رواية وعد الفصل الثالث 3 - بقلم سارة عبدالباري
فى اللحظه دى وعد كانت داخله الفيلا وسمعت المكالمه مابين ماهيتاب وسوزى.
وعد بصدمه مستحيل ازاى قتل.
وعد من الصدمه اخدت شنطتها وطلبت من يوسف انها تمشي وهتيجى الشغل بكره. ويوسف طلب من السواق يوصل وعد البيت ويجيبها كل يوم.
فى منزل وعد.
مريم يوة بقى يا مازن كفايه انا تعبت نكمل بكره.
مازن وبعدين يا مريم احنا وعدنا ابله وعد نجيب تقدير عالى وبعدين المذاكرة مش بتخلص.
مريم ماهى علشان المذاكرة مش بتخلص نكمل بكره.
مازن مفيش فايده منك.
الباب انفتح ودخلت وعد السلام عليكم.
مريم ومازن فى صوت واحد وعليكم السلام ورحمة الله وبركاته حمد الله على السلامة يا ابله
.
وعد الله يسلمكم يا حبايبي اخبار المذاكرة.
مريم كله تمام يا ابله.
وعد ربنا يوفقكم خدى يا مريم دة الملخص اللى كنتى طلباه.
مريم بفرحه شكرا خالص يا ابله.
وعد العفو يا حبيبتي آمال ماما فين.
مازن ماما اخدت العلاج ودخلت نامت.
وعد طيب تصبحو على خير.
مريم مش هتتعشي يا ابله.
وعد لا يا حبيبتي مليش نفس.
وعد دخلت اوضتها وكانت بتكلم نفسها ياه ازاى فى ناس بالشر ده معقول تقتل صاحبتها وكمان عايزة تموت بنتها علشان الفلوس. يا رب مش قادرة افكر اتصرف ازاى اروح اقول ليوسف لالا مستحيل مش هيصدقنى وتقى البنت في خطر يارب ساعدنى.
فى فيلا يوسف.
يوسف دخل اوضه تقي علشان يطمن عليها حبيبه بابي عامله ايه.
تقى بفرحه بابي وحضنته.
يوسف روح بابي انتى طمنيني اميرتى اخبارها اى.
تقى انا ك كويسه جدآ ومبسوطه جدآ.
يوسف بفرحه واى اللى مخليكى مبسوطة جدا يا روحي.
تقى علشان انا حبيت ابله وعد وهى ك كويسه وهتيجى كل يوم تقعد مع تقى وتقى مش هتفضل لوحدها ابدا.
يوسف بفرحه للدرجه دي حبيتى وعد
تقى جدآ جدآ يا بابي.
يوسف فرح ان تقي استجابت لوعد وبدأت تتحسن ودة طمن يوسف.
##############
فى الصباح فى منزل وعد.
وعد صحيت من نومها لبست وجهزت علشان تروح الشغل. وعد خرجت من اوضتها وشافت مامتها كانت يتجهز الفطار.
وعد صباح الخير يا ماما.
الام صباح الفل يا حبيبتي حمد الله على السلامة.
وعد الله يسلمك يا حبيبتي. هنزل انا علشان الشغل.
الام استنى بس انتى محكتيش ليا عن الشغل وانتى مرتاحه ولالا.
وعد معلش يا حبيبتي هنزل علشان متأخرش ولما ارجع هحكيلك كل حاجة.
الام ماشي يا حبيبتي ربنا يكرمك يارب.
وعد حضنت مامتها ونزلت.
السواق اخد وعد ووصلها الفيلا عند يوسف.
وعد وصلت الفيلا وطلعت اوضه تقي. صباح الورد والياسمين على اجمل تقي فى الدنيا.
تقي من فرحتها جريت وحضنت وعد صباح الفل يا أبله وعد وحشتيني جدا. وزعلانه منك جدآ
وعد باستغراب زعلانه مني انا لي بس يا حبيبتي انا عملت اى علشان يزعل تقي .
تقي ع علشان انتى مشيتى امبارح من غير ماتسلمى على تقي.
وعد افتكرت المكالمه اللى سمعتها من ماهيتاب ودة خلاها مشيت بسرعه من الفيلا
وعد حقك عليا يا ستى متزعليش واوعدك انى مش همشي بعد كدا غير لما اسلم عليكى ويلا بينا علشان نفطر في الجنينه.
تقي بحماس طفولى يلا بينا.
وعد وتقى نزلو الجنينه فطروا مع بعض وبعدين فضلو يلعبو.
يوسف وصل الفيلا وكان معاه ماهيتاب وشافو تقي ووعد مع بعض.
تقى شافت يوسف جريت عليه بفرحه بابي.
يوسف حبيبه بابي عامله ايه النهارده.
تقي الحمد لله انا بخير.
يوسف بص لوعد اخبارك يا وعد واى اخبار تقي معاكى.
وعد بابتسامه الحمد لله بخير وتقى
بقيت احسن بكتير.
يوسف بفرحه الحمد لله بجد مش عارف اشكرك ازاى.
وعد لا مفيش شكر ولا حاجه دة واجبي.
كل ده وماهيتاب كانت باصه ليهم ومتغاظه جدا لان وعد كدا بتبوظ لماهيتاب خططها.
ماهيتاب انا شايفه ان مفيش داعي لوجودها تانى خصوصا ان تقي بقيت كويسه.
تقي بخوف لا أبله وعد مش هتمشي وهتفضل معايا على طول.
ماهيتاب بصوت عالى ونسيت وجود يوسف ووعد بنت اسكتى
تقي بدأ جسمها يرجف من الخوف ومسكت في وعد وفضلت تبكى بصوت عالي.
يوسف بزعيق ماهيتاب متنسيش نفسك واياكى تزعقي في البنت تانى لاما اعتبري الفرح ملغي.
ماهيتاب بخوف انا مقصدش يا حبيبي وبدأت تقرب من تقي تعالى يا حبيبتي.
تقي مسكت في وعد اكتر لا لا ابعدى عنى انا بكرهك.
يوسف قرب من تقي واخدها فى حضنه ششش اهدى يا روحى متخافيش.
وعد استأذنت علشان تمشي.
تقي لا متمشيش يا أبله وعد انا خايفه.
وعد حبيبتي متخافيش بابي هنا وانا هاجي بكرا اتفقنا.
تقي هزت رأسها بموافقة اتفقنا.
وعد مشيت ويوسف اخد تقي ودخل الفيلا وطلب من الدادا تجهز الغدا .
ماهيتاب طلبت من يوسف تقضي باقي اليوم معاهم بحجه انها تصالح تقي.
مساءً ماهيتاب جهزت عصير برتقال وحطت فيه سم وراحت الاوضه علشان تديه لتقي.
تقي كانت قاعدة في الاوضه بترسم والباب خبط وماهيتاب دخلت.
ماهيتاب بابتسامه مصطنعه ازيك يا تقي.
تقي بغضب كويسه.
ماهيتاب انتى لسه زعلانه مني انا اسفه يا حبيبتى متزعليش مكنتش اقصد ازعلك.
تقي لا مش زعلانه.
ماهيتاب طيب علشان اتأكد انك مش زعلانه انا عملتلك عصير برتقال خدى اشربيه وهعتبر ان كدا اتصالحنا
تقي متشكرة مش عايزة.
ماهيتاب اخس عليكى يبقي كدا انتى لسه زعلانه مني وانا بقي هطلب من بابي ميجبش وعد تانى لو مشربتيش العصير.
تقي بخوف لا هشرب واخدت العصير من ماهيتاب.
ستوب كدا البارت انتهى.
ياترى اى اللى هيحصل لتقي واى رد فعل يوسف دة اللى هنعرفه البارت اللى جاى من روايه.(وعد ).
بقلمى ✍️سارة عبدالباري.
- يتبع الفصل التالي اضغط على ( رواية وعد) اسم الرواية