش حتى ما يزعج إلياس ربطته على الجهاز وشغلت أغنية لسارية السواس ورحت قريب منه أتمايل بجسمي بنعومة

صوت الأغنية بدا يهمس

طرف الهباري

أسمر يا سابي العين

حبوك جباري

القلب قبل العين

قربت أكثر وعيوني بعيونه:

بس اسمع مني

يلي اللي مجنني

اني المتعذب

وانت المتهمي

نظراته بديت تتغير وملامحه اتبدلت كأنو كلبه بدى يدك

بقيت تمايل بجسمي كدامه وحركاتي مدروسة بسبب التدريب اللي أخذته من جنت مخطوفة ضبطت الرقص بطريقة احترافية

        

          

                

كملت الأغنية وهو سحبني من إيدي إلَه وكعت علي باوعت بعيونه جنت ألهث من التعب بدون سابق إنذار تقرّب وأخذ شفايفي بين شفايفه  غمضت عيوني وخليت أيدي ورا راسة مبادلته بهدوء 

قطع البوسه ورا فتره وبدون ولا كلمة شالني ودخلنا للغرفة..

فتحت عيوني ورا فترة باوعت على الساعة جانت 2 بليل درت وجهي للأكبر شفته نايم جفي  على وجهه

عضّيت شفتي السفلى وخرت إيده بهدوء وكمت أمشي على طرف صوابعي

أخذت ملابس ورحت للحمّام البره سبحت بسرعة ولمّيت شعري شلون ما أجان ولبست حذائي ورجعت للغرفة

شفته نايم تقرّبت على إلياس وهو هم نايم بلعت ريگي ودموعي نزلت حتاريت شأسوي ما أمتقبلته شلون آخذه؟ وإذا أخذته راح أعرف أنتبه إلَه؟ يا ربي دليني على الطريق الصحيح

مسحت دموعي وشلّته على كيف حاولت أضمّه لصدري وأشم عطره لو مره وحده بس والله ما گدرت أحس روحي كارهته أكو شي جاي يسحبني عنه مجاي أگدر أقرّبه مني

رجعته لمكانه وجبرت نفسي وبسته من خدّه كُوّه شفت الجهاز مال الربو بصفّه عضّيت إيدي من الحركة اللي صارت بيّه دموعي تنزل خفت يكعد الأكبر 

مسحت دموعي وباوعت آخر نظرة على الأكبر والياس وطلعت من الغرفة واني مخليه كلبي وطفلي وراي 

رحت بسرعة أخذت الجنطة لبستها وأخذت جهازي وطلعت وكلبي نار نزلت جوه جان البيت ظلمة

رحت للصالة الكبيرة شفت الكوشة شلون مخليها ومرتبينها جانت حيل حلوة والمكان حرفيًا يجنن

مشيت على كيفي ودخلت للمطبخ أخذت جَدّاحة ورحت للمخزن فتحت الباب جانت ظلمة فتحت ضوه جهازي ودورت على دبة النفط الحمد لله لكيتها

حمدت ربي وشكرته أخذتها وطلعت بسرعة حتى ما سديت الباب من الخوف لا يطلع صوت

رجعت للصالة ابتسمت بهدوء وكبّيت النفط عليها كلها شمرت الدبة بالنص وطلعت الجَدّاحة

بدون تفكير تقربت وعلكتها كبل النار علگت طلعت بسرعة وسديت الباب

رحت للباب الرئيسي مال البيت فتحته وطلعت أركض رحت للحديقة الخلفية وصرت أمشي على كيفي وحذر حتى محد يشوفني من الحراس وجان كلبي يدك بقوة 

        

          

                

تقربت على حايط وحتاريت شلون أصعد جان حيل عالي باوعت حوالي شفت طاولة والكراسي رحت بسرعة أخذت كرسي وخليته بصف الحايط خليت إيدي على الحايط وصعدت

طفرت بسرعة وصرت أركض مثل الخبله بالشارع ما حسّيت بنفسي إلا وكعت على ركبتي

عطيت بصوت من الوجع وبعدني ما متحركة سمعت جهازي يرن عضّيت شفتني السفلية وطلّعته من الجنطة شفت رقم 

.. الأكبر

حسّيت الدنيا تدور بيه لا ياربي نسيت موضوع الجهاز بسرعة طفيت الجهاز طلّعت الشريحة وكسرتها وذبّيتها

باوعت على الجهاز خليته جوه رجلي ودست عليه بقوّة وكسرته شلته وشمرته بالزباله

رجعت أركض بكل حيلي خايفة أعرف شنو مسويه إذا لزمني والله يموتني شنو سويت أني ضروري حرك شي

قررت أشوف جيلان آخر مرة وبعدها أتحرك

رحت لبيتها بس من بعيد شفت سيارة الأكبر وگفت يم باب بيتهم ونزل الأكبر 

ختليت بسرعة ورا الحايط وگلبي يدك خايفة وجسمي كله يرجف واني أتذكر شكله شلون جان معصّب بقيت أفكر شنو يسويي هنا وليش أفكر أن أني راح اجي على أختي.. 

.............. 

جيلان....... 

بدون تفاهم دفعني عن الباب وعاط بصوت عالي

:: نيييييرررراننن وينججججججججج

بعدني ما حجيت ولا كلمة دخل للبيت وهو يعيّط

:: نيران! نيران طلعيييييي اليوووم حرگ الدنيأ على راسجج

سمعت صوت لازان تبچي دخلت ورا للغرفة وخذيتها

واني لحد هسه مو فاهمه شي وهو ما خلّى مكان بالبيت ما دوّره

إجه عليه وعيونه ناطّه وشرايين ركبته باينه وكال بصوت عالي  يخوف 

:: ويييييين ضميتييي نيرااان إحچيييييي لا دفنجننننن إثنينج نجنننن 

كلت بخوف ورجفه من صوته

جيلان: شنو جاي تحچي نيران مو يمّك

::  لا تجذببببببببين إحچييييييييييي وينهاااااا محددددد يخلصها من إيدي اليومممممم وييين تريييد تروووح منييييي

جيلان: والله مو هنا ويييين أختي شنو صاير

:: بالكبررررررر الي يلفهاااااااا شردتتتتتتت على أساس ما تعرفيييييييين ويييين ولّتتتتت

        

          

                

ما حجيت شي وهو كسر كلشي كدامه وهو يعيّط عياط عالي، متخبل آخر شي دفر الباب وطلع من البيت وصعد بسيارة وراح

خليت إيدي على گلبي من الخوف  شنو جاي يصير؟ وين شردت؟ شنو جاي يحچي؟

سديت الباب وجيت دخلت للبيت اتصل عليها أو أي أحد سمعت صوت وراي درت وجهي بسرعة شفت نيران كاعده على الحايط ومدده رجلينه

فتحت عيوني على وسعها من الصدمة نزلت هيه من فوك واجت بدون ولا كلمة حضنتني وكالت

نيران: شبيج ولج راح تموتين آسفه إذا خوفتج  اني لو ابو صدر

خليت لازان على الأرض وكلت بصدمه واني لزمه من أديها

جيلان: نيران شنو صاير مدا أفهم الأكبر إجه يعيط ومنه انتي فهميني شنو جاي يصير

ابتسمت وباست خدي بقوة وكالت

نيران: ما أگدر أبقى وياه أكثر جيلان أني رايحة ما أعرف وين أو شنو أسوي ولا أعرف بعد شوكت أشوفچ بس أريدچ تنتبهين على نفسچ وعلى بنتچ

عيوني نترست دموع لزمت إيدها بقوه وكلت

جيلان: وين تروحين شنو صاير والله مجاي أفهم شي

كالت بغصة

نيران: ما أگدر أبقى وشرح لج أخاف يرجع الأكبر ويشوفني يمچ ووقتها راح يموتني أخلص ويطلع روحي بيده 

جيلان: لا تروحين هيج والله ما أگدر بدونچ شوفي إذا ما تردين تبقين وياه تطلكي وتعالي هنا يمي

نيران: ما جاي يقبل يطلكني معند جيلان الأكبر راح يزوج أني ما أقبل على نفسي أبقى وياه رجال مزوّج كافي تعبت أريد أبدي حياتي من جديد وأنسى كلشي

حضنته وهيه بادلتني الحضن واثنينه نبچي ونشهگ كلت

جيلان: وابنج شلون تركتي وهو بعده صغير  أكيد محتاجج شلون عفتي

كالت بغصة

نيران: والله مو سهل عليّه أتركه بس مجبورَه لان مجاي تقبله خلي يبقى عند الأكبر أكيد مراح يخلي محتأج شي حتى الي يلا جيلان انتبهي على نفسچ وتذكري دايمًا أني أحبچ أكثر من نفسي

حضنته أكثر وكلت

جيلان: لا تنقطعين عليه عليچ الله يوميه اتصلي وطمنيني عنج

وخرت عني ومسحت دموعها وكالت

نيران: ذكرتيني سجلي رقمچ إلي بورقه بسرعة لأن كسرت جهازي من أشتري واحد أتصل عليچ

        

          

                

هزّيت راسي ورحت سجلته إلها وأني أبچي وكلبي يحركني عليها أخذته وخلته بالجنطه مالتها رجعت حضنتني بقوة وكالت

نيران: كل فترة روحي وشوفي إلياس وبوسي إله

هزّيت راسي وهيه باست خدي واني هم بسته ابتسمت وعيونها مليانه دموع دارت وجهها وراحت صعدت فوك الحايط وطفرت بدون لاتباوع بعد

كعدت على الأرض وحضنت نفسي وبچيت ياربي ليش هيج جاي يصير بينه والله ما أذينه أي أحد ليش هيج حضنته

شنو راح يصير وياها هسه أني ليش خليته تروح؟ شلون راح يتطمن كلبي عليها وهيه ما عدها جهاز تطمني؟

صرت أروح وأرجع وأني شايلة لازان كلبي أبد مو مرتاح جسمي يرجف من الخوف ودموعي تنزل بدون وعي

أخايفة لا يصير شي عليها أو أحد يتعرضلها أو يتحارش بيها الدنيا صارت تخوف والوضع أبد مو أمان

بقيت أدعي بداخلي إن توصل وين ما تريد بسلامة والله ينور طريقها ويكون وياها بكل خطوة

رحت خليت لازان على جرباية وغطيته لأن نامت طلعت من الغرفة وگعدت بمكاني توضيت وكعدت أصلي وأدعـي واني دموعي تنزل وشهگ من البچي كل سجدة أطلب بيها من ربي يحفظها 

سمعت صوت جهازي يرن كمت بسرعة، لمّيت السجادة وأخذته. شفته رقم ملاك، رديت وگلت

جيلان: ألو ملاك

ردت بسرعة وبصوت مرتبك

ملاك: جيلان سمعتي باللي سوته نيران ليش هيچ سوت وشردت من البيت لج الأكبر متخبل عالآخر إذا شافها كدامه يموته بإيده

أخذت نفس بخوف وگلت

جيلان: شنو صاير ملاك

ملاك:  نيران شردت من البيت وحركة الصالة مالت العقد صار انفجار بيها بسبب الكهرباء وإجت الإطفاء ويحاولون يعرفون شنو اللي صار ومنو اللي سواه هيج ليلى جت اتكول على نيران بس صمّ حلكها ماجد ودخلها للغرفة

بقيت فاتحة حلكي من الصدمة. هاي شنو اللي مسويته نيران؟! گلت

جيلان: ما أعرف حتى ما شفتها ولا جاي ترد علية

سديت المكالمة وگلت بكلبي

إن شاء الله ما يلكاها الأكبر لأن إذا لكاها راح يموته خبل صار

رحت وكعدت بالصالة بقيت أصلي وأدعي إن ما يلكاها للصبح واني على هاي الحالة الخوف أكلني أكل 

        

          

                

كمت من مكاني ورحت للغرفة شفت لازان كاعدة رحت أخذتها بحضني وبست خدها بقوة حسّيت روحي ترتاح شويه غسلت وجهها وشلّتها 

دخلت للمطبخ سويت إلها ريوك بيدي وبقيت كاعدة يمها أأكل بيها بحنية وبالي كله يم نيران

الدموع تارسة عيوني والخوف ياكل بكلبي أكل

حسّيت الدنيا سودة كلشي ما يهمني غيرها بس أعرف الأكبر إذا شافها ما راح يرحمها

كمت غيرت ملابسي لأن عندي دوام وغيرت ملابس لازان وعيني على الجهاز أنتظر نيران تتصل بأي لحظة

الخوف بداخلي ما خف وكلبي كل لحظة يدك أسرع من الثانية

إجه السايق وصعدت بالسيارة واني مخليّة الجهاز بإيدي أباوعله وأدعي بكلبي إن تكون بخير وبأمان، وبعيدة عن أي أذى

وصلني للكلية نزلت وهو راح شفت سِدار موجود تنفست نفس طويل وجيت أدخل

إجه عليّه بسرعة وكال بصوت ملهوف

سدار: واكفي جيلان لاتروحين

وكفت ودرت وجهي إله وكلت بهدوء

جيلان: نعم  تفضل؟"

حك حجبه بتوتر واضح مدري إحراج مدري تردد وكال

سدار: ما فكرتي بالكلام اللي كلتله إلج

نزلت لازان من حضني، ولزمت إيدها وكلت بوضوح وبقلب هادي

جيلان: بلى، فكرت وجوابي هو (لا) ترجاك كافي تحرجني أني أعتبرك مثل أخويا من رخصتك

كلت هيچ وتركته واني مالتفتت وراي دخلت

وفجأة جهازي رن! بسرعة رديت، وكلبي يرجف.... 

........... 

نيران..... 

طفرت بسرعة من فوك الحايط وكعت على الأرض نكتت ملابسي من التراب وكمت وكفت مسحت دموعي وگلت

: اخلِص انتهى كلشي هِنا نيران لازم تبلشين من جديد حياة جديدة ما بيها غير نفسج

أخذت نفس طويل ورجعت أركض بكل قوتي لازم أطلع من هاي المحافظة بأسرع وقت

بس وين أروح؟ واني ما عندي لا بيت عم لا بيت خاله ولا عمه ما عندي غير نفسي ورب العالمين وياي

مرّ وقت طويل واني أركض بدون توقف

حتى رجليّ صرت ما أحس بيهن وكفت ورا فترة يم الكراج جانت اكو هواي سيارات وناس باوعت عالساعة خمس الفجر

        

          

                

طلعت الحجاب من الجنطة لبسته ولفّيت وجهي بي ورحت يم رجال شوي جبير بالعمر گلت

نيران: عمو إنت تروح للمحافظة...؟

باوعلي وباوع إن ماكو أحد وياي گال

: شعندج تروحين هناك بُنيّتي أخاف شردة من أهلج ما بيه حيل مشاكل أني رجال جبير

هزّيت راسي بـ"لا" وگلت بسرعة

نيران: لا ما شردة والله بس عندي أختي بهاي المحافظة وخابرني زوجها گال مريضة بالمستشفى وأريد أروح أشوفها

سكت شوي بعدين هز راسه وگال

:خير إن شاء الله اصعدي بابا خلي تنترس السيارة ونتحرك

ما گلت شي صعدت ورا آخر شي نزلت الجنطة من على ظهري وبقيت ساكتة

غمّضت عيوني ورجعت نفسي عالكرسي وگلت بكلبي

: يا ربي كمّلها وياي وخلي أطلع منّه بخير

بقيت كاعدة وأدعي بكلبي إن الأكبر ما يلكاني أخذت نفس ورجعت أتذكر شكله شلون جان معصب حسّيت لو لازمني بهذيج العصبية چان موتني على إيده

نزلت دموعي بغصة واني أتذكّر شلون تركت إلياس يا ترى راح أرجع أشوفه؟ أضمه لصدري؟ أشم عطره؟ أبوسه؟

مسحت دموعي وگلت بيني وبين نفسي

أكيد الأكبر راح يكرهه بيّه ومستحيل يخليني أشوفه بعد

مسحت دموعي بسرعة من شفت صعدو ناس لزگت نفسي بالشباچ وبعدها نترست السيارة وتحركنا

واني بقيت مخليّه إيدي على كلبي لحد ما طلعنا من المحافظة مر وقت طويل واني عيني على الشباچ وأدعي بكلبي يخلص كلشي وأرتاح. أنتظر لحظة بلحظة أطلع من هاي المحافظة

باوعت على إيدي چانت بيها ساعة شفت الوقت الساعة تسعة، وصلنا

نزلت بهدوء نطيت الكروة للسايق ومشيت

قررت أول شي أشتري جهاز وأطمن جيلان بعدها أبقى اليوم بفندق وباجر أدور على شقة

رحت لمحل موبايلات، وأخذت جهاز مستعمل لازم وأفر الفلوس شتريت سمكارت ورصيد بعدت شوية عن الأنظار ورحت على صفحة أحچي وياها. بسرعة ردّت گالت

جيلان: ألو نيران هاي إنتِ

ابتسمت بهدوء، وردّيت

نيران:  إي آني يروحي

جيلان: وين رحتي وصلتي للمكان اللي تريدي نيران انتبهي لنفسچ ولاتصدگين بأي أحد ولاتثقين بأحد

نيران: إي وصلت قبل شوية وشتريت جهاز وگلت أحچي وياچ

جيلان: ماشي يگلبي نيران لاتنقطعين عليه فدوه أروحلچ

ابتسمت وبقيت أحچي وياها  وفهمت شنو صاير امس بيت الأكبر شوية وبعدين سديت الجهاز ورحت چنت حيل جوعانة دخلت لمطعم وطلبت أكل

وكعدت أنتظر چنت حيل خايفة لا أحد يعرفني جابو الأكل وكعدت آكل بهدوء

كملت بسرعة ورحت غسلت ونطيت الفلوس رفعت راسي ونصدمت من شفت كدامي.... 

....................