رواية ذنوب على قيد الغفران الفصل السابع عشر 17 - بقلم براء
ذنوب على قيد الغفران
#ذنوب_على_قيد_الغفران
#البارت_السابع_عشر
فهد : كاعد بالملهى ويه الشباب واجت نفس البنيه الي اجرها عمر كعدت
:سلام
الولد : وعليكم
فهد : هنا تكمن الاخلاق والشرف ياشباب شوفو تشتغل راقصه وتحيي بتحيه الاسلام الله عليج
ايمن : هههه والله عندك سوالف
عمر : عود يكدر يسكت ابد اذا ميعلق ميكدر يموت غير
: بعصبيه انت ليش هيج تحجي
فهد : شربت من ألكاس ليش شحجيت
: انت شنو شايفني وتعاملني بهالطريقه
فهد : صبيت كلاص ثاني شايفج راقصه بملاهى لا اكثر وقت ما يعجبني اأجرج كم ساعه ... باوعتلها الحقيقه مره مو
: واذا انت ماعاجبك شغلنه شعندك جاي هناا اني اكلك حتى تتمتع باجسامنه وتتونس ويانه يعني احنه صاحبين فضل عليك
فهد : ليش منو كال اني جاي على حسابج دكومي من وجهي حتى صدر ماعندج منو يقبل يتمتع بيج انتي
مهيمن : اباوع للبنيه كامت والدخان يطلع من اذاناتها ... شجاك فهد
فهد : اني دايخ وهاي لطشت شسويلها سمعتها جم حجايه حتى تبطل
عمر : دعوف المشروب هذا الثالث شجاك
ايمن : ههه الاخ راح يثكل وتالي يسكر
فهد : كمت لا ما ماثكلت هواي يله اني اروح باجر ورانه دوام
مهيمن : استراحه باجر
فهد : اي صحيح تذكرت ... طلعت من الملهى اخذت سيارتي وطلعت باوعت للساعه بال1 اروح لفرح لو لا اي يله خلي اروحلها ... مشيت بالسياره واني مطفي ماحسيت روحي غير واكف كدام العماره ... يله خلي انزل نزلت وصعدت للشقه فتحتها ودخلت اباوع الدنيا ضلمه هاي شنو ليش فرح مطفيه الاضويه درت وجهي شفت وحده كبالي لازمه النعال اباوعلها اجتي توكع لزمتها بسرعه
غنى : عطشت كمت اشرب مي واكفه اشرب وسمعت باب ألبيت ينفتح بسرعه غصيت يمه هاي شنو انوب سمعت صوت خطوات اجيت اوكع على وجهي .... نزعت تكرمون نعال البيت وطلعت امشي على اطراف اصابعي شفت جسم بالصاله والدنيا ضلمه وماكو بس ضوه التلفزيون ... اباوع ظهر واحد كدامي بس دار وجهه عليه من كد ما خايفه مااشوف غير الدنيا صارت ضباب ...حسيت بأدين تلتف على جسمي
فهد : بخمول الله الله شبيج
غنى : دفعت ايده همزين كدرت اسيطر على نفسي فتحت عيوني عدل ... شعندك هنا فهد
فهد : باوعت بوجها اني
غنى : اباوعله وضعه مو طبيعي يفتح ويسد بعيونه شلون الي هستوه كاعد من النوم .... ابتعدت عنه بسرعه علكت الاضويه واخذت الشال خليته على راسي .... بارتباك اكدر اعرف شعندك هنا
فهد : ركزت بوجها هاي غنى اني بين الصاحي وبين الي مطفي مااعرف شجابني هنا يمكن لان تعبان وشربت كمت اخربط .... هاا شكلتي
غنى : فهد بيك شي ليش هيج صوتك
فهد : كعدت ماسح على وجهي اي تعبان شويه عفيه سويلي كهوه بسرعه
غنى : مشيت للمطبخ هذا شبي يحجي هيج معقوله شارب لا مو بس معقوله اكيد شارب كل الي بالمسلسلات والافلام من يشربون يصير هيج وضعهم بس اني سامعه الي يشرب تصير بي ريحه مطيبه بس فهد مبي هيج شي لا غنى لتظلمين الرجال ميجوز ... خليت الدله مالت الكهوه على النار سويتله كهوه وطلعت تفضل
فهد : شكرا
غنى : بهدوء مكتلي شعندك هنا
فهد : شربت شويه حتى اصحصح ... بخمول ثكلت بالشرب وخربطت بالبيت فاجيت لهنا
غنى : بصدمه انت تشرب ؟
فهد : اي وين المشكله
غنى : بس هالشي حرام و ميجوز
فهد : احتفظي برأيج لنفسج ولتتدخلين بشي ميخصج
غنى : لارد
فهد : باوعتلها لابسه تراك اسود ولالفه الشال شلون ما كان رجعت نفسي على القنفه ... بنعاس شعرج شلون طولتي
غنى : بهدوء لتدخل بشي ميخصك
فهد : ابتسمت تسويها وحده بوحده ... على العموم يطبج طوب انتي وشعرج ام وجه الفاهي
غنى : بحده كوم فهد روح لبيتكم شعندك باقي هنا كوم روح رجاءًا
فهد : امممم اي فد شويه غمضت عيوني
غنى : اباوعله شو هذا تمدد و غمض عيونه وخنس معقوله نام ضليت كاعده كباله فتره ماكو اي صوت كمت تقربت منه وكفت كباله اباوعله هذا نام فهد فهد ندسته يمعود كوم روح
فهد : لارد
غنى : استغفر الله هذا كل عقله نام باوعتله عابت لهلوجهه هم مزنجر وهم يشرب لا خلقه ولا اخلاق اعوذ بالله شلون متحمل نفسك ... طبيت للغرفه اخذت بطانيه وطلعت هذا حينام هيج ... انقهرت اعوفه هيج خليت البطانيه على القنفه مديت ايدي رفعت رجليه من الكاع عفيه مو رجلين حديد شكثلهن خليتهن على القنفه نزعته حذائه وغطيته عدل ودخلت للغرفه قفلت الباب اني ما امن خاف كولشي يصير على كوله نرجس ... تمددت باجر لازم احجي وياا تصرفه اليوم ابد ماعجبني على اي اساس يجي لهنا اني شمتفقه وياا مو اتفقت وياا ميجي لهنا ابد بدون ميبلغني بس شلون ميكدر يلتزم بحجايته جماله باجر جمعه ماعندي دوام هسه الدوله تنطي اوقات كولش سخيفه تخلي الدوام الخميس وثاني يوم عطله خو خلو على الاحد ... اففف غطيت روحي ونمت قلقه لان فهد موجود
________________
صباحا
علي : نزلت من غرفتي صباح الخير
الكل : صباح النور
علي : شفت امي كالبه وجها خير يمه شبيج
ايمان : يمه اخوك من البارحه لسه ما رجع للبيت
سعاد : وليش مستغربه ابنج اكثر الاحيان يبات بره البيت مو شي جديد عليج
ايمان : من يبات بره يخابرني يكلي يمه راح ابات بره بس هالمره ماخابرني ولا حتى دزلي رساله يبلغني
علي : لتخافين يمه ان شاءالله ماكو شي
ايمان : يمه ضل بالي على اخوك
علي : يجوز نايم هسه عد واحد من جماعته راح ادزله رساله اذا كعد عود يخابرني خوش
ايمان : هزيت راسي
سعاد : الحمدلله ... بعصبيه كومي بتول اريدج
بتول : خير شكو ... كمت صعدت وراها ... هاا خاله
سعاد : ولج غبره ولج عوجه فهد راح يطير وانتي ضلي نايمه على اذانج
بتول : منو كال
سعاد : ولج فهد جاي يبات بره البيت واني متأكده عنده وحده
بتول : معقوله فهد يسويها
سعاد : فرخ البط عوام يابتول ليش لا يسوي مثل ابو شلون ابو جان كلبه يسيح لو مرت من يمه مره اكيد هو هم يطلع عليه ... شوفي ولج اذا متحاولين تجذبين فهد الج وتخلي يخطبج والله ادزج لعماتج فتهمتيي
بتول : خاله ميحبني هي كوه
سعاد : اي كوه ... اذا مو بكيفه غصباً عنه
بتول : شلون
سعاد : ما عليج انتي حاولي تتقربيله واذا صدج ساعتها عود اسلك غير طريق واعرف شلون اجيبه للدرب
بتول : خاله ديربالج تتعاملين بسوالف السحر صحيح اني احب فهد واريده اليوم قبل باجر بس مال اتجه لطريق قذر مثل السحر مستحيل اسويها
سعاد : ليش منو كلج راح اسويله سحر لتخافين هذا امه محاوطته بادعيه ومحصنته تحصين هي والحجيه ياسمين ميتسواله سحر بس اني اعرف شسويله
___________________
فهد : نايم وحسيت ضوه مزعج صار عليه فتحت عيوني اباوع هاي غنى جاي تفتح البردات ... هاي اني بالشقه بس شجابني هنا .... غنى اني شوكت اجيت لهنا
غنى : درت وجهي عليه صباح النور
فهد : كلبت عيوني عوفي الرسميات اني شجابني هنا
غنى : باوعتله جابتك رجليك غير
فهد : كمت وكفت كبالها هي رجعت لوره ... خزرتها عن الشقه التافه سألتج جاوبني على كد السؤال
غنى : اولا انت البارحه اجيت لهنا سكران الساعه 2 بالليل وثانيا نمت هناا مع انو انت واعدني متجي ابد اله تبلغني بس اجيت على ساعه مفكرت اني بنيه كاعده وحدي هنا وممجهزه نفسي شلون تجي هيج
فهد : طكيت عضامي ليش لو مخابرج جان لبستيلي قميص نوم مثلا
غنى : بخجل عيب هالحجي الزم لسانك رجاءاً اني قصدي يجوز اكون ملابسه حجاب او ماخذه راحتي باللبس واصلا انت نومتك هنا مو صحيحه وغلط
فهد : تقربت وكفت كبالها اول شي انتي مو حرام تنزعين الحجاب كدامي اعرف انو ماله داعي اذكرج انو انتي امام الله شنو ... اما بالنسبه الي ما معترف بهالشي بس اذا نريد نحجي بالشرع فاذا شعرج يطلع كدامي مو حرام ولا عيب وثاني شي اني جنت مثكل بالشرب واجيت لهنا بدون قصد ماجان قصدي انو ادخل عليج هيج او احرجج
غنى : احم اني حروح اسوي ريوك ... عفته ورحت للمطبخ كلما اتذكر نوع العلاقه البيني وبين فهد احس ضغطي يهبط ويكزبر جلدي
فهد : ذبيت سترتي ورفعت كمام القميص دخلت للمطبخ شفتها واكفه على الطباخ تسوي ريوك مشيت فتحت اللوله غسلت وجهي حتى اصحصح
غنى : عقجت حواجبها انت ليش تغسل هيج
فهد : شلت راسي هاا؟
غنى : اقصد ليش تلح هالكد من تغسل متتاذه من التغسيل بهالقوه
فهد : دروحي جيبلي خاولي واجاوبج
غنى : والطاوه
فهد : اني يمها روحي
غنى : رحت بسرعه جبتله خاولي
فهد : نشفت وجهي واديه ... اني اغسل هيج لان متعود ومااحس اديه ووجهي ينظفن اله بهالطريقه
غنى : خليت الطاوه على الميز صبيت جاي اله والي واجيت اخذت كوبي
فهد : وين
غنى : لغرفتي انت اكعد تريك
فهد : ماكو داعي تكومين من الاكل اذا وجودي مضايقج هسه بس ثواني واطلع
غنى : حرجني بكلامه اجيت كعدت على الكرسي ... لا ممضايقني يله تعال تريك حتى تروح
فهد : كعدت هاي يسموها طرده بنزاكه
غنى : شربت جاي فهد عادي اسألك سؤال
فهد : تفضلي
غنى : ليش تشرب
فهد : باوعتلها بهدوء يعجبني
غنى : تدري ربنه ذكر ايه صريحه بسورة المائده تحرم الخمر ،بسم الله الرحمن الرحيم ((يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون)) صدق الله العظيم
فهد : غنى اني مااريد اجرحج بس انتي ما مخوله تدخلين بحياتي الشخصيه خلي نصايحج لنفسج رجاءاً
غنى : بهدوء اني متدخلت بحياتك ولا نصحتك اني انطيتك رأيي وانت الك الحق لو تتقبله لو ترفضه وهذا شي راجعلك
فهد : اني متعود عليه ما اكدر اعوفه
غنى : ابتسمت ما اكلك غير شغله وحده الانسان القوي كولشي يكدر يسوي اله ان يعصي ربه عن اذنك ... كمت من يمه وطلعت كعدت بالصاله
فهد : اباوعلها كامت ... رجعت اكلت شويه اكلها طيب رغم هي مسويه بيض بس يشهي مدري شخاله بي كملت وكمت لكيتها كاعده بالصاله تقره قران ... كعدت كدامها ... راحت عليج الصلاه وجاي تقضين
غنى : صدقت ... داقره قران ... انت اذا ممصلي كوم صلي
فهد : بهدوء اني مااصلي
غنى : فتحت عيوني عززه اكو واحد بعمرك وميصلي انت تكلفت من عمر 15 سنه شلون متصلي
فهد : غيرت الموضوع اليوم ليش ما مداومه
غنى : تره اليوم جمعه
فهد : خرب شهالنسوه نسيت اكل لامي مااجي اكيد هسه ضل بالها عليه ... وين موبايلي
غنى : شوفه خاف بسترتك
فهد : لا هذا وياا بجيبي ... طلعته لكيت رساله من علي خابرته الووو هاا علي صباح النور وين امي اي انطيني يااها هاا يمه
ايمان : ولك يمه وينك ضل كلبي يمك ليش مارجعت
فهد : تأخر الوقت عد صديقي ونمت يمه لتشيلين هم
ايمان : غير تخابرني يايمه
فهد : نسيت والله .... يله اني فد شويه وارجع خو ما محتاجه شي خوش ... سديته متنهد ... شبيج تباوعيلي هيج
غنى : هيج ماكو شي ... شبيك
فهد : كلت خاف عاجبج حتى انطيج صوره
غنى : وشسوي بصورتك يعني
فهد : يتسوه بيها هواي اشياء تحبين اشرحلج
غنى : لا شكرا
فهد : ابتسم من لاحظ ارتباكها ... كام يله اني راح اطلع ... درت وجهي اريد اطلع انتبهت على الحايط آيه قرانيه رجعت عليها صارت بيني وبين الباب منو اجاج لهنا
غنى : باستغراب شبيك فهد محد
فهد : تقربت اكثر اذا محد اجه لهنا منين اجت هالايه المعلكه بالحايط واني ما خال ولاسوره قرانيه بالبيت
غنى : حسيت بانفاسه على وجهي ... شبيك انت اني مو خابرتك قبل كم يوم وكتلك حطلع اشتري كم حاجه شفت هاي الايه واشتريتها لان بيتك مثل بيت الكفره كلشي مابي حتى قران ماكو الحمدلله من جبتلي غراضي من سهاد جان اني حتى غراض صلاه ماعندي
فهد : انتي خابرتيني شوكت ؟
غنى : قبل الدوام بخمس تيام ... دفعته بخفه وحجيت مستهضمه اسمعني زين فهد انت اذا معندك ثقه بيه وممأمن بوجودي ببيتك تكدر تخلي كامرات بكل مكان بالبيت اني معندي مانع ابقه بالحجاب طول الوقت واذا هم متثق اني مستعده اتركلك البيت واروح لأي مكان
فهد : بهدوء اني انفعلت عليج مو قصدي ماعندي ثقه بيج بس عبالي اجاج احد واني مانعج تستقبلين اي شخص هنا مااريد واحد يحجي عليج
غنى : تره الحجي اذا يجيني فيجي بسببك لان اذا شافوك الناس تطلع وتطب من هالشقه وبيها بنيه وحيده ساكنه بيها حيحجون عليك وعليه هم فاذا تريد محد يحجي عليه رجاءًا خفف جياتك لهنا
فهد : باوعت لعيونها من جوه النظاره ذره لون مابيهن سود ليل ... كلامج صحيح اني غلط اجي لهنا بس كتلج ماجنت واعي لتضلين تعيدين وتسقلين بالسالفه تره اخر وحده ممكن افكر اباوعلها هي انتي صدكيني كلامي نابع من كل كلبي
غنى : بكره مشاعر متبادله اني هم ما اطيقك
فهد : لزمي لسانج غنى اني مو بكدج
غنى : تنهدت خلص اعتذر عمو عادي تروح
فهد : تره دمج خفيف اله درجه مقرفه ... عفتها وطلعت
غنى : والله ما مقرف غيرك ابو الشرب ابو المكسرات
__________
ياسمين : اليوم جمعه وهمه كل اسبوعين يوم جمعه يتجمعون عندي من الظهر للليل هاي عاده صار سنين ماشين عليها .... حارث وين بيت عمك سالم شو لسه ما اجوي
حارث : حجيه خابرتهم هسه شويه و يجون
ياسمين : اباوع لحفيداتي علا ومروه بنات عباس وشهد وملك بنات مهدي وعبير بت نسرين كلهن تقريبا نفس العمر ماشاءالله جمعتهن تخبل ترتاح نفسيتي من اشوف بنات ولدي و ولدهم متجمعين وكلب على كلب ربي احفظهم وطولي عمري حتى اشوف جهالهم .... صحت بيهن ولجن عوفن الموبايلات وكومن شوفن امهاتجن شمعتازات كافي مو راحت عيونجن
شهد : يعني حجيه وين نروح محبوسين بين اربع حيطان حسره علينه نكول خلي نطلع تنزل عليهم الاشغال والاعمال من حيث لا نحتسب
علا : اي والله
ياسمين : ولجن شحال لو ما كاعدين بنفس البيت وشايفتجن بعيني اربعه وعشرين ساعه سافات بكاع الله متكعدن يا مطاعم يامولات ياصالونات ولاتهجعن .
عباس : حجيه خليهن متونسات لعد احنه المن نشتغل ونتعب غير على حسابهن
مهدي : اي بس هنه مينعطن وجهه ملك عوفي الموبايل انتي عيونج ممردوات عايزهن كافي يابويه
ملك : يعني بابا بس اني قابل شوف كلها لازمه موبايلاتها لو هو كدرت ابويه على امي
محسن : ضربتها تأدبي واحجي عدل لا اطيح حظج
ياسمين : اذا تمد ايدك عليها بعد اكسرها ابوها وعمها موجودين وهمه يحاسبوها اذا غلطت فتهمت ... وانتن يله كومن عوفن الموبايلات لااطفي الصحن واخليجن تعوفنه غصب عنجن
محسن : اسمه راوتر حجيه
ياسمين : انت محد سألك يله كومن
حارث : طلعت من المطبخ حجيه تبلنه الدجاج وين المناقل نريد نشويهن
ياسمين : مرتضى بيبي روح جيبهن وانطيهن لحارث وانت سامر حبيبي اصعد جيب الفحم من السطح
سامر : صار حجيه
ياسمين : اباوع دخلو بيت سالم ااه ياسالم سوده عليه مكانك فارغ يا يمه
الكل : السلام عليكم
:وعليكم السلام
اروى : بستها شلونج حجيه
ياسمين : هله بعد كلبي
ورده : شلونج بيبي
ياسمين : هله بوردتي هله ... حضنتها كلش احب ورده لان كلها تشبها بيه
عباس : ياسمين و ورد ومروه بيتنه شنريد بعد
ياسمين : وان شاءالله بعد جم يوم تجيب مرت منذر و تشرف لبنى ونصير اربع وردات
حارث : ادري فاتحين مشتل ورد
ياسمين : خايب انجب انت
الكل : ههه
فهد : السلام عليكم
: وعليكم السلام
فهد : كعدت يم الحجيه بعد ما سلمت عليها
ياسمين : شبيك يمه
فهد : ابتسمت لا مابيه شي
عباس : عمي فهد صار هواي ما جاي للمعمل
فهد : والله عمي مالي خلك واصلا وقت ماعندي لان لازم دوامين
سعاد : اذا مالك خلك خلي اخوك فيصل يطلع بدالك
فهد : بهدوء ماكو داعي عمامي مكفين وموفين
مهدي : بويه فهد بلا امر عليك عندي معامله بالجنسيه اريد اروح اسويها بس كل يوم تطلعي شغله اذا تعرف احد يخلصها الي بسرعه
فهد : حاضر اني من اداوم اروح للجنسيه واشوفك معارفي هناك اعتبر الشغله خلصانه
مهدي : والنعم منك وليدي
فيصل : يباوع بحقد على فهد ... الاحترام لفهد والفلوس لفهد والحب لفهد والقيمه وكلشي لفهد عمامي يعتبرو صديقهم مو ابن اخوهم والحجيه تموت عليه كلها بالبيت مسويته جل الله ملك بكل مكان محد يكدر يكله على عينك حاجب اما اني جبير ومزوج وعندي جهال ومحد معبرني ولا يوم واحد من عمامي كلفني بشغله او اخذ رأيي بشي دومهم يفرقون بينه وبين ولد ايمان ليش ماادري
فهد : باوعت لفيصل لكيته صاير نار ابتسمت بداخلي ... ادري بي ضاج لان عمامي كلفوني ولبسو ... تلاكت عيونه وتبادلنه نظرات مستحيل اكو اخوه بهالدنيا يتبادلوها نظرات كلها حقد وكره تذكرت كلامي الي حجيته قبل 12 سنه " دشوفو شراح اسوي بيكم وكولو فهد كال والله لخليكم تبوسون قندرتي حتى ارئف بيكم " عمري وحياتي ماراح انسى الي صار بيه بسببهم من كد كرهي وحقد عليهم درست وتعبت وضغطت على روحي حتى اكون انسان ناجح من جميع النواحي وحتى اكدر اثبت لنفسي قبل لا اثبتلهم انو اني راح اكدر اذلهم وااذيهم مثل ما اذوني بس اني ما التجئت للضرب او التحريض مثل ماهمه سوو وياي اني صار 12 سنه اعذبهم تعذيب نفسي اذلهم ذله على الفلس ومخليهم كاعدين على اعصابهم وخايفين لا اطردهم من البيت هذا كلش كافي عندي انو ينامون وهمه خايفين من باجر وبسببي اني
اروى : اباوع لفهد وفيصل يتخازرون بيناتهم حرامات احنه علاقاتنه موزينه ببعض ولا عبالك اخوان
حارث : فهد كوم خلي نطلع للحديقه
فهد : مالي خلك
حارث : دكوم يمعود اضوج اذا انت مو ويانه
فهد : طلعت وياا لكيت الشباب واكفين يشوون
سامر : هاا فهد شخابرك
فهد : تمام ... طلعت جكاره ووكفت على جهه ادخن حسيت بماي وكع عليه درت وجهي شفت مرتضى ذب كاسه الماي عليه ... شهالشقه السخيف هذا شنو جهال احنه اثكل شويه
مرتضى : هو ماي قابل تيزاب
فهد : سجلك انترس ودكاتك صارن هواي الزم حدك وخلي شقاك محترم لتخليني اتشاقه وياك شقه ااذيك بي واني احجي جد
حارث : شبيكم شباب يعني كلما ننجمع لازم تتناكرون
مرتضى : متشوفه شلون ينعثل عبالك هو ولا غيره تهده برحمانك وامشي على الكاع لاتوكع على وجهك الي يشوفه يكول عبالك شو شسويناله همزين جم قطرع ماي ووكعت عليه
سامر : كافي مرتضى عيب هالحجي هو مو بكدنه احترم
مرتضى : باوعتله ورجعت وكفت يم المنقله شايف نفسه وما مصدك عبالك فد نعال هو
علي : هاي عليمن ابن الكلب
فهد : لزمته اوكف علي لتدخل عوفه خلي يحجي براحته
علي : ما شفته شلون يتجاوز عليك اليوم احرك ابو مابقه بس هالمخركن (مبهذل)يحجي عليك
فهد : خزرته كلنه عوفه
محسن : همست لحارث اكلك شو فهد سكت
حارث : خوفك من سكوته دشوف شراح يسوي بي
فهد : كمت الجكاره وعدلت ملابسي ودخلت ... جابو الغده وكعدنه نتغده كملنه وكعدنه نشرب جاي
حارث : اكول شو سكتت على سوايته مرتضى اني ما مرتاحلك
مرتضى : انت لتصير خبيث
ياسمين : خير شبيكم
علي : حجيه مرتضى صاير ميحترم احد يوكف يعد ويصف ويريد واحد يسكتله ميصير هيج
ياسمين : ليش شسوه
محسن : ماسوه شي بس تلاغه هو وفهد عادي ولد بيناتنه لتكبرون السالفه كافي سدو الموضوع
ليلى : وشعجب فهد سكتت
فهد : زعطوط ويجفص قابل اخلي عقلي ويه عقله اني ارقى من انو انزل نفسي واتعامل وياا بنفس الاسلوب السوقي هذا
ليلى : اباوع الكل كام يباوع لمرتضى الي فشله فهد كدام الكل صدك فهد كارثه عمره ماضيع حقه دومه ياخذه مربع
_________________
غنى : مليت من البيت راح اموت اريد اسوي اي شي ... سمعت الباب يندك كمت شفت من العين السحريه مره جبيره افتحها لو لا ... خطيه خلي اشوف شتريد ... فتحتها
: السلام عليكم
غنى : وعليكم السلام حجيه تفضلي
: هاي ثواب حبيبتي تفصلي
غنى : تسلمين حجيه يجعله واصل ان شاءالله
: بعد كلبي اكلج حبيبتي انتي وحدج هنا
غنى : اي طالبه ودادرس ببغداد وماجره هنا
: هاا ربي يحفظج حبيبتي امانه اي شي تعتازي اني هاي شقتي اول شقه على ايدج اليسره
غنى : هالحجيه ذكرتني بيبي زكيه ابتسمت اكيد لو احتاج شي ما اتردد
:يله سدي الباب زين وديربالج على روحج تره اكو شباب مأجرين هنا مو تفتحين لباب لياهو الجان هالمره سويتيها بعد لتسويها
غنى : ابتسمت حاضر سديت الباب ودخلت شكد حبابه هالحجيه مبينه كولش جبيره بالعمر بس لطيفه بشكل خليت الاكل على الميز اباوع تاجينه دجاج وحلاوه اغلب الناس تسوي هيج اكل بالثوابات ... اكل ت شويه حبيت الاكل طيب ... شلته خليته على جهه اني اكلي جدا قليل حتى من اجوع اكل بس مو بشراهه عكس نرجس اذا تكعد تمسح الاكل مسح ... عزلت الصاله شفت جفيه مال ايد لونها اسود رفعتها لانفي ... ريحتها طيبه كولش اعتقد هاي مالت فهد بس ليش لونها اسود شميتها بقوه ريحتها تجنن رغم اني اضوج منه بس الصراحه تنكال ذوقه بالعطر فد شي ... طبكتها وخليتها على جهه وكعدت فهد رغم مبين شخصيه وعنده خشونه بالتعامل بس مع هذا متوقعته مو ملتزم يعني ميصلي ويشرب هاي من غير الاشياء الثانيه يعني حرامات هيج شخصيه تخربها هالصفات هاي
__________________
يوم الاحد
الساعه 7 ونصف صباحا
اروى : يله يمه وين صار فهد تأخرت
ايمان : هسه صبر شبيج
بتول : همزين بعدكم ماطالعين وصلوني وياكم سايقي ماخذ اجازه هالاسبوع
ايمان : اي يمه ميخالف خلي ينزل فهد
فهد : نزلت بسرعه ... صباح الخير
ايمان : صباح النور يمه تتريك
فهد : لا يمه ما اشتهي يله اروى
بتول : فهد وصلني وياكم
فهد : وين
بتول : للجامعه وين يعني
فهد : انتي مو متخرجه
بتول : اريد اقدم على الماجستير واسوي الاوراق اليوم احسن ما اضل كاعده بالبيت لا شغله ولاعمله
فهد : ديله امشن
انغام : صدك لا كالو لوما الغيره ماحبلت الخنزيره هي بتول بالدفرات ياله نجحت انوب تريد تقدم على الماجستير
ايمان : ما علينه احنه كل واحد حر بنفسه يله يمه انتي رجلج مو راح للدوام روحي رجعي نامي شعندج كاعده
انغام : لا خاله شعندي نايمه قابل تمبل مال نوم مثل آلاء تكعد ب12 اميره حضرتها
ايمان : لسانج يمعوده خليها براحتها شعلينه بيها
_______________
غنى : اليوم اجيت من وكت وكعدت بالحديقه اشوف جدول المحاضرات حسيت بواحد كعد كدامي
مرتضى : صباح الخير
غنى : لا اله الا الله انت وتالي وياك
مرتضى : ليش جافه ويايه هالكد
غنى : تحسسني وكأنو انت ممسوي شي رجاءًا كوم من يمي تره اعصابي تلفانه وماعندي قابليه اتناقش وياك نهائياً
مرتضى : غنى انتي ليش تكرهيني شنو الي بدر مني ليش هيج اسلوبج ويايه
غنى : انت تعرف اني شكد جنت محترمتك واعتبرك مثل اخويه ومن اجيت تقدمتلي هم ماضجت منك اعتبرته موضوع وانته بس مال جنابك رايح مطلعني عندي علاقه وياك وتحجي كدام الزلم والنسوان لا وواثق من نفسك انو اني احبك تريد بعد سوايتك الناقصه هاي احترمك
مرتضى : اني اسف والله مو بقصدي اسوي هيج غنى اني احبج انتي انسانه نادره عمري وحياتي ماشفت بنيه بأخلاقج اربع سنوات انتي ويايه حستج ماعله كدامي انتي الانسانه الي اتمناها تصير مرتي وام بيتي انتي غنى صدكيني نيتي وياج صافيه مثل الماي
غنى : نيتك صافيه تروح تشهر بيه كدام اهلك وكدام اليسوه والي ميسوه افرض لو فعلا اني اوافق عليك باجر عكبه لو وافقت عليك من صدوك مو اهلك يعيروك يكلولك هاي تسوي علاقات وياك وتطب وتطلع شلون تأمن على بيتك وياها يجوز مثل ماطلعت وياك تطلع ويه غيرك احجي صحيح هالشي لو لا
مرتضى : صح كلامج وحقج شتحجين وتكولين حقج واني وياج بس صدكيني اني من كد ما احبج بودي اكل للعالم كله اني احب هالبنيه ورايدها ... غنى اني اليوم وله باجر راح اجي اتقدملج انتي فرصه وانتي غبي اذا اخسرها
غنى : احب اكلك لو كان اكو ولو نسبه واحد بالميه انو متخسرني فبموقفك الفات انت خسرتني وعلى فكره انت متحبني لو تحبني فعلا مثل ما انت تكول جان مجبت اسمي او حتى طاريي كدام احد جان احتفظت بمشاعرك لنفسك بس انت سويت روحك وسويتني طوط يازمار وياريت لو الموضوع بي شي واحد حقيقي كله على بعضه جذب بجذب
مرتضى : اباوعلها كامت ترجف ... غنى بروح اخوج سامحيني انسي انو اني احبج خلي نرجع زملاء مثل قبل واعتبري الي صار عباره عن شي اصلا ما موجود
غنى : انت ليش تجيب طاري اخويه شنو حضرتك تلزمني من ايدي التوجعني يعني
مرتضى : بعد حلفتج بروحه تسامحيني
غنى : خلص روح
مرتضى : يعني سامحتيني
غنى : ما اوعدك احاول بس وخر عن طريقي رجاءًا كمت من الحديقه وطلعت شفت نرجس تمشي باتجاه النادي صحت باسمها التفتت
نرجس : بوستها صباحوو ياحلو
غنى : صباح النور ... لعد وين اروى
نرجس : ماادري يمكن راحت لقسمها تعالي اريد اشرب جاي حتى اعرف اركز بالمحاضره
غنى : روحي انتي اني سابقتج للقاعه
نرجس : خوش اني هم ما اتاخر بس هاج غراضي اخذيهن وياج علما اروح اجي
غنى : ماشي اخذتهن ورحت للقاعه لكيت بس كم طالب خليت غراضنه وكعدت على الستول اشوف شنو عدنه
ميسم : اكلجن شنو الغريب هالسنه
نسمه : شنو
ميسم : غنى لابسه جبه جديده الصدمه
فاطمه : هههه تصدكين عاد صدك صدمه
نسمه : انطيجن صدمه ثانيه تدرن غنى طلعت الاولى على كل الدفعه درجاتها كلها امتياز
ميسم : مو غريبه كل سنه هي تطلع الاولى وين الجديد بالموضوع متشوفين الاساتذه شلون يحبوها لان سجاجه
فاطمه : لا حبيبتي اخذيها قاعده همه الفكر دائما يصيرون شطار وفالحين بالدراسه لان لا شغله ولا عمله حياتهم فارغه فيدرسون وين يرحون قابل
نسمه : اي صحيح اني شايفه هواي فكر شطار
ميسم : سكتن اجه الاستاذ
______________
فهد : كاعد بمكتبي و وصلتني اخبار انو الضباط كدرو يصيدون العصابه الي تبيع مخدرات ... وطبعا راح يكونون تحت ذمه التحقيق وراح يحولوهم على النيابه وهناك نسويلهم بيباي ... اجاني اتصال غانم يريدني كمت رحت لمكتبه هاا ردتني
غانم : اني شكتلك فهد مو كتلك لتحط نفسك بالصوره كمل القضيه بدون مااحد يعرف ليش تعاند
فهد : هسه شسويت اني
غانم : اني كتلكم كلشي تسوو سوو بدون ما تبينون وخاصه انت تدري بيهم يدورون عليك يااخي اذا متخاف على روحك خاف على عائلتك
فهد : كعدت شبيك سيدي عليمن هالعصبيه خير شصاير
غانم : فهد انت جاي تلعب بالنار ادري بيك شجاع ورجال بس لتخاطر بحياتك ياابني اني ااكد عليك لتروح ولاتوصل لأي مكان بالموصل تالي اسمع بيك رايح لهناك من فتره مودي مساعدات انت مخبل اني مأكد عليك تبتعد هالفتره عن كلشي اله علاقه بداعش انت اذا نعرفت راح تموت احنه هسه بالمركز متأكدين همه زارعين اتباع الهم هنا بشمشمون الاخبار عنهم متشوف احنه جاي نخطط بسريه تامه
فهد : هاي الهوسه كلها لان رحت شبيك سيدي من شوكت احنه نخاف هذوله جم واحد جرذ ميخوفون جلابنه تريدنه نخاف منهم وبعدين اني رحت وديت مساعدات وما حجيت ويه احد بس سلمت الاحتياجات للشباب ورجعت حتى مابتت وبعدين احنه مادام متحفظين على العمليه بكل سريه انت ليش خايف
غانم : خايف عليكم نسيتو الضابط محمد شسوو بي داعش لك كتلو بكل وحشيه ماخلو مكان بجسمه صاحي لمن مات من التعذيب ليش لان درو بي اله علاقه بالجيش شلون لو يدرون الي جاي يحدد مواقعهم ويسوي عمليات حتى يقبض عليهم هو انت ماراح يرحموك يافهد
فهد : لتخاف واخذها حجايه مني مستحيل اموت على ايد نكسه مثل ايدهم وحتى لومتت اكون مأدي واجبي امام الله الباقي ميهمني اني ابن حره والجابتني تعبت عليه حتى من اكبر ارفع راسها مو حتى اضل ضام روحي مثل النسوان اني شغلي مكمله بكل الاحوال وبالنسبه لهويتي لتخاف سيدي اني محد يعرفني كل الي هنا يعرفوني على انو اني الضابط فهد شغلي انو احقق بقضايا متعدده لا الي علاقه بالاستخبارات ولا شي
غانم : فهد اني كلبي مامرتاح ديربالك على روحك تره حتى ولد الوطن كامو يبيعون الوطن على حساب الوطن
فهد : ابن الوطن ميبيع الوطن ذاك ابن كح... احنه ماعلينه بي يله اني اترخص
غانم : سالم رقم ٢ منو يكدر على لسانك
__________________
غنى : كملنه محاضرات وطلعنه اني والبنات راحت نرجس واني اجيت اروح
مرتضى : غنى غنى
غنى : نعم
مرتضى : تفضلي كتبتلج كلام الاستاذ لان شفتج ما لحكتي تكتبين التلخيص وياا
غنى : ليش زحمت نفسك
مرتضى : اني عيوني انطيها الج
غنى : اخذتهن مجان اكو داعي بس شكرا زحمتك
مرتضى : انتي سامحيني واني كلشي اسوي حتى لروحي اسحكها اذا تردين
غنى : ابتسمت على حجيه ومشيت سمعت صوت هورن قريب عليه صارت عندي ردة فعل ومرتصى جرني عليه بسرعه جريت ايدي منه ولسوء الحظ فهد صار كبالي خزرني خزره حسستني انو اني شو شمسويه هذا شبي
فهد : اجيت على اروى وبتول شفت غنى طالعه تمشي هي ومرتضى لا وتضحك ومرتضى لازم ايدها هم بسيطه اني اعلمج ... اجن البنات صعدن وطلعنه
بتول : شبيك فهد
فهد : ماكو شي .... وصلتهن للبيت بسرعه ... يله نزلن
اروى : وانت ؟
فهد : صار عندي شغل يله بسرررعه نزززززلن
اروى : اي اي لتصيح
فهد : نزلن شفتهن دخلن للبيت طلعت موبايلي خابرتها ... الوو وينج وصلتي راح اجي بلا لغوه زايده كتلج راح اجي .... حركت سيارتي متوجهه للشقه صفيت سيارتي ونزلت مشيت بسرعه دكيت الجرس فتحته بسرعه جريتها عليه وسديت الباب ... شعندج واكفه ويه مرتضى وتتمضحكين
غنى : بألم شبيك فهد
فهد : بعصبيه كلاميييييييي ووووواضح شعندددج واكفه ويه مرتتتتضى وتتمضحكين بنص الجامعه اصلا شلووون تخلي يلزززم ايدج
غنى : وانت شكو شنو تحاسبني
فهد : احاسبج واطيح حظج انتي هسه مسجله باسمي وتعتبرين مره مزوجه ومامسموحلج تضربين ميانه ويه اي احد كائن من يكن اصلا اتعجب انتي شلون تصلين وملتزمه وتقبلين رجال غريب يلزم ايدج موو حرررررام هالشيييي
غنى : اني زوجتك بالحجي يافهد لا اني الي حق احاسبك ولا انت الك حق تحاسبني وبالنسبه لمرتضى انت مشفتني متختله وياا اني واكفه كدام الكل واحجي وياا ومن لزمني مجان متقصد بس جرني عن السياره
فهد : بعصبيه انتي نسيتي مرتضى شسوه بيج مو تهمج بعلاقه وياا وشهرج كدام الكل شلون الج نفس تحجين وياا بعد كل الي سواا بس انتي مكيفه تدرين ليش لان متكدرين بدون رجال دو.... تضل تاكل بيج متتحملين
غنى : صحت احترم نفسك ومامسموحلك تتلفظ هالالفاظ البذيئه هاي كدامي .... و اني من حجيت ويه مرتضى مو يعني سامحته بس هو غلط واجه اعتذر ومادام اعتذر وطلب السماح مامن حقي اتعامل وياا بفضاضه اني مو معصومه .... اني بشر حالي من حاله هم اغلط ويه اشخاص واطلب السماح منهم افتهمت
فهد: عفت كل كلامها وركزت على الغلط مالتها جريت شعرها من الحجاب .... منو الي يحترم نفسه ولج
غنى : انت
فهد : شديت على شعرها بقوه ماسمعت
غنى : آاااه هد شعري
فهد : ويامن هالحجيييي
غنى : بألم مو وياك مو وياك بس هد شعري
فهد : هديت شعرها هذا درس الج حتى تبطلين تطولين لسانج
غنى : بدموع والله دشوف منو تبقه بهالبيت هسه دخلت لغرفتي اخذت جنطتي وعدلت شالي وطلعت شكول عليج يادنيا خليتني مكفخه لليسوه والميسوه
فهد : وين موليه
غنى : بدموع اعوفلك البيت مو بمعناهه اذا انت مكعدني ببيتك تذلني
فهد : لزمت ايدها كعدي وسكتي طلعه ماكو
غنى : صحت انت شتريد مني كافييي فك ياخه عني اني ممجبوره اسمع كلام مثل السم منك واسكت اني مو بت شارع فتهمت
فهد : تقدمت عليها وهي ترجع كلت طلعه ماكو كعدي وانجبي
غنى : بدموع فهد وخر
فهد : حصرتها بالزوايه جريت نظارتها ذبيتها باوعت بعيونها ... كافي اهدي وخلي نتفاهم بدون عرك
غنى : مبيناتنه تفاهم وخر رجاءًا خلي اروح
فهد : انتي مسوؤليتي هسه ومستحيل اعوفج تتصرفين براحتج فتهمتي
غنى : يعني ممتندم انت
فهد : وليش اتندم ماسويت شي غلط اني سبق وكتلج راعي انو انتي مره مزوجه مؤقتً وعندج مهله منا لحد ماتخلص انتي تحت مسوؤليتي من تخلص المده وننفصل واطلكج رسمي شتردين تسوين سوي
غنى : بجيت احس نفسي تورطت ونحصرت بزوايه مامنها مخرج ... هذا واحد متسلط وكولشي يمشي على هوى واني لا حول ولا قوه شلون بيه
فهد : شفتها كامت تبجي بصوت الواضح هواي ثكلت وياها بالحجي بس مااعرف شجاني حجيت هيج وياها .... رفعت اصابعي مسحت دموعها ... خلص اني غلطان لتبجين هاي اول مره بحياتي انتازل واكول اني غلطان شتردين بعد
غنى : غمضت عيوني من ملمس اصابعه دفعتهن بخفه وخر فهد
فهد : مشيت اصبعي على خدها ببطئ شبيج ... اباوع لحلكها يرجف
غنى : بتوتر فهد لتجاوز حدودك رجاءًا
فهد : ضربتها راشدي بخفه اصحي على روحج ولترحين زايد تره ماسويتلج شي
غنى : فزيت من ضربني اجيت اجاوبه وسمعت صوت الجرس اني وفهد واحد باوع للثاني
فهد : بحده انتي منتظره احد
غنى : هزيت راسي نافيه ... وخر خلي اطلع اشوف منو
فهد : متطلعين منو لازمج
غنى : اذا انت داحسني بالزاويه شلون اطلع
فهد : احم تفضلي طلعي
غنى : باوعت من العين هاي المره الجبيره الي اجت ذاك اليوم ... فهد طب جوه
فهد : ليش
غنى : هاي وحده من سكنت العماره داكه الباب
فهد : شو اشوف هاي الحجيه اشواق فتحيلها الباب اني داخل للغرفه وديربالج تطببيها للبيت
غنى : هزيت راسي مسحت دموعي وطلعت .
اشواق : السلام عليكم
غنى : وعليكم السلام شلونج حجيه
اشواق : هله حبيبتي ... سمعت صوت صياح بشقتج واجيت اطمئن عليج صاير شي
غنى : بارتباك هاا من شقتي
اشواق : اي صوتج كلش عالي خفت عليج عبالي اكو شي
غنى : هاا لا متوهمه هذا صوت التلفزيون
اشواق : اباوع لعيونها حمر مبينه باجيه .... بشك التلفزيون
غنى : اي اي التلفزيون
اشواق : خوش لعد نصي صوته حبيبتي عبالي بيج شي
غنى : صار صار واعتذر لان سببتلكم ازعاج
اشواق : لا حبيبتي عادي ماصار شي يله مع السلامه
غنى : مع السلامه سديت الباب متنهده طبيت شفت الافندي كاعد وكأن شيئاً لم يكن
فهد : بهدوء هاا شرادت
غنى : سمعت صوت الصياح واجت تسأل شفت كله وراك
فهد : اني شعليه انتي صوتج يلعلع مثل صوت الكح...
غنى : بعصبيه فهد لتفشررررر كدامييييي فتهمتتتتت عيب عليك تنعتنييييي بهالالفاظ مثارده وياك اني لتاخذ ميانه بالحجي وياي لتنسى اني وحده غريبه عنك
فهد : هسه غير تكعد راحه ايه الله غنى
غنى : استغفر الله استغفر الله
فهد : ذيج القبله روحي صلي هناك لتوكفين تتعبدين على راسي
غنى : مسحت على وجهي يربي شكد مستفز هالانسان ... انت مو اجيت وتعاركت وضربت شتريد بعد روح
فهد : ما ميت عليج بس تعبان هسه خلي ارتاح واطلع
غنى : تنهدت بتعب كعدت ونمت عيني دموع ياربي امتحانك صعب وهواي هم
فهد : دك موبايلي شفته غانم خير ... الوو
غانم : فهد وينك
فهد : خير شكو
غانم : احجي يمعود
فهد : بشقتي ليش
غانم : المكان الي انت بي هسه ديربالك تطلع منه فتهمت وحتى لتفكر تروح لبيتك
فهد : ليش
غانم : اكو جماعه جاي يدورون عليك خليك بمكانك وابد لتطلع مااكدر اوضحلك اكثر الكاع محضوره فتهمت
فهد : ماعرفت منو الي بلغ
غانم : عرفت عرفت انطيني مهله اكدر الزمه عدل مااوصيك ابقه بمكانك وحتى للشغل لتجي منا لحد ما ابلغك واهلك هم كللهم طلعت خفاره مااريد احد يوصلك
فهد : سديته مباوع لغنى الي تبجي ... لا ياالله شلون ويه هاي يمكن تتخبل اذا سمعت راح اقيم وياها لا وبنفس البيت هم .... شلون حظ فكر حظي لعد ما لكيت غير هالخلقه تخليني اكابلها واكعد
***********
يتبع
- يتبع الفصل التالي اضغط على (ذنوب على قيد الغفران) اسم الرواية