رواية ذنوب على قيد الغفران الفصل الثالث و العشرون 23 - بقلم براء
التالت والعشرون
#ذنوب_على_قيد_الغفران
#البارت_الثالث_والعشرون
غنى : طلعنه اني وياا نزلنه من المطعم ... دنمشي وصادفتنه وحده شفت فهد وكف ... شبيك فهد ليش وكفت باوعت على نظره شفت عينه على البنيه مبين يعرفها ... منو هاي فهد
فرح : بصدمه فهد
غنى : باوعت لفهد الي بادلني النظرات ... منو هاي فهد وشمعرفها بيك
فرح : منو انتي
فهد : بهدوء امشي غنى
غنى : اباوعله عاف البنيه واخذ ايدي ومشه ... فهد مكتلي منو هاي البنيه هسه ليش ساكت احجي
فهد : سدي حلكج وامشي وانتي ساكته
غنى : وصلنه يم البنات واني الفضول اكلني معقوله هاي حبيبته ... لا لو عنده حبيبه جان كلي
فهد : بعصبيه يله امشن
نرجس : هاي اجه جعفر ... باي بنات
البنات : باي
غنى : صعدنه وفهد الطريق كله موبايله ماسكت لحظه وحده
اروى : فهد شوف موبايلك خاف صاير شي ماسكت من طلعنه لسه
فهد : ماكو شي اكيد من الشركه
ساره : والشركه هيج تلح بالمراسله
فهد : صاح ... هو تحقيييييييق لو شنووو
غنى : صارت خنسه محد حجيه بعد ... وصل لبيتهم
فهد : يله نزلن
اروى : هو شغل بعمل لو موصلين غنى بالبدايه
فهد : عندي طلعه ويه جماعتي اوصلها واروح
اروى : خوش يله باي نونه
ساره : بيباي غنى
غنى : باي .... نزلن البنات وحرك فهد
فهد : تعاي حولي لكدام
غنى : بهدوء مرتاحه هنا
فهد : شنو سايق ابوج اني
غنى : لتجيب طاري ابويه فتهمتتتت ومحد جبرك توصلني انت تطوعت معاجبك نزلني هناا
فهد : اكلي تبن لا انزل اوكلج بأيدي حيوانه
غنى : هاي الخبصه كلها لان طلعت سوالفك كدامي
فهد : سوالفيش بت الكلب
غنى : ستهضمت من شتمني فتحت الباب اريد انزل بسرعه داس بريك
فهد : وكفت السياره ونزلت ... لج انتي خبله شلون تفتحين الباب والسياره تمشي لو نازله جان وكعتي وتفلشتي تعرفين شنو يعني تتفلشيييين ثوله انتييي لو تستثولين
غنى : نزلت من السياره ... بدموع معليك انت يطبني مرض لتسوي نفسك مهتم يله وخر عني
فهد : غنى الناس تباوعلنه عقلي وصعدي لا اجيبج براشدي اكلب خلقتج والله
غنى : وخر عني فهد ... جان ستحيت تشتم رجال ميت وكدام بنته بس انت نازع المستحه فرد مره
فهد : دفعتها دصعدي صعدي ... صعدتها كوه وسديت الباب رجعت اسوق
غنى : الطريق كله دموعي تنزل ما اذاني من غلط عليه كد ما اذاني من شتمني يعني اهلي لا وهمه عايشين مرتاحين من الناس ولا وهمه ميتين مرتاحين اني كولشي ولا اهلي احسهم شي مقدس واتخبل لو نجاب طاريهم بالموزين
فهد : هسه غير افتهم عليمن هالبجي
غنى : مجاوبته ... وصلني للعماره اخذت جنطتي ونزلت بسرعه
فهد : غنى اوكفي غننننننى سمعييي .... بعصبيه يلعن ابو هالطلعه الكشره هاي ... طلعت موبايلي لكيت كومه رسائل من فرح منهن .. "اذا متجي للبيت هسه اقسم بالله احرك روحي وموتي بذمتك " ... جاوبتها جايج حركت سيارتي متوجهلها .... وصلت وره فتره فتحت الباب لكيتها كاعده
فرح : كمت بسرعه منو هاي الي وياااااك بالمول هاا مرتك مووو احجييييي ليش ساكت
فهد : صوتج لتعلي عليه بت القندره
فرح : شهالبروده الاعصاب الي عندك هاي .... اشو تحجي ولا كأن شفتك ويه وحده بالمول لا ومنسق ولابس انت وياها نفس اللون وجماله اخذت ايدها ولبستني ورحت ولا كأن اني موجوده ... انت اذا عندك مره ليش تزوجتني اذا تحبها ليش تدور وراهااااا هاااا
فهد : كعدت ... دكافي اكلان تبن وكعدي صدعتي راسي
فرح : هاي كعدت احجي فهمني اني غبره وثوله انت فهمني
فهد : اولا انتي مالج حق تحاسبيني سواء جنت متزوج لو لا ... لان انتي زوجه متعه ونسه لا اكثر فعادي لو تزوجت عليج او جنت متزوج قبلج سواء جان مؤقت او دائمي
فرح : يعني هاي مرتك مو
فهد : خلي ارضي فضولج ... لا مو مرتي
فرح : جاا شتصير منك حبيبتك
فهد : هاي اختي
فرح : بصدمه اختك
فهد : بهدوء اي
فرح : وليش ما كتلي اختك
فهد : هو انتي انطيتيني مجال خبصتيني جنج كح... عوره كلبتي الدنيا
فرح : مسحت دموعي يعني الي جانت وياك اختك مو مرتك
فهد : هزيت راسي لا
فرح : ركضت حضنته ... تدري اجه كلبي يوكف عبالي تزوجت
فهد : لو اريد اتزوج ما اخذ اذنج تره
فرح : استنشقت عطره ... اني اسفه حقك عليه بس كد ما احبك اجيت اتخبل لمجرد تفكيري انو اكو وحده تسجلت بأسمك
فهد : اول وتالي راح تجي الي تسجل بأسمي اذا مو اليوم فبيوم من الايام
فرح : ميهمني المستقبل الي يهمني هسه انت ما مزوج وباقي الي
فهد : اني مو لأحد
فرح : بست ركبته ... ميخالف
فهد : اكلج خلصت اجازتج لو لا
فرح : غمزتله تريد اجهزلك سهره
فهد : ابتسمت ياريت صار فتره مخزن طاقه
فرح : همست وطاقتك كلها اخلصها اني وكول فرح كالت رحت لغرفتي بسرعه بدلت واجيت شغلت المسجل وبديت السهره او سهره فهد الخاصه
_______________________
غنى : كاعده وخاله ايدي على خدي .... رغم بطلت بجي بس احس كلبي موجر احسه غادي نار ... فهد كولش قهرني اليوم اسلوبه جان ابد مو حلو يغلط ويتجاوز والمفروض مني اكله شكرا واسكت ... ما اعرف ليش دائما انصدم بالاشخاص الي الهم مكانه خاصه بكلبي المشكله كل شخص اكون اله صوره حسنه ببالي يثبتلي العكس .... رفعت راسي للسما يارب واسمك تعبت اريد يوم واحد بس يوم واحد انام واكو فرح بداخلي .... طلعت موبايلي اتمنى لو بيبي موجوده واكعد احجي وياها ااووف شكد صعب شعور الوحده ... شعور ماله وصف تحس نفسك تايهه رغم الناس حواليك بس تشوف نفسك وحيد تشوف نفسك غريب عن هالعالم .... يا ترى لو اهل بابا محتضنينه اني ومروان مو جان احنه هسه مرتاحين مو جان هسه مروان كاعد ديحضر لامتحانات الثالث .... كمت طلعت شهادته من كنتوري اباوعلها واحس كلبي يحترك نار نار متنطفي بيه ابد ... حبيبي طلع من الاوائل على المدرسه طول عمره جان شاطر ومواضب بكولشي ليش يادنيا تاخذين بس الزينين بحياتنه ليش ... حضنت شهادته عبالك حضنته اله .... رجعتها وطلعت صورنه ويومياتنه الي جنه نصورهن ويه بيبي فتحت جنطه الصور وانفتحت وياها شلالات دموعي
______________________
اروى : كاعدين كلنه بغرفه امي نتابع مسلسل وسمعنه صوت صياح
ايمان : شنو هالصوت
ورده : كمت ركض
ايمان : اوكفي ولج ... يمه شلون ويه هاي المكلكله تموت على المشاكل
اروى : طلعنه بسرعه سمعنه الصياح جاي من فوك صعدنه لكينه سعاد صايره بين ساره وفيصل الي جاي يضربها اخواني يجرون بي بس يرجع عليها اباوع الاء واكفه على صفحه تضحك .... سألت بتول ... خير شكو
بتول : فيصل كتل ساره
ورده : ليش ليش
بتول : ماخذه فلوس من محفظته بدون متكله ومن لكاها ماخذه ورقتين لزمها كطعها تكطع
ايمان : صدك تحجي ولك تكتل مرتك على حساب الفلوس قحط
فيصل : ما كلت قحط بس بت الكلب تصرف فوك الورقه بطلعه وحده جريتها دشوفي شمشتريه سوالف مالها داعي مكياج وملابسسسس بورقتييييين الله يقبلهااااا
سعاد : دعوفها غير بت فكر وما شايفه ... عوفها ولك هاي حامل لتروح تطرح وتخسر ابنك عفوها لو ما حامل اني اكلك كسرها بس عوفها
علي : جريته دوخر ... عمي الورقتين اني انطيهن الك بس عوفها حرام عليك يا بني ادم الفلوس انت تجيبها مو هي تجيبك ... شبيك
ساره : بدموع كدرتك بس عليه روح شوف اختك صرفت كومه فلوس بالمول شنو اني وحد بشنو اختلف عنها
اروى : صفنت عليها صدك متستحين ولو هو الصوج مو بيج صوجي اني احترمتج واخذج وياي وبعدين رجلج ما صارف عليه شي اني ماخذه من اخويه فتهمتي
آلاء : وانتي كل عقلج اخذتي بت الفكر هاي وياج للمول والله فشله حتى برستيجج راح
انغام : كافي بنات شبيجن ... خاله خلي ساره تدخل جوه
منذر : تعاي انغام احنه ماعلينه مشاكلهم همه يحلوها وحدهم ... جرها وراح لغرفتهم
سعاد : تف عليك يا عار الزلم ... خليك دومك اسحب مرتك وروح
ايمان : اخذنه ساره وعلي اخذ فيصل طلعه اباوع للبنيه مدمي وجها طاحظك اي والله
ورده : يعني انتي ما لكيتي تاخذين فلوس غير من هالعصاره فيصل والي ياخذ ياخذ ورقتين ادري شبيج حتى البوك ما فالحه بي
اروى : ورده لو تسكتين لو تولين جوه
سعاد : هسه انتي متوازيه على الطلعه لو منجبه وكاعده بالبيت اشرفلج
ساره : كدرتكم بس عليه روحو لزمو بناتكم
اروى : استغفر الله
ورده : وشبيهن بناتهم قابل لابسات تراكات حصر كدام الزلم لو طالعات بحمره حمره عبالك مطي ماكل طماطه
ايمان : صحت بيهااا ورده كافي
بتول : تره ما كالت شي ورده ليش تصيحين عليها كلامها صح شو تذب بلاها علينه
ساره : ليش انتي من بناتهم حتى شملتي روحج بكلامي ؟
ورده : وها قد بدئ تطاير الجبهات في هذه الغرفه ما هذا يا إلهي
اروى : متصيرلج جاره ابد ولا جن فهد هانج قبل فتره
ورده : سكتي اصلا اني زعلانه منه
ايمان : عقمت وجهه البنيه وعفتها يم سعاد واخذت بناتي ونزلت ... شوكت يبرد راسنه من هالمشاكل ما ادري
__________________________
فرح : نايمه بحضن فهد ... حبيبي
فهد : نعم
فرح : شنو اسم اختك
فهد : ميخصج باسمها
فرح : هسه قابل راح اكلها هو بس اعرف اسمها
فهد : فرح لتعكرين مزاجي
فرح : بست صدره خلص لتكول اسمها ... بس تدري اختك تخبل
فهد : ابتسمت صدك
فرح : اي تشع شع احسها كد ما ترفه بس واحد يلزمها تنجرح
فهد : لهدرجه
فرح : واكثر جنها لعابه والله مو مبالغه
فهد : وبعد
فرح : ماكو عجبتني حلوه كلش ومبينه عليها هادئه وحبابه بس شو متشبهك ابد
فهد : شعلت الجكاره اخذت نفس ... شلون يعني
فرح : يعني ماكو اي شبه بيناتكم هي بيضه كطن جنها كيمر وناعمه وانت اسمر وخشن ولا عبالك اخوان
فهد : بهدوء ... اي صحيح احنه منتشابه
فرح : زين اكلك اختك ما سألتك عني
فهد : لا اختي مو حشريه طبيعتها متدخل بشي ميخصها تسأل مره وحده حصلت جواب كان بها ماحصلت تسكت وتسد الموضوع
فرح : احس هذا بسمار الي
فهد : زين تعرفين
فرح : شتريدني اسوي وانت ضام عليه كل تفصيل بحياتك اني حتى جم اخت واخ عندك مااعرف حتى مكان شغلك ما اندله الي اعرفه انت ضابط وبس
فهد : لعد ليش وافقتي من البدايه اذا تدرين هيج
فرح : اني مره تزوجت صغيره كلش وتطلكت من زمااان بقيت وحيده ماعندي احد واضل اني بشر وعندي رغبات وبصراحه ما لكيت واحد احسه رجال من صدك غيرك فوافقت بسرعه اصلا لو ما عارض عليه انت جان اني الي طلبت منك نتزوج
فهد : باستهزاء هاي طلعت هيج اني جنتل بعين النسوان ماجنت اعرف
فرح : تقربت عليه انت عسل كلك على بعضك رجوله وهيبه حتى بالفراش احس رجولتك واسلوبك غير عن باقي الزلم و ارجع واكلك احسد الي راح تتوسد على صدرك وللابد والي كلبك راح يدكلها هم هاي اتمناها لو موجوده هسه تموت عندي كلبك يبقه فارغ ولا تسكنه غيري
فهد : ذكرتيني بوحده هم تتفلسف بس ذيج عدها امكانيات عاليه
فرح : شنو قصدك
فهد : اقصد انو ذيج فلسفتها حياتيه تتفلسف بالدين وتنطي حكم ومواعض وانتي تتفلسفين بالامور الجسديه والجنسيه واني بالحالتين ما احب الي يتفلسفون
فرح : بتموع زين ياهو الاحسن فلسفتها لو فلسفتي
فهد : بهدوء طبعا فلسفتها احسن ذيج عدها امكانيه على الكلام فضيعه بحيث تخلي الي كدامها صافن من كميه الثقافه والمعرفه الي عدها
فرح : بغيره سد هالموضوع وخلي نرجع لموضوعنه شلونها طاقتك هسه خلصت لو لا
فهد : عمرج يخلص وطاقتي متخلص
فرح : ههههه
________________________
صباحا
غنى : وصلت للجامعه دخلت لكيت مرتضى واكف بره تقرب مني مشيت بسرعه
مرتضى : غنى بس لحظه الله يخليج انطيني فرصه افهمج الي صار والله انتي ضالمتني
غنى : امشي ولي عن وجهي لا اروح للعميد واشتكي عليك والله ... يله وخر عفته ومشيت
مرتضى : استغفر الله اني ماعولت اخلي تحاجيني انوب طلعتلي هالبت الكلب صفح
فادي : شبيك مرتضى
مرتضى : اخلاص الساقطه رايحه لغنى وحايره شمسويه بيها من كتلها اريد انفصل عنج واخطب غنى راحت تعاركت ويه غنى وغنى اخذت موقف مني بسببها
فادي : كتلك كافي عوف البنيه بحالها حرام عليك البنيه كافيه خيرها شرها ومالها علاقه بأحد حرام الي جاي تسوي بيها
مرتضى : فادي احبها والله احبها مو بأيدي
فادي : لا متحبها كول لان ما منطيتك مجال جاي تتحدى نفسك اني اعرفك مرتضى هسه بس تقبل بيك وتتونس وياها فتره وتعوفها نصيحه من اخوك عوف غنى تره هي ما عايزه
مرتضى : ما اكدر بعد ما دخلت كلبي وحبيتها مستحيل اكدر اعوفها
فادي : الله يهديك .... تعال راح تبدي المحاضره
مرتضى : دخلنه للمحاضره شفنه الاستاذ جعفر يبوو جانت عايزه والتمت
فادي : استاذ نعتذر على التاخير عادي ندخل
جعفر : وين جنتو
فادي : بره ما انتبهنه
جعفر : تفضلو بس لتتاخرون بعد
مرتضى : دخلنه صارت عيني على غنى ااااخ لو تدرين شكد احبج ما جان هذا موقفج وياي كعدنه وبدت المحاضره
غنى : كملنه المحاضره وبده استاذ جعفر يوزع الدرجات ... لزمت كلبي
نرجس : انتي ضلي رجفي كلما نستلم الدرجات وتالي تطلعين مجاوبه
غنى : خايفه نرجس خاف ماخذه درجه قليله
نرجس : لتخافين تلكيج مهكره كل الماده مو تعلميني بيج
جعفر : اول شي اني جدا مستاء منكم درجاتكم ما عجبتني ولا كأن اني اشرح واتعب وياكم ما اعرف شلون باجر عكبه راح تصيرون مدرسين ومترجمين وانتو بهالكسل هذا يا شباب انتو هسه مرحله رابعه و هالمرحله هي الحاسمه بحياتكم وهي الي تحدد مستقبلكم فرجاءاً تعبو على نفسكم شويه وطبعا كلامي ما موجه لكل الطلاب وانما البعض وحقيقه اكو طلاب ينحطون على الراس وابسط مثال عليهم الطالبه غنى صالح اربع سنوات من التميز والذكاء ولا مره اخذت درجه ضعيفه طالبه نتمنى كل الطلاب يصيرون مثلها .... تفضلي غنى عاشت ايدج انتي الوحيده بشعبتج ماخذه درجه كامله احييج على اجتهادج واتمنى كل الطلاب يغارون ولو شويه منج ويدرسون
غنى : بخجل كمت واحس روحي راح اسيح ... اخذت ورقتي ورجعت لمكاني ... بده الاستاذ يوزع الاوراق وكالعاده ورقه نرجس اخر شي
جعفر : اكيد كلكم تعرفون نرجس اختي ومن اكسل الطلاب عندي حالها من حالكم تكعد مصفطه وتالي تنجح شلون ماادري ... هاج على الحافه شدي حيلج تره ارسبج
نرجس : بغرور مثل ما انجح كل سنه انجح هالسنه
غنى : القسم كله يموت على علاقه نرجس وجعفر لان واحد يذب بسمار على الثاني بس كلنه نعرف الاستاذ كد ما يحبها يحب يشاقيها
نرجس : كتيلي ما قاريه عمه بعينج انتي لاطعه الكتاب
غنى : ايع طاحظج شنو لاطعه الكتاب بطلي هالمصطلحات
نرجس : دكومي خلي نروح اريد اتريك تره كد ما جوعانه يجوز اشلع لحمه منج
غنى : ابتسمت يله كومي
________________________
فهد : دخلت لمكتب غانم ... اعتذر على التاخير تفضل هذا ملف القضيه كملته
غانم : تعال احجيلي شبيك ذاك اليوم طلعت تركض خوفتنه عليك عبالنه شو شبيك
فهد : صارت عندي شغله ضروريه وانجبرت اطلع على العموم هذا الملف كدامك اني كملته واخذت اقوال المتهمين وكملت كلشي والباقي عليك
غانم : عاشت ايدك هسه اشوفه
فهد : يله من رخصتك ... طلعت رايح لمكتبي
:اكلك هذا مو علساس انقل للبصره
:لا لك اجاا انذار مناك وراح فتره ورجع
: جماله اني فرحت ورحت عشيت اهلي بثواب ام البنين عبالي انقل وافتكينه منه
: والله هذا مينقل لو نموت وابشرك ترقه هسه ومو بعيده بعد فتره هو يصير المسوؤل
: الله لا يكولها والله العظيم اذا صار الضابط فهد مسوؤل علينه اطلع تقاعد وانعل ابو الشرطه هو هنا ضابط ونايم على خوانكينه مو انوب يصير مسوؤل
: ليش نسيت ابو شجان يسوي ويانه ذاك الشبل من هذا الاسد نفس الانفه والعنتكه اي اختلاف ماكو
: اي بس هذا اتعس لابد اللواء سالم جان يتلاطف يحجي مرات يعزم الشرطه على ريوك وعلى حسابه الا هذا خشمه عالي ويمشي على اطراف اصابعه من الغرور
: شلون يمشي على اطراف اصابيعه
: يستنكف لا توصخه الكاع
: هههه بهاي صدقت هو حتى جاي يستنكف يشرب منا
_______________________
غنى : رجعت من الكليه هلكانه هالسنه مبينه كلها شلعان كلب وصلت للشقه تفاجئت لكيت يم الباب ورد ... شلته هاي منو خاله هنا ... هاا هسه فتهمت السالفه فتحت الباب ودخلت ذبيت الورد على الطبله واخذت موبايلي .... دكيت مره ثنين ماكو ... رد الووو شنو معناها حاطلي ورد على الباب عبالك اذا تسوي سوالف الافلام هاي راح اسامحك لا ولا بأحلامك
فهد : باستغراب .. عفوا !! يا ورد ؟
غنى : لتسوي روحك متعرف الورد الي على باب الشقه مو انت مخلي
فهد : كلشي ما دزيت اني ...وانتي منو وادزلج ورد حبيبتي واني ماادري
غنى : هاا لعد اذا مو انت منو
فهد : امي شمدريني اني ماشاءالله انتي معجبينج هواي شوفي منو منهم شتهالج ورد ودزه الج
غنى : فهد ثمن كلامك واعرف شلون تحجي شنو معجبيني هو منو يندل مكان سكني غيرك
فهد : بالليل امرج واشوف الكامرات مال العماره
غنى : لا تمرني ولا امرك خليك بنفسك ومعليك بيه
فهد : علساس بحالج اني ام وجهه الفاهي
غنى : هو انت تناسبك المزنجرات الي مثلك وافق شنن طبقه طنجره ولكت غطاها
فهد : تدرين جرحتي مشاعري جدا ... خايبه كعدي راحه وجهج من علباتج مينعرف
غنى : هسه الي يسمعك يكول براد بيت همزين ناسيك بالفرن
فهد : وراح نضل واحد يرفع واحد يكبس ... اني ماراح اتناقش وياج بعد من اجي اعرف شلون اادبج
غنى : اني مؤدبه وغصبا ما عليك ابو النسوان
فهد : اراويج ابو النسوان شيسوي بيج اذا ما اجي ا..... اطلع مو خوش ادمي
غنى : سديته من كام يفشر شمرت الموبايل الله يلعنك ابو لسان الزفر .... كعدت وتالي يربي شوكت ترجع خالتي وتخلصني من هالمقرف هذا
_______________________
بعد مرور ثلاث ايام
ايمان : كاعده الكط تمن للغده وسمعت صياح بالمطبخ وتالي ويه بيت سعاد كمت دخلت للمطبخ لكيت آلاء وساره لازمات طاوه ويجرن بيها شكووو شبيجن من الصبح خير اللهم اجعله خير
ساره : خاله طلعت الطاوه اريد اتريك شو هاي اجتي جرت مني الطاوه
آلاء : عمه بعينج يا جذابه همزين اني اجيت قبلج حتى اسوي ريوك لزينه واحمد وانتي اخذتي الطاوه
ساره : الله ياخذج على هالجذب
ايمان : صحت بيهن كافي مخبلات انتن تتعاركن على طاوه هذا المطبخ متروس طاوات اشكال والوان ما حلت بعينوجن غير هالطاوه شنو جهال انتن شو تصرفاتجن ولا كانها تصرفات امهات وراح يربن اجيال بالمستقبل شبيجن
سعاد : شكو ايمان ليش صوتج عالي من الصبح
ايمان : لزمي جناينج الله يخليج ما اكعد اني كل ساعه افاككهن من يتعاركن
سعاد : اني اكول خليج ببيتج وعائلتج وابنج الي ما جاي نشوفه هالايام وعوفي جنايني اني وياهن ننجاز
ايمان : انتي ما كاعده بهالبيت وحدج مادام اكو عائله ثانيه وياج غصباً ما عليج تحترميها انتي وعائلتج احنه مالنه خلك المشاكل اني ربيت جهالي على الهدوء والمحبه مو الهوسه والمشاكل رجاءا انتو كلشي ماعدكم تتعاركون تصالحون ميأثر عليكم بس اني عندي بنات وجاي يدرسن ومشاكلجن جاي تاثر على مستواهن الدراسي وخاصه ورده اليوم راحت مسفطه للدوام بسبب صياحكم البارحه اني لو بنتي اخذت درجه مو زينه لو رسبت منو يفيدني انتي لو جناينج
سعاد : شدعواج انهديتي شبيج ولا جنج عجوز شكبرج .... احنه بيت واحد ولازم واحدنه يتحمل الثاني
ايمان : والله الي يدك الباب يسمع الجواب وانتي الي بديتي ودستي ببطني مو اني ... خليت الصينيه مال التمن على الكاونتر ... هذا كملنه انتن مادام كاعدات والمركه انتن هم سونها اني صرت مره عجوز وموزين عليه الشغل ومادام احنه بيت واحد فالشغل يتقسم على الكل اني ما اكعد اطبخ ل ١٣ نفر كل يوم ... عفتهن ورحت لغرفتي صدك بعض الناس الاخلاق متمشي وياهم
سعاد : بنات النعال عليمن تتعاركن شفتن شلون تتشمت بيه بت الفلاليح هاي ... تف عليجن
آلاء : اني شعليه متحاسبين هاي ... ام لسان طويل
سعاد : الاء امشي روحي لغرفتج وخلي هالسايبه هي تطبخ
ساره : حقج تضوجين مني لان مثل ما ابو فيصل تزوج عليج وانتي بعز شبابج فيصل تزوج على مرته وهي بعز شبابها .... ياحرام الزمن جاي يعيد نفسه .... وشمدريجن يجوز اجيب ولد مثل فهد وفيصل يسجل كلشي اله مثل ما سوه ابوكم
آلاء : ههههه والله ضحكتيني عمي سالم عنده املاك وسجلها لفهد اما فيصل مكحف يحظي منيله املاك هو المعرض وكوه ماشي ... شلون سوالف عدكم اروح اشوف جهالي
سعاد : بكلامج هذا سديتي كل باب مغفره مفتوح الج ابشرج تره اني ابليس ميلحكني اذا خليت براسي احد وانتي هسه دستي على طرفي ... فتستاهلين الي يجرالج
ساره : هزيت صدري اوي اوي رجفت ... وكفت عدل عبالها تخوفني العجوز هه
_____________________
غنى : كاعده اتغده ودك رقم غريب عليه عرفته مرتضى لان كل ساعه يخابرني من رقم انطيته حظر ورجعت اكمل غدايه ... اجتني رساله على الفايبر " غنى خاله ليش حظرتيني " ... ياا هاي خالتي رحت شلت الحظر وخابرتها على الواتساب ... الووو
سحر : الوو هاا حبيبتي نونه شلونج
غنى : الحمدلله خاله اسفه لان رقم غريب حظرته ما عبالي انتي
سحر : عادي حبيبتي موبايلي مدري شبي وخابرتج من رقم رجلي هسه عوفينه تدرين مشتاقتلج بعد كلبي
غنى : اني اكثر والله بشري شلون صار عمو
سحر : لا الحمدلله صحته جاي تتحسن ويه مراجعه الاطباء الله يحفظهم ابد ما قصرو بس تعرفين عمج رجال جبير ومو بسهوله ترجع صحته مثل الاول ويكوم يرادله وقت
غنى : الحمدلله على كل حال المهم صحته دتتحسن
سحر : اي بشري شلونها كعدتج بالشقه خو ما متضايقه
غنى : لا ممتضايقه بس ضجت اريدج ترجعين
سحر : يله هانت حبيبتي مابقه شي واحنه يمج
غنى : ان شاءالله واني بانتظاركم
سحر : حبيبتي فدوه اروحلج ديري بالج على نفسج ... يله اني اروح مع السلامه
غنى : الله وياج ... سديته ورجعت كملت غدايه كمت غسلت المواعين ورحت اقره قران هذا روتيني المتعارف والي مستحيل يتغير صار اربع تيام مشايفه فهد لا اجه ولا اتصل واني هم لحد الان ماخذه منه موقف ومستحيل احاجي ... باجر همزين ماكو دوام الطلاب رايحين سفره للحله واني كيفت عليها حتى ابقه بالبيت البنات لحن عليه هواي حتى اروح بس ماقبلت اكيد مره وحده سمعت كلامهن وطاح حظي بعد ما امشي بحجيهن لو اموت
مر اليوم عادي كضيتها اقره قران واكل طبعا هالفتره سمنت لان اربعه وعشرين ساعه كاعده واكل اكيد اسمن
صار الليل ورحت نمت وكعدت الصبح بالتسعه بدلت واخذت من الفلوس الي خالهن فهد ورحت للسوبر ماركت اتسوك واتمشى هم ... الجو يجنن جان بدايه الشهر الثالث فالجو حلو لا بارد ولا حار
لكيت الحجيه اشواق ... صباح الخير حجيه
اشواق : صباح الورد حبيبتي هاا جايه تسوكين
غنى : اي والله خلص المسواك ونزلت اسوك
اشواق : لعد تعالي نتسوك اني وياج
غنى : ماشي .... تسوكنه اني وياها ورجعنه للعماره صعدت للشقه فتحتها ودخلت ذبيت الغراض .... جذبني عطر بالبيت شنو هالعطر اني مراشه شي قبل لا اطلع ذبيت حجابي ... سمعت صوت من غرفه فهد عرفته هنا ولو المفروض اعرف من البدايه لان عطره ترس الصاله ... بس شعنده جاي بسيطه اني اعرف شسوي وياا رحت بسرعه فتحت الباب ودخلت لكيته ديبدل .... عطت بسرعه وغمضت عيوني
************
يتبع
- يتبع الفصل التالي اضغط على (ذنوب على قيد الغفران) اسم الرواية