رواية رواسي الدهر الفصل الثاني 2 - بقلم روح الدليمي
وهج الدمار
بسم الله الرحمن الرحيم
بارت جديد اتمنى يعجبكم لتنسون التصويت و التعليق على كل فقره🤍
بالنسبه للتنزيل ف على حسب التفاعل
اذا اتأخر بالتنزيل معناها تفاعلكم معجبني
#رواسي_الدهر
#الكاتبة روح الدليمي
لا أحدَ هُنا
و سقفُ الغرفةِ بئرٌ هائل
يُكاد يسحبَ رأسي كُلما شَردت به
لا أحدَ هُنا
وحدي اسمعَ صوت الموّتى
اشعرَ بهم الان بجانِبي
ما هذا يا إللهي ؟
أُقسم بأنني لستُ بـ مَقبرةٍ .
➰➰➰➰➰➰➰➰➰➰➰
حسيت بطبطبه خفيفه على وجهي فتحت عيوني و باوعت حواليه
شفته فوك راسي و يحجي ويايه بس ما اميز كلامه
صارت عيوني تدور بالمكان تذكرت الموقف الصار
صرت ابجي و اشهك
سحبني لحضنه و صار يمسح على راسي و يهدي بيه گال
رسيم:اششش اهدي بابا ماكو شي
كلمه بابا خلتني ابجي اكثر
صرت اضرب على وجهي بقوه
حضني و ايدي صارت على صدره
حاولت ادفعه عني بس قوه حضنته اكثر
و گال
رسيم:لتسوين هيج اهدي و ارتاحي
حجيت و اني اشهك و كلامي متقطع
رواسي:ششنوو اهدئ النذل تحرشش بيه ماعرف شنو سوه بعد لان تخربطت
رسيم:ما سوالج شي لتخافين ما اسمح لاحد يتقرب منج و اني موجود
ابتعدت عنه و باوعتله
و حجيت بتوسل
رواسي:الله يخليك رجعني لاهلي كافي تعبت
الي تريده اني اسوي بس رجعني گلبي بعد ميتحمل اكثر
گام من مكانه و گومني وياه و گال و هوَ داير وجهه عني
يريد يطلع
رسيم:اخذي راحتج ارتاحي هسه
و اني راح ابقه بره اذا احتاجيتي شي گوليلي
عافني و طلع بدون ميسمع جوابي رحت للغرفه المخصصه الي، اقصد السجن مالي
تمددت على الجربايه و لفيت نفسي بالغطه
و استرجعت كل ذكرياتي القديمه و صرتي ابجي
اشتاقيت لامي و حضنها الدافي
اشتاقيت لابويه و حنانه اشتاقيت لبيتنه، لغرفتي
حتى للشارع مالتنه
شوكت ينتهي هالعذاب هذا؟
يعني معقوله ابويه ما تهمه حالتي؟!
معقوله يشوفني اتعذب و مينفذ مطلبهم!
تعبت من كثر البجي عيوني صرت ما اشوف بيها عدل
مرت كم ساعه و اني على نفس الحاله
بس ابجي و اشهك
گمت بكسل من الفراش و طلعت شفته گاعد بالصاله و تلفونه بيده انتبه لوجودي عاف تلفونه و اجه يمي
رسيم:شلون صرتي؟
رواسي:مو زينه ابد اريد احجي ويه اهلي الله يخليك
رسيم:مستحيل انسي
رواسي:بس احجي وياهم طاگ گلبي عليهم والله
نتر بيه
رسيم:گلت لااا لتعاندين!
صرت اضرب على صدره و احجي بحرگه
رواسي:ليششش ليشش هيج تسوي اني شنو ذنبيي هااا
شنووو ذنبيي
بشنو اذيتككم ؟ شنو الي سويته الكم حتى هيج تسوون بيه؟
گعدت بالگاع مهدود حيلي و اردفت بعتب..
رواسي:شنو ذنبي اني هالحيوانات كل يوم يضربوني و يسمعوني انواع الفشار و الغلط؟
عروگ گصته برزن لان ضاغط على اعصابه
گال بعصبيه..
رسيم:منو الي مد ايده عليج؟
رواسي:كلهم و اولهم أنتَ اريد اروح لاهلي لو موتني و خليني ارتاح
عافني گاعده بمكاني و طلع بقيت ماتحركت
و بس دموعي تجري
گمت وگفت بالشباك اباوع من بين الحدايد
ماعرف اني وين مكان كله اشجار و زرع
مثل مزرعه
الجو بدايه الشتاء اجت نسمه هواء بارده
لامست خدودي المبلله
اخذت نفس عميق وزفرته بكل هدوء
اجت ابالي اكثر اغنيه يحبها ابويه
"مرينه بيكم حمد"
صرت اغنيها بكل احاسيسي
_مرينا بيكم حمد
واحنا بقطار الليل
واسمعنا , دك اكهوه
وشمينة ريحة هيل
يا رير
صيح ابقهر
صيحة عشق , يارير
هودر هواهم ولك
حدر السنابل كطه
انه ارد الوك الحمد
مالوكن لغيره
يجفلني برد الصبح
وتلجلج الديره
يا رير بأول زغرته
لعبته طفيره
مرينة بيكم حمد
واحنة ابقطار الليل
واسمعنة , دك اكهوه
وشمينة ريحة هيل
قاطعني صوت تصفيگ
انداريت شفته رسيم واكف و منتچي على الحايط
مبتسم و يصفگلي
تقدم عليه و گال
رسيم:صوتج حلو
رواسي:اريد اهلي
رسيم:عوفي اهلج هسه و سمعينه شي ثاني يلا
رواسي:لشوكت راح ابقه هنا؟ صارلي شهر مو كافي! ابويه ليش عايفنيييي هناا يمكك
رسيم:مترجعين لحد ما تتنفذ كل طلباتيي، ابوج مستحيل يعرف مكانج اذا اني ما اسمحله بهل شي
عفته بدون ما احجي اي شي و دخلت للسجن مالتي
احس روحي حتطلع
مخنوگه كلش بعدي عن اهلي مأذيني
عندي شعور انو همَّ خلص نسوني و بعد محد يدور عليه
و عندي شعور غريب ماعرف اوصفه من اشوف رسيم ماعرف شنو يصير بيه
هل هذا خوف منه؟
لو كره؟!
لو شنو بالضبط!
احس صارت بيه حاله نفسيه بسبب الوحده الاني بيها
صرت اتخيل شغلات مالها وجود
و احجي ويه نفسي لان ماعندي احد
احجي وياه
مثل عادتي وگفت كدام المرايه و صرت احجي ويه نفسي
و اشكيلها
انفتحت باب الغرفه بقوه التفت و باوعت لرسيم
يباوعلي مستغرب
صارت عيونه تتوزع ب ارجاء الغرفه
تقرب عليه و گال بحديه
رسيم:ويه منو تحجين؟
رواسي:تعال اعرفك على صديقتي
رفع حاجبه و باوعلي اشرتله على المرايه و كتله
رواسي:هاي صديقتي صارلي شهر من تعرفت عليها
ماعندي غيرها اشكيله من تعبي و حزني
ماعندي غيرها اعبرله عن الي بداخلي
خانتني دمعتي و نزلت مسحتها و اردفت..
رواسي:موتني و خليني ارتاح فدوه
دار وجهه عني و طلع من الغرفه باوعت لنفسي بالمرايه شلون ذبلانه
جوه عيوني صاير كله اسود من السهر
و البجي و التعب الاني بي
تمددت بفراشي و صافنه على السگف ودموعي تنزل بدون ما احس
بعد مده دخل للغرفه
باوعتله و رجعت درت وجهي للجهه الثانيه
گال
رسيم:تعالي عندي الج فد شي
رواسي:كلشي ماريد منك بس ترجعني لبيتي ولاهلي
رسيم:تعالي يلا بدون حجي زايد
حجه هيج و سحبني من ايدي اخذني للصاله
شفته مرتب كعده حلوه و حاط شموع
و ريحه المكان تخبل
باوعتله و حجيت ب استغراب
رواسي:شنو هاي؟
رسيم:تعالي نتفرج فلم سوه
مشه ب اتجاه القنفه وسحبني وياه لزمني من كتفي و گعدني وراح للمطبخ رجع بيده گلاصين و بطل ببسي
حطهم گدامي ورجع للمطبخ جاب طاسه جبيره و بيها چبس
كل شوي يروح للمطبخ يجيب شي
ويرجع و اني اباوعله و اباوع للميز مستغربه شكو شديصير
اخر شي جاب كرزات و حطهن
واجه گعد يمي و شال السيديات مال افلام
و خلاهم بحضني و گال
رسيم:اختاري يلا خلي نشوف ذوقج
رواسي:ممكن افهم شديصير؟
رسيم:مو ضايجه أنتِ ؟ و اني هم ضايج
گلت خلي نتفرج على فلم نتسلى شوي
رواسي:متأكد أنتَ خاطفني ؟
همس بصوت ناصي ما سمعت كلامه شنو..اردفت بفهاوه
رواسي:هاا
رسيم:ماكو شي يلا اختاري
شلت السيديات و صرت اگلب بيهن جذبني واحد
شكله رعب اخذته و مديته اله و گلت
رواسي:هذا شكله حلو
رسيم:حاط شموع و خبصه تالي تختارين رعب
رواسي:اذا معاجبك اختار أنتَ اني هذا ذوقي بالافلام
و بعدين شكو الشموع حسستني گاعد ويه حبيبتك مو ويه الي خاطفها!
رسيم:لا بابا رعب رعب هاهيه
كام شغل الفلم و رجع گعد و هالمره گعدته كلش قريبه مني
ابتعدت عنه و رجعت ظهري على ظهر القنفه و لميت رجلي و صرت اتفرج
برغم احب افلام الرعب بس اخاف كلش و اذا طلعت
لقطه تخوف اصير اعيط بس مع ذلك على طول
جنت اتفرج هيج افلام
اخذت حب الشمس خليته بحضني و صرت اتفرج
بتركيز و اكرز حب
الفلم چان يخوف كلش و مشوق بنفس الوقت
اغطي عيوني بيدي
و افتح اصابعي و اتفرج من بيناتهن
التفتتله من گال
رسيم:مجبوره تتفرجين و أنتِ تخافين؟
رواسي:لتدخل و اسكت خليني مركزه
ضحك و گال
رسيم:تفرجي تفرجي
طلع مشهد كلش يخوف عطت بخوف و خليت راسي وره ظهره هوَ صار يضحك و وگف الفلم
حسيت على نفسي و ابتعدت عنه
و گلت بتوتر
رواسي:اني نعست شكراً على الفلم
گمت من يمه حتى اروح بس فاجئني من جرني من
ايدي و وگعني بحضنه
صارت عيني بعينه
بقه مركز بعيوني و ينظرلهن بتمعن
توترت كلش ماعرف
شنو الي صارلي
گلبي احس يريد يطلع من مكانه مد ايده على خدي
ومشه اصابعه بخفه عليه كزبر جسمي من لمساته
فاجئني اكثر و خله حراره تسري بجسمي لما تجرأ
و باسني، من لا وعي ضربته على وجهه وگمت بسرعه فتت للغرفه انوب ماكو مفتاح حتى اقفل الباب
شمرت نفسي على الجربايه رأساً اجه ببالي سالفه حيدر
وتحرشه بيه صرت ابجي من كل گلبي لحد ما نمت بلا
ما احس على نفسي
گعدت الصبح عيوني منفوخات
من كثر البجي و بقيت مستمره ابجي كل ما اتذكر
الي صار البارحه خوفني كلش و ماعندي شي احمي نفسي بي حضنت نفسي و نمت من بعد بجي دام لساعات..
حسيت على ايد لامست خدي ..
فزيت من مكاني باوعتله و حجيت بصوت يرجف و الخوف واضح بصوتي و بعيوني..
رواسي:و خر عنييي و خررر
رفع ايده و گال بصوت هادئ عكسه تماماً..
رسيم:اهدي اهدي ماسويلج شي اريد بس نحجي شوي
رواسي:ماريد احجي وياك اطلع منا رروووح
رسيم:گتلج بس احجي وياج مميت عليج اني!
ضحك بخفه و اردف..
رسيم:لا والله الصراحه يعني ميت عليج
صفنت عليه بصدمه حتى عيوني مرمشن..
حجيت ب عصبيه..
رواسي:سامعع نفسك شدتحجي؟
رسيم:اني احبج و فعلاً ميت عليج انطيني فرصه!
رواسي:اطلع بَره
رسيم:مو دنحجي شبيج
عطت بي بصوت عالي
رواسي:كتلك اطلع بَررره اطلعععع
جرني من شعري بقوه و عاط بيه
رسيم:صوتججج بنت الكلب
ضربني راشدي من قوته حسيت اذني بعد مااسمع بيها بس صوت وشه قويه صارت ب اذني
اردف..
رسيم:اني اعرف شلون اكسر راسج اليابس هذا
اني رسيم الي كلها تخاف مني وحده مثلج ترفع صوتها عليه؟
ضرب رجله بالحايط بقوه و اجه عليه جرني من شعري ودفعني بالگاع بقه يباوع عليه بغضب
فرك وجهه بقوه و طلع من الغرفه
طبگ الباب و خلاني صافنه
هذا شبي؟ مريض لو شنو بالضبط!
مرت فتره مو قليله بقيت حابسه نفسي بالغرفه
طول هالفتره هاي
كل وقتي افكر ذبحني التفكير لا ليلي ليل و لا نهاري نهار
تعبت كلش و نمت طريحه
بالفراش
طول هالفتره مماكله اني رسيم يجيب الاكل و يبقى
على حطته ما امد ايدي على
اي شي و لا اكل
بيوم تعبت كلش كل جسمي يوجعني مابيه اتحرك و لا حتى ارفع ايدي دخل رسيم للغرفه مثل العاده
شايل صينيه بيها اكل
همست بصوت تعبان بالگوه يطلع
رواسي:تعبانه كلش
تقرب عليه و مد ايده على گصتي
عقج وجهه و صوفر و گال
رسيم:مصخنه كلش گومي سبحي حتى تفك منج
رواسي:ماكدر اتحرك عوفني
رسيم:كومي بابا مو زين تبقين هيج
رواسي:جيبلي امي محتاجتها يمي
رسيم:اصيرلج ام و اب و كلشي بس انطيني فرصه
غمضت عيوني و تنهدت بتعب ماعرف شنو صرت احجي و اون بصوت مسموع
حسيت نفسي انرفعت عن مكاني وبعدها فقدت ماحسيت
على اي شي بعد
گعدت احس نفسي مسطوره سطر شفت مركبيلي مغذي و اكو علاجات
على الكومدي الي يمي
انفتح باب الغرفه بهدوء و دخل رسيم و وياه وحده
من گد ما حلوه بقيت بس صافنه عليها
تقربت عليه و مدت ايدها على
الصونده مال مغذي صارت تضغط عليها
حتى يمشي العلاج لان واگف مدا ينزل
عيونها متركزه على رسيم و تتبسم هوَ واكف يمي من
الجهه الثانيه و عيونه على المغذي
خلصت من المغذي و حجت بتماوع
_رسوم تعال نگعد بالصاله صار هواي مگاعدين سوه
نتر بيها و گال بجديه
رسيم:اسمي رسيم مو رسوم اعرفي شلون تحجين
وياي هاي ثاني مره احذرج هدى
حط ايده على راسي و صار يمسح على شعري بهدوء
و اردف بحنيه
رسيم:ماكدر اعوفها وحدها و هيَ محتاجتني
هدى:وين رايحين احنه يا عيوني خليها ترتاح وحدها شوفها نايمه اذا كعدت عود تعال يمها
سكتت شوي و گالت
هدى:حالتها كلش تعبانه لان باقيه فتره كلش طويله بلا اكل او شرب لذلك جسمها محتاج راحه و تغذيه زينه
رسيم:امشي يلا
وخر ايده عن راسي و راح وياها فتحت عيوني و احس ناار صارت بگلبي، تعبت اريد اهلي
شفتهم واگفين يم باب الغرفه رسيم لازم تلفونه و هيَ اكلته
اكل بعيونها
تقربت عليه بكل جرئه و باسته من خده
دفعها عنه و عاط بيها
رسيم:وتالي وياججج؟ لتخليني اشوف غيرج
كم مره متحذرج متسوين هالسوالف تعرفين كلش زين انقرف
هدى:و هاي الجوه مو بنيه يعني ؟ شو تلمسها عادي !
همَّ يحجون بصوت ناصي مبين عليهم ثنينهم منفعلين
بس لان يم الباب ف اسمعهم بوضوح
متوجعه كلش و راسي يريد ينفجر صرت اون بصوت مسموع غمضت عيوني وكلت
رواسي:راسيي راح ينفجر فدوه اريد مسكن
دفعها و دخل للغرفه يباوعلي بخوف
رسيم:شبيج بابا شنو يوجعج
هدى:شو وخر خلي اشوفها
رسيم:المغذي خلص تكدرين تشيلي و تروحين مابقه عندي شي وياج
رواسي:دايخه كلش ساعدني اكوم
اريد اسبح احس ريحتي مطيبه
هوَ ابد ميريد حجه حتى يتقرب مني
قرب نفسه عليه و سحب نفس بقوه
و گال بخدر
رسيم:الله شلون ريحه تخبل
نطت من يمها و گالت
هدى:وخر خلي اني اخذها للحمام اساعدها تسبح
رسيم:هدى خلي واحد من الولد البره يوصلج بعد ما احتاجج تعبتج
صارت تدردم بصوت ناصي
وطلعت من الغرفه تقرب هوَ عليه و لزم ايدي و گال
رسيم:گومي اساعدج ترحين للحمام
رواسي:لا ماريد بس اريد فد شي يسكن وجع راسي
رسيم:مو قبل شوي طلبتي مني اساعدج تردين تسبحين ؟
رواسي:و ليكون صدكت حضرتك!
باوعلي ب استغراب بعدين صار يضحك
و گال
رسيم:هاا روسيه نكدر نگول غيره هاي؟
ماعرف منين اجتني الجرئه و حجيت
رواسي:رسيم اني احبك...
يتبع...
- يتبع الفصل التالي اضغط على (رواية رواسي الدهر) اسم الرواية