رواية ذنوب على قيد الغفران الفصل التاسع و العشرون 29 - بقلم براء
ذنوب على قيد الغفران
#ذنوب_على_قيد_الغفران
#البارت_التاسع_والعشرون
مرتضى : تقربت شلونج غنى
غنى : باوعت لفهد الي انكلب وجهه اول ما شافني ... رديت على مرتضى مجبوره ما اريد افشله كدامهم ... الحمدلله
مرتضى : ابتسمت سمعت بيج من فتره مريضه شلون صرتي
غنى : احم زينه ... باوعت لفهد يربي هذا شبي يخزر
محسن : اكلكم هي هاي صاحبه مرتضى مو
مرتضى : اي دشوفها شلون حلوه تكل للكمر كوم اني بمكانك
محسن : لك هاي تضوي ضوي ياكمر يابطيخ وين لكيتها ولك
مرتضى : بعد لكيتها ولاني محظوظ اكيد شايفها من تلزم ايدي وهي ترفه شيصير بيه اسيح والله
فهد : كور ايده بقوه لحد مابين بياضها
محسن : اكول خير حجيه شعدج جامعه البنات
ياسمين : ردت اخيطلي جم حاجه وشرايجي طلعلي صفح يردن مثلي شسويلهن يعني خابرنه نونه تجي تشوف شنريد
مرتضى : هاي حتى انتي تصيحيلها نونه تدرين حجيه كل القسم يصيح لغنى نونه
غنى : فتحت عيوني عززه شكد جذاب
فهد : اعتقد ماكو داعي تضلون واكفين هنا وتحشرون نفسكم بنص النسوان خلي نطلع احسن
اروى : عفيه فهد قبل لا تطلع فدوه اخذ غنى لبيتهم حتى تاخذ المكينه وياها لبيت خالتها عليمن تضل جايه لهنا كل ساعه
فهد : باوعتلها يله
مروه : خو خلي مرتضى يروح وياها فهد عنده طلعه ويه الولد
شهد : كرصتها لان حجت بنتره
غنى : كمت ماكو داعي اني اروح وحدي عن اذنكم
فهد : اوكفي اني ماعندي شي
مرتضى : كمت لا اني اوصلها لان عندي طلعه اوديها واروح
فهد : بعصبيه كلت انييييي اوديييها انت اكعدد واسكت
غنى : اباوع للكل ضل يباوع لفهد حتى اني انصدمت من ردة فعله
فهد : يله
غنى : قبل لا اطلع طلعت المفتاح من الجنطه لان قبل فتره جابه فهد من خالتي بس ماقبل اروح اكعد بالبيت لان يخاف لتروح خالتي تبلغ عمامي وشو شيسون وهمه اصلا مو امان .... طلعنه اباوعله يمشي ويدخن احم فهد شبيك
فهد : بحده صوتج ما اريد اسمعه
غنى : الطريق كله هو ينافخ وكالب وجهه وكل ساعه يدور وجهه يخزرني ويكمل ... وصلنه للبيت وكفت افتح الباب المفتاح شكل ويه حظي يمعود افتح ماكو
فهد : جريت المفتاح منها فتحت الباب ودفعتها طبييي
غنى : دخلت للطرمه هاي وين جاي روح
فهد : سديت الباب وجريتها من ايدها تعاي عدي حجايه وياج
غنى : اباوعله فتح باب البيت الداخلي من جوه ودخلنه ... ااوي فهد شبيك ايدي انخلعت
فهد : دفعتها على الحايط .... بعصبيه شلون تطلعين من البيت بدون متكليلي شنووو طرطور عندج انيييي
غنى : بارتباك مو
فهد : مو ووجعو التوجعج اني شكايلج مو كايل خطوه متخطين بره البيت بدون علمييي غبيه انتييي وبعددين منو سمحلج ترجعين تخيطين انييييي مقصر وياج بشييي
غنى : لا ممقصر بس اني اريد اعتمد على روحي الى متى تضل تصرف عليه وبعدين انت ما من حقك تحاسبني على الطبه والطلعه تره اني حره نفسي وانت مالك حق تدخل بحياتي
فهد : لزمت فكها بقوه سمعي ولج مو بمعناها اني وياج زواجنه بس بالاسم تلعبين بكيفج فتحي عينج واذنج انتي مرتي ومسوؤله مني هاي حقيقه قبلتي بيها ماقبلتي بيها يطبج مرض اقسم وعزه جلاله الله يا غنى احبسج بالبيت وحتى الشارع ما اخليج تشوفي والله واني حلفي براسيييي
غنى : دفعت ايده بس ماكو حايط واكف كدامي ... هسه شبيك مردت وجهي مرد اني احاسبك على طلعاتك وجياتك لو روحاتك للملاهي اشو منجبه وساكته يايوم كتلك لتروح ولتجي فكافي تدخل بيه رجاءا
فهد : وانتي تقارنين روحج بيه يعني هسه لو انزع واطلع عريان تسوين مثل سوايتي اني طايح حظي انتي لتصيرين مثلي ضغطت على ايدها وبعدين انتي مو متدينه وتعرفين الله متعرفين شنو عقوبه المره الي متطيع رجلها تعرفين لو لاااا
غنى : خليت ايدي على حلكه اسكت كافي فضحتنه ماكو واحد مادره بيك هنا .... كافي حباب
فهد : دفعت ايدها .... سمعي ولج اني راح افوت هالسالفه اليوم بمزاجي والمكينه راح اخذها هسه واطلع اخليها بسيارتي وانتي تقفلين البيت وتجين ورايه وبالنسبه لكلامج ويه مرتضى نتحاسب عليه من نوصل للشقه
غنى : روح وحدك اني مااروح
فهد : تجين لو اطلعج منا سحل تعاي بكرامتج احسن الج تره اعصابي تلفانه لتخليني انكلب طنطل عليج ... اباوعلها ضلت واكفه صحت ييييييييييله
غنى : تنهدت وطلعت شويه واجه شايل المكينه
فهد : تعاي اخذي السويج وفتحي السياره
غنى : وين السويج
فهد : بجيب البجامه
غنى : صفنت ... هاا
فهد : تره كتلج مدي ايدج خليها بجيبي مو ب.. استغفر الله تطلعين الواحد من طوره انتي
غنى : مديت ايدي بجيبه طلعت السويج فتحت السياره راح خله المكينه بالجنطه واجه فتح الباب
فهد : شبيج واكفه جنج شرطي صعدي
غنى : صعدت وسديت الباب حيل
فهد : تره السياره غاليه على كيفج وياها
غنى : باوعتله شكد ماهو عصبي وصاير بارود شكد ما مستفز وياخذ كولشي بأستهزاء باوعت للسياره جانت جكساره ومبينه موديل حديث كلبت عيوني حتى سيارته عاليه مثل خشمه .... حرك السياره وبده يدردم
فهد : يحجي ويه روحه ... حضرت جنابها تطلع
وتطب بكيفها ولا عبالك اكو كو... مسوؤل عنها لا و تدكلي حنج ويه الولد نسوان متصيرلجن جاره تموتن على الزلم
غنى : صحت فهد عيب هالحجي
فهد : قزرقط صوتج ما اسمعه .... باوعتلها وبعدين حضرتج عندج عرس شهالبس هذا
غنى : انوب اجيت على لبسي شلابسه قابل شبيك انت
فهد : لابستلي بنطرون بوري وفخذج مبين قالبه ذاك وينه المن لعد لابسه صايه وهي مفتوحه من الفخذ لو هو استعراض
غنى : شنو استعراض هذا موديلها شسوي يعني
فهد : ذبيها والله ياغنى اذا شفتج بعد لابستها اشكها واشكج انتي قبلها
غنى : خليت ايدي على حلكي عززه هذا كام يروح رون سايد
فهد : هااا شو سكتي شنو استحت نصره
غنى : منو هاي نصره انوب
فهد : ما عليج انتي
غنى : اجيت اجاوبه ودك موبايلي برقم غريب
فهد : منو متجاوبين
غنى : رقم غريب
فهد : جاوبي ... شو دجيبي فتحته
مرتضى : غنى رجاءاً لتسدي خليني افهمج ماعولت اليوم اشوفج ومن سلمتي عليه حسيتج نسيتي الي صار حبابه غنى انطيني فرصه خلي نبدي من الصفر واللع اني مستع.....
فهد : غلقته بوجهه بسرعه وشمرته عليها بدون مااحجي بس احس دخان كام يطلع من اذاني
غنى : ضل الطريق كله يغلط ويفشر بينه وبين نفسه ... وصلنه للعماره نزل المكينه وصعدنه فتحت الشقه ودخلنه
فهد : بحده وين اوديها
غنى : لغرفتي
فهد : خليتها بغرفتها وطلعت كعدت بالصاله
غنى : فتحت شالي ونزعت الصايه اباوع لايده من العصبيه عروكها طافره واحسها حطك ... فهد
فهد : باوعتلها بخزره حضرت جنابها بارده ولا كأن مسويه شي
غنى : كعدت كدامه اكدر اعرف عليمن خبصت الدنيا طلعه وطلعت شنو الداعي لهالعركه
فهد : انتي طالعه من البيت بدون علم رجلج لا وهم وافقتي ترجعين تشتغلين بدون متكليلي وكعدتي تدكين سوالف ويه مرتضى الي حجه عليج حجي ابن الكح... ميحجي لا وانتي رديتي عليه بكل صلافه من سلم ولا كأن واني كايلج لبسي شنو رجل كرسي اني عوزي بس اشد كرون واكعدلج بالباب
غنى : فهد شبيك شجاك هاي مو اول مره اطلع من البيت وكل مره ابلغك بس هالمره نسيت شصار يعني انكلبت الدنيا
فهد : انتي ليش ماخذه الموضوع بهالسهوله ... كمت وكفت كبالها كومتها ... اني شصير منج
غنى : شتصير
فهد : غنى ان قبلنه او لا احنه متزوجين وزواجنه حقيقي مو مؤقت حتى اني ما اهتم احنه عاقدين سيد يعني امام الله انتي مرتي وحلالي لو اخذج هسه وتحبلين ابنه شرعا يصير ابن حلال .... فمادام العلاقه الي بينه علاقه رجال ومرته حتى وان كانت بدون تقارب جسدي هالشي يحتم عليج ترجعيلي بكل خطوه تخطيها فتهمتي
غنى : فهد تره اني مدافهك قبل اشهر جنت تكول زواجنه مجرد حجي لا اني اتدخل بحياتك ولا انت تدخل بحياتي شنو الي تغير هسه ومن شوكت صرت تهتم انت
فهد : قبل شي وهسه شي ثاني
غنى : شلون يعني
فهد : لزمت خصله من شعرها مااعرف بس كل الاعرفه انتي هسه مسوؤله مني وممنوع عليج حتى ترمشين بدون اذني سمعيني ياغنى وخلي كلامي حلقه بأذنج اني ويه كل الناس شكل ووياج شكل ثاني تماما لتخليني اتعامل وياج مثل ما اتعامل ويه الناس صدكيني ياغنى اذا سويتي شي اني ماقابل بي اسوي بيج سوايه بحياتج ما شايفه مثلها والله اكرهح بالساعه الي عصيتي بيها اوامري خلينه اصدقاء واخوه احسن الج والي
غنى : نملت عيوني دموع بس مبجيت ... انت شنو تهددني
فهد : نزلت اصابعي من شعرها لركبتها اني مو فارغ حتى اهدد اني جاي ابلغ والقرار الج تردين فهد الحباب لو ابليس فرع بيت سالم الاختيار اختيارج
غنى : واذا اكلك اني فهد كله على بعضه مااريده
فهد : ابتسمت ولا هو يريدج بس مادام انتي مسجله بأسمه مجبور يتحملج لبين ماترجع خالتج وكلشي ينتهي واخلص منج وعود من نتطلك شتردين تسوين سوي عسى ما تطلعين مصلخه ميخصني بس مادام انتي هسه اسمج مرتبط بأسمي تاكلين تبن وتنفذين كل الي اكوله
غنى : مااعرف شلون فقدت اعصابي عن اي زواج تحجي انت تره احنه زواجنه ورقه وبس يايوم بله صرنه متزوجين اشو انت مكضي حياتك بالملاهي والنسوان ولا تسأل ولا بحالي الوو محتاجه شي كتلك اي اجيت كتلك لا درت وجهك ورحت يايوم انت اهتميت الي متجيني غير بس وقت الي تختنك ومتعرف وين تروح والمفروض اني انجب واعوفك الي تسوي الي تريده وبالمقابل اني ميحقلي اسوي اي شي بدون ما ارجعلك هاي عداله برأيك اكيد لا فعن اي زواج دتحجي انت وين الزواج بالموضوع راويني يله اكو شي يدل على انو احنه متزوجين يافهد الي احنه بي اسمه بطيخ مو زواج
فهد : رفعت حاجبي يعني تردين زواجنه يصير فعلي صدك جذب طلبج سهل ومكدورله جريتها من التشيرت ومديت ايدي رافعه مطلع جسمها
غنى : دفعت ايده بسرعه وجسمي يرجف ... حجيت بدموع وصوت عالي مهضموم يعني من كل كلامي هذا الي فهمته يافهد موصلك اي شي غير هالشغله القذره هاي مفهمت شنو الي قصدته رحت كبل على موضوع اني اصلا ماافكر بي وحتى لو افكر بي والله يافهد لو تبقه بس انت بالدنيا مااخليك تتقربلي عفته ودخلت لغرفتي ودموعي تنزل واحد حقير عباله اني مثل النسوان الي عنده واحد معنده مشاعر ولا اصلا عنده احساس شخص متهمه غير شهواته وبس واني الغبيه الي مسويته شي جبير بحياتي سمعت باب البيت ينسد بقوه روح روحه بلا رجعه
________________________
فهد : وصلت لبيت جدي لكيت مرتضى كاعد بالحديقه رحت ضربته بوكس ونمت فوكه ... اني شكتلك ابن الكلب مو كتلك عوفهااا بحالهاااا ماللللك علاقه بيهااااااا متوبببب انت
مرتضى : منو هي
فهد : ضربته على وجهه علساس متعرف لك كو... ابن الكو.... مو كلت تبن وياك وكتلكككك اعتقهاا ومالك شغل بيهااا ليشش تخابرهااا ميفيد الحجيييي وياك كتلك غنننننننى متخصك عوفها ولتدنالهاااا بعد ضربته بوكس متفهم لك م.... من وراك سويت سوايه طايحظهاااا اليوم من ورااااك طلعت من دينيييي من ورااااك ياكلبببب
اروى : متجمعين كلنه جاي نشرب جاي وسمعنه صوت صياح فهد طلعو الكل يركضون لمصدر الصوت اباوع لفهد نايم فوك مرتضى وطاحله بوكسات ركضو عمامي و الولد يجرو
حارث : ولك فهددد شبيك تخبلللللت
نسرين : ولكم ابني ولك ابن ايمااااان عوووف ابني الله لايرضى عليك
فهد : خنكته اقسم بالله اذا شفتك تلحك خيالهااااا يا مرتتتضى اطلع بروحك ومااهتم لاكبر واحد فتهمتتتتت
عباس : جرينه بالكوه عن مرتضى بقوه ولك انت خبل شجاك راد يموت بأيدك مسودن الله خبلك
فهد : وخروووو عني لحد يدناليييي .... اسمع ولك كلامي تخلي ترجيه بأذنج هالمره اكتفيت اسويلك جررره اذن المره الجايه اخليهم ينصبون فاتحتك وحق رب العزه واني كد حجايتي
مهدي : دنكت على مرتضى ولك مسوي وجهه الولد خريطه ليش ولك
فهد : يطبه هرش
عباس : هسسسسه غيررررر نعرفف ليش ضربته مستحيل بدون سبب
فهد : كلت لحد يدخل ... عافهم وطلع متجاهل النظرات الي جانت فاهمه وعارفه كلشي ومتوعده اله
عباس : شيلو شيلو خلي ناخذه للمستشفى
حارث : شلنا وديناا للمستشفى عقم جروحه خرب يومك فهد مورم وجهه خشمه من خده مينعرف اكيد صاير شي فهد ميضرب بدون سبب ابد
______________________
الساعه 2 بعد منتصف الليل
شهد : كاعده يم مروه الي راح تطك وتموت حتى للبيت ماخلتني اروح ... شبيج مروه
مروه : تاكل بأظافرها ... تتوقعين شنو سبب عركه فهد ومرتضى
شهد : مااعرف والله
مروه : اني حسب الي سمعته من العركه فهد يكل لمرتضى فك ياخه عنها منو هي الي فهد يريد مرتضى يعوفها
شهد : يجوز متوهمه قابل فهد ليش يتعارك ويه مرتضى لا وعلى مود وحده
مروه : ما ادري شهد اني خايفه لاتطلع صدك اكو وحده
شهد : تره فهد جبير شجابه على مرتضى ومعقوله اكو وحده بهالزمن يتعاركون عليها الزلم وين صايره هاي
مروه : ليش ماكو اكو وهواي هم ... زين اكلج انتي شفتي فهد شلون عاط بمرتضى من راد يوصل غنى معقوله
شهد : لج وين راح بالج لا يمعوده اصلا فهد يتخبل من غنى ويحجي عليها كف وسف
مروه : منو كلج
شهد : بتول تكول يتخبل منها وبالسانه كال تلعب روحي منها احسها ميته لاشكل ولاجسم
مروه : ابتسمت يعني فهد يكرها
شهد : اي وفوك هذا حبيبه وزوجته مرتضى المستقبليه يعني اكيد مو بس يكرها اله يتخبل منها
مروه : بس تعاي اني سمعت عمتي ماقابله وبصراحه حقها لان هي مو من مستوانه
شهد : عيب هذا الحجي مروه كلنه بشر وكلنه نفس الشي والاخلاق هي الي تميزنه مو فلوسنه اني ماتوقعت هذا تفكيرج اصلا البنيه كلش حبابه وصوتها مينسمع
مروه : ما ادري اشو احس نفسي كرهتها وبدون سبب
شهد : هو انتي لو شفتي فهد عاطس على وحده تكومين تكرهيها مو انوب يوصلها والله انتي فارغه شو ددني خلي انام تفيديني انتي لو فهد اذا طلعت هالات سود جوه عيوني
مروه : نامت شهد واني ضليت اكل بروحي منو هاي الي فهد ضرب مرتضى على حسابها ان شاءالله اطلع غلطانه لو سامعه غلط غير اموت لو طلع فهد يحب وحده غيري
__________________
غنى : صار اسبوعين على اخر مره شفت فهد بيها من يومها بعد انكطع كل تواصل بيناتنه وهذا الافضل التهيت بهالفتره بدراستي مابقه شي للامتحانات غير شهر وبعدها ناخذ عطله ونطبق بعدها وهاي اكثر شغله متحمسه الها .... عكس نرجس الي بس تريد تخلص هالسنه ... سمعت اسم فهد وشلت راسي اباوع لاروى دتسولف لنرجس على فهد
اروى : ولج منعرف شبي صار اسبوعين مدخلنه انذار على اقل حجايه يتعارك مندري شبي وانوب اليوم اجه لامي كلها راح التحق خلاها تدك وتلطم
نرجس : صدك يحجي اخوج مجاي يشوف الشباب دتموت بالموصل شنو بايع روحه هذا
اروى : كناله يكول اذا اني اخاف اروح وغيري يخاف يروح هاهي داعش ياخذ العراق ويعبر لذاك الصوب حاولنه شكد وياا بس هو لا ابالي
نرجس : اوي اروى كلبي وجعني والله العظيم الموصل تخوف اوضاعها وجماله اخوج ضابط وهمه منا يموتون على الضباط اكيد يطلعون بروحه لو لكفو
غنى : بدون وعي صحت نرجس شبيج ليش تفاوليله حرام عليج كولي ان شاءالله يروح ويرجع بالسلامه هاي بعده مراح وسويتن هيج لعد لو يروح شتسون
نرجس : وانتي شبيج انتفضتي دنتناقش وبعدين انتي مو جاي تراجعين للمحاضره خليج بالماده احسلج ... اي اروى كملي شراح يصير بعد
اروى : حسب الي فهمته راح يروح عشر تيام وينزل اسبوع وهكذا
نرجس : وبعدين شيصير
اروى : يضل مستمر بشغله هم والحشد لحد ما نخلص من هالارهاب ونرتاح ويكلك الشباب متحلفين بيهم تحلوفه ويكولون لو كاتل لو مكتول
غنى : سمعتن البارحه شصار بالسبايا الايزيديات خطيه بجيت عليهن
نرجس : اي خطيه امي بندت البارحه بنات بعمر الورده انتهكو اجسامهن وقتلو اهلهن احنه هسه لو واحد تحارش بينه نتخبل مو انوب نتعرض لاعتداء ومنين من اشخاص جهنم قليل بحقهم
اروى : اي والله خطيه يكسرن الكلب
غنى : سديت الكتاب تدرن احس الزمن ديعيد نفسه
نرجس : شلون يعني
غنى : سابقا الكفار غدرو الائمه وقتلوهم واخذو زينب (عليها السلام) وبنات اخوانها ونسوانهم سبايا لسوريا وهسه الارهابيين ديسوون نفس الشي هم قتلوهم غدر الناس غدر واخذو بناتهم سبايا
بتول : وانتي كل عقلج تقارنين زينب عليها السلام بأي بنات
غنى : مو قصدي اقارنها وحشاهه من المقارنه بس اني اكول الزمن ديعيد نفسه الي سوو الكفار سابقا هاي احفادهم ديعيدو همه هم
بتول : يا متدينه ميصير تكولين على اي واحد ناطق الشهاده كافر فتهمتي
غنى : ليش همه ذوله هم يتسمون مسلمين مو بمعناهه احنه ننطق الشهادين هاي بعد خلصت السالفه المن انتي كايله الشهاده وتنهبين وتغتصبين وتقتلين وتفجرين وتخربين وووو كل الاشياء السيئه والمنافيه لدينه تسويها ... تتوقعين ربج هالشهاده حيقبلها يعني والله الاسلام بريئ منهم ومن كل واحد يدمر سمعته واذا احنه ماكادرين نسوي شي فنسلم امرنه للي فوكنه وفوك الكل وهو اكيد يمحيهم بلحظه وحده بس يريدنه نصبر وما بعد الصبر اله الفرج
البنات : ونعم بالله
غنى : رجعت اكمل مراجعه وبالي ضل يم فهد من سمعت بي حيروح للموصل كمت اكل بروحي حسيت كل الحجي الي حجيته بذاك اليوم تبخر ... ياربي رغم هو اذاني بس دخيلك احفظه واحفظ كل ولدنه وانصرهم على الي يردون بأذيتنه
______________________
فهد : تفضل
حيدر : تفضل التقرير سيدي
فهد : اخذته اباوع شنو هذا
حيدر : تقرير اسماء الشباب الي مشاركين بالحشد واعمارهم ومعلومات ثانويه عنهم
فهد : بعصبيه اني شكتلك مو كلت اريدهم حسب الاحرف الابجديه حتى من نولييي يصير النزول بالاسماء ومحد ينظلم انتوووو شنو متفهمون احجيييي هندي انيييي
حيدر : شنو حسب الاحرف الابجديه تدري انت شكد ياخذن وقت همه واحد ثنين صدك تحجي يمعود وزعهم بشكل عشوائي واخلص
فهد : ضربت على المكتب اني كلت اريد كلشي يمشي بشكل نظاميي مااريد تخربط احنه مارايحيييين نلعب هنااااك فتهمت رايحين للموت واغلبنه عدنه عوائل ونريد نشوفهم واذا خلينه الاسماء بشكل عشوائي راح يعترضون بحجه ليش اني بالاخير وفلان بالبدايه وليش وليش،فكتلك خليهن بالابجديه حتى محد يفتح حلكه بس انتووو ماكو الله شايل عقولكم وحاط بدالها باتري خربان .... تفضل التقرير ترجع تسوي بالترتيب وتجيبه الي باجر
حيدر : شنو باجر وين الحك
فهد : عود اشتغل عليه بالبيت ولتناقش تفضل روح كمل شغلك اني مافارغ اتناقش
حيدر : بس
فهد : حيدر اني شكلت
حيدر : هزيت راسي وطلعت ... اااخ والله زمن الي خلاك تصير اعلى مني وتنطيني اوامر
فهد : رجعت جسمي على الكرسي وغمضت عيوني احس اعصابي تلفت وروحي لعبانه صار اسبوعين متعارك ويه غنى والصوج مني هالمره لان تجاوزت حدودي وياها كلبي يكلي كافي تكابر كوم روحلها انت متكدر بدونها هاي اقرب شخص الك ويرد عقلي ابن المطي يكلي هي الغلطانه من طلعت بدون متكلي وتصرفت عبالك اني ماموجود بحياتها اضافه لكلام مرتضى الي شعل نار لسه تاكل بيه ... وهاي صار اسبوعين بصراع دامي بين عقلي وكلبي والي لاول مره يختلفون بشي جنت سابقا دائما اكو توافق فضيع بين عقلي لو ردت شي يتفق الاثنين عليه بس هسه لا اختلفو وبسبب غنى المشكله اني صارلي ١٥ يوم مااعرف شبيها مابيها جاي تاخذ دواهه لا تنهدت شلون بيه بعد فتره راح التحق ومااكدر اروح واني مزعلها
______________________
ساره : وخري شويه آلاء اريد اغسل
آلاء : عميه متشوفين جاي ابزل التمن وخري من وجهي وروحي غسلي بالمغسله اربعه بالييت مو وحده
ساره : افف شكد مكروهه انتي مدري شلون فيصل قبل بيج
آلاء : امشي ولي لا احركج هسه كح....
ساره : طلعت من المطبخ غسلت واجيت كعدت اباوع لام فهد وسعاد عفيه شلون وحده تكره الثانيه وكاعدات سوه .... خاله حبابه اريد اروح للدكتوره اشوف شنو جنس الطفل
سعاد : اكلج بهالفتره حامض لو حلو
ساره : لا حامض
سعاد : بيج بنيه كعدي وانجبي مالنه خلك المصاريف
ساره : شنو انتي دكتوره واني مااعرف كتلج اريد اروح للدكتوره اذا انتي مامهتمه لحفيدج ميخصني بيج اني طفلي رقم واحد
سعاد : هو لوما حفيدي قابل ابقيج هنا جان من زمان ركعتج ميت جلاق وطردتج
ساره : علساس هو بيتج تره انتي هنا حالج من حالي مجرد مقيمه ومالج ولا قشايه بالبيت
ايمان : استغفر الله بنتي اني العصر اخذج بس استكي ولتسويلنه مشكله تره مالنه خلك والله
اروى : دخلت اني وورده سوه السلام عليكم ... تقدمت بست امي اني وياها
ايمان : بوستهن هله بعد كلبي شلونجن بالدوام
البنات : الحمدلله
ايمان : طلعت المفاتيح من جيب الدشداشه هاجن هاي مفاتيح غرفجن روحن بدلن وصلن علما يجون اخوتجن ونتغده
: حاضر
سعاد : ليش قافله غرفهن
ايمان : والله البيت مو امان واني اخاف على بناتي ليروح يصير بيهن شي
سعاد : شنو قصدج
ايمان : الحليم تكفيه الاشاره يا ام فيصل
_____________________
غنى : دخلت للشقه ذبيت غراضي ورحت اطلع ملابس من الكنتور شفت الجفيه مال فهد شلتها خليتها على الجربايه بدلت وصليت واجيت خليتها على خشمي اخذت نفس بكل قوتي وغمصت عيوني للحظه حسيت فهد كبالي وداشم عطره فتحت عيوني خليتها على جهه ورحت نمت حتى غده متغديت .... كعدت العصر كمت اخيط حتى اكمل طلبيه البنات حرفيا المكينه اجت بوقتها لو ما هي جان متت من الضوجه وصار عندي اكتئاب ضليت مستمره اخيط لليل ماحسيت على روحي اله لمن صارت الدنيا ضلمه اباوع الساعه بثمانيه كمت توضيت وكعدت اصلي واقره قران اليوم ختمته كلها هديت الختمه لبيبي ومروان وحبدي اسوي وحده ثانيه لبابا وماما ابتسمت ودموعي نزلت رمضان هذا راح اكضي بدونهم ومراح اكعد اصبر مروان حتى يكمل صيامه اوووف شكد مشتاقتلكم ياريت لو يصير التقي بيكم ولو ساعه بس ابوسكم واشم عطركم ومااريد شي ثاني مسحت دموعي وكمت حتى اقره تقريبا روتين هذا ومااعتقد حيتغير .... ضليت كاعده لل3 الفجر ادرس باب الشقه انفتح كمت بسرعه معقوله فهد اجه ... طلعت للصاله شفته كبالي باوعتله ودرت وجهي اريد اروح لزم ايدي
فهد : بهدوء لحظه
غنى : درت وجهي عليه وكفت اباوعله احس كلبي كام يدك بسرعه واني اشوفه كبالي .... ضلينه واكفين والهدوء سيد المكان شويه ومااحس غير فهد يذب روحه عليه .... لزمته بسررعه فهد شبيك
******
يتبع
- يتبع الفصل التالي اضغط على (ذنوب على قيد الغفران) اسم الرواية