رواية ذنوب على قيد الغفران كاملة بقلم براء عبر مدونة دليل الروايات
رواية ذنوب على قيد الغفران الفصل الاول 1
البارت الأول
بيبي اخويه يسمع
زكيه : اي بيبي يسمع
هلو مروان اني ِغنى اختك الجبيره لتخاف راح اضل العب وياك لحد ميرجعون بابا وماما
زكيه : مروان شنو ؟
غنى : بيبي ماما تصيحله مروان من جان ببطنها يعني اسمه مروان
زكيه : باوعتلها لساني عاجز شحجي وشكول اكلها ابوج وامج انكلبت بيهم السياره ابوج منتهي بالحادث وامج كوه نقلوها للمستشفى بيها نفس جابت منا ماتت منا منو يصدك حادث سياره يموت شخصين بعز صحتهم وينقذ طفل رضيع عمره يوم ويطلع عايش الك بيها اراده إلهي
سحر : شراح تسوين هسه يمه
زكيه : شسوي اخذها هي واخوها لبيتنه قابل اعوفها هنا
سحر : خاف اهل ابوهم يردوهم
زكيه : اني مستعده كلشي اسوي ولا افرط بيهم وين جانو اهل ابوهم من سنين ستوهم ذكرو عدهم احفاد شيردون يسوون خلي يسوون حتى لو ياخذون هالبيت ويتنازلون عنهم اني قابله ولج هذوله من ريحه اختج شلون ترديني افرط بيهم ولج منو يصدك ختام ام ضحكة الحلوه تروح هيج ولج قبل خمس تيام اجتني تريد اخيطلها ملابس تكلي يمه اريد تخيطيلي ملابس منج حتى البسهن من اجيب ولج يمه عفتيني ورحتي ومالبستي هدومج لبسوج الجفن يا يمه
سحر : كمت وعفتها مااكدر اصدك اختي وصديقتي ماتت وتركت وراها طفلين هاي صار على روحتج تلث تيام ياختام اااخ
___________________
سعاد : تعالو ولكم هنا بسرعه بسرعه
منذر : هاا ماما
سعاد : شوف ولك ابوك اذا سألك وين جنت شتكله
منذر : جنت اكل
سعاد : ضربته لك غبي شنو تاكل قصدي وين جنت قبل ساعه مو بالشارع اذا اجه ابوك سألك كله فهد جان يلعب ويانه اني وفيصل وبعدها عافنه وحدنه وراح
منذر : بس هو ماجان ويانه اصلا ماطلع اليوم
سعاد : شلون بيه ويه الحمار الي عندي اني ولك اسمعني زين فهد مايحبكم يكرهكم هواي
منذر : صدك منو كال
سعاد : اي اني سمعته يكل لامه اله اضرب منذر وفيصل
منذر : بس اني احبه
سعاد : جريت اذانه اسمع ولك هاي اول واخر مره اسمعك تكول احب فهد تره اطيح حظك
منذر : ااااخ ليش هو مو اخويه
سعاد : لويت اذنه لا مو اخوك والله اذا تكول اخوك اكطعك هذا ابن ايمان مرت ابوك يعني مو اخوك واذا تكول احبه اجويك على لسانك حتى متكدر تحجي بعد
منذر : لا لا والله بعد مااحبه ولا حتى العب وياه بس لاتجويني
سعاد : هديت اذنه يله ولي يييييييييله
ليلى : يمه شبيج عصبيه
سعاد : كعدت اخوج راح يموتني يلعب ويه ولد ايمان جم مره كتله لتختلط بيهم بس ماكو عبالك احجي ويه الحايط
ليلى : عوفيهم جهال
سعاد : ولج موتوني الف مره حجيت وكلت ولكم ذوله ولد مرت ابوكم هذوله كسرت امكم
ليلى : هسه خليهم ليش تضلين تاكلين بروحج عليمن منو يستاهل يا ماما
سعاد : ولج اني ميته قهر خاف عبالج ابين مامتهتمه ولج اني نار واجه جوايه عبالج سهله عليه بيوم وليله ياخذون رجلي مني ويعرسو على حساب الولد الثاني مااكتفو بواحد والله اتمنى اخنك بيبيتج على الي سوته راحت جابت وحده ريفيه بت فلاح وزوجتها لسالم حتى تخلفله ولد والله طلع حوبتي بيهم تلث سنوات هي ماعدها حمل وكلها صاحت الثانيه عاكر وسالم رجعلي تالي الحقيره مدري شسوت حبلت و جابتله فهد ابوج الحقير ماكدر ينتظر شويه هاي اني جبتله ولدين وهاي انتي وذيج الحقيره جابتله ولدين وشمدريج يجوز الثالث بالطريق
ليلى : ماما موضوع وانتهى انسي
سعاد : بحقد عمري وحياتي ما انسى سوايت ابوج بيه غدرني وراح تزوج عليه وياريت لو الماخذها تسوه ولج بت فلاح تحلب بالابقار فضلها على بت العز والدلال وراح تزوجها وجاب منها دسته جهال وما خله اي اعتبار لمشاعري
ليلى : بس ماما بابا ميحب خاله ايمان وحتى ضرب يضربها جم مره اشوف ووجها كُله اثار ضرب بس ولامره شفتها تبجي
سعاد : ادري بي ميحبها ولا راح يحبها بس القاهرني انو كدرت نفسيته تتقبل وحده غيري ادري بيها مشلوعه كلب وياه بس هي الي جابتها لنفسها من قبلت اما انو متبجي فهاي وحده صلفه وبرعه جانت عايشه ويه الحيوانات اكيد تصير بلا احساس مثلهم على العموم هذا موضوع خالص ماكو داعي نحجي بي وين بتول شو ماشفتها اليوم
ليلى : تغدت ونامت
سعاد : خليج يمها دير بالج اسمعج مضوجتها هاي بت اختي ومعزتها من معزتكم واكثر
ليلى : لا يمه اكيد احطها بعيوني حتى هسه من تكعد ادرسها
سعاد : عفيه بيج اريدج شكول تكولين صار
ليلى : صار
ايمان : لازمه العصاره واخليها على جروح فهد ميته من القهر عليه دومه ساكت وانعزالي الى درجه شخصيته حيل صعبه وطبعا يصير هيج لان ابو محتوي ولا احد مداري لو خواله يخابرون عليه ياخذو يمهم لو محد بحاله ... خو ميأذيك
فهد : لا يمه متأذي
ايمان : عوفه يجف شويه والبس ملابسك وهسه اكعد اقره باجر عدك امتحان مو
فهد : اي عندي انكليزي
ايمان : اي يله طلع كتبك واكعد اقره حتى تنام من وكت
فهد : صار ... كعدت اقره كملت وكمت اللعب اروى وعلي لان يضوجون
اروى : فهد ايدك ليش حمره
فهد : تعورت بالباب يله تعاي صعدي على ظهري
اروى : بضحكه تشيليني حمال باشي
فهد : اي يله
اروى : بس صعدت على ظهره صرخ ... شبيك
فهد : ابتسم مابيه شي اشاقه وياج يله خلي نلعب فتريت بيها بالغرفه وهي تضحك اروى ونستنه اني وعلي مخليها اللعابه مالتنه نمشطلها ونلعبها هواي العاب حتى تضل تضحك رغم جسمي يأذيني من ضرب الحزام بس ميخالف اهم شي اختي تتونس ... ضلينه نلعب لحد الساعه بالعشره وبعدها رحنه نمنه لان اذا سعاد سمعت صوتنه تخلي ابويه يضربنه
__________________
سحر : يله غنى خاله تعاي اقري باجر عندج املاء
غنى : ما اريد اريد العب ويه مروان
سحر : حبيبتي صيري حبابه وسمعي الكلام تعاي خلي اردلج املاء وبعدين عود كعدي لعبي ويه مروان
غنى : صار
سحر : ابتسمت عفيه بالورده الي تسمع الكلام
زكيه : اكلج خو ما تسأل على اهلها بعد
سحر : كل ما تسألني اطلعلها عذر لحد ما بطلت تسأل
زكيه : هزيت راسي .... كومي يمه قريها لتقصرين وياها اعتبريها بتج اعرف هالاسبوعين جاي اضغط عليج بس ماعندي معين غيرج يايمه خواتج كلمن ملتهيه بروحها ولا كأن اختهن صارلها اقل الشهر من ميته
سحر : لا يمه صدك تحجين طبعا ما اقصر وياها هاي بت اختي حسبت بنتي واني انطيت خبر لرجلي كتله راح ابقه فتره هنا لحد ما تهدئ الاوضاع تماما
زكيه : الله ينطي العافيه ويرزقه من اوسع ابوابه
سحر : ان شاء الله ... يله من رخصتج اروح اقري البنات
زكيه : براحتج
________________________
فهد : حلينه من المدرسه اني وعلي نمشي بجهه وفيصل ومنذر ورحمن صديق فيصل يمشون بجهه ولا عبالك اخوان اني صف ثالث متوسط وعلي ومنذر بالخامس ابتدائي نفس العمر مو توأم بس نولدو بنفس السنه وفيصل اكبر منه بالسادس ادبي
علي : فهد فهد
فهد : هاا
علي : فهد تعال نشتري لبلبي منا من ابو جاسم
فهد : بهدوء اشتري انت اني ممنوع عليه اصرف شي منا لأسبوع
علي : ميخالف اني اشتري بمصروفي وانت اكل وياي
فهد : لا ما اشتهي لو جوعان اخذ منك بس مجوعان
منذر : هاا علي شلونك بالامتحان اليوم
علي : زين حتى حليت الاسئله كل اجوبتي صح انت شلونك
منذر : يعني مجاوب
علي : اي وانت
منذر : ماعليك انت
فيصل : تعال منذر لتمشي ويه ولد الفلاحه
علي : انجب ابن المابيهه حظ
رحمن : ضربته حقيرر شلون تحجي ويه اخوك الجبير هيج هاي امك فلاحه وبت فكر وهيج نافشين رواحكم لو ملكه شتسوون
فيصل : ههه اني ادري ياريت لو تستاهل بواكه الزلم
فهد : اني سمعته كال هيج على امي وجربته من قميصه نمت فوكه اضربه على وجهه اني كلشي ولا امي ملخوني ولا تمسون امي خرمشت وجهه باظافري صحيح هو اكبر مني بس اني اضخم واقوه منه وهذا الحمار صديقه عود يفزعله دفرته دفره يمكن وكفت كليته من وراهه بس اني واحد وهمه ثنين هم اذوني بس ميخالف اهم شي اتوبهم حتى ميحجون على امي بعد كوه وخرونه عد بعض ... والله اذا بعد تحجي على امي اخلي تبن بحكك الاعوج هذا حقييير ... شلت جنطتي واخذت ايد علي ورجعت للبيت طبيت صارت بوجهي سعاد احنه النه الطابق الجوه وهي الها الطابق الفوك ابويه مطلعلها درج وره البيت حتى تاخذ راحتها وفوك هذا كل ساعه كامزه عدنه بالبيت احنه واهل ابويه كلهم كاعدين بنفس المنطقه عددنه جبير بحيث ماخذين نص المنطقه ببيوتنه ... اباوع امي طلعت من المطبخ اباوعلها انطت خبز لسعاد لان امي تخبز دائما سلمت عليها ... شلونج يمه
ايمان : اباوع لقميصه مترب وممزوك وحاجبه مضروب وينزف باستغراب هله يمه شبيهن هدومك شنو جنت تتمرغل بالتراب وشبي وجهك شنو متعارك
فهد : بهدوء لا يمه وكعت بالطريق ... عفتها وطبيت لغرفتنه اني وعلي ذبيت ملابسي طبيت سبحت وطلعت
علي : فهد انت ليش تعاركت ضربت فيصل وضربت رحمن ابن المختار هسه ابويه يلعب جوله بينه
فهد : تريده يقلل من قيمة امنه واسكتله لو مو ابن المختار واخويه
ايمان : دخلت للغرفه هاا راح تنام
فهد : تمددت على جربايتي اي ولحد يكعدني عندي امتحان مهم باجر اريد انام واكعد اقره
ايمان : شو ما شفتك صليت
فهد : واني من شوكت اصلي ؟
ايمان : امي ميجوز انت هسه مكلف شرعاً يعني الصلاه والصيام واجب عليك
فهد : رفعت الغطه متغطي عود الله كريم
ايمان : فهد اني شحجيت كوم صلي ونام
فهد : يمه صلاه ما اصلي رجاءا طلعي وسدي الباب اريد انام وموضوع الصلاه عود نتناقش بي بعدين الله يخليج طلعي وسدي الباب
ايمان : بحده احسب حسابك هاي اخر مره اسامحك كلشي ولا التزامك بالدين جا اني المن اجمعكم واسولفلكم قصص واحجيلكم عن دينه غير حتى تعرفون دينكم وتبحثون عليه اكثر مو حتى تتركون الصلاه حرام ابني الصلاه عمود الدين
فهد : اي من سعاد كامت تصلي وانتي حسبي من يمج
ايمان : طلعت وسديت الباب هالايام هالفهد صاير متمرد حتى كلامي مايمشي عليه افف اهدي ربي هالولد عمره حيل حساس لازمه توعيه ونصائح بس منو الي يوعي يحظي ... رحت حميت الاكل وكعدنه تغدينه اني والجهال لان سالم اكله وشربه واحتياجاته كلهن عد سعاد ... ماكو العصر كعد فهد غسل واخذله ساعه يقره بيها مع انو يدرس قليل بس كلش شاطر اباوعله وليدي كبر ولا كأن قبل جم سنه جبته للدنيا السنين تمشي ركض ركض وماجاي نحس بيها ... بدل وتأنق صاير يعتني بروحه هواي طلع ويه ولد عمه حارث ومحسن
فهد : واكفين اني والولد ببيت جدي دائما العصر نتجمع هناك واكف احجي ويه حارث وما احس روحي غير انجر من هدومي اباوع ابويه وياه فيصل
سالم : ولك هاي شمسوي باخوك انت
فهد : اباوع كلها كامت تباوع وولد عمامي تجمعو داير مدايرنه ... حاولت افلت ايده من ملابسي ما اريده يحرجني كدامهم ... هدني يابه لو امشي للبيت نتفاهم
سالم : صفكته راشدي كدام الكل لك انت شلون بيك شوكت تبطل هالعنف والهمجيه الي عندك ضربته واحد ثاني لك انت واحد مستهتر زايعته الدنيا وقليل ادب ومو مال احترام
فهد : اول مره بحياتي اتعرض لهيج موقف كدام اهل ابويه شكد شابع ضرب من ابويه بس ولا مره وصلت بي انو يضربني كدام احد حتى اخواني ماشايفي يضربني هالموقف كسر شي بداخلي حسيت كرامتي نهانت كدام الكل اباوع لولد عمي يتشاورون ويضحكون بيناتهم ماعدى حارث ومحسن ضلو ساكتين
عباس : انت صدك تحجي سالم شلون تضربه كدام العالم شنو زعطوط ابنك تره جاي يكبر وبتصرفاتك هاي جاي تطلعه عن الطريق وتدمر شخصيته
سالم : دخلي يولي واحد مينعطه وجهه
مهدي : هسه هو شمسوي مو فيصل الي غالط على امه شنو تريده يسكت
سالم : ولك ياريت لو على فيصل السايب ضارب ابن المختار اجاني ابو يشتكي منه والله صرت بنص هدومي ماعرف شكله والولد يصيح من ظهره اني اتفشل وما اعرف احجي من وره واحد ادبسزز ولك الى متى تبقه شالع كلبي بعركاتك ومشاكلك ساعة السوده الي تزوجت بيها امك الغبره وخلفتك
عباس : لتحجي هيج اكيد هو ماضربهم بدون سبب اكيد شو شمسويله
سالم : يجي يكلي مو يروح يتصرف بكيفه مو رجل كرسي اني
فهد : اذا جانت عندي ذره كرامه بهاللحظه فانحسلت وكدام الي يسوه والي مايسوه لو امي الي طاحلها مسبه كدام الكل
سالم : باوعتله اعتذر من اخوك الجبير يله وبعدهه نروح تتعذر من رحمان
فهد : بهدوء اني مو غلطان حتى اعتذر الغلطان هو ابنك الجبير وصديقه والغلط الاكبر من امه الي ماعلمته على الادب وشلون يحترم الكبار
فيصل : تاج راسك امي ابن الريفيه
فهد : هديت عليه اريد اضربه لزمني ابويه بقوه يباوعلي وعيونه يجدحن
سالم : اول شي تجاوزت على اخوك الجبير بكل صلافه وهسه تجاوز على امك بكل عين صلفه لك اني مو بعينك مالي سيطره عليك يعني وتالي وياك
فهد : لو محترمين نفسهم محد يتجاوز عليهم بس الواحد هو يجيب الاحترام لنفسه وفهمك كفايه
سالم : هذا الحجي منو ملقنه الك خوالك مو ... اسمع ولك تعتذر هسه من اخوك وابن المختار وتروح تبوس ايد امك وتعتذر منها على كلشي سويته وانت الممنون اني ما مجبور اضل احل مشاكلك وعركاتك بكل مكان لا الغربه سلمت منك ومن همجيتك ولا حتى اخوتك خلصو منك
فهد : كتلك اعتذار ما اعتذر اني مو غلطان
سالم : يعني تعاند
فهد : باوعتله بحقد اي شتريد تسوي يعني تضربني ما اخاف منك بعد حزامك وقايش المبرده والعوده بعد ما يخوفني شيريد يصير يعني تطردني من البيت اكيف اخذ هدومي ووجهي بعد ما اراوي الك
سالم : جريته من ايده تعال اريد اعلمك شلون تتحداني كدام عمامك سحلته كدامي ... وصلت للبيت دفعته بوجهك للمخزن بسررعه انت مثل المساجين الي عندي اذا مو بالجلد والاهانه ميمشون
فهد : طبيت للبيت طلعت امي واخواني على صوت صياح ابويه اباوع حتى سعاد وجهالها نزلو يركضون
ايمان : شكو شكو ليش لازمه هيج هده وين عايشين احنه
سالم : انت لتدخلين محد طيح حظه وحطمه غيرج .. يله لك تعتذر لو اتصرف وياك اني
فهد : يابه اعتذار ما اعتذر وهاي مرتك كدامك واحجيها بوجها مرتك تربيتها سزز وماعدهه احترام لاحد خوش
سعاد : ببكاء مصنع ليش يمه شمسويتلك اني اشو شايلتك بالصلوات وحتى اعاملك احسن من ولدي واحبك اموت عليك حتى ابوك ما اخلي يضربك هاي جزاتي
فهد : اني وانتي نعرف كلش زين كميه الحب الي شايلته الي بكلبج بحيث كل ساعه مشتكيه مني كدام رجلج اني مو مطي ولا زعطوط وماافهم
سالم : دتعال اليوم انعل والديك اريد اشوفك شلون تحجي بعد
فهد : طبينه للمخزن تحت صياح امي وصياح سعاد الي ادري بي جذب وهي هسه مسويه حفله داخلها لان ابويه حجه علينه وقلل من قيمتنه كدام اهله يافرحتها اليوم اباوع للمخزن هذا اكثر مكان يشهد على الامي ودموعي هالمكان كل زاويه بي تسجل لقطه من المعاناة الي اعيشها من جنت صغير ولليوم اني كل يوم انضرب بشكل بحيث صار الضرب ميأثر بيه كبرت صغير طفولتي ما عشتها من كد المشاكل والقيل والقال وامي ااخ يا امي محد مصبرني وموكلني تبن غيرها ... اباوع لابويه ذره رحمه وحنيه ماكو بكلبه يعاملنه عبالك مجرمين جوه ايده
سالم : نزعت الحزام ... انزع قميصك يله
فهد : بدون نقاش فتحت القميص وذبيته على جهه درت وجهي منطي ظهري كالعاده ... مااحس على الحزام نزل على ظهري ضرباته شكد تلسع بجسمي بس مو مثل كلبي صعبه على كل واحد يتقبل انه ينغلط على امه لو مهما كانت واني من جنت طفل بالاول ولليوم كلها تصيحلي ابن الفلاحه مع انو امي مو فلاحه جانت كاعده بالبصره وابوها عنده بساتين حلاله وعنده فلاحين يشتغلون بيها هي حتى ماجانت تطلع لان هناك متشددين مو مثل بغداد ومن حجيه ريحانه خطبت امي بزياره للبصره ومن انطوها موافقه وتزوجت ابويه ولليوم وهاي صارلها سنين تسمع كلمه الفلاحه ، الريفيه ، المعيديه ، ميدرون همه يرحون الف فدوه لتراب البصره وناسها فزيت على ضربه اجتني بكفايه ( علباتي ) تاذيت هواي ودموعي يتسابقن يردن ينزلن بس ما انزلهن لا والخلق محمد
سالم : هاا توب لو لا
فهد : ساكت مابديت اي ردة فعل اتمنى هسه ابقه بغرفه وحدي واصيح بصوت شكو الم بيه اطلعه بهالصيحه
سالم : جاوب شو ساكت
فهد : اذا كملت اريد اطلع اقره عندي دوام باجر
سالم : هاا يعني ماتبت
فهد : ولا راح اتوب ... تدري شكد اكرهك حرام انت تسمى ابو وخوالي ابهات يعني الشهداء جاي تروح وتودع عوائلها وانت لسه عدل ومكابلنه عندي كميه حقد شايلها بكلبي الك والله تملي هالدنيا كلها ... اول مره بحياتي اتجاوز على ابويه شكد كلت ضرب بس ولامره عليت حتى صوتي عليه
سالم : صفكته راشدي يمكن صوفرت اذنه بي .... تكرهني مو بسيطه اذا ما اخليك تكرهني بالزايد مااتسمى سالم .... فتحت الباب سعاااااد
سعاد : ها عيوني ها
سالم : روحي حميلي الصيخ وتعاي بسرررعه
سعاد : ابتسمت بداخلي ... بس ميص..
سالم : قاطعتها ... كلت روحييي جيبي الصيييخ وتعايي يلللله
ايمان : بدموع شراح تسوي بس لا وصلت بيك تجوي انت شنو من بشر ولك هذا ابنك ابنك يا مسلم الله ابنك شلون تتحمل تشوفه بهالمنظر اذكر شغله وحده هذا ابنك مثله مثل فيصل ومنذر وعلي ليش تكرهه بس فهمني ليييييش
سالم : اكرهه لان مثلج نسختج هذا وكلما بي جاي يتمرد عليه ابنج صايرلي طير حر يريد يطير وين ميريد ميدري سالم يلزمه ويكصله جناحاته حتى يحلم يطير بعد
سعاد : اجيت اطلع اجتني ايمان تركض
ايمان : عليج القران عوفي الصيخ هاي اول مره اتوسل بيج لتخلي يجوي ابوس ايدج حاجي بس انتي تكدرين تحاجي
سعاد : شو دوخري اني شعليه شنو تردي يرزلني اني شكو قابل ابني هو خوش سالفه هاي اني ولدي ما ادافعلهم ادافع لولد ضرتي ... عفتها وطلعت انطيت الصيخ لسالم خلي يادبه الحقير مدمي اخو وماردله عينه مرد الكلب
فهد : اباوع لابويه فاتح الباب واخواني واكفين بره يباوعولي علي واكف على صفحه يبجي وامي تريد تطب بس ابويه ميخليها اجتي سعاد بكل هدوء انطت الصيخ لأبويه وراحت ... سد الباب ابويه واجه ما انكر خفت من شفت الصيخ شلون صاير لونه كد ما حامي ابويه شكد يضربني بس عمره ما وصلت بي يجويني
سالم : هاا تعتذر لو لا
فهد : احجي وشفايفي ترجف من الخوف كتلك ما اعتذر
سالم : بدون مقدمات خليت الصيخ على صدره
فهد : يمكن صحت صوت هز البيت كله من الالم صدك بجيت ساعتها واني اشوف الصيخ ينبت بجلدي
سالم : اباوعله كام يبجي هااا بجيتك لو لا ولك اني سالم ميجي زعطوط ستوه بده يكبر يشيخ براسي ولك انعل والدي الي يتحداني لو ابن امي وابويه فتهمت ... وخرت الصيخ اباوع صاير خط مال حرك على جسمه شوف هذا الجرح كلما توكف على المرايا كول اتوبه هذا عقاب ابويه توبني عفته وطلعت
ايمان : طبيت للمخزن اباوعله ينشغ من البجي ... حضنته وبجيت الله لاينطيك يا سالم الله لاينطيك دمرتنه الله يدمرك
فهد : وخرت عنه طلعت من المخزن صارت بوجهي سعاد ... اذا ما يجي يوم واخليج تعضعضين اصابيعح ندم وتجين جوه قندرتي اطلع اني ابن حرام وكولي فهد كال عفتها وطبيت للحمام فتحت الدوش وطبيت جوه هو نزل الماي على الجويه واني احس روحي شاغت لو تمر الف سنه ما انسى هاليوم بيومها بجيت بجي عمري ماباجي القهرني مو لان جواني القهرني لان نفذ كلام مرته وهان كرامتي وكرامة امي كدام امه لا اله الا الله كلها ما خله اعتبار لاي احد بس والله والله اذا ما اخليهم يندمون على كلشي سوو بينه مااطلع ابن ايمان
___________________
غنى : طبيت للبيت اركض بوست بيبي شلونج بيبي
زكيه : حضنتها هله بعد عمري شلونج
غنى : اخذت عشره بالاملاء المعلمه رسمتلي ورده بالدفتره شوفي
زكيه : بستها عفيه بالورده عفيه هيج اريدج كون كله عشرات
غنى : صار
زكيه : يله كومي بدلي حتى اصب غده ونتغده
غنى : وين مروان
زكيه : نايم بالغرفه
غنى : دخلت ركض للغرفه اشوفه نايمه بكاروكه تلمست وجهه شلونك حبيبي مروان اني اجيت من المدرسه وجبتلك كيكه وعصير فتحت الجنطه هاك شوف هذني الك من تكعد اكلهن خليتهن يم راسه وبسته ورحت كُلش احب مروان اخويه منتظرته يكبر حتى نداوم ونلعب اني وياه ... بدلت بيبي وين خاله سحر
زكيه : حبيبتي خالتج راحت لبيتها رجلها جايه خطار باجر تجي ... يله تعاي تغدي حتى اشبكج وانام نعسانه اني
غنى : حضنتها يله ميخالف هسه ننام
_________________
فهد : صار يومين اني محبوس بغرفتي ما طلعت من البيت اصلا ما اريد اشوف احد واليوم اجو عليه ولد عمي وامي اصرت اروح وياهم طلعنه نتمشه
حارث : صارلك يومين مختفي وينك كلما اجيكم متقبل تطلعلي
فهد : بهدوء مالي خلك اطلع
محسن : تعالو نكعد هنا ... سولفلي شصار قبل يومين من خذاك عمي خو ما سوالك شي
فهد : لا ما سوه شي بس رزلني
حارث : بس فيصل كايل للحجيه ياسمين ابوك جواك كدامهم
فهد : بعصبيه كتلك ماسوالي شي ذاك يجذب لتضل تلح
حارث : شبيك كبيت بوجهي اعصابك
محسن : عوفه حارث يجوز ضايج صح لو لا
فهد : اي
محسن : شنو رأيك انطيك شي يوخر الضوجه
فهد : شنو راويني
محسن : طلعت باكيت الجكاير من جيبي شلت وحده ... هاك جربها وادعيلي
فهد : شنو هاي تأدب اني ماادخن
محسن : ولك والله فد تونس اني صارلي شهرين وادمنتها
حارث : ولك انت منين متعلم هالسوالف متستحي
محسن : دجربوها اذا ما عجبتكم عوفوها
فهد : مديت ايدي بتردد اخذتها منه خليتها بين شفايفي اشعلها يله
محسن : طلعت الجداحه اسمه توريث ورثرلي مو اشعلها
فهد : اخذت نفس منها اختنكت كمت اكح ... لعبان نفس الله يطيح حظك مره تكتل
محسن : هاي لان بالبدايه ... بعدين تحس بلذتها اخذ بعد نفس
فهد : اخذت بعد نفس احسها تحرك صدري ماعجبتني بس جبرت روحي اكملها حتى حارث جربها كمت نفضت ملابسي اني رايح بعدين اشوفكم رجعت للبيت اجيت اطب للغرفه صاحتني امي
ايمان : تعال اكعد يمي عوف الغرفه صارلك تلث تيام ما مليت يله تعال اريد اسولف وياك صار هواي ما مسولفه ويه ابني
فهد : كعدت احجي يمه اسمعج
ايمان : كعدت كدامه بعدك ماخذ موقف من ابوك
فهد : شتكولين انتي
ايمان : حقك يمه بس مهما يكن يبقه ابوك والي سوى بحالة عصبيه وانت همين غلطان متكدر تلزم اعصابك شويه يصير كل مره تسوي مشكله وتتكاتل الناس كلها كامت تحجي عليك كد ما تتعارك كامو يصحولك ابو المشاكل ليش يمه تسوي هيج لاتصير مثل ابوك كتلك اريدك قوي بس مو همجي تصرفاتك هاي مال همج وانت بعدك ببدايه طريقك لتتعلم على الاذيه يا ابني
فهد : لتنسين اني ابن منو وبالنسبه للي اتعارك وياهم لوما همه يتحارشون ماجان اني اتقرب منهم
ايمان : يعني وتالي نبقه العمر كله احنه بالمشاكل
فهد : تنهد يمه اريد اروح يم خوالي ابقه هناك
ايمان : شيوديك للبصره صدك تحجي وبعدين ابوك مايخليك
فهد : ميهمني اصلا اني حتى اخلص منه اريد اروح اذا ابقه هنا اضل كل ساعه اتعارك على الاقل هناك ابقه يم ناس يحبوني ويحترموني احسن الي
ايمان : وتعوف امك وصديقتك
فهد : ابتسمت بايس ايدها اروحلج فدوه اني يمه لو الف الدنيا كلها ما الكه مثل حنيتج
ايمان : حضنته الله يحفظك ويخليك اليه يا يمه
فهد : حضنتها شويه وما احس بيها غير تجر شعري
ايمان : شهالريحه ولك
فهد : ااخ يا ريحه يمه شبيج
ايمان : بحده تشرب جكاير ولك
فهد : اي واذا
ايمان : بعصبيه انوب هاي سالفه جديده مال الجكاير شبيك ولك شكو سلعه عوجه جاي تاخذها
فهد : كام يوووه يمه شبيج يعني على كُلشي تحاسبين
ايمان : انلام هسه من اطيح حظك ولك بعدك صغير وكمت تدخن جا من تكبر شتسوي
فهد : يمه مالج علاقه بيه انتي مو تردين شهاده خلص ماعليج بيه اني جاي اقره واتعب اما تصرفاتي الباقيه رجاءا ماعليج بيها والي يحجي اوكله تبن خوش كافيي مو طفل اني ومسويني وصلة مسح عفتها ورحت
ايمان : صفنت عليه ادري ابني جاي ينجر لدرب الله الاعلم شنو هو هالايام تصرفاتنه متغيره تختلف جذريا عن قبل جانت شخصيته ضعيفه بس شو هو كبرله سنه وهو انكلب كلاب كل مابيه جاي اشوف فهد جديد والمشكله ما اعرف اذا هالفهد راح يصير فهد زين لو فهد اعوج ومن يومها فهد ماعاد فهد ابني الطفل ابو دميعه صار فهد ثاني كام يروح يم خواله باستمرار ويبقه فتره طويله خاصه بالعطل وبالدوام يقره واجباته ويطلع ويه ولد عمه وصار مينشاف يجي كل يوم ريحة الجكاير تعط منه واشوفه تجنب الناس كلها بصوره عامه كلامه قليل ساكت اغلب الوقت يتصفن هواي حتى ضحكته الي جانت تدوي بالبيت رغم الضرب الي جان ياكله بس يجيني مبتسم اما هسه متغير هواي اعتقد خواله فعلا جاي ياثرون عليه صاير على كلشي يركز ويدقق مرات اكله بطل هالحاله لتدقق على كلشي اني امه والي ربيته على ايدي ماجاي اكدر افهمه الله يستر منك يايمه كلبي يلعب ومامرتاح لفهد الجديد
***************************
- يتبع الفصل التالي اضغط على (ذنوب على قيد الغفران) اسم الرواية