رواية سر بين السطور الفصل الثاني 2 - بقلم ريو الطائي
البارت 2
-سر بين السطور -
-الكاتبه ريو الطائي-
لاتنسون التصويت والمتابعه علقو بين
الفراقات احبكم فرولاتي ✨🖤
اصلو على نبينا محمد 💕🥰
مـشـيت بدربـڪ واني التيهت دربـي مـا سـويـتلڪ المـو زيـن هـاي الـضـلت بـڪلـبي 💔
........
كمت بسرعه واني مفزوعه من صوتها
فتحت الباب ونزلت جوه دخلت للمطبخ
جانت مرت خالي لزمته من شعرها ومخليه
السجين على ايدها فتحت عيوني واني باوعلها
شلون تصرخ بصوت عالي ومرت خالي تضحك
وبناتها واكفات ويباوعن رحت بسرعه
واخذت السجينه من ايدها واشمرتها بالكاع
باوعت على وجهه جيلان جانت روحه مفرفحه
من الألم حضنتها ومرت خالي تعيط بصوت
عالي
مروه: امهاتتت الع**** انييي تالييي عمريي
لفييي كحا* بيتييييي
درت وجهي الها واني احس نار وشتعلت بكلبي
نيران: مااكوووو غيرججج انتييي وبناتج
الكح**
تخبلت لان رديت عليها اجيت عليه وجرتني
من شعري وخرت جيلان من حضني ولزمتها
من ايدها وعضيتها واخرمش بيها بظافيري
وبناتها واكفات يخافن يكربن كامت جيلان
تحاول تفاككنه بس مااكو طلعت كل تعب
والضيم العيشتنه يا بيها
نيران: وخريييي جيلان خلييي ربيهااا
كافييي تضرب بينااا شنووو عبيد عدهممم
الله ياخذكمممم ان شاءلله شنووو ابقت
عيشتنه عليكمممم
جيلان: كافيي نيران ولجج هسه يجي
خالي ويضربجج عوفيهاا
وخرتني جيلان واني باوع على مرت خالي
بحقد وغل وهيه وجهه مخرمش وشعرها
واكف ودشداشتها نشكك من فوك لان
عتيته قوي واني احلكي ينزف دفعت
جيلان وامسحت احلكي ورتب بشعري
وهيه صارت تعيط على بناتها لان مااكتلني
نزعت النعال وصارت تضرب بيهن وتعيط
يمكن كل المنطقه اسمعت صوتنه
مروه: هممم احسبه نفسييي عندييي بناتت
ولجننن هايي الكح** تضرب بأمجن وانتن
واكفاتتت تباوعننننننن
صارن يتطافرن بالبيت وهيه تركض
وراهن ويعيطن
ابجي وتحاول تبرر
هبه: والله يمه اخفت اخخ يمه عليج
الله كافيي
ماردت بس تضرب بيهن درت وجهي على
جيلان جانت بس تباوع عليهن واساكته
درت وجهه الي جانت الدموع بعيونها
تنهدت وفركت وجهه وايدها صارت حمره
سحبتها من ايدها واخذت ثلچ من الثلاجه
وصعدنه فوك كعدنه على فراش وسحبت
ايدها وخليت عليها الثلچ وحنى ساكتين
تنهدت بصوت وهمست واني باوعلها
نيران: شصاير ليش هيج سوت بيج
باوعتلي ورجعت تباوع على ايدها وحجت
بغصه
جيلان: جايبتلي عريس تريدني أزوج
فتحت عيوني واني مصدومه
نيران: ش.. شنوو عريس
لزمت ايدي وعيونها مليانه دموع
جيلان: اي علمود هيج ماردتج تضربيها
تدرين بيها انتي هسه راح تحجي وياه
خالي ويجبرني أزوج
نيران: شنوووو يجبرججج هوه بكيفهااا
قسم بالله حرككك البيت بيهممم
ماردت ابقت اسكته وتفرك ابيدها بتوتر
همست بصوت هدء
نيران: انت تريدين تزوجين جوجو
رفعت راسها وباوعتلي ودموعها نزلت
اول مره اشوفها تبجي امسحت دموعها
بسرعه
جيلان: انت تدرين ان بحياتي ماافكرت
بزواج نيران فدوه مااريد أزوج
تقربت مني وحضنتني ودموعها نزلت
بغزاره جانت تحاول تحتمي بيه مااتعرف
ان اني الأخذ القوه منهاا اول اشوفها
هيج ضعيفه جانت دائما هيه التواسيني
وتشيل أهمي وتجبر خاطري بكلامها بس
اني مااعرف واهسيها ولا اعرف شنو اسوي
حتى مرت خالي تشيل فكرت الزواج من بالها
خليت ايدي على ضهرها وامسد علي بهدوء
مرت فترأ طويله وحنى ساكتين وكل وحده
تفكر شنو نسوي اكيد خالي ماراح يسمع من
عدنه وراح يسويها عناد ويزوجها بدون موافقتها
كامت جيلان وراحت تمددت بفراشها صارت
الدنيأ ليل والوضع هدوء استغربت ليش لحد
هسه ما اجه خالي واسوه هجوم علينا
باوعت على جيلان غطت راسها بالبطانية
وماتحركت عفتها وطلعت فتحت باب السطح
جان الجوء بارد هواي كعدت على كرسي
وغمضت عيوني لميت رجليها وخلت راسي
عليهن وغمضت عيوني وسترجع كل ذكرياتي
جنت كل مااخلي يضربني شرد من عنده وصعد
بالسطح وقفل الباب حتى لايصعد يبقه ايدك
بالباب وقت طويل ومافتح
فزيت على صوت شخص يتقرب
مني فتحت عيوني باوعت حسيت
كلبي صار بي فراشات من شفته جان
واكف يم باب السطح ومخلي الجكاره ابيده
نزلت رجليه وعدلت كعدتي
احس راح اموت من الخجل صار فتره طويله
ماشايفته رفعت راسي باوعتله شفته بعده
يباوعلي
همس بصوت هادء
... مشتاقلج نيران
دنكت راسي وحجيت بغصه
نيران: صارلك 5 ايام من جيت
من الدوام هسه يلا تذكرتني
... جنت بيهن مشغول وغلاتج على
كلبي
تجاهلت كلامه وحجيت
نيران: علي انت تحبني
ابتسم وغمض عيونه رفع ايده وخلاها على
كلبه
علي: انت عايشه بكلبي مكانج بين
ضلوعي تعرفين شوكت راح ابطل احبج
من هاذه يوكف
جان يحجي ويضرب على كلبه مارديت
بقيت ساكته والجو صار اكثر بروده
وهوه لبس تيشيرت نص ردن وشكله
ماايوحي ان بردان
نيران: الجو بارد وانت لبس هيج معقوله
مااتحس بالبرد؟
علي: مو كلنه مثلج ياكمري
ضحكت بخجل وخليت اديناتي على
خدودي وهوه جان يباوعلي ويبتسم
ابتسامة لطيفه
نيران: ليش واكف بعيد هذاك كرسي
جيبه وتعال اكعد
علي: لا خليني بمكاني احسن
نيران: ليش احسن؟
زفر دخان الجكاره ومارد
علي: اني رايح نيران انتبهي لنفسج
المره الثانية الجي بيها راح اكون جاي
وياي امي حتى تطلبج الي
نيران: شنوو امك قبلت بيه
علي: وين تلكه جنه مثلج طبعاً تقبل
اسمعي اسبوع واحد وراح اكون يمج
تحملي هانت نيران راح نصير بيت
واحد اخخخ شكد فرحان يلا اكومي
نزلي جوه بارده عليج ياحلوه
ابتسمت ومارديت احس كلبي راح يوكف
من الفرح باوعتله راح واكف يم السور
حتى يطفر لبيتهم دأر وجهه اغمزلي ودز
بوسه بالهوه وكال
علي: احبج ياانبضه الكلبي
كال هيج وطفر اصرت كمز من الفراحه
وخيرآ راح نصير البعض احس كلبي راح
يوكف من السعاده سعده مااحسه بيها من
قبل
(بس ياترى راح تدوم هاي السعاده.؟)
تقربت من السور اليطل على شارع باوعت
جوه مااكو احد الوضع هدوء والجو بارد
خليت اديناتي على خدودي وغمضت عيوني
مبتسمه اخذت نفس عميق وزفرته
فتحت عيوني على صوت قوي باوعت
حاول ركز منين جاي الصوت رفعت
راسي باوعت على البيت المقابيلي
جان اكو شخص واكف على بلكونه
مابينة غير الشارع مجان مبين شكله زين
لان الضويه مطفيه بس اكو ضوه خفيف
بقيت مركزه وباوع اخفت كلش اخاف
شافني احجي وياه علي ويروح يكول
لخالي درت وجهي ورجعت ورا واكفت
يم باب السطح
اخذت نفس عميق وزفرته فتحت
الباب ورحت بسرعه للغرفه دخلت جانت
جيلان كاعده وتقره قرأن بلعت ريئك
سديت الباب ورحت تمددت بفراشي
باست القرأن وخلته على صفحه ودارت
وجهه الي وتباوعلي بخزره
جيلان: وين جنتي
نزلت عيوني عنها حاول مارتبك
نيران: ك.. كاعده بسطح لان ضوجه
وماجنت نعسانه
جيلان: من شوكت بينكم علاقه نيران
وليش مااكلتي الي
مارديت بقيت ساكته عزه بعيني
معقوله جان صوتنه عالي لو شافتني
واني باوع على بيت الجيران
جيلان: انت تدرين امه ماتحبج واذا
تزوجتي ماراح ترتاحين بحياتج
وخرت الغطه وزفرت نفس بنتر
نيران: اوف منج شبيج وياي انت هاي
بمكان ماتفرحيلي
جيلان: اني اتمنة تعيشين مرتاحه منو
كال مافرحانه لج بس صدكيني امه ماراح
تقبل
لميت رجلية وتربعت باوعتلها ودنكت راسي
نيران: اذا ماقبلت مراح يجي حتى يخطبني
صح
هزت راسها وتقربت لزمت ايدي
جيلان: يمكن يحبج صدك بس مراح
يخسر امه علمودج
نيران: جيلان أدعي ان توافق
ابتسمت وحضنتني بادلته لحضن
جيلان: لاتفكرين بأشي الله كريم
يلا تعالي ننام
وخرت من حضنها وبست ايدها
المحروقه تمددنه ورحنه بالنوم
مرآ يومين ومااكو احداث جديد خالي
مااچه للبيت وحنى متعودين علي لان
كل فتره يغيب كم يوم بدون لا يكول لحد
اني وجيلان ابقينه بقلق لان اذا رجع خالي
ومرته حجتله على صار اكيد راح يزوج
جيلان غصب جنت خايفه وافكر شراح
يصير بينه
فزيت من اصفنتي على صوت سماء درت وجهي
الها اوف هاي البنت شكد فطيره على رايح
والجاي فاكه احلكها وتتمنة يصير زوجها
نيران: خير شبيج يمعوده
درت وجهه يمين ويسار تباوع اخاف اكو
احد دنكت راسها عليه وهمست
سماء: ولج اجه نفس الشخص
باوعتله بستغراب
نيران: عن ياشخص تحجين؟
خزرتني وكرصتني من ايدي
سماء: لا تصيرين غبية باوعي وراج
وراح تفهمين قصدي
مااجنت مهتمه درت وجهي وشفت نفس
الشخص الشفته المره الماضية ومركز عيونة
علينا درت وجهي بسرعه واخذت نفس
بصعوبه احس رجلية نشلت من الخوف
لزمت ايدي سماء رفعت راسي باوعتلها
وهمست بصوت خافت
نيران: م.. منو هاذ؟
باوعتلي سحبتني من ايدي ودخلتني
لغرفة مخصصة بس للستراحه كعدتني
على كرسي واكفت كدامي
سماء: نيران اني خايفه عليج من عنده
احس ورا شي
باوعتلها
نيران: اني مااشفته من يومين جان موجود
واني مامنتبها لو شنو
سماء: ماتوقع موجود لان حتى اني
ماانتبهت لوجوده تعالي غسلي وجهج
هزيت راسي وكمت وياها اغسلت وجهي
وطلعت حتى كمل شغلي
جنت مدنكه امسح بطاولات رفعت
راسي باوعله بفضول شفت شخص
كاعد يمه وسوالف وياه وكل شوي
يدور وجهه يباوعلي زفرت نفس
بقلت اصبر باوعت على سماء جانت
تنظف بالطاوله القريبة من عندهم
حجيت بصوت شبه عالي
نيران: صدوك سماء كلج بعد شكم
يوم خطوبتي واتنمه تكونين موجوده
رفعت راسها تباوعلي وهيه مصدومه
اجت عليه بسرعه ولزمت ايدي وتهز
بيها حجت بحماس
سماء: ولجج صدك يعني راح تزوجين
اوييي كلش فرحانه لج
هزيت راسي واني مبتسمه بتمثيل
درت وجهي باوعت شفته مرجع
ضهره على كرسي ويباوع علينه
هوه والشخص الوياه
درت وجهي بسرعه ورجعت احجي
وياه سماء والغبيه صارت تفكر شنو
تلبس للحفله اخلص الدوام وهيه صافنه
شنو تسوي
طلعنه بعد مااخلص الدوام هيه اجه
اخوها واخذها حاولت وياي ان صعد
وياهم بس مااقبلت رحت امشي وحدي
وافكر منو هاذه وشيريد من عندي
معقوله يطلع رئيس عصابه وكفت وصفنت
شوي وبعدين وغميت كصتي
نيران: شنو هاذه التفكير رئيس عصابه
ويجي عليه اني مالكه غيري والله يالله
رجعت امشي والجو چان بارد مااكو
احد بره والغلبيه سكرو محلاتهم
اليروح للجامع واليرجع للبيت يتغده
رجعت للبيت واني ميته جوع فتحت
الباب ودخلت وكل عاده جيلان واكفه
تنتظرني ابتسمت الها
نيران: ولج بس لايكون مشتاقتلي
باوعتلي من فوك ليجوه وشرت على نفسها
جيلان: اني شتاقلج لا حبي متوهمه
شايفه نفسج بالمرايه انت
خزرته ودخلت للبيت باوعت مجان
اكو احد درت وجهي
نيران: ليش مااكو احد معقوله تركو البيت
النه وراحو
جيلان: لا ماتركو كل وحده بغرفتها
اصغرت عيوني واني باوعلها
نيران: اول مره ادخل للبيت ومرت
خالج ماتلعلع بصوتها
ماردت دخلت للمطبخ عفتها وصعدت
فوك اغسلت وغيرت ملابسي وهيه
شوي واجت جابتلي اكل كعدنه
نااكل اثنينه وساكتين
شوي وهي حجيت بحماس
جيلان: اليوم جيرانه عدهم حفله
خطوبه وعزمونه شرايج نروح
رفعت راسي باوعتلها
نيران: معقوله عزمونه بعدين منو يكول
مرت خالج تخلينه نروح تعرفين بيها
شكد حقيره
جيلان: لاتخافين هي اصلآ الي كالت
تروحن
مارديت بقيت اسكته شنو صاير بدنيأ
معقوله الكتله فادت وياها
سبحان مغير الاحوال
كمت اغسلت ورحت اساعد جيلان
بتنظيف البيت انظفنه البيت ابقه
بس باب البيت اخذت الصونده
فتحت الباب واكفت اغسل وناس
رايحه وراجعه فجأه طلع واحد
من البيت المقابيلي والي عدهم حفلة
رفعت راسي باوعله جان لابس لبس
ضباط وعلى كتفه ثلاث نجمات وجسمه
اضخم حيل دأر وجهه باوعلي رئستن
دنكت راسي سحبت الصونده ودخلت
للبيت واني رجف من البرد لان ملابسي
تبللت طلعت مرت خالي باوعتلي
مروه: دخلي غيري ملابسج بسرعه
لاتتمرضين حبيبتي
درت وجهي باوع وراي مااكو احد
رجعت باوعلها واني مستغربه شرت
على نفسي وحجيت
نيران: هاذه الكلام الي اني
مروه: اي يلا دخلي للبيت الجو بارد
بقيت باوعلها واني ساكته مصدومه
من هاذه التغير عفتها ودخلت للبيت
صعدت غيرت ملابسي ونزلت يم جيلان
بالمطبخ هي تسوي عشه واني كاعده
سوالف وياها
درت وجهه الي
جيلان: ليش ماتحجيلي شيصير وياج
بشغل مثل قبل
بعدت انظري عنها وحاول ماارتبك
نيران: مااكو شي جديد بس شغل
جيلان: ومديرج شلون تعامله وياج
نيران: لا تشغلين بالج كلشي بخير
هزت راسها وسكتت مااحبيت حجليها
شي حتى لاينشغل بالها كملت العشه
وصعدنه على السطح نسوالف ونتخيل
لو اهلنا لحد هسه عايشين
مر وقت طويل وحنى كاعدين صاحت
علينا مرت خالي حتى نصب عشه نزلنه
وصبينه الهن عشه ولأول مره تكول
تعالن كعدنه ويانه نااكل سوه جنت
مستغربه منهم وجيلان مثلي كعدنه
نااكل وحنى ساكتين بس مرت خالي
تحجي
كملنه اكل اخذت المواعين واغسلتهن
بمكان جيلان وصعدت فوك حتى غير
ملابسي دخلت للغرفه شفت جيلان منزله
الملابس كلها من الكنتور وماتعرف شنو تلبس
سنده نفسي على باب وباوعلها
جيلان: تعالي اختاريلي فستان مااعرف
شنو لبس
نيران: عادي لبسي أي شي كلشي حلو
يطلع عليج
باوعتلي وابتسمت اختارت الهه فستان
اخذته ونزلت جوه حتى تغير بالحمام
اخذت تيشيرت وابنطلون لبست بسرعه
وامشطت شعري وكعدت انتظرها باوعت
على ملابس البلأرض كلهم مرت خالي تجيبهن
النه من الباله ابتسمت بحزن
وتمددت وباوع على سقف بشرود
وافكر منو هاذه الشخص ليش ماشايفته
معقوله نفس الشخص الشوفه بالمطعم
لا لا مايشابهون اذا مو هوه لعد منو
بقيت افكر لحد ماافتح شوي ونفتح الباب ودخلت جيلان رفعت راسي باوعتلها
جانت مغيره الفستان ومخليه مكياج ومسشوره
شعرها طالعه تجنن عدلت كعدتي وبقيت باوعلها
نيران: ليش غيرتي الفستان بعدين هاذه
فستان مال وفاء
اخذت نفس وتباوعلي بشرود
جيلان: مرت خالي مااعرف شنو
يدور بالها هيه لبستني هاذه الفستان
كمت واكفت وصرت كبالها خليت
ايدي على خدها
نيران: ادري وراها شي بس ان شاءلله
خير انسي هسه ولاتشغلين بالج
دنكت واخذت المرايه تباوع على
شكلها وعلى فستان دارت وجهه الي
وعيونه مدمعه
جيلان: مااريد لبس هيج فستان ولا اريد
يطلع شعري اريد تحجب حرام علينه
انبقه بدون حجاب
تندهت بتعب
نيران: شنو ابيدي تدرين بخالج
مايقبل نتحجب عجيب مرأء خالج
غير عن باقي الناس ماتشوفين بناته
ومرته مو محجبات
جيلان: حنى شكو معلينه بيهن
حركت كتافي بمعنى مااعرف واخذتها
من ايدها ونزلت جوه جانت مرت خالي
وبناتها لبسات ومجهزات وجوهن ماتنعرف
من المكياج
رفعت راسها باوعتلي وباوعت على
جيلان هزت راسها وطلعت كدامنه
اخذت نفس بضوجه ماجنت اريد
روح بس علمود جيلان تستحي تطلع
بدوني
طلعنه ورحنة لبيتهم جان الباب مفتوح
لان نسوان طابه وطالعه دخلنه داخل
جانت مره چبيره بالعمر واكفه بالباب
وتستقبل نسوان
اسلمت مرت خالي عليها ومدري شنو همست
ابذنها وهيه تهز براسها وتباوع على جيلان
تقدمت من عدنه وصارت تبوس بينه
هلا بيجن يلا دخلو داخل
مروه: يزيد فضلج حبيبتي
باوعت على مرت خالي شلون تحجي
ابئدب وتضحك واني مستغربه من هاذه
الوضع لان هي ولا واحده تحبها لان تسوي
مشاكل وياه الكل هاي جانت اول مره وحده
تعزمها
دخلنه داخل وجان البيت جبيره وتصميمه
فخم وكلش حلو رحنه كعدنه على كراسي
وجيلان لزكه بيه باوعتلها وهمست
نيران: شسالفه ايدي عوفيها تره مااراح
يااكلوج بعدين انت مو اجايه اكثر من مره
لهاذه البيت
جيلان: اي بس بسرعه ارجع مااعرف
احد بيهم غير هاي البنت الخيط الها
ملابس
نيران: امم بس ليش تخيط دشاديش
بمكان ماتروح تشتري جاهزات
حركت كتافها وماردت شوي ونزلت
بنتهم المخطوبه كعدت على كوشه وشكلها
مقبول مبتسامته ماافركت وجهه شغلو
الاغاني وصار الكل يركص اجت بنت وسحبت جيلان وكومتها حتى تركص وهيه مستحيه ماتريد تكوم
وتحجي وياها بهمس
جيلان: عفيه مااعرف اركص
.. يلا حبابه اكومي، وياي فدوه
كامت جيلان وصارت تركص وياها
اخذت نفس وزفرته بملل مااحب الحفلات
ولا المناسبات سحبت نفسي وطلعت للحديقه
جان موجود بيها طاوله وكراسي ثلاثه شكلها
كلش مرتب وبيها هواي ورأود من كل النواع
ابتسمت على جمالها
رحت كعدت على واحد من الكراسي
خليت راسي على طاوله وغمضت عيوني
احس راسي صدع من صوت الاغاني
ياترى راح اتبقه هيج حياتي شغل؟
تعب؟ تفكير؟ رهاق؟ كسر خواطر؟
طعن بشرف؟ غلط وسب تهديد
اخذت نفس بغصه وبلعت ريك
فزيت بأيد على كتفي فزيت ودرت وجهي
سريع باوعت
خزرته وكمت بسرعه وحجيت بعصبيه
نيران: شلون تجرئ وتخلي ايدك عليه
ابتسم بستهزائ وسحب الكرسي وكعدت
طلع جكاره من الباكيت وشغله رفع راسه
باوعلي وهمس بهدوء
:: الي يسمعج ميكول مخلي ايدي على
كتفج يمكن يفكر مخليها على غير شي
مثلآ مو صح!
خزرته ونترت بي بعصبيه
نيران: انجب يااقندره شلون تحجي
وياي بهاي الطريقه
دنك راسه وابتسم وهوه يزفر الدخان
عفته وجيت دخل للبيت واني معصبه
بس ستوقفني كلامه
:: ولا كأن انت نفسج التحجين وياه
شخص غريب عليج وبالسطوح وحدكم
كمل كلامه وضحك بستهزائ بلعت ريك يعني
هوه نفسه الشفته بقيت باوعله وساكته
دأر وجهه وهوه مرجع نفسه على كرسي
باوعلي وحجه
:: ليش مصدومه وين راح لسانج ؟
بلعت ريك وحاول ماارتبك
نيران: مالك علاقه لاتدخل
بشي مايعنك اني حره بتصرفاتي محد
يدخل بيه افهمت
رفع راسه وغمض عيونة وهمس
:: صار ماتدخل بس مره ثانيه مراح
يصير خير وعدج
مارديت عفته ودخلت داخل واني
الف فكره اجت ببالي شنو قصده
وهوه ليش جاي يدخل بيه اكيد ورا
شي ماهتميت بصراحه رحت دور على
جيلان
دخلت للمطبخ جانت واكفه وتشرب مي
وديره وجهه لزمته من ايدها نزت ونترت
ايدي باوعتلي واخذت نفس
جيلان: شبيج فززتيني وين جنتي
ماشفتج موجوده
حاولت غير الموضوع وحجيت
نيران: خلي نرجع للبيت تعبت وراسي
صدع
اخلت ايدها على جبيني تتحسس اخاف
اكو حرار دفعت ايدها
جيلان: يمكن صخنتي تعالي نكول لمرت
خالي ونرجع حتى ترتاحين
جيت تروح لزمته من ايدها دأرت وجهه
باوعتلي
نيران: تعالي نرجع هيه تجي من تخلص
الحفلة يلا
هزت راسها وطلعنة من البيت درت
وجهي وعيني راحت على حديقه جان
بعده كاعد ويشرب جگاير رفع راسه
وصارت عينه بعيني دنكت راسي سريع
رحنه للبيت وصعدنه فوك راحت جيلان
تغير ملابسها واني رحت تمددت على فراش
وتغطيت شوي ودخلت جيلان كعدت يمي
ومدت ايدها ونطتني حبوب صداع
جيلان: شربي حتى لايبقه راسج يأذيج
اخذت الحبوب بدون كلامه وبلعته شربت
مي وهيه تمددت يمي واخذتني لحضنه
وتمسد على شعري باست راسي وهمست
جيلان: شبيج نيران احس بيج شي وضعج
هاي الأيام مايطمن احجيلي
ماعرف شنو رد عليها بقيت ساكته مع
ان مامتعوده اضم عليها شي اخذت
نفس وزفرته واني بلعم
نيران: مااكو شي صدكيني
لمتني صدرها وباست شعري وهمست
جيلان: ان شاءلله يطلع كلامج صدك
ومااجاي تچذبين عليه
سكتت مارديت غمضت عيوني شوي
ورحت بالنوم
صحت الصبح على ايد على خدودي
فتحت عيوني باوعت ونترت ايدها
بضوجه ورجعت تغطيت جرت الغطه
مني وحجت
جيلان: كومي كافي نوم تأخرتي على
شغلج
باوعتلها بنعاس واني فرك بعيوني
نيران: ناس اول ماتكعد تكول صباح الخير
تدرين او لا
ضحكت وصارت تألم الفراشات
جيلان: حنى ناس مثقفين ماانصبح
على احد
ابتسمت وكمت طلعت ملابس ونزلت
جوه اسبحت بسرعه وطلعت رجأف
من البرد خليت المنشفه على شعري
واصرت انشف بي نزلت جيلان
باوعتلي وحجت بخوف
جيلان: ولج بارده شلون سحبتي هسه
تتمرضين
نيران: انجبي ماتمرض
غمتني ودخلت للمطبخ هزيت ايدي
ورحت كعدت على الكرويته باوع على
كل ركأن بالبيت هدوء مااكو صوت
اخخ شكد البيت حلو بدون خالي الچلب
اكيد هسه مخلص وقته وياه الكح*
حياته عباده عن مشروب املاهي
ومشاكل محد يحبه بالمنطقه الكل
يكره حتى مرته محد يحبها
اخذت نفس وزفرته كمت شمرت
المنشفه ولبست الشفقه وطلعت
من البيت حتى بدون مااودع جيلان
مخنوكه احس بغصه محد راح يحس
بوجعي اصعب شي نك تعيش بيت
مامرغوب بيك شعور يوجع تتعرض
للهانه والضرب وتبلع غصتك وتبقه اسكت
وذا حجيت محد راح يسمعك ولا احد يهتملك
واكفت يم باب المطعم وباوع علي من
بره ياترى يجي يوم ودخلك بدون لا اخاف
من عياط المدير لان تأخرت بجيه مو بالوقت
المحدد
سميت باسم الله ودخلت رحت بسرعه
وبديت بشغلي سوئ شي من تسمع هاانه
من الزبائن وكلام يجرح تحرش كلام بذيئ
بس مجبور ماترد وتبقى اصامد
باوعت على كل الطاولات ماشفته
اخذت نفس براحه كل مايكون موجود
مااكدر اخذ راحتي لان عيونة تتجول
احولي
فززني صوت المدير باوعت
:: على شنو صافنة كملي شغلج بسرعه
هزيت راسي ومارديت سماء مااجت لان
مريضه كلش ضجت لان ماداومت اخلص
الدوام واني مخنوكه احسه بحساس غريب
تجاهلت هاذه الشعور
وطلعت من المطعم وباوع شلون المطر
ينزل تأفأفت بضوجه لان ملابسه غمصلة
مجان اكو احد بشارع بس سيارات تأمر
مااكدر انتظر اكثر لان المطر كل ماله ويزيد
طلعت بسرعه وامشي بوسط الشارع واني
مركزه على قطرات المطر
فزيت على صوت سياره قريب من عندي
درت وجهي ومااحس اله ايد تعتني
قوي وتدخلني بسياره خلو وصله على
خشمي وبعده فقدت الوعي.....
______
- يتبع الفصل التالي اضغط على ( سر بين السطور) اسم الرواية