رواية ذنوب على قيد الغفران الفصل العشرون 20 - بقلم براء
عشرون
#ذنوب_على_قيد_الغفران
#البارت_العشرون
فهد : دفعها على الحايط بقوه وتقرب عليها .... همس انت شتردين
غنى : بارتباك ... اريد نحجي
فهد : واني كلت ماكو حجي بيناتنه شنو احجي صيني لو هندي متفتهمين انتي
غنى : لا افهم بس ما اريد نتعارك
فهد : هو منو الي تعارك اني لو انتي اجيتي هاده جنج ثور هايج وعلى حساب منو مرتضى الي شوهه سمعتج وشهرج شهيره
غنى : اني ميهمني مرتضى الي يهمني انو انت تعديت على خصوصيتي ورحت حرجتني كدامه بالاول والاخير هو زميلي ما اكدر اكون فضه وياا
فهد : لا ليش تكونين فضه وياا انتي تعرفين بس تطلعين خبالاتج براسي وتعال يفهد اتقبل تصرفاتها وسخافتها
غنى : باوعت بعيونه ... فهد اني اسفه
فهد : بحده اعتذارج ما مقبول ... انتي مو طفله وكل ساعه واجيتي اسفه واسفه يله طلعي منا لا انطيج كفخه اشوهه وجهج
غنى : فهد اني مجيت اعتذر لان تعاركت وياك اني اجيت اعتذر لان جبت طاري مواضيع انت مسولفها الي ومجان لازم احجي بيها لا اكثر ولا اقل
فهد : دفعت بجسمها للحايط ... والمفروض عليه ابوسج بحلكج واتقبل اعتذارج وكأن شيئاً لم يكن
غنى : اي ... لان انت هم غلطت وضربتني
فهد : رفعت حاجبي تردين اسويلج هيج
غنى : لا لا مو هذا قصدي ... اقصد انو اريد تتقبل اعتذاري وللمعلومه انت هم مسكتت تره ضربتني واني سكتتلك
فهد : واكسر راسج لزمج وجها شوفي ولج اني عمره وحياته ما اجه احد ورفع صوته عليه تجين انتي طولج شبر تمدين لسانج شطوله عليه لا وتجاوزين وترديني اسكتلج
غنى : بصعوبه اوي فهد ايدك
فهد : اوي و وجعوي التوجعج
غنى : بدموع فهد حباب دتأذيني
فهد : من شفتها بجت عفتها مسحت على وجهي غنى امشي طلعي
غنى : لزمت ايده ... بتنشغ فهد والله اني اسفه مو قصدي اعيرك باسرارك اعرف اني غلطانه بالحجي وياك بس انت هم مسكتت وضربتني
فهد : غنى انتي كل مره تجاوزين وبعدين تجين تعتذرين وكأن ما صار شي
غنى : نزعت نظارتي لان تبللت ... صدكني اني اسفه والله بعد ما اتجاوز فهد اني ما اريد اخسرك عمري مصار عندي احد احجيله الي بكلبي بس انت صرت صديقي وكمت اجيلك عني بدون ما اخاف واتردد حتى
فهد : باوعتلها اذا تردين اسامحج كون تبطلين تجاوزين
غنى : وعد بعد ما اجاوز
فهد : خلص اعتذارج مقبول
غنى : ابتسمت
فهد : مسحت على خدها اذيتج من ضربتج
غنى : مالت على ايده وهزت راسها
فهد : جريتها على جسمي حاضنها .... اني اسف لان ضربتج عمري ماضارب مره وهاي اول مره
غنى : ابتعدت بسرعه ... احم مصار شي انسى الي صار
فهد : هو هيج ... باوعت لعيونها تدرين اول مره اشوف وحده قوقازيه وعيونها سود وشعرها اسود
غنى : انت كل ساعه مطلعلي اسم ... اني مو قوقازيه اني بيضه
فهد : انتي اكثر من بيضه بالعلامه الغرفه ضلمه ووجهج مبين بيها ... همست اذا تنطفي الكهرباء اجيبج يمي تنورين الغرفه
غنى : انخفظ تنفسها ... حست بدغدغه بجسمها ... ااا فهد ممكن اروح انام
فهد : تفضلي منو لازمج
غنى : ابتعدت عنه تصبح على خير
فهد : وانتي بخير
غنى : طلعت متوجهه لغرفتي فتت وسديت الباب وكفت كدام المرايه مباوعه لروحي تلمست وجهي اول مره اركز على ملامحي عمري ماوكفت وركزت على شكلي ابد .... فتحت شعري اباوع اني حلوه لو لا سؤال وجهته لنفسي ولاول مره ... اني نحيفه بس مو كولش جسمي مرتب طولي وسط مائل للقصر اكثر بشرتي بيضه شفافه بس من ابجي تصير حمره .... الي يميز شكلي شعري الاسود الطويل وعيون السود الي يميزهن البؤبؤ الاسود الجبير ... معقوله اني حلوه بس فهد مره كلي اني وجهي فاهي يعني مو حلوه يووو هسه اني شبيه اول تالي افكر هيج ... رحت طلعت القران خلي اكعد اقره احسن من هالتفكير البايخ
_______________________
ساره : كاعده بالصاله وخاله ايدي على خدي ... اباوع للبيت شنو البناء شنو الاثاث بحياتي ما شايفه هيج بيوت ... المطبخ يرد الروح والثلاجه متروسه مالذ وطاب شتشتهي تلكه ... عمري وحياتي ماعشت هيج حياة فتحت عيوني واني فقيره كاعده اني وخواتي السبعه واخواني الاربعه ببيت صغير اللكمه حسره علينه ولو نريد ندلل نفسنه ناكل لحم .... ابويه بطلنه من وصلنه للسادس ابتدائي لان ماعنده يدفع مصاريف وضلينه على هالوضع لمن كام ابويه شكو واحد يخطبنه ينطينه بس كون يفتك من حملنه .... وللاسف اني وافقت على فيصل لان سمعت عنده معارض كيفت وكلت راح يعيشني فوك النخل فوك بس للاسف طلع هالحلال كله مو اله لاخو الاصغر منه والي لسه ماشفته ... شفت ام فهد وسعاد نزلن سوه اباوع لام فهد رزنه بشكل وحلوه هم مامبين عليها العمر لفت نظري البتوت (اسوارات) الي لابستهن مبينات غاليات ولو اكيد تدلل نفسها اذا هالاملاك كلها لابنها
ايمان : جاا وين البنات يمه وانتي ليش كاعده وحدج
ساره : البنات يستنكفن يكعدن وياي
سعاد : اكيد يستنكفن منو يقبل يكعد يم حاويه الزباله
ايمان : ام فيصل عيب هالحجي وانتي ساره ليش تحجين هيج البنات ماعدهن هالسوالف لا يستنكفن منج ولا شي تلكيهن عدهن دراسه او نايمات
سعاد : وانتي كل عقلج كاعده تبررين لهاي ام الزلم
ايمان : استغفر الله ام فيصل شجاج شو تعاي خلي نطب للمطبح عوفي البنيه بحالها
ساره : بسيطه يا سعاد اذا ما اهجج بليله ضلمه اني مو ساره .... صعدت فوك فتحت غرفه مرت فيصل اباوع شهالاثاث شهالجمال ... تمشيت بالغرفه هاي ضرتي صدك بطرانه يعني الواحد يعوف هالغرفه وهالبيت ويروح يزعل عد اهله صدك خبله طلعت من غرفتها رحت شفت باقي الغرف حلو كل واحد بهالبيت عنده غرفه خاصه مو مثلنه جنه كلنه بغرفه وحده وصلت لغرفه فتحت بابها ودخلت ... فتحت عيوني الله شهالجمال اباوع الغرفه يسرح بيها الخيل كد ماجبيره اباوع للغرفه لونها ابيض بس تخبل هاي غرفة منو .... طلعت من الغرفه صارت ورده كبالي
ورده : شعندج هنا
ساره : جنت اشوف البيت ودخلت شفت الغرف
ورده : اكلج مااعتقد بيتنه القصر الملكي حتى كاعده تفترين بي وتستكشفين الي بي
ساره : وانتي شعليج والله ياالله بعد عليه الزعاطيط تحاسبني
ورده : ههه والله ضحكتيني لج بابا اني عقلي اكبر منج كلج على بعضج واذا نريد نحجي على المزعطه فأني الي زعطوطه لان البنيه العاقله متدخل لغرفه حموينها بدون اذنهم ولو هاي تسمى وقاحه وصلافه مو مزعطه
ساره : انتي هيييي تره اطيح حظج
ورده : دخيلج دخيلج كمت ارجف لا حبابه كلشي ولا تحجين تره اخاااف اسيح من الخوف ... دروحيي همزين الاء حمستج خوش حمسه والله بعد اذا شفتج تطبين لغرفنه اكل لفهد عليج واخلي يطردج من البيت فتهمتي ساره الهيلكيه ام التراك الحصر
ساره : ضليت صافنه شهالسان هذا شنو رشاشه معقوله هاي بالثالث متوسط وهيج لسانها لعد اذا صارت بالكليه شتسوي اعوذ بالله هاي جنها سعاد
________________
فهد : كاعد اكلب بالموبايل واندكت الباب ... تفضل
غنى : صباح الخير
فهد : صباح النور
غنى : تتريك ؟
فهد : كمت اي جاي ... لحظه
غنى : هاا
فهد : نظارتج نسيتيها البارحه هنا ... لبستها الها
غنى : ابتسمت شكرا
فهد : رديتلها الابتسامه ... يله تعاي
غنى : دخلنه اني وفهد للمطبخ وكفت اسوي ريوك وهو كعد
فهد : اكول غنى خو البلكونه متطلعين بيها
غنى : خفقت البيض ... لا شعندي طالعه بس مرات اطلع اسقي الوردات وادخل
فهد : تطلعين بدون حجاب
غنى : لا طبعا ... اكو جوارين داير مدايري
فهد : عفيه عليج
غنى : جبت الريوك وكعدنه نتغده
فهد : اليوم اني اسوي الغده
غنى : غصيت احم احم
فهد : ضربت ظهرها شجاج على كيفج ... هاج شربي ماي
غنى : شربت وباوعتله ... كحيت منو يسوي غده
فهد : اني شبيج مستغربه
غنى : انت كلاص مي متجيب لروحك تريد تسوي غده
فهد : كلبت عيوني هاي فوك ما اريد اساعدج
غنى : لا موقصدي بس تفاجئت
فهد : تره اني اعرف اطبخ من جنت قيد التدريب جنه اني وزملائي كل يوم الطبخ على واحد
غنى : شربت من المي ... ليش
فهد : مو اني مادرست هنا رحت لغير محافظه بقيت بالاقسام الداخليه وبعدها انقلت لهنا
غنى : هاا ... زين شحتسويلنه غده
فهد : اتذكر اني شفت سمج مو
غنى : اي اكو سمج جبتها من طلعت اتسوك وجنت ناويه اسويها الجمعه بس انت اليوم سبقتني
فهد : ديله كومي طلعيها ونظفيها حتى ابدي اتبلها
غنى : والله حاستك راح تخربها
فهد : دكومي طلعيها وعوفي الاكل لتشبعين
غنى : كمت غسلت وطلعت السمجه من المجمده وكفت انظفها
فهد : اباوع لشعرها ضوجها كل شويه توخره وينزل على وجها شفت القراصه مالتها كمت وكفت وراها مديت ايدي موخر شعرها
غنى : واكفه دانظف السمج وحسيت بادين على ركبتي فزيت
فهد : هذا اني شبيج شفت شعرج ضوجج كلت اشيله ... شلت شعرها لفيته حتى اشده ... هذا شعرج شلون طولتي هيج
غنى : من جنت صغيره بيبي الله يرحمها جانت دائما تسويلي خلطات وتخليها على شعري وجانت دائما تمشطه بمشط خشب حتى ميتكطع كد ما تحبه جانت معتنيه بي بشكل فضيع لمن صار هيج وطبعا جان بطولي بس قصرته
فهد : جريته حيل ادري بيج مكصرته عسى بأيدج الكسر
غنى : ههه اااخ كافي يله عوفه اذيتني
فهد : شديته ورحت كعدت على التلفزيون
________________________
سحر : كيف حال زوجي دكتور ( الكلام حيكون باعتباره لغه انكليزيه )
الدكتور : انه بصحه جيده نوعاً ما لا تخافي سوف يكون بخير
سحر : ان شاء الله ... متى موعد العمليه
الدكتور : اذا تمت الاجراءات بشكل مناسب وصحيح نبدء العمليه بعد اسبوع
سحر : كم نسبه نجاح العمليه
الدكتور : قُلت لا تخافي العمليه ليست بهذه الصعوبه لقد عالجنا مرضى وضعهم الصحي اسوء من زوجك تفائلي ارجوكِ
سحر : هزيت راسي .... يربي دخيلك شافي وعافي ماعندي غيره ... سوده عليه حتى نونه ماجاي الحك اخابرها وقتي كله صاير لرجلي
_________________
غنى : كاعده احجي ويه اروى
اروى : اكول غنى انتي مو صارلج فتره مطنكره شو اليوم مودج مختلف ومزاجج وردي
غنى : ابتسمت ليش ميصير مزاجي يتغير
اروى : عمي يتهنى الزرع هالضحكه بوجهج منوره اليوم
غنى : ههه هاا انعديتي من نرجس
اروى : لا والله بس انتي منفصومه هالايام يوم تجين مطنكره ويوم تجين شحلاتج
غنى : صفنت بكلامها ... معقوله عركتي ويه فهد هيج جانت ماثره على مزاجي ... لا مو قصه منفصمه بس تعرفين ممرتاحه كولش ببيت خالتي
اروى : والله انتي من ايدج اعوفها وارجع لبيتي
غنى : ما اكدر خالتي متقبل
فهد : رحت يم غرفتها صحت غنى تعاليييي شوفيي السسسسسمجه بسررررعه
غنى : فتحت عيوني عزه يمه بس لا سمعته
اروى : هاي منو صاحج
غنى : هاا هذا ابن خالتي
اروى : ليش انتي مو كلتي مره خالتج خلفتها بس بنات
غنى : اي اي بس هذا ابن رجلها وعايش عدهم
اروى : هاا بس ولج تصدكين صوته يشبه صوت فهد اخويه والله لو ما فهد بالبصره جان كلت هو
غنى : هاا
اروى : اي والله سبحان الله نفس نبره الصوت بالضبط
غنى : ضليت لا اخذ ولا انطي
اروى : يله حبيبتي اشوفج من نداوم اني اروح باي
غنى : باي ... سديته وكمت طلعت شافني فهد
فهد : باوعتلها شبيج غنى
غنى : فهد اروى سمعتك
فهد : وشكلتيلها
غنى : كتلها هذا ابن رجل خالتي
فهد : خوش ... لتخافين اروى متدقق تلكيها نست السالفه تعاي شوفي السمجه
غنى : وكفت يمه اباوع السمجه صايره سوده ... عززه هاي شسويت
فهد : شسويت
غنى : حركت السمجه ... والله عرفتك راح تخربها اني شجاني وخليتك تطبخ رحت حركت السمجه وينك تعرف تطبخ ها
فهد : هذا الجلد يثوله كلبت الشوايه شوفيها من كدام مستويه مو محروكه
غنى : ضحكت على تعبير وجهه ... اسفه اسفه يله شوكت تغدينه
فهد : خلي تستوي زين ونتغده ... روحي جيبيلي ماي
غنى : بهدوء تفضل ... اكول فهد انت باجر تروح
فهد : اي باجر اطلع بحدود العشره الصبح
غنى : مدري ليش ضجت
فهد : شبيج غنى
غنى : بهدوء لا ماكو شي
فهد : باوعت للساعه اعتقد اذن صليتي لو لا
غنى : اي صليت اني حروح اقره قران من تكمل السمجه صيحني
فهد : هاي شبيها ليش كلبت وجها ... يله شسويلها اااخ واخيرا راح اطلع باجر جزعت نفسي صارلي اسبوعين ملطوش بالبيت
___________________
اروى : كاعدين نتغده ... يمه تدرين قبل شويه جنت احجي ويه غنى وصاحلها ابن خالتها سبحان الله نفس صوت فهد بالضبط
سعاد : باوعت لبتول
ايمان : هاي لان مشتاقتله يمه
اروى : لا والله يمه نفس صوت فهد شنو مااعرف صوت اخويه
سعاد : باوعت لبتول ... فهد مو بالبصره
ايمان : اي سوده عليه .... كلبي صاير نار عليه
علي : ماكلج يمه شوكت يجي
ايمان : خابرني البارحه كال باجر يرجع
سعاد : وهو راح يضل العمر كله بس شغل
ايمان : هاي بعد هاي حياته ولازم يسعى ويبنيها
ساره : هذا فهد شكبره
بتول : اعتقد هذا شي ميخصج ... خليج بنفسج احسلج
ورده : العب
اروى : ولا يخصج انتي هم ... رجاءًا خلي نتغده بهدوء
_____________________
صباحا
غنى : واكفه اعدل وشالي وتذكرت اليوم فهد يروح ... مدري ليش ضايجه لان حيروح يمكن لان جنت وحدي ومن اجه وجوده غيري جوي رغم هو مزعج ومستفز بس مع هذا حسيت شي بداخلي يأمنله .... طلعت لكيته كاعد .. هاا شمكعدك هسه
فهد : كلت اشوفج قبل لا ترحين لان بعد ساعتين اطلع
غنى : هزيت راسي
فهد : تقربت وكفت كبالها شكرا على حسن الضيافه ... اعرف يمكن اكون ضوجتج شويه بس ميخالف انتي تستاهلين
غنى : ابتسمت بالعكس مضوجتني وجنت سعيده بوجودك ... نكدر نكول وجودك هنا خلاني اكتسب صديق رجال ولاول مره بحياتي
فهد : اني هم وجودي هنا خلاني اكتسب اخت رابعه لا واخت احجيلها اسراري هم
غنى : اخت ؟
فهد : اي اخت وهاي حقيقه بهالفتره الي بقيتها هنا حسيتج قريبه عليه عبالك اختي
غنى : باوعت لعيونه
فهد : ما ناويه ترحين للدوام
غنى : احم اي اي رايحه يله مع السلامه ... اجيت اطلع درت وجهي فهد ملابسك مال الدوام غسلتهن وكويتهن تلكاهن بكنتورك
فهد : شكرا
غنى : عفوا ... طلعت اتمشى وافكر بكلامه اني شبيه صدوك جذب طنكرت لان حيروح يجوز لان تعودت عليه صعدت بالعبريه وصلت للكليه نزلت رحت يم البنات .... صباح الخير
البنات : صباح الورد
بتول : غنى صدك تحجين هاي ثالث مره من داومنه لليوم تجين للكليه بنفس اللبس اعرف حالتج ضعيفه بس تره طلعه وحده للسوك متكلفج هواي
غنى : بهدوء اعتقد لبسي مو محط اهتمام لحضرتج
بتول : مو انتي تكعدين ويانه وتأثرين علينه شوفي كلنه كاشخين وانتي اجيتي خربتي ام الكخشه مال شلتنه
نرجس : دكلي تبن ام حلك اليلزك ... شلتنه ام ال الام ال شوكت انتي بشلتنه منو دخلج اصلا
اروى : ابتسمت بعد حلكي اي كملي
بتول : هذا الحجي وياي يعني مترديني
نرجس : والله عاد الي يكعد باحترامه اهلا وسهلا والي يكول لا الكليه متروسه مكانات يكدر يكعد بالمكان الي يناسبه زين
اروى : وبالنسبه للبس فكلمن يمد رجليه على كد غطا على الاقل غنى تلبس من تعبها مو يصرفون عليها الغربه
نرجس : شنو قصدج
اروى : والله الحليم تكفيه الاشاره
غنى : اباوعلهن اكلن
البنيه وشربنها لمن خلنها تكوم .... خليت ايدي على حلكي عزه بعينجن لعبتن بيها جوله
نرجس : دخلي تولي هاي جايه تفيك براسنه متدري احنه شبعانين من هالسوالف التعبانه مال البنات
غنى : بس مو هيج هي تجاوزت واني تجاهلتها ماكو داعي اخلي عقلي ويه عقلها اضافه انو هي عايشه ويه اروى بنفس البيت وكلنه نعرف ام فيصل اذا درت شراح تسوي بيج
اروى : يمعوده خلي افتك منها جزعتني من داومت ويايه ولليوم كل ساعه معلقتلها على وحده لو مجفصتلها بحجايه والله عاشت ايدها نرجس خوش فشلتها
غنى : دكومن حتبدي المحاضره
البنات : اي يله
______________________
الساعه 10:30 صباحا
فهد : دكيت الجرس طلعت وحده فتحت الباب ... باستغراب السلام عليكم
ساره : وعليكم السلام تفضل منو انت
فهد : شنو منو اني وخري من رخصتج
ساره : تعال وين طاب ماكو زلم بالبيت
فهد : اني صاحب هالبيت وخري عني
ساره : لمعت عيوني انت فهد
فهد : اي اني
ساره : تفضل تفضل ... اعرفك على نفسي اني ساره مرت فيصل
فهد : باوعتلها استغفر الله شكلها مو راحه شهالبس هذا دنكت راسي ... هله بيج طبيت جوه شفت امي هي وسعاد وانغام كاعدات سلام
ايمان : كمت بسرعه هله بعد كلبي الحمدلله على السلامه
فهد : حضنتها بقوه مامتعود على فراكها صار سنين اني مكابلها وكاعد .... الله يسلمج شلونج
ايمان : مشتاقتلك بعد كلبي
سعاد : بست كتفه شلونك فهد
فهد : هله
انغام : الحمدلله على سلامتك فهد
فهد : الله يسلمج خويه ... كعدت
ايمان : اسويلك ريوك يمه
فهد : ذبيت سلاحي لايمه متريك
سعاد : اكول فهد شو وجهك منور بس اني سامعه الي يروح بشغل يرجع شحاله مو شحلاته راجع لا وريحه العطر يعط منه
فهد : ليش الي عنده شغل لازم يرجع وصخ وهدومه وصخه
ساره : اجيت كعدت اباوعله معقوله هذا اخو فيصل
ايمان : يمه انت تعبان كوم ارتاح ومن يجون الولد اكعدك
فهد : لا ماتعبان راح اطلع للمعمل
سعاد : مو ستوك جاي من البصره شلون مو تعبان
فهد : لا اله الا الله كمت صعدت لغرفتي لكيتها منظفه همزين بدلت ملابسي وطلعت للمعمل دخلت ... سلام
محسن : وعليكم السلام ... الحمدلله على السلامه شوكت رجعت
فهد : كعدت الله يسلمك ... والله ستوني رجعت
محسن : صدك تحجي ستوك راجع وجاي لهنا
فهد : دنطيني السجلات خلي اشوفهن ووصيلي على كلاص جاي ورجاءًا روح انت جيبه لان ما استنظف من ايدهم
محسن : كمت اااخ منك ومن تدقيقك اشوفك تزوج وحده مهمله
فهد : حتى اطلكها ثاني يوم ... ديله روح كعدت اشوف السجلات والارباح الي اجت هالشهر دخل حجي هاشم رجال جبير كلش جان يشتغل ويه ابويه وعمامي صانع
هاشم : شلونك بويه
فهد : كمت سلمت عليه اهلا وسهلا حجي شعندك جاي لهنا
هاشم : اشتغل غير
فهد : حجي صدك تحجي انت وينك وين الشغل اني مو كتلك بعد لتجي وراتبك يوصلك للبيت كل شهر
هاشم : على يا اساس اكعد بالبيت وانت تنطيني راتب
فهد : على اساس ان انت من جنت بشبابك ولليوم تشتغل بهالمعمل وايدك بي اكثر من صحابه واني الله شاهد اعتبر هالمعمل الك حالك من حالنه واكثر لان احنه كبرنه واستلمنا مو مثلك قبل لانوعى احنه انت جنت بي فالراتب الي ادزه الك هو استحقاقك ولا والله اقل من استحقاقك انت تستاهل اكثر
هاشم : الله يوفقك ويحفظك يا وليدي ... متتخيل شكد حجايتك اثرت بيه روح يافهد ربي ينطيك راحه وسعاده بحياتك ماشايف مثلها ويرزقك ببت الحلال الي توصنك وتصون بيتك
فهد : ابتسمت آمين حجي ... يله ارجع لبيتك هسه الحجيه تفكدك وعبالها طالع ويه صاحبتك
هاشم : ههه راحت علينه بعد منو تقبل تصاحبنه
فهد : بعدك بحيلك حجي ... اذا تريد ندورلك على مره احنه بالخدمه
هاشم : سوالفك ولا تبطلها يله مع السلامه
فهد : الله وياك ... طلع الحجي واني رجعت اشوف السجلات علما يجي هالحمار ماطلع جاي هذا لو باجه جان ستوت هسه
_______________
غنى : كاعدين بمكانه واجه مرتضى مدري ليش كرهته لان تعاركت ويه فهد من ورى
مرتضى : صباح الخير
البنات : صباح النور
اروى : خير مرتضى شعندك
مرتضى : والله هالسؤال المفروض اسأله الج انتي مو بكليه الهندسه شعندج هنا
اروى : والله عاد بكيفي ... انت شعندك جاي يم النسوان
مرتضى : غنى عادي شويه تجين
نرجس : خير شتريد منها
مرتضى : لتصيرين حشريه ... هاا غنى
اروى : تعالي نرجس اليوم مسوين عصير بالنادي يجنن تعاي عازمتج اني
نرجس : ما احب العصير
اروى : ميخالف عود طلبي اي شي
نرجس : مو جوعانه
اروى : دتعالي روحي وياي شبيج سحلتها كوه خرب يومج شكد لزكه عوفي الولد
نرجس : ولج عوفيني خلي اشوف شيريد منها
اروى : الله اكبر عليج تعاي يله
مرتضى : ممكن اكعد
غنى : تفضل
مرتضى : ما فكرتي بموضوعنه
غنى : ليش احنه اكو بيناتنه موضوع
مرتضى :خلي ادخل بصلب الموضوع ... اني سمعت بخالتج سافرت وانتي بقيتي يم خالتج الثانيه وما مرتاحه
غنى : ماراح اكلك منين عرفت بس انت شعليك بحياتي الخاصه مااعتقد هذا شي يخصك
مرتضى : شوفي غنى اني عندي الج حل يطلعك من هالمشاكل الي جاي تواجهيها بحياتج
غنى : والي هو ؟
مرتضى : نتزوج لتحجين انطيني مجال ... سمعيني زين اذا تزوجنه ماراح تحتاجين بعد لا خاله ولا عمه ولا اي احد واني مستعد اعوف امي واكعدج بيت وحدج حتى اذا تردين بعيد عن اهلي اني موافق
غنى : بعيدا عن اقتراحك الي هو اصلا مرفوض بس الرجال البي خير يعوف امه على حساب وحده مصارله حتى اربع سنين من يعرفها
مرتضى : اني اريد راحتج لهسبب حجيت هيج
غنى : اذا صدوك تريد راحتي عوفني بحالي ولتضل تفتح موضوع الزواج كدامي كل ساعه
مرتضى : هسه غير تفهميني انتي رافضتني اني شخصياً لو رافضه موضوع الزواج من اساسه
غنى : سألتني الف مره وجاوبتك اني مااريد اتزوج
مرتضى : وبعدين تبقين طول الحياه بدون زواج
غنى : الكاتبه الله يصير مو بكيفي احجي واخطط للمستقبل وهي الاقدار بأيد ربك ورجاءا مرتضى هالموضوع لتفتحه ويايه بعد خلينه زملاء وواحد محترم اللاخ احسن ... كمت عن اذنك رحت وره البنات لكيتهن كاعدات بالنادي اشرتلهن اجن
اروى : شراد منج
غنى : تنهدت تفس الموضوع
نرجس : ورجعتي رفضتي مو
غنى : اكيد
اروى : اكول غنى ليش ترفضي مااشوف بي شي ينرفض
غنى : مابي عيوب بس اني ما احبه ولاتعجبني تصرفاته خاصه بعد اخر موقف سخيف صار ويايه بسببه كمت اضوج منه
نرجس : اي موقف
غنى : عضيت شفتي شلون جفصه هاي يبوو جماله كدام نرجس ... مو موقف وانما تصرفاته هيج اقصد
نرجس : ضيقت عيونها .... اشم ريحه جذب على الحطب
اروى : هههه منين جبتي هالسالفه
غنى : لا حطب ولا فحم يله اني اروح للمحاضره انتي لحكيني باي اروى
نرجس : اذا ما طلعت عدها شي وضامته عنه اطلع كلشي ما افتهم
اروى : انتي ضلي دققي وحللي ومن توصلين لنتيجه بلغيني
نرجس : هزيت راسي
________________________
غانم : خليت الملف على المكتب وهذا كتاب الترقيه وصل
ايمن : والمن الترقيه
غانم : استريحو ... الترقيه راح تكون للضابط فهد باعتباره دخل دورات واستلم عمليات هواي وكدر يحلها واهمها عمليه القبض على واحد من اخطر تجار المخدرات بالعراق وطبعا انتو هم راح تترقون بس مو هسه من يوصل كتابكم
عمر : يستاهل فهد اكثر واحد يتعب بينه هو
مهيمن : فعلا
حيدر : بس سيدي احنه هم تعبنه بالعمليات وهم حياتنه جانت معرضه للخطر على يا اساس فهد يترقه من دون الضباط
غانم : والله عاد اني مارقيت فهد من كيفي الكتاب اجاني من الوزاره بي هالامر وانتو ما شملتكم الترقيه فهاي مو مشكلتي عندك مشكله روح للوزاره وتفاهم وياهم
حيدر : هذا مو عدل انت تدري احنه منكدر نوصل للوزاره خوفاً من العقوبات وفوك هذا جاي نتعب تعب المطي ميتعبه وبالتالي فهد بستلم زمام الامور مو عدل هذا انوب حتى بالشرطه كمنه ندور واسطات
مهيمن : انت شبيك واسطاتيش
حيدر : كلنه نعرف فهد يتعامل معامله خاصه لان ابو جان لواء
غانم : فهد ما عليه بأبو اصلا لوما الاسم ماجان فهد كال اللواء سالم الله يرحمه ابويه
عمر : وبعدين بشغلته كل واحد يثبت وجوده بذكائه وتعبه مو بالواسطه يافهيم
حيدر : انو جماعته اكيد تدافعوله
ايمن : شو دروح خبصتنه على الترقيه عبالك شو شراح يصير اذا تأخرت ترقيتنه شهر
حيدر : حل عني يمعود انت فايخ
غانم : نفضلو روحو لمكاتبكم ومن باجر نباشر بالتخطيط للعمليه لان فهد راح يرجع
الشباب : حاضر سيدي
____________________
فهد : طبيت للبيت لكيت الكل متجمعين ... سلمت عليهم واجن خواتي حضنني
اروى : الحمدلله على سلامتك فهودي
ورده : حبيبي فهد شتاقيتلك
فهد : بستهن اني اكثر بشرن شلونجن
ورده : ابشرك اني مثل الورد
فهد : ابتسمت ... يله اني اروح ابدل واجي صعدت لغرفتي سبحت وبدلت ونزلت صارت بوجهي مرت فيصل استغفر الله هاي احد كايللها احنه اخوتها شنو هاللبس هذا رجلها اعمى ميشوفها
بتول : ستوه نور البيت والله مكانك خالي فهد
فهد : شكرا .... كعدت جابن الغده وكعدنه نتغده
فيصل : مو من عوايدك تبقه اسبوعين بره البيت
فهد : هاي بعد صارلي شغل
فيصل : كتلي شغل
فهد : ليش عندك شك
فيصل : ابتسم بجانبيه ... لا طبعا
ساره : فهد انطيني المملحه من يمك
فهد : مو هاي يمج وحده
ساره : هاا اي ما انتبهت
فهد : اليوم الاكل مو امي طابخته ماعجبني ... اكل امي وغنى طيب هذني مدري شلون يطبخن ... كمت دايمه رحت غسلت وصعدت لغرفتي نزعت تشيرتي ونمت
________________
ساره : اكول فيصل
فيصل : شتردين
ساره : فهد اخوك عليمن طالع خشن شو انتو ضعاف وناعمين
فيصل : على خواله مره شفتهم من اجو لهنا هم مثل فهد طوال وضخام عكسنه اخذنه نعومه امي
ساره : اي صحيح حتى خاله ايمان ضخمه مو ناعمه
فيصل : اي بس ليش تسألين
ساره : هيج فضول
فيصل : غمضت عيوني
ساره : فيصل مرتك شوكت تطلكها
فيصل : ليش منو كلج راح اطلكها لو مهما يكن تبقه ام جهالي ولازم ارجعها
ساره : واذا هي ماقبلت ترجع
فيصل : انتي لتدخلين وهي ترجع وهسه وخري عن وجهي اريد انام
ساره : دار وجهه غميته ونمت
____________________
غنى : احس البيت وحشه صار لابد فهد جان مسوي جو بالبيت ... ضوجه يربي وين اروح صلاه وصليت قران وقريت شسوي هسه ... باجر عندي امتحان قريته من رجعت وهسه معندي واهس حتى اراجع اففف الدنيا صارت ليل خلي اكوم اقره ادعيه بلكي ترتاح نفسيتي .... طلعت كتاب الادعيه وكعدت اقره مر الوقت ومحسيت بي شلت راسي شفتها بالوحده .... هاي شكد مر وقت سمعت صوت موبايلي شفته فهد ابتسمت ... الوو
فهد : كاعده
غنى : اي كاعده
فهد : شجاي تسوين
غنى : اقره ادعيه
فهد : بهالوقت ؟
غنى : اي شكو بيها
فهد : شلون كان يومج
غنى : عادي وانت
فهد : اني رجعت واستقبلتني مفاجئات اولها مرت اخويه الجديده ... سولفتلها عليها
غنى : يجوز البنيه طبعها سبورتيه لتدقق وياها
فهد : ما ادري بس ما ارتاحيتلها ولو نسوان فيصل ثنينهن مو راحه
غنى : ميجوز تحجي هيج عندك خوات
فهد : شلونه البيت بدوني
غنى : حقيقه خلصت منك ومن عصبيتك
فهد : ابتسمت يا جذابه هو انتي الي خلصتي لو اني
غنى : انت مخابرني حتى تتعارك
فهد : لا حتى اسأل عليج ضل بالي يمج
غنى : ليضل بالك اني تمام
فهد : واثق من هالشي انتي كدها مينخاف عليج
غنى : ابتسمت ضلينه نسولف شويه وسدينه الموبايل اباوع لوجهي حلكي مشروك من الاذن للاذن ... هاي شبيج ثكلي شويه مستخفه هواي هالايام مجاي اعرفج
فهد : سديته منها اجاني اتصال من فرح شلته الوو
فرح : صار فوك الساعه ادك عليك ويطلعلي انتظار شنو سالفتك فهد
فهد : انتي شبيج خير شكو بيش طالبتني
فرح : كلما اخابرك يطلعلي انتظار ... ولتكلي شغل ماكو شغل الساعه 2:30 الصبح
فهد : اني مامجبور ابررلج احترمي نفسج وجري عدل اصلا شتردين مخابرتني
فرح : لحظه سده
فهد : وصلتني صوره الها لابسه ومتحضره رجعت خابرتني .
فرح : شوف هاي التحضيرات كلها الك عبالي راح تجي من شغلك كبل لحضني اليوم بس ما اجيت من الظهر لسه اني واكفه اعدل وابدل واطبخ ما خليت شي ما سويته وتاليها متجي
فهد : اني ماوعدتج اجي
فرح : فهد تره برودة اعصابك تنرفزني
فهد : يطيج طوب اني شكو تنرفزتي لا تنرفزتي
فرح : ياربي راح انجن من وراك المهم باجر تجي لو لا
فهد : اشوف ... يله باي
فرح : لحظه
فهد : نعم
فرح : خو ما زعلت مني
فهد : لا مازعلت يله تصبحين على خير
فرح : وانت بخير يله باي
فهد : باي ... غمضت عيوني اووف شيخلص العقد وافتك منج لعبتي روحي بالبدايه جنتي شزينج هسه مدري شبيج انجلبتي على الصخام متشبعين لخاطر محمد ..... مسحت على وجهي تذكرت كلامي ويه غنى همزين ما كتلها اني مزوج هالموضوع محد يدري بي حتى جماعتي ... كمت نزلت جوه اشرب ماي البيت هدوء الابره اذا تذبها تسمع صوتها دخلت للمطبخ وجان اشوف ......
************
يتبع
- يتبع الفصل التالي اضغط على (ذنوب على قيد الغفران) اسم الرواية