رواية ذنوب على قيد الغفران الفصل الثامن و الاربعون 48 - بقلم براء
فهد : كمت طلعت من الغرفه مشيت شفت محسن كبالي وسمعت صياح خله الدنيا تفتر بيه
: لاااااا دكتوووو لاا
فهد : حسيت توازني اختل واجيت اوكع وما اشوف غير محسن يسندني
محسن : فهد فهد يمعووود شبيك حارررث يولد يمعوددين تعالو فهد تسمعني احجي رحمه لدينك
فهد : بهدوء ماتت مو ماتت وعافتني
حارث : خير خير شبيك فهد
محسن : لزمه ويايه بسرعه خلي نكعده ... فهد بس باوعلي تسمعني الله يخليك ساعدنه خلي نكعدك منكدر نشيلك
فهد : بخفوت ليش ماتت
محسن : اجو كل الولد يركضون لزمنا كعدنا على كرسي روحو صيحو لممرض بسرعه راح تضربه جلطه باوعو وجهه شلون صار رررركضو
فهد : اباوع لمنذر يبجي هنا تأكدت اني خسرتها
علي : بس فهمومنييي شبي
سامر : خاف تخربط عباله صوت الصياح منه
حارث : لالا يمعود لتخاف الف الحمدلله مرتك رجع كلبها لوضعه الطبيعي وحتى جسمها استجاب صوت النعي السمعته مو منه هاي عائله ثانيه ابوهم مات
فهد : بهدوء يعني عاشت
محسن : والحمزه عايشه وحتى راح يطلعوها لغرفه خاصه خلص بعد تعدت مرحله الخطر
فهد : وانت ليش تبجي
منذر : انت ماشفت الوضع بأخر ربع ساعه انكلبت الدنيا بالممر ... الصار معجزه مرتك رجعت للحياة بأخر دقايق من اعلان موتها كلنه بجينه سبحان ربك طلعها من حلك الموت هالموقف بجانه كلنه
حارث : سبحان القادر بأخر ربع ساعه رجع كلبها صدك لو كالو قدره الله تصفن
فهد : خليت ايدي على راسي ... عايشه عايشه يعني راح تكعد وماراح تعوفني كمت واحس كل الحيل رد بيه
علي : وين رايح يمعود متشوف وجهك شلونه خلي نصيح للممرض يقيس ضغطك
فهد : مشيت بسرعه مابيه غير العافيه ماعليكم انتو .... رحت لمكان العنايه شفت الدكتور يحجي ويه اهلي
ياسمين : تعال بيبي مريتك عدت مرحله الخطر
الدكتور : صراحه انتو محظوظين بالعاده اذا المريض وصل لهالمرحله يدخل موت سريري و وره دقايق معدوده يموت بس بتكم بأخر ربع ساعه رجع كلبها مثل ماجان واحسن ولا كأن جان يصارع قبل ايام
ايمان : الحمدلله ربي .... اباوع لفهد ساكت ومابده اي ردة فعل غير السكوت حقه سوده عليه اكيد مصدوم
فهد : رحت يم العنايه اباوع بدوه يشيلون الاجهزه منها ... الهي انت ما رديتني رغم عصيتك هواي .... لا صليت ولا صمت ولا سويت اي شي وصيتني عليه شربت ودخلت لمكانات قذره زنيت بفتره من حياتي ما خليت شي موزين يعتب عليه اذا ما سويته وتالي من دعيتك بكلب خالص رحمتني واستجابيت دعائي واني ما استاهل لعد شكد انت رحيم واني شكد حقير لان جنت عايش لروحي وناسي عدي رب واله حق عليه
اباوعلها والابتسامه مرسومه على وجهي ياروحي ما مصدك راح ترجعيلي راح اسمع صوتج واحس بيج واشمج وكلشي يحلالي اسوي بيج
ايمان : لزمت متنه شبيك يمه
فهد : ابتسمت بيه كل العافيه مادام صارت زينه خلص اني بكل الخير
ايمان : الله يخليكم لبعض ويحفظكم يايمه
فهد : امين .... رحت احاجي الدكتور على وضعها علما يخلوها بغرفتها حتى اشوفها
محسن : وين رايح
فهد : هسه اجي رحت لغرفه الدكتور دكيت الباب ودخلت
الدكتور : اهلا سيد فهد تفضل
فهد : حاب استفسر عن وضع زوجتي الصحي
الدكتور : اكيد تفضل سيد
فهد : كعدت
الدكتور : بالبدايه الف الحمدلله على سلامه المدام حقيقه الصار وياها صدمنه لان نادراً مايصير هيج يمكن الي صاير وياهم هالموقف ينعدون على الاصابع وطبعا اغلب اليمرون بهيج حاله يكونون كبار بالعمر مو صغار وعلى فكره زوجتك لو كلبها تمام تطلع منها بكل سلامه بس لان كلبها موزين والحادث زاد الطين بله عليها .... بس الحمدلله الاسعافات ودعائكم جاب نتيجه بحيث هسه كلبها تمام التمام بس
فهد : بس شنو
الدكتور : بس اني خايف الحادث يكون مسبب اعاقه لزوجتك بواحد من اجزاء الجسم وحسب توقاعتنه ان تكون مصابه بشلل نصفي وللاسف هذا شي متوقع لان متاذيه بالحادث وحتى نتاكد من تكعد نسويلها فحص
فهد : شنو شلل نصفي وشنو مو متأكد لعد انت مو دكتور والمفروض تكون متأكد من كلامك
الدكتور : منكدر نحدد او نجزم بشي اذا منسويلها غحص من تكعد وساعتها نتاكد
فهد : مسحت على وجهي زين اذا لا سامح الله طلع كلامك صح نكدر نعالجها
الدكتور : هذا شي يعتمد على درجه الشلل والفحوصات ماكو داعي للخوف خلي تكعد ونسوي الفحص وعود بعدين نتناقش بالتفاصيل
فهد : طلعت من الدكتور وبالي مشغول بكلامه شلون لو انصابت فعلا بشلل اني ميهمني اهم شي عندي تكون عايشه وتشم الهوه ولو جانت مشوها من الحادث هالشي ماراح يغير من حبها الي بكلبي ولو ذره بس خايف لا هالشي يأذيها واني لو تأذت الالم يصير بالضعف عليه .... رحت للغرفه مالتها لكيتهم كلهم يمها اباوعلها ياربي شوكت تكعد
ايمان : هاا يمه وين جنت
فهد : يم الدكتور
حارث : الحمدلله على سلامتها
فهد : يباوعلها ... الله يسلمك
مرتضى : شوكت تكعد
فهد : انت شعدك هنا
مرتضى : ما جاي الك جاي اشوف زميلتي
فهد : كمت زميلتك مرتي واني الاقرر منو يشوفها ومنو لا فتهمتتت مااريد اعلي صوتي لان موزين عليها احتررم روحك لا اعرف شلون اتصرف وياك
مرتضى : شترييد تسوي يعنيي ...اصلا كل الكادر عليه انت بس تحجي عفتها ورحت تالي صارت بهالحال من وراك ومن وره اهمالك
فهد : ضغطت على ايدي محاول احافظ على اعصابي .... كومو روحو منا اني موجود يمها
ايمان : بس يمه شلون نعوفها
فهد : يمه انتي صايمه روحي رجعي للبيت صارلج خمس ايام بهالحال والحمدلله عدت مرحله الخطر ومابيها غير العافيه روحي للبيت وانتو شباب رحم الله والديكم ماقصرتو وما انسه وكفتكم بس اني هسه موجود وراح ابقى هنا انتو رجعو لبيوتكم وارتاحو
محسن : لا وياك منعوفك
فهد : كلت راح ترجعون ولحد يناقشني يله لبيوتكم يله
حارث : خلص براحتك واذا اعتازيت شي خابرني
فهد : ماشي ... طلعو الكل وامي والحجيه كوه قبلن يرجعن بس اني قنعتهن بقيت بس اني وحبيبتي بالغرفه لزمت ايدها شوكت تكعدين صار ساعه من طلعتي .... بوست اديها شتاقيتلج هواي اريد اشمج واحجي وياج كعدي ياروحي
_______________________
ورده : كاعدين بالصاله صار خمس تيام حالتنه حاله سعاد وجناينها وبتول ولا كأن بس اني وليلى وانغام نسأل على غنى واروى
انغام : بنات بنات خابر منذر غنى صارت زينه
ورده : صدك
انغام : اي والله وهسه جايين بالطريق بقه بس فهد يمها
ليلى : الحمدلله عدت سلامات ميستاهل فهد فوك التعب طلعتله هالسالفه صفح
انغام : اي والله
بتول : ديله يله على اساس هسه كيلوباترا نايمه بالمستشفى هي كلها خلك غنى عفتهن وكمت والله حظج كاعد حادث شكبره ونجيتي منه ربي اريد منك عاهه ومتكومها بعد لهالسافله هاي
سعاد : هاا شبيج تدردمين
بتول : هاي نعال تعدت مرحله الخطر
آلاء : هاا زين
ساره : انتي صدك متستحين والله شايل من كلبج الرحمه شلون تحجين هيج عليها بدال متكولين الحمدلله على سلامتها لج شنو من بشر انتي
بتول : انتي اكلي تبن وبطلي تصيرين لوكيه عبالج اذا تسوين هيج فهد راح ينطيج فلوس مثلا لو راح يسجلج نص البيت
ساره : اي مو اني مثلج البنيه كلشي ما مسويتلي وحبابه وتنحط بنص الكلب لا اذتنه ولا صدر منها شي ومشاكلكم ويه رجلها مو وياها فبطلن حقد
سعاد : كافي انجبي يله مو انطيناج وجهه
ساره : انتي ليش دومج واكفه ويه الغلط بدال ما تنطيها لطمه على حلكها تحجين عليه
سعاد : الطم بت اختي على حلكها على حساب وحده ساقطه جايه من الشارع صدك تحجين انتي شو دنجبي انجبي
ساره : كمت بيجن خير احجن هالحجي كدام فهد وكولن مرتك كذا وكذا مو كاعدات تحجن عليها بالختله
سعاد : نزعت البرجلي وكمت تعاي ولج بت الفكر صايره خيره براسي اريد انعل والديج
ساره : طلعت اركض صارت ام فهد كدامي خليت شالي على راسي بسرعه ليجون الولد ... هاا شو رجعتو
انغام : الناس تكول الله يساعدكم ... كمت هاا شلونج خاله بشري شلون صارت غنى
ايمان : ذبيت عباتي الحمدلله رحمه من الله بقت بس تكعد
ورده : حضنتها شتاقيتلج يمه
ايمان : بستها بعد كلبي حبيبتي حتى اني كلبي يمج
سعاد : هاا ايمان شلونج شلون صارن البنات
ايمان : والله الحمدلله غنى بعدها لسه ماكعدت بس تعدت الخطر واروى بره الولد جاي ينزلوها لان متكدر تمشي
ورده : طلعت للطرمه اركض اباوع دخلو اخواني منذر شايل اروى بجيت اول ماشفتها
اروى : لتبجين حبيبتي والله مابيه شي
ورده : بوست اديها وراسها والله اجيت اموت على مودج
اروى : بستها ياعمري فدوه لكلبج
منذر : خلي ندخل جوه ونحجي بعدين وخري حبيبتي دخلتها جوه وديتها لغرفه خالتي
اروى : تنهدت هسه احس روحي ارتاحيت من كلولي غنى وضعها صار آمن ... ارتاحيت اجو الكل بوسوني وتحمدولي بالسلامه
ليلى : سوده عليه شو وجهج يمه هاي شلون صاير
علي : يتعالج يتعالج كلها شهر زمان اذا مو اقل وتصير مثل الورد وبعدين هاي كلها رضوض ويه العلاج تروح متخوف
اروى : يمعود ميهمني اهم شي طلعنه سلامات من هالحادث
الكل : اي والله
_______________________
غنى : نايمه واحس بضوه قوي عليه فتحت عيوني الدنيا غواش كولشي ما اشوف اباوع اكو هيئه جسم كدامي عرفته فهد بديت استجمع نفسي واركز اول ماحسيت بجسمي تأوهت بصوت يمه جسمي يوجعني
فهد : شلت راسي من سمعت صوتها اباوعلها تفتح وتسد بعيونها على كيفها لزمت ايدها الحمدلله واخيرا كعدت بست ايدها ... الحمدلله على سلامتج حبيبتي
غنى : بألم آه فهد
فهد : سلامتج ياروحه لفهد هسه اصيحلج الدكتور كمت بسرعه صحت للدكتور
الدكتور : اي الحمدلله كعدت تعال خلي اشوفها
فهد : اجه الدكتور ويايه و وكف يحاجيها
الدكتور : غنى باوعيلي تشوفيني
غنى : تقريبا وضحت الصور عندي ... ههمت بمعنى اي
الدكتور : فحصت عيونها هذني شكد
غنى : بتعب ثنين
الدكتور : وهذني شكد
غنى : خمسه
الدكتور : تسمعيني زين
غنى : بتعب اي
فهد : اباوعلها كوه تحجي والدكتور ميقبل ينطيها شي اذا ميفحصها ابن الكلب ميشوفها كوه تحجي جلب اله يفحصها هسه
الدكتور : تكدرين تحركين رجلج اذا تكدرين حركيها
غنى : حركت اصابع رجليه وصحت بألم آااه
الدكتور : ابتسمت الحمدلله
فهد : شنو
الدكتور : زوجتك رجليها سليمه ومابيها شي جنه خايفين لا الحادث يتسببلها بشلل نصفي بس الحمدلله طلعت سليمه
فهد : الحمدلله .... بقه شويه يفصحها ويسجل اباوعله من يلزمها بودي انعل والديه بس هو دكتور وهذا شغله ما اكدر احجي .... شلونه وضعها
الدكتور : لا الحمدلله تمام التمام ... وبالكثير يومين ونخرجها منا ان شاءالله
فهد : ان شاءالله ... تسلم
الدكتور : ولو هذا واجبي يله عن اذنكم ... هسه الممرضه تجي تنطيها ابره مسكن
فهد : اجتي الممرضه انطتها ابره مسكن وطلعت
غنى : اباوع وعيوني تدور بالمكان على فهد شفته قبل شويه بس هسه وينه
فهد : تقدمت كعدت يمها مسحت على راسها الحمدلله على سلامتج ياروحي
غنى : باوعتله عود هذا صدوك فهد لو داحلم ... بخفوت فهد هذا انت صدوك
فهد : اي اني ياروح فهد وعمره
غنى : لارد
فهد : تلمست خدها الحمدلله وجها سليم تدرين اني .... احبج
غنى : باوعتله بسرعه بين الصاحيه والمطفيه
فهد : بهدوء والله العظيم احبج اله اموت عليج تدرين لو صاير عليج شي جان لحكتج وداعتها لعيونج ... لالا ليش تبجين
غنى : بهمس تحبني
فهد : بهيام ... مو بس احبج اعشكج ومستعد اعوف الدنيا كلها على مودج وثقي وكعتج هاي صحتني على هواي اشياء منها انو اني ماجنت عايش بهالدنيا ومن اخذتج جريتيني وياج لغير عالم ... اعرف اني مو الشخص الجنتي تتمني وادري بيج متحبيني بس صدكيني راح ا..
غنى : قاطعته ... احبك
فهد : هاا ؟!
غنى : بتعب احبك فهد وهواي هم
فهد : انتي صدك تحجين لو اثر البنج لسه بيج لو شنو
غنى : بهدوء بكل حالاتي احبك سواء صاحيه او لا واذا انت تحبني فأني عابره مرحله العشق بيك اني صرت مهووسه بتفاصيلك يافهد
فهد : كلشي توقعت بس انو اعترف بحبي لمره بهيج طريقه وبهيج ضرف هذا الماجنت متوقعه ... تدرين اتمنى لو كلامج هذا كايلته وانتي مو بهالوضع حتى ارد عليج رد يناسب كلامج وحاليا وضعج هذا ميسمحلي اسوي اي شي ولا اثبت شي بس صيري زينه وعود ارد عليج بطريقتي الخاصه لاني فاشل بأمور الحب وماعندي خبره فأفضل اثبتلج بأفعال لان الكلام مو مهم
غنى : ضغطت على نفسي حتى احجي عدل احس الكلام ضايع مني ... كحيت احم احم كولشي ما اريد منك بس وجودك يمي يسوه الدنيا عندي
فهد : بست راسها ونزلت بوست خدودها ... كلشي بوكته حلو صيري زينه واني مستعد كلشي اسويلج عندي هواي اشياء اريد احجيها بس صايم وخايف لا يطير صيامي
غنى : بهدوء عطشانه فهد
فهد : ابتسمت ... هسه لحظه اخذت كاسه ماي قطرت على شفايفها لان جانت غايبه عن الوعي فأكيد تعتبر فاطره
غنى : اريد اشرب لتقطرلي
فهد : لحظه ... حاولت ارفعها على كيفي حتى ما ااذي كتفها لان مخلوع ... مرتاحه
غنى : همهمت
فهد : اخذت الكاسه شربتها اباوعلها تشرب عبالك ماشاربه قبل ... بعد
غنى : لا شكرا
فهد : عوافي ... تنامين
غنى : اي
فهد : غطيتها وطفيت الاضويه ... اجيت كعدت لزمت ايدها وخليت راسي يمها
غنى : باوعتله تنام يمي
فهد : لا حبيبتي مو نعسان بس اريد ارتاح شويه يله نامي اباوعلها غمضت ونامت بسرعه مبينه تعبانه تلمست اصابعها وكل شويه ابوسهن ... غمضت عيوني وماحسيت على شي بعد حتى نسيت بروحي صايم لاجعت ولاعطشت
_________________________
ضحى : شلون صارت مرت فهد ردت اروح اشوفها بالمستشفى بس اخ منكم ماخليتوني
حارث : شعدج رايحه هي صايره هرجه هناك وهاي احنه رجعنه فهد ماخلا ولاطير يبقى بقه بس هو وياها واحنه رجعنه
عباس : كعدت لو بعدها
حارث : لا كعدت قبل جم ساعه خابرته وكال كعدت
عباس : الحمدلله
ضحى : والله تكسر الخاطر هالبنيه ماعدها احد لا ابو ولا ام ولا حتى اخو زين الله رزقها بهيج عيال يحبوها
مروه : وياريت تستاهل وبعدين تعالو شجاكم مسوين حادثها خبر عاجل ينحجه بي بكل بيت شدعوه شنو بس هي مسويه حادث هاي اروى مو كعدت وكلشي مابيها ماخبصتو رواحكم بيها
حارث : البنيه وكف كلبها وجانت على وشك انو تموت وبمعجزه ياله رجع كلبها يدك المفروض هذا شي انتي تعرفي يامحلله مو اني اكلج
عباس : بابا مو بمعناها صارت مشكله بينج وبينها تحقدين عليها لا حبيبتي ميجوز لو مهما يكن المرض والموت مابي شماته و لتنسين هي تضل مرت ابن عمج واخوج الجبير
مروه : ليش هو شكرهني بيها غير انها اخذت ابن عمي و حب حياتي .... اي خطيه فهد عود نزل يريد يرتاح طلعتله هالسالفه صفح
حارث : هو مانزل هيج وصله خبر هي بالمستشفى وعاف كلشي ورجع لبغداد
ضحى : مبين عليه يحبها
حارث : كون تشوفي شلون اجه مثل المضيع يدور بالوجوه عليها لو اليوم من سمع صوت الصياح من العالم عباله احنه وكع وارتفع ضغطه كوه كدرنه نلزمه اني ومحسن وكوه ياله سندنا ... والله ضليت صافن ماتوقعت بيوم اشوف فهد بهالوضع كون تشوفو شلون يرجف والحجايه كوه تطلع من حلكه اني نفسي ماصدكت بفهد يحب مرته لا ولهالدرجه
ضحى : هي مرته دره وصوتها مينسمع وخوش بنيه ومبينه ما مقصره وياا وكل رجال لو شاف بمرته هالصفات يكوم يعبدها عباده مو عاد فهد شبع ضيم الله يساعده واجته هاي جنها ورده اكيد يحبها
مروه : همه يحجون واني دموعي بطرف معقوله يحبها لدرجه يوكع على حسابها زين شلون كام هيج يحبها وشمسويتله هي حتى يفقد هيج عليها عفتهم وصعدت فوك اول مادخلت سديت الباب ورحت طلعت صورته اباوعلها ودموعي تنزل ... الشي الوحيد الجنت متأكده منه هو زواجي منك كبرت واني منتظره يجي اليوم الي نتزوج بي اني وياك اعرف انت هسه رجال مزوج وميصير افكر بيك بس احبك والله ومشاعري مو بأيدي من كد ما احبك تغيرت شخصيتي وكمت اخبث واحقد وحتى بالموت ادعي على غنى لان اخذتك مني وتسودك صدرك بدالي
ليش ياربي ليش الي يحيرن شيسون ياخذن احسن الناس واني الي عمري لا حبيت ولاسويت علاقه ولاخليت رجال يتقرب مني كضيت حياتي محاوطه نفسي بأسم فهد واكول اصبري راح تنالين التردي بالنهايه .... وبالنهايه حبيبي عرس كدام عيني والناس تحجي عن حبه لمرته وكدامي لييييش ليشششششش
_________________________
صباحا
ايمان : كعدت وكمت اسوي ريوك لاروى لان وراها دوه ... كعدتها يمه اروى كعدي
اروى : هاا يمه صباح الخير
ايمان : بستها صباح النور بعد كلبي ... اسويلج ريوك
اروى : لا يمه ما اشتهي
ايمان : ماكو متشتهين وراج علاج ... يله تعاي اكومج تغسلين وتفرشين اسنانج وصحصحي كافي نوم صار ست تيام نايمه ... كومتها كوه ساندتها كبرت بعد ومابيه حيل كعدتها رطبت خاولي نظيف مسحت عيونها وغسلت حلكها اباوعلها شلون ضايجه شبيج يمه
اروى : هسه اني جماله عليج فوك التعب اجي اني وتعاي انتي غسليلي وفرشيلي شنو مجبوره بيه خوما مجبوره
ايمان : ولج هذا الحجي احجي لغير وحده مو لامج اني جبتج ولبستج وحفظتج وسبحتج وضليت وياج لحد هاللحظه تتوقعين اتعب منج لو من اخوانج انتو راحتي يايمه لو اخدمكم العمر كله واامن سلامتك ما اكول لا يله تعاي خلي نطلع واروح اسويلج ريوك ... كومتها طلعت كعدتها على الجربايه علكتلها التلفزيون وطلعت اسويلها ريوك ماكو احد كلها نايمه لكيت بس ساره كاعده تتريك
ساره : هاا صباح الخير خاله
ايمان : صباح النور يمه
ساره : شعدج كاعده بالوكت وانتي صايمه
ايمان : وكت دوه اروى هسه اريد اسويلها ريوك حتى تتريك وتاخذ دواها
ساره : ليش هي فاطره
ايمان : اكيد قابل تصوم وهي بهالوضع ... ماسامعه ماعلى المريض حرج ... سويتلها ريوك واخذته الها دخلت لكيت ورده تبوس بيها وتسولف ابتسمت اكثر شي احمد الله جهالي واحدهم كلبه على الثاني ومابينهم كل حقد وغيره
ورده : اووو والله جعت جماله بيض عيون والله جعت
ايمان : يله مابقه شي للفطور غمضه عين
ورده : ستوها بالدعش منا لشكد ياله يأذن جماله اني جوعانه وصار كومه افطر على اكل آلاء وعدكم الحساب
ايمان : صيام ولج لتشيلين غيبه
ورده : انتن تضحكن على الله لو شنو تره هي الغيبه اساساً حرام لو هو الاستحرام بس برمضان
اروى : ضحكت ااخ طاحظج لتضحكيني مااكدر اضحك
ورده : هههه شايفه وجهج شلون صاير والله جنج قميص معفس كل معنى بوجهج ماكو
اروى : ههههه ولج لتضحكيني اااخ شوفي فكي كام يوجعني
ورده : ابتسمت اسفه
__________________________
فهد : فتحت عيوني اباوعلها كاعده وتباوعلي ... شلت راسي صباح الخير حبيبي
غنى : ابتسمت بهدوء ... صباح النور
فهد : لزمت ايدها ليش ما كعدتيني اول ماكعدتي
غنى : تلمست لحيته بأيدي السليمه ... شفتك غاط بالنوم مهانلي اكعدت
فهد : بست باطن ايدها بعمق ... شلون صرتي هسه تحسين بشي
غنى : لا الحمدلله زينه
فهد : دائما ان شاءالله .... يله اكوم اجيبلج ريوك واجي كمت كلت للممرضه واجيت ... اكعدج ؟
غنى : ياريت احس روحي مخنوكه
فهد : رفعت خصرها على كيفي خليت مخده وره ظهرها هيج زين
غنى : اي .. بهدوء صدوك انت مو المفروض بعد حوالي اسبوع ياله تنزل شنزلك هسه
فهد : ليش اني من سمعت بيج انتي واروى مسويات حادث بقه عقل براسي اخذت اذن ونزلت
غنى : تنهدت الله ليعيد ذاك اليوم
فهد : انتن شلون ترحن تكسي وحدجن اني شكايلج جماله انتن صعدتن بوقت ابد مو مناسب
غنى : اعرف بس احنه خفنه واني اصريت على اروى نصعد بالتكسي لان تعبت وماكدرت امشي
فهد : يعني مو اروى الجبرتج تصعدين بالتكسي وانتي منعتيها
غنى : هاا لالا
فهد : ابتسمت لتحاولين اعرف تفاصيل الحادث بالتفصيل الممل واروى كلتلي جبرتج تصعدين بالتكسي وانتي ماجنتي قابله من البدايه
غنى : الله عليك خوما سويتلها شي
فهد : طبعا لا شريد اسويلها يعني عود من تصيرن زينات اعرف شلون اعاقبجن
غنى : شلون تعاقبنه
فهد : اروى اسويلها جره اذن اما انتي فألج عقاب خاص والله لخليج تصيحين الويل
غنى : بخوف ليش
فهد : بعدين اكلج ليش
غنى : اذا تضربني بعد ما احاجيك
فهد : كسر بأيدي لو انرفعت عليج بيوم كتلج اعاقبج عقاب من نوع ثاني راح تشكريني عليه بعدين وهسه شنو رأيج اشوف الدكتور يصير يكتبلج خروج حتى تكملين علاجج بالبيت وبأشرافي اني
غنى : ياريت اكرهه المستشفيات ينقبض كلبي اذا دخلتها
فهد : بهدوء ماشي هسه اروح اشوفه شيكول ... طلعت حاجيت الدكتور واتفقت وياا هاليومين تبقه حتى يتأكد من سلامتها مع انو اني اشوفها رجعت لوضعها الطبيعي صحيح تحجي بتعب بس زينه ما اشوفها تعبانه لدرجه تخلينه نبقيها لفتره طويله بس ميخالف اذا هالاجرائات لاجل سلامتها ماكو مشكله وبعد يومين عود يسجللها خروج .... رجعت لكيت الممرضه تضربها ابره بأيدها
غنى : هاا شكلك
فهد : بس هاليومين وبعدها يسجلج خروج
غنى : ان شاء الله ... ليش مترجع للبيت شوف روحك صايم وتعبان ومصارلك غير يوم ونص من نازل روح ارتاح
فهد : لاحبيبتي كلشي مابيه وما ارجع للبيت غير وانتي ويايه
غنى : ابتسمت بهدوء وكلبي يدك بسرعه ... ممتوقعه انو اني وفهد حنكعد ويصير بيناتنه هيج كلام لا وفهد يحاجيني الي بهالطريقه حسيت بألم بأيدي باوعت للممرضه تضغط بالابره وعيونها على فهد اباوع لفهد من شافها تباوعله دنك راسه شعجب ... بألم على كيفج رجاءاً تره دتأذيني
الممرضه : لارد
غنى : هاي شبيها مبحلقه بي هيج من زينه همزين مزنجر ... لزمت ايدي حيل صحت على كيفج حبابه
فهد : انتييي شبييج صار ساعه تكلج على كيفج متفهمييين هيي ابره سويتيها قضيه
الممرضه : احم اسفه ما انتبهت
غنى : كملت الابره وطلعت
فهد : اخذت ايدها وحركت اصابعي على مكان الشرايين حتى يروح الالم .... اذتج هاي الثوله
غنى : بهدوء لا مو كولش ليش عطت بيها
فهد : لو مشتغله عدل محد يحاجيها
غنى : سكتت محجيت شي مدري ليش حسيته صار عصبي اخذت دوايه ونمت .... مرن اليومين بسرعه كدرت احجي بصوره طبيعيه بفضل الله وفهد سوده عليه ماقبل يرجع ودزتله خاله الفطور للمستشفى وملابس لان ميكدر يبقى بنفس اللبس .... وره يومين سجلي الدكتور الصبح ورقه خروج وفهد اجه اخذني
فهد : سديت صايتها شو باوعيلي ضميت شعرها وشلتها على كيفي كعدتها على العربانه ودفعتها
غنى : حروح للبيت
فهد : لا اول شي راح نروح حتى اغتصبج وبعدها اخذج للبيت
غنى : بخجل عيب هالحجي
فهد : اروح فدوه لليستحي يله عود نروح للبيت وانوب اغتصبج اباوع لوجها انكلب لونه ابتسمت وصلت للسياره شلتها كعدتها بالصدر رجعت كرسيها وشديت الحزام على خصرها حتى متوكع لان متكدر تحرك رجليها بسبب الكسر والرضوض البيهن ... صعدت وحركت السياره .... غنى
غنى : همم
فهد : اني احبج
غنى : بخجل واني هم
فهد : انتي هم شنو
غنى : بهمس احبك
فهد : ابتسمت تدرين شكد مرتاحه نفسيتي اليوم اول شي انتي صرتي زينه وهاي جاي تحجين ويايه وثاني شي اكتشفت انو اني احبج لا وهواي هم ماتوقعت روحي راح احب واحبج الج انتي بالذات هاي الماجنت ببالي
غنى : ليش
فهد : نسيتي شكد جنت انتقدج واعيب عليج تالي اني اكثر واحد حبيتج سبحان الخلاج بكلبي وحببني بيج
غنى : وهسه متندم لان حبيتني
فهد : الشي الوحيد الي من سابع المستحيلات انو افكر ولو مجرد تفكير انو اتندم عليه هو انتي
غنى : ابتسمت واحس روحي حطير من الفرح صدوك كولشي الله يسوي لسبب يمكن الحادث الصار ويايه حتى يصير انقلاب وانتقال بحياتي اني وفهد لمرحله ثانيه من علاقتنه .... عبرنه مرحله الصداقه وصرنه بمرحله الحب المباح بعد ممجبوره ادفن مشاعري بداخلي ولا اكول احب فهد حب من طرف واحد
فهد : وصلت للبيت نزلت دكيت الباب طلعلي علي
علي : هاا الله يساعدهم
فهد : ويساعدك ... فتحت الباب جبت العربانه صعدتها ودفعتها حتى ادخلها للبيت
علي : الحمدلله على سلامتج خويه والله ضل بالنه يمج اخذتي رواحنه وياج
غنى : بهدوء الله يسلمك ربي يخليك ... دخلني فهد جوه اباوع الكل موجودين بالصاله شفت اروى ودموعي كامت تصب حبيبتي هاي شصاير بحالها وجها مورم ولافين رجليها واديها
ايمان : هلهت بصوت عالي من فرحتي بيها الف الحمدلله بعد كلبي خطاج الشر ان شاءالله
غنى : حضنتني على كيفها عرفتها سامحتني يمكن اذا احمد الله على هالحادث يكولون مخبله هالحارث غير هواي اشياء بحياتي وسوالي شكو شي جنت اتمنى واسعاله ... حبيبتي خاله الله يسلمج
ورده : بستها حيل حبيبتي غنى شلونج شتاقيتلج هواي والله وصليت وقريت قران كومه حتى الله يكومج بالسلامه
غنى : ياعمري فدوه اروحلج
ليلى : عدج العافيه يكولون مريضه ومريضه شبيج جنج العافيه كلشي مابيج
بتول : واني صدكت راح تموتين طلعتي كلشي مابيج بس رجلج مكسوره وايدج واثار خفيفه لعد شبيهم خبصونه ... اباوع لفهد خزرني دنكت راسي
ساره : حبيبتي متستاهلين ان شاءالله بلي يكرهوج
آلاء : سلامتج مرت الغالي عندج العافيه
غنى : شكراً الله يسلمكم ... فهد قربني من اروى دفعني مقربني عليها حضنتها بايدي السليمه حبيبتي مبيج غير كل العافيه
اروى : بدموع اني اسفه والله اجيتي تموتين بسببي
غنى : بتعب يعمري هذا قضاء ربج
لا بكيفي ولا بكيفج والحمدلله عدت سلامات
اروى : الحمدلله
فهد : يله من رخصتكم .... شلتها من العربانه اباوع لوجها انصبغ ... عفيه يمه اني راح انام لحد يكعدني لا على فطور ولا على شي اريد ارتاح
ايمان : اي يمه اخذ راحتك
فهد : اخذتها وصعدت فوك صارت سعاد كبالنه
سعاد : ياا عشتي الحمدلله على سلامتج ولو ما اشوفج بيج شي
فهد : الحمدلله مابيها شي عسى المرض بالي يكرها
سعاد : شهالدفاع المسلح هذا
فهد : اذا ما ادافع لمرتي المن ادافع الج مثلا ...وخري رجاءاً .... اخذتها ورحت للغرفه فتحتها ودخلت ... نورتي غرفتج
غنى : ابتسمت منوره بصاحبها
فهد : خليتها على الجربايه فتحت حجابها وصايتها موخرهن عنها ... انتي صاحبتها
غنى : ابتسمت
فهد : ابدللج
غنى : بلا امر عليك طلعلي دشداشه من الكنتور وصيحلي ورده تجي تساعدني حتى ابدل
فهد : ماكو حاجه لورده اني موجود
غنى : لا فدوه صيح لورده واني لوما وضعي ما اخلي حتى ورده تساعدني بس مجبوره
فهد : ماشي طلعت صحت لورده ورحت طلعت ملابس لروحي ودخلت للحمام حمضت صار يوم ما سابح .... سبحت بسرعه وتوضيت وطلعت ... شفتها لابسه دشداشه ورديه قصيره ... شلون تحسين نفسج هسه
غنى : تنهدت تدري احس راحتي صايره بهالغرفه
فهد : انشف بشعري واتقرب عليها كعدت يمها ... عن قريب راح تصير راحتج ، ضحكتج ، المج ، صياحج ، متعتج كلها بهالغرفه
غنى : شنو قصدك
فهد : تقربت وذبيت جسمي عليها سانده باديه ... عوفج من هالموضوع اسألج سؤال
غنى : باوعت لعيونه اسأل
فهد : شنو تفسيرج اذا جان اكو شي احنه لا نحبه ولا حتى نرغبه وفجئه كمنه طب فش نحبه نريده ونشتهي هم عندج تفسير عن سبب هالحاله المفاجئه هاي
غنى : مفهمت قصدك اي حاله
فهد : باوعت لوجها تدرين احس انطفت رغبتي بكل مره الله خالقها ولا حتى اي رغبه لاي مره غيرج برأيج شنو تفسير الحاله الامر بيها
غنى : بهمس مااعرف انت شتكول
فهد : دنكت بست خدها ... مااعرف يمكن حب مشيت بشفايفي نازل لطرف شفتها يمكن عشق باوعت لعيونها برأيج شنو اعلى درجات الحب
غنى : بخفوت الهوس
فهد : حركت خشمي على خشمها يعني اني مهووس بيج هسه
غنى : بارتباك ما مااعرف
فهد : لزمت خصرها زين ممكن اطلب طلب
غنى : شنو
فهد : بهمس ممكن اضوك شفتج
غنى : همم .. لا ل...
فهد : قاطعتها ماخذ شفايفها بشفافي غمضت عيوني من حسيت بطعم شفافها بستها بهدوء اخاف لا اجرح طراوه ونعومه شفايفي بشفايفي شكد شايف نسوان بس بحياتي ماتقربت لمره وحسيت بهالاحساس ابد اخذت شفتها الجوه ممتصها على كيفي واني بودي اكطعها بس مااريد اصير عنيف وياها نمت فوكها رافع جسمي عنها وشفايفي تداعب شفايفها العذراء امتصيت لسانها بهدوء نسيت نفسي ونسيتها ونسيت الدنيا كلها كل الاريده هسه ارتوي منها ... ابتعدت عنها بعد فتره طويله جدا اباوعلها خانسه وساكته مسحت على شفايفها الورمت ... فتحي عيونج
غنى : فتحت عيوني واحس جسمي كله خدران مابيه حتى افتح عيوني بوضوح هاي اول مره اجرب هالشعور واعترف فهد دخلني بسوايته هاي لعالم ما اكدر اوصفه
فهد : بست شفتها بوسه خفيفه ... ليش مابادلتيني
غنى : بهدوء مااعرف
فهد : متعرفين تبوسين
غنى : بخجل اي
فهد : يله تتعلمين .... زين سؤال اني هسه بستج واني صايم يعني بطل صيامي لو لا
غنى : بلعت ريكي هم مااعرف
فهد : شلون متعرفين مو متدينه انتي وكلشي يخص الدين تعرفي
غنى : احم مو مو هالسالفه الها احكام وشغلات
فهد : شلون يعني
غنى : روح ابحث بالنت وتعرف وهسه كومني وجيبلي تراب اريد اتيمم واصلي
فهد : تراب شتسوين بي
غنى : اتيمم لان جسمي مجروح مااكدر استخدم المي
فهد : ماشي نزلت جوه عندي تراب نظيف مال الحديقه اروح اجيبه واجي رحت جبته الها واجيت تيممت بس بصعوبه كلش لان ايدها الثانيه متساعد شلتها كعدتها على القنفه حتى تصلي واني وكفت كدامها صلينه الظهر واجيت شلتها نيمتها على الجربايه فتحت شعرها على كيفي ... نمت بصفها طلعت موبايلي وبحثت عن مبطلات الصوم اريد اشوف صيامي بطل لو لا
غنى : هستوني نمت وسمعته يضحك بصوت عالي
فهد : طلعت هيج السالفه لعد ليش ماكتيلي اذا اعبر مرحله يعني فاطر الحمدلله طلعت محافظ على صيامي لتسوين روحج نايمه ادري بيج كاعده
غنى : بخجل اريد انام تعبانه
فهد : مسحت على ظهرها وبست ركبتها نامي ياجذابه نامي يله بس خلي تطيب رجلج وايدج ونبدي بالشغل الزين
غنى : باوعتله ونمت لازمه شفايفي كل شويه اتلمسهن لحد مانمت
_____________________
فرح : السلام عليكم
: وعليكم السلام
فرح : اكو شرط هنا اسمه فهد
: قصدج الضابط فهد سالم علي
فرح : هاا ما متأكده من اسمه الثلاثي شوف هو كلش طويل وضخم اسمر وشعره اسود يعني شكله حلو
: اي هو الضابط فهد سالم شتردين منه
فرح : يعني يشتغل هنا
: لا حاليا طالع بأمر ليش شتردين منه حتى من يرجع اكله
فرح : لا مااريد منه شي بس تندل عنوان بيته
: محد يندل عنوانه لا اني ولاغيري شتردين وليش تسألين عليه
فرح : هاا مااريد شي مااريد يله مع السلامه رحت بسرعه ... والله ولكيتك طلعت تداوم بهالمركز بسيطه يافهد
: الوو سيد غانم اجت مره سألت على الضابط فهد مااعرف بس خاق تابعه لواحد من العصابات كلت خلي اكلك ... ادز واحد وراها ماشي امرك سيدي ... طه المسوؤل يكول اكو وحده ستوها طلعت يله بسرعه الحكها بعدها جاي تمشي ماشي الله وياك ... عجيب كل يوم طالعتلنه كح.... شكل والحظ الطايحظه ميجن بس للروس الكبار واحنه الشرطه محد يكلبه
__________________
المغرب
غنى : كعدت المغرب هذا الدوه يخليني انعس كعدت فهد ... فهد حبيبي
فهد : بنعاس حبيبي مره وحده
غنى : بخجل يله كوم غربت الدنيا اكعد اقره قران لبين ميأذن
فهد : تره اكوم افطر بيج لتحجين بهالنبره
غنى : اي نبره
فهد : لحجين جنج وحده خدرانه تره اكوملج
غنى : احم اكعد يله
فهد : كمت علكت الاضويه ... باوعتلها صاير خشمها وخدودها حمر من برودة الغرفه وشعرها منثور على وجها والشفه مورمه تصيح تعالو مصوني ... اباوع الدشداشه مرفوعه شويه لفوك فخذها اقسم بالله اليشوفها يكول لابسه بجامه بيضه جوه الدشداشه ... عضيت شفتي تدرين شكلج هذا مال شنو هسه
غنى : مال شنو
فهد : بهدوء مال واحد يخليج بالصمونه وياكلج
غنى : حكيت ركبتي طفي السبلت بردانه
فهد : اجي ادفيج
غنى : بخجل استغفر الله حباب فهد لتحجي بهالطريقه
فهد : بهدوء ليش شبيها طريقتي قصدي اغطيج ليش يروح بالج لبعيد اني رجال صايم ما افكر تفكير موزين
غنى : اوك رفعت ايدي تعال كومني اريد اكعد
فهد : تقدمت شلتها كعدتها على القنفه رفعت رجليها لان متكدر تمدهن علكت التلفزيون الها ونزلت لامي كتلها اريد افطر اني وياها فوك مااريد انزل وانغث
غنى : بعد ربع ساعه يأذن انزل
فهد : افطر هنا ما انزل ... اباوعلها تعفس بوجها وتغمض عيونها اكو شي يوجعج
غنى : اي رجلي شويه مشنجه
فهد : لزمت صاحت ... اهدي اهدي
غنى : لتلزم رجلي رجاءاً
فهد : سكتي دلكتها على كيفي وهي متقبل بس اني اشوفها عادي متنقص من شأني شي هي مرتي وهالرسميات مو بيناتنه ... هاا هسه صارت احس
غنى : شكرا واسفه انت ممجبور تنزل وت..
فهد : قاطعتها انتي مرتي وهذا واجبي ولو اني بمكانج جان سويتي الاكثر وبعدين اني ماضجت ولا ابد بالعكس
غنى : اخذت ايده بستها بعمق
فهد : ستري على روحج حبيبتي تره بعدج مريضه مااريد اسببلج عاهه هسه
غنى : شلون بيك فهد
فهد : ضحكت اذن الاذان جابتلي انغام الله يخليها صينيه الفطور دخلتها جوه رحت فرشت نايلونه على الطبله
غنى : هاي ليش
فهد : حتى متتوصخ الكاع
غنى : بس محد حيوصخها
فهد : ميخالف كلشي يصير خليت الصينيه وكعدت اجيت افطر
غنى : الدعاء
فهد : هزيت راسي قريت الدعاء وفطرت اخذت الطاسه الثانيه ... يله اكلي
غنى : افطر انت ... معليك بيه اني مو جوعانه
فهد : انت الماعليج بيه يله اكلي
غنى : اكلت من ايده الشوربه ... كافي شبعت
فهد : خلصيها حبيبي انتي يحتاجلج تغذيه حتى تصيرين زينه ... يله لخاطري كمليها هي شوربه ماكدرتي تكمليها لو مندي شتسوين
غنى : اكلت لخاطره فهد اني من باجر ارجع اصوم
فهد : ماكو صيام عندج علاج
غنى : علاجي كله بعد الساعه سبعه اكدر اصوم فدوه حبيبي اني انتظر هالشهر انتظار مااحب افطر بي
فهد : بهدوء اعتبري جاييتج الدوره وفاطره صيام ماكو وعود صومي بعدين
غنى : احتقن وجها ... والله عيب عليك
فهد : ليش انتي متجيج الدوره كلت شي غلط ... باوعتلها لتكليلي بعدها لسه ما اجتج
غنى : درت وجهي عنه عززه شوف وين راح باله .. اجيت اجاوبه وسمعت هبد على الباب حسيت الباب حينكسر
فهد : كمت هذا يا ماعنده ذوق هيج يدك الباب
غنى : اباوع لفهد صار عصبي لان يكرهه واحد يدك الباب حيل وهو اساساً يكرهه الاصوات العاليه
فهد : فتحت الباب
**********
يتبع
- يتبع الفصل التالي اضغط على (ذنوب على قيد الغفران) اسم الرواية