رواية رواسي الدهر كاملة بقلم روح الدليمي عبر مدونة دليل الروايات
رواية رواسي الدهر الفصل الاول 1
وهج الدمار
بسم الله الرحمن الرحيم
هلو تستوساات شلونكم
الي متعودين على مثالية الابطال الزايدة القصة هاي مراح تعجبكم لان اني ما جملت شخصيات ابطالي و ظهرتها الكم مثل ما هيَ بدون تغيير او مثالية بدون معنى
هذا اول بارت من القصه و ان شاء الله تنال اعجابكم
الي اريده منكم تصوتون على البارت و تعلقون على كل فقره شكد متكدرون و سلامتكم 🤍
سلاسل تعانقني من كُل الجهات
الروح تذبل بكلّ الثواني ...
العذاب يغرد على جسدي المنهك
اصوات وتخيلات تنهيني للجنون
زهرة ذبلت في عمق الانتقام والطغيان
الروح تصارع لأجل العيش بسلام ...
رجلاً غامضاّ يشبه الوحوش
يرتوي بالعذاب والجبروت
يتلون باللون الاسود لكي ينتشر بحياتي ...
هل هناك سفينتاً لنجاتي ام القدر لـهُ مساراً اخر
من ابداع الكاتبه سجى حسين
saja_husseiin
#رواسي_الدهر
#الكاتبة روح الدليمي
➰➰➰➰➰➰➰➰➰➰➰
واكفه كدام المرايه و عيني على جسمي
كله اثار ضرب و حرق، اخذت نفس و زفرته بقوه
شلت ملابسي لبستهن بسرعه قبل لا يدخل عليه و يشوفني بهل منظر هذا!..
مشيت بكسل و گعدت بزاويه الغرفه و لميت رجلي على صدري و استرجعت ذكرياتي ليومي الاسود.. لليوم الي غير حياتي كلها
**فلاش باك**
گعدت الصبح على صوت صياح بالبيت ما مفتهمه شكو او شصاير طلعت بسرعه من الغرفه و نزلت جوه شفت ابويه واكف هوَ و ابن عمي واحد يصيح على اللاخ
_ أنتَ كل عقلك تسوي هيج كدام العالم؟!
_عمي ماسويت شي ممنوع اجو خطبوها و نهيت عليها اني
_رواسي ما انطيها الك فاااهم لو لا!
تقدمت يمهم و حجيت ب استغراب
رواسي:شبيكم شنو هل هوسه شديصير
جاوبني ادم ابن عمي
ادم:اجوج خطابه و نهيت عليج و سووها سالفه
رواسي:شنو خطابه شنو تنهي عليه كل عقلك؟ بابا شديصير احد منكم يفهمني
راشد:ماكو شي بنتي روحي يم امج يلا
رواسي:شنوو ماكو شي و حجي ادم شنو؟
راشد:هذا لحاله يحجي ماكو شي بنتي بعدين مو عندج دوام!
رواسي:بعد ساعتين على دوامي
راشد:اي روحي ويه امج اكلي حتى تجهزين نفسج يلا ابويه
رواسي:حاضر
طلعت من يمهم و اني كل تفكيري بالسالفه معقوله ادم هيج يسوي بيه و يعرف كلش زين اني معتبرته اخويه مستحيل بيوم من الايام اشوفه ك زوج الي
طلعت للمطبخ شفت امي واكفه دتطبخ رحت عليها حضنتها و بستها من راسها
رواسي:مساء الخير جميلتي
جميله:مساء النور امي تعاي كعدي خلي احطلج شي تاكلي
رواسي:لا ما اشتهي اجيت اساعدج قبل لا اروح للدوام
جميله:ارتاحي أنتِ وراج دوام و تعب روحي اسبحي
حضنتها و حجيت بتغنج..
رواسي:يا جميتلي اذا تبقين هيج متخليني اشتغل وياج و اساعدج راح اتدلل عليكم اكثر
جميله:شعندي غيرج يا امي تدلعي براحتج حبيبة گلبي
رواسي:اني عليه حذرتج و بكيفح بعد
بستها من راسها و رجعت دخلت للبيت شفت ابويه و ادم بعدهم يتناقشون تجاهلت كلامهم و صعدت فوك لغرفتي
طلعتلي قميص و بنطلون و رهمت وياه اكسسوارات و جنطه و حذاء خليتهن على الجربايه و فتت اسبح
خلصت و طلعت بدلت ملابسي و شسورت شعري حطيت شوي مكياج خفيف
اخذت نظارتي الشمسيه خليتها على شعري
اخذت جنطتي و اغراضي و طلعت
ردت اطلع و استوقفني صوت ابويه
راشد:روسيه بنتي تعاي
رحتله و حجيت..
رواسي:نعم بابا
راشد:عندج وقت نحجي شوي؟
رواسي:كل وقتي الك اسمعك احجي
راشد:اكو ناس خطبوج مني اليوم بس ابن عمج خرب السالفه كدامهم و نهى عليج كدام الكل
رواسي:شنو المطلوب مني هسه؟
راشد:موافقه على ابن عمج؟
حجيت بتردد
رواسي:تريد الصراحه لو بنت عمها؟
ضحك بخفه و گال
راشد:اكيد الصراحه شسوي ببنت عمها
رواسي:ادم شايفته اخ الي ما اكدر اتخيله يكون زوجي و اني ما رايده الزواج حالياً بعدني ادرس خلي اخلص جامعتي و الله كريم
راشد:ارفضهم ثنينهم قصدج
رواسي:اي ممستعده حالياً ابد
ربت على كتفي بخفه و گال بحنيه
راشد:تدلل روسيتي شعندي غيرج ربي يحفظج
رواسي:يحفظك الي يارب
بسته من راسه و طلعت انتظر السايق الي متفقين وياه على طول ياخذني و يرجعني
بقيت واكفه تقريباً خمس دقايق انتظر و اخيراً شرف الاستاذ
صعدت بالسياره بسرعه و صرت ادردم عليه
رواسي:يعني مراد هيج تسوي بيه صارلي شكد واكفه انتظرك انسمطت من الشمس شنو سالفتك هاي مرتين تتأخر عليه و تخليني انتظرك
حرك السياره بدون ميحجي شي
و هالشي زاد عصبيتي اكثر
استغفرت ربي و رفعت عيني باوعتله هذا مو هوَ!
توترت و فشلت بنفس الوقت زين اذا اني مخربطه هوَ شكو حرك سيارته؟
رواسي:عفواً اخي بس مراد وين؟
_مريض و اجيت اوصلج بداله، بس ثواني اشوف السياره شبيها
طبگ السياره على جهه و فر نفسه عليه ماعرف شلون مد ايده على وجهي
حاولت ابعده عني بس هوَ غلبني من حط قطعه قماش على خشمي و حلكي لحد ما استسلمت..
ماعرف شكد المده البقيت
بيها غايبه عن الوعي
بس حسيت على صوت اطلاق نار قوي من قوته
حطيت ايدي على اذاني و ضغطت عليها حتى ما اسمع شي..
اخذتلي صفنه اريد اعرف اني وين
و شنو الي صار
و شوكت اجيت لهنا كلشي ماعرف!..
بعد مده مو قليله صار هدوء
وره شوي سمعت صوت خطوات قريبه
الخوف امتلكني و جسمي احتلته الرجفه..
كل اعضائي احسها صارت ترجف من كميه الرعب الي داشوفها..
منو هذا؟ شنو يريد مني!
ليش جابني لهنا؟!
اسأله هواي براسي بس ماكو جواب!
قاطع افكاري صوت قفل الباب و هوَ ينفتح معلن عن دخول شخص
انفتح الباب و دخل ضوء خفيف من برا بس بسرعه رجع الظلام لان انسدت الباب بقوه..
كلشي ما اشوف ظلام دامس..
فقط اسمع صوت خطوات قريبه مني..
قشعر بدني من لمسته لخدودي المتروسه دموع..
تقرب مني و حجه بهجس..
_هذا الخوف و الرجيف خلي لبعدين راح تحتاجي
نطقت بكلمات و حروف متقطعه من شده الخوف..
رواسي:ش شرايد مممنييي مم ممنو أنتَ
_مو منج من ابوج العار
بحركه سريعه منه جرني من قميصي و صاح ب اذني ..
_حضري نفسج للتعذيب راح اخليج تتمنين الموت و متحصلي!
بجيت بخوف من تهديده بجيت على نفسي الي ماعرف شنو مصيرها؟
_اذا ابوج مينفذ طلباتي راح تتعذبين و هواي و ب ايدي هاي راح اعذبج
رواسي:شنو تريد من بابا و اني شعليه ليش خطفتني
ضحك ب استفزاز و گال
_لا لا ما خطفتج اني أنتِ صعدتي وياي برضاتج لو نسيتي شلون صعدتي بالسياره؟
طلع تلفونه من جيبه و گال
_راح اصورج فيديو اريدج تطلبين من ابوج ينفذ طلباتي
مسحت دموعي و ضحكت و حجيت ب استهزاء
رواسي:كل عقلك؟ ما اجبر ابويه يسوي اي شي لان الشي الي رايده لو چان شي مو غلط ف يسوي الك بس الظاهر طلبك ميتوافق ويه مبادئ ابويه لذلك انرفض
تقدم عليه خطوتين
و ضربني بقوه على وجهي
من قوه الضربه وگعت بالگاع و صارت وشه ب اذني
رفعت راسي باوعتله و تفلت عليه
جنيت على نفسي بهاي سوايتي
انگلب ثور هائج
تهجم عليه و صار يدفر بيه على كل مكان بجسمي
انهد حيلي من كثر الضرب الحصلته
مابقه حجايه تعتب على لسانه
سمعني انواع الفشار و الغلط
اخر شي سمعته گال..
_الا اخليلج اثر كل متشوفي تتذكريني
شگگ قميصي
و جاب ماعرف شنو مجمر
ماعندي طاقه احجي او اصيح بعد
بقيت نايمه بالگاع و نضرات عيوني تتوزع على المكان
ماعرف شنو حط على زندي خلاني اصييح
من لا وعي روحي فرفحت
و حسيت نفسي انگطع
و اغمى عليه..
ضربات على وجهي، اصوات ممفهومه
فتحت عيني كلشي مغوش كدامي
بقيت اغمض و افتح بعيوني
لحد ما اتضحت الرؤيا عندي
مجموعه من الرجال متجمعين فوك راسي
كل واحد يحجي من جهه
واحد منهم شافني كعدت عاط بيهم
_كعدت كعدت واحد منكم يصيح رسيم
حجيت بصوت يرجف و التعب واضح بي ..
رواسي:ساعدوني
محد يرد عليه كلهم عافوني و طلعوا
احس بوجع موتني بزندي
باوعتله و نزلت دمعتي بسبب المنظر الشفته
ايدي تشوهت..
اجاني صوته المزعج
و هوَ يضحك مستهزء گال
_هذا شي جداً بسيط من عذاب الرسيم بعدج مشفتي شي
باوعتله و حجيت و اني اتصنع القوه
رواسي:شنو تسوي بعد؟ ترش تيزاب بوجهي؟ لو تمشيني على الجمر؟
رسيم:تفكيرج اجرامي عجبتيني
رواسي:اختصر و گول شنو تريد بالضبط!
حجه ب ثقه
رسيم:روحج
رواسي:اخذها و خلصني ليش هالعذاب؟!
سحب الكرسي و كعد عليه بالعكس
صار ظهر الكرسي على صدره
گال
رسيم:لا هيج ماتعجبيني، اني خاطفج حتى احصل الاريده من السيد الوالد من خلال تعذيبج، مراح احصل اي شي اذا اموتج
رواسي:و ابويه ميسويلك اي شي يعارض مبادئه خليها ببالك مو بس تعذبني لو شما تسوي طلباتك متتنفذ
غمضت عيوني بقوه بسبب
وجع الحرگ البيدي موتني
فزيت على ايده لزمت ايدي بهدوء
باوع بعيوني و حجه
رسيم:تأذيج؟
نترت ايدي منه و حجيت بنرفزه
رواسي:و أنتَ شكووو هااا شعليييك؟
رسيم:نعلاعلا يومج
رواسي:أنتَ بس فهمني شنو مشكلتك عندك انفصام لو شنو بالضبط احجيلي بلكي اساعدك
رسيم:ليش
رواسي:يعني هم خاطفني و حارگني و هم خايف عليه شلون رهمتها
رسيم:زين اني خاطفج و أنتِ تتسامرين ويايه شنو مخايفه مني يعني؟
رواسي:ما اخاف من بشر بس من الي خلقني لذلك خلي تعذيبك و سوالفك لنفسك متأثر بيه ابد
حاولت شكد ما اگدر ابينله انو اني مخايفه منه
بس الصراحه ميته خوف ليسوي بيه شي ثاني
ماعرف شنو اسوي و شلون اتصرف
وين اني و اهلي هسه شلون حالتهم
كومه اسئله ببالي بس ماكو الها جواب
قاطع صفنتي و تفكيري صوته و هوَ
يگول
رسيم:هيييووو وين صفنتي
رواسي:والقرآن أنتَ مو صاحي شرايد مني اطلع خليني براحتي يعني ماعندك شغل اول مره اشوف خاطف يگابل الضحيه ويگعد ياخذ و ينطي وياها
مدلي ايده و گال
رسيم:ايدج
رواسي:شبيها
رسيم:جيبي احطلج المرهم حتى لتلتهب
صرت اضحك من كل گلبي
و هوَ واگف و مكتف ايده و يباوعلي
مستغرب..
حرفياً تهسترت من الضحك
بالگوه سكتت باوعلي و گال
رسيم:خلصتي؟
رواسي:روح عالج نفسك احسن من ما تتأزم حالتك
رسيم:خوش ميخالف بس جيبي ايدج خلي ادهنها الج
حتى اضربج ابره هم
رواسي:هلووو شو صار بيها ابره شسالفه بعد روحي؟
رسيم:بالكانونه عزيزتي
رواسي:خوش بطه تلعب شناو ماكو هيج شي
صاح على واحد من الولد بصوت عالي
رسيم:حيدر تعااال بسرعه
انفتحت الباب و دخل گال
حيدر:نعم ريس
رسيم:روح جيب الدكتوره هدى و خلي تجيب العده كامله
حيدر:تأمر ريس
رواسي:عصابه متكامله ما شاء الله
ضحكت بسخريه و اردفت
رواسي: بله متكلي هم عدكم محامي لو ضابط يمشون شغلكم؟
رسيم:هواي تحجين كافي سكتي
رواسي:ليش الحجي بفلوس و اني مادري؟
رسيم:الظاهر تردين تنكتلين كتله ثانيه؟
رواسي:أنتَ هم محسوب على الرجال
رسيم:رجال و غصب عنج
رواسي:والله ما اشوف هالشي دا اشوف مطي عنده عضلات و شوارب
ضربني على حلگي جرح شفتي و صارت تنزل دم
مسحته بيدي و حجيت بصياح
رواسي:گتلك مطييي و عنده عضلات و ماكذبت لعد الي يخطف ويمد ايده على مره يتسمى رجااال؟ ياهو مكذب عليك و كايلك برااافو والله رجااال !!!
رسيم:رواااسي سكتي لتخليني ااذيج!
باوعتله مستغربه منين عرف اسمي ؟
رواسي:شلون عرفت اسمي؟؟
رسيم:بابا اعرف كل صغيره و جبيره عنج تردين اسمج ما اعرفه؟
دگ تلفونه طلعه من جيبه ابتسم و فتح الخط و گال
رسيم:هلا والله ب استاذ راشد شعجب تأخرت يلا اتصلت توقعت تتصل من الصبح
رسيم:لا لا ممرجيه منك هالحجايه اني ماخطفتها هيَ صعدت ويايه و عندي الدليل
عطت من يمي بصوت عالي
رواسي:بابا خلصننييي منههه
سد التلفون وراح فتح الباب و صاح على الولد
رسيم:شباب تعالوا شوفوا شغلكم
طلع هوَّ و دخلوا ٣ واحد منهم وگف على جهه و شال التلفون يصور و ثنين تهجموا عليه
كل واحد يضربني من جهه
اني اصيح جوه ايدهم
و احاول اخلص نفسي منهم
شالوني و حطوني كرسي و كلبچوا ايدي و رجلي بالكرسي
واحد منهم جاب قطعه قماش
وربط حلگي حتى ما اصيح
جابوا فد شي مثل القبعه بس مليانه اسلاك
حطوها على راسي
اتفرج عليهم و دموعي تنزل
خايفه من الجاي شنو راح يصير بعد
شنو ناويين يسوون بيه اكثر؟
خوف و قلق، توتر و الرجفه مفارگتني
شكد حاولت امثل القوه
بس فشلت
ثواني بس و الجهاز اشتغل، كل جسمي اختض
صرت اصرخ من الوجع الي صارلي
صرخاتي مكتومه
دموعي هيَ التعبر عن حالتي
تعبر عن حجم الاذيه الي متأذيتها
الولد الي ديصور اشرلهم بمعنى كافي
غمضت عيوني من التعب
حيلي انهد تعبت كلش
اجه تقرب عليه و هوَ يصور و گال
_شوف بنتك و حالتها يعجبك تبقى هيج تتعذب؟
عافوني بمكاني و طلعوا من الغرفه
مر شهر كامل
و اني عايشه بالعذاب
تعب جسدي و نفسي
صحتي صارت بالنازل
تعبت كلش
بيوم محد موجود فقط الولد الي اسمه حيدر مبقي يمي بالبيت
اخذت ملابس من الي جابوهن الي و المنشفه
و دخلت اريد اسبح كل جسمي يوجعني
ومتشنج
دخلت للحمام وقفلت الباب فتحت المي الحار
و دخلت جواه و اطلقت سراح دموعي
صرت ابجي بحرگه و اشهك بصوت عالي
قبل شهر وين جنت؟ و وين صرت؟
قبل شهر اني بين امي و ابويه و هسه بين عصابه ماعدهم ذره رحمه، نظراتهم الي كلها بشهوه
خايفه على نفسي منهم كل الي هنا مو راحه ابد
رسيم صار شهر مشايفته فقط اسمعهم يحجون وياه بالتلفون و يكولوله لا منأذيها منسويلها شي
و من يسدوا من عنده يتهجمون عليه يضربوني و انواع السب و الغلط اسمع منهم كل يوم
قاطع تفكيري صوت الباب و هوَ يندگ بهمجيه سبحت بسرعه و لبست ملابسي و طلعت من الحمام
صار بوجهي حيدر و هوَ يباوعلي بنضرات
ماعرفت افسرها ابد
تعيدته و مشيت رايحه للغرفه جرني من ملابسي و وگعني بالگاع
رجلي صارت ترجف ماكدرت اكوم صرت ازحف و ارجع وره هوَ يتقدم عليه خطوه خطوه
و ابتسامته مرسومه على وجهه تدل على خباثته
انضربت بالحايط و هوَ استغلها و هجم عليه
شگ ملابسي و بهل لحظه اغمى عليه...
يتبع...
- يتبع الفصل التالي اضغط على (رواية رواسي الدهر) اسم الرواية