رواية سر بين السطور كاملة بقلم ريو الطائي عبر مدونة دليل الروايات
رواية سر بين السطور الفصل الاول 1
البارت 1
-سر بين السطور -
-الكاتبه ريو الطائي-
لاتنسون المتابعه وتعليق بين الفراقات
احبكم فرولاتي✨🖤
اصلو على نبينا محمد 🥰💕
.......
كعدت بزاويه الغرفه واني مصدومه احس دموعي بأي لحظأ تنزل رفعت ايدي باوع على ظفيرتي اريد دموعي تنزل حتى ارتاح بس مجاي تنزل شمرت الظفيره بعيد مني وباوعله كلمه تتردد بعقلي لاتبجين بس تبجين
تضعفين كل قوتج راح تروح تحملي ماابقه هواي عن قريب راح ترتاحين
وتعيشين حياة حلوه انتي واختج
صفنت بالفراغ وضحكت بستهزاء
:سنين ويتردد هاذه الكلام بعقلي
بس ماشفت السعاده بحياتي
غمضت عيوني وافكر
: ياترى لو اهلي عايشين شلون راح
تكون حياتي هم جنت راح اعيش
مثل باقي البنات اب عظيم ام حنونه
اخ يكون سند النه بهاي الحياة ليش
نكتب علينا نعيش هاذه الذل
فزيت على فتحت الباب بقيت مغمضه
بالحظه اضعف مني نزلت دموعي الدموع
المن سنين حبسته خطوات بطيء تتقرب
مني فتحت عيوني باوعتلها ودموعي نزلت
بغزاره جانت تباوعلي بنظرات حنونه
بيها اخوف كعدت كدامي مدت ايده حتى
امسح دموعي لزمت ايدها بقوه مانعته
رفعت راسي باوع بعيونه سحبت ايدها
مني وبقت ساكته جانت تحاول تلزم
نفسها حتى ماتبجي على
وضعي ضحكت من بين دموعي
:: ليش ماتردين ابجي؟
باوعت عليه وماردت كامت من كدامي
وراحت اخذت الظفيره تباوعلها وتتحسر
كعدت بالرض خليت الظفيره كدامه
لميت رجليها لصدرها وتباوعلها وساكته
بس صوت نفسها ينسمع توقفت عن
البجي من همست بصوت خافت
:: بس الشخص الضعيف تنزل دموعه
انت مو ضعيفه عن قريب راح تطلع
حوبتنه بيهم
خزرته وعطت بيها بصوت عالي
: سنيييين وانت تكولينننن هاذه
الكلام بس ماصار شيي محد جاي
يتعب غيرنه
رفعت راسها باوعتلي بخزره لان ماتحب
الصوت العالي همست من بين اسنانه
.. كم مره كلت لاتعلين صوتج عليه
مارديت بقيت سكته تنهدت بصوت
وفركت وجهه بتعب
.. ادري بيج زعلانه لان أكص شعرج
بس مااريد تبجين حنى بشنو وعدنه
بعض« نيران» ؟
دنكت راسي ودموعي نزلت بكسره
نيران: ان ماتنزل دموعنه الى من نكون
سجدين الرب العالمين بس انت تعرفين
شكد حب شعري جان يكدر يعقبني مثل
كل مره لو يحرك ايدي او يكتلني بالحزام
او يحبسني بالغرفه وابقه بدون اكل
حجيت هاذه الكلام وشهكت من البجي
واني اتذكر شلون كتلني وأكص شعري
بس لان مارحت للشغل اليوم باوعت على
شعري من بعد ماجان لحد نهايت ضهري
هسه صار لحد اكتافي لشوكت راح انبقه
تحت رحمته ولا كأنه بنات اخته
كامت -جيلان- من مكانه بدون كلام وطلعت
من الغرفه ماهتميت بقيت على كعدتي
شوي ودخلت باوعتلها جانت لزمه المقص
سدت الباب وتقدمت عليه واكفت كدامي
وتباوعلي وتبتسم بهدوء
جيلان: يخسه شعري كدام انظرات عيونج
ذني
افهمت شنو تريد تسوي كمت بسرعه
وتقربت منها مديت ايدي حتى تنطيني
المقص هزت راسها بالرفض وجعت
خطوتين ورا خزرتها
نيران: ليش تريدين تكصين شعرج؟
جيلان: اني مااحبه ومن زمان جنت اريد
كصه وهسه اجه الوقت المناسب
نيران: ادري بيج تسوين هيج حتى
من اشوفه ماانقهر وضوج
ضحكت وفتحت شعرها جانت شدته
كبايه تسرسح على ضهرها مثل الحرير
جيلان: مصدكه نفسج انت تدرين بيه مااحبج
باوعتله وابتسمت اخذت المقص منها
وشمرته بزاويه الغرفه رحت تمددت
بفراشي وحجيت
نيران: شعور متبادل حتى اني مااحبج
ضحكت بصوت وراحت طفت الضوء
واجت تمددت بفراشها الفت نفسها
بالبطانية لان الجو بارد كلش وكل
وحده الها بطانية وحده درت جسمي
عليها اصرنه وجه بوجه جان اكو ضوء
خفيف يدخل للغرفه جانت عيونها
تتحرك على كل تفاصيل وجهي لحد
ماركزت انظرها على عيوني مدت
ايدها وخلتها عليهن
همست بصوت مليان حنيه
جيلان: تدرين من باوع على عيونج
احسن همومي كلها تنزاح
نيران: ليش هيج تحبين عيوني اكو
هواي غيري عيونهم ملونات؟
جيلان: لان حسهن مميزات عن الغير
وخرت ايدها وغطيته وياي بالبطانية
مالتي ودرت وجهي منها وغمضت عيوني
وهمست
نيران: جذابه تحبيهن لان انت موجوده
بيهن
ماردت بس حضنتني من ضهري ابتسمت
على لطافتها حتى نسيت موضوع شعري
شوي ورحنه بالنوم ياترى شنو ضامتلنه
الأيام الجايه
كعدت الصبح على دفره بطني فزيت
من النوم فتحت عيوني باوعت جان
خالي معصب ويعيط بصوت عالي
يريد اروح للشغل لزمت بطني من
شدت الوجع لزمني من شعري وعاط
بصوت
عباس: يلااااا كووووميي الساعه 6 شوكتت
تروحييييننن للشغلللل لعد
صرت تلاوه ابيده لان لزم شعري قوي
كامت جيلان بسرعه تحاول توخر ايده
من شعري
جيلان: اخلص عوفها خالو هسه تروح
بس ترك شعرها
خزرها وشمرني على فراشي وطلع من
الغرفه كل هاذه واني سكته رحت جيلان
وسدت الباب ورجعت باوعتلي بستغراب
جيلان: اول مره ماتردين بوجهه وتعيطين
بيج شي بعدج مريضه
مارديت رفعت ايدي حتى جمع شعري
بس مانلم لان قصير تنهدت بقلت اصبر
راحت جيلان واخذت المقص من الرض
وأجت كعدت وراي ماهتميت شتريد خلي
تسوي مااكو شي يهمني بعد كملت واجت
صارت كدامي باوعتلها
جيلان: هسه صار حلو تجننين طلعتي
بوعتلها صفح ورحت على الكنتور طلعت
ملابس اخذتهن ونزلت جوه دخلت للحمام
سبحت بسرعه ولبست ملابسي
وطلعت مشطت شعري شلون ماكان
لبست الشفقه باوعت على جيلان
وبتسمت جانت شايله الفه مال جبن
اخذتها منها وبسته من خده وحجيت
نيران: شوكرن ياتوأمي
جيلان: يلا روحي بسرعه قبل لايطلع
خالي ويسويلنه مشكله
هزيت راسي وطلعت بسرعه اجت وراي
سدت الباب باوعت بشارع فارغ مااكو
احد اكلت الفه بسرعه وخليت وايديناتي
بجيوب البنطلون
وتنفس براحه وافكر راح انبقه هيج كل
حياتنه غيرنه عايش ومرتاح وحنى نتحسر
على الاكل دائما جيلان تردد بكلمه
آنِ آلَلَهّ مًعٌ آلَصّآبًريَنِ الى ماتفرج بالنهايه
اخذت نفس عميق وزفرته وصلت للمطعم
جان الباب الوراني مفتوح دخلت جانو ينضفون الطاولات والمدير واكف ويباوعلهم عفتهم ورحت
اغسلت ايديناتي ورحت انظف وياهم
رتبنه المطعم وبدت الناس تجي اني جان
شغلي اشوف طلبات الزباأن ونقل الاكل الهم
عدلت الشفقه ورتبت شعري من جوه لان لازم
يكون شكلنه مرتب جنت لبسه ابنطلون
اسود وتيشيرت ابيض وفوكه قمصله
المطعم مابي ناس هواي لان الدنيا
الصبح مو مثل الضهر ممتلئ
باوعت على وحده من الطاولات جان
بيها رجال كاعد وحده من اول مأاجه
وهوه بس يباوع كل مارفع راسي باوعله
جانت عيونه عليه اجت وحده من اليشتغلن
وياي اسمها سماء ندستني من ايدي باوعتلها
تقربت مني حتى لحد يسمع وحجت
سماء: هذاك الرجال ليش يباوعلج
تعرفينه؟
باوعتله ورجعت باوعله جان بعده يباوعلي
فركت وجهي بتوتر ودرت وجهي عنه
نيران: لا ماعرفه
سماء: لعد ليش هيج يباوعلج ولج خاف
يطلع معجبج اكثر من مره شوفه يجي هنا
نيران: مملاحضه اول مره اشوفه أصلآ
مايهمني لاتخلين هسه اروح فكس عيونه
سماء: دنجبي دباوعي شكد حلو اخخ
ليش محد يباوعلي مثل هاي النظرات
درت وجهي الها خزرته واخذت المنيو
ورحت علي واني الف سوأل بالي شنو
قصدها يعني هواي دوم موجود ليش
مشايفته قبل
وصلت عنده باوعتله بخزره وخليت
المنيو كدامه دنك راسه وطلع جهازه
يطكطك بي مامهتملي تنرفزت تحمحمت
وحجيت
نيران: تفضل حظرتك شنو حاب تطلب
مارد ابقه سكت واني بس باوعله
درت وجهي على سماء جانت
واكفه وتباوعلي وتضحك بصوت خزرته
خليت ايدها على حلكه تحاول ماتضحك
رجعت باوعتله وهوه على نفس وضعه
ماتحرك
نيران: أستاذ اذا مااحب تطلب شي
شكو داخل للمطعم
هم مارد تنرفزت بزياده مديت ايدي
حتى اخذ المنيو بس نزل الجهاز من
ايده واخذه من ايدي يباوع بي واني
واكفت باوعله وهز برجلي واحس
بأي لحظأ نفجر من العصبيه
رفع راسه باوعلي وابتسم ماعرفت شنو
سبب هاي الابتسامه نزل المنيو من
ايده وخلا على طاوله وحجه
... بس اريد قهوه
باوعتله بصدمه يعني كل هاي المده واكفه
فوك راسك ماتريد غير قهوه؟؟
نيران: شنووو كلت تريدد قهوه
رفع راسه باوعلي بخزره وتلفت على
موجودين بس محد انتبه النه
... وطرش صوتج ماتسمعين شنو
يلا ستعجلي
اخذت المنيو وعفته ورحت واني
نار شبت بين ضلوعي لان مااكدر جاوبه
لزم نحترم الزبائن رحت كتلهم واحد قهوه
وبقيت واكفه انتظرهم حتى يجهزو
اجت سماء واكفت يمي وتحاول تكتم
ضحكته باوعتله
نيران: لاتضلين تكشرين يمي مالي خلكج
روحي من وجهي
سماء: شبيج حبيبتي لاتعصبين ولا على
بالج شنو كلج وانتي هيج عصبيتي
من عنده
نيران: مغرور عابت شلون وجهه
كلج فدوه اخذي انتي اله
ماطول مااكو زبائن هواي
هزت راسها وراحت اخذت القهوه ودته
اله رحت كعدت على واحد من الكراسي
ستراح شوي رفعت راسي باوعلها يحجي
وياها وهيه تهز براسه شالت كوب القهوه
واجت بتجاهي وصلت يمي وقدمته الي
سماء: يكول خلي هيه تجيب اليه
نيران: هوه اليوم من بدايته منحوس
جيبي يمعوده
اخذته منها ورحتله خليته كدامي ونصه
تكبكب لان خليته على طاوله بعصبيه
باوع علي وابتسم وابقى مدنك
نيران: تفضل ستاذ شرب وان شاءلله
بعد ماشوفك بهاذه المطعم
مارد عفته وجيت رجع بس اسمعته كال
بصوت خافت
.مميزه
مارديت عفته ورحت حتى كمل شغلي
بعد مارفعت راسي ولا باوعتله هوه
ماطول شوي راح اخلص دوامي صار الساعه
12 ونص نطاني المدير يوميتي الي
هيه 15الف اخذتهن وطلعنه اني وسماء
من المطعم نمشي والوضع هدوء شوي
وحجت هيه
سماء: كلج ليش انتي دائما ساكته معقوله
مااكو كلام حابه تكولينه وتطلعين البداخلج
وسوأل ثاني ليش لبسج كله اسود شعرج
قبل يومين جان طويل واليوم قصير
بقيت مدنكه راسي وامشي تنهدت واني
حاول مابين ضعفي لحد واكفت عن
المشي وهيه هم واكفت تباوع لتعابير
وجهي تريد اتفهم شبيه
نيران: شوفي سماء صح انتي الوحيده
الحجي وياها بشغل بس مااكدر حجيلج
عن حياتي الشغل غير وحياتي غير
فأ لاتبقين تسئلين لان ماراح تحصلين
لجواب على اسئلتج
سماء: مو ق...
بعده ماكملت كلامها عفتها ومشيت حنى
طريق بيوتنه مختلف ماتكدر تجي وراي
تنهدت واني تذكر اسلتها شنو حجيلها
ان عايشين عد خالي وعلى طالعه والنزله
يضرب بينه حتى مااخلانه نسجل بجامعه
وصلت للبيت باوعتله بتعب احس ماريد
رجع اريد ابقه طول اليوم بشغل بس حتى
مااسمع صوت عركاتهم وضربهم النه مجبوره
رجع بس علمود اختي
فتحت الباب ودخلت جانت جيلان واكفه
تنتظرني من شافتني بينت ابتسامتها
تقربت مني ونزعت الشفقه
جيلان: ليش تأخرتي صارت الساعه 1
نيران لا يكون عندج غير دروب
باوعتلها وكعدت بالرض ونزعت حذائي
(تكرمون)
نيران: اي عندي وعن قريب راح تشوفيني
طلع بالتلفزيون وهز كدام العالم
خزرتني وكفختني على راسي ابتسمت
بس سرعان ماختفت ابتسامتي من شفت
خالي اجه بتجاهي دنكت راسي
عباس: وين جنتييي دايحهه الساعه 1
الضهررر ليش لحد هسه يلا رجعتي
نيران: غير هاذه الشغل اني شعليه؟
فرك وجهه بعصبيه ومدا ايده الي
عباس: جيبي الفلوس بسرعه
نيران: انت مايهمك شي غير الفلوس
تعرف ان المدير شاد وياي ليش ماتريد
تخليني بطل من هاذه الشغل
عباس: انت واختج ماتهمني اسمعي اذا
بس تحاولين تسوين مشاكل بشغل
او وياه مدير صدكيني راح خليج
تشتغلين غير شغل وانت تعرفين
ياشغل قصد وهسههههه جيبي
الفلوس
هزيت راسي وطلعت الفلوس ونطيتهن
النترهن من ايدي اجه يروح بس رجع
باوعلي تقرب مني وضربني براشدي
احس خدي خدر من قوته لزمني من
شعري قوي وحجه من بين اسنانه
عباس: كلج على بعضج بنت واحد
كوا* زين عليه مخليجن لحد هسه
عايشات
مارديت علي ادري بي يريد ينرفزني
حتى رد ويكتلني بقيت ساكته وباوعله
بغل وحقد ترك شعري ودفرني بصدري
وطلع من البيت لزمت صدري متوجعه
وجيلان المتني لحضنه ماابيده شي
تسوي بقيت كاعده لحد مااخف الألم
كامت واكفتني ودخلنه داخل جانت
مرت خالي كاعده على الكرويته وتصبغ
بظافيرها وبناتها الاثنين كاعدات يلعبن
بتلفوناتهن رفعت راسها باوعتلي وضحكت
مروه: هاا خوش كتله موو
هبه: ماما ليش بابا هيج يسوي بيها
مو خطيه فوك ماتشتغل ومتحمله
الألم اوف شكد خطيه انتن
ضحكت امها بصوت عالي وبقن اثنينهم
يحجن ويطعنن بشرفنه باوعت على جيلان
جانت ساكته وتباوعلهن دأرت وجهه
الي ولزمت ايدي وصعدنه الغرفه فتحت
الباب ودخلنه جان بيها فراشات وكنتور
مخلين بي ملابسنه والمكينه مال الخياطه
مالت اختي التشتغل بيها جابلها مكينه
بس احتى يحصل فلوس من عدنه اثنينه
تنهدت وكعدت على فراش وجيلان كعدت
كدامي
باوعتلها واني احس بغصه
نيران: جيلان ليش هيج يسون بينا
بس لان ماعدنه احد يحتوينه
جيلان: لاتهتمين الكلامهم مو اول
مره هيج يحجن تعالي شوفي شنو
جأبت
باوعتلها بستغراب راحت بزاويه مال الغرفه
وخرت الغطه من صينيه بيها
ماعون تمن والثاني مرك باميه بي
نيران: ولج بس لاشفتج وانتي مصعدتها
جيلان: لا تخافين محد جان موجود خالي
جان نايم لان البارحه مكثر بشرب ينام ويرجع
يكعد ومرته قبل شويه اجت وهبه وفاء جانن
نايمات
باوعتلها بحب كرصتني من خدي وبلشنه
نااكل كملنه اكل رجعت الصينه بزاويه
حتى من ينامون تنزلها شوي وصحتله
مرت خالي حتى تروح تصبلهم سم بكلوبهم
تمددت بالفراش وتغطيت لان الجو بارد
مغمضه عيوني وافكر شكوت راح يتغير
هاذه الحال شو ورحت بالنوم
فزيت على جيلان تعيط بصوت عالي.....
- يتبع الفصل التالي اضغط على ( سر بين السطور) اسم الرواية