Ads by Google X

رواية ذنوب على قيد الغفران الفصل الثاني و الثلاثون 32 - بقلم براء

الصفحة الرئيسية
الحجم

  

رواية ذنوب على قيد الغفران الفصل الثاني و الثلاثون 32 - بقلم براء


ذنوب على قيد الغفران
                                        
                                              
#ذنوب_على_قيد_الغفران 
#البارت_الثاني_والثلاثون 



غنى : متمدده بالغرفه احس روحي احسن من البارحه الحمدلله كلام خالتي طمني هواي من سمعت بيها مأيدتني وواثقه مني بعز تفكيري وصحاني صوت اشعار اجاني فتحت الرساله بسرعه من شفت اسمه 



فهد : " اذا تكدرين صعدي للسطح وفورا "



غنى : معقوله اجه لا مو معقوله اكيد كمت على كيفي لان جسمي نحلان وما اكدر حتى اتحرك طلعت من غرفتي متهلفه حتى اشوفه شتاقيتله صار عشر تيام مشايفته رغم الدنيا ظهر وحاره بس ميخالف فتحت باب السطح ودخلت شفته واكف كبالي 



فهد : عبرت على سطحهم ورحت بسرعه حضنتها  



غنى : حاوطت خصره ودموعي نزلت الحمدلله على سلامتك ضل كلبي يمك 



فهد : بست راسها الله يسلمج سمعت بيج تخربطتي وحق ربج دربي بعد ما شفته من كلتلي امي اجو الاسعاف وخذوج ابتعد اباوع لعيونها الي يلمعن مسحت على خدها احجيلي شبيج 



غنى : ملت على ايده مغمضه لتسألني فهد الله يخليك 



فهد : تعاي هنا هاي الشمس سلكت الخلفني جريتها على جهه مكان بي في كعدتها وكعدت احجيلي غنى وديربالج تجذبين عليه 



غنى : خليت راسي على متنه متنهده .... اجوي خوالي لهنا 



فهد : هزيت راسي كملي 



غنى : رجع انفتح الموضوع نفسه وصارت مشادات كلاميه بينهم وبين خالتي وكبت العيطه خوالي جانو ناوين ياخذوني يودوني لعمامي بس خالتي مقبلت تالي سكتت باجيه ماكدرت اكمل 



فهد : رفعت وجها احجي تالي شصار تره اعصابي تلفت 



غنى : بدموع رادو ياخذوني يسوولي فحص 



فهد : فحص شنو؟ 



غنى : مجاوبته والله استحي حتى الفظها 



فهد : ضغطت على ايدها بعصبيه جاي اكول فحص شنو 



غنى : دنكت راسي فحص عذريه 



فهد : فتحت عيوني لا ياكواو.... يا خوات الكح...  شكد شايف جلاب بس هيج ماشايف كليلي خوما سويتي الفحص احجي راح اجيبج براشدي افر وجهج شعلتي كلبي 



غنى : هزيت راسي نافيه 



فهد : زفرت همزين لان هالفحص ميصير تسوي بنيه يدمر كل مستقبلها  



غنى : شنو قصدك 



فهد : هيج غلسي ... انتي وكعتي من سمعتيهم مو 



غنى : بتعب اي 



فهد : مسحت على خدها لتخافين وحق ربج اذا ما اخليهم يعضون اصابعهم ندم اطلع كلشي ما افتهم 



غنى : كولشي لتسويلهم جفيني شرهم وبس 



فهد : انتي بالسليم لتخافين عوفي الباقي عليه ... كليلي هسه شلون صرتي كلبج بعده يأذيج 

         
                
غنى : لا ماكو الم بس شويه اتعب من اتحرك 



فهد : لتتحركين ولتعبين روحج اصلا لو ادري بيج هيج مالج خلك حتى ما اكلج صعديلي فوك 



غنى : مسحت دموعي صدوك انت شجابك لهنا متخاف احد يشوفه 



فهد : من خوفي عليج نسيت كلشي ردتلي بس فرصه حتى اشوفج وماكو حل غير السطح 



غنى : اي 



فهد : صفنت اباوع لشعرها باوعتلها تعاي ولج شلون تصعدين وانتي بهالمنظر 



غنى : باوعت لروحي اي منظر



فهد : شلون تصعدين للسطح وكلشي ما حاطه على راسج صدك تحجين جم مره نبهتج اني وكتلج اكو داير مدايرنه عالم ليروح واحد يشوفج بهالشعر ويطلع من دينه 



غنى : وانت اذا هيج حريص ليش اجيت متخاف واحد يشوفك 



فهد : اني ما اخاف من شي وبالنسبه لجيتي هاي اخر مره لوما خوفي عليج مااصعد على السطوح مثل الحراميه وشعرج ياغنى اذا شفته مره ثانيه طالع كدام احد اطيح حظج جماله فالته المسعده وصاعدتلي 



غنى : ماادري نسيت والله وبعدين ليش تحجي على شعري هيج  



فهد : لان الي يشوف شعرج راح يتخيل تخيلات يستحسن ما احجيلج عنها حتى ما اخرب روح البرائه الي بداخلج 



غنى : باوعت لعيونه شنو تالي هذا فهد 



فهد : مافهمت قصدج 



غنى : شنو نهايه علاقتنه 



فهد : بضحكه ليش هو اكو علاقه بيناتنه واني ماادري 



غنى : باحراج اقصد انو شنو تاليه تأجيلك لموضوع الانفصال 



فهد : دنكت بست خدها ممكن منحجي بهالموضوع مااريد اتناقش اريد اشوفج واشبع منج حتى اروح 



غنى : هزيت راسي متنهده ... شلونه شغلك 



فهد : عادي 



غنى : شكد حتبقه 



فهد : اسبوع وارجع التحق 



غنى : سكتت وهو محجه بعد شويه وكام 



فهد : يله اني لازم اروح ليصعد احد ويشوفه وشيفضج يطلابه احاول اشوفج بس احصل فرصه 



غنى : ان شاءالله



فهد : كمت حضنتها وهدئتها بكم كلمه حتى متضل تفكر بالموضوع 



غنى : باس راسي ودنك يريد يبوس خدي ومن ثوالتي ملت عليه 



فهد : صارت شفايفي بصف شفايفها ابتعدت بسرعه احم يله روحي نزلي 



غنى : بفهاوه هاا 



فهد : غنى روحي نزلي 



غنى : وين انزل 



فهد : لبيتنه استغفر الله اقصد لبيتكم  




        
          
                
غنى : يله مع السلامه عفته ونزلت بسرعه طبيت لغرفتي وسديت الباب لزمت كلبي الي صاير طبل كد مايدك سريع خرب شلون فشله خليت ايدي على شفايفي عززه شكد عيب هسه شيكول عليه 



فهد : طلعت من السطح صارت سعاد بوجهي 



سعاد : الحمدلله على سلامتك 



فهد : هله 



سعاد : شجنت تسوي بالسطح 



فهد : اسوي الصحن مال تلفزيوني ليش



سعاد : بس انت ستوك اجيت وينك وين الصحن 



فهد : ادري تحقيق هو خوما تحقيق 



سعاد : شبيك ماكلت شي 



فهد : تره ما ناسي سوايتج لتتصرفين وكأنو انتي مامسويه شي وبعدين منو سمحلج تطلعين 



سعاد : اجيت اتحمدلك بالسلامه 



فهد : سلامه ومنج  مااريدها عفتها ورحت لغرفتي كعدت على الجربايه ومسحت على وجهي شلون موقف زباله هسه انت اله تبوسها لو تموت اذا مابستها الله ستر ومابستها بحلكها جان رفعت عليه دعوه وطلعتني متحرش ابتسمت ورجعت جسمي على الجربايه غمضت عيوني والله لعلم خوالها درس بحياتهم مينسو يردون يسوولها فحص ولد النعال وهي اظفرها اطهر من عشيرتهم كلها 



_____________________



نورس : ارتاحيت هسه شفت روحك وين وصلتنه انته واخوتك 



خالد : سكتي اني لازم كلبي من غير شي ليروح يصير بيها شي وتموت واحنه نبتلي 



نورس : خالد شجاك ماجنت هيج من شوكت انت تمشي بحجي النسوان ليش تخلي سهاد وكريمه يمشنك تره انت واني وكلنه ندري سهاد جذابه وغنى مؤدبه ومتسويها 



خالد : لا تسويها المثل يكول ماتحت السواهي دواعي خوفج من الخانس كلشي يطلع منه وهاي كلتلك مابقالي لا ابو ولا ام حتى اخويه راح خلي اروح بغير طريق بلكي الكه واحد يلفيني 



نورس : عدنه بنات يرجال خاف ربك الفلوس متدوملك بس السمعه الطيبه والحس الزين يدولك حتى من تموت 



خالد : هسه اني شمسوي ناهب خوما ناهب 



نورس : لا ابد بس انت واخوتك ذبيتولكم بنيه مثل الورد بالشارع لا واخذو حتى حصه امها انوب راحت وماخلصت منكم رجعتو تردون تودوها لعمامها لا وكامل افندي رايح كايل كلشي لعمامها ماخاف ليرحون يذبحوها وهي بريئه وتالي خطيتها تصير بركبتكم طول العمر 



خالد : شو دسكتي مالي خلج وخلك مثالياتج هاي 



نورس : اني ما ابيع براسك مثاليات بس انت زوجي وانت شفتك تسوي منكر كدام عيوني ولازم احذرك بدال المره الف وهسه انت ما اتعضت واني مالي علاقه بيك بعد اني اديت واجبي امام الله وهسه انت منك لربك خلي هو يحاسبك اني ماعليه 




        
          
                
______________________ 



ضحى : ولج مروه يله وين صرتي فضيهاااا 



مروه : عدلت الحمره اي اي ثواني باوعت لروحي بالمرايه اي هسه تمام نزلت يله امشينه 



ضحى : شنو هذا شهالمكياج شنو عندج عرس 



مروه : ليش شبي مكياجي



ضحى : خففي ليشوفج ابوج واخوانج ويطيحون حظج 



مروه : ما امسح شي هي هاي العايزه بعد كل هالشغل  اروح امسح يله تعاي خلي نروح تأخرنه ليطلع فهد واحنه لسه ماشايفي 



ضحى : لتنسين اني امج ثكلي شويه ومشاعرج خليها بكلبج مو تحجين بيها كدامي تره الخجل حلو خاصه للبنيه 



مروه : كلبت عيوني ممكن نروح فدوه لكلبج يمه 



حارث : لحظه لحظه تعاي ولج شهالالوان الي بوجهج متستحين انتي شنو وين رايحين احنه امشيييي ولي مسحييي الصخااام الي بوجهج صدك متنعطين وجهه حمدي ربج ابويه ماشافج جان كسر ضلوعج يله وليييي   



مروه : هو كدرت ابويه بس على امي ميحاسب شهد كدرته بس عليه 



حارث : لتدردمين يله 



مروه : طلعت كلينس مسحت شويه من المكياج يله امشونه رحنه لبيت عمي نتمشى يمه صارلي عشر تيام ماشايفته والله احسهم عشر سنين يربي هاي اذا تزوجنه وعافني عشر تيام شيصير بيه فزيت على دكه الباب دكها حارث طلع فهد لابس تشيرت رصاصي وبجامه سوده ضليت صافنه عليه يربي هالرجال من شنو مصنوع 



حارث : حضنته الحمدلله على السلامه 



فهد : ابتسمت الله يسلمك 



ضحى : شلونك يمه فهد 



فهد : الحمدلله خاله انتي شلونج 



ضحى : بخير الله يسلمك 



مروه : وعيونها تلمع بلهفه شلونج فهد الف الحمدلله على سلامتك ضل بالي اقصد بالنه عليك 



فهد : هله بيج الله يسلمج تفضلو دخلو ... سمعت الباب الي بصفنه انفتح اباوع طلعت خاله غنى تذب الزبل على اساس اني جنت متأمل هي تطلع ... دخلت جوه اباوع امه محمد كلها عدنه طبعا اني اكرهه هيج تجمعات لان هوسه تصير واني اضوج من الهوسه احب الهدوء اجيت كعدت 



عبير : فهد شلون الوضع هناك هم عدكم اكشن وكذا مثل الافلام 



فهد : لا ابد ماكو اكشن بس راح تصير بالقنادر 



محسن : هههه لهدرجه واصله 



فهد : واكثر بس عادي ماعدنه شي نخسره لو بالهدف لو بالنجف 



ياسمين : اسم الله فال الله ولا فالك 



نسرين : يعمه ليش لسه ماتزوجت لو عندك مره وطفل هسه على الاقل تروح ومأمن لو متت اكو من يشيل اسمك 




        
          
                
ايمان : اللهم صلِ على محمد شجاج ام مرتضى لتفاولين لابني يمه عسى يومي كبل يومك غير اتخبل والله 



فهد : بستها اروحلج فدوه يمه من عمري على عمرج باوعتلها عمه الي الله قاسمه يصير وبعدين منو كال لو متزوج يصير عندي جهال شنو نعلم الغيب احنه 



نسرين : اني غير من خوفي عليك 



فهد : لتخافين ما اموت اني واذا ردت ازوج اعرف منو اخذ 



شهد : اموت واشوف مرتك الي منتظرها لسه شلون صايره 



حارث : هسه تطلع تشبه فيصل 



محسن : هههه انجب ليسمعك 



فهد : هي هاي العايزه حتى اطلك بنفس اللحظه 



ملك : اسفه اقاطع سالفتكم اروى فدوه متخابرين غنى تجي تاخذ هالصايه بيها عرض اريد تكصفها 



اروى : البنيه مريضه بيا حال وينها وين الخياط 



مروه : ليش شبيها مو رجعت لهنا 



اروى : كلبها تعبان 



ضحى : ياا خطيه متستاهل حرامات والله 



حياة : بعدها صغيره مو مال قلب بهالعمر 



ايمان : الله يساعد كلبها موزين لسه عايشه خطيه اخوها وبيبيتها ماتو بنفس السنه وكدام عيونها احنه  لو نربي عصفور ويموت هم ننقهر مو انوب اهلنه 



حياة : يمه والله كزبر جسمي الله يساعد كلبها كل هذا صاير وياها ربي دخيلك لتفجعنه بعزيز 



الكل : امين 



فهد : اباوعلهم شلون يتناقشون بحياتها وكل واحد يبدي رأيه سخافه بصراحه همه شعليهم بيها اصلا ليش يحجون بيها ادري ثاردين وياها ماعجبني كلامهم مااريد واحد يشفق عليها هي مو بحاجه شفقتهم واني متأكد هسه البنات يحسسنها بهالشي وهذا ابي ما اريده 



نسرين : اكول ايمان انتي شدراج بهذا كله 



ايمان : صديقتها سولفتلها على اخوها وبيبيتها   



نسرين : زين هي عدها اهل 



ايمان : اي اكيد بس عايشه عد خالتها 



نسرين : اني ناويه اخطبها لمرتضى 



سعاد : صدك تحجين انتي تخطبين خدامه لابنج لا حسب ولانسب 



حارث : عيب هالحجي خاله البنيه تنقاس باخلاقها مو بمكانه اهلها الاجتماعيه 



مروه : بس الفروقات هاي راح تسبب خلافات بيناتهم بالمستقبل 



فهد : بحده ليش هو احسن منها لو انتي احسن منها حتى تنتقصين منها على الاقل هي بكدها وتعبها عيشت بيت كامل وداست على روحها مو مربخه ونايمه ومعتمده على مصرف نهايه الشهر 



بتول : كلنه ضلينه صافنين هاي اول مره فهد يتدخل بنقاش ويدافع لاحد خاصه اذا بنيه اباوعله اكل مروه بكشورها رغم اني اكرهه مروه واشوف دم سنوني ولا اشوفها بس ماتوقعت فهد يحاجيها هيج لا وعلى مود وحده مثل غنى 




        
          
                
مروه : بارتباك بس اني مو قصدي انتقص منها بس حجيت الحقيقه وهذا واقع اكو هواي فروقات بيناتهم شلون راح يتراهمون بعدين 



فهد : ليش منو كلج هي راح تقبل بي اصلا وما انصحكم تخطوبها لان راح ترفض وتتفشلون 



نسرين : ليش يمه شناقص ابني وترفض 



فهد : ولا هي ناقصها شي حتى تقللين من شأنها وتكونين واثقه من موافقتها 



ملك : الصراحه البنيه كلش حلوه ماشاءالله جميله الى درجه 



نسرين : عاد لتصيرون كلش منيلها حلوه عاديه كلش واقل من عاديه هم 



ياسمين : هاي عاديه ولج احجي ضميرج البنيه تبرك برك من البياض واذا تاخذيها بغير فكر اذا وجها الشابع شمس صاير هيج لعد الباقي والمضموم شلون 



فهد : لا اله الا الله حجيه وين رحتي 



ياسمين : عمتك متفتهم كلت ادهديلي حجايه بلكي تفهم ابنها ليش يريدها وياريت لو قابله بي 



مروه : بعصبيه هسه اكو داعي نحجي بيها تره مو وحده من اهلنه هي وهيج نحجي بيها وعود من تصير مرت مرتضى كعدو احجو بيها ورجاءاً لحد يجيب طاريها بعد 



اروى : وانتي شبيج انتفضتي منو داسلج على طرف 



ياسمين : كافي تركو هالنقاش الماله داعي حرف مااسمع بعد 



________________________



صباحا 



غنى : جنت كاعده اقره قران ودخلت خالتي 



سحر : صباح الخير 



غنى : صدقت وشلت راسي مبتسمه صباح الورد 



سحر : بستها اروح فدوه لهالوجهه المنور من الصبح يله تنزلين تتريكين لو اصعدلج الريوك لفوك 



غنى : لا هسه جايه وراج كمت نزعت الجادر واخذت شالي ونزلت لكيتهم كاعدين بالمطبخ يتريكون ... صباح الخير عمو 



سيف : صباح النور بويه شلون صرتي 



غنى : الحمدلله احسن 



سحر : هاج هذا دواج تريكي حتى تاخذين الدوه 



غنى : هزيت راسي تريكنه وكملنه كمنه لمينه السفره كمت اساعد خالتي بتحضير الغده 



سحر : روحي يمه ارتاحي عوفج مني اني ماعندي شي لتضلين واكفه موزين روحي حبيبتي  



غنى : لا خاله ضجت من الغرفه خليني اساعدج 



سحر : براحتج يمه 



غنى : شحتسوين غده 



سحر : عمج مشتهي قيمه كلت اسويله 



غنى : قيمه بهالوقت ؟ 



سحر : هاي بعد غير عمج اشتهاهه .... باوعتلها اكول خاله غنى ليش متذبين الاسود 



غنى : لا خاله ما اذبه 




        
          
                
سحر : حبيبتي مو راح يصيرلج سنه كامله لابسه هالاسود و بعد شهرين تدور السنه على وفاة مروان ووراها بتلث اشهر تدور السنه على امي الى متى تضلين لابسه اسود يايمه لو الاسود يرجع الي راحو جان بقينه العمر كله لابسين اسود ومنتظرين جيتهم 



غنى : بصوت مستهضم تصدكين خاله ولاحسيت بيها  الايام تركض ركض تخيلي حيصير سنه كامله مروان وبيبي تاركيني 



سحر : ربج فضل علينه بنعمه النسيان لو ما كلنه ننسه وتطيب شويه من جروحنه جان متنه من قهر الفراك فيايمه كومي ذبي الاسود ميصلحلج وانتي بعدج بعز شبابج 



غنى : ترديني البس الوان وارجع للحياة وابتسامتي ماليه وجهي واخويه والمره الي ربتني نايمين بالكبور لا خاله مااكدر  



سحر : بكيفج حبيبتي بس هاي اني داكلج الحزن بالكلب الالوان متعكس الحزن الي بكلبه ولبسط مثال خالتج سهاد لابسه اسود وهي لاحزينه ولا بطيخ 



غنى : هزيت راسي صحيح 



____________________ 



مروه : ولج راح انجن تعاي لزميني شوفي شلون شابه نار 



شهد : الوو يمعوده شبيج 



مروه : شفتي فهد البارحه شسوه بيه على حساب غنى ولج خلاني لا اخذ ولا انطي فشلني كدام الكل والله من البارحه لليوم اني عيني ماغمضت اول مره فهد يحاجيني هيج دائما جان لطيف بتعامله ويايه واني غير عن الكل الوحيده من البنات الي دائما اسلوب فهد يختلف وياها تالي بسبب غنى نتعارك اني وياا 



شهد : هسه قابل هو سحلج من شعرج وبصراحه تستاهلين الرزاله يصير تتشمتين وتحجين على البنيه هيج اصلا المفروض بعد الي سمعنا عنها نقربها منه لان ماعدها لاخوات ولا احد وياها مو نكعد نستهزئ بيها اصلا اني ماادري شجاج وياها شاده وياها فرد شده وهي كلشي ما مسويتلج 



مروه : الحجي الي راح اكوله مااريد واحد يدري بي فتهمتي 



شهد : فهمت 



مروه : ذاك اليوم من رحنه لبيت عمي على حساب الملابس واجت غنى شفت فهد نزل سلم على الكل  ومن اجه يطلع باوعلها وابتسم وهي هم دنكت راسها وضحكت ومنها عرفت هي وفهد اكو شي بيناتهم 



شهد : استغفر الله ميصير تتهميهم هيج يجوز انتي متوهمه يجوز البنيه ابتسمت على غير شي مو شرط على مود فهد وبعدين فهد من شوكت يبتسم اشو ضحكته نشوفها بس بالاعياد والمناسبات مروه نصيحه لتضلين تدققين بتصرفات فهد لان راح اتعبين 



مروه : مااكدر شهد ما اكدر من ذاك اليوم ولهالساعه اكل بروحي 



شهد : خلص اهدي وعوفي الشغله عليه 



_________________________ 



فهد : كاعد بالمعمل واشوف جدول البيع والشره ... محسن يامحسن تعال 




        
          
                
محسن : نعم 



فهد : اقرالي المكتوب هنا 



محسن : صدك تحجي 



فهد : كلت اقره 



محسن : تم بيع 200 كونيه 



فهد : بهالعشر تيام انتو بايعين حوالي 200 كونيه بس شو من رحت للمخزن العدد المأخوذ مبين فوك  ٢٠٠ وبهواي هم 



محسن : لا يمعود اني وعمي عباس متأكدين من كلشي لان كل يوم نسوي جرد لكل المبيعات 



فهد : تعال وياي للمخزن ... كمنه فتحت المخزن شوف 



محسن : شنو هذا اباوع نص المخزن فارغ وين راحت البضاعه 



فهد : شفت 



محسن : هاي شنو وين الباقيات 



فهد : روح صيح للعمال بسرعه ... راح صاح للعمال واجه .... منو بايع قسم من الكواني الي بالمخزن بدون ميرجع النه 



العمال : محد 



فهد : احجو احسن الكم خلونه ماشين على الثقه احسن لتخلوني اكلب المعمل على راسكم والله يله احجو اباوعلهم كلهم كامو يتحلفون ويتكفرون بس واحد بين عليه الارتباك اجيت احجي وياا سمعنه صوت سيارات وهوسه يم المعمل طلعنه اباوع سيارات حمل تنزل مواد اباوع هذا مو رحمان صديق فيصل  



محسن : اكلك هذا مو طلع للاردن شرجعه 



فهد : علمي علمك ... اباوع فيصل نزل وياا وبدو يفتحون باب المعمل الي بصفنه بس الي صدمني بضاعه معملهم نفس بضاعتنه عود شنو معنى هالتصرف 



محسن : هذا صدك يحجي بهالسالفه راح يضرب شغلنه لان اذا معمل بصف معمل راح يخسر واحد بيهم 



فهد : عيني على الكواني الي ينزلوهن افر بالسبحه وابتسم هسه فهمت السالفه باوعت لمحسن لتخاف مبين كلش زين منو الي راح ينضرب معمله تعال وكل للعمال كلمن يرجع لشغله 



محسن : وشغله الكواني 



فهد : محلوله لتخاف



محسن : دشوف ابويه وعمي اذا درو شراح يسوون بهذا الناقص اخوك 



فهد : ميسوون شي ولحد يحجي كتلك شغلتهم محلوله 



________________________ 



انغام : واكفه اسوي بالغده وحسيت بألم ببطني غمضت عيوني متألمه ااخو



آلاء : شبيج 



انغام : بألم ااااخ بطني توجعني 



آلاء : ولج خاف راح تجيبين 



انغام : اي اي عفيه روحي خابري منذر بسررررعه حبابه 



آلاء : اي اي هسه طلعت اركض شفت خاله ايمان خاله انغام جاي تولد حبابه روحي يمها علما اخابر منذر يجي ياخذها 



ايمان : ركضي بسرعه رحت للمطبخ شفتها واكفه ولازمه بطنها وتصيح ... اهدي يمه وتنفسي على كيفج هسه يجي منذر ثواني وهو يمج اهدي حبيبتي  




        
          
                
انغام : ااااااخ خاله راح امووت لحكولييي 



سعاد : دخلت للمطبخ صدك تحجن واكفات مشنها شويه شبيجن ساره ياساره ولج صخاااام 



ساره : هاا 



سعاد : روحي ركض جيبي عبايه راس وحجاب بسررررعه 



منذر : طبيت اركض هاا هاا صدك راح تجيب 



سعاد : اي ولك تعال اخذها بسرعه لتجيب هنا



ايمان : بدللولها وخذوها للمستشفى .... ضل بالي يمها اروح واجي اخر شي خابروني العصر كالو جابت بنيه وبنفس اليوم طلعوها ... الحمدلله على السلامه حبيبتي 



انغام : بتعب الله يسلمج خاله 



فهد : الحمدلله على سلامتج وسلامه البنيه 



انغام : الله يسلمك خويه 



اروى : كلنه التمينه على الطفله اووي تخبل ناعمه وصغيره كلش فهد شوفها 



فهد : ابتسمت الله يحفظها تتربه بعزك ابو سالم 



منذر : الله يخليك يوم الالك 



ايمان : اللهم امين 



ورده : ياالله شلون ناعمه شراح تسموها 



ياسمين : رفل



منذر : مو علساس كلتي لبنى



ياسمين : لارفل احلى 



ايمان : ابتسكت نورتينه رفوله 



_______________________ 



بعد مرور يومين 



غنى : طلعت من البيت اذب الزبل واروح للكليه ضاله اني متنقله كل ساعه لمكان خليت العلاكه بالحاويه وفززني صوت 



فهد : ممكن الرقم 



غنى : درت وجهي لزمت كلبي يمه هذا انت وكعت كلبي والله 



فهد : صباح الخير 



غنى : ابتسمت صباح النور 



فهد : راح تداومين اليوم 



غنى : اي 



فهد : يله لعد روحي جيبي جنطتج حتى نروح 



غنى : وين ؟ 



فهد : للشقه نتونس شويه شبيج غير اوصلكم للكليه 



غنى : لا روح اني اخذ تكسي 



فهد : هذا الحجي من جنتي كاعده عندي مو هسه يله روحي جيبي غراضج وتعاي 



غنى : فشله من اروى 



فهد : هي اروى كلتلي اذا شفتها كللها يله بسرعه روحي تره اعوفج واروح 



غنى : هسه ثواني رحت بسرعه غسلت اديه واخذت غراضي بوست خالتي الي كعدت من الصبح وياي وطلعت شفتهم صاعدين فتحت الباب وصعدت صباح الخير 



اروى : صباح النور حبيبتي شلون صرتي 



غنى : لا الحمدلله احسن 



فهد : باوعتلها بالمرايه احسها تعبانه بعدها بس تضحك على روحها 



غنى : اباوعله الطريق كله هادئ كولشي ماحجه هدوئه وعطره طغن على المكان انتبهت عليه لابس قميص رصاصي وبنطرون اسود 



اروى : صدك فهد وين راح تروح 



فهد : اوصلجن واطلع للحله صار اسبوعين ما واصل ولا شايف البستان ... وصلت يله تفضلن 



غنى : نزلنه اني واروى هي دخلت وهو صاحلي 



فهد : هاج 



غنى : عندي 



فهد : خليتهن بأيدها ميخالف يله روحي مع السلامه 



غنى : ابتسمت مع السلامه .... دخلت صار مرتضى بوجهي عبرته ومشيت ولا كأنه موجود ..... بده الدوام وتوالت المحاضرات وحده وره الثانيه لحد ما خلصنه وطلعنه اجه علي خذانه رجعت للبيت تغديت ونمت وكعدت اقره لليل خالتي وزوجها طلعو يزورون للامام واني بقيت كاعده ادرس واجتني رساله من رقم غريب ....." بشكد الليله " ... فتحت عيوني منو هذا 



****



يتبع




        


google-playkhamsatmostaqltradent