رواية ذنوب على قيد الغفران الفصل الثالث و الثلاثون 33 - بقلم براء
التالت والتلاتون
#ذنوب_على_قيد_الغفران
#البارت_الثالث_والثلاثون
غنى : خالتي وزوجها طلعو يزورون للامام واني بقيت كاعده ادرس واجتني رساله من رقم غريب ....." بشكد الليله " ... فتحت عيوني منو هذا وشنو قصده بهالرساله كتبت وايدي ترجف ... منو ؟ اجاني الجواب بسرعه
: الواضح معارفج هواي حتى ماعرفتيني بس لتخافين اعرف بيج متستقبلين بس الروس الكبار واني ماراح اقصر وياج بس انطيني الاوك واني بخدمج
غنى : الرساله خلت اطرافي ترجف من الخوف اخذت سكرين للرقم واول كلمه دزها و ودزيته لفهد بسرعه اخاف ليصير شي بعدين واني ماعندي غير فهد الوحيد الي الجئ اله بكل وقت .... ياربي دخيلك يطلع مخربط بالرقم الرجال دخيلك الهي واسمك بعد ماعندي قابليه اتحمل هالمشاكل فزيت على اهتزاز الموبايل معلن عن وصول رساله
فهد : منو هذا
غنى : كتبت مااعرف
فهد : خالتج ورجلها بعدهم طالعين
غنى : اي ... شافها وماارد .... شويه وسمعت باب السطح يندك كمت بسرعه صحت منو
فهد : بهمس اني فتحي الباب
غنى : فتحتها طب بسرعه للصاله
فهد : بهدوء جيبي الموبايل بسررررعه
غنى : انطيته اله اباوعله فتح الموبايل وكام يقره الرساله رفع راسه خزرني
فهد : بحده ليش راده عليه
غنى : بخوف ردت اعرف منو
فهد : بعصبيه اكووووو واحد يكتبوله بشكددددد الليله ويررررد ثووله انتي شلون تجاوبييي
غنى : والله خفت فجاوبته ردت اعرف منو هذا وليش دازلي هيج رساله
فهد : كوا.... وكلج بشكد الليله شيريد يعني انتي الى متى تبقين غبيه وعوبه الف مره كلت تبن وكلت خليج نبها لتتصرفين بغباء انتي هسه من رديتي عليه شعلتي الجابني شفتي الرساله اخذيلها نعلين(سكرين) ودزيها الي بدون متردين عليه
غنى : فهد ليش تصيح عليه هسه قابل شسويت اني مجرد سالته انت منو ومن جاوبني دزيت الرقم الك شسوي اكثر من هذا
فهد : وانتي شعليج هو منو شنو راح تاخذين وياا صوره لو عجبج وناويه تتعرفين عليه رادت تحجي قاطعتها صوتج ما اسمعه سكتي .... دكيت على الرقم
غنى : اباوعله دك على الرقم وضل يفتر بالصاله واني افتر ورا
فهد : ابن الكح... ميرد اباوع دز رساله
: هاا يحلو شكلك فكرت بالموضوع
فهد : رجعت دكيت عليه هم ميجاوب كتبت ليش متجاوب ابن الكح... تراجعت ومسحتها
: لتدكين مااجاوب كليلي شكد الليله واني حاضر متكدرين تطلعين ادزلج كارت بالسعر الي تردي ونتونس على الموبايل شتكولين
غنى : اباع لفهد وجهه صار احمر ونطت عروكه حينكسر الموبايل بأيده من العصبيه دزله رساله
فهد : ردت اشوفه شيكول كتبتله بعد لتدز شي على هالرقم الواضح انت غلطان بالرقم احترم نفسك وكافي تذل روحك واذا اتصلت بعد اكل لزوجي واخلي يتصرف وياك
: ليش غناوي انتي من شوكت مزوجه على حسب علمي عزباء انتي بس شلون عزباء اله تطك بالكاع
فهد : اني قريت الرساله وشياطين الدنيا كامت تتنطط كدامي صحت بيهااا هذاااا يعرفجججج منوووو هذاااا
غنى : بدموع والله فهد والله مااعرفه
فهد : حظرته للرقم وشلت السيم كارت رقمج تذبي بالزبل باجر اجيبلج رقم ومتنطي لاي احد غير خالتج ورجلها واروى ونرجس واقسم بالله اذا شفت رقم خامس على هالارقام اطلع بروحج وحق الخلقج
غنى : زين اذا كلولي وين رقمج القديم شكول
فهد : كليلهم احترك ضاع ماادري كليلهم اي شي المهم هالرقم متفتحي بعد وهذا الكو... اعرف شلون اجيبه والله لنعل والديه واحرك شيب الخلفه
غنى : خلص صار بس لتصير عصبي شوف وجهك شلون صار
فهد : غنى اني تعبت كليلي وين اخليج وين ما اوديج يطلعلي واحد حاط عينه عليج شسوي كليلي احطج بالكنتور واقفل الباب عليج حتى محد يلمحج ولا يكدر يوصلج والله لو يصير جان اخذتج ويايه وضميتج بالخزنه مالتي حتى محد يوصلج
غنى : اني اسفه دائما مشلوع كلبك بسببي والله حقك شتحجي وشتكول بس اني شسوي اذا المشاكل ملاحكتني من مكان لمكان خلص فهد انت معليك بيه بعد مو جماله عليك اني تتحمل مشاكل فوك المشاكل الي بحياتك
فهد : خليت الموبايل على الميز وتقربت منها لزمت ايدها مقربها عليه شوفي غنى سواء شأتي ام ابيتي انتي مرتي ومسوؤليتي ولو تنكلب الدنيا ما اعوفج لحظه وحده والي يفكر يمسج ولو بورده احرك الساعه الي انولد بيها خاف عبالج انتي شي هين بحياتي لا ابدا صدكيني معزتج بكلبي هواي ناس شاعليلي العشره شمع وماكدرو يوصلون الها انتي شي كلش غالي عندي لهسبب مااريد واحد يتقربلج ويمسج ابد شديت ايدي على ايدها فهمتي شنو سبب عصبيتي
غنى : كلمات فهد حسيتها اخترق اعماق كلبي ومشاعري للحظه حسيت اختل توازني غمضت عيوني من حسيت اديه محاوطتني
فهد : بخوف شبيج غنى شنو تعبتي
غنى : لزمت تشيرته حتى اكدر اتوازن فتحت عيوني لا بس لان وكفت هواي تعبت لتخاف مبيه شي
فهد : لازمج مراجعه عد دكتور القلبيه باجر اخذج لازم نسوي فحص حتى نعرف شبيج اني مامستعد اخليج هامله نفسج هيج
غنى : بهدوء لتخاف الدكتور كال عادي هالشي من اتعب يصير هيج وحالتي مثلها مثل حاله اي واحد عنده خفقان لتخاف مبيه شي والعافيه من الله
فهد : بست راسها مابيج غير العافيه ان شاء الله
غنى : اجيت اجاوبه وسمعت صوت خالتي
سحر : وينج يمه غنى
غنى : فتحت عيوني عزززه اجت خالتييي واذا افتح السطح هسه يطلع صوت الباب وتشك لان تدري بيه اذا وحدي مااتجرئ افتح السطح ... جريت فهد تعاااال بسرررعه
فهد : وين
غنى : طبيت للغرفه وسديت الباب انوب فهد كام يكح خرب حظي سديت حلكه بسرعه
سحر : فتحت الباب متنفتح شبيج غنى حبيبتي ليش قافله الباب بيج شي
غنى : اباوع لفهد وجهه صار دم يريد يكح بس اني ساده حلكه ومانعته .... بارتباك لا لا خاله ماكو شي بس دابدل وخفت على ساعه تجون فقفلت الباب لتخافين ماكو شي
سحر : هاا خوش لعد شوفي حبيبتي اني وعمج تعشينه بره وزرنه واندعينالج وهسه تعبانين وراح انام وباجر الصبح نحجي
غنى : ماشي ماشي اكول خاله اني حطلع للسطح اشم هوه
سحر : بهالليل ؟! يمه كعدي وسكتي خاف يطفر حرامي شي
غنى : لا بس اشم هوه شويه وانزل
سحر : خلص براحتج بس تاكدي من باب السطح من تنزلين يله تصبحين على خير
غنى : اجمعين اجمعين سمعت صوت رجلين تبتعد وتنزل الدرج عرفتها نزلت درت وجها باوعت لفهد صافن عليه سحبت ايدي ... همست اسفه
فهد : بهدوء ابتعدي شويه غنى تره طابكه جسمج على جسمي
غنى : بتعدت بسرعه منحرجه اني اسفه والله منتبهت
فهد : هو اني دومي اتحمل نتائج عدم انتباهج كليلي وين انطي وجهي هسه
غنى : شنو يعني
فهد : غلسي ماكو شي وهسه كليلي شلون اطلع
غنى : اصبر خلي اشوفهم نامو حتى افتحلك الباب وتطلع طلعت من الغرفه ونزلت جوه اباوع غرفتهم ضوائها مطفي يعني نامو رجعت صعدت وفتحت باب السطح على كيفي حتى متصدر صوت عالي رجعت صحت لفهد تعال بسرعه اطلع
فهد : طلعت من الغرفه بسرعه دخلت للسطح عبرت على سطحنه سمعي كلشي كلته سوي بالتفصيل اي حركه متصدر منج بدون مترجعيلي مفهوم
غنى : باوعت ورايه اي اي مفهوم بس روح
فهد : بست خدها يله رايح بس انتي طبي وسدي الباب يله يله
غنى : بخجل ماشي باي طبيت وسديت الباب وهو هم راح تمددت لازمه خدي ياربي فهد ليش ديسوي هيج اعرف بي ميقصد شي بس اني الخلل بيه كولشي يسوي يأثر بيه يربي شلون بيه ويه هالمشاعر والاحساس الي ظهرلي فجئه
_____________________
ساره : جنت جوه اترس الدولكه ماي صعدت لكيت فهد يطلع من السطح ... سديت روبي بسرعه ليشوفني ويرزلني ... هاا فهد شو كاعد لسه شعندك
فهد : وانتي شعليج
ساره : فهد انت ليش هيج عصبي شكتلك اني
فهد : عيني ست ساره ممكن توخرين من طريقي تره مالي خلك اتناقش روحي لفيصل تناقشو نقاشات نظريه وعمليه بغرفتكم من رخصتج عفتها ورحت
ساره : ياا هذا شكد ميستحي شلون يحاجيني هيج شو هذا زايعها فرد مره بس والله شخصيته حلوه عكس باقي اخوانه الفهايه ولو هسه يطلع مثل فيصل كدام العالم شخصيه ويم المره جنه دجاجه ... رحت لغرفتي بس وكفت من سمعت عمتي تحجي ويه بتول
سعاد : هسه عليمن تبجين
بتول : احبه خاله احبه وهو ما معبرني
سعاد : هسه مو كلنه صبري
بتول : خاله شصبر صار عمري 24 ولسه ماتزوجت راح اعنس نسيتي اني رسبت مره وكعدت وره التخرج وهسه جاي اداوم علمود الماجستير الي حتى مفكره ابطل عليه تره اني جاي اكبر يا خاله بعد محد يقبل بيه اذا عنست منو يقبل ياخذني
سعاد : هاي عمرج بعده ماكمل اربعه وعشرين وسويتيلج مناحه لعد لو عمرج اربعين شتسوين مخبله انتي
بتول : واني الى متى اضل منتظره شنو قابل اكابلج واكعد طول العمر كافي مو طلعت روحي صديقاتي كلهن تزوجن بس اني بقيت مو وضعيه هاي سمعيني خاله عندج منا لشهر اذا ماخليتي فهد يخطبني والله العظيم اي واحد يتقدملي اوافق كافي تقدمولي كومه واني ارفض على موده وهو مامعبرني ولابسني شنو هي ذله خوما ذله
سعاد : كافي سدي حلكج كلنه اي احاول اخلي ايمان تقنعه يخطبج بس سكتي
ساره : هزيت ايدي والله يا الله هي بقت بس هاي انوب فهد يتزوج بتول حتى تسوي طلي مشيت والله ياخوفي تزوجه هالحيه وتخلي يطردنه بس والله هنايلها لو تاخذه عنده كومه فلوس وهو ماقاصر وظيفه ورتبه وشكل شيريد الواحد بعد
_____________________
صباحا
غنى : وصلنه فهد نزلن البنات واني اخذت غراضي ونزلت وراهن
فهد : ياحلو
غنى : درت وجهي عليه ويايه
فهد : لا ويه العصفوره ابتسمت هاج ولتفكرين بسالفه البارحه تره محلوله
غنى : ابتسمت شكرا
فهد : عفوا يله باي
غنى : باي دخلت للجامعه ذبيت غراضي وكعدت اراجع لان عدنه محاضره وهالمحاضرات مهمه لان مابقه شي لامتحانات الكورس الاول كملت المحاضره وطلعت اني ونرجس لكيت اروى رحت كعدت اباوع لاروى مرتبكه شبيج اروى
اروى : راح اسولفلجن سالفه بس ما اريدها تطلع
نرجس : خير يا ساتر مبينه السالفه خطيره
اروى : بنات البارحه حاجاني ابن عمي سامر وكلي يريد يجي يخطبني وره الامتحانات
غنى : صدوك مبروك تستاهلين حبيبتي
نرجس : دوكفي انتي خلي نسمع الافنديه ... اي ست اروى وانتي شنو رأيج بهذا سامر لو اكلج انطيني
مواصفاته واني اكلج توافقين لو لا
غنى : باوعتلها لا بله
نرجس : انتي سكتي جنج كيكه خلي نسمع
اروى : ضحكت على سوالفها سامر اكبر مني بسنه يمكن او اكثر خريج تحليلات وصارله كم سنه من متعين طبعا هو ابن عمو مهدي وعنده خوات ثنين شهد وملك واخو واحد محسن اما شكله فهو مقبول ملامحه حلوه وطوله متوسط يعني مابي شي
نرجس : اذا على هالمواصفات وافقي واذا انتي رافضه دزي عليه
اروى : ههههه انجبي
غنى : حبيبتي اروى هذا كله مو مهم المهم انتي تشوفين نفسج مرتاحتله تحسين نفسج مرتاحه اله ممكن تكونيله زوجه او تتقبلي كزوج الج وافقي لان كل هالاشياء مهمه
اروى : شوفن الحقيقه اني وسامر واحد يحب الثاني من زمان بس كل الي بيناتنه نظرات يعني ابد ما صار بيناتنه حديث يبوح عن مشاعرنه كلامنه عادي مثلنه مثل اي ولد عم ابد ماتطرقنه لموضوع الحب والزواج ابد رغم واحدنه يحب اللاخ
غنى : خلص لعد اذا انتي تحبي وافقي
اروى : بس خايفه من موضوع الزواج والمسوؤليه
نرجس : اذا على حجيج هذا محد تعرس بعد
اروى : يعني بيت وعائله والتزام شو احسها صعبه
غنى : كلنه نفكر هيج بس لو ناخذها بغير جانب تشوفين انو حتكونين عائله بس الج زوج وبيت واطفال داير مدايرج هنا اكو شي يخليج تخطين هالخطوه بدون تردد
اروى : صحيح كلامج خاصه سامر حباب واخلاقه حلوه وابن عمي هم يعني مو غريب عليه
نرجس : نكول موافقه يعني
اروى : دخلي يجون والله كريم
نرجس : يعني هسه اروى راح تنخطب وغنى هم هسه وره التخرج يطلعون معجبيها ويخطبوها زين واني شو محد خطبني شنو بت البطه السوده
اروى : يكلك الي تكتل روحها على العرس متعرس
نرجس : عليج الله
غنى : هههه شوفي وجها شلون صار لا معليج بيها هاي تحجي وحدها كلمن الله قاسمه قسمه ياخذها ياخذها
نرجس : واذا الله ما قاسملي ازوج شلون
اروى : حظج بعد
نرجس : هي هم تاليتها هيج سنوني يوكعن واني كاعده ولافه شيلتي منتظره عريس الغفله
البنات : ههههههه
____________________
ايمان : كاعده يم انغام اشوف شتريد خطيه جابت المفروض تكضي فتره النفاس يم اهلها حتى ترتاح بواسطه امها وخواتها بس خطيه امها مسافره لايران زياره وهي جابت وخواتها توسلن تروح لبيت اهلها ويجن يمها بس هي ماقبلت تروح بقت هنا ... اخذت الصينيه هاا يمه شبعتي لو اصبلج بعد
انغام : لا خاله بعد عمري رحم الله والديج ما قصرتي
ايمان : حبيبتي مامسويه شي بنتي انتي شلت الصينيه وطلعت صارت بوجهي ليلى الي خبصت البيت بالهلاهل هاي شوكت اجت
ليلى : كلللللووووش وجان نزيد فرد بعد كلبي اخواني يتربون جهالكم بعزكم بوست امي حبيبتي مبروك صرتي بيبيه من جديد
سعاد : بعد كلبي شلونج شعجب اجيتي
ليلى : من البارحه الح على وسام يجيبني وجان جابني وكتله راح ابقه فتره اتونس اني والجهال
سعاد : البيت بيتج يمه
ليلى : شلونج مرت ابويه شخبارج
ايمان : هله بيج يمه الحمدلله انتي شلونج
ليلى : والله طايره من الفرح طرفنه كلما بي يزيد وانتو لسه على حطتكم مازدتو ولا نفر
ايمان : بعد وكت يجي يوم ونزيد وانغام اعتبرها بتي وجهالها احفادي وحتى جهال فيصل احفادي واحبهم عبالك صدك اني بيبيتهم
ليلى : اجيت اجاوبها وشفت فهد ينزل
فهد : شهالتهلهل هذا شنو منو عرس
ليلى : رحت بست كتفه حبيبي محد معرس هاي هلاهلي من فرحتي لاخويه منذر بخلفته
فهد : منو جابج
ليلى : وسام وراد ينزل بس جان مستعجل وبلغني اسلم عليك
فهد : كعدت الله يسلمه اشرت لجهالها يجون
نور : شلونك خالو
فهد : بستها هله حبيبتي انتي شلونج
نور : زينه
فهد : تعالو انتو خلي ابوسكم بست عمار وابراهيم شلونكم
الولد : الحمدلله
ليلى : عفيه فهد شمسوي لجهالي ميقبلون يجون من وراك
فهد : رفعت حاجبي من ورايه ؟! اني شعليه
ليلى : اذا انت مغندب ودومك اعصاب اكيد يخافون منك
فهد : باوعتلها صفح وسكتت
ليلى : اكول خاله ايمان ماناويه تفرحينه وتعرسين فهد
ايمان : باوعتله يوم المنى ما اكيف اني بس غير صاحب الشأن يكول يله من باجر اخطبله
ليلى : والله لو منج اني اروح اخطبله واخلي كدام الامر الواقع كافي بعد شوكت يتزوج
فهد : اي مو هي سايبه وتروح تخطبلي بدون علمي
ليلى : بس اريد افتهم انت شلون متحمل تعيش بدون زواج والى متى تضل معتمد على امك واختك متتمنى تجيك مره تعتني بيك تداريك خلي نحجيها بالعدله متريد مره تحسسك برجولتك
فهد : كلامج كله صح بس تنفيذه بالوقت المناسب مو هسه وبالنسبه لرجولتي فأعرف باكثر من طريقه احس بيها لتخافين مامدفونه بداخلي جاي اطلعها
ساره : هو يحجي واحنه كلنه صفنه هذا شكد جريئ حتى ليلى سكتها
فهد : كمت
ايمان : وين رايح يمه
فهد : اجيب البنات صار وكت طلعتهن
ايمان : بلا امر عليك جيب خبز وياك
فهد : صار اخذت سويجي وطلعت حتى اجيبهن وصلت لكيتهن واكفات على جهه دكيتلهن هورن اجن اباوع لبتول تمشي وتتماوع هاي منو كايللها هذا اسمه اغراء شهالعبان نفس هذا رجعت نظري على غنى الي تمشي بكل هدوء ويه اروى دخيل ربها شكد هادئه وثكيله اجن صعدن
اروى : هلو
بتول : هلاووو فهد
غنى : السلام عليكم
فهد : وعليكم السلام ... شلونجن
اروى : الحمدلله الوضع تمام
فهد : مابقه شي على الامتحانات شدي حيلج
اروى : هو راح ابدي اشتغل على البحث من اليوم حتى اقدمه بأقرب وقت
فهد : عفيه عليج
بتول : فهد سمعت استاذ شاكر يصير صديقك حباب حاجي حتى يساعدني بالدرجات
فهد : تدرين بيه اكرهه الواسطات انتي اقري وتنجحين مال اروح اكله نجحها ما اسويها
اروى : اذا تحتاجين مساعده سألي غنى لان هي شاطره وماشاءالله كل هالسنوات طلعت الاولى على دفعتها
فهد : غنى انتي كل سنه تطلعين الاولى ؟
غنى : اي
فهد : والله عفيه عليج
بتول : صدك غنى انتي شلون تقرين
غنى : بهدوء منظمه وقتي اول ما ارجع اصلي وانام واكعد العصر ارتاح واكعد على التلفزيون او اطبخ اسوي اي شي مو مباشرتاً اقره وبع...
بتول : قاطعتها هسه كنالج كليلنه شلون تقرين مو تنطينه تقرير عن روتينج اليومي
فهد : انتي سكتي اي غنى كملي وبعدها شتسوين
غنى : بعدها اكعد اقره قران قبل لا ابلش ادرس حتى ترتاح نفسيتي وانوب اكعد ادرس بهدوء حتى افهم الفكره ومن افهمها ادونها وهيج
فهد : بهدوء اني جنت عكسج اقره الماده بس مره وحده وما اراجع بعد واروح امتحن
اروى : اي والله جانت هالشغله داقتني اني اقره وارجع لوره واحير شسوي تالي فهد يجي يقراله ساعه وياخذ درجات كامله شفتي الظلم
غنى : ابتسمت جنت متوقعه فهد ذكي لان شكله يوحي بهالشي وكف فهد يم الفرن ونزل
فهد : باوعتلها عدكم خبز لو اجيبلكم اذا ما متاكده خابري خالتج خطيه رجل خالتج رجال جبير مومال يطلع
غنى : لا تسلم احنه نخبز بالبيت شكرا ماكو داعي تزحم نفسك
فهد : خوش
بتول : اكول غنى علاقتج بفهد حلوه
غنى : شلون يعني
بتول : يعني تحجون وفهد يسمعلج بانصات على عكس العاده يعني فهد انعزالي وميحجي ويه احد
اروى : شكو بيها تره عادي وغنى مو غريبه اختي هاي وبعدين فهد ميحجي ويه ياهو الجان بس الي يرتاحله فاذا كان مبتعد فهو بسبب الشخص نفسه
غنى : اباوع لبتول ثعولت هاي شبيها لاحظت عليها هي ومروه مدري شجاهن ويه فهد ولو حجه ويايه يضلن لو يخوزرن لو يبسمرن هسه احلى شي يطلع فهد حاجز وحده منهن اباوع اجه فهد جاب الخبز وصعد رجعنه للبيت مرت الايام بسرعه وبدت امتحاناتنه وفهد رجع التحق بس هالمره الوضع حيل يخوف لان راح تصير مواجهه بين الطرفين وهذا الي مخوفنه بيومها ودعته واني ابجي من الخوف عليه وراح فهد للموصل
______________________
حدود الموصل
مهيمن : انتو ملاحظين بعد اسبوع نطلع احنه
ايمن : اي وللاسف الضابط عادل والشباب الي وياا راحو البارحه وصار هجوم بيناتهم وكومه شباب استشهدو وجابوهم اليوم
مهيمن : الله يرحمهم متت قهر عليهم هسه همه لو يخلونه ندخل دخله وحده مو احسن المن مقسمينه
عمر : ميكدرون هاي مجازفه جبيره لو دزونه كلنه افرض همه درو اكيد ميترددون يذبون علينه مفخخات تموتنه بمكانه فقسمونه احسن وهم حتى دخلتنه تصير مفاجئه عليهم مو بوقت همه متوقعي
عمر : اباوع لفهد من وصلنه لليوم هو ساكت ماحجه ولا كلمه ... تدرون شباب
الولد : هاا
عمر : مااعرف ليش عندي احساس انو راح استشهد
فهد : اخذت نفس من الجكاره ... احساسك هذا كتبه بورقه وخلي ب......
عمر : والله صدك انت متستحي
فهد : الف مره كلنه طاري الموت لتجيبو احنه ما اجينه حتى نموت احنه اجينه حتى ندافع عن بلدنه
ايمن : فهد كافي تسوي روحك قوي تره الوجبه الي راحت ويه زملائنه الضباط تلث ارباعهم استشهدو واحنه بعد اسبوع نطب لنص الموصل شتحجي انت
فهد : اني ما مسوي روحي قوي بالعكس ميت قهر على الجاي يصير عبالك سهله عليه اشوف زملائي الي صار سنين اشتغل وياهم جايبيهم شهداء لو سهله عليه اشوف الشباب الي دربتهم لشهور طويله يجيبوهم الدم صاير بطولهم لا عبالكم اني مرتاح لا جاي اغلي ولهسبب ساكت غليلي اريد اطلعه من نوصل لهنا
ايمن : اني حلفت اذا رجعنه بخير وسلامه اروح ازوج واعوف كل السوالف المكسره مااعرف بس حسيت الموت اله رهبه فضيعه يعني لو لا سامح الله استشهدنه شلون بينه واحنه ولا حسنه عدنه ومعقوله شهادتنه تنقبل وندخل جنه شو استبعد هالشي
فهد : هاي الشغلات ميعلمها غير ربك ونصيحه اذا تريد تتوب توب لنفسك ولربك مو لان خايف تموت انت ماكاعد تعقد صفقه ويه الله اذا صار كذا اعوف كذا كول اني اريد اتغير لو انكتبلي عمر جديد وان شاءالله ربي يغفرلي وخلي اكلك شغله مادام انت مأذي بس نفسك وما معلم احد ولا مروج لاي فعل انت تسوي يبقه ذنبك بينك وبين ربك وهو الي راح يحاسبك عليه ومنعرف يجوز من توب يغفرلك
مهيمن : وانت شوكت تتوب
فهد : ورثت جكاره ثانيه .... وكت الي احس الي جاي اسوي غلط ساعتها اتوب
عمر : تتوقعون راح ننتصر
فهد : ان شاءالله
مهيمن : فهد انت ماخايف تموت
فهد : ماكو واحد ميهاب الموت بس لو تسألني شنو الشي الي يخوفني اكثر من الموت اكلك خايف على امي لو متت وين تروح ووين تصفه بيها الدنيا هي وخواتي اعرف اخوتي مابيهم حظ حتى الي من نفس امي مهمل فما اكدر اامن عليهم يم احد هذا كل ما بالموضوع
ايمن : تفائلو شباب شبيكم ان شاءالله كلشي يمر على خير ونرجع احنه والشباب سالمين ونعيش بحس اهلنه
الولد : ان شاءالله
____________________
سحر : طبيت على غنى للصاله لكيتها كاعده على قناه الاخبار وتبجي يربي شبيها هالبنيه وضعها ماعاجبني هالايام يومها كله تخلصه بس تبجي حتى دراستها قليله وهي على عدها امتحانات ... ولج يمه شبيج
غنى : تعاي شوفي ولدنه شلون ديموتون بالموصل شوفي خاله كلهم شباب بعمر الورد وديرحون الله يساعد كلب امهاتهم شلون بيهن
سحر : الله يرحمهم ويصبر اهلهم يا يمه
غنى : امين
سحر : تدرين ولج الي يشوفج هيج تبجين يكول ابوج لو رجلج هناك
غنى : باوعتلها وسكتت اااه ياخاله لو تدرين روحي كاعده بالموصل هسه شتكولين ... من راح واني صارت قنوات الاخبار اماني اربعه وعشرين ساعه مكابلتهن وكاعده ومرات للفجر اضل كاعده وهالايام دتصير اشتباكات بين جيشنه والارهاب ويموتون كومه وهذا الي حيموتني انو اخر دفعه هي الفرقه الي مسوؤل عنها فهد وهاي اكبر واضخم فرقه واني كلما بيه داموت على البطيى بسببه اعترف اني احب فهد احبه مو بس احبه اله اموت عليه هم ولو صار عليه شي لا سامح الله ممكن اللحكه بنفس اللحظه تذكرت اخر لقاء بيناتنه
فهد : من وراج صرت جني مطيرجي اربعه وعشرين ساعه بالسطوح اتسحب بلكي الكفلي طير
غنى : ابتسمت باجر حتروح مو
فهد : اي وكلت لازم اشوفج قبل لا التحق .. غنى ديربالج على روحج اني هالمره روحتي مطوله فديربالج على نفسج وعلى اروى هم لتعوفيها ابد وحاولي تتجنبين كل احد وخليج بدراستج
غنى : فهد لتحجي هيج عليك الله
فهد : تخافين عليه
غنى : طبعا اخاف عليك صدوك تحجي انت
فهد : هاا شو كمنه نبجي
غنى : بدموع الله يخليك لتروح والله خايفه عليك عوف سالفه مكافحه الارهاب وخليك بالمركز الله يخليك
فهد : مسحت على راسها ما اكدر غنى هاي مسوؤليه وعلى كتافي ترديني اكعد واكابلج مثل النسوان واكو شباب عمرهم ببدايه العشرين شباب ستوهم شافو الدنيا واجو تطوعو بله موعيب الاصغر مني يطلع واني الضابط فهد ابن اللواء سالم اخاف اطلع
غنى : هذا داعش يافهد مواجهته مابيها شجاعه هذا موت يافهد ذوله غدارين ومعدهم كلب ليرحون يأذوكم دتشوف شسوو بشبابنه نسيت قبل كم سنه شسوو بسبايكر فهد دفنوهم وهمه عايشين صارت مجزره مال شباب فهد ماتو ورود بدون ذنب لتروح فهد اني ممستعده اخسرك
فهد : اهدي غنى انتي ماراح تخسريني والي راحو مو احسن مني واذا ماعندج علم فاني صار سنين ادرب واتدَرب على هالمواجهه صار سنين اشتغل واني مجهول الهويه وكلها تدور عليه وضليت متمسك بشغلي حتى اوصل لهاليوم تالي تكليلي انسحب لا غنى لو ادري موتي هناك يصير ما انسحب صدك تحجين زلم رجليهم على حافه الكبر ومتطوعين ترديني اني الي مدرب وعنده صحه وعافيه اكعد واكابلج مثل النسوان
غنى : تنهدت اعرف كلامه صح بس مداكدر اتقبله ... صحيح كلامك بس فهد امانه ديربالك على روحك لخاطري فدوه
فهد : بست خدودها ثنينهن الي كاتبه ربج يصير المهم هسه اني اجيت اودعج لان الفجر اطلع حتى اوصل من وكت مثل ماوصيتج ديربالج على روحج وادعيلي دائما انتي مؤمنه واكيد الله يحبج ادعيلنه ننتصر ونرجع محررين الموصل
غنى : حضنته بقوه مثل الي خايف ليفقد شي استنشقت عطره الي صار شبه ادمان الي ... همستله ان شاءالله تروح وترجع بالف سلامه واني منتظرتك
فهد : ابتسمت يله مع السلام غنى
غنى : الله وياك همست ياروحها لغنى .... تنهدت الله يرجعك بالسلامه ... مرت الايام وفهد مارجع والموبايل مل كد ماجاوبت خلصنه امتحانات وهو ماكو خبر عنه خاله ايمان شحالها واروى هم تكسر الخاطر هالمده كلها فهد مخابر غبر مره وحده بس والمكالمه مطولت غير تلث دقايق وراح واني من يومها داذبل من الخوف والقلق عليه
__________________________
صباحا
فهد : مثل متعرفون صار اشهر كلش طويله نتدرب على حساب هذا اليوم زرعنه هواي اشياء بداخلنه سواء جسديه او نفسيه ضد هالجلاب وهسه اجه الوقت حتى نكطفها ... باجر راح ندخل للموصل هالحرب هاي مو على حساب نرجع بلد لا هالمواجهه حتى ناخذ حقنه مربع من كل واحد اذه بلدنه وانتهك بناتنه وعرضنه
باجر راح نقاتل حتى ناخذ حق كل ام بجت بدموع دم على ابنها ولليوم دمعتها مانشفت باجر لازم ناخذ حق كل طفل تيتم بسببهم باجر راح ناخذ حق كل بنيه من بناتنه اغتصبوها داعش وذبوها للموت وراح ناخذ حق كل واحد صار نازح وتدمر مستقبله وبقه لا بيت ولا عائله ولا شي باجر كون ناخذ حقنه من هالجرذان الي دمرو دينه واخذو منه غطاء حتى يطمطمون اعمالهم
باجر هواي اشياء راح تصير لتخافون احنه بحمايه دعوه كل ام من امهاتنه من بعد حمايه ربنه باجر لو نفوز ويتسجل اسمنه بتاريخ العراق لونستشهد وياخذونه للنجف هاي اذا لكونه نصيحه لتخلون شعور الخوف يسيطر عليكم قاتلو حتى ترجعون لحظن امهاتكم واطفالكم لتخلونه نموت تحت ايد هذوله
: سيدي كلنه فدوه للوطن
فهد : ابتسمت والله يرحون فدوه لكل اظفر من اظافركم شباب احنه ايد وحده واخوه حتى لو ميجمعنه دين واحد ولا بيت واحد بس يجمعنه وطن واحد احنه كلنه عراقيين وهذا البلد بيتنه ولاخير البي الي يعوف بيته مسيبه للرايح والجاي اريدكم ذياب تغلب متنغلب واني واثق منكم ومتأكد انتو كدها واني والمسوؤلين منسوه شي بدون وجودكم
: ان شاءالله كدها سيدي
فهد : ان شاءالله ضابط عمر
عمر : نعم سيدي
فهد : تاكد من كلشي وبلغني اذا احتاجيتو شي
عمر : صار
فهد : عفتهم ومشيت احس روحي تعبان صار ايام ما نايم غير بس ساعه وحده ماكو تغطيه ولا اكدر اخابر اهلي ولا غنى بسبب تقربنه لحدود الموصل وماكو تغطيه هناك لان غيرنه مكان المقر وتقربنه اكثر ااااخ شيفض هالسالفه وارتاح
_____________________
غنى : كاعدين اني واروى ببيتنه ... دتخابرون فهد
اروى : لا من اخر مره وبعد ما اتصل غنى خايفه عليه كون تشوفي باخر اتصال شلون صوته تعبان
غنى : غصب عني نزلت دموعي واني اتذكر صوته من خابرني باخر مره
اروى : غنى انتي تحبين فهد مو
غنى : هاا لالا
اروى : لتجذبين عليه اني شايفتج اكثر من مره شلون تسرحين بي ولو متحبي شنو تفسير دموعج هسه
غنى : بجيت اكثر
اروى : لتبجين حبيبتي والله اني فرحانه لان وحده مثلج تحب اخويه صدكيني مو ضايجه منج بالعكس واكبر دليل على حبج لفهد هو دموعج هنياله عنده وحده تحبه مثلج
غنى : اروى اني خايفه عليه
اروى : مو اكثر مني مثل متعرفين فهد صارله فتره كلش طويله غايب ولسه مارجع وكلنه خالين كلبنه بشيشه من الخوف عليه
غنى : مسحت دموعي الله يرجعه بالسلامه .... ضلت يمي اروى شويه وراحت ثاني يوم العصر نشرو عاجل اشتباكات عنيفه جدا بين قوات الجيش وداعش كمت دخيلك الهي هاي الوجبه تابعه لفهد دخيلك ربي احمي .... خاله هالفرقه تابعه لفهد جوارينه
سحر : يايمه الله يحفظه ويرده سالم
سيف : سباع والله سباع من اول يوم وطيحو حظهم صدك بطنون طاهره الي جابتهم
غنى : من جهه فرحانه لان كدر ينتصرون ومن البدايه ومن جهه ثانيه خايفه لان هاي مو اول مواجهه يارب احفظ شبابنه وفهد من عرضهم
____________________
ياسمين : سباع والله سباع عفيه بوليدي عفيه برفعه راسنه
نسرين : هسه الي يسمعج يكول فهد وحده جاي يقاتل هناك
ياسمين : فهد الي مسوؤل عنهم ولوما هو مدربهم عدل ماجانو كدرو يمه بعد كلبي كلبك دومك عدل مارحت اعوج ربي نذراً عليه لو انتصرو ولدنه ورجع فهد سالم لاصوم شهر كامل واتكفل بعائله كامله طول شهر رمضان بس ردلي حفيدي سالم بجاه حبيبك محمد
مهدي : امين يمه امين الله يحفظ ولدنه ويخليهم
مرتضى : يحسسوني فهد نايم بحضن داعش هي مواجهه من بعيد ويتقاتلون بالسلاح شدعوه معظمين الامور
سامر : اذا هيج الشغله سهله عندك مارحت تطوعت لو هو بس حجي
مرتضى : هاا ولك من شوكت توكف ضدي
سامر : من تمسلت بالحجي اوكف ضدك بيا حال احنه العراق كله لازم كلبه صار شهر وانت كاعد تمسلت وتنفخ روحك براسنه شو دسكت
مرتضى : يا ترى شجاي يصير هناك هسه
_______________________
فهد : بصياح شباب انتبهوووووو
عمر : ايمن لك ايمن ديربالك
ايمن : سيدي بسرررعه محتاجيييين دعم فورا العدد جاي يقل والوضع خطر الوووو تسمعونيييي اااااخ
: سيدي انتبه
مهيمن : اييييمن
: جريته سيدي بيك شي
ايمن : بألم تصوب كتفي لتخافون مابيه شي انتبهو انتو
فهد : اباوع للشباب كامو يوكعون كدام عيني لا ولكم لااااااا .... سحبت اقسام وكمت اضرب شكو شي يصير كدامي .... قذفو المدفع بسرعه (اعتقد هيج اسمها ) ويييييامن احجيييي انيييي
مهيمن : مو بكيفنه لسه ما انطو امر نقذفها عليهم
فهد : بعصبيه يااااا نعال ... الشباب جاي يموتون صدك تحجوووون انتو ارمو راح نخلص ولدددددد الكلب راح يموتوووون الشباب لك صباح ابن الكح... انطييي امر بالقذف اباوع لواحد طاح كدامي لا يا الله بس لا هو ركضت وهمه يضربون علينه جريته اباوعله هذا مهدي صارت عيني على الطلقه جايه بكلبه ... صحت لا مهددددديييييي لاااااا وللللك كوووووم بعددك عريسسسس ماشبعتتتت من مرتك اكعددد ولك مهديييي
عمر : لك فهددد سلاحك جره راح تتصوب
فهد : حسيت روحي طلعت واني اشوفه شلون ينتفض بالكاع خليته على رجلي ولك مهدددي احنه شحجينه مو كلنه راح تنتصر ليش متووو ليش ولكم خلصنه مابقه شي ونخلص ليش متوو ليش كمت اصرخ ولكم حتى مالحكتو تنطقون الشهاده ياربي ليش هيج مهدي بعده عريس ليش خذت روحه بعده ماشبع من مرته ربي مرته حامل وراح يجي ابنه يتيم ليش الهي ليييييش شنو ذنبه هالطفل سحبت سلاحي واني احس نار شاعله بيه كمت واني اصوب عليهم ماهمني شي لا نفسي ولا اهلي ولا الوعد الي قطعته لنفسي ولا اي شي كل الي يهمني اخذ حق الي راحو بهاللحظه واولهم مهدي
ايمن : لللللك فهد وين رايح تخبلللللت
مهيمن : يمعود ووووين رايح
عمر : فهدددددد لتتقرببببببب
________________
صباحا
غنى : كاعده واكل باظفاري الوضع كولش تأزم وداعش ديقضون على ولدنه ياربي احفظهم وانصرهم دخيلك .... كمت اريد ادخل للمطبخ اساعد خالتي وسمعت صوت صياااح من بيت فهد باوعت لخالتي وطلعت اركض اني وياها لكينه الحجيه ياسمين كاعده بالباب الصاله ونازعه شيتلها وتلطم وخاله ايمان تبجي وتهلهل اباوع الولد يبجون بحركه والبنات هم وجعني كلبي واني اباوعلهم
ياسمين : سوده بوجهي علييييك بيبي سوده عليه عليك يابو طول الحلووو ولك بعدك ماشفت شي من شبابك ليش رحت ليش
ايمان : بدموع كلللوووووش وليدي راح للجنه هنيالك يايمه هنيالك جيبولي وليدي خلييي ازفه ولك يمه علي جيب اخوك خلي نزفه كبل لايدفنو اخوك ما عرس خلي نعرسه كبل لا يدفنو
علي : اااااه ولج يمه سكتيي سكتي مامصدك اخويه راح بهالسهوله
غنى : جريت اروى اريدها تجذب الي سمعته احجي اروى شبي فهد احجييييي لتسكتين
اروى : بدموع ولج غنى فهد راح استشهد اليوووووم الفجررر
غنى : صرخت لااااا لتكوليهااااا اروى لاااا حبابه
****
يتبع
- يتبع الفصل التالي اضغط على (ذنوب على قيد الغفران) اسم الرواية