رواية وعد الفصل الثاني 2 - بقلم سارة عبدالباري
فى اللحظه دى باب الاوضه اتفتح وتقى بصت بخوف شديد.
يوسف اتفضلى يا ماهى.
وعد لاحظت حاله الخوف والرعب اللى على تقي.
ماهى هاى يوسف هاى تقي وحشانى خالص يا حبيبتي.
تقي بصت ليها بخوف ك كويسه.
ماهيتاب. يوسف انا جايه علشان اخد تقي النادى .
تقي بخوف لالالا مش عايزة اروح.
يوسف بص لتقي بحنان بعدين اخدها فى حضنه اهدى يا حبيبتي خلاص مش هتروحى مكان لى الخوف دة كله.
ماهيتاب بغيظ ياعنى اى مش هتروح دة انا مفضيه نفسي مخصوص علشانها.
فى اللحظه دى وعد اتدخلت فى الكلام. استأذن حضرتك مستر يوسف هاخد تقي الجنينه علشان تفطر .
ماهيتاب ومين دى كمان.
وعد انا وعد المربيه بتاعت تقي استأذنكم واخدت تقي ونزلت.
ماهيتاب بصت ليوسف وتكلمت بعصبيه انت ازاى تجيب للبنت مربيه واحنا منعرفش اصلها مش يمكن تعامل البنت وحش وحالتها تسوء.
يوسف ما اظنش تقي مرتاحه جدا لوعد وماافتكرش ان فى اسوء من كدا البنت حالتها صعبه جدا وانا واثق ان وعد هتعمل حاجه كويسه.
ماهيتاب بغيظ وانت اى اللى مخليك واثق جدا كدا فى اختياراتك.
يوسف اكيد طبعا يا حبيبتي مش اختارتك.
ماهيتاب بابتسامه بجد ياعنى انا بالنسبالك افضل اختيار .
يوسف اكيد مش هنفطر بقى.
ماهيتاب اه اكيد.
#############
فى الجنينه كانت وعد وتقى قاعدين بيفطرو مع بعض.
وعد قوليلى يا تقي بابا بيعاملك حلو.
تقي بصت لوعد ايوة بابي دة احسن اب ف فى الدنيا بس هو مش بيقعد مع تقي كتير. وعلى طول فى الشغل.
وعد معلش ماهو بابي لازم يشتغل علشان يجيب لتقي كل اللى نفسها في.
تقي هزت راسها بموافقة صح.
وعد بابتسامه انتى جميله اوى يا تقي.
تقي لوعد انتى اللى جميله جدا وانا حبيتك جدا ممكن تبقى تيجى كتير علشان نلعب مع بعض.
وعد بابتسامه اكيد.
تقي وعد
وعد بابتسامه وعد ياستى.
تقي طيب هو انا ممكن اطلب منك طلب.
وعد اكيد طبعا أطلبي.
تقي ممكن متخليش طنط ماهي تيجى عندنا تانى.
وعد مينفعش يا حبيبتي بعدين طنط ماهي هتبقى مرات باباكى ياعنى زى مامتك ولازم تتقبلى وجودها.
تقي ببكاء مستحيل انا بكرها مس مستحيل.
وعد ششششش اهدى يا حبيبتي واخدتها فى حضنها اوعدك انى احاول اعرف هى بتعمل كدا ليه اكيد فى سبب.
تقي بصت ليها وانا هستني انك توفي بالوعد.
##############
داخل الفيلا.
ماهيتاب. اى رأيك يا يوسف لو نقدم ميعاد الفرح وكدا مش هتبقى مضطر تخلى المربيه دى مع تقي.
يوسف نقدم اى يا ماهى الفرح خلاص كمان تلات شهور وبعدين انا مرتب كل حاجة على الميعاد دة.
ماهى بابتسامه اللى تشوفه يا حبيبي.
فى اللحظه دي موبايل ماهيتاب رن.
ماهيتاب بتوتر بعد اذنك معايا مكالمه.
ماهيتاب اخدت الموبايل وخرجت تتكلم في الجنينه.
الو ايوة يا سوزى.
سوزى اه يابنتى طمنيني.
ماهيتاب بشر معرفتش انا اصلا من ساعه ماجيت ومش عارفه اقعد مع البنت خالص.
سوزى. خلى بالك يا ماهى البنت لو مااخدتش العلاج بانتظام كدا كل اللى بنعمله هيروح على الفاضي.
ماهيتاب مستحيل مش انا اللى اطلع خسرانه وزى مامامتها ماتت هى هتموت وبنفس الطريقه.
سوزى كدا فل اوى وبعدين مش لازم انتى اللى تحطي الحبوب في العصير شوفي اى حد من الخدم.
ماهيتاب انتى مجنونه عايزة كل اللى عملته يروح على الفاضي اكيد كدا هنتكشف وانا ما صدقت خلاص الفرح قرب وكل حاجه هتبقى ملكى واكون تخلصت من البنت.
فى اللحظه دي وعد كانت داخله الفيلا وسمعت المكالمه مابين ماهيتاب وسوزى.
ستوب. كدا البارت انتهى يا تري اى رد فعل وعد وازاى هتكشف ماهيتاب دة اللى هنعرفه البارت اللى جاى من روايه (وعد ).
بقلمى ✍️سارة عبدالباري.
عايزة اعرف رأيكم فى الروايه واى توقعاتكم للى جاى.
- يتبع الفصل التالي اضغط على ( رواية وعد) اسم الرواية