رواية ذنوب على قيد الغفران الفصل التاسع و الثلاثون 39 - بقلم براء
ذنوب على قيد الغفران
#ذنوب_على_قيد_الغفران
#البارت_التاسع_والثلاثون
فهد : راحو الولد واني فتحت الغرفه ودخلت شفتها كاعده على الجربايه ومدنكه اباوعلها تفرك باديها وترجف تقربت وكفت كبالها مديت ايدي شلت البركع اباوعلها مدنكه راسها رفعت وجها اباوعلها ومصدوم هاي اول مره اشوفها لابسه الوان لا ومتمكيجه هم من رحت اخذها ما انتبهت الها جنت مستعجل وستوني ياله ركزت بوجها همست باوعيلي
غنى : باوعتله واحس وجهي مشتعل من هالوضع
فهد : اباوع لعيونها المحاوطتهن سواد الكحله شكد شايف عيون بس هيج عيون ما شايف مررت ابهامي على خدها ... مبروك
غنى : بارتباك ا الله يبارك بيك
فهد : ما ناويه تبدلين
غنى : اي اي هسه كايمه
فهد : مو تتاخرين اريد ادخل وراج
غنى : همس صار ... كمت طلعت للصاله فتحت جنطتي اخذت سيت النوم الابيض غمضت عيوني شلون حلبسه هسه شكول عليج خاله حتى تراك مثل الاوادم ما خليتيني اخذ .... سحبته ودخلت للحمام فتحت الطرحه وعلكتها مديت ايدي من وره على البدله اريد افتحها السحاب مجلب ميقبل ينزل افف هسه اني عايزتك ضليت اماطل وياا وماكو والبدله ضيكه مو مال انزعها بدون ما افتح السحاب هسه شلون اريد ابدل سمعت الباب يندك
فهد : وين صرتي يمعوده ادري نمتي خوما نمتي
غنى : فتحت الباب وطلعت
فهد : هاي بعدج لسه ما بدلتي صدك تحجين شصارلج ساعه تسوين
غنى : باوعتله باقي بس بالنطرون .... دنكت راسي بخجل السحاب
فهد : شبي
غنى : ميقبل ينفتح
فهد : وليش ميقبل ينفتح ؟
غنى : بكلبها بدينه بالاستهزاء .... مشيت وكفت كدام ميز التواليت افتح بالتسريحه واشيل الماشات داحاول افتحه بس ما اسيطر اذا تريد ادخل انت قبل واني وراك ادبر روحي
فهد : وكفت وراها مديت ايدي على البدله
غنى : بخوف شدتسوي
فهد : افتلحلج السحاب لزمي البدله من كدام لتوكع لزمت السحابه نزلتها على كيفي وعيوني تباوع لظهرها البده يظهر كلما ينزل اكثر اباوع اكو تلث شامات متسلسلات وحده وره الثانيه بظهرها تلمستهن باصابعي
غنى : غمضت عيوني فه فهد ايدك
فهد : حاوطت خصرها وتقربت عليها ... همست بأذنها لتخافين ما اسويلج شي مو اني الاجبر مره عليه مادام مترديني مستحيل افكر اتقربلج ثقي بكلامي بست ركبتها بهدوء يله روحي بدلي
غنى : ابتعدت عنه ورحت ركض للحمام طبيت وقفلت الباب واحس كلبي راح يطلع من حلكي كد ما يدك للحظه حسيته راح يوكف اهدي اهدي اخذت نفس بعمق وايدي على كلبي يربي شبيه اني باوعت لروحي بالمرايه وتلمست ركبتي كزبر جلدي اول ما تذكرت ملمس شفايفه على جسمي ذبيت البدله ومسحت المكياج فتحت الدوش ودخلت جوا حتى اهدئ ارتاحيت شويه لان جانن الملابس مضايقاتني والمكياج احسه ثكيل على وجهي تنهدت ماسحه على وجهي سديت الدوش طلعت نشفت جسمي ولفيت شعري لبست السيت الابيض وفوكه الروب اتعجب على النسوان شلون يكدرن يلبسن هيج كدام رجولتهن فتحت الباب وطلعت لكيته كاعد يدخن
فهد : لو اعرف اهلهل جان هلهلت شنو السالفه ادري نمتي
غنى : اسفه ... تفضل ادخل
فهد :كمت اخذت ملابسي ودخلت للحمام
غنى : فتحت شعري وكعدت انشفه حتى ما اتمرض ما عايزني نشفته وعفته مفتوح كمت طلعت سجادتي وجادري فرشتهن وبديت اصلي كملت و كعدت اقره قران وهو طلع ... صدقت متصلي ؟
فهد : ينشف بشعره لا عود صلي انتي بالنيابه عني
غنى : باستنكار ميجوز هاي منو كلك اكو نيابه لازم انت تصلي مادام تكدر
فهد : باوعتلها مالي خلك
غنى : بهدوء تره انت مكلف من 15 سنه احسبهن على كد خمس فروض واضربهن بعدد التكليف شوف شكد يطلعلك
فهد : رفعت حاجبي على حجيج هذا منا ليوم القيامه ياله اكدر اقضي
غنى : كمت نزعت الجادر بهدوء بكيفك بعد اني العليه بلغتك
فهد : يله تعاي خلي نتعشه
غنى : شكرا ما اشتهي تعشه انت
فهد : خزرتها من اكول شي تنفذي بدون كاف لام تعاي تعشي يله ادري بيج من الصبح لسه بدون اكل لترحين تتخربطين يله لحكيني
غنى : هزيت راسي رحت ورا مالي خلك المشاكل لكيته كاعد على الميز باوعلي بمعنى يله جيبي الاكل رحت فتحت الاكل اباوع جايب مشاوي ومقبلات وبيتزا وببسي شدعوه هالكد هو بس اني وياا وخرتهن من العلاليك ورحت جبت كلاصات لان ادري بي ميشرب من القوطيه مااعرف ليش بس شايفته اكثر من مره هيج يسوي
فهد : رجعيهن رجعيهن هذني مستعملات ومنعرف الشارب بيهن قبلنه نظيف لو لا امشي اكو كلاصات سفري بالجيب الصغير مال جنطتي روحي جيبيهن وتعاي
غنى : باوعتله عود صدوك تحجي
فهد : ليش من شوكت اني اشاقه وياج
غنى : شدعوه هالكد يدقق شهالمرض هذا رحت فتحت جنطته طلعت كلاصات هذا كل عقله جايب كلاصات وياا اخذتهن وطلعت خليتهن على الميز تفضل
فهد : كعدي يله قربت الاكل يمها هاج اكلي وجهج اصفر
غنى : اكلت شويه رغم مستحيه منه بس جوعانه كولش من الصبح لسه ما اكلت شي
فهد : باوعتلها تدرين بهذا السيت طالعه جنج سيت مواعين بيض
غنى : شركت بالاكل احم احم
فهد : شجاج اباوع لوجها انكلب لونه ضربتها على ظهرها هاج شربي ماي
غنى : دفعت ايده وخر كسرت ظهري شربت مي يمه احس روحي طلعت ... ااخ ظهري يمه مو ايد حديده باوعتله الله عليك هو هذا هم تشبيهه عفت كولشي تشبهني بسيت مواعين
فهد : قابل اجذب عليج صدك هيج طالع شكلج
غنى : باوعتله بهدوء هنيالي اي والله
فهد : شربت ماي شتردين
غنى : شريد ؟
فهد : ببرود لتباوعيلي هيج ادري بروحي حلو بس هيج نظرات تشطح بتفكيري للمريخ
غنى : مافهمت
فهد : كمت بعد احسن اني راح اروح انام لملمي هالهوسه وتعاي نامي بس لتسوين هوسه تره نومي خفيف واكعد بسرعه رحت غسلت وتمددت
غنى : كمت لميت الهوسه وضميت الزاد من الاكل ورحت غسلت ودخلت للغرفه شفته متمدد على الجربايه ومخلي ايده على وجهه اجيت اخذت مخده بس وين انام
فهد : بهدوء شبيج
غنى : هاا اريد غطه حتى انام
فهد : كمت تعاي نامي على الجربايه اني انام على القنفه
غنى : لالا اني متعوده انام بأي مكان خليك على الجربايه
فهد : اني اكول ماكو داعي تنامين بالكاع وانتي ينشلع كلبج واني هم تعاي نامي على الجربايه انتي تدرين بيه ما اتقربلج ولا راح افكر فخلي تكون علاقتنه مبينه على عدم قيود لتتقيدين وتقيديني وياج رجاءاً وعلى فكره بالبيت الجربايه تاخذ عشر نفرات ولو نريد ننام عليها اني وياج واحد يصير بالقدس والثاني بمكه فتعاي نامي رحمه لاهلج وبلا هالسوالف
غنى : باوعتله واجيت تمددت بعيد عنه
فهد : درت وجهي للجهه الثانيه ونمت
غنى : تغطيت وحاولت انام بس ماكدرت ضليت اتكلب بس ماكو ماكدرت انام وطبعا فهد جان قبل حتى تشيرته مينزعه كدامي وهسه الله يسلمه نازع ونايمه اباوع لظهره عزه هذا شكبره اخذ نص الجربايه تنهدت ميته من النعاس بس ما اكدر انام ... ضليت فتره على هالمنوال لحد ما غفيت
_________________________
نسرين : كعدت اصلي الفجر وسمعت صوت بغرفه مرتضى فتحت الباب وجان اشوفه كاعد على جربايته ويبجي ... ياا ولك شبيك
مرتضى : درت وجهي عنها هيج ماكو شي
نسرين : بس لاتبجي على هاي البلكه الفاهيه
مرتضى : يمه رحمه لاهلج فكي ياخه عني
نسرين : لزمت متنه مرتضى لتضل تسوي هيج الدموع ماراح ترجعها الك والمفروض تكون حذر منها لان صارت مرت ابن خالك وميجوز تفكر بيها
مرتضى : ما اكدر يمه اني من اول سنه اول ما شفتها تفتر بالكليه والخوف مبين بعيونها عرفتها شكد بريئه وحبيتها من ذيج اللحظه واربع سنوات اني مكابلها وكاعد اتمنى الحجايه منها امنيه وصلت بيه وين ما اروح احجي واكول هاي حبيبتي حتى محد يتقربلها تالي من خطبتها رفضتني وراحت وافقت على فهد بس فهميني ليش بشنو اختلف عن فهد اني لو لان فهد عده فلوس
نسرين : المفروض تحمد ربك الله بعد عنك هيج وحده ملعبه اني فكر بيها هي لو بيها خير تعوفك بعد علاقه اربع سنوات وتروح لفهد الي متعرف عنه شي و وافقت عليه على حساب الفلوس
مرتضى : اااخ والله لو تدرين حجيي كله جذب والبنيه لا عدها علاقه ويايه ولا حتى مجال انطتني ... باوعتلها يمه اني ماطلت هواي لو من البدايه مخليها كدام الامر الواقع ورايح خاطبها احسن ما ضليت منتظر وتالي راحت تزوجت
نسرين : هاي بعد البنيه مو قسمتك شتريد تسوي يعني
مرتضى : تدرين من افكر هي هسه نايمه بحضنه او باسها وشمها وصارت مرته احس روحي تريد تطلع تخيلي البنيه الوحيده الحبيتها من كل كلبي تزوجت اكثر واحد اكرهه بهالدنيا
نسرين : بس لو اعرف ليش هالكد حاقد على ابن خالك مع انو هو ما علي بيك ولد كافي خيره شره على العموم حبيبي لتشيل هم لموضوع حتى ميحتاج تفكر بي وحده وجانت بحياتك وتزوجت وخلصت منها والمفروض تفرح لان فهد اخذ فضالتك راح تزوجها بعد ما انت شبعت طلعات وطبات ومكالمات وياها يله كوم يمه صلي ونام باجر ورانه كعده من الصبح حتى نروح لبيت خالك
مرتضى : هزيت راسي
________________________
صباحا
آلاء : عود شنو معناها جايين العالم من الصبح
انغام : غير صبحه ولازم تجي العالم لهنا تستقبل العرسان وتوجبهم
آلاء : الله يرحم ايامي من خذاني فيصل لا سوولي هيج خبصه ولا شي هي حنه بسيطه والحك ربعك
انغام : كلمن يمد رجليه على كد غطا هو عده فلوس وسوه عرس مطنطن الله يزيده احنه رجولتنه على كد الحال والحمدلله مو مهم الزواج والفلوس اهم شي الاستقرار
آلاء : وحده سوولها عرس مطنطن والثانيه حياتها مستقره وحلوه واني لا حصلت العرس والفلوس ولا حصلت الاستقرار الك الله يالماعندك حظ
ايمان : هاا يمه كملتن كلشي تره الناس تريد تتغده من وكت
انغام : خليج يم العالم خاله احنه بالمطبخ
ايمان : بعد كلبي ميهينلي اعوفجن يله ايدي بأيدجن حتى نخلص
ساره : صباح الخير
ايمان : عزه العزاج ولج سويره هاي شلابسه
ساره : باوعت لروحي شلابسه
ايمان : ولج امي زلم كومه شهالثوب هذا مو حتى خنكتي الطفل وانتي حامل وسمنانه غير تلبسين شي راهي روحي ليشوفوج حموينج ويكلبون البيت هسه تره ولدنه طالعين طابين
ساره : يا يخاله هسه عاد عافو الدنيا يباوعولي الي يله من رخصتج اروح اتريك
آلاء : صدك الستحو ماتو مدري شلون قابل عليها فيصل والله يا الله كدرته بس عليه
ايمان : منذر يمه اخوك وينه مو عيب من العالم
منذر : خابرته كال جاي تحضرون هسه شويه ويجون ... هاج هاي الصينيه املنها جاي هسه ادز سامر ياخذها
ايمان : خوش صبيت الجاي يمه اروى تعاي انطيها لابن عمج
اروى : جيبي اخذتها وطلعت سامر
سامر : تقربت والله حياة شكلها داعيتلي بهالصبح ... عيون سامر
اروى : ابتسمت تفضل الجاي
سامر : شهالجمال هذا عمي خفي على كلبي تره اسيح هنا وبركبتج والله
اروى : ابتسمت فضحتنه صوتك
سامر : جيبي جيبي خلي اروح احسلي لا اسويلي سوايه تخلي فهد افندي يحكمني اعدام يله طبي جوه ولتضلين تفترين
اروى : صار اباوعله راح .... يمه اروح فدوه لهالوجهه يربي شكد احبه مو رجال دره طبيت جوه
___________________
فهد : غنى غنى
غنى : هممم
فهد : يله كومي غسلي وبدلي خلي نطلع
غنى : فركت عيوني كعدت صباح الخير
فهد : بهدوء صباح النور غطي روحج وكومي
غنى : اباوع للروب مفتوح وحماله قميص النوم زالكه لميت روحي بسرعه احم عادي ادخل قبلك للحمام
فهد : طلعت هدومي احد لازم باب الحمام كومي
غنى : كمت اخذت بنطرون وبدي لبستهن وطلعت لان اريد ابدل بالبيت مو هنا
فهد : شنو هاللبس
غنى : شبي
فهد : راح تطلعين هيج
غنى : لا اكيد حلبس عبايه راس حتى من اوصل ابدل بالبيت
فهد : هزيت راسي داخل للحمام
غنى : لفيت شالي ولبست عباتي رحت فتحت جنطتي طلعت نظاراتي احس روحي ثوله بدونهن لبستهن وانتظرته يطلع شويه وطلع لاف خاولي على جسمه دنكت راسي
فهد : راح انزع اذا تخافين كومي طلعي
غنى : عزه بعينه ولا يستحي كمت طلعت شويه واجه اباوعله لابس قميص ابيض وبنطرون اسود اخذ سلاحه خلا بخصره واخذ محفظته ولبس ساعته كل هذا واني عيوني ورا
فهد : رحت جبت الجنط واجيت تعاي بس لحظه اكو شغله فاتتني اذا سألوج فهد تقربلج شتكليلهم
غنى : لا
فهد : لا ربحنه اذا كلتي لا اذا سألوج تكليلهم كلشي تمام وتسكتين يسألوج على النيشان تكليلهم عد فهد خوش
غنى : بخجل خوش
فهد : مديت ايدي يله خلي نطلع
غنى : باوعت لايده
فهد : تنهدت ادري الاشاره ضعيفه عندج شبيج الشبكه واكعه جريت ايدها سديت السويت وطلعت سلمت المفاتيح وطلعنه ... سدي عباتج التشيرت طالع
غنى : السياره مو مضلله ؟
فهد : حتى اذا سديها يله
غنى : اخذت دنبوس من جنطتي وسديتها لو لابسه صايه احسلي
فهد : وصلت للمنطقه شفت امه حمد كلها واكفه بالشارع شافو السياره واشتغلت الهوسه غنى وجهج غطي بالعبايه
غنى : باوعتله ليش فهد
فهد : جماعتي والشرطه والدنيا كلها جايه ما اريد واحد يشوفج غطي وجهج بالعبايه واني جاي اخذج .. صفيت السياره ونزلت فتحت بابها بسرعه نزلي
علي : اجو اجو
فهد : احتركو هسه اله تحجي
غنى : كل عقله خالني ورا ولازم ايدي من وره حتى محد يشوفني هاي شنو اني توقعت فهد سبورتي بس صدمني شهالتسلط هذا
عباس : بوسته الف الف مبروك وليدي ربي يجعلها زواجه العمر
فهد : تسلم عمي الله يخليك سلمت على الكل وهاي ورايه جريتها بسرعه فتحت باب المطبخ ودخلتها اجت امي
ايمان : صباحيه مباركه
فهد : شكراً
ياسمين : كللللللووووش صباحيه مباركه بعد كلبي منك المال ومنها العيال تعاي مرت الغالي خلي ابوسج
غنى : ابتسمت مبوستها شكد احبها
ياسمين : شو حبيبه شو وجهج اصفر ولك فهيدان خذت عافيه البنيه من اول يوم
فهد : شسالفه حجيه ادري مدفع خوما مدفع
ايمان : خزرته منا بنات وزعاطيط لتغرد .... غنى بوجهج لغرفتكم شويه واصيحلج هسه اذا كعدتي بعد متكومين للعصر روحي ارتاحي وبدلي واني اجيج
غنى : هزيت راسي واشرت لاروى اجت صعدت ويايه
اروى : الف مبروك يروحي نورتي بيتنه والله الفرحه ما سايعتني
غنى : حبيبتي والله اكثر شي مفرحني راح ابقه وياج عوزنه بس نرجس صدوك على طاري نرجس شو مشفتها
اروى : جعفر ما قبل يكلها كلها زلم هناك خليها وره العرس روحيلها
غنى : حقه اني وفهد هسه كوه طبينه
اروى : فتحت الغرفه يله طبي شوفي غرفتج وكليلي رأيج بذوق اخويه بما انو انتي ماقبلتي تجين تشوفيها وحتى هدومج نرجس وخالتج رتبنهن
غنى : فتت للغرفه وتفاجئت الغرفه تجنن بمعنى الكلمه جبيره كولش على كوله فهد ينامون بيها عشره اباوع لونها كريمي وابيض
اروى : عجبتج
غنى : كولش حلوه
اروى : توقعت راح تعجبج طبعا فهد رادها سوده بس امي تعاركت وياا وبطل يله اعوفج ترتاحين وانزل اساعد امي بالغده وريوكج انتي وفهد هسه يصعد حتى تتريكون
غنى : هزيت راسي ذبيت عباتي وحجابي ومشيت افتر بالغرفه بيها صحيات والغرفه جبيره فقاسميها جزء بي مثل المكتب اعتقد لفهد بي اوراق وكتب وبصفه مرتبين قنفات للكعده حلو تصميم الغرفه ذيج المره من دخلتلها ما انتبهت جان همي بس اشوف فهد ضليت كاعده فتره اروى صعدتلي الريوك لان فهد بقه يم الزلم وماكدر يصعد مر الوقت وصعدت خاله ايمان
ايمان : همزين لكيتج كاعده تعاي
اريد احجي وياج
غنى : كعدت تفضلي خاله
ايمان : شصار البارحه
غنى : بخجل كولشي تمام
ايمان : جاا وين بياضج الحجيه تريده
غنى : مو عندي عد فهد
ايمان : بشك يعني بذيج الفتره فهد ما تقربلج وللبارحه انتي بنيه
غنى : باوعتلها خاله وداعه عافيتي وعساني ما اتهنى بولا يوم بحياتي اذا اجذب والله كولشي ماكو بيناتنه وكل حرف كاله فهد مابي ذره جذب ليش متصدكيني
ايمان : على كد ما جنت اعزج قبل يصعب عليه اسامحج على سوايتج سواء جان كلامكم صح او لا رحتو تزوجتو ولا كأن اكو ناس وراكم كمت على العموم هذا الكلام ماله داعي السالفه انتهت وانتي صرتي جنه بهالبيت بس لتتوقعين مني اكدر اتعامل وياج مثل قبل وبالنسبه للبياض كلي لفهد خلي يراوي للحجيه يله روحي بدلي ولتبجين تره يبين عليج بسرعه عفتها وطلعت
غنى : مسحت دموعي كمت طلعت الثوب مال الصبحه لبسته وفليت شعري وضفرته من فوك لجوه صار حلو خليت بس حمره وكولشي ماخليت لسه حازه بصدري وضميري يانبني لان ذبيت الاسود لبست شالي باوعت لروحي خوش مببين مني شي مالي خلك فهد صارت عيني على ميز التواليت اباوع مليان اشياء واغلبها معقمات وهالاشياء اعتقد فهد عنده وسواس قهري انفتحت الباب

فهد : كملتي
غنى : اي
فهد : تقربت وكفت كبالها مرتضى جوه سلام ماكو ، حجي ماكو ، تلبسي لبسه النعال مفهوم
غنى : صار
فهد : عفيه بالحبابه هيج اريدج دائما سمعي كلامي لزمت ايدها يله تعاي
غنى : عدلت نظارتي ومشيت وياا .... طلعنه من الغرفه اباوع لروحي صايره بصفه جني عصفور مبلل الله يحفظه مسوي تغطيه عليه نزلنه جوه وكامن يهلهلن خالته وبوسنه
اميره : بعد كلبي جعلها صباحيه خير عليك
سليمه (خالته) : الف مبروك حبيبي تعذرني ما كدرت اجي البارحه
فهد : بهدوء لا خاله ما صار شي
غنى : طبعا يحجي ويه الكل الوجه مكلوب الحواجب معكوده اسلوبه يختلف تماما عن الي اعرفه للحظه حسيته عنده انفصام راح واني كعدت
ياسمين : شاورتها شلونج خوما بيج شي الم جرح شي منا منا حتى اعلمج شتسوين
غنى : يمه طبيت بهدومي بخجل لا حجيه الحمدلله كولشي مابيه
ياسمين : الحمدلله
سعاد : ليش لابسه نظارات
غنى : نظري ضعيف
نسرين : شو من اجيناكم ما لبستيها
غنى : مو دائما البسها وهسه عيوني يوجعني فاذا ما البسها يزيد عليه الالم وما اكدر افتحهن بعد
نسرين : ايمان جنتج سكراب صدك تحجين غير تفحصيها فحص زين قبل الخطبه
مروه : بكلبها كل هالعيوب وخطبها لو مابيها عيوب شيسوي
ايمان : القاضي راضي وعاجبه اني شكو
سعاد : شلونه فهد وياج فهد صدك لو طلع ارنب
ياسمين : لزمي شعرها وتعرفين
مروه : غنى تعرفين تطبخين تنظفين
غنى : كولشي اعرف
مروه : هاا زين نصيحه صيري نظيفه تره فهد يكره الوصخات
غنى : ضغطت على ايدي اشكرج على هالنصيحه بس اني اعرف زوجي شيحب وشيكرهه ماكو حاجه تكليلي
مروه : انتي حي الله بت البارحه احنه اهله قبل لا تصيرين انتي مرته
غنى : اعرف انتو خواته ومن الطبيعي تعرفو اكثر مني
بتول : اخته ههه والله شكلج نايمه ورجليج بالشمس
اروى : شبيجن بنات شله داعي هالنقاش حبيبتي غنى خالتج اجت وما لكتج كالت بعدين تجي تشوفج
مروه : خطيه غنى هي بس هالخاله عندج تدرين صديقاتي كلهن سألني على اهل العروس بس شكول
نسرين : والله ياعمه حتى اني سألوني وضليت صافنه بوجهم
ضحى : خزرت مروه هاي شبيها اليوم
غنى : مجاوبتهن ما اريد تصير مشكله وبسببي ومن اول يوم
ورده : حضنتها تره غنى من تزوجت فهد صار هو اهلها وزوجها وحبيبها واحنه صرنه خواتها وكل البيت اهلها مو نونه
غنى : بوست خدودها اروح فدوه للحنينه
مروه : كعدي لوكيه
ورده : مرت اخويه واحبها انتي شكو
غنى : ابتسمت اباوع طبت ليلى اخت فهد مدري ليش اخاف منها اجتي سلمت عليه من بعيد
ليلى : هاا شلونج
غنى : كمتلها من باب الاصول الحمدلله
ليلى : كعدي كعدي خلي نشوفج شو باوعيلي ليش ما خاله مكياج وشدعوه هيج خانكه روحج بالملابس هو هذا لبس عروس
فهد : واذا عروس لازم تتهيلك وتصلخ كدام العالم
ليلى : هاا هاا مو غير على مودها
فهد : ما عليج بيها شتريد تلبس خلي تلبس وبعدين اني ما اقبل على مرتي تصير فرجه للعالم وبالنسبه للبسها فالستر حلو ومرغوب اروى هاج كومي جيبي كاسات ماي
ياسمين : هاا فهيدان شو اجيت حامي على مرتك
نسرين : غير ام العيشه يكدر يزعلها قابل غير يموت
فهد : عمه انتبهي لكلامج رجاءاً اخذت الصينيه وهمست ل ليلى فكي ياخه عن مرتي لا اطيح حظج وافشلج كدام العالم خليج بنفسج احسلج
ليلى : هزيت راسي ... عمه العماها هاي شمسويتله وهيج يدافعلها لا ومن اول يوم هم معقوله كلام بتول صحيح وهاي ام شبر ونص سحاره
غنى : ضليت كاعده واجاوب على اسأله الكل واكو اسئله والله عيب تنسأل وزحمه شيفض اليوم والله تعبت صارت بال12ونص حاجيت اروى ... اريد اصلي
اروى : تعاي بغرفه امي صلي
غنى : كمت وياها دخلت للغرفه انطتني سجاده واني ملابسي مستوره حتى جواريب
لابسه وكفت اصلي كملت وكعدت اسبح دخلت مروه لبست الجادر وكعدت
مروه : اسألج سؤال وجاوبيني عليه بصراحه
غنى : تفضلي
مروه : ليش فهد بالذات
غنى : مفهمت
مروه : ليش وافقتي على فهد وانتي عندج علاقه بغيره
غنى : متوهمه اني معندي اي علاقه سابقه ويه اي شخص قبل فهد ... ابن عمج اول رجال بحياتي وتعاي اني اريد اسألج اكدر اعرف شنو سبب تغير اسلوبج ويايه بعد ما جنتي حبابه ويايه
مروه : ببساطه لان اخذتي شي المفروض يكون الي و اني اقصد فهد وما استحي اكولها جنت احبه والمفروض نتزوج وانتي اجيتي خربتي علينه كلشي
غنى : يعني فهد جان واعدج بزواج
مروه : لا بس جنه مقدرين لبعض
غنى : هذا شي اني ما اعرفه والمفروض منج متبنين امال على احد اياً كان وما من حقج تجين تحاسبيني على علاقتي بزوجي بناء على شي وهمي انتي بانيته ببالج
مروه : صدك لا كالو الفلوس تغير النفوس جان صوتج مينسمع وهسه تحجين لا وبزود هم
غنى : الفلوس معليها واني اسلوبي وشخصيتي نفسها سواء سابقاً او هسه بس تكدرين تكولين الحجي الميعجبني انطي رايي بي بدون ما اتعده حدودي وكلامج ما عجبني وانتقدته لا اكثر ولو وحده غيري جان ردت عليج غير رد بس اني مو وقحه ومستحيل اسويها كمت لميت السجاده عن اذنج اعوفج تصلين ... طلعت ويه طلعتي دخلو الولد ياخذون الاكل زين اني اريد اعبر واستحي اكلهم وخرو شفت منذر ... همست منذر
منذر : درت وجهي لكيت مرت فهد ورايه هاا خويه امري
غنى : بلا امر عليك سويلي مجال اعبر
منذر : شباب من رخصتكم شويه سوولي مجال تعاي خويه بسرعه ولتطلعين تره فهد ميقبل
غنى : هزيت راسي رحت بسرعه كعدت يم الحجيه كملو غده الزلم وبده غده النسوان اكلت شويه وكمت مر الوقت بسرعه صارت الدنيا مغرب بسرعه بدت العالم تروح واكثر شي حرجني شغله الواجب مقبلت اخذ شي خاصه اذا فلوس بس هنه ميقبلن خو وحده مردت ايدي مرد ومقبلت ارجع الفلوس
ياسمين : يمه ورده روحي صيحي لحارث خلي نروح تعبت اريد ارتاح
حياة : اي والله حجيه هلكنه جماعه فهد الله يسلمهم بس همه الهم ميت الف راس شدينه هلكنه والله
غنى : اباوع طبو كل الولد ماشاءالله ولدهم هواي صاحلي فهد اسلم على عمامه ... السلام عليكم
عباس : وعليكم السلام شلونج بويه شسمج والله اني انسى
فهد : غنى
عباس : عاشت الاسامي بويه
مهدي : هله بيج بنيتي شلونج
غنى : الحمدلله عمو انت شلونك
مهدي : بخير الحمدلله لتجبجبين اخذي على الوضع اعتبري روحج كاعده بين اهلج احنه كلنه بيت واحد واحد طاب على الثاني مابيناتنه خجل ابد اعتبري روحج وحده من البنات واخذي علينه بسرعه تره منحب اليعتزل احنه
غنى : ابتسمت بهدوء ان شاءالله عمو
عباس : يله احنه نترخص حارث يله بويه صيح لخواتك خلي نروح
مهدي : امشي خلي نروح بالسياره مابيه حيل امشي
فهد : طلعو الكل وجماعتي هم راحو بقه البيت فارغ باوعت لغنى يله نصعد
فيصل : شو مرتك ماكعدت ويانه كلشي ماشفنه منها
فهد : اخذت ايدها من رخصتكم تعبانين عود بعدين ننزل وعود تعرفو عليها يله
غنى : صعدنه فوك فتحت فهد الغرفه ودخلنه ليش قافلها
فهد : ما احب احد يدخل لهنا غيرنه وديربالج مو ياهو الجان تخلي يطب
غنى : ادري بيها فلوس
فهد : مو قصه فلوس طز بيهن بس عندي اوراق مهمه اخاف تضيع فتحت قميصي
غنى : تعبان
فهد : كلش
غنى : روح اسبح خلي احضرلك ملابس حتى تبدل وتنام من الصبح لسه انت على فرد وكفه
فهد : باستغراب عود شكرا؟!!
غنى : بهدوء واجبي هذا راح للحمام فتحت الخانه مال ملابسه طلعتله تراك قربت التشيرت مني اخذت نفس منه وغمضت عيوني اووف نزلته خليتله ملابسه على الجربايه ورحت طلعت تراك اسود الي بدلت واجيت صليت كملت ورحت تمددت اول ما خليت راسي على المخده غفيت
فهد : طلعت من الحمام اخذت ملابسي اباوع هاي نامت مبين عليها تعبانه رحت بدلت واجيت نمت بصفها خرب يوم العرس سلك ابويه رفعت الغطه غطيتها وغطيت روحي ونمت
_____________
صباحا
ليلى : اكول شو مرت فهد لسه مانزلت
اروى : صبيت جاي تره بعدهه عروس وهذا ثاني يوم الها
آلاء : بس لا راح تبقى منا للسبعه بدون شغل
ايمان : خير شبيجن صوتجن عالي مو اكو ناس نايمه لو اله فهد ينزل يرزلجن
آلاء : خاله صدك جنتج للسبعه ياله تبدي تشتغل
ايمان : للسبعه شنو ؟!! اقل شي عشر تيام ياله اخليها تكيس شي خوما جايبيها تكرب احنه روحي يمه اروى كعديهم خلي ينزلون الساعه صارت بالدعش
اروى : خاف تعبانين عوفيهم خطيه
ايمان : لا راح يأذن بعد ساعه ونص خلي ينزلون
اروى : صعدت فوك لكيت بتول واكفه بالباب هاي شدتسوين
بتول : هاا ردت اكعدهم
اروى : وانتي شعليج بت عم بت خال تره عيب هالتطفل وخري دكيت الباب
____________________
غنى : غافيه وسمعت صوت الباب يندك لكيت فهد نايم كبالي ... وخرت الغطه وكمت صحت منو
اروى : اني
غنى : فتحت الباب بنعاس صباح الخير
اروى : صباح الورد امي تكول كعدو حتى تريكون
بتول : اباوعلها لابسه تراك اسود برموده اريد المح شي عليها من الي ببالي ماكو لا طكعه لا اي شي
غنى : هسه ثواني واكعده
اروى : ماشي لعد خلي اروح اجيبلكم الريوك لان ادري بيج تستحين تاكلين ويانه يله بتول
غنى : سديت الباب رحت للغرفه اباوع فهد نايم على بطنه ... ندسته فهد اكعد
فهد : بنعاس شكو منو معرس ليش تكعديني
غنى : خاله تكول اكعد تريك
فهد : ما اريد سم عوفيني
غنى : ميجوز تحجي على نعمه الله هيج ... رحت فتحت البردات يله اكعد
فهد : كلبت جسمي اباوعلها عناد هو
غنى : مو عناد كافي نوم حيأذن حباب فهد كوم
فهد : كمت ينعل ابو شكلج ... حضريلي ملابس علما اتصخم
غنى : طلعتله ملابس اجه بدل وكعد يدخن ... اندكت الباب راح فتحها جاب صينيه الريوك واجه كعدنه نتريك
فهد : اباوعلها كل شويه توخر شعرها كمت شلته كله
غنى : كمل اكلك عوفه
فهد : غثني كلش انطيني قراصتج شديته على كيفي حتى ما ااذي وكعدت كملنه ريوك نزلته وصعدت ... اكلج اني مال اكعد واكابلج اليوم كله ما اكدر فشوفيلج شي نسوي لان ما اكدر انزل هسه يكلك عاف مرته ونزل
غنى : ما اعرف شوف انت شنو يجي على مزاجك
فهد : تعرفين تركصين ؟
غنى : عفوا
فهد : ركص ركص هز وهيج شي متعرفين
غنى : بس لا تريدني اركصلك
فهد : اذا تكدرين ياريت لان مزاجي كلش مخربط
غنى : عود يعني تحجي صدوك لو تشاقه
فهد : لا والله صدك احجي شو دوري جسمج درت جسمها زين عندج خلفيه لابأس بيها للهز ضربتها على خلفيتها
غنى : نزيت شنو هاي مو عيب عليك شلون تمد ايدك عليه هيج
فهد : رفعت اديه شبيج ردت اسمع صوتها
غنى : هزيت راسي انت شنو مو علساس كتلي متتقربلي شو تحجي الحجايه وتنساها
فهد : اني كلت ما اتقربلج ضمن النومه بس يعني ما انام وياج اماا باقي الحبشكلات فمرات يعجبني الزم شي اضرب شي واني ما اخلي بنفسي شي زائد اريدج تركصيلي لان مزاجي يتحسن بالركص
غنى : تحسن لا تحسن اني شعليه وشنو اركصلك احد كلك فيفي عبده اني
فهد : انتي مو تستحرمين شمعرفج بفيفي عبده على العموم مو هذا موضوعنه عندج منا لشهر اذا ما تعلمتي الركص اطلكج
غنى : تطلكني لان ما اعرف اركص ؟!! والله انت فايخ
فهد : بتحذير لسانج ديربالج تفلتين بالحجي
غنى : باوعتله صفح ومشيت ما احس غير ايدي تنلوي آااااااه فهد ايدي
فهد : هاي عليمن باوعتلي صفح
غنى : عليك اااآااه
فهد : شديت على ايدها عليمن ماسمعت
غنى : مو عليك آااااه فهد آاااه
فهد : وجع صوتج
ايمان : دكيت الباب صوتكم فضحتونه يمعوددددين
غنى : باوعت لفهد بسرعه
فهد : هديتها احترك الجاب بليس شفتي صوتج يا عايقه شسوه بس لا عبالهم جنه .... هله كملت السبحه ... صحت غلسيييي يمه اعتبري نفسج ماسمعتي شي
ايمان : ابتسمت هازه راسي غير سايب هالولد
غنى : خليت ايدي على حلكي عززه شكد عيب بس لا عبالها غير شي باوعت لفهد الي بده يغرد واجته من الله بس يريد يحجي
فهد : آاااه فهد آاااه خبصتنه جنها وحده ... حتى الكح.... من ... متصيح مثلج شبيج مكرو.....
غنى : احتقن وجها والله عيب عليك ابو لسان الزفر
____________
بعد مرور اسبوع
.
.
.
.
.
.
.
************
يتبع
- يتبع الفصل التالي اضغط على (ذنوب على قيد الغفران) اسم الرواية