رواية ذنوب على قيد الغفران الفصل الحادي و الاربعون 41 - بقلم براء

 واحد وأربعون

                                        

                                              

#ذنوب_على_قيد_الغفران 

#البارت_الواحد_والاربعون 

فهد : كعدت الصبح اباوع غنى ماهي اكيد نزلت جوه كمت عدلت الفراش وفتحت باب الحمام ودخلت اباوع قطعه بيضه كطن منحوته بشكل جسم واكفه كدامي عود يعني هذا صدك جسمها 

غنى : ياااا دووور وجهك 

فهد : لارد 

غنى : خليت الملابس على جسمييي فهدددد احجييي وياك اطلللللع بره 

فهد : نزلت عيوني ا اس اسف اسف ما انتبهت رجعت رفعت عيني ماسمعت صوت عبالي الحمام خالي والباب اصلا جان مفتوح

غنى : بعدك واكففف اطلللللع 

فهد : عفتها وطلعت بسرعه 

غنى : ركضت ورا قفلت الباب غطيت وجهي يربي يعني هالمواقف متصير اله ويه فهد شنو سالفه الاحراجات الي ظهرت بهالفتره هاي هسه شلون اباوع بوجهه بعد وهو شافني عريانه كدامه لالا هو كولشي ما شاف اي اي مشاف شي دخلت ردن الدشداشه على كيفي بأيدي واواسي نفسي اي كولشي ما شاف اي اي قابل شيشوف كملت تبديل اجيت الف شعري ما اكدر تنهدت وتالي ويه هاليوم الي مبين زفت من بدايته فتحت الباب وطلعت مدنكه راسي حتى ما اكدر اشيله ميته من الفشله 

فهد : كاعد وصافن المنظهر انطبع براسي غير يروح من بالي لطش .... شفتها طلعت وشعرها يكطر ماي كمت لج شلون تطلعين هيج رحت طفيت السبلت مو يضربج شرجي ثوله انتي 

غنى : هاا 

فهد : وين خاويلج 

غنى : هذا 

فهد : اخذت الخاولي خليته على راسها نشفته بسرعه ولفيته هيج تلفي مو 

غنى : بخجل لا بس عادي خلي هيج 

فهد : باوعت لركبتها تذكرت منظرها بالحمام غمضت عيوني استغفر الله امسح هالصوره من راسك هاي غنى مو كح... من الملهى لتنسى روحك احم وين حجابج خلي البسه الج حتى ننزل 

غنى : بالكنتور ثالث جرار 

فهد : فتحته طلعتلها الشال الرادته وكفت يمها لبستها شي مدري شسمه كوب كاب وصله مدري شيصيحولها ... خليت الحجاب لفيته شلون ما كان 

غنى : خنكتني مو هيج 

فهد : بارتباك عود خلي اروى تعدله الج 

غنى : عدلته بأيدي السليمه يله 

فهد : نزلنه جوه اني طلعت للحديقه اشم هوه وهي مدري وين راحت 

غنى : دخلت للمطبخ صباح الخير 

اروى : صباح الور... شفت ايدها ملفوفه هاي شبيها ايدج 

غنى : كعدت انفصخت البارحه 

ساره : ياا شجاج 

سعاد : طبعا تنتفصخ اذا همه ميكعدون راحه ذاك اليوم صريخج وين واصل فضحتينه وماكو واحد مادره شجنتي تسوين انتي وفهد 

 

غنى : بخجل لا مو هيج بس..

سعاد : قاطعتها بس بس لتكعدين تبررين وتصفطين جذب سكتي 

ايمان : الف استغفر الله كومي غنى تريكي 

آلاء : اني ما اسوي ريوك لاحد وهذا الريوك لجهالي تريد خلي هي تكوم تسوي 

غنى : بالعافيه عليكم اني اكوم اسوي لفهد اني مااريد كمت لزمتني اروى 

اروى : دكعدي صدك تحجين شايفه ايدج وينج وين الشغل اني اسويلكم 

غنى : ايدي اليمنى مبيها شي اكدر اشتغل 

اروى : دنجبي موزين اني جاي ادللج هم كولي اروى مقصره

غنى : ابتسمت 

انغام : صباح الخير 

الكل : صباح النور 

غنى : اباوع دخلت انغام شايله طفله مكمطه هاي اكيد بتها رفل سولفت عليها اروى بس مشفتها ابد 

انغام : تردين تشيليها 

غنى : عادي ؟ 

انغام : طبعا عادي غير مرت عمها انتي هاج خلصيني منها جزعتني 

غنى : اخذتها تربعت وخليتها بحضني اباوعلها اوي تخبل تلمست خدودها شلون ناعمه ... كمت اناغيها واحجي وياها كامت تضحك ضحكت لضحكتها ... هههه فدوه شلون تضحك ولج شنو انتي شهالجمال هذا بوست خدودها شلت راسي شفت خاله ايمان تباوعلنه وتبتسم بس شافتني كلبت وجها ...تنهدت بس لو اعرف شلون اخليها تصدك وترجع وياي مثل قبل 

اروى : يله كومي صيحي لفهد حتى تتريكون 

غنى : تعالي اخذي رفل خلي اكوم ... اجيت اكوم وجان سمعنه صوت صياح وهبد كمنه كلنه اباوع نزل علي بأيده عوده و ورا منذر يصيح 

منذر : للللك علييي لتتهور مالنه خلك المشاكل 

علي : دفعته دووووخر 

ايمان : لزمتهم ولكم شصاير احجووو 

علي : رحمان السكط مسقط بالمعمل كدام العالم وطلبيه كامله رجعوهااا اليوم واجو التجار يردون فلوسهم ودزو عمامي على فهد وفهد هد على رحمان كلب المعمل على راسه بس التمو عليه العمال واني مااكدر اعوفه امشييي منذر 

ايمان : يااا صخام ولكم شلووون بيه ويه فهد اله يموتني ياله يرتاح يعني شعده هاد عليهم واحد بين الف عامل قابل يسكتوله يمه راح وليدي 

غنى : اديه كامت ترجف يمه فهد خاف يأذوو وخاصه هو كتفه لسه ماطاب تماماً ... حبابين خلي واحد يروح يشوف شصاير 

سعاد : كاعدنه نسوان توصل لهناك كعدي وسكتي 

غنى : رحت بسرعه جبت موبايلي اخابره ميجاوب يربي هالفهد ميكعد راحه ابد كولشي عنده عرك اي تفاهم ماعنده ... ضليت افتر واقره قران يارب كون كولشي ماكو جماله الشباب راحو وبأيدهم عيدان يعني حتصير مشكله حي على الصلاه 

        

          

                

ايمان : ما رد عليج 

غنى : لا والله خاله 

اروى : اوكفن خلي اخابر واحد من الولد دكيت على سامر فتحت مايك ... الووو سامر حباب انت يم فهد 

سامر : اي اليوم استراحتي وطلعت وياهم للمعمل وهذا فهد يمي 

اروى : انطيني ياا حباب 

سامر : سكتي يمعوده فهد صاير نار راح تعارك ويه رحمان وطيح حظه و هذا واحد كلب ابن كلب من العمال عد اخوج فيصل عود جاي يريد يفزع كوم اشمر حديده على فهد و ويه حظه اجت الحديده براس فهد وفشخته واخوج هم ماسكت لزم العامل زوعه العافيه وهسه وانشنط كتفه لان تحرك حركه مو صحيحه هاي من غير علي ومنذر وباقي الولد صارت بالنعل والله يكرم طاري الله 

اروى : يايمه سوده عليه خوما تأذه عليك الله احجي الصدك

سامر : اكلها انفشخ راسه وميقبل يروح للمستشفى واحنه مكابلي وكاعدين وكلي لمرت ابوج خلي تكل لفيصل ليرجع للبيت تره فهد متحلفله تحلوفه بس الله يدري بيها 

غنى : اسمع ودموعي تصب .... هسه فهد اله تتعارك جماله تأذه كتفه وهو لسه مطاب ... ضلينه كاعدين منتظريهم وين لتلاثه الظهر ياله رجعو اباوع طبو الولد بس شنو هدومهم كلها تراب وشعرهم مخربط بس فهد مو وياهم 

ايمان : هاا يمه شصار وليش هيج صاير بيكم 

منذر : تكاتلنه 

سعاد : بعصبيه وانت شنو تتكاتل مشكله بين اخوانك تصف ويه واحد وتعوف الثاني وياريت بو محصلك شي من الاثنين وتالي وياك انت 

منذر : ابنج المابي خير رايح هو وشريكه مسقطين بشغل عمامي واخويه ويحاربوهم برزقهم شتريدني اسوي اروح اصفك لاخويه 

علي : آااااخ ما واكف بعيني غير خوتنه وهو اكبر مني ما اكدر امد ايدي عليه بس فهد ما قصر 

غنى : بدموع حبابين وين فهد وصدوك متأذي 

علي : خويه لتبجين كلشي مابي فهد و واكف بره يحجي ويه حارث  هسه يجي بس لتبجين كدامه الله يخليج 

غنى : ويه حجي علي طب فهد كلهم ركضو عليه اني شفت راسه كله دم واحس روحي شاغت اريد اتقرب بس محد تنطيني مجال 

ايمان : ولك يمه انت تريد تموتني لو صاير بيك شي منو الي اني 

فهد : بهدوء مابيه شي لتخافين باوعت لسعاد كلي لفيصل الساعه بالسته الكاا بالبيت والا اتصرف غير تصرف وياا وهو يدري ... وخرو عني يله عفتهم وصعدت 

غنى : صعدت ورا صحت فهد اوكف 

فهد : درت وجهي لكيتها ورايه ماشفتها جوه ليش تبجين 

غنى : بدموع خو مبيك شي 

فهد : حاوطتها تعاي لتبجين كلشي مابيه مشيت للغرفه فتحت الباب على كيفي ودخلت سديت الباب 

        

          

                

غنى : اباوعله راح كعد وكام يدخن عفته وكعدت على جهه كام يجر جكاره وره جكاره ويدردم ويفشر ويه روحه واكو شريان طك بين حواجبه هذا اكبر دليل انو فهد واصل لاقصى عصبيته .... كمت جبت معقمات واجيت كعدت يمه طلعت كطنه نكعتها بمي طبعا حركتي كلها دتصير بصعوبه لان ايد وحده ... قربت الكطنه منه دفع ايدي 

فهد : وخري غنى 

غنى : عفيه انت مقبلت تروح للمستشفى وجماله متريدني انظف جرحك 

فهد : مابيه شي عوفيني بحالي ماكو داعي تسوين هيج 

غنى : لزمت ايده باوعلي فهد تره هذا واجبي وانت زوجي وغصباً ما عليه اوكف وياك بكولشي سواء رضيت وان ما رضيت وارجع واكلك هذا واجبي تجاهك يله باوعلي بللت الكطنه بمي ومسحت الدم من وجهه عقمت المكان ولفيته حتى يتوقف النزف اباوعله مغمض عيونه وساكن ... كملت كمت شلت الغراض رجعتهن لمكانهن ... فهد كافي جكاير ثعولت الغرفه ميصير هيج تره مالها داعي هالحركان اعصاب 

فهد : بعصبيه بضاعه كامله رجعت اليوم ومن اسأل يكلي التاجر والله انتو اسعاركم ما مناسبه اشو بضاعتكم مثل بضاعه المعمل الثاني ليش همه يبيعون باسعار مناسبه وانتو لا فالاحسن نتعامل وياهم ومن رحت اسأل انصدمت طلعو يبيعون بتفاليس بس حتى يحاربونه برزقنه وفوك هذا من خابرت صديقي التاجر كلي هذا رحمان يمشي ويسقط بالمعمل مالتكم شنو ترديني اسكت واغلس برائيج هذا شي ماله داعي 

غنى : اكو شي اسمه تفاهم شوف هسه انت تهورت ورحت تعاركت وياهم وتالي ضربوك وزاد الطين بله 

فهد : صحت ضربونييييييي شنوو جنت احجي ويه قندران ( رحمان ) واجه العامل غافلني وضربني من وره على راسي وهذا يتسمى غدررر ولان هو جبان ضربني بظهري مو كدامييييي واني ما قصرت كسرت سنونه بحلكه واذا اسمعج بعد تكوليييين ضربوك انعنع ضلوعج فتهمتيييييي 

غنى : اني اسفه خاني التعبير من خوفي عليك كمت ما اجمع 

فهد : غمضت عيوني متنهد 

غنى : تلمست وجهه الجرح يوجعك مو 

فهد : تنهدت لا بس كتفي شويه يأذيني 

غنى : خاف انفتحت الخيوط 

فهد : شبيج مو شلتهن قبل اسبوع 

غنى : اي اي والله نسيت 

فهد : غنى حبابه اطلب منج طلب 

غنى : اامر 

فهد : اذا تكدرين تمرغين كتفي حيل مأذيني وما اكدر احركه 

غنى : هاا 

فهد : كمت هيج ماكو شي طفي الضوه اريد انام 

غنى : لزمت ايده عندك زيت 

فهد : عوفيني ماكو داعي راح انام 

غنى : لا عادي بس كلي عندك زيت كريم اي شي 

        

          

                

فهد : اكو بالدرج الثاني مال الحمام زيت مال مساج تلكي محطوط بعلبه زجاج 

غنى : اي ... رحت جبتها واجيت يله تمدد اباوعله تمدد على ظهره ونزع التشيرت على كيفه كعدت يمه اخذت الزيت فتحته اباوع بي ثقب صغير همزين حتى ميليص الدنيا درت شويه وخليت ايدي على كتفه حركتها بهدوء اباوعله كام يتاوهه براحه لهدرجه مشنج جسمك

فهد : اي مو صارلي فتره ما محرك كتفي واليوم حركته فأذاني غمضت عيوني عاشت ايدج اي هيج 

غنى : ضليت ادلك كتفه على كيفي حتى ما ااذي ... ليش ما رحت للمستشفى 

فهد : بهدوء ميستوجب 

غنى : شلون وانت مصارلك حتى اسبوعين من شلت الخياطات مو موزين عليك 

فهد : كلشي مابيه بس هذا ابن الكلب خله متني ينشنط عود يريد يفزعلهم ابو حلك اليلزك 

غنى : زين انت ليش رحت لو عايفهم ومخلي عمامك يرحون 

فهد : شلون تقبليها اخلي عمامي بوجه المدفع واخليهم يتعاملون ويه هذا الكو... الحرامي لو بي خير مينزل من سعر المواد العنده حتى يكسر سوكنه بس هو ميدري بروحه لعب ويه الشخص الغلط اذا ما اخلي يسد المعمل تفلي بوجهي وكولي انت عار من الزلم 

غنى : حشاك لتحجي هيج 

فهد : باوعتلها صدك اني نسيت ايدج شلون صارت عود اني طلعت اكعد بالحديقه واخذتني رجليه للمعمل ونسيت شلون بأيدج 

غنى : لتخاف كولشي مابيه صدوك ذكرتني اجيبلك اكل انت لا تريكت ولا تغديت 

فهد : ما اشتهي العسل هسه اريد ارتاح وانتي نزلي اكلي شي ادري بيج كضيتيها بواجي وكلشي ما حطيتي بحلكج 

غنى : اذا انت كل يوم مطلعلي سالفه وموكع كلبي حتى اذا عندي عافيه تروح 

فهد : اكدر اعرف انتي ليش مهتمه لهالدرجه 

غنى : باوعتله متنهده شريد اكلك يعني ... حاولت اغير الموضوع اكول فهد فيصل اخوك ليش ميشتغل وياكم ورايح مشارك هذا رحمان 

فهد : ما اله شي بالمعمل حتى يشتغل بي وهو اصلا ما اله بالمعامل بس راح شارك هذا رحمان وفتح وياا معمل على اساس اي خبره ما ادري  

غنى : بس انتو اخوان غير المفروض يشاركك الك 

فهد : مو كل الاخوان كلب على كلب وواحد يحب الثاني هاي بس عدكم الاخوه الها هيج قدسيه هنا اقرب الناس الك يطعن بيك ولهالسبب اكلج دائما ديربالج من الكل لان مو كل اصابعج سوه ولا كل الناس طيبه مثلج 

غنى : هزيت راسي رجعت ادلك كتفه اباوعله كام يغفي شويه ونام كمت مسحت ايدي وغطيته اباوعله سوده عليه عسى كسر بأيده لهالعامل نزلت جوه لكيتهم كاعدين يحجون 

ايمان : هاا وين فهد 

غنى : نام 

علي : ما كتيله يروح للمستشفى 

        

          

                

غنى : ماقبل خلاني اعقمله جرحه ونام 

سعاد : ياربي منين اجتنه هالمشاكل شوكت نرتاح ما ادري 

بتول : شوفي يا رجل فكر طبت علينه وفكرتنه من شفناها ما شفنه الخير 

آلاء : اي والله جماله الكرفه الفكر تلحك كل الي بالبيت مو واحد وثنين 

اروى : هسه الي يسمعجن يكول بيتنه جان يعم بي السلام والهدوء همزين جانت ومازالت المشاكل نفسها 

بتول : اي بس هالفتره كثرانه المشاكل وصاير لا تطاق كل هذا بسبب رجل فكر كابلتنه 

غنى : عرفت قصدتهن ياربي ما اطلب منك غير بس تصبرني عليهن 

اروى : كومي غنى خلي نروح لغرفتي احسن 

غنى : كمت وياها صعدنه لغرفتها ذبيت حجابي وكعدت 

اروى : لتضوجين من كلامهن تره هنه من زمان مسمومات وميحبن احد والله بسما غاضب عليهن فلتهتمين الهن 

غنى : ممهتمتلهن بس الحجي بيناتنه هاي بتول مدري شبيها والله البارحه سحلتني سحله من راسي حسيت شعري تكطع بأيدها احاجيها تكلي شكل اظفري بشالج عبالها اني غبيه لو ما افتهم هي متعمده لو الثانيه ليلى كلما تشوفتي لو تعيط بيه لو تعاملني بأسلوب ما اكدر افسره وانجبر ابلعها واسكت لان ما اريد اضوج فهد 

اروى : بعدج كلشي ما شايفه ولج شايفه هاي ليلى شجانت تسوي بيه اااخ ولج طفله اني بالرابع ابتدائي وهي بالاعداديه اني اوكف اغسل مواعين واكنس وامسح وهي تكعد تصيغ اضافرها لو سعاد تصيحلي انظف الزوالي وياها وهي جذابه توكف ترشلي ماي واني اجلف والله عشت ايام سوده من وراهم مديت اديه شوفي اديه ذني شبعن طن ضرب من عوده سعاد لو كلت لا شتحجين انتي 

غنى : زين ليش 

اروى : ببساطه لان تكره امي جانت تأذينه وما زالت لحد الان حاقده علينه وخصوصاً فهد هسه عوفينه من هالموضوع خوما تعاركتي انتي وفهد 

غنى : لا عليمن نتعارك 

اروى : باوعت لايدها صدك تعاي ايدج شفصخها 

غنى : لان اني نادره رحت تحديت فهد بمصارعه ادين وهو كلي انسحبي يمعوده لتتحديني بس اني صعدت عندي الثقه فجئه ورفضت انسحب واخوج الله يسلمه كلبني اني وجسمي وكطفني جوه الجربايه بحركه وحده فانفصخت ايدي 

اروى : لحظه لحظه هو كلب ايدج جسمج شعليه وينكلب شو ماجاي استوعب 

غنى : شوفي مو اني جنت كاعده يم حافه الجربايه  تقريبا وهو كلب ايدي فصارت عندي شلون ردة فعل تحركت ويه ايدي فانشمرت بالكاع 

اروى : هاا هههه خرب يومج وانتي عفتي الدنيا كلها رحتي تلعبين ويه فهد الي لو لزم ايدج تشوغ روحج مو عاد تتصارعين وياا خليج على ذيج المصارعه احسلج 

        

          

                

غنى : مفهمت قصدج 

اروى : عود شلون انتي بنيه وبهالعمر وكلشي متعرفين عن سوالف الزواج او التلميحات 

غنى : معندي معلومات عن هيج مواضيع او بالاحرى ممطلعه 

اروى : لتكليلي بيوم العرس فهد علمج 

غنى : بخجل لا مو لهالدرجه عندي معلومات عامه بس ممتعمقه 

اروى : هاا اكول غنى شنو رأيج بفهد يعني حبيتي اكثر بعد ما صار اكو زواج فعلي بيناتكم 

غنى : تنهدت افضل انو ما احجي لان لو مهما حجيت ما اكدر اوصل ولو شويه لعمق حبي ومشاعري لفهد 

اروى : ابتسمت تدرين فهد على التعب الي تعبه يستاهل وحده مثلج هالنظرات ولمعه العيون كادره تعالج كل جرح مر بي فهد 

غنى : ليش بشنو مر فهد 

اروى : عضيت لساني لا هيج اقصد انو تعب بتحمل مسوؤليتنه والله جازا بيج 

غنى : بعدم تصديق هاا ... اني متأكده اكو شي ضامي عليه ضليت يمها وكمت طلعت اباوع صارت بالخمسه صعدت فوك فتحت الباب الغرفه بارده وفهد اصلا مو يمي رايح بسابع نومه واني رحت فرشت سجادتي وكعدت خليت قرائني بحضني وبديت اقره قران بنيه الفرج عسى ولعل الله يهدئ فهد ويخلي يبطل هالعصبيه هاي ... ضليت كاعده اقره ومحسيت على روحي دائما اندمج بالقران بحيث ما احس بالوقت اباوع الغرفه ضلمت ... كمت نزعت الجادر .... رحت اكعد فهد الدنيا غربت فهد فهد اكعد الدنيا مغرب هسه ميصير تنام لهالوقت اباوعله فتح عيونه 

فهد : شنو الملائكه نزلت المغرب لا وبغرفتي هم وجماله لابسين ابيض 

غنى : استغفر الله علكت التيبلمب تره اني غنى

فهد : كمت علكت الاضويه تشرفنه انسه غنى باستهزاء ماجنت ادري هاي انتي من رخصتج طلعيلي ملابس اريد اطلع 

غنى : وين ؟ 

فهد : طكيت ركبتي للملهى وملاحظه ايالج وبالج تسأليني هالسؤال مره ثانيه لان ما احب واحد يكلي وين رايح مفهوم 

غنى : عفت كل كلامه وركزت على اول كلمه ... للملهى ؟!!

فهد : اي عندج مانع 

غنى : الناس بهيج وقت تكعد تدعي ربها وتتحضر لصلاة المغرب وانت دتتحضر حتى تروح للملهى عود صدوك تحجي 

فهد : اي صدك احجي وبالنسبه للصلاة والعباده عفتها الج 

غنى : وكفت كدامه ساده طريقه شبيك فهد وتالي وياك شوكت تبطل هالسوالف الي دتسوووي حررام حررررام ميجووز ولتكلي جملتك المعتاده اني ما ازني الله حرم الشرب وحرم الدخول لهيج مكانات وانت فوك ما متزوج فوك متروح لهيج مكانات قذره ومقرفه 

فهد : مو انتي الي تعلميني الحرام من الحلال وبالنسبه لزواجنه فأحب اذكرج فأي حق من الحقوق الزوجيه اني ما جاي اخذ فعلى اي اساس ترديني اسوي حالي حال المتزوجين 

        

          

                

غنى : ضغطت على ايدي اذا انطيك حقك الشرعي تعوف النسوان والملهى وكل المحرمات الي تسويها 

فهد : شنو 

غنى : باوعت لعيونه اذا اخليك تتقربلي وانطيك كامل حقوقك تعوف المحرمات هاي وتتغير 

فهد : وشنو الي يجبرج تسوين هيج وانتي مترديني 

غنى : همست اني ما اريدك تتعاقب بسببي واذا روحتك لهيج اماكن حتى تتحق شي من حقوقك الزوجيه فماكو داعي اني موافقه زواجنه يصير فعلي ولا تتحمل ذنب بسببي وبالتالي اني اتحاسب عليه قبلك لان الله يلعن المره اذا رفضت زوجها واني ما اريد الله يلعني وتالي انت تروح لهيج مكان بسببي والعقاب يصير عقابين عليه 

فهد : يعني عندج اتقربلج واخذج ولا اتحمل ذنب 

غنى : هزت راسها والدموع تلمع بعيونها ... تقربلي بس لتروح للملهى الله يخليك  

فهد : تقربت عليها باوعت بعيونها واجه منظرها الصبح لبالي رفعت ايدي فتحت دكم دشداشتها الي ظهرت سطوع بشرتها اول ما انفتحت تلمست صدرها اباوعلها ساكنه كلشي ما سوت خليت راسي بركبتها استنشقت ريحتها بقوه 

غنى : غمضت عيوني من حسيت بشفايفه تمشي على ركبتي ضغطت على ايدي من ايده صارت تتلمس جسمي 

فهد : ملمس ركبتها ناعم لدرجه حسيت لو بستها تنجرح مررت لساني على ركبتها بهدوء موزع بوسات خفيفه عليها ما اعرف شنو الي خلاني اتقربلها هيج يمكن منظرها الصبح عضيت ركبتها ملمسها يخبل ما اكدر اتحمله مصيتها بقوه وايدي تتجول على جسمها رفعت ايدي لازم صدرها سمعت شهكتها والي معلنه عن شده بكائها .... بجيها صحاني ابتعدت بسرعه اباوعلها مبنده من البجي 

غنى : ماكدرت اتحمل ماحسيت نفسي غير باجيه ماردته يتقربلي بهالطريقه ردت زواجنه الفعلي ميصير نتيجه شهوه منه وانما تمنيته ياخذني وهو يحبني بس اذا تقربه مني يخلي يتوب اني مستعده اضحي وهو زوجي ولازم اخلي يبطل هالسوالف حتى لو على حساب مشاعري .... اباوعله ابتعد بسرعه مثل الي حس على نفسه 

فهد : باوعت لعيونها وعفتها بدون ما احجي رحت بسرعه اخذت ملابسي بدلت واخذت سويجي وهي واكفه مطيتني ظهرها طلعت بسرعه نزلت شغلت سيارتي وطلعت احس حتى الم كتفي راح اريد بس اوصل للملهى اني شلون قبلت شلون تنازلت وقبلت اتقربلها شنوو ذنبهااا تضحي على حسابييي وليييش بس لو اعرف ليش جاي تدوس على روحها بس في سبيل ترضيني لللللللليش وصلت للملهى صفيت السياره ونزلت 

______________ 

غنى : بجيت بحركه كلب ادري بي راح لهناك هسه واكيد راح يكوم يشرب ويباوع للراقصات ومو بعيده يكضي الليل ويه وحده منهن لزمت كلبي احسه حيطلع من مكانه لمجرد تفكيري يجوز اليوم وحده من ذني العاهرات تنام بحضنه وتبوسه او هو يتغزل بيها يمدحلها وغيرها جماله اني انطيته نفسي ونزلت روحي حتى ميروح تالي شهكاتي الحقيره خلته يروح ... احس الهوه ضاك عليه اريد اكوم ما اكدر كلبي كام يأذيني مديت ايدي انسندت على الكرسي وكمت اريد اخذ علاجي راح اموت مشيت لميز التواليت جريت الحبوب اخذت دوه الخفقان صارت عيني على المرايه اباوع لركبتي متروسه ترس علامات تلمستهن ودموعي تنزل يلعن ابو  الحرام يا ابو الي علم الناس عليه آااه والله لو متقربلي ولا يضل يزني ويروح للملهى ويشرب جنت مستعده على كولشي اوافق بس كون يبطل ربي اني سويت الي عليه حاولت اضغط على نفسي وانت شاهد حتى ابري ذمتي كدامك وما اكون مذنبه .... مسحت دموعي وكعدت اباوع لوجهي الى متى ابقه هيج الى متى اني الي اضحي شوكت يجي واحد يضحيلي سبق وضحيت بحلم حياتي ورجعت ضحيت بكرامتي ورحت توسلت بالي يسوه والي ميسوه على حساب اخويه وهسه ضحيت بجسمي بس حتى فهد يتغير الى متى إلهي الى متى سمعت الباب يندك مسحت دموعي وكمت فتحت الباب شفت خاله ايمان 

        

          

                

ايمان : وين فهد 

غنى : بصوت مبحوح ما ادري 

ايمان : اكو مره متعرف رجلها وين يطلع وبعدين هو مو كال بالسته يريد يحجي ويه فيصل شو طلع 

غنى : ما ادري خاله ضاج وطلع 

ايمان : المره الشاطره متخلي رجلها يضوج ... باوعت لركبتها ولعيونها يله اعوفج شويه ونزلي وراي

غنى : اي ... طلعت سديت الباب وراها ... المره الشاطره والله يا الله المره عوزها بس تصير بطيخه  حتى ترضيكم رحت غسلت وجهي ولميت شعري صليت ونزلت لكيتهن كاعدات 

اروى : شبيج 

غنى : هيج مبيه شي

سعاد : اكول وينه فهد شو طالع لا وبهيج وقت المفروض كون هو هسه بالبيت 

آلاء : تذكرين خاله لمن تزوجنه اني وفيصل كعد شهر مكابلني وكاعد ما طلع من باب البيت وانتي يحافظ من اسبوع طفشتي الرجال 

بتول : عوفيها يجوز فهد مل تعرفن انتن فهد يحب التغيير 

ايمان : شهالحجيييي هذاا ثكلييي بتول لتخليني احجي وياج غير حجي 

آلاء : شبيج خاله هسه شكالت البنيه وجهة نظرها هاي 

ساره : اني هم اريد اكول وجهة نظري انتي تكولين فيصل كد ما يحبج ضل وياج شهر وما طلع لعد ليش عرس عليج وجاب فوكج ضره 

آلاء : اي هو حظ الكح... كاعد يحيرن شيلعبن وتالي يجن ياخذن الزلم من اهلهم وبكل صلافه 

بتول : اي والله احنه بس لو الله يخلصنه من هيج نسوان يتختلن بالبيوت والشقق ويحيرن شيسون وتالي ياخذن زينة الشباب 

غنى : بسرعه باوعتلها وباوعت لخاله ايمان الي صاحت بيها 

ايمان : خزرتها .... بتوووول لزمج لسانج احسن الج 

غنى : اشرت لاروى وكمت للمطبخ مالي خلك سوالفهن حقه فهد يحذرني منهن 

اروى : شبيج حبيبتي ليش كالبه وجهج 

غنى : شويه مغص وايدي مضوجتني لان معيقه حركتي .... عوفج مني كليلي حتردون نسوي عشه اني ضايجه واريد التهي شويه 

اروى : كعدي انتي مالج علاقه خلي اني احضر للعشه لان المسعدات من شافنجن كمتي تشتغلين سحبن ايدهن نصيحه لتصيرين طيبه وياهن هذني مو وجه احترام طلعي منهن بس انغام لان هي تشتغل خطيه بس رفوله شالعه كلبها 

غنى : اذا على الشغل ميخالف بس خلي يجفني شرهن 

اروى : لا ماكو شي اسمه ميخالف ذني استغلاليات وميحترمن حتى هاي ساره لا عبالج فقيره تره هم متنعطه وجه وتكوم تتماده لو واحد انطاها مجال ابسط شي هسه شوفي لبسها بالبيت تراك ومكياج صارخ ولا عبالك اكو زلم بالبيت حجو الولد رادو ولا كان تطبب الحجي من هالاذن تطلعه من الاذن الثانيه 

        

          

                

غنى : الله يستر من الايام الجايه 

_____________________ 

الساعه 10 مساءاً 

فهد : بعد واحد 

: سيدي هذا ثاني بطل راح تسكر 

فهد : باوعتله شارب من جيبك 

: لا سيدي بس ا..

فهد : قاطعته اذا ما شارب من جيبك انجب وسد حلكك وروح جيبلي بعد واحدد ليشششش واكفففف تحررررك ورثت جكارتي اباوع للراقصات .... كلجن كح.... وهي شريفه واني ما اكدر اتقربلها وهي بهالعفه حتى طعم جسمها يختلف بي شي عمري ما التمسته عد كل النسوان الي مرن بحياتي حتى فرح الي جان جسمها خرافي ومدللتني وبالنومه ماكو مثلها ماعدها ترافتها ولا جمال جسمها وفوك هذا محد عدها روحها كلما اتذكر حجيها احس نار وتوج بيه ،، جانت ناويه تنطيني روحها بس في سبيل ما ارتكب حرام وهي تصير السبب يعني وين واصل بيها الالتزام والخوف من الله بحيث خطت هيج خطوه 

: تفضل سيدي محتاج اجيبلك بعد شي ... اصيحلك وحده من البنات اذا تريد 

فهد : امشي ولي عن وجهي انعل ابوك لابو البنات ... شربت من الكاس ولاول مره بحياتي احس بملل واني هنا اريد اطلع بس ما اريد اكو كميه تناقض بداخلي ما اكدر اوصفها 

: هاا اليوم هناا صارلك فتره مختفي وين هالغيبه 

فهد : باوعتلها ب.... الدنيا اكو مشكله 

: لسانك ينكط عسل همستله على فكره احب الي يفشرون احس بيهم جاذبيه خاصه  

فهد : تردد صوتها لاذني "اذا انطيك حقك الشرعي تعوف النسوان والملهى وكل المحرمات الي تسويها " 

: تلمست صدره هاا وين سرحت 

فهد : دفعتها بسرعه وطلعت احس نفسي مسوي شي غلط شعور مقزز حسيت بي من لزمتي للحظه ردت اتقئ صعدت بسيارتي وطلعت والوم بروحي ليش طلعت من الملهى معقوله كلامها اثرر بيك لالا اكيد بس يمكن ضجت من الي صار بالبيت اي هو هيج وكفت سيارتي يم الجسر ونزلت اباوع للماي طلعت جكارتي وكعدت ادخن واشم هوه المفروض حتى سياقه ما اسوق بس اختنكت .... تذكرت كلام ايمن يكول لو طلعنه سالمين التزم وصدك سواها الملعون كام يصلي لا ويقضي صلواته الفات

نه وعاف الشرب والملهى ووصلت بي يروح لدكتور حتى يكدر يترك الشرب .... واني شوكت اتوب مثله ومثل الباقين ماادري ... ذبيت الجكاره و ورثت غيرها ضليت بحدود الساعه ونص كاعد كمت نفضت هدومي وصعدت بالسياره راجع للبيت وصلت ركنت السياره وخليت علج بحلكي حتى ورشيت عطر حتى ما ابين شارب نزلت فتحت الباب لكيتهم كاعدين السلام عليكم 

الكل : وعليكم السلام 

فهد : اباوعلها كاعده بنهايه الصاله يم اروى وحتى راسها ما شالته باوعت للاء رجلج موجود 

        

          

                

آلاء : اي فوك 

فهد : كعدت روحي صيحيله كليله ينزل فوراً 

ساره : ليش ما كتلي اني اروح اصيحله تره هو رجلي مثل ماهو رجلها 

فهد : دشيلي روحج بالاول وبعدين كولي صخروني 

ساره : تره هاي لان حامل هيج بعد فتره لو جبت يرجع جسمي يخبل هسه من اجيب تشوف 

فهد : استغفر الله باوعت لغنى ... غنى كومي سويلي جاي 

غنى : كمت بدون ما اجاوبه دخلت للمطبخ ... ذبيت الجاي وسويت غيره ادري بي ميشرب حميان ابد اله هستوه متهدر انتظرت الكتلي يفور هدرت جاي وطلعت ويه طلعتي نزل فيصل الي تصرفاته ابد مو مريحه وياي 

فيصل : خير شتريد 

فهد : بتحذير اسلوبك بالكلام انتبه عليه من تحجي وياي ... وتعال اكعد خلي نحجي مثل الاوادم وعوف اسلوب الحيوانات الي متعلم عليه 

فيصل : احترم ونفسك ولتنسى اني اخوك الجبير وغصباً ما عليك تحترمني وانت الممنون 

فهد : ندري اخويه البعير انت وبعدين الواحد هو يجيب الاحترام لنفسه مو يطلبه على العموم مو هذا موضوعنه .... احسب حسابك عندك مهله منا لاسبوع اذا ما لغيت شراكتك ويه رحمان تاخذ غراضك وتطلع من هالبيت 

فيصل : شنو ؟! تهددني حضرت جنابك تساومني بين بقائي هنا وبين شغلي 

فهد : عاد هو شلون شغل واي اساومك تريد تبقه هنا تلغي شراكتك ويه رحمان متريد خلص اطلع من البيت وخلي رحمان يفيدك وهاا احب ابلغك اذا بقيت ويه رحمان الاذى الراح يصيبه يصيبك وانت حر هذا شي راجعلك شتختار اني وياك 

فيصل : بس انت هيج راح تدمرني 

فهد : مشكلتك مو مشكلتي هاي 

سعاد : فيصل راح يعوف الشراكه ويه رحمان شنو قابل يفضل صديقه على اخو هذا شي مستحيل واني متأكده فيصل ميسويها مو يمه ... خزرته 

فيصل : اي اي 

فهد : خلص لعد باجر اني ملتحق اريد الكاك عايفه وايالك تلعب بذيلك تره عندي الف واحد وراك  

فيصل : لا خلص باجر افاتحه والغي الشراكه 

فهد : اي عفيه عليك باستهزاء رجال ودومك كد حجايتك 

غنى : اباوع ومستغربه من الوضع فهد على اي اساس يطلب من فيصل يترك بيت ابو اني سمعت من اروى انو فهد عنده املاك بس معقوله حتى البيت تذكرت كلام ساره من كالت هذا بيت رجلج زين شلون هالبيت لفهد هم ومعقوله سكوت سعاد وخضوعها لفهد لان كاعد ببيته ... كمت صبيتله جاي انطيته اله وصعدت فوك 

فهد : اباوعلها صعدت فوك شربت الجاي بسرعه وصعدت وراها فتحت الباب لكيتها كاعده على الجربايه وتقره كتاب ... ردت افتح موضوع بس حتى احاجيها بهدوء باجر التحق 

غنى : هزيت راسي 

فهد : ملابسي كومي حضريهن 

غنى : بهدوء حضرتهن من زمان 

فهد : فتحت قميصي باجر اوديج للكليه واطلع مناك للموصل 

غنى : اي ان شاءالله 

فهد : كعدت يمها غنى اني اعتذ... 

غنى : خليت ايدي كدامه رجاءاً هالموضوع لتفتحه اعتبره شي ومصار اصلا تصرف طبيعي ... خليت الكتاب بصفي تصبح على خير 

فهد : اباوعلها غطت راسها ونامت كمت سبحت واجيت نمت بصفها ادري بيها ضايجه مني وهواي هم بس ما اعرف شسوي واخليها ترضى 

  

____________________   

صباحا

غنى : وصلني فهد وراح يلتحق ما حجيت وياا طول الطريق ماحجينه اي شي دخلت للكليه شفت نرجس رحت يمها جنت كولش مشتاقتلها كضيته اليوم واكفه بالحديقه وسمعت واحد يصيحني درت وجهي شفت رجال جبير 

: انتي غنى صالح 

غنى : اي نعم عمو تفضل 

: ما عرفتيني 

غنى : لا صغراً بيك عمو بس ما اعرفك منو انت