رواية ذنوب على قيد الغفران الفصل الثامن و العشرون 28 - بقلم براء

ذنوب على قيد الغفران

                                        

                                              

#ذنوب_على_قيد_الغفران 

#البارت_الثامن_والعشرون 

غنى : وكفت اعامل عليها داكلب بباقي الموديلات وحسيت بأيد على متني درت وجهي 

فرح : مرحبا 

غنى : باوعتلها هاي وين شايفتها ... مراحب تفضلي ؟ 

فرح : ممكن نحجي شويه 

غنى : ستحيت اخجلها ... تفضلي اسمعج 

فرح : عادي نبتعد شويه عن المحل 

غنى : طلعت من المحل ووكفت وياها على جهه 

فرح : بالبدايه احب اعرفج بنفسي اني فرح انتي شنو اسمج

غنى : لا صغرتاً بيج بس اني ما اعرفج حتى اكلج اسمي  

فرح : اذا تذكرين اني التقيت بيج بالمول قبل فتره مو طويله 

غنى : صفنت عليها اي صحيح هاي الي شفتها بالمول وتعاركنه بيومها اني وفهد من وراها .... احم عفوا لا ما اتذكرج 

فرح : ركزي ويايه بالمنصور من جنتي جايه انتي واخوج 

غنى : اخويه ؟ 

فرح : انتي مو اخت فهد 

غنى : باستنكار اخته ! وانتي منين تعرفين فهد  

فرح : موضوع طويل ... خلينه بالمهم اكلج حبيبتي انتي وين ساكنه اقصد بيتكم بأي منطقه 

غنى : لارد.

فرح : باوعتلها ليش ساكته 

غنى : ممكن اعرف ليش هالاسئله اني ما اعرفج ولا اكو اي صله بيناتنه ما احب اكون فضه وياج بس اسألتج مو منطقيه 

فرح : طلعت ورقه وقلم من جنطتي كتبت رقمي ... تفضلي اتصلي عليه اليوم واني افهمج على كلشي صدكي اني محتاجه مساعدتج الشغله شغله حياة او موت 

غنى : عقلي طار هاي شبيها 

فرح : واتمنى فهد ميدري انو احنه التقينه خليت الورقه بأيدها يله باي 

غنى : باوعت للرقم وخليته بالجنطه اشتريت العبايه وطلعت اخذت تكسي ورجعت للعماره وصلت للبيت ذبيت الغراض وكعدت طلعت الرقم اباوع شتريد مني هاي ... تنهدت طبعا عرفت الها صله بفهد بس شنو نوع العلاقه الي بيناتهم مااعرف معقوله حبيبته لا شنو حبيبته هاي جبيره يعني مبينه بكد فهد ... رجعت الورقه واخذت موبايلي دزيت رساله لفهد "اذا صارلك مجال تعال باجر " جاوبني

فهد : "خو ما صاير شي "

غنى : "من تجي نتفاهم " دزيتها وغلقت الجهاز تمددت على القنفه وبدت الافكار السخيفه تراودني وكمت احلل من كيفي ... يعني معقوله فهد هيج ذوقه خزي البنيه رغم جانت حلوه وجدا هم بس جبيره ولبسها وطريقه كلامها غريبه يعني استغربت من شفتها حسيتها غريبه اطوار واخاف اتصل عليها وتصيرلي مشكله واني ما عايزه 

 

____________________ 

سعاد : تعاي بتول 

بتول : هاا خاله 

سعاد : اريد انزل فهد موجود لو لا 

بتول : اي خاله موجود كاعد بالصاله 

سعاد : تنهدت شلون هسه اني اختنكت من الغرفه اريد اشم هوه 

بتول : خاله اذا تردين نروح باجر لبيت جدي نشوفهم وانتي هم تغيرين جو 

سعاد : شنو شايفتني خبله اعوف البيت واروح حتى يخلالهم الجو لا وجنايني الساقطات ولا كأن اني عمتهن تلاثتهن صافات ويه ايمان يربج حتى آلاء الي جنت اكول هاي خوش ادميه هم انجلبت 

بتول : ليش هو يايوم العمه والجنه تصافن وبعدين انتي جنتي مشيتهن على الصراط المستقيم اكيد من شافنج صرتي بهالموقف كيفن 

سعاد : دخلي تهدئ الاوضاع واعرف شلون اتصرف وياهن كله من هاي ساس البله ساره 

بتول : يربي شكد اكره هالساره احسها مسمومه وفكريه 

سعاد : واحساسج مو غلط هي فعلا هيج 

بتول : هزيت راسي ونزلت لكيتهم متجمعين فهد كاعد يشرب جاي وكل ساعه يصيح بالجهال 

فهد : منذر سكت ابنك راح اشيله اركعه بالكاع 

منذر : كافي بابا اكعد 

سالم : بابا اليد العب 

فهد : ابن المسلوك صارلك ساعه تزاكط صرعت راسي شكد تلغث عليمن طالع انت 

سالم : ببراءه بيبي سيحي بامو فدد يسيح عليه 

ايمان : ضربته بالشقه ليش تصيح على حبيبي هاا كلشي ولا سالم 

اروى : شلته يمه اروح فدوه لهالوجه عمو فهد ضوجك يروح عمتك ... خلي يروح بعد منحبه 

سالم : اي ما احبه 

فهد : خزرته تعال ولك اجه يمشي جنه فقمه .... باوعتله متحبني انت 

سالم : بخوف لا لا احبك 

فهد : امشي روح اكعد واذا اسمع صوتك اشيلك فلقه يله 

سالم : راح كعد على القنفه وخنس 

اروى : اباوعله صعد على القنفه كعد وضم اديه بمعنى صرت عاقل ...كل شويه يشيل راسه يباوع لفهد ويدنك يضحك هههه والله سوالفه تموت ضحك سالم عمره اربع سنوات بس سينما والدخول بلاش يموت ضحك سوالفه تونس بس يخاف من فهد خوفه الحيه 

بتول : فهد حباب مابينه حيل نسوي عشه خلي نطلع نجيب من المطعم ونجي 

فهد : بهدوء عندج موبايل وخابري المطعم الي تردي وطلبي الي تردي يجيبو الج ماكو داعي تسفسفن من مكان لمكان كل ساعه 

ساره : هذا شبي متحمل على الكل كل شويه مفشله واحد 

انغام : سكتي ليسمعج وانوب يجي سراج ويفشلج انتي هم 

        

          

                

_____________________

فرح : ولج جاي اكلج شفت اخته بالسوك 

: ولج بس لا حاجيتيها 

فرح : اي حاجيتها وانطيتها رقمي هم وكتلها خابريني اريد احجي وياها 

: عزه العزاج وصخم راسج ولج شلون تسوين هيج تدرين اذا عرف فهد راح يطلع بروحج 

فرح : الهام تره اني مليت راح يصير سنه اني متزوجه فهد متعه ولليوم ما اعترف بيه كزوجه ولا سوه زواجنه دائمي وماكو حل يخلي فهد كدام الامر الواقع ويخلي ينجبر يعلن زواجنه غير علم اهله 

: انتي صدك تحجين لج بابا هذا واحد ماكو تكه يوديج للشط ويرجعج عطشانه خبله انتي يعني عبالج اذا عرفت اخته وكلت لاهله راح يتغير شي مو بعيده بدال مايعلن زواجكم يطلكج ويخلص من حجي اهله 

فرح : اكلج لتخوفيني شنو يطلكني ... اني تفاهمت ويه اخته وكتلها خابريني بس لتكلين لفهد ومن تخابرني اشرحلها الموضوع واطلب منها تكل لاهله بدون متدخلني يعني اللوم كله يصير عليه واني ما الي علم كاعده وساكته لا من شاف ولا من دره 

: ومنو كال اخته ماراح تكله 

فرح : لا اخته مبينه حبابه كلش ما اعتقد تكله بس لو تخابرني اني اعرف شلون اقنعها 

: والله انتي صايره تخوفين 

فرح : ليش الي تعاشر فهد شتتعلم غير الدهاء والذكاء 

: شمعاشره فرح هي ساعتين تلاثه يجي بيهن يمج يشبع ويتونس ويطلع حتى بيتوته ميبات وياج ياعشره هاي وبعدين تتوقعين حتى لو اهله يدرون معقوله يقبلون ابنهم يتزوج وحده مطلكه وعدها ولد لا ومتزوجه متعه 

فرح : يعني لازم تسميني لتخافين هالتفاصيل ماراح اتطرق الها 

: يعني ماراح تكولين عندج ولد 

فرح : تنهدت لا طبعا وشعندي كايله 

:  فرح تره هذا ابنج حرام عليج صارلج اشهر طويله كاطفته عد ابو وما كلفتي نفسج حتى تسألين عليه 

فرح : شسويله يعني اذبح روحي ذاك وياا كلشي مابي وبعدين اني الى متى اضل عايشه لأجل غيري خلي افكر بنفسي شويه 

: بس هذا ابنج 

فرح : واني ماقصرت وياا ربيته وتعبت عليه وضيعت نص عمري على حسابه وهو هسه جبير ويكدر يعتمد على نفسه كافي خلي اباوع لروحي واعوض السنوات الي طافت من عمري واتونس واعيش حالي حال النسوان واحقق كل رغباتي وحقوقي الي انحرمت منها بسبب طليقي الكلب 

: تره ابنج عمره عشر سنوات يعني مو جبير 

فرح : هسه عوفج من ابني خلي عد ابو وحسب الي سمعته مرت ابو مداريته وتحبه يعني وجودي ماله داعي بحياته المهم عندي هسه فهد وبس اريد اثبت زواجي منه واعيش وياا واجيب اطفال منه يعوضوني عن غلطه عمري الي نتج بيها طفل لا اني اريده ولا اكدر اتقبله 

        

          

                

: ما اكول غير الله يهديج الناس تتمنى اظفر طفل وانتي ترفسين النعمه متبطره 

___________________ 

غنى : رجعت من الجامعه نمت وكعدت العصر سويت حمله تنظيف حيجي رجب واني هالاشهر التلاثه رجب وشعبان ورمضان احس اجوائهن تختلف عن باقي الاشهر .... رفعت شعري كبايه عاليه وشديته بشريط مال شعر حتى ميضوجني رفعت ستريجي وبديت انظف شلت البردات غسلتهن وبديت اكنس وامسح البيت ... صعدت على الكرسي امسح الشبابيك 

فهد : دخلت للشقه لكيتها واكفه على الكرسي تمسح ... ضحكت على منظرها هي ضعيفه وناعمه كلش تحسها طفله ... الله يساعدهم 

غنى : درت وجهي عليه ... ابتسمت هاي شوكت اجيت 

فهد : هسه اجيت بس انتي ملتهيه بالتنظيف وماحسيتي عليه ... خير شعندج 

غنى : دانظف البيت بما انو حيجي رجب وهالاشهر فضيله واحب اسويلها طقوس خاصه 

فهد : والله عدج سوالف 

غنى : معليك بيه تعال اكعد ... رحت غسلت واجيت انطيته كلاص مي مبين عليه تعبان 

فهد : اباوعلها عيونها مصوبه للكاع .... على شنو تباوعين 

غنى : والله اجيت ابجي شنو هاي فهد ليش طاب بحذائك هستوني كنست الصاله ومسحتها شوف شسويت 

فهد : تره حذائي نظيفه 

غنى : كعدت و مسحت على وجهي اووف منك 

فهد : ما كتيلي ليش البارحه طلبتي مني اجي 

غنى : تنهدت وكمت فتحت جنطتي وانطيته الورقه 

فهد : باوعت شنو هذا ؟ 

غنى : رقم فرح 

فهد : فتحت عيوني وانتي منين تعرفيها وشجابلج رقمها 

غنى : من رحت للسوك اجتني وحده وعرفتني عن نفسها وكالت اسمها فرح وتريد تعرف اسمي وسألتني بعض الاسئله منها انو اني اكون اختك مدري منين جايبه هالمعلومه وبالتالي انطتني رقمها واصرت اتصل عليها ضروري .... واني محبيت اخطي هيج خطوه بدون ما اكلك 

فهد : شسالتج بله 

غنى : سألتني على مكان سكني وما كتلها ... اباوع لوجهه انكلب وبينت دمارات ركبته 

فهد : كمت 

غنى : لزمت ايده وين فهد 

فهد : مسحت على شعرها راجعلج ما اتأخر اخذت سويجي وطلعت ... بسيطه يافرح عبالج تمشيهن عليه ذني وصلت بعد فتره صفيت السياره ونزلت دكيت الباب فتحتها 

فرح : هلو حبيبي شلون...

فهد : قاطعتها جريتها من شعرها وطببتها جوه 

فرح : اااخ فهد شبيك 

فهد : وين جنتي البارحه 

فرح : هاا 

        

          

                

فهد : بعصبيه ويننننننن جنتييييي 

فرح : رحت للسوك 

فهد : شديت على شعرها من شفتي اختييييي هنااااك ليششششش ترحيييين تحاجيهاااا اني شكايييييلج مو كتلللللج بحياتيييي الخاصه والعائليه لتدخليييين لا ورايحه مطيتها رقمججج حتى تحجين وياهاااا عبالج ما الكفج مثلا تدرررين لو مخابرتج اختيييي او لا اني ميشكل فرق عندييي بس مااريد اورجها على هالسوالف وهي بريئه 

فرح : بالم فهد بس اسمعني اااااخ فهد شلعت شعري 

فهد : شوفي ولج ما عاش ولا كان الي يستغبيني ويستغفلني لج تعرفين منو اني زلم مشوربه متكدر توكف بوجهي تجين انتي اداة متعه تلعبين عليه 

فرح : بدموع فهد والله من حبي الك سويت هيج ردت

اتعرف على اختك واتقرب منها لا اكثر ماعندي غير غايه 

فهد : مردت حلكها بأيدي لتجذبين حقيره اني وياج ندري شنو غايتج من هالشي تردين اختي تتعاطف وياج وتروح تكل لاهلي حتى تخليني امام الامر الواقع عبالج اني مثل باقي الزلم واكو واحد يحكمني ولج لا انتي ولا اهلي ولا الدنيا كلها تكدر تلوي ذراعي فتهمت دفعتها اباوع لحلكها طاك دم ... انتي لهنا وطارت ورقتج الرابحه وياي ... روحي انتهى كلشي البيت بعد يومين اجي الكاج عايفته وموليه للزباله الي جنتي عايشه بيها وياويلج تخليني اشوف وجهج بعد فتهمتي

فرح : لزمت رجله لا فهد الله يخليك لتعوفني والله اموت بدونك اني جنت ميته ومن تزوجتك حسيت نفسي حييت والله هالموضوع بعد ما افتحه ولا اتدخل بحياتك بس لتطلكني وتعوفني ابوس رجلك فهد  

فهد : دفعتها برجلي وووخري انتي الي لعبتي بذيلج مو اني وهسه استحقيتي الي سويتي حمدي ربج اختي اجت فاتحتني بالموضوع وما وصلت السالفه لامي جان طلعت بروحج ... عفتها وطلعت واسمع صياحها من جوه يطبها مرض .... اخذت سيارتي وطلعت رجعت للشقه فتحت الباب ودخلت لكيت غنى كاعده تقره قران 

غنى : صدقت وكمت وين رحت فهد تره قلقتني 

فهد : لزمت ايدها كعدتها وكعدت كبالها بالبدايه احجيلي ليش اجيتي كتيلي وما خابرتيها 

غنى : لان الموضوع يخصك ومحبيت ادخل او اخبارها واعرض لنفسي لموقف مو حلو فكلت ابلغك واشوف شتكول 

فهد : باوعت لعيونها تدرين كل مابيه جاي اكتشف انو انتي اعقل وارزن بنيه بهالكون 

غنى : مسحت على ركبتي احم ... مكتلي منو هاي وشلون تعرفك 

فهد : كعدت يمها وخليت راسي على كتفها ... مجرد وحده جنت اتونس وياها وهسه خليتلها حد 

غنى : شلون يعني تشرب وياها ؟ 

فهد : غمضت عيوني اعمق شويه 

غنى : تركصلك يعني ؟ 

فهد : هم اعمق شويه 

        

          

                

غنى : هو اكو اتعس من هيج 

فهد : بعدج صغيره من تكبرين تعرفين مااريد افطنج على هالسوالف خليج بريئه احسن  

غنى : سكتت فهمت قصده ... يعني انت كايللها اني اختك 

فهد : اي ليش عندج مانع 

غنى : اي ليش تنسبني الك 

فهد : اخذت ايدها خليتها على شعري ... تره انتي مسجله بأسمي بكل الاحوال 

غنى : حركت اصابعي على شعره ... فهد متشوف الي دتسوي غلط 

فهد : هذا الغلط اني ما مروجله ولا معلم احد عليه بالاول والتالي الاذيه راجعه عليه مو على غيري 

غنى : سندت راسي على راسه بس الروح الها حق علينه و واجبنه نصونها ونحافظ عليها وانت بأعمالك هاي دتقتل روحك وجسمك هم ... عبالك يعني الله حرب الشرب وهالمعاصي من دون سبب اكيد لا الله حرمها لان الشرب يفقد الانسان عقله ويخلي يتصرف بلا وعي اضافه انو يتلف الكبد والكلب ويمرد الجسم مرد والمعاصي الثانيه تنقل امراض وتطفي النور الي بالوجهه بحيث الانسان يبين قبيح داخليا وينعكس هالشي على الناس فيشوفو قبيح ومخيف 

فهد : كلامج كله صح بس من الصعب تنفيذه 

غنى : اني مستعده اساعدك نكدر نخلق فهد جديد تكدر تقلع عن هالعادات وصدكني اني مؤمنه انو انت تكدر  

فهد : مادام انتي موجوده اكيد اكدر بس حاليا اني ما مفكر التزم من يجي الوقت المناسب الي احس نفسي بي صرت جاهز راح اخطي هالخطوه 

غنى : اسعى ياعبدي واني اعينك ... لازم انت تسعى مو تأجل وتختار بمزاجك شوكت تتغير 

فهد : ربج الهادي ... يله اشتغلي نعسان 

غنى : حركت اصابعي بين خصلات شعره محتروح للبيت 

فهد : نعست مابيه بعد اطلع 

غنى : لا كوم روح هواي دتغيب عن البيت وهالشي غلط وميصير 

فهد : حاضر ماما غنى اكو اوامر ثانيه 

غنى : اي بطل هالبرود الي عندك 

فهد : صار ماما ومواعيد شرب الحليب ما خليتيها الي سجليها بورقه 

غنى : ابتسمت انت ضل استهزئ خلي اشوف تاليتها ويه سوالفك 

فهد : كمت خلي اروح احسن 

غنى : مع السلامه 

فهد : مع السلامه 

غنى : طلع واني رحت مزكت الرقم وذبيته بالزبل عمري وحياتي مجنت فضوليه ولا حكون ... متهمني مدام الشي ميخصني اني معليه رجعت كعدت اكمل الختمه 

___________________ 

فرح : ولج الهام لحكيلي صخام الصخمني ولج فهد طلكني وطردني 

        

          

                

: يااا ولج مو كتلج كعدي وسكتي وعوفج من هالسالفه شفتي روحج وين وصلتي هاي دره بأقل من اربعه وعشرين ساعه وطلكج 

فرح : بدموع ولج نار نار واجه بيه راح اتخبل اخته راحت كلتله ماتوقعت تكله بس طلعت حقيره وراحت خلت السالفه بحلكه ولج ميته قهر ميته فهدددد عافنيي وبعد ميريدني الهام اااااه يمه 

: اهدي هو اكيد هسه بحاله عصبيه وحجاها بدون قصد لتخافين يرجعلج 

فرح : لا ميرجع الهام ميرجع انطاني مهله يومين حتى اعوفله البيت ولج ملخني تملخ لهدرجه طلع مستعر مني ... الهام كلبي يوجعني احس روحي راح تطلع 

: يمعوده لتخوفيني وتخليني اجي حتى رجلي ماهو ويجيبني ... عفيه اهدي وشربي ماي بلكي تهدين وبعدها نتفاهم اني وياج ووعد مني الج فهد يرجعلج وين يلكه مثلج لا اكو بجمالج ولا بدلعج وهذا صاحب مزاج ميعوف وحده مثلج 

فرح : معقوله 

: اي طبعا 

فرح : ابتسمت ... اني ماراح اروح وابقه هنا حتى اتفاهم وياا بس

كون يقبل يحاجيني 

: لا دزيله رساله كليله ماعندي مكان اكعد بي انطيني مهله الكه بيت واطلع وخليج فتره لبين متهدئ الامور ورجعي حاجي 

فرح : مسحت دموعي هيج كولتج 

: اي 

__________________ 

فهد : متمدد بغرفتي ودخلت امي 

ايمان : شبيك يمه اشو اجيت من الدوام ضايج وحتى غده ماتغديت خير صاير وياك شي 

فهد : بست ايدها لا يمه لتشيلين هم كلشي مابيه بس تعبان من الدوام وانتي تدرين بيه من اتعب لو اضوج تنسد نفسي 

ايمان : حبيبي ليش متاخذ اجازه وتروح تسافر لاي مكان تغير جو تشوف غير ناس الى متى تبقه بس شغل شغل 

فهد : يمه اجازه ما اكدر اخذ غير وقت الضروره وبألف يا محمد ياله نكدر نحصل اجازه تالي ترديني اسافر بيها 

ايمان : غير اريد راحتك اني يا يمه 

فهد : بس لو تهدئ المشاكل الي بحياتي اكون بخير لا اريد اسافر ولا بطيخ 

ايمان : كل تعب ومشكله لابد وتنتهي هاي سُنة الحياة نشوف بيها الحلو والمر وماكو شي يستمر على حاله 

فهد : اجيت اجاوبها وسمعت صوت الصياح من جوه كتيلي ماكو شي يستمر على حاله دتعاي خلي نشوف العرس الي جوه ... نزلنه اني وامي اباوع نسوان فيصل صايرات من الشعر والبنات يجرن بيهن ... فتحت عيوني واني اشوف ساره تركع آلاء بوكس ....خرب يومهن زلم مو نسوان صحتت هاييييي شصايررررر اباوعلهن ابتعدن الاء كامت تعدل بحجابها وساره ولا كأن التشيرت ممزوج من الياخه والشعر طالع ... شبيجن 

ساره : اليوم ليلتي وراحت خلت فيصل ينام عدها ومن حاجيتها ضربتني  

فهد : بله ما استحيتي على روحج تحجين هالحجايه وكدامنه اني سامع اكو ناس تنزع المستحه بس هيج ماشايف ... مشاكلكم الشخصيه حلولها بيناتكم وسوالف الافلام بطلنها فيصل مو الامير هاري وتتعاركن عليه وياريت تثكلن شويه وتخلن حجار بجيوبجن تره رواحنه طالعه ومالنه خلك 

        

          

                

آلاء : والله يافهد اني مو يمها يعني فيصل اجه نام بالغرفه شنو اطرده يعني وهاي السايبه اجت تهجمت عليه شنو قابل اسكتلها طبعا اكتلها 

فهد : لو طالبات ابتدائي احجي وياهن يمكن يفهمن ويستوعبن الكلام اكثر منجن بس انتن هنا واشرت على راسي ماكو عقل اكو سطله زبل وملموم عليها ذبان بحيث الايعازات وقت الكلام متوصل ابد ... درت وجهي شفت سعاد واكفه على الدرج .. كملت السبحه خزرتها وصعدت لغرفتي والله لوما الحجي جان اخذت هدومي ورحت بقيت يم غنى على الاقل هناك هي صمً بكمً 

_____________________ 

نسرين : مرتضى وتالي وياك ولك صاير جلد على عظم راح تنكطم 

مرتضى : ما اريد يمه رجاءاً لتحلين 

نسرين : كل هذا على حساب ست الحسن والجمال كاطع الاكل والشرب لا وهم عازل روحك ومتطلع ولك متستاهل تسوي كل هذا على مودك الي ميريدني ما اريده 

مرتضى : انتي جايه تشمتين بيه يعني 

نسرين : ولك اكو ام تتشمت بابنها ولك اني كلبي ممرود عليك اشوفك شلون تتكرضم على وحده متستاهل اظفرك لا وجماله انتي رايدها وهي باعتك بالرخيص 

مرتضى : يمه غنى تحبني اله تموت عليه بس اكيد من سمعت كلام اخلاص الحقيره زعلت وبطلت عليه حتى لو كانت موافقه من درت بيه مرتبط بغيرها اكيد تبطل 

نسرين : والله الي يحب لو يشوف حبيبه ويه عشره يبقه يحبه هذا ابوك خاني مو ويه وحده ويه عشره وهم بقيت وياهه واحبه ومداريته بس هاي متحبك لو تحبك جان كلتلك عوفها وتعال اخطبني مو تسحب روحها بس هذا مجالك انت ما سطرتها براشدي يمشيها عدل لهالخدامه 

مرتضى : بعصبيه غنى مو خدامه واذا انتي جانت كرامتح تسمحلج تبقين ويه واحد خاين فغنى عزه نفسها فوك كلشي 

نسرين : صفكته راشدي يا ادبسزز اني تحجي وياي هيج على مود وحده بت شارع ما معروف اصلها من فصلها هي هاي تربيتي وتعبي وتالي تجازيني هيج تف عليك ياحقير روح ربي وكلبي غضبانين عليك يا مرتضى يا ابن كلبي وانتي ياغنى عساج بحركه كلبي 

مرتضى : طلعت وعافتني ... الله ياخذني ويخلصني من هالعيشه حتى اخلص من شكولكم كلهاااا صايره ضدي عبالك كاتلللل اهلكممممم 

_____________________ 

 بعد مرور يومين 

غنى : اليوم جمعه كاعده على التلفزيون وين اروح قابل خابرتني اروى جاوبتها هاا ارو شلونج 

اروى : هلو بيج حبيبتي اكلج نونه اليوم احنه متجمعين عد بيت جدي وكلتلي الحجيه اخابرج عدها كم قماشه تريدج تخيطيهن والبنات سمعن الحجيه وتخبلن يردن يفصلن هم 

غنى : المكينه مو عندي تركتها بالبيت وتدرين اني كاعده عد خالتي 

اروى : اي تعالي لبيتكم وكعدي خيطي بكل الاحوال الفائده الج ادري خالتج ام فليس وكوه الربع يطلع منها خاف عبالج مندري بيج دتعانين وياها بس متحجين 

غنى : فكرت بكلامها صحيح فهد الى متى يضل ينطيني مصرف هم فشله خلي اجيب المكينه على الاقل هم اشتغل وهم التهي بس كون اروح اجيبها 

اروى : الوو غنى وينج 

غنى : وياج ... معندي مانع بس شوكت تدزلي القماش والفصالات الي تردنهه 

اروى : تكدرين تجين هسه لبيت جدي مادام متجمعين حتى تخلصين من الفره كل ساعه 

غنى : باوعت للساعه بتلاثه ونص ... خلي تصير بالاربعه واجي 

اروى : اوك منتظريج يله باي 

غنى : باي .... سديته ورحت بدلت لبست بنطرون كابوي وتشيرت اسود وفوكه صايه وشال شفت صارت بالاربعه اخذت جنطتي وقفلت الشقه وطلعت  ... وكفت بالشارع العام وكف كدامي تكسي اباوع رجال جبير كولش اي همزين صعدت دليته على المنطقه وطلع .... وره فتره طويله ياله وصل نزلت دكيت الجرس وضليت واكفه 

محسن : طلعت شفت وحده ... بسم الله .. احم نزل عينك ولك عيب انت مزوج ... تفضلي منو رايده 

غنى : اني الخياطه الحجيه والبنات موجودات 

محسن : اي تفضلي دخلي ... يعني معقوله هي هاي الي يحبها مرتضى زين شلون قبلت بي وشافت ولو هو شكو واحد زايعته الدنيا ياخذ وحده جنها حوريه 

غنى : دخلت شفت زلم كاعدين بالحديقه نزلت راسي ومشيت دخلت لكيت نسوان هواي كاعدات بالصاله ... السلام عليكم 

الكل : وعليكم السلام 

ياسمين : هله بعد كلبي تعاي ابوسج 

غنى : ابتسمت وتقدمت بوستها وسلمت على الباقين بس خاله ايمان اول مشافتني حضنتني يربي شكد حبابه وحنينه هالمره 

حياة : كعدي حبيبتي ليش واكفه 

ضحى : طبعا المفروض نشتكي عليج تدرين 

غنى : باستغراب ليش 

ضحى : من وراج هالغبر كل ساعه مطلعاتني للسوك حتى يشترن قماش وتخيطيلهن خلصن فلوس رجلي 

غنى : ابتسمت ... نسوان عم فهد كلهن حبابات بس عمته تخوزر بيه مهتمت الها يجوز مو يمي باوعت للحجيه ... حجيه ردتي اخيطلج بعد 

ياسمين : اي حبيبتي تعرفين اجه الصيف واريدج تخيطلي دشاديش صيفيه مريحه 

غنى : صار من عيوني وانتن بنات الموديلات الي ببالجن راوني ياهن حتى اشوفهن .... اجن البنات يراوني ضليت فتره اشوف بالصور واسجل على حسب القياس ... حسيت بصوت عالي وحجي شباب كلنه رفعنه راسنه شفت فهد ينزل من الدرج هو والشباب الي وياا اباوعله لابس تراك زيتوني بس طالع حلو

مرتضى : تقربت شلونج غنى 

غنى : باوعت لفهد 

*******

يتبع