رواية ذنوب على قيد الغفران الفصل الاربعون 40 - بقلم براء
أربعون
#ذنوب_على_قيد_الغفران
#البارت_الاربعون
بعد مرور اسبوع
غنى : مر اسبوع كام على زواجي من فهد مر بسرعه ومحسيت عليه روتين بروتين فهد اول تلث ايام مكابلني وكاعد وساكت ، وباقي الايام كام يطلع للمعمل والعماره لان هسه ماخذ اجازه ومعنده دوام ... المفروض اليوم يسوون سبعه بس اني كنسلتها ما اريد سبعه سويت حنه وعرس شكبره ماكو داعي اكلف فهد واني شفت العرس شكد كلفه هاي من غير اني معندي احد ويحضر بالسبعه ومالي خلك الحجي وهمه هم ما ضغطو عليه عافوني براحتي واليوم بدال السبعه بيت جده عازمينه يمهم على عشه ... فزيت على صوت الباب كمت منو
ساره : اني
غنى : فتحت الباب شفت ساره
ساره : سلام
غنى : ابتسمت بهدوء وعليكم تفضلي
ساره : دخلت ضايجه اجيت يمج
غنى : اهلا وسهلا تفضلي تعاي خلي نكعد هنا
ساره : كعدت افيييش الغرفه بارده ثلج اكول ليش متنزلين اثاريج مسنحه على البروده
غنى : لا مو هيج بس فهد طالع واستحي انزل وحدي
ساره : يمعوده بيت رجلج هذا اخذي راحتج بي خوما بتول الوصخه وسعاد المراهقه ياخذن راحتهن ويفترن بكيفهن وانتي حابسه روحج
غنى : عيب ميصير تحجين هيج
ساره : العيب بالجيب يمعوده وعلى طاري الجيب غرفتج ببيش اخذتيها
غنى : والله علمي علمج
ساره : بس والله حلوه كمت فتريت بالغرفه .... هاي العطور كلهن الج
غنى : ابتسمت لا لفهد
ساره : لعد شبي حظي فيصل حتى العطر اني اجيبه اله وانتي رجلج ينكرط كرط من كاعه ولو هي حظوظ
غنى : خليت ايدي على حلكي كوه لازمه روحي حتى ما اضحكت طبعا هي تحجي ويه روحها ومامنتبهه
ساره : الله هذا المكياج كله الج والله عبالك صالون على ميز التواليت
غنى : كمت اذا تحبين اخذي الي يعجبج
ساره : صدك والله يعني عادي اخذ منج
غنى : طبعا عادي الي يعجبج اخذي الج وحلالج
ساره : ياا انتي شكد حبابه شوفي راح اخذ هاي الحمره وعلبه الظلال هاي هم (الايشادو )
غنى : اوك تردين شي بعد
ساره : لا شكرا بس ذني وهسه تعاي وياي خلي ننزل شعدج محبوسه هنا كلهن كاعدات جوه
غنى : هسه صدوك عليمن حابسه روحي اني صار اسبوع كاعده هنا خلي انزل ما دام الولد بالدوام ... هسه بس خلي ابدل ... رحت طلعت دشداشه سوده وزركه واخذت شال اسود اجيت اروح للحمام ابدل
ساره : وين رايحه
غنى : ابدل
ساره : يمعوده عليمن هالمستحه بدلي هنا
غنى : لا شلون ميجوز ابدل كدامج من رخصتج ثواني دخلت بدلت ملابسي وطلعت انزل بالدشداشه شلت شعري كبايه ولبست شالي
ساره : والله عمي هنيال فهد من ينام وياج على هالجسم
غنى : صفنت هاي شتحجي بله مو عيب بنيه وتحجي هيج ... بخجل اكلج خلي ننزل احسن انتي شكلج ماعندج كنترول
ساره : اي يله
غنى : نزلنه جوه لكيناهن بالمطبخ شي كاعدات يطبخن وشي كاعدات يحجن ... السلام عليكم
الكل : وعليكم السلام
سعاد : واخيراً شفنه وجهج صارلج اسبوع نايمه بغرفتج كولي انزل اشوف شعدهن ماعدهن اتعرف على اهل رجلي شنو تستنكفين تنزلين
غنى : ضليت لا اخذ ولا انطي اكلتي اكل حتى ما اعرف شجاوبها
ايمان : ام فيصل ماعليج بجنتي شتريد تسوي خلي تسوي عروس ومن حقها خليها براحتها اريدها سالمه
ليلى : اكول خاله شو مرت فهد ضاربتها على الصامت خاف متسمع
آلاء : لا ولج هاي تطبق مثل طنش تعش تنتعش
ايمان : لا غلطانه هي هادئه وهذا واحد من الاسباب الخلتني اخطبها لفهد لان هادئه وعاقله ومؤدبه
غنى : باوعت لخاله ايمان فاجئني كلامها والله ضليت صافنه يربي شهالعائله متعرف منو وياك منو عليك بهالبيت ... حاولت افتح موضوع خاله وين اروى
ايمان : بالكليه راحت تشتغل على التقرير مدري رساله الماجستير والله مااعرف
غنى : تذكرت عكب باجر تخلص اجازتي ولازم اداوم زملائي بدو يحضرون للتخرج وغيرها واني بعدني شيخلص هالسنه وارتاح .... لعد وورده وينها
انغام : هسه فد ساعه وتجي من الدوام
غنى : ليش المدارس بعد خمس تيام يداومون شعجب من هسه مداومه
انغام : مو هي مدرسه اهليه وغير هيج بكلوريا فتبدي تداوم من وكت حتى يصيرلها وقت تراجع هو مابقه شي ويخلصون وترتاح خطيه شلع كلبها الثالث
ليلى : شنو السالفه هو ثالث اصلا صوج فهد مدري شبي راح خلاها بمدارس اهليه شبي الحكومي اشو حتى هو طلع من حكومي بس ما ادري عليمن هالتفيك اكول مرت فهد مو ترحين تكليله وتسويلج مشكله
غنى : اسمي غنى ، وعلى فكره هو ميتفيك بس يريد ورده تدرس دراسه زينه بكادر زين لهالسبب خلاها بمدرسه اهليه مو يتفيك مثل ما انتي تكولين
آلاء : اكول غنى بما انو انتهى العرس على خير خلي نقسم الشغل بيناتنه خوما اضل بس اني اشتغل واطبخ واكو غيري تلاثه
غنى : معندي مانع قسمي الشغل مثل ما انتي تحبين واني وياج
آلاء : لعد شوفي كل يوم على وحده الطبخ والتلاثه الباقيات عليهن غسل المواعين يعني مثلا اني راح اطبخ اليوم وانغام غسلت مواعين الريوك وانتي مواعين عليج الغده و ساره عليها العشه وهكذا اضافه الحديقه كلها عليج والبيت عليه وعلى انغام والكراج على ساره
غنى : ماشي
ساره : شنو ماشي اني حامل وما اكدر اشتغل يعني فوك تعب الحمل تطلعلي بالتنظيف لا عيني ما اشيل عوده من الكاع بيه حيل اني
آلاء : شنو خدم عندج خوما خدم احنه غصباً ما عليج تشتغلين وتاكلين تبن هم ام الزلم
غنى : عزه راح يتكافشن .... خلص اني اخذ شغلج بس لتتعاركن
آلاء : واذا انتي هيج حنينه خلي كل المواعين عليج والطبخ يتسلسل علينه
غنى : هاا ؟!
انغام : بله مو عيب عليجن على مواعين تتعاركن لا وجماله ذبيتن كل الشغل على البنيه جان استحيتن على رواحجن شويه
ايمان : صحت كافيييي شبيجن انفتكتن ... الكل يشتغل بهالبيت ماعندي وحده تنام الكل سواسيه بالبيت سواء جناين لو لا اروى و بتول هم يشتغلن حالهن من حالجن وما شاءالله احنه خطارنه هواي فغصباً على الكل يحط ايده ويشتغل واي نقاش ما اريد كافي تره مو مراهقات و واحد يرزلجن اشو آلاء راح تطبين بالثلاثين مو زعطوطه انتي عيب ثكلن شويه وانتييي غنى
غنى : نعم خاله
ايمان : الكلام موجهه الج وياهن ما اريد مشاكل
غنى : هزيت راسي .... رحت اساعدهن وهاي ليلى مدري شبيها تخوف
ليلى : اكلج خفي ايدج جلفي اسرع شكد فاهيه
غنى : اي ... كملت المواعين الوصخه مدري شلون يشتغلن واكو جبل مواعين يمهن غسلت اديه وطلعت كعدت بالصاله
سعاد : هاا شو كعدتي
غنى : لعد وين اروح اشرت لابن منذر يجي يمي بوسته انت سالم مو
سالم : اي
غنى : كرصت خدوده تدري انت كولش كولش حلو
سالم : ثكرا انتي هم هلوه
غنى : ههه فدوه شلون يحجي ... ضليت اسولف وياا وبعدها كمت اساعد البنات سمعت صوت البنات اجن للمطبخ
اروى : سلام يا قوم هله مرت اخويه نازله اليوم
غنى : ابتسمت بوستها شلونج شو تأخرتي
اروى : ولج هلكت من التعب لو ادري هيج السالفه ما افكر ادرس ماجستير تعبت خلي ارتاح واسولفلج
غنى : يله هانت مابقه شي وتقدمين الرساله وتخلصين
اروى : اي والله شيخلصني
ورده : هاا نونه شلونج
غنى : هلو حبيبتي شلونج
ورده : الحمدلله بشرن شمسويات غده
ليلى : مركه بانيه انتي متحبيها مو
ورده : لااا ما احبها
ليلى : ادري بيج متحبيها سويتلج معكرونه
ورده : اول تالي تسويها منج من الشيطان
اروى : كرصتها تأدبي يله تعاي خلي نبدل الولد اجو ويردون يتغدون
غنى : اخذت السفره وطلعت لكيت الولد كاعدين وفهد وياهم السلام عليكم
الولد : وعليكم السلام
غنى : رحت جبت المواعين ويه البنات وكعدنه كلنه نتغده سوه ما شاءالله همه عائله جبيره ميكفيهم الميز فيكعدون بالكاع
فيصل : هاا مرت فهد نازله شلونج ماشفتج
غنى : الحمدلله اخويه
فهد : انطيتها خاشوكه هاج اكلي لتضلين صافنه
غنى : شكرا
علي : شلونه الزواج فهد حلو لو لا
فهد : يعتمد على اختيارك اذا تختار اختيار مخربط يصير مو حلو بس لو تختار عدل يصير توب
فيصل : وانت زواجك حلو لو لا
فهد : تعذرني احب احتفظ بالجواب لنفسي ... دنيت الماعون يمها جاي اكول اكلي باعيلهن راح يطكن من الاكل وانتي تنقشين
غنى : داكل والله
سعاد : اكلك شنو مرتك خرسه شو لاتحجي لا تكول دومها ساكته
فهد : احسن اخاف على صوتها ليروح من الحجي
ساره : اوي فدوه شلون يحجي عليها تدري فهد حقك تخاف عليها والله اني من شفت ترافه جسمها ونعومته كلت حقك هيج تحبها وتخاف عليها
غنى : عززه فضحتني فضيحه هاي شبيها مخبله اباوع لفهد غص بالاكل صبيتله مي بسرعه
فهد : دفعته بصعوبه مو كلاصي هذا
غنى : كمت للمطبخ جبتله كاسه مي واجيت ركض انطيته اباوع لوجهه كله انكلب خطيه والله غص غصه ... اباوعله شرب مي وعيونه تخزر بساره
فهد : تنهدت شلون ويه بت هالكلب ساره ولسانها فالت
ساره : شبيك فهد
فهد : بيه جني كمت اباوع لغنى كامت ويايه كعدي كملي غداج
غنى : شبعت
فهد : اكبر جذابه ادري بيها تستحي تاكل واني ما موجود ... رحت غسلت وهي وراي نشفت ايدي ورفعت ردن الدشداشه لتتبلل غسلي وصعدي وراي لتبقين جوه
غنى : اي .... غسلت وطلعت صاحت بيه ام فيصل
سعاد : وين امشي روحي سوي جاي
غنى : مسويه قبل بوقت بس صبو
بتول : نزلت والمواعين منو يغسلهن
اروى : ماعليج انتي مو ستوج كعدتي وتتأمرين روحي نونه اني اغسلهن
غنى : لا معندي شي اني اغسلهن كعدت انتظرتهم يكملون خطيه انغام واروى كامن وياي وآلاء بس شافتنه دخلنه للمطبخ صعدت فوك هي وساره الكل راح لغرفته واحنه كملنه المواعين غسلت وصبيت لفهد جاي وطلعت دامشي واحس راسي انسحل رفعت الجاي بسرعه ليروح يتبده عليه درت وجهي بسرعه شفت بتول هاي ليش هيج
بتول : سوري اظفري علك بشالج وانجر بايدي بدون ما انتبه
غنى : باوعتلها بنظرات عدم تصديق يربي شنو هالقابليه هاي ... عفتها ورحت اهدي غنى اهدي لتخلين عقلج ويه عقلها وصلت للغرفه لكيت فهد نايم على الجربايه
فهد : بهدوء ليش تأخرتي مو كتلج صعدي وراي
غنى : جنت اغسل مواعين وكلت اصبلك جاي واصعد
فهد : اخذته روحي حضريلي ملابس خلي اسبح واطلع انام
غنى : ماشي رحت طلعتله ملابس من الكنتور سمعت صوته يصيح
فهد : غنننننى
غنى : ها
فهد : تعاي بسرعه
غنى : هاا كمت ورا
فهد : ليش معلكه ملابسج وخاولياتج بتعلاكتي مو حاطلج تعلاكه هناك
غنى : منتبهت وبعدين واذا علكت ملابسي هنا
فهد : خاوليج ميصير يصير ويه خاولييي جسمي يختلف عن جسمج خوما ننشف بنفس الخاولي
غنى : شبيك انهديت داكلك منتبهت قابل متعمده شلت ملابسي شجاك كلبت الدنيا تكدر تحجي بهدوء
فهد : كلشي ولا هالسالفه لتصيرين مدعثره كلشي خلي بمكانه المحدد تره تلعب روحي من الهوسه وعدم الترتيب ذيج الزاويه خالج بيها دولاب وتعلاكه خلي بيها غراضج ولتخربطين نظام الحمام بعد
غنى : ماشي حاضر بس اهدئ اخذتهن خليتهن بالسله الي هناك وعلكت الخاولي
فهد : تعاي
غنى : نعم
فهد : شلت ملابسها الداخليه نسيتي ذني
غنى : احتقن وجها هاا جي جيبهن اجيت اخذهن
فهد : لحظه لحظه باوعتلهن كطفت عليها الحماله تعاي كليلي هذا شلون يطب بيج مو اشوفه صغير
غنى : جيب فهد عيب عليك
فهد : اوكفي هاي مره شفت بمحل اطفال هيج احجام معقوله يعني هذا مالتج
غنى : جريته بخجل مو عيب تلعب بشي مو الك لو متكدر ايدك مو الك
فهد : شلاعب ؟! سؤال وسالتج لان تفاجئت يعني جسمج غريب حماله صدرج جبيره وحجمها لا بأس بس ذاك كلش صغير يعني مو مال بنات يلبسو
غنى : خزرته واحس روحي راح اوكع من صلافته كافي يله لتلزك خليتهن بالسله وفوكهن الدشادشه وطلعت والله ميستحي لا ويسأل وعادي عنده
فهد : هاي شبيها هسه اني شكتلها والله يا الله
غنى : رحت طلعتله ملابس وكعدت اكلب بموبايلي شويه وطلع لاف الخاولي على جسمه
فهد : وين الملابس
غنى : اشرتله على الجربايه
فهد : اخذت الملابس رحت بدلت واجيت تمددت
غنى : رفعت الغطه غطيته هستوك طالع من الحمام لتتمرض
فهد : درت جسمي عليها لعبي بشعري
غنى : تنهدت مخليه ايدي بشعره
فهد : مغمض عيونه .... خو محد ضوجتج منهن اليوم
غنى : لا ابد كلهن حبابات
فهد : جذبتي
غنى : شكلت ؟
فهد : هيج ... اكلج تره بالليل نروح لبيت جدي و ولد عمامي هناك ما اريدج تحتكين بأحد وحتى البنات لثكلين وياهن
غنى : صار
فهد : ومرتضى مالج علاقه بي
غنى : صار
فهد : رفعت راسي شنو صار تستهزئين انتي
غنى : لا والله خلص كلام مفهوم ما اختلط بأحد
فهد : هزيت راسي عفيه هيج اريدج
غنى : ضليت العب بشعره لحد ما غفه سحبت ايدي خليتها جوه خدي اباوعله يربي شكد حلو نومته كعدته كلامه كولشي بي يجنن بس لو يبطل سوالفه ... ضليت كاعده اباوعله مدري شحبيت بيك وانت مزنجر وناسيك بالفرن وفوك هذا لسانك باذر ومنحرف تغطيت زين وغمضت عيوني وماحسيت بشي بعد
فهد : كعدت العصر خرب هاي شكد نمت باوعت هاي نامت هم اباوعلها مبينه تعبانه ما هانلي اكعدها بس لازم نروح هسه خوما نطب بالليل فشله تلمست خدودها صايرات ثلج من هوه السبلت وخرت شعرها عن وجه غنى كعدي يله
غنى : حسيت بملمس دافي يمر على خدودي سنحت بالزايد
فهد : اباوعلها تبتسم وهي نايمه ابتسمت على ابتسامتها من اشبهها بالجهال تكول لا ... همست غنى غنى كعدي يمعوده صارت الدنيا عصر
غنى : فتحت عيوني شفت فهد مزروع بوجهي فزيت ... شجنت تسوي
فهد : اغتصبج
غنى : كول والله
فهد : هههههه خرب يومج صدك ضحكتيني يعني بشرفج اكو واحد يغتصب وحده وهي بالملابس ادري اغتصاب ضوئي خوما ضوئي
غنى : كعدت بهدوء تره انت تدوخ ساعه كالب وجهك ومتتحاجه وساعه تضحك وتسولف وساعه ثانيه تكره الواحد بتصرفاتك انت شنو فهد تره تعبت واني احلل بيك ولحد الان ما وصلت لنتيجه وين فهد الصدكي
فهد : خليت شعرها وره اذنها .... هو فهد واحد بس كل ما بالموضوع اني خال وقت لكلشي اذا اكو شي يستوجب الضحك اضحك ماكو شي يستوجب الضحك احافظ على ملامح وجهي بدون ما اصير مهرج واخلي العالم تضحك عليه وبالتالي محد يحترمني وللمعلومه لازم الواحد يصير رزن بتصرفاته سواء مره او رجال حتى بوقت الشقه والضحك هم لازم تحضر الرزانه كرصت خدها فهمتيني هسه
غنى : هزيت راسي
فهد : يله كومي بدلي علما انزل استعجلهم حتى نطلع
غنى : اي كايمه ... راح هو واني كمت طلعت ثوب مال طلعه لونه وردي وياا شال كريمي وبي ورد وردي خليته على جهه رحت غسلت وجهي حتى اصحصح بدلت وكفت ارتب وجهي اباوع دخل فهد
فهد : طلعت ملابسي حسبي حسابج مكياج ماكو
غنى : باوعتله ليش ؟
فهد : لبست التشيرت ما اقبل واحد يباوع لمرتي
غنى : ماشي محخلي
فهد : وكفت وراها عود ليش كلشي اكوله توافقين عليه بدون متناقشين
غنى : ذبيت العطر ودرت وجهي عليه لان ببساطه الله امرني بعدم عصيانك بس هاا بالامور المعقوله يعني انت متريد اخلي مكياج لسبب معقول واني معندي مانع لان المن اريد اخلي مكياج عود شويه حتى يروح من شحوب وجهي بس خلص مدام متقبل مو باللزوم ماكو شي يستوجب اناقشك بي ونتعارك
فهد : باوعتلها هاي كل الي يتزوجن هيج يسون ويه زواجهن
غنى : رفعت كتفي بمعنى ما اعرف
فهد : كلامها صفني يعني حتى لو اريداحجي ما اكدر مديت ايدي اخذت عطوري
غنى : اباوعله كام يخلي من عطوره او يسبح عفواً واني اكول ليش طول اليوم العطر ميروح منه
فهد : تدرين اني ليوم العرس اول مره اشوفج لابسه الوان من شفتج لحد قبل عشر تيام انتي لابسه اسود وهسه لابسه وردي لحد الان ما متعود عليج بهالالوان
غنى : لفيت شالي تريد الصدوك اني مردت البس الوان بس خالتي جبرتني وحلفتني انزعه وهسه هم لبست الوان لان ما اريد اهلك يحجون على ابو ليش عروس ولابسه اسود من الحجي اني بالعقد وكلت التوبه
فهد : ليش منو حاجاج كليلي انعل والديه خوش هي هاي العايزه انوب يتدخلون فلان لابس وعلان نازع
غنى : حسيت على زله لساني لالا محد حجه بس اني داكلك خاف واحد يحجي يعني
فهد : سديت الجراره عود اليحجي كليلي حتى اوكله تبن يله تعاي
غنى : نزلنه جوه لكيناهم متحضرين
سعاد : اكول تعاي تعاي
غنى : تقدمت منها
سعاد : لزمت ايدها ولج هالاسوار اني شايفته بأيد الحجيه ياسمين شجابه لايدج
غنى : هي لبسته الي بزواجنه
سعاد : باوعت لايمان عود شنو معنا هالتصرف اسوارها العزيز تشيله تنطي لجنتج لعد وجنايني اني شتقصد بتصرفها هذا
فهد : جريت ايد غنى منها على كيفج اذيتيها مو هيج مرتي متتحمل تره
سعاد : اني وين احجي وانت وين رحت
فهد : شنو ترديني اروح اتعارك ويه الحجيه لان ما انطت الاسوار الج والله حلوه هاي اني شعليه روحي انتي كليلها ليش انطيتي الاسوار لمرت فهد يله امشونه عيب نطب وكت العشه
منذر : يله يمه يله يمعودات وينجن
غنى : طلعنه مشي اني وفهد لان البيت قريب
فهد : لو جايين بالسياره احسن ما نمشي والعالم كلها تباوعلنه
غنى : ليش
فهد : ما ادري ما مرتاح لملابسج انوب من نطلع لبسي الي يعجبج وفوكه الصايه حتى ارتاح اللون هذا بارز ملامحج وجسمج اكول تعاي تعاي
غنى : باستغراب وين
فهد : خلي نرجع لبسي صايه فوك هدومج شنو تمشين بالشارع هيج
غنى : يااا فهد صدوك تحجي مو اهلك سبقونه
فهد : ميخالف عوفيهم فتحت الباب يله روحي لبسي صايه عريضه وتعاي وعود ذبيها هناك
غنى : شنو هاي فهد رجعتنه على هيج سالفه
فهد : لتناقشين يله روحي
غنى : تنهدت صاعده فوك فتحت باب الغرفه اخذت الصايه لبستها فوك الثوب ونزلت ... زين هيج
فهد : اي هسه شكلج ينطلع بي يله امشينه قفلت الباب وطلعنه وصلنه لبيت جدي دكيت فتحت الباب ودخلت
غنى وفهد : السلام عليكم
الكل : وعليكم السلام
فهد : بست راس الحجيه شلونج حجيه
ياسمين : هله بعد كلبي شو عيني البارده عليكم الرحمن يحرسكم تخبلون
غنى : سلمنه على الكل وكعدنه
بتول : مو جنتي لابسه وردي شبدل ملابسج
غنى : باوعت لفهد وسكتت
مروه : اباوعله طب هو وياها ايده بايدها ماتركها لحظه اجه سلم على الكل وهي ورا راح كعد وكعدها بصفه كل هذا واني عيوني تتنقل بينهم
حارث : هاي كدام الكاعدين يعني يصير فهد يخطب ورايه ويعرس قبلي واني صار سنتين منتظر ميصير هيج عمي
مهدي : بويه غير انتو تماطلون بالسالفه وكل يوم مأجلين
حارث : هو اني لو بتك ياعمي
ياسمين : والله انت فاهي عمي حددو موعد وعرسو كافي بعد سنتين كافي وزياده ولج شهد اذا منا لشهر شهرين ما كملتي جهازج والله اروح اخطبله غيرج وانتي تتحملين المسوؤليه
شهد : ههه نعم الله عليج حجيه
فهد : همست لغنى شنو رأيج نكل للحجيه تدورلي على مره على الواهس
غنى : رفعت حاجبي واني شعليه خلي تدورلك
فهد : اكول حجيه دوريلي على مره وياج
نسرين : هاي بعدك ماصارلك عشر تيام تريد تعرس شنو متريدها
فهد : اي عمه ما اريدها بيضه وتتوصخ بسرعه
بدلوها
مرتضى : اذا متريدها رجعها اكو غيرك يتمناها امنيه
غنى : كلنه باوعنه على مصدر الصوت اباوع مرتضى هذا درت وجهي على فهد اباوعله ضم ايده بقوه حسيتها حتنكسر لزمتها بسرعه اريده يفتحها ماكو
فهد : راص على اسنانه .... انعل والديه الي يفكر مجرد تفكير يتقربلها كائن من يكون
مرتضى : كعدت ليش منو كال يريد ابدلها اني لو انت
فهد : للاسف الاغبياء والي عقول مشيوله ومحطوطه برجليهم ميكدرون يميزون بين الجد والشقه يا ابن عمتي
مرتضى : هاا نسيت انو انت اهلا تشاقه اي شلونج نونه شخبارج ما جاي اشوفج بالكليه
غنى : مسحت على ايد فهد ما اريده يصير عصبي لام ادري بي اذا عصب خلصت بعد ومرتضى ينكتل همستله اهدئ فهد لتتعصب ... جاوبته اي اخذت اجازه اني وفهد على مود زواجنه
مروه : فهد صدك شوكت تلتحق
فهد : بهدوء بعد جم يوم
مروه : سمعنه بيك راح تترقى صدك هالحجي
فهد : اي ترقيت بس لسه ما باشرت
علا : فهد راح تخلي غنى تتوظف اذا تخرجت
فهد : طبعاً لا هي مو بحاجه الوظيفه
مرتضى : بس هيج انت ماراح تخليلها مساحه وحريه حتى تعيش مثل ما هي تريد
فهد : واني ما احب مرتي تداوم بنص الزلم وهاي الساعات الي تكضيها بالدوام خليها تكضيهن وياي وكدام عيني احسن
مروه : بس انت هسه دتلتحق شلون راح تشوفها
فهد : خوما راح ابقه طول العمر بالموصل لابد بعد فتره نرجع لشغلنه مثل قبل وبعدين موضوع تعيين مرتي هذا شي نتناقش بي اني وياها من يجي وكته مو هسه
ياسمين : الله يساعد كلبج يا مسكينه يا غنى
غنى : ابتسمت والله جبتيها بالصميم صدوك الله يساعد كلبي على هالغثيث
سامر : حجيه خلي نتعشه بالحديقه على الهوه خنكه جوه
ياسمين : اي يله امشونه بس اخذو المدات فرشوهن على الثيله حتى نكعد
غنى : راح فهد ويه الولد ومرتضى بقه كاعد اباوع لفهد رجع
فهد : مرتضى كوم ويانه
مرتضى : بضجر ليش
فهد : كوم ساعدنه شعدك كاعد يم النسوان رجال صخام انت كوم يله
غنى : طبعا ادري بي تخبل لان مرتضى كاعد هنا كام يطب ويطلع يصيح بي لمن خلا يكوم يمه منك يا فهد ... كمت وياهن حتى اساعدهن ... تحبن اساعدجن بشي ؟
مروه : وين جنتي ستوج تذكرتي بعد وكت
ضحى : خزرتها ... روحي يمه كعدي كلشي ماعدنه احنه خليج انتي نخاف عليج لتعبين وفهد يتعارك ويانه
حياة : هههه على كوله تتوصخ بسرعه والله سوالفك يا فهد
مروه : اي يحشش عليها
اروى : بالعكس قصدج متفاجئ من كميه الجمال والترافه والجمال الي شايلته وحقه اذا عده هيج بنات عم جنهن حمار مستنسخ
شهد : رحم الله والديج هيج هبطتي معنوياتنه
ساره : تره كلام اروى صحيح واني اشهد شفتها اليوم صدك مرت فهد فددد ترفه حتى كتلها هنياله ينام وياج
ايمان : يمعوده لسانج لسانج جهال هنااا
غنى : دنكت راسي عززه هاي فضحتني فضحيه بقت بس تطلع بنشره الاخبار تحجيها
علا : هههه لتدنكين حبيبتي كلنه من نتجمع نحجي بهالمواضيع هسه من تكعدين ويانه تصير هالسوالف عدج كلش عاديه
ياسمين : شهالبنات البر.... هاي ولجن جنه معرسات وعدنه جهال لو شافو شعرنه مبلل نموت من الخجل
غنى : ليش حجيه غير دتسبحن شكو بيها
ياسمين : هو انتي فهمتي قصدي حبيبه
غنى : اي غير تسبحن وعدجن جهال ليش عدكم السبح عيب واحد يدري بي
حياة : لا يمه احنه عدنه بس نوع واحد من انواع السبح عيب واحد يدري بي ولتسأليني شنوه لان جهال كاعده وما اكدر احجي خلي فهد من ترجعون هو يعلمج شنيه
بتول : خاله ليش تكليلها يمه تره امها ميته واكيد تتحسس من الموضوع
مروه : اي والله حتى اني اكول هيج لتضلن تكولن يمه تره تحز بصدرها لان امها ميته
غنى : باوعت لخاله ايمان الي تخزر بيهن لتخزرين بيهن خاله صحيح اني امي ميته بس هالشي مو عار عليه ولا عيب حتى تحز بصدري واضوج من يكللي يمه تره شي عادي ومبيها اشكال وللمعلومه اني ربتني بيبيتي واخذت مكان امي وازيد يعني عشت هالشعور مو محرومه منه
بتول : اي صحيح حتى اني امي متوفيه بس مو مثل موتت امج امج خطيه ماتت وهي تجيب وابوج بحادث مو
مروه : خطيه كسرت خاطري ماعدها احد وحتى حالها حال الجناين يروحن ويعيدن ويباتن عد اهلهن بس هي متكدر تسوي كل هذا لان للاسف مكطوعه من شجره ومعدها احد صدك صعبه الله يساعد كلبها
بتول : اي والله جماله مو موته عاديه بحادث حسب كلامها مره
غنى : نملت عيوني دموع تذكرت التفاصيل الي حجتها بيبي عن وفاه اهلي ... بصوت مهضوم خاله تكرمين وين الحمام
ايمان : بنظرات حنان ... يم الدرج
غنى : عفتهن وطلعت دخلت للحمام ونزلت دموعي شكد شايفه حقاره بس هيج مشايفه يعني اني شمسويتلهن وهيج يحجن يعني مشايفه واحد يتشمت بالموت قابل هو بأيدهم ماتو هذا امر من الله وصار مسحت دموعي وباوعت للمرايه يبووو انوب وجهي شلون بي عيون صارن دم كمت اغسلهن حتى مابين باجيه غسلتهن بمي بارد اريد بس هاي الخطوط الحمر الي بعيني تروح هسه اذا شافوني شيكولون مسحت وجهي وعدلت شالي وطلعت ما لكيت احد رحت للمطبخ لكيت اروى
اروى : اباوع لوجها وعيونها مبينه باجيه ما سألتها ادري من وره هالحقيرات وامي ما قصرت رزلتهن رزاله تسوه حياتهن واني ما اكدر احجي امي متقبل يعلا صوتنه والحجيخ موجوده .... وينج طولتي
غنى : بالحمام وين الباقين
اروى : طلعو بره بقيت بس اني انتظرج
غنى : يله لعد امشينه نزعت الصايه ولفيتها وطلعت لكيتهم فارشين هواي فراش وكاعدين اشرلي فهد اكعد يمه رحت كعدت يمه
فهد : باوعتلها ... باستغراب ليش باجيه
غنى : هاا لا ما باجيه بس عيوني يحركني
فهد : شو باوعيلي اي صدكتج
غنى : غلست محجيت ضلو فتره كاعدين وكامن البنات فرشن سفره وجابن العشه وكعدنه نتعشه اباوع لفهد شكد مرتب بالاكل لا يوصخ ولا مثل ذوله الي ينتفخ حلكهم من كبر اللكمه همه ياكلون واني صافنه على فهد
فهد : سويتلها لفه بهدوء هاج
غنى : شكراً
مروه : اباوعله يسويلها لفات ان شاءالله سم وزقنبوت بكلبج
حارث : متاكلين شبيج صافنه صفنه المطي
مروه : جاي اكل وبعدين بطلها هاي مال صفنه المطي
ساره : فهد حباب انطيني خبزه من يمك
ليلى : راح تطكين يمعوده هاي ثاني كرصه
ساره : شعليج تره اني حامل ولازمني تغذيه جيب فهد مرتك عصفوره متاكل انطيني الماعون الي بصفها
فهد : شلت الاكل دنيته يمها هاج بس جفينه شرج ... همست وانتي شبيج تمعجلين باللفه اكلي حبابه لتضلين صافنه
غنى : داكل فهد واصلا
اني شبعانه معليك بيه اكل انت
فهد : راح اطيح حظج والله ... دباوعي لساره بدت بالخبزه الثالثه وانتي بعدج ما كملتي لفه وحده
مروه : اول مره اشوف فهد هيج مهتم بأحد اباوعله شلون كل شويه يهمسلها اكيد يتغزل بيها يمكن يكلها احبج كمت ما اكدر اتحمل هيج منظر
غنى : كملو عشه وكمت ويه البنات شلت الاكل
ياسمين : عوفن المواعين البنات يغسلنها وتعالن عيني المتزوجات كعدن
غنى : كعدت ما قبلت الحجيه اكوم
سعاد : حجيه عندي عتاب وياج ... ياهو الاحسن جنة ايمان لو جنايني
ياسمين : ماكو واحد احسن من واحد الكل عندي سواسيه
سعاد : لعد اذا هيج حجيج ليش اسوارج الذهب شلتي انطيتي لمرت فهد مو لوحده من نسوان ولدي
ياسمين : وانتي شنو تحاسبيني المن انطي والمن ما انطي
سعاد : مو احاسبج بس السالفه بيها قصد واني اريد اعرف شنو قصدج بهالتصرف وبعدين ليش الاسوار لمرت فهد بالذات شنو فرقها عن جنايني
ياسمين : مو قصه افرق بس ما صارلي مجال اطلع اجيب هديه الها وانطيتها اسواري الغالي من باب المعزه لا اكثر ليش تسويلج سالفه
سعاد : ليش رجلها عايز وتنطيها سوارج اشو كادر يجيبلها بدال الاسوار ميه
ياسمين : اباوع لمرت فهد جاي تفتح الاسوار والله اذا شلتي من ايدج لساني ميدور على لسانج والله
غنى : حجيه اني الاسوار ممحتاجته فهد الله يحفظه ممقصر ويايه كد شعرايه وعلى كولت ام فيصل يكدر يجيبلي بدال الواحد ميه والحمدلله متمكن هو فاذا موضوع الاسوار زاعجها خلي ارجعه وارجع واكلج اني ممحتاجه لا ذهب ولا فلوس كولش كافي عليه فهد صاير خيمه فوك راسي الله يخلي
ياسمين : على حجيج هذا والله متنزعي وحلفي براسي
غنى : باوعت لام فيصل تخزر بيه وخاله ايمان تباوعلي بنظرات بيها شي من الرضا ... شويه واجه فهد كال يله كمت لبست صايتي وسلمت على الحجيه والبنات وطلعت وياا وصلنه للبيت كلمن راح لغرفته واني صعدت بقه بس فهد يقفل ببيبان البيت دخلت للغرفه نزعت ملابسي ولبست دشداشه صيفيه سوده وطلعت الف بشعري شفت فهد طب ... هاا تنام
فهد : لا بس جيبلي تراك خلي ابدل
غنى : اي هسه رحت طلعتله تراك خذا لبس بس البجامه واجه
فهد : باوعت للساعه 12 بعد وكت مو مال انام هسه اكلج راح اكعد اتمرن وانتي عديلي زين
غنى : كعدت اي اباوعله كام يسوي شناو واني احسبله ... متتعب انت
فهد : نزلت بجسمي صار سنين بالجيش ساكو علينه بالعوده وفنه الميدرب اتذكر بالاردن الي ميسوي التمارين مثل ما مطلوب يتعاقب ويخلو يسوي التمرين اضعاف والله ايام اكلنه بيها تبن
غنى : ابتسمت حشاك ... يله وصلت للميه كافي موزين عليك
فهد : كمت تشكين بقدراتي
غنى : ياقدرات شايب انت
فهد : مسحت وجهي وداعه ابو القاسم الماعندي اعز منه اذا اريد اثبتلج اني شايب لو لا اخليج تباتين بالمستشفى
غنى : باستغراب بعيد عن الموضوع منو هذا ابو قاسم
فهد : واحد عزيز عليه
غنى : شنو جدك
فهد : ههه لا
غنى : زين عايش لو ميت
فهد : لا عايش الله يطول بعمره
غنى : باستغراب ليش شكد عمره
فهد : تلاثين سنه بس خطيه متعوب
غنى : ياا خطيه الله يساعده ويطول بعمره ... اباوعله شو هذا كام يضحك بصوت عالي
فهد : امين امين ههه
غنى : ما اعتقد كلت شي يضحك
فهد : والله انتي فطيره وقليل الي مثلج
غنى : لا مو فطيره اني وقويه هم
فهد : شلون بله قويه
غنى : تحب اثبتلك
فهد : شلون
غنى : تلعب مصارعه مال ادين
فهد : كل عقلج تردين تلعبيها وياي
غنى : بثقه اي
فهد : كعدت على الجربايه يله تعاي
غنى : ركضت كعدت كدامه
فهد : اباوع لشعرها انفل ... مديت ايدي يله اباوعلها خلت ايدها بأيدها اقرب وصف ممكن اوصفه انو ايدها بايدي صايره مثل الفرق بين ايد واحد عمره اربعين وطفله عمرها ست سنين لا وكل عقلها تريد تغلبني
غنى : ضغطت على ايدي حتى ما اوكع
فهد : انسحبي بكرامتج احسلج
غنى : ما عيب ما انسحب
فهد : انتي جبتيها لروحج كلبت ايدها على الجهه الثانيه اباوعلها انكلبت هي وجسمها وره الجربايه سمعت صوت طكه كمت بسرعه رحت يمها اباوعلها كامت تصرخ شبيج
غنى : آاااه يمه ايدي ايدي
فهد : بخوف شبيها وشنو هذا الطك
غنى : بدموع يمكن انكسرت ايدي شجاك كسرتني آااه ايدي
فهد : بارتباك كومي كومي رحت ركض جبت صايتها وشالها كومي حبابه حاوطت خصرها وكومتها لبستهة ملابسها ونزلتها جوه طلعت امي على صوت نزلتنه
ايمان : نزل فهد هو ومرته اباوع لغنى لازمه ايدها وتصيح ... شكو شبيكم
فهد : ايدها انكسرت مدري شبيها عود من ارجع نحجي اخذتها بسرعه للمستشفى والطريق كله هي تبجي كتلج متكدريلي ليش تعاندين بس اخ منج
غنى : بدموع شسوي اذا انت ايدك شكبرها كسرت ايدها
فهد : حقج هو صوجي خليت عقلي بعقلج ولعبت وياج وصلت للمستشفى نزلتها واخذها بسرعه يفحصون ايدها
الدكتور : ايدها مفصوخه وين وكعت
فهد : باوعتلها شريد اكله جنه نلعب وايدها انفصخت
الدكتور : لتخاف مابيها شي اهون من الكسر هسه نجبسها وعلى الادويه والكريمات تصير زينه
فهد : اباوعلها تكسر الخاطر شلون تبجي مثل الجهال راحو جبسو ايدها وانطوها ادويه وطلعنه الطريق كله اني ساكت اانب نفسي هسه شبيه اني طفل شلون قبلت اسوي هيج
غنى : خف الالم لان ضربوني ابره نزلنه جوه شفنه خاله ايمان كاعده
ايمان : هاا شبيها ايدها
فهد : انفصخت
ايمان : شلون انفصخت ؟
فهد : جنه نلعب وكلبت ايدها وتأذت
ايمان : شجاك يايمه تجيب روحك الها همزين ما انكسرت ايدها ولو هو صوجي خليتك تدخل ملاكمه هو انت من غير خير مخير انوب كمت تتعارك كملت السبحه دروحو نامو وباجر اني اخابر خالك يدزلنه حليب دواب على حساب تصير زينه
فهد : صعدنه فوك كعدتها على الجربايه نزعتها الصايه والحجاب ... مسحت على شعرها ايدج لسه توجعج
غنى : غمضت لامبيها شي لتخاف تعال نام
فهد : تمددت وراها لزمت شعرها وكمت العب بي شفتي هاي تاليه ولدنتج
غنى : بألم توبه عمي انت مينلعب وياك
فهد : ابتسمت ضليت العب بشعرها لمن نامت بست راسها ونمت
_________________
صباحا
غنى : كعدت الصبح كمت دخلت للحمام غلفت ايدي بعلاكه حتى اسبح اليوم استحقيت صلاه ولازم اسبح .... سبحت و وكفت البس ملابسي وما احس غير الباب ينفتح عليه وجان اشوف فهد كدامي صحت ... ياااا دووووور وجهك
****
يتبع
- يتبع الفصل التالي اضغط على (ذنوب على قيد الغفران) اسم الرواية