رواية وعد كامة بقلم سارة عبدالباري عبر مدونة دليل الروايات
رواية وعد الفصل الاول 1
بقلمى ✍️سارة عبدالباري صابر. استيقظت مبكرا من نومها بوجه
مشرق كإشراق الشمس فى نوره بدأت باستعادة نشاطها لتستقبل يوم جديد ثم فتحت شرفتها لكى ترى جمال الطبيعه الخلابه فرأت عصفورها يرفرف بأجنحته ابتسمت لرقته وجماله ثم ذهبت لتأديه فرضها واخذت تدعو ربها ان ييسر لها امورها وان تنال مطلبها فاليوم سوف تقدم على وظيفه جديدة فهى قضت الكثير من الوقت تبحث ولم تعثر على اى عمل حتى هذه اللحظه فبرغم كونها انثي الا انها صمدت صمود الجبال لكل ما حل بها . فتحت خذانتها وانتقت منها ملابس بسيطه تناسب مقابلتها الاولى ثم اغتسلت وارتدت ملابسها وخرجت لكى تتناول وجبت الافطار مع عائلتها البسيطه .
وعد بابتسامه مشرقه صباح الفل يا دودو.
الام بابتسامه رضا صباح الفل والياسمين على عيونك يا حبيبتي اى القمر ده كله.
وعد. انتى اللى قمر يا دودو اى الفطار دة كله انتى عازمه حد وانا معرفش.
الام. لا ابدا يا حبيبتي بالهنا على قلوبكم خدى الأطباق على السفرة زمان اخواتك ميتين من الجوع.
وعد عيونى يا دودو.
وعد بدأت ترص الأطباق على السفرة واتجمعو مع بعض.
مريم اخت وعد الصغيرة بالصف الثالث الاعدادى واخيها التوأم مازن .
مريم. انا محتاجه فلوس علشان اجيب ملخص ضرورى يا وعد.
مازن بنظرة غضب ملخص اى اللى محتجاه احنا مش محتاجين ملخصات.
مريم انا بتكلم عن نفسي خليك انت يا مجتهد زاكر من غير ملخصات انا مش بعرف اذاكر.
وعد بابتسامه عيونى يا حبيبتي انا نازله شغل النهارده وهجيبلكم كل اللى محتاجينه .
مريم بابتسامه رضا متشكرة .
وعد اى يابنتى الادب اللى حل عليكى دة كله.
مازن مش فيها ملخص لازم تبقى مؤدبه.
مريم بنظرة غضب ملكش دعوه خليك فى حالك.
وعد ممسكه برأسها من تشاجرهم بس كفايه صداع انا نازله يا ماما وانتو على المذاكرة مش عايزة حجج ولعب اتفقنا.
الاتنين فى نفس التوقيت اتفقنا.
الام بنظرة حنان ربنا يجبر بخاطرك يا حبيبتي وييسرلك كل امورك.
وعد بابتسامه يارب يا ست الكل السلام عليكم.
#################
وعد وصلت الشركه اللى كانت منزله اعلان للشغل. ركبت الاسانسير ووصلت للمكتب.
وعد السلام عليكم ورحمة الله وبركاته.
السكرتيرة وعليكم السلام.
وعد انا جايه بخصوص الاعلان اللى كان نازل.
السكرتيرة اه اهلا وسهلا اتفضلى حضرتك هبلغ يوسف باشا بوجودك.
وعد بابتسامه تمام.
السكرتيرة خبطت ودخلت المكتب يوسف باشا فى واحده بره بخصوص الإعلان على الشغل.
يوسف خليها تتفضل.
السكرتيرة لوعد اتفضلى يوسف باشا فى انتظارك.
وعد دخلت المكتب وكان باين عليها التوتر السلام عليكم.
يوسف بابتسامه وعليكم السلام ورحمة الله وبركاته اتفضلى.
وعد دخلت وقعدت على الكرسي.
يوسف اسم حضرتك والمؤهل
وعد. اسمى وعد محمد ٢٦ سنه مخلصه كليه تجارة واخدت كورسات برمجة.
يوسف اهلا بيكي يا انسه وعد. علشان مااخدش من وقتك كتير هشرحلك طبيعه الشغل وليكي الحق انك ترفضى او توافقي.
وعد اتفضل حضرتك.
يوسف انا اسمي يوسف المهدى ٣٢ سنه وعندى بنوته اسميها تقي ٦سنين مامتها توفت من حوالى سنتين وكنت محتاجك تشتغلى مربيه ليها.
وعد نعم مربيه اى هو مش الاعلان نازل وحضراتكم طالبين سكرتيرة .
يوسف الحقيقه انا نزلت الاعلان وطلبت سكرتيره لان لو كنت قولت ان عايز مربيه مكانش حد هيوافق يشتغل.
وعد بس انا.
يوسف انسه وعد اعتبريها خدمه انسانيه تقي من ساعه وفاه مامتها وحالتها النفسيه صعبه جدا مليهاش اصحاب ودايما منعزله.
وعد طيب لى حضرتك معرضتهاش على دكتور نفسي.
يوسف وانتي فاكرة انى معملتش كدا كلهم قالو ده شئ طبيعي ولازم يبقي عندها اصحاب وحد يشاركها فى أنشطه طول الوقت وزى ماانتى شايفه انا الشغل واخد كل وقتي.
وعد طيب ياعنى اى النظام بالظبط.
يوسف مبدأيا كدا مده الشغل هتتوقف على درجة تحسنها ياعنى لو البنت تحسنت بسرعه انتى تقدرى تمشي فى اى وقت. وماهيتاب هتتولى الامر
وعد مش فاهمه ياعنى اى ومين ماهيتاب.
يوسف ماهيتاب دى تبقي خطيبتى وان شاء الله حياتنا هتستقر ومش هيبقي فى داعى لوجودك او ان اجيب مربيه تانى.
وعد ياعنى حضرتك كنت بتجيب مربيات ليها قبلى والموضوع منفعش.
يوسف الحقيقه هى ماهى اللى كانت بتجيبهم بس البنت مكانتش بتتقبل حد فيهم.
وعد فى اللحظه دى فكرت في تقي وتخيلت مريم ومازن اخواتها وقررت انها تساعدها.
وعد انا موافقه اقدر استلم الشغل متى.
يوسف غريب كنت فاكرك هترفضى او على الاقل تفكرى فى الموضوع.
وعد لا انا موافقه وان شاء الله هتتحسن وهترجع زى الاول واحسن.
يوسف بابتسامه خلاص تمام تقدرى تستلمي الشغل من النهارده والمرتب هيبقي ٦الاف وقابل للزيادة فى حاله تحسن البنت.
وعد ان شاء الله هتتحسن وانا مش عايزة زياده ولا حاجه اهم حاجه البنت تتحسن.
يوسف ان شاء الله اتفضلى معايا هوصلك الفيلا وفى عربيه هتاخدك الشغل وترجعك كل يوم.
وعد تمام اتفضل حضرتك.
يوسف وصل وعد الفيلا.
وعد انبهرت بجمالها كانت تفاصيلها بسيطه جدا ولفت انتباها كميه الورد الجورى وغيرها من الزهور الجميله.
يوسف ملك الله يرحمها كانت بتحب الورد.
وعد بنظرة حزن ربنا يرحمها.
يوسف اتفضلى. يوسف ووعد دخلو الفيلا.
يوسف. دادا فاطمه يا دادا.
فاطمه تحت امرك يا يوسف باشا.
يوسف فين تقي يا دادا.
فاطمه الهانم الصغيرة فى اوضتها.
يوسف طيب ممكن تجهزى الفطار يا دادا وتجبيه على اوضه تقي.
فاطمه تحت امرك يا يوسف باشا.
يوسف و وعد دخلو اوضه تقي الاوضه كانت جميله جدا باللون البنك وكانت مليانه لعب وعرايس. وتقى كانت قاعدة وماسكه عروستها فى ايديها.
وعد بصت على تقي وتفاجأت كانت بنوته رقيقه وجميله جدا بشرتها بيضاء وعيونها بنى غامق وشعرها طويل.
وعد بسم الله ماشاء الله اى الجمال ده.
يوسف بابتسامه تقي حبيبتي.
تقي بصت على يوسف وابتسمت وبعدين جريت وحضنته. بابي.
يوسف روح قلبي بابي عامله ايه النهارده.
تقي. ك كويسه. ح حضرتك عامل ايه.
وعد لاحظه ان تقي بتتكلم بصعوبه ودة لفت انتباها جدا.
يوسف شاور على وعد دى وعد هتبقى معاكى الفترة الجايه.
تقي بخوف ت تبقي معايا .
يوسف لاحظ خوفها الشديد بدا يهدى فيها مالك يا حبيبتي متخافيش دى وعد ظريفه جدا وهتحبي القاعدة معاها.
وعد بصت ليوسف ممكن حضرتك تسبنى معاها شويه لوحدنا.
تقي تمسكت فى يوسف اكتر ورفضت تسيبه.
وعد بابتسامه متخافيش يا تقي هنتكلم مع بعض ولو مرتحتيش اوعدك ان انا اللى همشي ومش هتشوفينى تانى اتفقنا.
تقي الى حد ما اطمنت وسابت يوسف ويوسف خرج من الاوضه.
تقي ضمت عروستها لحضنها وبصت لوعد بنظرة كلها خوف.
وعد صعبت عليها البنت جدا اى اللى يخلى طفله تخاف الخوف الشديد دة اكيد فى سبب وسبب قوى جدا.
وعد بدأت تقرب من تقي ومسكت ايديها متخافيش منى يا تقي.
تقي هزت راسها بموافقة.
وعد قوليلى يا تقي ومتخافيش فى حاجه معينه مخوفاكى او حد مزعلك احكيلى اعتبرينا اصحاب.
تقي بصت لوعد ان انتى مش هتقوليها صح.
وعد هى مين يا حبيبتي. متخافيش مش هقول لحد.
تقي بصت لوعد وعيونها بدأت تدمع ط طنط ماهي .
وعد مالها.
تقي هى هى كانت بتخوف تقي جامد وب تضربها وتقول لتقى متقولش لحد.
وعد اتصدمت من اللى بتسمعه ازاى انسان ممكن يكون بالقسوة دى واى اللى يخليها تأذي طفله بالشكل ده.
وعد اخدت تقي فى حضنها شششش اهدى يا حبيبتي متخافيش مش هتقدر تعملك حاجه بعد كدا.
تقي بصت لوعد او اوعى تقوليها حاجه انا ب بخاف منها جدا هى وحشه وب تخوف تقي.
وعد بنظرة كلها حنيه متخافيش يا روحي دة هيبقي سر مابينا.
تقي وعد
وعد بابتسامه وعد.
تقي حضنت وعد جامد انتى حنينه اوى يا طنط وعد وان ح حبيتك جدا.
فى اللحظه دى يوسف دخل واستغرب جدا انهم حضنين بعض.
يوسف اى دة ياست تقي انا كدا هبدأ اغير
وعد بابتسامه ربنا يحفظهالك .
تقي بابي انا ح حبيت طنط وعد جدا خليها نعيش معانا على طول.
يوسف مش للدرجه دي يا تقي هى هتيجى كل يوم تقعد معاكى وبعدين تمشي تانى هى برضو معاها بيت.وحاجات تانى بتعملها.
تقي بتذمر طفولى اوكي.
فى اللحظه دي باب الاوضه اتفتح وتقى بصت بخوف شديد.
يوسف اتفضلى يا ماهى.
ستوب.
ياترى اى رد فعل تقي على وجود ماهيتاب ووعد هتتصرف ازاى واى سبب كرة ماهيتاب لتقي كل دة هنعرفه فى الفصول الجايه من رواية (وعد).
بقلمى ✍️سارة عبدالباري صابر.
- يتبع الفصل التالي اضغط على ( رواية وعد) اسم الرواية