رواية عشقت مسلمة الفصل الرابع 4 - بقلم ندى المطر

عشقتُ مسلمة { بقلم / ندى المطر }

                                        

                                              

مر على وجود ندى بين عائلة الجارحي ما يقرب خمسة اعوام كبرت بها وحققت حلمها وهو ان تدخل كلية الطب التي تحلم بها ومع ذلك كانت تعمل مع عامر بجانب دراستها... 

فيروز:  يلا يا بنات اصحوا كدا معايا وفوقوا.. 

ندى:  صباح العسل يا ورد.. 

فيروز بضحك:  البت نور خلطت عليكي كدا ليه.. 

نور بنوم:  بتجيبوا في سيرتي ليه... 

فيروز:  قومي يا اخرة صبري قومي ياختي الكلية.. 

نور بخضه:  نهار اسود عندي امتحان... 

وقامت جري تحت ضحك ندى وفيروز عليها 

فيروز : يلا قومي وافطري عامر راح الشركة بدري انهارده افطري وحصليه ..

ندى : حاضر يا عيوني..

قامت واتوضت وصلت وبعدين لبست ادناء لونه زيتي وعليه خمار بيج ونزلت فطرت وراحت الشركة ...

ـــــــــــــــــــــــــــــــــــــــــــــNada

في الجامعة عند نور 

نور في لجنة الامتحان..

نور في نفسها : الله يخربيتي انا مني لله ما انا لو كنت ذاكرت بضمير دلوقتي بقى خلي مراد بك ينفعك يا بتاع التركي ..

وقعدت تندب حظها في سرها ..

المراقب : الوقت قرب يخلص يا دكاتره قدامكم نص ساعة ..

نور بصوت هامس وصل له : وحياة عيالك يا جدع حط عليهم كمان ساعتين ...

التفت لينظر لتلك التى ما زالت تتكلم مع نفسها ليتجه نحوها وينزل لمستواها ليقول : معنديش عيال للاسف ..

وتركها و وقت مكانه نظرت له بصدمه واخفضت نظرها في الورقة ...

ـــــــــــــــــــــــــــــــــــــــــــــNada

في الشركة 

ندى : صباح الخير يا مستر ..

رفع رأسه بابتسامه مرحه : الله الله على الاحترام اللى مش بلاقيه في البيت ..

حمحمت ندى : ايه الاحراج دا ..

عامر : سيبك من دا كله امتحاناتك امتى ..

ندى : بعد اسبوع ..

عامر : حلو اوى مشوفش وشك هنا بعد انهارده 

ندى : بتطردني يا عامر والله هقول لماما ..

عامر : لا ماهي ماما هتطردني انا لو انا مطردتكيش يلا يا شاطرة على شغلك ..

خرجت من الداخل وعلى شفتاها تلك الابتسامة الساحرة ..

_لو سمحتي يا آنسة عامر بيه موجود ...

ندى : اه موجود في معاد معاه ؟!

_لا بس انا صديق ليه ..

ندى : آسفة مقدرش ادخل حضرتك غير لما اقول لمستر عامر ..

     

                

_تمام بس متقوليش اسم قولي صاحبك بس عايزها مفاجأة ..

ندى باستغراب: تمام

ندى : احم فى واحد عايز حضرتك يا فندم وبيقول صاحبك...

عامر: دخليه...

سمحت له بالدلوف ولكن الفضول يقتلها لتعرف من هذا فدلفت هي الآخر لتتفاجأ ب عامر وهو يضمه بشده وشوق ..

ندى باستغراب : تؤمر بحاجة يا عامر بيه ..

عامر : لا يا ندى روحي انتي ...

خرجت من عنده لتتفاجأ بنور في وجهها ..

ندى بخضة: بسم الله الرحمن الرحيم بيطلعوا امتى دول ..

نور : بس يا بت انا بقيت ف نص هدومي ..

وحكت لها ما حدث معها لتضحك ندى عليها ..

نور : وطي صوتك لو عامر طلع هينفخنا ..

ندى : لا مش هيطلع عنده واحد صاحبه ..

نور : صاحبه مين دا ..

ندى : معرفش زي زيك انا اول مرة اشوفه ..

نور : ماهو معندوش غير صاحب واحد ودا سافر من زمان ..

ندى : ايوا هو لانه كان بيقول أنه عاملهاله مفاجأة ..

نور : معقول يكون آدم...

ندى : مين آدم دا يا بت ..

نور : هحكيلك أما نرجع المهم أنا عايزة اشوفه ..

ندى : بس ياما انا لسه مطرودة لو دخلتي هنتنفخ ..

نور : ما انا هدخل كأني معرفش أن حد عنده ..

ندى : اه وانا بقى روحت فين وازاى مقولتلكيش ..

نور: ياستي انتى كنتي في الحمام ..

كانت لسه ندى هتعترض دخلت نور بسرعه زي التور الهايج..

ندى : كنتي طيبة يا نور ..

نور وهي بتتكلم كأنى مفيش غير هي وعامر : عمور قلبي وحشتني يا جدع..

عامر باستغراب: بت انتى كان عندك امتحان عملتي ايه ..

نور في سرها : يا دي الفضايح انا استاهل ضرب الجزمة ..

نور بصوت عالي : لوز يا كبير كله تحت السيطرة لا تقلق ..

عامر : ماشي هنشوف الكلام دا لما ارجع البيت ندى فين قوليلها تجهز حاجتها هنرجع البيت كلنا ..

نور : لسه بدري ..

عامر : عشان آدم هيتغدى معانا وعايزين نخرج انا وهو ..

نور بتبلم لما تشوف آدم اللى صدمتها بتزيد لما تلاقيه نفس الدكتور اللي كان بيراقب عليها الصبح : احييييه ..

عامر بحدة : نور ..

نور بتوتر : مش قصدي هنادي ندى ..

وكانت ماشيه من كتر التوتر دخلت في الحيطه ...

        

          

                

عامر بصوت عالي : صبرني يارب ..

ضحك آدم: كبرت نور بس اتوقعتها تعقل شويه عن كدا ..

عامر: اسكت يا راجل دا انا هيحصلي حاجه بسببها هي وندى قريب ..

آدم: ندى دي مراتك !؟

عامر: لا ندى زي نور بالظبط اختى ويلا بقى ننزل ..

نور بتسرع: الحقيني هو طلع هو ..

ندى : هو مين يا بت ...

نور : طلع آدم هو اللي ...

عامر : اي دا انتوا لسه ..

ندى : انت رايح فين...

عامر: قدامي انتوا الاتنين مش عايز دوشه وكلام كتير يلاا..

ندى : حاجتي طيب متزقش يا عم ..

عامر : هتموتوني ناقص عمر ..

نور : بعد الشر يا حبيبي..

عامر : خمس دقايق واشوفكم في العربية ..

ورحل هو وادم 

ندى : اخوكي دا نرفوز اوى ..

نور : يلا قبل ما يطلع يرمينا من هنا ..

ونزلوا الاتنين ركب جنب بعض ..

وعامر ساق لحد ما وصلوا نزلوا جري على جوا ..

آدم: هما اتهبلوا يابني بيجروا كدا ليه ..

عامر: هتلاقيهم عاملين مصيبة ..

دخل هو وآدم

فيروز : عامر هما البنات بيجروا ليه ..

عامر : تلاقيهم عاملين حاجه يا ماما ..

فيروز : يمكن وبعدين بصت للي معاه وقالت : الوش دا مش غريب عليا...

آدم وهو يتجه نحوها : ايه يا خالتي مكنش عشر سنين دول اللي سافرتهم ...

فيروز بفرحه : آدم وحشتني..

وحضنته لأنها في الاخر هي اللي مربياه لانه صاحب عامر من وهما صغيرين ووالدته متوفيه من وهو عنده اربع سنين ..

ـــــــــــــــــــــــــــــــــــــــــــــNada

في الاعلى 

ندى : بت انا مش فاهمه حاجه..

نور : الدكتور اللى حكيتلك عنه طلع هو صاحب عامر .. وصاحب عامر هو مين بقى هو آدم وآدم دا حب الطفولة بتاعتي...

ندى : وجع في طفولتك يا شيخه بت عيب الكلام دا ..

نور : بقولك طفولتي ..

كانت لسه هتتكلم قاطعها صوت عامر من برا يلا عشان نتغدى ...

ونزل تحت تاني..

ندى : يلا ياختي ولينا كلام طويل عشان طفولتك دي ...

ونزلوا الاتنين وقعدوا كلهم يتغدوا في جو معتاد من المرح والحب ..

عامر : يلا جهزوا نفسكم عشان هخرجكم منه فسحه للي خلصت امتحانات الست نور ومنه فسحه لندى عشان امتحاناتها ...

طلعوا الاتنين يجهزوا ..

آدم: ما تيجي معانا يا ست الكل ..

فيروز : لا يا حبيبي اخرجوا انتوا انا مبحبش الجو دا ...

باس أيدها آدم بحب : اللي يريحك يا حبيبتي..

نزلت نور وكانت لابسه دريس بيبي بلو وفيه ورد احمر وعليه طرحه بنفس لون الورد وهيلز وشنطه باللون الاحمر ...

آدم تنح واتصدم من كتلة الأنوثة اللي قدامه هو متوقعش انها تكون كبرت للدرجة دي فاق على صوت  عامر ..

عامر : اومال ندى فين ..

نور: بتلف الخمار ..

شوية ونزلت وكانت لابسه دريس أبيض وعليه خمار باللون الاحمر وهيلز وشنطة حمر ...

عامر : ندى اطلعي طولي الخمار شويه...

نور : يا أبيه دا طوله هو علفكره طويل ..

نظر لها بحده فاتكلم آدم: خلاص يا عامر هو طويل علفكره ..

ندى بهدوء : انا شوفته قبل ما انزل يا عامر وهو طويل ابتسمت بهدوء متقلقش ..

تنهد عامر : طيب يلا ...

وخرجوا ...

______Nada____Almater___

عشقت مسلمة