رواية ذنوب على قيد الغفران الفصل التاسع عشر 19 - بقلم براء
التاسع عشر
#ذنوب_على_قيد_الغفران
#البارت_التاسع_عشر
رفعت البوشيه ... خاله اعرفج بنفسي اني ساره مرت فيصل الثانيه
آلاء : بصدمه شنوووو
سعاد : شهالتمسلت هذا شنو مرت فيصل شنو بطيخ انتي جايه تذبين بلاج علينه
ساره : اني ما جايه اذب بلايه على احد اني صارلي ست اشهر متزوجه فيصل يعني حالي حال مرته الاولى والي حقوق وواجبات حالي من حالها
علي : ضليت صافن يعني فيصل ماعنده امكانيه يعيش عائله وحده يروح يتلبس بعائله ثانيه
سعاد : وشجابج فجئه وين جنتي قبل
ساره : اني جنت موافقه اتكتم على زواجي من فيصل مثل ماهو راد بس اني هسه حامل والعالم لو درت مترحمني ولا تتقبل طفلي حاجيت فيصل ورفض الطفل ورادني انزله واني اريد ابني وما جان عندي حل غير اجي لهنا واحتمي بيكم
اروى : اباوع للأء كامت تلطم
آلاء : لطمت صخااام الصخمج آلاء وين جانتلج هاي ولك بشنووو قصررررت وياك يا حقييييير ياعدييييم الرجوله يافكرررررر
ايمان : صلِ على محمد يمه شجاج هسه يجي فيصل وتفاهمي وياا
آلاء : فتحت زيك دشداشتي ولكممممم شتفااااهم نززززززل عليه ضره الكوووووووا.... ابو ال...... الله لا يوفقك يافيصل النكس
سعاد : بس عاد لج شنو اول وحده رجلها يتزوج عليها اهدي هسه اخابر فيصل ونفتهم السالفه باوعت للثانيه انتيييي هييي فيصل يدري بيج جايه لهنا
ساره : كعدت فاتحه عباتي لا ميدي ... عفيه يبنيه جيبيلي كلاص ماي ريكي نشف
اروى : هاا
آلاء : تردين كلاص ماي مو دتعاي خلي اوكلج واشرب خوش ماي .... هجمت عليها سحلتها من شالها ووكعتها بالكاع نمت فوكها وكمت املخ بيها
ايمان : عزه العزاج وخررري ولللج ذبحتيي البنيه
آلاء : وخرررررررو عنييييي .... كح... ام ال.... بت الك... انتي تنزلين عليه ضره
ساره : لحكولييي يمه
ورده : تصفك السبع يطلع دم السبع يطلع دم ولج كتليها هاج النعال ضربيها بي يله ولجن تعاركن هذا رجلجن دافعن عن حقوقجن ولج ساره بالنعال بالنعال
ايمان : ضربتها انجبييييي انتي
اروى : سحلنه آلاء من على البنيه كوه لان علي ماقبل يدخل يكول عركه نسوان اني شكو .... اباوع للبنيه وجها دم ومخرمش ... يمه هاي آلاء شكد شرسه
ساره : تبجي الله لايوفقج اني شعليه اذا رجلج تزوج عليج لان وصخه
آلاء : هدونييييي عليها هدوووني
ايمان : انغام تعاي اخذي البنيه لغرفتج بسرعه
انغام : كومتها يله تعاي خطيه كوه تتحرك لان المعزايه آلاء جنزتها
آلاء : وين ماخذتهاااااا طلعييييها برررررره
سعاد : قزرقط شبيج تخبلتييييي شنو اول وحده انتي تنزل عليها ضره هاي اني مو نزل عليه سالم ضره وياريت لو تسوه اواحلى مني راح جابلي فلاحه بت فكر بس انجبيت وكعدت وسكتت
ايمان : بحده ام فيصل بلا تجاوز وتمادي بالكلام احترمي احنه مو صغار بعد لا كل مره ورجعتي عليه خليج بجناينج ومصايب ابنج وعوفيني اني وجهالي بحالنه تره ملينه وطلعت رواحنه منكم ومن مشاكلكم هاي جزاتنه كاعدين نحل مشاكلج انتي وبزرتج
سعاد : شدعوه عيني انهديتي شكنالج قابل
علي : خاله رجاءًا تجاوز بالكلام لتجاوزين ادري بيج ضايجه ومقهوره بس لسانج لزمي
اروى : ضلينه كاعدين فتره بين بجي آلاء ونحيبها وبين دعاوي سعاد وصياحها ... اباوع شرف فيصل افندي
فيصل : السلام عليكم خير شبيكم ... شبيج آلاء ليش تبجين
آلاء : كمت جريته من قميصه ولك حقير سافل علساس متدريييييي لييش مسوووووي روحك غشييييييم هااااا
فيصل : شبيج مخبله عوفينييي
آلاء : يالنكس تزوج عليه بعد ماتحملتك وتحملت اهلك وكمت اداري زبايلك واكول رجلي وميخاااااالف هي هاااااااي جزاااتييييي ياكلببببب كمتتتتت ابوك فهددددد واجيييب الفلوووس واعبيييي بحلكك يانذللللللل
فيصل : هاي منو ضاحك عليج وكايلج مزوج
آلاء : بعصبيه مرتك الثانييييييه كلتلييييي يا كوا.....
فيصل : صفكتها راشدي بت الكلب عليمن هالغلط جريتها من شعرهااا بت النعال اذا اريد اضربج ازوعج العافيه هنا ومحد يكلييي لا ادبسززز
علي : جريتها من ايده ... انت مخبل شلون ترفع ايدك على مرتك خبل انت
فيصل : هاي مو مره هاي كح.....
آلاء : اشررررف منك يا نذل
علي : اباوعله هد عليها لزمته .... كافي فيصل خلي نتفاهم مرتك الثانيه هنا هسه
فيصل : بصدمه ساره شجابها هنا
سعاد : ليش عرست على مرتك
فيصل : اني مامجبور ابرر الشرع حللي اربعه واني ماخالفت الشرع
ايمان : الشرع حلل الك اربعه بس بشروط اولها لازم تعلم مرتك الاولى وتعدل بين كل نسوانك اضافه انه لازم يكون اكو سبب من زواجك مو مرتك مامقصره وياك وتزوج
اروى : قابل شدرا هو كل الزلم تعرف عن الدين حاجه واحده الشرع محلل اربعه والباقي صفر كلشي ميفتهمون
فيصل : تقدمت لزمي لسانج ولتدخلين انتي
ايمان : دجرب تقربلها وشوف شسويلك ... تره سكتتلكم هواي
اروى : راحت سعاد بلغت عمامي والحجيه حتى يصير كلشي بعلمهم اجوي بس شنو صايرين اعصاب
ياسمين : الله يطيح حظك ولك انت بيت واحد مامدبر تدبر بيتين من تف عليك يا ادبسزز
عباس : يمه رجاءًا خلي نفتهم السالفه .... شبيك عمي فيصل تخبلت تزوج بهالسرعه وبدون علمنه
مهدي : شنو مالك رداد انت ولك ماعندك اهل ترجعلهم
فيصل : اني مامسوي شي غلط هذا حقي ومحد اله حق يحاسبني
ياسمين : نسلك النكس راجع لبيت حجي علي الله يرحمه يعني راجعلنه احنه وغصباً ماعليك نحاسبك لان زواجك جان بالسر ومرتك هسه حامل متكلي العالم اذا شافتها شتكلهم هذا ابنك منو يعترف بي وانت زواجك سرييي من امه
فيصل : اني عاقد عليها سيد وماعبالي راح تحبل
مهدي : لان مطي واغبر دومك جايبلنه الحجايه
عباس : هسه اهدو وفهمني فيصل مرتك وين اهلها شلون قبلو ينطوها الك
فيصل : جنت اشتكي لواحد صديقي من حياتي ويه آلاء واقترح عليه اتزوج وحده ثانيه وكلي اكو عائله ابوهم عنده كومه بنات ويشتغل صانع حتى يصرف عليهم ... ورحت خطبت وحده من بناته
مهدي : وانت وين شايف بناته
فيصل : شفتهن ومشه الحال اني متزوج على سنه الله ورسوله لازنيت ولاسويت شي غلط
ياسمين : الله اكبر على راسك .... باوعتله اسمع ولك مرتك تاخذها تعقد عليها محكمه وحسك مااسمعه
فيصل : بس اني جنت ناوي اطلكها
سعاد : اكل تبن مرتك حامل
ياسمين : امشو صيحو للبنيه خلي نفتهم منها السالفه مادام هذا يريد يطلك ابو حلك اليلزك
اروى : راحت امي جابت البنيه واجت
ساره : السلام عليكم
الكل : وعليكم السلام
عباس : عمي تعالي استريحي وفهمينه السالفه
ساره : كعدت وعيوني على فيصل الي يخزرني ... عمي ابنكم تزوجني بعد ما استغل وضع اهلي الفقير ولان احنه فقره ابويه انجبر يوافق على فيصل وهو متزوج ... عقدنه سيد وانطاني مهر بسيط واخذني كعدني بمشتمل صغير ... ضليت وياا اربع اشهر وحملت ومن دره راد انزل الطفل انتو عقلوها شلون انزل قطعه من روحي وجزء مني بهالبساطه هاي
مهدي : هز راسه ... كملي عمي كملي
ساره : بدموع مجان عندي حل غير اجي لهنا واخلي كدام الامر الواقع حتى ميطلكني ويكسر بختي ولا يخليني انزل طفلي
ياسمين : خلص اهدي حبوبه فيصل ماراح يطلكج وراح يعقد عليج بالمحكمه هم حتى من يولد الطفل يتسجل بأسمه خو مو يبقه بلا حقوق
فيصل : بس اني ..
عباس : انت انجب حلكك لتفتحه ... خلينه ساكتين واحمد ربك اخوك مو هنا جان طيح حظك
سعاد : وبصفته شنو يطيح حظه ابو واني ما ادري
ياسمين : بصفته مالك هالبيت ومسوؤل عن هالعائله بالاضافه انو ابنج كل ساعه مسويله مشكله وتعال يفهد حل مشاكلك اخوك وتحمل بلاوي
عباس : من رخصتج يمه ... هالموضوع ينسد وانت فيصل مرتك تاخذها تعقد عليها بالمحكمه وعود بعدين تفاهمو وين تريد تكعدها وتخليها .... يله حجيه امشينه
ايمان : راحو حمويني وعمتي وهم كبت العيطه ... شلون اوقات طايح حظها هسه لو فهد هنا ماكان صار الي صار
آلاء : اني رايحه لبيت اهلي و ورقه طلاكي توصلني فتهمو
ايمان : صلِ على نبيج يمه لتستعجلين اكعدي ببيتج وفكري بمستقبلكم اذا مو لخاطر احد لخاطر جهالج
آلاء : انعل ابو جهالي اني تنزل عليه ضره واسكت واتقبل الوضع والله لو اموت .... علي حباب اخذني لأهلي
علي : باوعت لأمي
ايمان : كوم يمه اخذها يم اهلها ... هناك بلكي تكدر تفكر عدل ومتستعجل بشي
سعاد : شو انتي تقررين بكيفج شنو جنتج لو جنتي
ايمان : تنهدت سعاد متشوفين حال البنيه ... خلي تروح لاهلها اذا تريد
فيصل : اذا طلعتي مالج رجعه لهنا
آلاء : عساني لا رجعت ... يله علي كوم اخذني
علي : اي يله ... اخذت سويجي
سعاد : اذا طلعتي منا الجهال ميرحون وياج
آلاء : هو بكيفج ميرحون ... تعال احمد تعالي ماما زينه امشونه
فيصل : كلنه ميرحون جريتهم
علي : خلي يرحون ويه امهم شبيك فيصل اطفال ذوله ميكدرون بدون امهم ... عوفهم يله عمو تعالو
زينه : وين حروح
علي : لبيت جدو حبيبتي يله تعالي
اروى : راح علي اخذ آلاء والجهال وداهم لاهلها ... صار البيت هدوء سعاد تباوع لساره بحقد وفيصل كاعد وايده على راسه
انغام : خاله هسه شراح يصير
سعاد : شيصير يعني فيصل يطلع هاي من بيتي يروح شو وين يوديها اني مااقبل تكعد ويانه
ورده : ضحكت بيتج
ايمان : خزرتها
اروى : يربي شوكت نرتاح هسه احنه مو حالنه حال العوائل ليش من دون الناس المشاكل ملازمتنه
___________________
غنى : كاعده ادرس بالغرفه وسمعت صوت فهد يصيح .... طلعت اركض لكيته كاعد مدري ويامن يحجي ويصيح ... عززه فهد صوتك فضحتنه شبيك
فهد : اشرتلها تسكت .... اسمع عمر كل لهالابن الكو.... ابن الكح... اذا الكفه انعل والديه دخلي ارجع اذا ما اخلي يستقيل اطلع اني كلب ابن كلب عباله انقلت بعد ما ارجع كام يخبص بكيفه ... ماشي ماشي يله مع السلامه ... سديت الموبايل مباوع لغنى شبيج واكفه على راسي جنج شمعه فكر
غنى : يمعود صوتك كولش عالي تلكى وصل للطابق الاخير صدوك تحجي مابقه واحد ماسمع صوتك
فهد : وانتي هيج حنينه وخايفه على الناس من صوتي
غنى : ما خايفه على الناس خايفه على روحي ... يا مسلم الله اني هنا كاعده وحدي اذا الناس سمعت صوت رجال عندي شيكولون عليه تنهدت ليش تجيبلي الحجايه يافهد
فهد : لهدرجه صوتي جان عالي
غنى : اي ... باوعتله ليش جنت تصيح
فهد : مسحت على وجهي اكو واحد من الشرطه حاجي عليه كدام زملائه عود اني مأذيهم و المسوؤل سامعه بالصدفه وخابرني قبل شويه عتبني
غنى : كعدت ليش
فهد : على اساس عود اني معتدي على الشرطه ومن رادو يشتكون عليه سكتتهم بالفلوس
غنى : فتحت عيوني يعني اغتصبته
فهد : من اركعج بهاي النفاضه هم واحد يكلي ليش ... لج بابا الاعتداء مو بس الي ابالج اني اقصد اعتداء بالشتم والضرب مو بالصخام
غنى : زين هو ليش اشتكى عليك
فهد : علمي علمج اني الشرطه كلها تضوج مني بس محد تجرئ يلفق عليه سالفه لا ويوصلها للمسوؤل
غنى : يعني اذا يضوج منك يلفق عليك تهمه شكد سخيف لعد
فهد : مو بس سخيف وابن كح.... هم
غنى : هسه امه شعليها اذا هو طايح حظه
فهد : لو ما امه كح... ماجان جابت واحد م.... مثله
غنى : سكتت
فهد : اباوعلها سكتت وظهر احمرار طفيف على وجها ... شنو استحيتي
غنى : بهدوء مو عيب عليك تتلفظ هالالفاظ هاي عود انت المثقف هيج تحجي لعد شخليت لولد الشارع
فهد : علساس انتي ماسامعه هالالفاظ سابقاً وبعدين انصحج تتعودين لان اني اذا صرت عصبي ما اخلي فشوره او غلطه ما اكولها وما اخجل ولا استحي
غنى : بس هالشي غلط انت لسانك سليط
فهد : اعترف ماناكر هالشي
غنى : رجاءًا فهد الفاظك هاي لتتلفظها كدامي اذا صدوك تعتبرني مثل اختك
فهد : خلص ما اردج احاول الزم لساني كدامج ... راضيه
غنى : ابتسمت شكرا الك ... تشرب جاي
فهد : اذا اكو
غنى : اي كايمه اصبلك ... صبيتله بالكوب لان انتبهت استكان ميكفي وديته الي
فهد : شكرا
غنى : عفوا
فهد : دك موبايلي شفتها امي ... جاوبتها الوو
غنى : اباوع لفهد مدري شكلتله امه وانكلب وجهه
فهد : واني شكو يطبه طوب
ايمان : يا يمه شلون يطبه طوب غير اخوك
فهد : اخو مثل هذا ادوس عليه ولا اهتم هو جاب المشاكل لنفسه هذا شي ميخصني ... دخلي يروح يدبر عيشتهن سوه
ايمان : شو احسك ما مهتم
فهد : وليش اهتم شنو جانت عندي علاقه بي وانكسر كلبي من عرس شبيج يمه
ايمان : انت ضل استهزئ ... وهاي اني مخابرتك رايده تشوف حل لاخوك مرته اخذت جهالها وراحت وهاي مرته الثانيه بقت بالبيت وكل ساعه كابه العيطه بينها وبين سعاد
فهد : يطبهن مرض اني شكو نارهم تاكل حطبهم
ايمان : خلص شبيك يمه صرت عصبي
فهد : العفو يمه مو قصدي اعلي صوتي بس ذوله نرفزوني
ايمان : لا يمه ادري بيك ... يله يمه اخذ راحتك
فهد : سديته ذاب الموبايل .... ويكلك انت مرتاح
غنى : خير فهد صاير شي
فهد : رجعت نفسي على القنفه .... تعبت غنى تعبت
غنى : اذا تحب تحجي اني اسمعك
فهد : تنهدت من جان عمري 18 ولليوم اني شايل مسوؤليه البيت على راسي مافديوم اهلي اعتمدو على نفسهم من جنت صغير اني متحمل مسوؤليتهم ،مدارس اخوتي بدون استثاء ، اجيب مصرف للبيت ، اراقب الشغل والاملاك ، وفوك هذا جنت لازم اقره لان طالب ولازم اطلع معدل .... تعبت وجزعت روحي الى متى ابقه متحمل عاتق شكبره على كتافي ولازم اكل تبن واسكت
غنى : زين اخوتك ميساعدوك
فهد : ضحكت يساعدوني كل عقلج تحجين ... يمعوده واحد لاهي بالونسه والطلعه ومرته وجهاله اني اصرف عليهم ... والثاني ميدخل بشي اهم شي مرته وهو وجهاله لا يحجي ولا يدخل .... والثالث دكتور ولاهي بروحه وطز بفهد .... محد بيهم حاول يشيل ولو ربع المسوؤليه الي عليه
غنى : انت مو الجبير ليش كل المسوؤليه عليك
فهد : صحيح بس كل الاعتماد عليه
غنى : خليت ايدي على خدي متوقعتك هيج مشلوع كلب
فهد : لعد لو احجي السوالف كلها جان شكلتي
غنى : عادي اسألك سؤال وتجاوبني عليه بصراحه
فهد : تفضلي
غنى : شعجب لسه متزوجت مع انو اخوك الاصغر منك متزوج
فهد : انتي ينضم عندح سر لو تسويها طوط يازمار
غنى : ابتسمت شتكول انت
فهد : اني ما ارتاحلج بس راح احجيلج ... اني متزوج
غنى : بلا شقه ادري هسه تكلي انتي
فهد : ضحكت احم اي صحيح
غنى : زين انت متتمنى تزوج تكون عائله تشوف حياتك ويه شريكه تناسبك
فهد : شسوي بالشريكه واني عندي الي يعوضني عنها على الاقل اذا ماعجبتني اغيرها مو مثل الزواج الدائمي اتلبس اتلبس بيها
غنى : مفهمت قصدك
فهد : اكو نسوان هواي تعوضني عن الزوجه واكدر احصلهن بأكثر من طريقه وبالشكل الي يعجبني
غنى : فتحت عيوني هذا حرام الزنى من الكبائر
فهد : ما ازني اني ... كتلج اكو هواي اساليب عندي
غنى : ضليت صافنه بوجهه .... وشلون تتقبل على نفسك تسوي هيج شي
فهد : ما مسوي شي حرام ولا غاصب احد على شي هاي حياتي واني حر بيها
غنى : حسيت بشعور غريب من سمعت كلامه ماعندي قدره على وصفه .... بهدوء متخاف اكل لأروى
فهد : ضحكت واذا كلتليها شنو راح اخاف مثلا ... ضميت اديه سمعيني غنى اني بحياتي ماخايف من شي ولا راح اخاف
غنى : كل انسان عنده خوف ولو من شي واحد بالحياة
فهد : صحيح كل انسان عنده خوف من شي
غنى : ومن شنو تخاف
فهد : الشي الوحيد الي خايف منه انو اخسر نفسي بيوم من الايام والا باقي الاشياء متهز شعره مني
غنى : شنو الي خلاك تحجيلي اسرارك
فهد : نفس الشي الي خلاج تحجيلي عن حياتج
غنى : ضلو واحد يباوع للثاني بدون اصدار اي صوت والهدوء صار سيد المكان
___________________
بعد مرور خمس ايام
اروى : اكول آلاء ما ناويه ترجع
انغام : البارحه مخابره لخالتي كايلتلها اريد اتطلك
ايمان : ليش تستعجل مو كنالها فكري زين واهدي وانوب اخذي القرار الي يناسبج
انغام : تدرين بألاء طكه ونص
اروى : الحق ينكال منو تقبل رجلها يتزوج عليها لا ويجيبلها ضره تكعد وياها بنفس البيت
انغام : خلينه ساكتين اروى آلاء وصخه قذره يجيها الرجل يلكاها هيج اكيد تنفر نفسه منها خاصه انتي تعرفين الزلم بيمن رغبتهم
اروى : اجيت ارد عليها وسمعت صوت رجلين شفت مرت فيصل الثانيه نازله من فوك لابسه تراك احمر مضبوب ضب على جسمها
ساره : مساء الخير
انغام : باستغراب مساء النور ... باوعت لأروى
ساره : دخلت للمطبخ
ايمان : اباوعلها راحت للمطبخ صبت لروحها اكل واجت كعدت بالكاع متربعه وتاكل
ساره : خاله عاشت ايدج الاكل يخبل
ايمان : بالعافيه حبيبتي
ساره : اكول خاله البارحه الكيكه مالتج كلش عجبتني سويلي اليوم
ورده : مو جنها اخذت ميانه بسرعه
اروى : سكتي ماعلينه ... اباوعلها ماخذه راحتها باللبس لا وزايد هم وتفتر بالبيت براحتها هاي صارلها فتره خانسه بس اليوم مدري شبيها
انغام : حبيبتي ساره تره الولد على جيه
ساره : اي هله بيهم
انغام : راح تبقين هيج كدامهم
ساره : لا اكيد ابدل شلون ابقه هيج
اروى : كملت اكل وكامت صعدت لغرفتها طاحظك يافيصل دومه اختيارك اعوج ... اجوي الولد من الدوامات كمنه نحضر الغده رجعت نزلت ساره ضلينه صافنين عليها لابسه دشداشه او هي دشداشه بالاسم بس ضيكه الى درجه وهي سمينه وجسمها كله مبين هاي صدك تحجي
ساره : الله يساعدكم
علي : نزلت راسي ويساعدج خويه
منذر : استغفر الله انغام تعاي وراي
انغام : اجيت
فيصل : خزرتها بت الكلب شهاللبس
ساره : باوعتله صفح ومشيت خاله يله استعجلي حبابه جوعانه
سعاد : انتي مو تسممتي ولي لغرفتج
ساره : هاي اسمها تصبيره او جواعه على كولتكم مو غده وبعدين اني شماكله هو ماعون تمن حتى بهاي عينج عليه
ايمان : اجتي سعاد تحجي قاطعتها ام فيصل رجاءًا عوفيها خلي نتغده بهدوء الله يخليج خلو نقاشاتكم لوره الغده
ورده : جنه بوحده صرنه بأثنين
سعاد : شنو قصدج ولج
ورده : اقصد انو امي فقيره دومهم الفكور مكابليها جيبي ماما خلي اروح اتغده واكعد اقره احسن من الحش الماله داعي
ايمان : ضحكت بعد كلبي شلون لسان يكنس ويرش ... شلنه المواعين وكعدنه نتغده
اروى : سوده عليه احنه جاي نتغده وفهد هسه بالبصره تلكي متخربطه احواله بسبب الانذار
ايمان : سوده عليه تلكي ميت من التعب هسه لا اكله زينه لانومه مريحه
فيصل : شبيجن كلبتنها مناحه خلي نتسمم
علي : تسمم عسا سم
ساره : منو فهد
اروى : اخونه
ساره : هاا ابن منو خاله ايمان لو خاله سعاد
ايمان : ابني اني
ساره : اكول خاله عمو ابو فيصل ليش تزوج عليج
انغام : باوعت لاروى هاي ناويه على مشكله شكلها
سعاد : نزلت الخاشوكه ... حظ الكح... غير يعرفن شلون يصيدن الزلم
علي : انتي ه..
ايمان : خزرته بمعنى اسكت
ساره : شتقصدين هاي عليه
سعاد : البعه طلي يمعمع ... اني ماذكرت اسمج
ساره : شفت امك شتكول
فيصل : بعصبييييه سكتييييي كااااافي
ساره : برب.... عجوز مخرفه
____________________
غنى : فهد لتضل واكف على راسي تره دوختني
فهد : هاي فوك ما اكلج شتخلين للاكل
غنى : والله العظيم اعرف اطبخ شبيك فهد من اجيت من الكليه لسه انت واكف تكلي سوي هيج وسوي هيج
فهد : شكلت الدكمه شبيج اخذي نفس ماتعبتي
غنى : رفعت الخاشوكه دهاك شوف شعايزها
فهد : نظيفه الخاشوكه
غنى : ياا صدوك تحجي شلون اطبخ بيها وهي وصخه ... دهاك يله لتشلع كلبي
فهد : اخذت الخاشوكه ضكتها ... ملح
غنى : ترستها ملح هم تكلي بعد ... رجعت خليت ملح على مركه البانيه ... استوت طفيتها وصبيت ... شلنه المواعين وطلعنه نتغده
فهد : شلونها اروى
غنى : لا زينه داسألها كل يوم عن اخبارها مثل ما وصيتني
فهد : خوش عفيه عليج
غنى : ما كلولك شوكت تكدر ترجع لاهلك وشغلك
فهد : لسه ما بلغوني بس اني بعد غير الاسبوع ماابقه اختنكت اريد اطلع
غنى : شلت شعري ... همه غير على حساب سلامتك ليش تعرض نفسك للخطر
فهد : يباوع لركبتها .... ياخطر يابطيخ اني اذا بقيت هنا يمكن اموت من الخنكه
غنى : هيج الكعده ويايه تخنك
فهد : حقيقةً صاير استلطفج نوعا ما
غنى : لا دخيلك اذا مستلطفتني حموت علساس
فهد : مو صارلنه يومين هادئين ومتفقين ليش تخربين صداقتنه وتخلينه نتعارك
غنى : ابتسمت خلص خلص اسفه كولشي ولا نتعارك
فهد : كملنه غده كمت شلت المواعين وياها اجت صبتلي جاي وراحت تصلي ... اباوعلها من اجيت لهنا ولليوم تجي تسوي غده وتنظف وكلشي تسوي على الساكت لاحظت عليها حيل ملتزمه بصلاتها ولامره شفتها تركت القران مرات اسمع صوتها الفجر تبجي ادري بيها تقره قران لاهلها بهالفتره من اليوم وتضل تبجي عليهم ... علاقتي بيها زينه نوعا ما هالايام جاي نتعامل مثل الاصدقاء حسيتها تفهمني فكمت احجيها الي بكلبي بدون ما اتردد مع انو اني ما احجي عن حياتي الشخصيه نهائيا بس الها حجيت يمكن جنت احتاج شخص غريب افتحله كلبي عسى ولعل يفهمني
غنى : فهد احجي وياك
فهد : هاا
غنى : اريد اطلع اتسوك
فهد : ليش خلص المسواك الي بالييت
غنى : لا بس حيخلص
فهد : باجر اني اخابر البواب واخلي يتسوك لتطلعين انتي
غنى : لافهد اكيد من تكله حيشك ... اني اروح اتسوك وارجع ما اتاخر
فهد : للسوك مترحين كلها زلم هناك ... اكو هنا مركز تسوق روحي تسوكي منه
غنى : بس ..
فهد : غنى رجاءًا سمعي الكلام
غنى : اوك
فهد : كومي صبيلي بعد جاي
غنى : كمت متشبع جاي انت
فهد : متشبعين صلاه انتي
غنى : بشرفك هاي هم مقارنه
فهد : دكومي بسرعه
غنى : صبيلته جاي واجيت كعدت اقره كتاب
فهد : شنو هذا
غنى : كتاب اسمه ... امة العباقره ... كتاب ثقافي كولش حلو
فهد : منين جبتي
غنى : اجاني هديه بعيد ميلادي
فهد : منو جابه الج
غنى : استاذ جعفر
فهد : شربت من الجاي ... وشنو المناسبه ويجيبلج هديه
غنى : استاذ جعفر يصير اخو صديقتي المقربه نرجس وبنفس الوقت جوارينه علاقتي بيهم اكثر من مجرد جوره ... احنه شبه تربينه سوه وكل سنه جانو يسوولي عيد ميلاد ... ابتسمت حتى حبيبي مروان جانو يسووله عيد ميلاد
فهد : هاا هسه فهمت الاستاذ طلع ملازمج ويحبج من الطفوله ... شعجب ماخطبج
غنى : ليش منو كال مخطبني
فهد : رفعت حاجبي يعني خاطبج
غنى : هزيت راسي ... بس رفضت
فهد : وليش رفضتي
غنى : مجنت مستعده اخويه جان هستوه ميت وداخله بحاله هستيريه مجنت متقبله اي شي بحياتي وبنفس الوقت اني مااحب استاذ جعفر
فهد : يعني انتي تردين تزوجين عن حب
غنى : لا موشرط عن حب المهم يكون زواجي مبني على اقتناع تام بشريك حياتي ما اكذب واكلك ما اريد احب بالعكس على كد ما سمعت عن الحب وقريت عنه كمت اتمنى احب بس هالتشوف الحب بزمنه صار عباره عن لعب وانحدر لاشياء قذره ومقرفه دنسته ... بس مع هذا يجوز اني اتزوج زواج تقليدي واحب زوجي من يصير حلالي ... طبقاً للايه الكريمه ((وجعلنا بينكم موده ورحمه ))
فهد : ابتسمت حلو تفكيرج قله بهالزمن يفكرون هيج
غنى : شكراً على المجامله
فهد : ابد ماكو مجامله هاي الحقيقه
غنى : ابتسمت مخليه شعري وره اذني ... اني حروح انام
فهد : اني هم اكوم انام ... دخلت لغرفتي ذبيت ملابسي ونمت
_____________________
: هاا لكيتو
: فص ملح وذاب ماهو
: بس اريد افتهم وين اختفى ما خليت مكان ما سئلت بي عنه وماكو حتى للمركز صارله اسبوع ما مداوم
: بس تره احنه لسه ما متأكدين منه هذا هو لو لا لتتهورون
: المشكله احنه ما شايفين شكله كل الي نعرفه انو يشتغل بمركز (...) بس منو هو مندري كومه ضباط هناك حاولنه نعرف ما جاي نلكا
: زين احنه الاخبار الي اجتنه هو بالاستخبارات والاستخبارت شجابها على هالمركز
: علمي علمك اني هم صافن بهالشغله بس لتخاف اولا واخيراً تتوضح الامور
: شفت الامير اليوم اخذ جم مره
: اي الحلوات اله والمخربطات النه
: لتخاف الامير يحب يسوي عمليه ابداليه اليوم هذني بحضنه باجر بحضن غيره ولتنسى هذني سبايا وضيفتهم يمتعنه
: هههه صدقت يا مجاهد على كوله الامير
: هههه
_______________________
اروى : ولج تعالي شوفيها طلعت انكس من آلاء ولج كل ساعه تذبلها بسمار على سعاد وتكب العيطه
نرجس : هسه اخوج متوازي متزوج ثنين
اروى : هي هاي دو... بعائلته يحبون تعدد الزوجات واولهم ابويه المرحوم
نرجس : ههه ولج همه الزلم كلهم هيج
اروى : كون غنى هنا وتسمع جان بطلت على الاعذر واكتفت برجال يكتفي بيها وميعرس عليها
نرجس : تنهدت ولج هاي غنى سالفتها سالفه اصلا بغير عالم
اروى : ليش هاي صارلها يومين شحلاتها الضحكه ماليه وجها حتى احسن من قبل الواضح عليها مرتاحه بالعيشه ويه خالتها
نرجس : مستحيل اصدك غنى ترتاح هناك هي جانت تشكي منها بس يجوز ضحكها جذب حتى متخلينه نشيل همها
اروى : فديتها ورده غناوي
نرجس : اكلي تبن ولحجين عليها هيج كدامي
اروى : ههه طاحظج لسه تغارين عليها
نرجس : اي صديقتي مااقبل عليها
اروى : لعد واني
نرجس : انتي هم ما اقبل عليج ... اكلج صدك شخبار اخوج المزنجر على كوله غنى شو ماجاي اشوفه
اروى : ههه مو هنا عنده انذار وبعدين خلي تولي غنى هاي لان هي بيضه تشوف الناس مزنجرين شبي اخويه يخبل والله البنات مستقتلات عليه هو بس شخصيته كافيه
نرجس : اي والله صدقتي واني اول المعجبات
اروى : وين الله وينعجب بيج فهد ويخطبج
نرجس : اويلي الله ياريت ياريت واصير مرت هالمزنجر هذا
اروى : هههه ولج وين سرحتي صدكتي اخطبج لاخويه حتى تهججي بليله ظلمه
نرجس : الله يطيح حظج روحي والله زعلت
اروى : ههههه ... سديته وكمت شفت ساره كبالي هلو ساره تفضلي
ساره : سمعت صوت ضحكج ويامن جنتي تحجين
اروى : باستغراب ليش تسألين
ساره : جنتي تحجين ويه حبيبج مو
اروى : عيب هالحجي ساره شنو شايفتني وتحجين هيج جنت احجي ويه صديقتي اصلا مااعرف ليش دابررلج اني
ساره : شبيج اكلتيني يا حبيبتي ليش شكو بيها واذا حبيتي تره عادي تكدرين تعتبريني اختج وسولفيلي الي بكلبج
اروى : معندي شي حتى اسولفه والله مجرد جنت احجي ويه صديقتي
ساره : اوك براحتج لتحجين
اروى : هاي شبيها الحمدلله والشكر ... نزلت لكيت علي كاعد يم امي رحت كعدت يمهم
________________________
فهد : طلعت غنى حتى تتسوك واني كاعد هنا مثل النسوان راح اطك ... خابرتني فرح قبل شويه والله تمنيت اكدر اطلع هسه احس نفسي مفول من الضوجه واريد اتونس ... سمعت موبايل يدك ... كمت هالصوت جاي من غرفه غنى ترددت افتح الباب بس فتحتها ودخلت شفتها عايفه موبايلها على الجربايه ... اباوع رقم غريب خليته صامت ودرت وجهي على الغرفه اباوعلها شلون مرتبتها ومنظفتها شفت تشيرت التراك مالتها شلته قربته من خشمي اخذت نفس منه بقوه .... ريحتها مثل ريحة الجهال عطر غريب جدا احس نفسي شام طفل صغير ... فزيت على اهتزاز الموبايل شلته فتحت خط بدون مااحجي
مرتضى : الوو غنى شلونج اني مرتضى
فهد : غمض عيونه ... هذا ليش داك عليها
مرتضى : غنى انتي وياي اسف لان خابرتج بس اريد احجي وياج بخصوص المحاضره
فهد : سديته بوجها ابو الكسل علساس عود هو مواضب ابو الوصخ حظرته وحذفت رقمه رجعت الموبايل لمكانه ورجعت لمكاني ... ماكو ربع ساعه واجت غنى كمت اخذت منها العلاليك
غنى : خاف ثكال
فهد : باوعتلها صفح يعني ثكال عليه وخفاف عليج ... خليتهن بالمطبخ
غنى : صدوك فهد هاي العماره كلها الك
فهد : مو الي لابويه المرحوم ومن توفى سجلها بأسمي وصارت الي
غنى : ابتسمت مبين جان يحبك هواي حتى سلمك كولشي
فهد : هههه والله ضحكتيني
غنى : ما اعتقد كلت شي يضحك
فهد : لا اكو شي يضحك انتي كلتي نكته واني ضحكت عليها
غنى : شبيك فهد
فهد : اختفت ابتسامته مابيه شي عفتها وطلعت عزلت المسواك وطبت لغرفتها كالعاده
____________________
صباحا
جعفر : شباب الملخصات كلهن انطيتهن لمرتضى تكدرون تاخذوهن منه وتستنسخوهن ... يله تفضلو
غنى : نرجس تعالي خلي ناخذ الملخصات من مرتضى
نرجس : ياا عشتو ولا اخذ ولا اروح بالامتحان جعفر غصباً عنه يكعد يلخصلي الماده
غنى : انتي ضلي معتمده على جعفر خلي اشوف شلون بيج بعدين بالامتحانات النهائيه
نرجس لتخافين عليه نسره اني
غنى : دروحي يالنسره خلي اجيب الملخص من مرتضى والحكج ... تقدمت مرتضى عادي اخذ الملخصات
مرتضى : انتي شنو من بشر
غنى : شبيك مرتضى
مرتضى : بعد كل الي سويتي ويايه جايه تحجين ويايه بس فهميني انتي ليش تكرهيني شمسويلج اني
غنى : باستغراب اني شسويتلج
مرتضى : ليش البارحه من خابرتج ماجاوبتيني وبعدين حظرتيني
غنى : بصدمه انيي
مرتضى : اي انتي
غنى : طخت براسي بسيطه يافهد .... اني اسفه مرتضى تلكه الجهال ردو عليك
مرتضى : والجهال شمعرفهم شلون يحظرون
غنى : اقسم بالله مو اني حظرتك ... يجوز الجهال جانو يتشاقون وياك اكيد مو قصدهم اني اسفه والله مجنت ادري اليوم اني اعلمهم
مرتضى : لا ماكو داعي جهال شمعرفهم ...اعتذر على ردة فعلي عليج تفضلي الملخصات
غنى : لا مصار شي .... اخذت الملخصات منه طلعت استنسختها ورحت يم نرجس واروى
نرجس : شبيج كلبتي وجهج
اروى : هاا طنكرتي
غنى : هيج ماكو شي .... ماعولت يخلص الدوام حسيت الساعتين الي مرن سنتين طلعت من المحاضره امشي بسرعه بس اريد اوصل للبيت نزلت من العبريه امشي يربي الشارع صار شطوله اليوم وصلت للعماره صعدت للشقه ... تكلتني الحجيه اشواق يبوووو
اشواق : هاا حبيبتي غنى الله يساعدج
غنى : هلو خاله ويساعدج شلونج
اشواق : الحمدلله اكلج اني مسويه دولمه متجين تتغدين يمنه اني والحجي
غنى : سبع عافيات حجيه اني صايمه من رخصتج
اشواق : براحتج حبيبتي
غنى : فتحت باب الشقه ودخلت لكيت الافندي كاعد بالصاله يلعب رياضه شمرت الملازم والجنطه .... كووووم اريد احجييي وياك
فهد : وعليكم السلام .... مو علساس انتي متدينه متعرفين انو تحيه الاسلام هاي
غنى : بعصبيه الي مثلك حرام واحد يسلم عليهم
فهد : كمت ... شبيج انتي شنو ضرب فيوز عندج
غنى : انت شلون تحظررررر مرتتتتتضى من جهازززي اصلااااااا منو سمحلك تمد ايدك على موبايليييي هااااا
فهد : بهدوء يا مرتضى وعن اي موبايل تحجين
غنى : لتسوي روحك فقير وكولشي متعرف مرتضى ابن عمتك داك عليه البارحه وانت حاظره شلون تتصررررف من كيفك احجييييي
فهد : لويت اصبعها ... حجه بفحيح هذا اصبعج اذا ترفعي بوجهي بعد ورب العزه اكسره الج واخليج تشوفين الويل افتهمتييييي .... شديت على اصبعها وبالنسبه لمرتضى اي اني حظرته تكولين ليش اكلج بكيفي ميعجبني تحاجي اكو اسئله ثانيه
غنى : دفعته متألمه .... انت واحد متستحي وماعندك احتراام ولو اني شتوقع من واحد زاني وحقير مثلك غير هالسوالف المريضه هاي ولو انت اصلا الله غاضب عليك
فهد : صفكتها راشدي .... من اكول انتن النسوان مو مال احترام يلوموني من جنت لابسج مثل الي برجلي مشيتي مثل الساعه بس من عاملتج بأسلوب واحترام كمتي تتجاوزين .... بس هو صوجي اني من فتحتلج كلبي وحجيتلج عن حياتي تالي كمتي تلزمين اسراري عليه عبالج اهتم طز بيج وبألي يشد على ايدج وبالنسبه لمرتضى روحي خلي يضل يضحك عليج انتو ثنينكم نفس الصنف ... درت وجهي اخذت موبايلي وطلعت من الشقه انعل ابو المسوؤل لابو الاوامر
غنى : صافنه وخاله ايدها على خدها .... مشيت للغرفه وكفت كدام المرايه اباوع اصابع ايده مطبوعه على خدي وشفتي انجرحت هم .... راجعت كلامي اني هسه عيرته بالاشياء الي سولفها اليه ... اني من شوكت اعير واحد بسر امني عليه ... بجيت هسه اني تعاركت ويه فهد لا وعلى مود مرتضى .... ضليت كاعده بغرفتي كوه صليت ورحت نمت مااريد افكر بالموضوع .... كعدت المغرب كمت شفت غرفته فارغه لسه مارجع يربي وين راح مو يدري حياته بخطر وميصير يطلع من البيت رحت شربت مي غمضت عيوني متألمه شفايفي مجروحه ضليت كاعد للساعه 3 بالليل وهو لسه مارجع انفتحت الباب ودخل اصلا ما باوعلي طب بسرعه لغرفته ومن يومها اني وفهد بعد ماحجينه كمت اروح واجي للجامعه الطبخ يبقه مثل ماهو لاهو ياكل من اكلي ولا يحاجيني واغلب الوقت كاعدين بالغرفه لا هو يطلع ولا اني لحد ما سمعت بي يحجي ويه المسوؤل كله بعد يومين تكدر ترجع لبيتك كدرو يعرفون منو الي مبلغ .... بيومها هم اطلع وكعدت انتظره لليل اجه كمت ... فهد لازم نحجي
فهد : ببرود ماكو حجي بيناتنه وخري عن وجهي
غنى : رحت ورا فهد مو بكيفك لازم نحجي
فهد : طلعي بره
غنى : جريته من ايده مو احجي وياك لتتجاهلني
فهد : دفعها على الحايط بقوه وتقرب عليها
**************
يتبع
- يتبع الفصل التالي اضغط على (ذنوب على قيد الغفران) اسم الرواية