رواية ذنوب على قيد الغفران الفصل الخامس و الاربعون 45 - بقلم براء
الخامس والاربعون
#ذنوب_على_قيد_الغفران
#البارت_الخامس_والاربعون
فهد : خير ياستار
غنى : اباوع لفهد صعد يركض على صوت الصياح صعدت ورا بسرعه اباوع علي وفيصل واحد صاير فوك الثاني ويتكاتلون والكل يجر بيهم بس ميكدرون
فهد : جريتهم شبييييكم تخبلتوووو
فيصل : لك سافل تباوع على عرضنه ابو عين النكسسسه
علي : ضربته بوكس اكل تبن كو.... عبالك اني مثلك نكس وماعندي شرف
فهد : جريت فيصل دووكوم فهموووني شبيكمممم وليش تتكاتلون
سعاد : تقبلها يافهد اخوك يباوع على بت اختي وهي بالحمام
فهد : شهالاكلان تبن هذا شلون تتهمي هيج اتهام
سعاد : اسأل بتول اذا تريد
غنى : اباوع لبتول مبنده من البجي معقوله لا علي مستحيل يسويها
بتول : فهد جنت بالحمام وطلعت لكيته يباوعلي واني اسبح تقبل اخوك يباوعلي هيج هي هاي الامانه
علي : فهد وحق كلام الله جذابين لا باوعت ولا شي حمامي دوشه انكسر ورحت على حمام الصاله اسبح جانت هي جوه انتظرتها تطلع حتى ادخل ومن طلعت بس شافتني كامت تصرخ
فيصل : وحبكت يعني دوشك ينكسر ويه دخلتها للحمام هاي الدروب متمشيها علينه كوا..... الله اليستر اذا ماطلعت تباوع لنسوانه
منذر : احترم نفسك علي مستحيل يسويها اني اشك بروحي وبي ما اشك جان استحيت على روحك تحجيها ياعديم الاخلاق
سعاد : ضربته ولك لوما بزر بطني جان كلت بزر حرام ولك تدافع لاخوك بالغلط اخوك انتهك حرمه بنيه وانت تدافعله
ايمان : ماكدرت اسكت انتهك شنووو يعني اذا طلعت من الحمام وشافته كبالها يعني يباوعلها خافييي الله احنه بشهر فضيل واعمالنه محسوبه علينه واني ولدي ربيتهم احسن تربيه ومستحيل تطلع منهم هيج سوايات نكسه
بتول : بدموع خاله والله جان يباوعلي
علي : يمه وداعتج لا باوعت ولاتدنيت يمها والله حتى ما ادري بيها بالحمام اجيت لكيت الباب مسدود وكفت على صفحه منتظر الي بالحمام يطلع حتى ادخل والله يايمه لا باوعت عليها وهي تسبح ولا سويت شي شتدرين بيه انتي اني تربيتج فهد انت حافظني تتوقع اسويها
غنى : اباوع لفهد ضل صافن من جهه سعاد وبتول وفيصل ومن جهه علي سوده عليه بانت الحيره على وجهه وهمه كل واحد يحلف من صوب
فهد : انت صدك تحجي هذا السؤال وجهه لواحد غريب مو الي اني لايمكن اشك بيك واكيد الصار مجرد سوء تفاهم لا اكثر بتول انتي متوهمه سنين انتي عايشه عدنه محد تقربلج تردين هسه من كل واحد بينه صار جبير و واعي يباوع عليج
بتول : يعني تجذبني جاي اكلك شفته يباوع من ثقب الحمام
فهد : اذا بيبان الحمام كلهن جدد وصناعتهن ممتازه شلون ينثقبن بس ميخالف اجي وياج تعاي راويني ثقب الحمام وينه
بتول : هو مو ثقب حافه الباب
فهد : ميخالف تعاي راويني ياها اني اريد اعرف الصدك من الجذب حتى اذا علي مسويها هسه اطرده من البيت زين يله تعاي
غنى : اخذها فهد وراح لمكان الحمام اباوع لعلي الدمعه صايره بعينه وحقه مو سهله واحد يتهمه هيج اتهام وسعاد وفيصل كلب الدنيا لمن فهد صاح بيهم ياله سكتو البيت كله صار بحاله سكون وبس فهد يحجي وخاله ايمان وجها اصفر هي والبنات حقهن السالفه جبيره مو صغيره بس الفاجئني فهد يحجي بكل برود وهدوء
فهد : هي هاي حافه الباب طبي وسدي باب الحمام عليج
بتول : هاا
فهد : طبي وسدي باب الحمام عليج واني راح اباوع من الحاله اريد اشوف اكدر المحج لو لا حتى نقطع الشك من اليقين
غنى : تدخلت بتول وسدت الباب وفهد دنك خال علينه بطرف الباب
فهد : كمت طلعلي طلعي .... تدرين لو نجيب زرقاء اليمامه هسه هنا هم متكدر تشوف شي لا اكو طرف ولا بطيخ سويتيلج سالفه وكلبتي الدنيا واتهمتي اخويه يباوعلج وهو لا يمج ولا كرباج وحتى لو يفكر مو مطي هو ويباوعلج من حمام الصاله الي امه محمد كلها تمر بيها بس العتب مو عليج العتب على الاذكياء الصدكوج وشدو على ايدج
سمعوني زين اني بعد ما اكدر اتحمل مشاكلكم وصلت بيكم تتهمون بكيفكم وبدون استناد على دليل وسويتولكم مشكله الها اول مالها اخر تدرون لو اني مطي وجاي مصدكم جان هسه علي بالشارع بس الحمدلله من الله انطاني عقل وشغلته قبل لا اتسرع شوفي بتول تردين تبقين بهالبيت على عيني وراسي ومحد يمنعج بس مال تتهمين اصحابه ساعه
يباوعولج ساعه يتحارشون بيج لا ساعتها اسحلج انتي واليشد على ايدج واذبكم بالشارع واسويها لا عبالكم بس حجي فكرصو رواحكم وخلو حجار بجيبوكم وثكلو شويه وبطلو مشاكل تره فاض بيه من وراكم وبعد ماعندي اي قابليه اتحمل مشاكلكم
العاجبه يعيش بهالبيت بأحترامه اهلاً وسهلا والي لا ميكدر يعيش بدون مشاكل الباب يفوت جمل خلي يطلع بكرامته احسن ما اطلعه بالجلاليق مفهوم ... صحت مفهوووووووم
الكل : مفهوم
فهد : اعتذرو منه يله
بتول : اني اني اسفه علي والله مو قصدي اتبلى عليك بس صار سوء فهم
علي : اكلي تبن اكلي تبن مااريد اي احد يعتذرلي بس فكو ياخه عني تعال منذر
فهد : فيصل دكاتك صارن هواي والرصيد راح يخلص
فيصل : ها
فهد : و وجعاا التوجعج ولك مره مره وحده فكر بعقل حالك حال البشر شغل عقلك المجيم هذا مو لعبتها لروحي وراح تخليني اسب ابوك وهو بكبره لان حملني مسوؤليه مجموعه مال حمير راعيهم مات
ايمان : صحت فهددد اعرف شلون تحجي
فهد : شو دفكو ياخه عني لعبتوها لروحي والله عفتهم وطبيت لغرفتي
غنى : اباوع لسعاد اخذت بتول وراحت و البنات نزلن ويه خاله
ساره : اكول غنى عوفج من العركه وين رحتو انتي وفهد
غنى : انتي وين والدنيا وين هنيالج اي والله عفتهة ... نزلت جوه اسوي عصير ليمون لفهد لان ادري بي اذا تعصب يرتفع ضغطه وهو ضغطه مو تمام .... دخلت للمطبخ وهنه دخلن وراي شكلهن ماراح يعوفني اله يعرفن وين رحنه
ساره : ما كتيلي وين رحتو
غنى : طلعت النومي من الثلاجه ... للامام الكاظم ( عليه السلام )
ساره : الله صار شكد ما زايره لو ماخذيني وياكم قابل راح اسويلكم شي
غنى : شلون تفشلت والله اني مالي علاقه حتى مجنت ادري حنروح لهناك
ساره : يعني سوالج مفاجئه
غنى : هزيت راسي
ساره : شكد حلو والله هنيالج رغم فهد عصبي ومينجرع بس وياج يصير غير شكل ... يله اني اروح اشوف فيصل شلون صار بعد م
آلاء : وداج للكاظم زورج وجابلج اشكال ... ايي حظوظ
غنى : للحظه حسيت فهد حينضرب عين ويتمرض
آلاء : تدرين اني احسدج على فهد
غنى : باوعتلها ... تحسديني
آلاء : اي وهواي هم بشنو تفرقين عني انتي وتاخذين واحد مثل فهد وليش اني اخذت فيصل الراح تزوج عليه شنو المميز بيج وهالشخصيه والدلال والحب كله الج
غنى : الله سبحانه وتعالى يكول ...( وعلى نياتكم ترزقون) كل واحد الله ينطي على كد نيته
آلاء : لا والله المفروض تكولين حظ الكح.... كاعد وهذا واقعنه شكو وحده حايره شلاعبه تاخذ واحد عليه العين
غنى : باوعتلها هذا اكبر مثال على الايه شوفي اني شنو نيتي وانتي شنو نيتج تتوقعين وحده تحجي بهالطريقه الله يرزقها بانسان يصونها اكيد لا
آلاء : تدرين انتي وحده متصنعه ومتنطاقين حالج من حال اروى وتبيعين مثاليات على الكل وهذا اكثر شي اكرهه بيج
غنى : ماكو واحد مثالي حتى يبيع مثاليه وبالنسبه للتصنع فأحب اكلج كلاً يرى الناس بعين طبعه وفهمج كفايه ورجاءاً لندخل بنقاشات بعد لان لا اني اتقبل كلامج ولا انتي تستوعبين كلامي من رخصتج
اباوعلها خزرتني وراحت الحمدلله والشكر صعدت فوك ونزلت تذكر الغراض الجابهن فهد منطيتهن للبنات رجعت خليت العصير بالمطبخ وطلعت اخذتهن من الصاله ورحت لغرفه خاله سلام
الكل : وعليكم السلام
ورده : وين جنتو غنى صدك رحتو لمدينه الالعاب
غنى : هاي منو كلج
ورده : بتول كالت راحو وما خذوج غير تنتظروني منا لباجر حتى نروح سوه
غنى : لا حبيبتي مرحنه لمدينه الالعاب وبعدين منو يروح لمدينه الالعاب برمضان
اروى : لعد وين رحتو
غنى : رفعت الجبس والشاميه رحنه زرنه الكاظم (عليه السلام) وجبتلجن هذني او بالاحرى فهد جابهن يكول تحبنهن مناك
ورده : اروح فدوه لجيب اخويه والي بي
اروى : هههه شكد طايحه حظ تموتين على الفلوس
ورده : طبعا وخاصه جيب فهد ابد ميخلص
ايمان : اللهم صلِ على النبي كولي ماشاءالله راح يفلس اخوج
ورده : اللهم صلِ على النبي
غنى : يله اني اروح اناملي شويه حتى اكعد اسوي سحور اجيت اطلع وتذكرت الدشداشه بجنطتي طلعتها ورجعت تفضلي خاله
ايمان : شنو هاي
غنى : تكدرين تسميها هديه ... تذكرتج بشي بسيط مااعرف شتسميها سميها
ايمان : فتحتها وابتسمت كمت بست راسها عاشت ايدج يمه تخبل
غنى : ابتسمت بفرح تلبسيها بالعافيه يله تصبحن على خير طلعت من الغرفه رحت للمطبخ اخذت العصير وصعدت فوك صدوك اليوم كله على بعضه يجنن ماعدى المشكله الصارت اخر شي ربي دخيلك اجعل كل ايامي فرح وسعاده فتحت الباب ودخلت لكيت فهد كاعد
فهد : وين جنتي
غنى : تفضل اشرب هالعصير بالاول
فهد : شنو هذا
غنى : ليمون ونعناع حتى ميرتفع ضغطك ... نزعت حجابي وصايتي صدوك جنت يم البنات ليش شنو ردت مني
فهد : لا هيج بس اسأل
غنى : رحت بدلت لبست دشداشه قصيره واجيت كعدت .... بعدك معصب
فهد : شلون ترديني اهدئ واني عايش بنص المشاكل
غنى : وليش تهتم المشاكل متخلص وبكل بيت اكو اشكال والوان خوما بس عدكم المشاكل
فهد : نمت بحضنها تعبت غنى المشاكل هدت حيلي كل ساعه وكل دقيقه كابه العيطه عدنه وعلى اسباب جدا تافها شفتي هذا فيصل كل يوم يجي متعارك من جنه جهال ولليوم فيصل يغلط وفهد يتحمل شايفته انتي شلون كل يوم جايبلنه مشكله هاي من غير سالفه النصب والي صارت بيها كعدت عشاير وتعال يافهد تحمل وادفع تعبت بعد ماعندي اي قابليه اتحمل مشاكلهم وهاي كدامج اخر شي مشكله سوتها بتول
غنى : مسحت على شعره وانت مامجبور تتحمل مشاكلهم كلمن يحل مشاكله وحده وبالنسبه لبتول فهي شتصير منكم وعايشه هنا
فهد : كلشي متصير منه حي الله بت اخت سعاد ومن عمرها تسع سنين لهذا اليوم هي عايشه ويانه
غنى : لعد وين اهلها عنها
فهد : هي يتيمه واهل ابوها كلهم عايشين بالخارج وتوسلو بيها تروح تعيش وياهم ماقبلت وكامو يدزولها فلوس مناك وطبعا سعاد المستفاده فلوس وتجيها كل شهر على البلاش اكيد تكيف وبتول اني متحمل مسوؤليتها حالها من حال البقيه
غنى : وانت ليش متحمل مسوؤليه البيت كله وبصراحه اشوف ام فيصل تخاف منك هي وفيصل والاغلبيه بالبيت خاضعيلك ولتكُلي يتحرموني تره اكو اختلاف شاسع بين الاحترام والخوف وحتى قبل شويه من هددتهم تطردهم ومبين مو بحاله عصبيه وانما حجيتها بكل ثقه
فهد : كلبت جسمي محاوط خصرها البيت هذا الي
غنى : الك ؟! ... شلون يعني الك انت مو كتلي سابقاً ابوك من مات هدمتو البناء الخرجي وسويتو بيت واحد
فهد : اي قبل لايموت سجل كل املاكه باسمي واني صرت المالك الشرعي لكلشي وبالقانون
غنى : وباقي اخوانك
فهد : ما الهم ولا ربع دينار
غنى : وشمعنى بس الك الاملاك معقوله جان يحبك لهالدرجه
فهد : باجر اخذج للنجف ونروح نسأله ... اما بالنسبه انو ابويه يحبني فما اعتقد عوفج من هالموضوع ما احب احجي بي سدي
غنى : تلمست لحيته ... توكل على الله وكولشي ينحل
فهد : ونعم بالله ولو ما اعتقد سعاد واولادها على كوله علي يتوبون
غنى : انت خليك هادئ ولتعصب وكولشي ينحل
فهد : باوعتلها حتى اذا عصبت انتي موجوده وتمتصين عصبيتي
غنى : اكيد اني موجوده بجانبك دائما تذكر هالشي
فهد : حكيت خشمي ببطنها واثق من هالشي
غنى : ضليت اللعب بشعره واتلمس لحيته احبها كولش لا ممسوحه ولا طويله ومنشز طبيعيه و تجنن
فهد : عجبتج
غنى : هزيت راسي كولش بس انت ضابط وعدكم هالشي ممنوع مو
فهد : اي بس اني ازينها اليوم تطلع باجر تضوج كمت ازينها من تبين هواي وعايفها خفيفه كلش وبمركزنه ميركزون هواي واكو مراكز لا كلش متشددين بحيث تجي عقوبه للي يطول لحيته
غنى : تلمست شواربه تدري معبالي انت ضابط يعني حتى شواربك مو مثل الضباط
فهد : ضحكت يعني اذا ضابط لازم شواربي تغطي وجهي
غنى : لا مو لهالدرجه بس اني من جنت صغيره شايفه جيرانه جانن شواربه مفتوله وهيج يعكفهن لفوك يصرن جنهن جناحات
فهد : ذكرتيني بواحد ويانه شواربه كلش طول بحيث حتى حلكه مامبين ومن يشرب لبن يلزك اللبن بشواربه وشلون منظر يصير يلوك لهالوجهه
غنى : عفست وجهي اايييع شكول عليك لعبت نفسي والله
فهد : هاي اني سولفتلج ولعبت روحج لعد اني شسوي وهو يعوف الدنيا كلها ويجي يشرب لبن كدامي عبالك مستقصدني لا وتطلع شواربه بيضه واللبن لازك بيهن و...
غنى : خليت ايدي على حلكه يبووو فهد اسكت والله راح اتقيئ
فهد : عضيت ايدها ديربالج تلزمين شفايفي بعد
غنى : ااه هاي ليش
فهد : اخذت ايدها وبوست اصابعها ... صراحه ايدج مغريه واخاف لا اكل اصابعج وساعتها انتي تتحملين المسوؤليه مو اني
غنى : احتقن وجها لا فهد ابد مو نظامي هالايام ... احم انت مو ردت تنام يله نام
فهد : لا اذا انام هسه بعد ما اكعد ... خلي نكعد على التلفزيون لبين ما يجي وكت السحور كمت من حضنها اخذت الريمون وكمت اكلب خليت راسي على متنها تدرين هسه مال شنو
غنى : سندت راسي على راسه ... شنو
فهد : مال نركيله ومعمره عد واحد معدل و وياها كاس فودكا واغاني تسلطن وتدخل بالجو
غنى : والله اني اكول مال هسه نكوم نتوضه ونكعد نقره قران افيد واحسن
فهد : اني اكول خلي نشوف مدرسه المشاغبين احسن .... لا نكتسب سيئات ولا حتى حسنات شتكولين
غنى : ابتسمت اي ميخالف ... كعدنه نشوف مسرحيه مدرسه المشاغبين متنه ضحك وفهد ضحكته سكوتيه تلكه وجهه مبتسم بتوسع اعرفه ديضحك خلصت المسرحيه واحنه محاسين
فهد : تدرين مرات من تتفلسفين تنطبق عليج هالعباره ... لا وواسقه من نفسها
غنى : هههه اني
فهد : اي انتي تذكرين المشادات الكلاميه الجانت تصير بيناتنه ... باب الشارع يشهد عليها
غنى : اي اذكر
فهد : بس تدرين لو يرجع بيه الوكت هم اوكف وانقاشج واتعارك وياج واخلي كلشي يمر مثل ما هو مكتوب لحد منوصل لهاللحظه
غنى : ليش
فهد : سويت التلفزيون صامت ... ببساطه لان من تزوجتج اكتشفت انو العلاقه بين المره والرجال مو شرط تكون مبنيه على اساس النومه او لازم يكون بينهم فراش حتى يعيشون مرتاحين ما انكر انو موضوع النومه شبه مهم لان هاي سنة الحياة وشي موجود بكل زواج بس مو اهم نقطه بي مثلا هسه احنه بيناتنه ثقه واحترام واهتمام وهاي اهم تلث عناصر لنجاح اي زواج بهالدنيا
غنى : العب بشعره ... شلون يعني
فهد : يعني مثلا اني هسه من التحق او اطلع لاي مكان اامن وانتي موجوده وعندي ثقه مليون بالميه انو من ارجع الكاج مثل ما انتي وبنفس الوقت اكو احترام متبادل بيناتنه لا انتي مقلله من احترامي ولا اني صحيح ذاك اليوم دسنه بالحجي بس وانتهى ومينعاد بعد وهذا شي حلو اما الاهتمام فلو ما موجود بيناتنه اهتمام متبادل ما جان اني هسه كاعد وياج ومنطلق فيا عزيزتي اني اشوف هاي مقومات الزواج الناجح وبصراحه افكر لو متزوج غيرج ومحصل النومه والونسه هل راح احصل الاشياء الثانيه الجواب .... اكيد لا
غنى : اسمعه وعيوني تلمع كلامه هواي اثر بيه للحظه حسيت انو فهد فعلا بده يتغير وافكاره وتصرفاته هم دتتغير والفرحني اكثر هو كلامه عني حسيته يبادلني نفس المشاعر
فهد : باوعتلها شبيج تباوعلي هيج كلت شي غلط
غنى : هزيت راسي بالعكس كلامك يجنن
فهد : وشنوه اليجنن بعد
غنى : كولشي كولشي فهد انت ملاحظ نفسك دتتغير يعني لقبل كم شهر مجنت تحجي هيج اما هسه كلامك اختلف
فهد : باوعتلها حقيقه بأخر فتره كلامج هواي اثر بيه اضافه للكتب الجاي نقراها وبالاخص القران احس ببعض الايات اني المقصود ويراودني شعور ابد مو حلو من احس روحي اني المقصود ... ما اكلج اشوف روحي غلطان او الي سويته سابقاً جان غلط لا اني مستحيل اشوف نفسي غلطان وهذا الصدك بس اكلج انو اكتشفت اكو اشياء احلى واجمل من العشتها قبل وجاي اكتشفها لحد هسه
غنى : ابتسمت هذا شي حلو
فهد : خلي اسألج سؤال وجاوبيني عليه بصراحه ... شنو اكثر شي تحبي بيه
غنى : باوعتله متنهده ماكو شي معين
فهد : كمت صرت كبالنا باوعت عليها تره احنه برمضان وميصير واحد يجذب فأحجي الصدك واعتبري الراح ينحجه هسه ينسى من نكوم
غنى : باوعت لعيونه وسرحت عيونك حلوات بيهن شي غريب بحيث احس مزاجك ينعكس تلقائياً على عيونك اياً كان الحال الانت بي تشرحه نظره من وحده من عيونك
تلمست فكه احب تقاسيم وجهك عظام فكك المشدوده حديه انفك والاهم من كل هذا احب اهتمامك بيه اني فقدت الاهتمام يافهد من جنت طفله مجان عندي اب يطبطب عليه ولا جان عندي اليخاف عليه جنت دائما عايشه دور الجبيره الواعيه
حتى ما ابين انو اني طفله اما بالحقيقه اني طفله ومحتاجه حنان كلام حلو اهتمام وهواي اشياء ثانيه ... صدكني وبدون مبالغه اني محسيت نفسي مهمه عد احد اله لمن تزوجتك ومو هذا زواجنه من عقدت عليه بذاك اليوم واني احسك ابويه خوفك عليه اهتمامك وحرصك عليه وكفتك ويايه بكل مشكله تصيرلي هواي هواي اشياء بيك اني مو احبها اقدسها وبشده هم
فهد : تدرين بعد كلامج هذا لو جنت حريص عليج واحترمج قاط فكمت احترمج الف قاط تلمست خدودها زواجي منج انسبه من افضل القرارات الي اتخذتها بحياتي
غنى : ابتسمت لهالدرجه
فهد : بست خدها واكثر
غنى : كلمه وحده بداخلي بس كلمه اتمنى لو اكدر انطقها واكولها اله بس ما اكدر
فهد : همست وين شردتي
غنى : لارد
فهد : خليت راسي بركبتها جم مره كايلج ريحتح تجنن
غنى : همست هواي
فهد : بست ركبتها انتي ويايه
غنى : همم
فهد : دفعتها على القنفه وصرت فوكها ثبتت اديه رافع جسمي ... لزمت شعرها تدرين شعرج واحد من الاشياء الافقد عليها
غنى : للحظه احس نفسي غبت عن الوعي وفصلت عن العالم وكل الاحس بي هو لمسات فهد بس ماعندي قوه اجاوبه او حتى اصده
فهد : رجعت خليت راسي بركبتها افييييش ريحتج تسكر شهالترافه هاي دخيل محمد جريت ركبتها مستطعم ترافتها معقوله كل وحده بالباكيت هيج طعمها بستها ورجعت مصيتها بقوه واباوع لركبتها تشوهت من شفايفي ... شلت راسي اباوعلها مغمضه عيونها وتنفسها سريع ... بست حنجها وخدودها صارت عيني على شفايفها الصايرات دم لزمتهن تدرين لو الزمهن اشلعهن من مكانهن بست طرف شفايفها ونزلت بشفايفي لشفايفها ستوني اجيت ابوسها وسمعت الموبايل يصيح بعد كذا وقت على الامساك تنهدت .... من احترك ابيك بهالساعه هاي وكتك هسه وخرت عنها اباوعلها ساكنه ولا حركه ضربت خدودها غنى انتي ويايه
غنى : هاا
فهد : راحت البنيه راحت استغفر الله كعتها وهي شلون السكرانه تتطوطح بأيدي غنى حبابه لتخبليني شبيج .... اخذت دولكه الماي غسلت وجها
غنى : ااششششه تجمدت الماي بارد وبي ثلج فتحت عيوني بوضوح باوعتله واحس روحي ساحت هاي اني شلون قبلت هيج يسوي عززه هسه يكول هاي ما مؤدبه
فهد : انتي زينه
غنى : هاا هزيت راسي
فهد : غنى بروح اهلج تره كلشي ماسويتلج بس بست ركبتج حتى شفايفج مابستهن وهيج صار بحالج لو اريد انام وياج شيصير يمكن تموتين
غنى : بارتباك و وخ وخر خلي اكوم اسوي سحور
فهد : تره احنه جنه على وشك تكون طفل اذا متدرين بس ابن الشريفه صاح جنه وحده تطلك
غنى : كمت من يمه واحس ركبتي تحركني حسيت بأيده على متني
فهد : غنى تحسين نفسج تعبانه لو شي
غنى : لالا مبيه شي
فهد : ماشي عفتها ودخلت للحمام
غنى : كعدت على الجربايه ومسحت على وجهي هازه ياترى هسه هو من تقربلي ما كان يحس بشهوه وراد يطلعها بيه لو تقربلي بدافع حب لو شنو اني شلون اقبل بهالشي واني ممتأكده من مشاعره تجاهي للحظه جان هسه زواجنه اتمم ويجوز اني انطي نفسي وهو بعد ميكمل كولشي يحس بالذنب او يشبع غريزته ويرتاح ويذبني حالي حال اي سلعه اني شلون ما فكرت بهيج شي ... اباوعله طلع ينشف بأيده
فهد : يله تكومين حتى ننزل نتسحر ونتحضر للصلاه
غنى : فهد اسألك سؤال وتجاوبني عليه بصراحه انت ليش هسه تقربتلي
فهد : شنو هالسؤال الواحد ليش يتقرب لمرته يعني
غنى : يعني تقربلتي لان جنت بحاله شهوه وردت تفرغها لو شنو
فهد : اكيد لا شنو انتي كح... وافرغ شهوتي بيج ديربالج تفكرين انو الصار قبل شويه بدافع رغبه
غنى : بهدوء لعد ؟ وانت مو كلت النومه مو شي مهم بزواجنه لعد ليش تقربتلي
فهد : تقربتلج صح بس مو بدافع شهوه ... ما اعرف شلون اوصفها الج بس للحظه حسيت كلبي يكلي سوي هيج وهاي اول مره كلبي يريد مره وليش انتي بالذات اني نفسي ما اعرف
غنى : بس انت متحبني ومشاعرك الي مو حب وانت تدري
فهد : صدكيني كلشي ما اعرف ولا حتى حسيت على روحي من تقربتلج صدكي من تقربتلج ف لان كلبي راد هالشي وغريزتي جانت اصلا ما موجوده و اكبر دليل على كلامي انو اني ابد ما افكر بيج غير تفكير ولا اشتهيج مثلج مثل اي وحده بحياتي اني من اكون يمج كل شهوه بداخلي تنطفي ما اعرف ليش
كعدت كدامها و لزمت وجها باوعيلي ايالج تفكرين انو اني ممكن اخذج لخاطر ارضي شهوتي هالشي مستحيل ... انتي مرتي وشريكه حياتي مو وحده من الشارع حتى افكر بيج هيج دنكت بست ايدها ثقي بيه غنى اياج تشكين ولو واحد بالميه بكلامي
غنى : اني واثقه منك فهد
فهد : وهذا الاريده منج
غنى : باوعتله ... بس لو اعرف اني شنو بالنسبه الك يافهد جان ارتاحيت
فهد : كومتها يله تعاي خلي ننزل
غنى : كمت وياا لبست صايتي وحجابي ونزلنه رحت للمطبخ لكيت البنات كالعاده ... صباح الخير
الكل : صباح النور
غنى : شتردون اسوي سحور
اروى : بكيفج نونه سوي الي يعجبج
آلاء : لا مو بكيفها اني اريد بيض عيون وفيصل يحب البيض الخبط يله سوي
غنى : استغفر حتى اسلوب بالطلب ماكو ... رحت طلعت البيض سويت بيض عيون وبيض خبط كميه جبيره لان همه هواي وسويت جاي ... رحت طلعت جبن لان فهد مياكل شي زفر بهيج وقت .... طلعت بأيدي السفره فرشتها اني واروى
فهد : وين الباقيات
اروى : كاعدات بالمطبخ ونونه سوت السحور
فهد : ليش مو انتي سويتي الفطور اليوم
غنى : ميخالف ماكو مشكله
فهد : باوعتلها ادري بيهن جاي يستغلنها وهي تبلعها وتسكت حتى متسوي مشاكل ... يربي شلون ويه هالبنيه والله راح تخبلني ليش تضغط على روحها انتظرتهن يرحن للمطبخ وكمت وراهن
سعاد : اني جايي صبي بكلاص ميكفيني استكان واحد
غنى : بس بعد.صبيته
سعاد : مشكلتج مو مشكلتي
غنى : تنهدت ماشي
فهد : لحظه لحظه عوفي القوري
غنى : بس
فهد : صحت عوفيييي القوري كلت
غنى : ذبيته
فهد : باوعت لسعاد ... شهالاسلوب هذا احد كلكم اني جايب خدامه للبيت حتى تحاجيها هيج
سعاد : على كيفك هسه شكتلها اني
فهد : شنووو تتأمرين عليها شنو تشتغل عندج هييي وشنو تخلن كل الشغل عليها الفطور والتنظيف والسحور وكلشي ذاباته براسها شنووو خدامة الخلقجن هي وانتيييي هي من حضرتج تتشهين انتي وجهالج ورجلج عندج ايد تكومين تسويلكم سم مرتي مو الراعي الرسمي لمشتهايتج خاف عبالجن اذا ساكت يعني نايم على اذاني وما ادري لتنسن هاي التتأمرن عليها منو ومرت منو
ايمان : خير يمه شبيك
فهد : يمه يعني انتي موجوده بالبيت واني عود معتمد عليج ومأمن عليها يمج اجي الكاهم مسويها فلبينيه
ايمان : عليك الله اسكت بروح ابوك واجته رحمه بهالفجر اسكت وبعدين نتفاهم عدي هاليوم الاكشر على خير لخاطري يمه
فهد : شعدي يمه وهنه مسويات مرتي خدامه ومرتي ثوله شكولن الها تنفذ مثل الاله
ايمان : خلي يولن اني حاجيت غنى كتلها سحبي ايدج بس ترجع تساعدهن شسوي يايمه تعال حبيبي انت وراك صيام لتروح تتخربط جريته طلعته بالصاله ياربي شكو اليوم البيت ماسكن لحظه مشكله تجر مشكله دخيلك الهي من الجاي
غنى : طلع السحور زقوم على الكل بس انجبرنه نسوي كأن ماكو شي حتى منعصب فهد بالزايد طلعنه خلينه الاكل فهد ما اكل وعلي اصلا ماقبل ينزل ومنذر من شاف فهد هو هم ما اكل بس سعاد وبتول وآلاء وساره كعدن يتسحرن وكأن ماكو شي فهد صعد وصعدني او بالاحرى سحلني ورا طب للغرفه وسد الباب
فهد : انتي ليش تخلين نفسج محط استغلال الى متى تضلين فطيره وثوله
غنى : اني مو ثوله بس مالي خلك المشاكل فهد
فهد : انعل ابو المشاكل اني اريدج تسوين مشاكل تعاركي تكاتلي بس لتسكتين وذني عبالهن انتي مادامج ساكته يعني تخافين منهن لج اني وكاحتي وطولي هذا ماجنت خلصان من سوالف سعاد تدرين اني بسبب سعاد عفت امي وعفت بغداد كلها وسكنت البصره لسنين ليش تخليني افتح دفاتر عتك ... لتصيرين مثلي وتهربين منهن واجهيهن وحطي اصابيعج بعيونهن ولتخليهن يستغلنج
غنى : خلص خلص ماشي حسوي كولشي تكوله بس لتعصب الله يخليك شوف وجهك عود قبل جم ساعه حجينه
فهد : ليش بوجود هالكح.... ذني تبقى عصبيه اذا متطلع
غنى : تقدمت حضنته مااعرف ليش هيج سويت بس ردته يهدئ ... مسحت على ظهره اهدئ الله يخليك لتنسى ضغطك لتروح تتخربط
فهد : تنهدت
غنى : حسيت بأيده على خصري ضليت حاضنته وامسح على ظهره ومتونه عسى ولعل يهدئ الله لاينطيهم خلنه يفرفح وهو ورا صيام الله يساعد كلبه شلون متحملهن كل هالسنين .... همست هدئت
فهد : مغمض عيونه همهم بهدوء
غنى : نكعد نقره قران شويه لبين ميصير الامساك
فهد :اي ... ابتعدت عنها يله خلي نتوضه
غنى : رحنه توضينه وكعدنه نقره قران اباوعله فصل عني يقره بكل هدوء وتركيز ... قرب الامساك سديت قرائني وكمت جبتله كاسه مي من الثلاجه اشرب مي حيأمسك
فهد : صدقت ... شربتي
غنى : هسه اشرب فتحت كاستي شربت اجيبلك بعد
فهد : لا ما اريد خلي ارجع اكمل قران من يأذن كليلي
غنى : صار ... رجع هو يكمل واني كمت اسوي اعمال شهر رمضان من اذن كمنه صلينه وكملنه راح هو تمدد واني رحت لبست تراك خفيف حتى اكدر انام تمددت بصفه اباوعله اجه نام على ايدي
فهد : لعبي بشعري
غنى : حضنته وكمت العب بشعره واقره قران بصوت عالي وادعي كون ميرتفع ضغطه لان اذا ارتفع ضغطه ينتهي ويكوم حتى ايده ميكدر يحركها
فهد : بخفوف عندج طريقه فضيعه تخليني اهدئ لو جنت بأقصى عصبيتي
غنى : هذا القران مو اني
فهد : لا انتي ولتناقشين حضنتها بقوه ونمت
___________________________
نرجس : كاعده اقره قصه رومانسيه لان طاكني جفاف معدل واقره وابجي خرب حظي ميدزلي واحد مشاعره جياشه الهي هذا رمضان ويكولون تتحقق الامنيات بي ميجيني ابن كلب يحبني ... اجتني رساله من رقم غريب ... " شلونج نرجوسه " يمه منو هذا ... كتبت منو وشنو نرجوسه احترم نفسك / ج
: هههه والله انتي عسل
نرجس : عززه هذا ولد يمكن بس شلون ادبسزز خجلني .... كتبت تكول منو لو انطي الموبايل لاخويه
: شلون صارت رحايتج
نرجس : كتبت والله زينه ب.. لحظه لحظه انت علي
علي : ليش منو يتجرئ يدنالج غيري غير انعل والديه
نرجس : هسه غير يكعد راحه رامبو ... تفضل شتريد
علي : احبج
نرجس : شنو شنو ... صفنت معقوله تحققت الامنيه بهالسرعه بس يعني علي ابن كلب استغفر الله ابو ميت
علي : احبج والله
نرجس : ولك متستحي ماعدك خوات
علي : لا عدي خوات وعد خواتي صديقات يخبلن وحده اسمها نرجس
نرجس : شلون خجلني الادبسز ... بصراحه اني هم معجبه بي
علي : اذا كاعده وحدج اريد اخابرج حتى اوضح كلامي اكثر
نرجس : هاا ... كتبتله علي تره عيب وجد احجي مو معناها اني سبورتيه يعني موزينه وتره ما اقبل بهالشي والمفروض تخجل تحاجيني هيج واني اخت صديقك ... تحبني على عيني وراسي اهلي موجودين تعال اخطبني وخلي محبس بأيدي واني احجي وياك موبس مكالمه حتى كامره افتح سديته وغطيت راسي ثكلي ثكلي خليج ثكيله حتى يخطبج اي اي
علي : ابتسمت عجبني كلامها كتبتلها عمي مو بس اخطبج حتى خطف اخطفج وميرفلي جفن ... حضري روحج اسبوع بالهواي واني جايب اهلي وجاي
_________________________
الساعه 12ظهراً
غنى : نايمه واحس روحي جمدت ... فهد فهد طفي السبلت حباب بردت
فهد : حاضنها ... كعدي حاره الدنيا
غنى : بنعاس فدوه كوم طفي والله بارده
فهد : وخرت عنها وخليها بحضني ورفعت الغطه مغطي راسنه هسه تدفين السبلت ميتطفه
غنى : يمه ايدي ما احس بيها منمله .... دحست روحي بصدره تراكي برموده والغرفه ظلمه وثلج بحيث حتى رجلي مااكدر اطلعها ستونه غفينه وسمعنه الباب يصاحبه صوت اكثر كائن مستفز
ليلى : الدنيا ظهر يمعودين كعدو اني اجيت
فهد : فتحت عيوني شنو رأيج اخذج ونروح للشقه لان اذا ابقى بهالبيت حرام اذا يوصل صيامي لراس الشارع وخرتها من حضني وكمت فتحت الباب
ليلى : بوسته هاا حبيبي شلونك
فهد : هله بيج خير شكو
ليلى : طبيت للغرفه افييش والله الغرفه بأرده وين مرتك
غنى : طلعت من الحمام هاا هلو ليلى شلونج
ليلى : هله بيج عيني شو لسه نايمه
فهد : ليش عدج مانع رجلها انتي
ليلى : لا حبيبي براحتها باوعت لركبتها انتو صايمين لو فاطرين
فهد : لا صايمين ليش نفطر
ليلى : والله ياخويه الي يشوفكم لسه نايمين يكول جنتو بمعركه طاحنه واكبر دليل ركبت مرتك خريطه صايره
غنى : لزمت ركبتي بخجل
فهد : لتنسين انتي جاي تحجين كدام اخوج لتنزعين المستحه كلش
ليلى : يو يفهد هسه اني مستحيه منك يله اعوفكم تبدلون وانت فهد تعال انزل عندي حجايه وياك ومااريد مرتك تسمع
فهد : سديت الباب مباوعلها صباح الورد
غنى : بخجل صباح الورد
فهد : اذن لو بعده
غنى : لا بعد ربع ساعه
فهد : طكيت ركبتي والله بعد بيه نومه
غنى : والله حتى اني بس بعد كعدنه خلي ننزل
فهد : اجيت اجاوبها دك موبايلي شلته غانم جاوبت ... الوو هاا ... خير شصاير ولازم اجي هسه ... بس الساعه 12 هسه شوكت الحك اوصل ... ماشي ماشي يله هسه طالع لالا راح اطلع سديته حضريلي بدلتي وملابسي بسرعه
غنى : خير شكو وليش خابرك غانم
فهد : اجاني امر لازم التحق هسه
غنى : بس بعد يومين وتخلص عطلتك
فهد : شسوي بعد محتاجيني وقوات الدعم قليله هناك فلازم التحق ولوما اكو شي جبير ميدزون علينه بهالسرعه .... طبيت للحمام حضريلي ملابسي بسرعه نونه
غنى : اي صار ... رحت طلعت بدلته همزين كاويتها حضرتله ملابسه بجنطه وخليت عطوره ومعقماته وشغلاته ... يعني عافو الضباط كلها مالكو غير فهد يدزون عليه افف ... سديت الجنطه وخليتها بره اباوعله
طلع بالمنشفه
فهد : حضرتيهن
غنى : اي يله اعوفك تبدل دخلت للحمام توضيت وطلعت لكيته لابس بدلته العسكريه وسلاحه بخصره والله تمنيت اضمه ولا اخلي واحد يشوفه غيري ... حتروح
فهد : للاسف اي يله تعاي
غنى : لبست صايتي واجيت يمه مو تنسى تصلي وتقره قران
فهد : ان شاء الله
غنى : ومو تنسى تخابرني كل ما تفرغ
فهد : ان شاءالله ... نزلت لكيتهم كاعدين
ايمان : هاا يمه شو مبدل
فهد : اي اجاني امر التحق هسه بستها يله مع السلامه
غنى : طلعت ورا للكراج ... فهد ديربالك على روحك حباب
فهد : صار وانتي هم ديربالج على روحج
غنى : ما اعرف ليش حسيت روحي بعد ما اشوفه ... جريت ايده وحضنته بقوه ... حباب فهد ديربالك على روحك
فهد : الله الحافظ ... ابتعدت ليشوفنه احد باوعت منا ومنا بستها بخدها بقوه وطلعت يله مع السلامه
غنى : لزمت كلبي الله وياك .... يارب دخيلك حفظه
*********
يتبع
غنى : احتقن وجها والله عيب عليك ابو لسان الزفر
- يتبع الفصل كاملا اضغط هنا ملحوظة اكتب في جوجل "ذنوب على قيد الغفران دليل الروايات" لكي يظهر لك الفصل كاملا
- يتبع الفصل التالي اضغط على (ذنوب على قيد الغفران) اسم الرواية