رواية رواسي الدهر الفصل الرابع 4 - بقلم روح الدليمي
➰➰➰➰➰➰➰➰➰➰➰
مشيت على كيفي اريد اطلع بس.. تراجعت و درت روحي اباوع عليهم من باب الغرفه..
ما تحملت اشوفها هيج قريبه من عنده، حسيت نار و شبت بداخلي
رواسي:ياربي شديصير بيه، ما اريد احبه يارب ما اريد
الهي اذا جنت احبه طلع حبه من گلبي ما اريد حبه
بهذلني و دمر عيشتي و عنفني تالي احبه؟؟ وين عقلي اني
بقيت ادردم على روحي، و مشاعري السخيفه!
هذا مجرم.. قندره على عقلج و گلبج رواسي
شلون حبيتي.. قندرههه على راسي
قاطع افكاري صوته يون متألم، دخلت للغرفه
رحت كعدت يمه لزمت ايده و همست
رواسي: ردت تموت بسببي
هدى تباوعلي ب استغراب و گالت بصياح
هدى:ليش بسببج؟ شسويتيله ولجججج!!
رواسي:بالغلط والله بالغلط
هدى:اليوم اخليهم يطيحون حظ حظج صبريلي
رادت تكوم بس استوقفها صوت رسيم
يحجي بعصبيه بس بالكوه يسولف
رسيم:اذا تحجين حرف واحد بس حياتج تنتهي على ايدي
نزلت روحي لمستواه و همست قريب من اذنه
رواسي:مو اسفه لان مستاهلها
جرتني من ايدي و دفعتني بعيد عنه، حجت بصياح
هدى:طلعييي بَررره طلعي
رواسي:بالعافيه عليج اخذي
ضحكت عليها و هزيت ايدي معاجبني، عفتهم بالغرفه
و طلعت للصاله.. رفعت ايدي اباوع عليها
الرجفه خفت منها
شفت كدامي كيس بي حبوب، نفس الحبوب الي چان ينطيني ياها
رفعت حواجبي مستغربه من تفكيري، بس ما اكدر اسيطر على افكاري.. عقلي بعده يريد الحبوب
رجعت كمت من مكاني ما اريد اضعف و اخذ منهن
دخلت يمهم للغرفه و حجيت ب استعجال
رواسي:كومي حبسيني بالغرفه الثانيه بسرعههه
هدى:صوتج حيوانه متشوفي نايم؟؟
رواسي:گتلج كومي ما اكدر اسيطر على روحي اكثر
شالت تلفونها و اتصلت على واحد طلبت منه يجي و گالت
هدى:هسه يجيج حيدر مالي خلكج اني
كعدت بزاويه الغرفه بالكاع و حضنت رجلي
توترت كلش، افكاري صارت غريبه
ياربي شنو ديصير بيه
بعد نص ساعه اجه النذل الثاني حيدر
بدون ميحجي اي حرف سحبني من ايدي و اخذني
لغير غرفه، طلع المفتاح من جيبه و گال
حيدر:راح تبقين هنا مثل الچلب
رواسي:مثلك يعني؟
ضربني براشدي فر وجهي و عاط بيه
حيدر:شكلج ترديني اكمل الي ما كملته هذاك اليوم
ضحكت مستهزئه و گلت
رواسي:شحدك تقرب مني خطوه وحده بعد، الرسيم يعلك جثتك بَره اذا تلمس مرته
حيدر:سواها و اخذج يعني، أنتِ مجرد اداه يستخدمها للانتقام و بعدين يذبحج بيده مثل ما سوه ويه القبلج
رواسي:شتقصد!!!
ضحك و طلع من الغرفه و قفل عليه الباب و تركني بدوامه افكاري
مرت فتره و اني بس بالغرفه
يجون ينطوني اكل و يروحون و من احتاج حمام يطلعوني، هدى تجي تحطلي مغذي و تنطيني ادويه
و بعدها ترجع لرسيم
احس حالتي صارت احسن، صرت ما افكر
بالحبوب و عصبيتي قلت شوي شوي صرت اتحسن
و اتخلص من الادمان
حسيت روحي تعودت على هذا المكان
و على صوت رسيم الي معبي البيت، طول هاي الفتره
هدى تبقى يم رسيم اكعد يم الباب اسمع سوالفهم
و ضحكهم سوه و اشتعل بنار الغيره
اي اغار، اغار على رسيم من هدى حبها اله واضح
بس اني حبيته رغم تعذيبه الي حبيته..
قاطع افكاري صوت قفل الباب و هوَ ينفتح
دخل رسيم للغرفه، صار هواي مشايفته ابتسم بوجهي
و مشى ب اتجاهي.. كعد يمي بالگاع و سوه نفس حركتي
سحب رجله قريب من صدره و رجع ظهره على الجربايه
مد ايده وره ظهري و قربني عليه
حطيت راسي على صدره، تنهد و گال
رسيم:ما سئلتي شلون صرت؟
رواسي:ليش اسئل و أنتَ واضح عليك، حالتك عال العال و مگضيها ضحك ويه الحمره
ضحك و عدل كعدته، لزمني من ايدي و گال
رسيم:اسئلج سؤال واحد، و جواب هذا السؤال راح يغير حياتنه ثنيناتنه
رواسي:شنو؟
رسيم:تحبيني؟؟
سحبت ايدي من عنده و درت وجهي عنه
ما اعرف شنو اجاوبه.. اردف
رسيم:جاوبيني روسيه، محتاج اسمع جوابج
رواسي:يا ترى جوابي راح يخليك ترجعني لاهلي؟ و لحياتي القديمه؟
رسيم:محتاجج وياي، غيرتيني أنتِ
ضحكت و حجيت بنرفزه...
رواسي:فهمنييي شلون تغيرت بلا زحمه؟؟ تغيرك شلون چان؟؟
رسيم:حبيتج و اني بعمري ما حاب احد، أنتِ الوحيده الي احاول اضبط اعصابي وياها.. روسيه ما اريد أاذيج ساعديني بحبج و غيريني
رواسي:حتى لو احبك أنتَ متتغير
رسيم:وعد اتغير علمودج، أنتِ غيري اطباعي و تصرفاتي كلها
رواسي:من تترك هذا شغلك، عود تعال و خليني احبك
و هسه اطلع من الغرفه عوفني وحدي
سحب ايدي و ضغط عليها بقوه و گال بعصبيه
رسيم:تحبيييننننييي و غصب عنجج
رواسي:مو گتلك أنتَ متتغير، و الدليل من اول حجايه تعصبت و اذيتني عوفني رسيم
سحبني اكثر و حضني بقوه، حتى ظهري
طگ من قوة حضنته..
رواسي:عوفنيييي گووووه هيَ گوووه!
رسيم:تحبيني روسيه واضح بعيونج
رواسي:اي احبك، و بنفس الوقت اكرهك و حاقده عليك
عوفني بحالي لو موتني و خلصني
بعد روحه عني و لزمني من وجهي
و طبع بوسه عميقه على شفتي.. ابتعد عني يجر
النفس و گال
رسيم:اخليج تحجين ويه اهلج، بس لتمنعيني عنج
رواسي:اثبت هالشي و خليني احجي وياهم
ابتعد عني اكثر و طلع تلفونه من جيبه
طلع رقم ابويه و انطاني التلفون، ضحكت لما شفت
اسم ابويه مسجله ب اسم "عمي النذل"
دكيت على الرقم و بقيت انتظر يجاوب
اول ما جاوبني و اجاني صوته انفجرت بالبجي
هوَ تخبل لما شافني ابجي، راد يسحب التلفون مني
بعدت روحي عنه و حجيت بغصه
رواسي:بابا حَبيبي
راشد:رواسي عُمري بنتي أنتِ بخير ؟
رواسي:انتو مرتاحين بدوني، ميهم اذا كنت بخير او لا
راشد:لتحجين هيج عيوني أنتِ، دنشتغل حتى نرجعج أنتِ وين بس كوليلي ساعدينه حتى نلگه مكانج
رواسي:ما اعرف
سحب التلفون من ايدي فتح سبيكر و صار
يضحك، بعدين گال
رسيم:اذا تريد ارجعها الك سوي الي طلبته منك
راشد:كلشي تريده راح اسوي بس رجعها، هيَ مالها ذنب
مو تحبها أنتَ اني موافق ازوجك بنتي بس خليها ترجع
سد السبيكر و حط التلفون على اذنه و كمل حجي
رسيم:بالاول سلمني للشرطه، اي اني اريدك تسلمني، لا لا ما اريد احد يعرف اذا عرفوا اني طلبت منك هالشي يموتوني قبل لا توصل الشرطه حتى، باجر اجيك بنفس المكان و افهمك على كل شي
فرك راسه بقوه و رجع يكمل حجي
رسيم:خليني محترمك و سوي الي طلبته منك بلا كثرة اسئله، بخير والله بعد متاخذ اي شي، هاي اسئلها بنفسك و هيَ تجاوبك
مدلي التلفون بقيت اباوع بعيونه مستغربه
گال
رسيم:ابوج يريدج اخذي التلفون
سحبته من ايده و حجيت
رواسي:حَبيبي مشتاقتلك و امي شلونها؟
راشد:عوفي امج و جاوبيني، بعدج تاخذين مخدرات؟؟؟
رواسي:لا وداعتك منعني منهم بعد مينطيني اي شي، و حالياً ديساعدني اتعالج من الادمان
راشد:اخذي حذرج منه ترا هذا شيطااان، يحجي شي و تصرفاته شي ثاني، بنتي ميحتاج اوصيج على روحج
رواسي:شوكت تاخذني منا؟
راشد:باجر ب اذن الله ما اخليج بعد تبقين يم هذا النذل
ردت احجي و اكوله انو تزوجني بس بقيت
ساكته، اكو شي منعني من الكلام..
سمعت صوت امي يمه نزلت دموعي اول ما سحبت التلفون منه و نادت ب اسمي
جميلة:رواسي بنتي تسمعيني ؟
رواسي:شلونج ماما
جميلة:مو زينه يا روح امج مو زينه، خوما اذاج ال***
رواسي:لا ابد ما سوالي شي ليظل بالج
جميلة:ابوج گال راح يرجعج باجر هانت حَبيبتي هانت
رواسي:ان شاء الله امي اتمنى..
سحب التلفون من ايدي و سده من عدهم
شمره على الجربايه و گال
رسيم:نفذت كلمتي و خليتج تحجين وياهم، هسه دورج!
رواسي:صدك باجر راح ياخذني ابويه؟
رسيم:اي
رواسي:اريدك تجاوبني ليش هيج سويت بيه و ليش خطفتني من البدايه؟؟؟
رسيم:كلشي راح احجيلج بس لما اخلص روحي من المصايب الي اني بيها
قربت روحي عليه اكثر، فتحت اول كم دگمه من القميص تلمست مكان الجرح و گلت بهدوء..
رواسي:هذا الاثر يبقى؟
رسيم:حتى لو يروح اجيج تصوبيني مره ثانيه حتى يرجع
رواسي:كل متشوفه اريدك تتذكرني و تتذكر تعذيبك الي
رسيم:سامحيني رواسي
رواسي:اسامحك على شنو و لا شنو؟
رسيم:جنت مجبور اسوي هيج
رواسي:جنت مجبور تخليني اصير مدمنه على المخدرات؟؟
رسيم:لا
ابتعدت عنه و مشيت لجهة الجربايه و گلت
رواسي:اطلع رسيم اريد ارتاح، لازم ارجع لاهلي و اني بكامل صحتي
رسيم:اجه دورج تنفذين طلبي
رواسي:شتريد مني بعد! مكفاك الي سويته بيه؟
رسيم:اريدج الج أنتِ مرتي
رواسي:مرتك؟ هههههههه والله ضحكتني
رسيم:اي مرتي و راح تبقين مرتي لحد الموت
رواسي:اذا ابويه يعرف أنتَ متزوجني يذبحني و لا يخليني ابقى على ذمتك
اجه ب اتجاهي دفعني على الجربايه
و ثبت روحه فوكايه.. دفعته عني و اردفت
رواسي:وخر عني لتلمسنيييي اقرف من لمساتك الي
رسيم:و اني اقرف المس اي بنيه، بس أنتِ اتقبلج
رواسي:وخر عني رسيم
طبع بوسه على گصتي و گال
رسيم:ما اعوفج اليوم، مشتاقلج روسيتي
ما انطاني مجال حتى احجي، اخذ الي يريده
مني بالغصب و كام طلع من الغرفه
سحبت الغطه و غطيت روحي
صرت ابجي و ابجي و الشهكه تخنكني
كرهت روحي، كرهت رسيم، كرهت اهلي
و كل شي بهاي الدنيا.. اريد اموت و ارتاح
بعد بجي طويل كمت من مكاني طلعت ملابس
الي اخذتهن و طلعت من الغرفه
شفت رسيم و هدى كاعدين بالصاله.. تجاهلتهم
و دخلت للحمام و قفلت الباب
سبحت شلون ما چان، بدلت ملابسي و طلعت
دخلت للمطبخ جوعانه بس ما اعرف اطبخ اي شي
مليت من اكل المطاعم الي يوميه يجيبو
طلعت من المطبخ باوعت لرسيم و گلت
رواسي:تعرف تطبخ؟؟
اشر على روحه و گال ب استغراب
رسيم:اني؟
رواسي:اكو احد غيرك هنا؟
هدى:لعد اني منو ؟
رواسي:اسفه حبي ما شفتج، المهم رسيم تعرف تطبخ لو لا ؟
رسيم:اي اعرف
رحت عليه سحبته من ايده كومته و گلت
رواسي:كوم لعد، ميته جوع سويلي اكل
رسيم:هسه اوصيلج الشباب يجيبون
رواسي:لا كافي ما تملون من اكل المطاعم؟ اريد أنتَ تسويلي
سحبته هدى من ايده الثانيه و گالت
هدى:اكعد أنتَ اني اسويلها بيض و طماطه تاكلهن و تنجب
رفعت حاجبي معاجبني حجيها و گلت
رواسي:اني اكل بس بيض و طماطه؟؟؟ لا حبي اني اريد اكل اكل ميته جوع، و هسه رسيم يسويلي مرته و اتدلل عليه عادي
سحب ايده من هدى و صار يضحك
اجه ويايه للمطبخ و گال
رسيم:مرتي الحلوه ساعديني يلا
رواسي:قندرههه على راسي خوش مو مرتك اني
رسيم:أنتِ كلتي ما جبت شي من يمي
رواسي:لا ما گلت متوهم أنتَ
رسيم:تساعديني بالاكل لو اعوفج جوعانه و ارجع لمكاني؟
رواسي:ما اريد سم ميحتاج
عفته و طلعت من المطبخ رجعت للغرفه
تمددت بالفراش و غمضت عيوني اريد انام
غفيت رأساً من كثر البجي و النوح
بعد مده حسيت على ايده تلعب بشعري
فتحت عيوني لكيته گاعد يمي على الجربايه
رسيم:يلا كومي اكلي سويتلج اكل
رواسي:ما اريد شكراً
رسيم:كومي نتعشى سوه هاي اخر ليله يمي
رواسي:يعني صدك راح ترجعني؟ شو خايفه منك اني ماعندي ثقه بيك
رسيم:يجي باجر و تشوفين بعينج، بس عندي يمج طلب واحد
رواسي:شنو؟
رسيم:اذا اخذو اقوالج لتكولين اني خطفتج
رواسي:اني راح اشتكي عليك بنفسي و اخليك تخيس بالسجن
رسيم:يجي من گلبج؟
رواسي:مثل ما اجه من گلبك تخطفني و تعذبني علمود موضوع مالي علاقه بي، اني نفسك
رسيم:زايدي اخذ شهرين تلاثه، بس ما اريد هالشهرين تكون بسببج لان ماعدهم اي دليل عليه
رواسي:بعمري ما راح اسامحك رسيم
رسيم:عوفي هالسوالف كلها، كومي نتعشى سوه يلا
سويتلج برياني يفوتج
كمت من مكاني بدون ما احجي وياه، ميته جوع
دخلت للمطبخ شفته مجهز الاكل و حاطه على الميز
سحبت الكرسي و كعدت اكل بدون ما انتظره
شوي و اجاني بقه يباوعلي شلون دا اكل
نفسيتي انفتحت على الاكل، سحب الكرسي مقابيلي و گال
رسيم:على كيفج روسيه
رواسي:معليك اكل و أنتَ ساكت
باوعت من باب المطبخ و اردفت..
رواسي:الحمره وينها؟
رسيم:هدى؟ راحت لبيتها
حطيت لكمه بحلگي و گلت
رواسي:زين والله تذكرت عدها بيت
صار يضحك و گال
رسيم:ميته من الغيره مشتعله شعل
رواسي:فد قندره أنتَ و اغار عليك ؟
ضرب الميز بقوه و عاط بيه
رسيم:تأدبييي رواااسييي
تجمعت الدموع بعيوني، تركت الاكل
و كمت من مكاني، سحبني من ايد و رجع عاط
رسيم:كمليييي اكلججج يلا
رواسي:سديت نفسي
رسيم:يلا بابا تعالي اكلي
رواسي:مو ابويه أنتَ مو ابويه
رسيم:لو متزوج من زمان چان هسه بنتي بعمرج
رواسي:شكد عمرك ليش؟
رسيم:راح ادخل الاربعين
من غير وعي شهكت و صرت اكح
اختبص بيه، هسه يموت بسبب شهكتي
اي خلي يموت و اخلص منه
شربني مي ارتاحيت شوي و گلت
رواسي:عزااا صدك تحجي؟
رسيم:لا يمعوده جذب جذب شجابني للاربعين
رجعت كعدت مكاني و صرت اكل بدون ما
احجي وياه حرف.. كل ما ارفع عيني عليه الگاع يباوعلي
كملت اكل و كمت للحمام غسلت و طلعت ردت ادخل
للغرفه، استوقفني و گال
رسيم:و المطبخ منو ينظفه؟
رواسي:اني طبخت؟
رسيم:لا بس أنتِ اكلتي
رواسي:مو اني طبخت من اطبخ اني عود انظفه، يلا تصبح على شر
دخلت للغرفه و سديت الباب فتت بفراشي
اريد انام حتى يجي ثاني يوم بسرعه، و اخلص من هذا العذاب كله
و فعلاً نمت نومه عميقه، و لاول مره بعد شهور
انام هيج مرتاحه.. حسيت الصبح على صوته يكعد بيه
رسيم:شكد تمبل كومي ولج
رواسي:اهووو عوفني عاد
رسيم:ابوج جاي بالطريق
طفرت من مكاني و فركت وجهي اريد استوعب
رحت يمه مديتله ايدي و گلت
رواسي:اكرصنييي خاف دا احلم
ابتسملي و سحبني من ايدي لزكني بي
و گال..
رسيم:اني اعرف شلون اصحصحج
طبع بوسه عميقه و ابتعد عني..
رسيم:صحصحتي؟
رديت بفهاوة
رواسي:هاا؟
رسيم:خدرت يربي
هزيت راسي بقوه و كلت
رواسي:لا مصحصحه اني، بعدين أنتَ صاير ادبسز شلون تبوسني متستحي على روحك؟؟؟
رسيم:هاا رواسي البوسه متعجبج تردين شي اقوى أنتِ
فلتت روحي من عنده، وكلت..
رواسي:اكرهك للابد المؤبد
رسيم:و العكس صحيح روسيه
اخذت ملابس من الكنتور و دخلت للحمام
غسلت وجهي و بدلت، بعدني ما طالعه من الحمام
و باب البيت تكسر تكسر من كثر الدك
الرجفه سرت بكل جسمي، فتحت باب الحمام
و طلعت باوعت لرسيم يباوع للباب، وجه نظراته الي
و گال
رسيم:كلشي انتهى قبل لا يبلش
رواسي:منو اجه رسيم؟
رسيم:ابوج و الشرطه و الضباط، لام الامه العربيه كلها
الاستاذ راشد
راد يفتح الباب استوقفته و گلت
رواسي:كوللهم خطبتها اكثر من مره ما وافقوا و انهزمنا سوه
صفن بيه لثواني و گال مستغرب
رسيم:شمدريج خاطبج اني؟
...
- يتبع الفصل التالي اضغط على (رواية رواسي الدهر) اسم الرواية