رواية ذنوب على قيد الغفران الفصل الخامس عشر 15 - بقلم براء
الخامس عشر
#ذنوب_على_قيد_الغفران
#البارت_الخامس_عشر
غنى : مااعرف ليش اجه على بالي فهد عليه بسرررعه ماكو ثواني وفتحه .... صحتتتت فهددددددددد الحكنييييييي الله يخليك ... حسيت الباب اندفع على جسمي ااااااه
اسعد : كامت تصرخ نمت فوكهه اشششش صوتج فضحتينه بت الكلب ... شعبالج اذا خابرتي كوا... ج راح يجي احجييي جم مره نايم وياااج
غنى : انيييي اشرررف منننننك يا كلب .... وخررر عنيييييييي
اسعد : سديت حلكها وجريتها دتعالي خلي اطببج للغرفه واعلمج الشرف شلون يصير اليوم اذا ما اكسرج واعوفج اني مااسمه اسعد
غنى : اريد اجر روحي منه ما اكدر ططبني للصاله دفعته بقوه .... وركضت مااحس غير سحلني من شعري
اسعد : وين مو كتلج والله ما اعوفج لو تنطبق السما على الكاع
غنى : بدموع عليك القران كافييي عوفني بحالي تنشغ ... عليك بستر بناتك عوفني والله اعوفلكم البيت واروح بس عوفني
اسعد : جريت دلعه دشداشتها دخلي اضوكج واعوفج
غنى : اني شفته مد ايده على جسمي وكمت ارافس ماكو اصعب من شعور انو تشوف جسمك ينسلب منك بقيت اصارخ لكن لاحياة لمن تنادي
اسعد : دفعتها ونمت فوكها بديت اشيل ملابسها وهي كح... متثبت ترافس
غنى : آاااااااه وخررررررررر
___________________
فهد : كاعد ادرب الشرطه وسمعت موبايلي ... اخذو استراحه خمس دقايق ... فتحته الووو ... سمعت صوت غنى تصرخ وتطلب الحكها انوب سمعت صوتها تصرخ وجان اسمع حجي رجل خالتها عرفت جاي يعتدي عليها دين مابقه براسي طلعت ركض اخذت سويجي دست بانزين وطلعت اخابرها ماكو مترد المشكله مااعرف وينها بالضبط ويمكن اذا رحت لبيت خالتها خاف ماهي يله خلي اروح ماعولت اوصل حسيت روحي جاي تطلع صوتها مردني مرد ...... وصلت بسرعه وكفت السياره ونزلت ركض حتى ماقفلتها ادك بالباب محد يرد ياربي دخيلك ... باوعت اكو سيم يم الباب جريته بسرعه ودخلت بسرعه للبيت اسمع صوت صياح هذا صوت غنى طبيت بسرعه للصاله لكيت واحد نايم فوكهه وهي تحاول تدفعه بس متكدر جريته بسرعه منها اباوعله رجال شايب الشيب تارس راسه ... لا ياكلب يا سافل ضربته بوكس على وجهه وكعته بالكاع نمت فوكه كمت اضربه بدون مااحس على نفسي احس نار ووجت بيه لك يا سافل ياحقير هي هاي الامانه تعتدي على وحده بكد بناتك ضربته على خشمه لك انت بكد جدها ماستحيت تدنه نفسك عليها والله لنعل والديك اليوم
اسعد : وخر عني م.... كو...
فهد : راح ارويك الم... والكو ... شيسوي جريت سلاحي وكمت اضربه بطرف السلاح على وجهه كل هذا وماشفه غليلي منه كمت اخرمش وجهه بأيدي لك دنت نفسك على امانه عندك يا كواد يا ابو ال... ابن الم... ابن الكح... والله دنعل ابوك يابو هالكح... الي جابتك وبلشت الدنيا بيك سافل اديه صارن دم وتجرحن كد ماضربته يمكن مات جوه ايدي ... حسيت على ادين تلزم متني
غنى : ترجف فهد كافي عوفه الله يخليك حيموت جوه ايدك
فهد : كمت من مكاني اباوعلها هدومها امزكه حتى حماله صدرها طالعه من الدشداشه لان ممزوكه حالتها حاله شعرها مكطع وعلى وجها اثار اصابع نزعت قميصي بسرعه وخليته عليها اباوعلها كامت تشهك من البجي كافي غنى لتخافين اني يمج والله مااخلي يسويج شي
غنى : لارد بس تبجي .... صعب على اي بنيه تتقبل الي صار حتى لو كانت موزينه الشرف عزيز واني جان انسلب شرفي لو مااجه فهد وخلصني توقعت كلشي يصير ويايه أله هالشي عمري ماخطر على بالي انو اتعرض للاعتداء
فهد : بخوف شبيج غنى هالسافل سوالج شي خذاج صحت احجييييي
غنى : صرخت بدموع لا لا
فهد : خلص اهدي والله ابن امه الي يدنالج اني موجود ما اعوفج والله .... فزيت على صياح مره شفتها خالتها الشفيه
سهاد : اباوع اسعد وجهه مدمه ويصيح وهاي غنى لابسه قميص جيش ويمها هذا الي وصلنه .... هاي شصايررررر
اسعد : بألم همزين اجيني سهاد تعالي شوفي الي لفيناها لبيتنه طلعت جايبه واحد لبيتنه
سهاد : عزززه العزاج ولج وصلت بيج تجيبين زلم للبيت لا ياااا كحبببببببببببه
غنى : بدموع جذااااااب والله جذاااب خاله
فهد : بهدوء كتيلي كح... مو لعد اذا هي كح.. انتي شنو ورجلج شنو ... يا شريفه رجلج حاول يعتدي على بنت اختج واني ضابط واكدر اسحلكم ثنينكم هسه هنااااا فتهمتييييي
اسعد : لتصدكين سهاد اني رجعت من الشغل حتى اشوف شمحتاجين اجيت لكيت البيت صنته صعدت اصيح لغنى شفتها نايمه ويه هذا بالغرفه ومن لكفتهم لزموني ضربوني شوفي وجهي شسوو بي تدرين بيه انتي الزم الحرام وحتى حاولت تغريني بأي طريقه واني كتلها انتي مثل بنتي عيب عمي اني رجل خالتج وبمثابه ابوج بس هي كح..
سهاد : لا ياا ام الزللللللم يا بلا شرف ولج شنووو من بنيييه انتي ولججج وتاليييي ويااااج واكوول اني لييش دومج قافله الباب حتى تلعبين بكيفج
فهد : اكلي تبن وفوكاها نعل يابسه لا اجييي اوكلج انييي بدااااااال ما تفلين بوجه رجلج الم..... ابن الكح.... وتطردي من البيت كاعده تدافعليه ولو انتييي كح.... وهو كواد اكيددد تتراهموووون لان نفس الطينه
سهاد : والله لفضحكم فضيحه واخلي سيرتكم على كل لسااااان .... ياناااااااس ياعاااااااالم تعالووو شوفو تتتتتتت اختيييييييي تزنييييييي بيبتي
غنى : بنتدت من البجي مو لان خايفه منها لو من الناس بندت على روحي الي صارت رخيصه وبأيد ياهو الجان .... بدموع خاله وداعت مروان وبيبي رجلج يجذب واني معندي شي ويه الضابط فهد والله
فهد : ماكو داعي تبررين مادام انتي مامسويه شي باوعت لخالتها خلي نكون واقعيين اذا لميتي العالم هسه العيبه ترجع عليج والجوارين ميخلوج تبقين بالمنطقه اذا عرفو فخلي نحجي بهدوء ... سمعي زين طلعت موبايلي دخلت على التسجيلات اني اي مكالمه تجيني تبقه مسجله بالجهاز لان اني بالاستخبارات وشغلي يجبرني اكون حريص بكلشي ..... طلعت مكالمه غنى وسمعتها لخالتها اباوعلها وجها كام ينطي الوان
سهاد : ملخت وجهي صخام الصخمج سهاد يمه يمه كمت الطم عزززه العزاك اسعد ولك لييييش شسويت بالبنيه ردت تغتصبها ياكلبببب ولك بتنه الصغيره اكبر منها ياكبرها عد الله يمه لحكيلي ولك شنو شفت بيها ودنت نفسك عليها وفضلتها عليه من الله لايوفقك
اسعد : بس سمعيني سهاد ان...
سهاد :اشششش كلشييي لتحجي الله ياخذك باوعت للضابط اسمع انت غنى متبقه عندي لحظه وحده اني مالي خلك المشاكل اخذها وياك ذبها بالشارع خابر لاهل ابوها سوي أي شي اني ماعليه البيه كافيني
فهد : ليش منو كال اني راح ابقيها يمج ... درت وجهي على غنى كومي غني جيبي ملابسج وتعاي
غنى : بدموع وين اروح
فهد : دجيبي اي شي حتى لو لبسي بس صايه وتعالي وياي واني افهمج لتخافين غنى شبيج
غنى : هزيت راسي وصعدت رجليه كوه حاملاتني لبست صايتي وشالي ودمعتي مانشفت ابد نزلت جوه اخذت موبايلي وطلعت بره لكيت فهد
فهد : يله صعدي
غنى : اجيت اروح سمعت صوت خالتي
سهاد : بهمس غنى اذا ترجعين لهنا اكسر رجلج والله وديربالج سحر تدري تره وداعه امي اشوه سمعتج واخليج سيره على كل لسان والله اخلي كل الناس تصيح كش وبره منج فتهمتي
غنى : مجاوبتها صعدت ويه فهد وهو طلع
فهد : غني كافي بجي وسمعيني زين هسه انتي صفيتي وحدج فكري ويايه وين تحبين اخذج ارجعج لبيتكم لو عندج احد
غنى : بدموع معندي احد عمامي مااندل مكانهم واصلا مااعتقد يستقبلوني لاهمه ولا خوالي وبيتنه مااكدر ارجعله خالتي متخليني وحتى المفتاح مو عندي خالتي سحر مخليته عد سهاد وفوك كل هذا خاله سهاد هددتني اذا ابلغ خاله سحر لو احجي لأي احد تفضحني
فهد : دخلي تاكل تبن بيها حظ خلي تنفذ كلامها
غنى : درت وجهي على الجامه ودموعي تنزل يربي وين اروح ضاكت بيه الدنيا ومعندي احد غيرك وين اروح كلها ذبتني بالشارع لاخال يريدني ولاعم يستقبلني صرت حالي حال المتسولين حتى مكان ابات بي ماعندي .... بس شكول غير الحمدلله على كل حال ... باوعت فهد صف سيارته كدام عماره ... شنو هاي
فهد : نزلي
غنى : وين انزل
فهد : عندي شقه هنا نزلي خلي نتفاهم جوه كلشي مااسويلج شبيج
غنى : ما انزل شنو معناها انزل وياك وحدنه
فهد : اريد اصخم وياج احاجيج حتى نلكه حل ما اكدر اخذج لبيتنه لان متاكد راح تجيج حجايه خاصه انتي وضعج هسه شحاله
غنى : تريد نحجي خلي نحجي بالسياره لاي مكان ماانزل وياك سواء جنت اامن بيك او لا
فهد : خلص براحتج صفيت السياره على جهه صعدت الجام وقفلت البيبان باوعتلها يله كليلي وين راح ترحين هسه
غنى : همست مااعرف
فهد : زين عندج رقم اهل ابوج احاول اتواصل وياهم وافهمهم الي صار
غنى : وبصفتك شنو تفهمهم الموضوع اصلا هسه يكلولي هذا شجابه عليج وشعرفج بي واكيد محيصدكون انت اخو صديقتي
فهد : سكتت كلامج صح دخابريهم انتي وشرحيلهم الي صار
غنى : طلعت موبايلي وايدي ترجف بحثت عن رقم عمي واتصلت عليه ... ميرد
فهد : رجعي اتصلي عليه او دزيله رساله انو تردين تحجين وياا بموضوع مهم
غنى : هزيت راسي ودزيتله رساله ... شويه وخابرته جاوبني
... خير
غنى : خنكتني العبره عمو اني هسه صفيت بالشارع واريد واحد منكم يجي عليه معندي احد غيركم هسه
... هم رجعنه على نفس الاسطوانه مو كنالج احنه طلعنه من مسوؤليتكم بعد
غنى : بس عمو اني معندي احد غيركم هسه صفيت بالشارع
... ليش خوالج وين عنج
غنى : بدموع خوالي اخذو ورث بيبي وطلعوني
... هاا زكيه العكربه ماتت الله لايرحمها
غنى : صحت لتحجي على بيبيتي
... بت الكلب صوتج ... سمعي ولج اني حال الضيم حالي جهالي كوه معيشهم وما مستعد اتحمل مسوؤليه فوك الي عليه تردين خابري عمج عامر وشوفي شيكلج
غنى : زين انطيني رقمه
... ماعندي رقمه عود انتي دوري عليه ما لكيتي مشكلتج هاي روحي اكو اقسام داخليه ابقي بيها وجفينه شرج يله منا
غنى : بدموع زين بس انطيني رقم بيبي اني مااريد منك شي بس خلي احاجي بيبي واروح يمها داكلك معندي احد صفيت بالشارع شلون تقبلها بنت اخوك تبقه بالشارع متخافون على عرضكم انتو
... انتي مو عرضنه احنه حتى مامصدكين انتي ومروان ولد اخونه نسيتي امج شلون لعبت على اخويه الي جان عقيم وطب فش حبلت وجابتج وجابت مروان بعدين ولبستكم براسه عبالها مندري انتو نغوله لا واخويه سجلكم بأسمه لان مطي وانضحك عليه
غنى : استغفر الله الف استغفر الله ... انت شنو من بشر وين حرمه الميت عندك لك ليش تطعن بشرف امي متخاف من الله امي مره شريفه وملتزمه وانت تعرف بس مااكول غير حسبي الله ونعم الوكيل عليكم وعسى حوبه امي تطلع بيكم
... دولي انعل ابوج لابو امج
فهد : صدمني كلام عمها معقوله اكو هيج ناس متهتم لعرضها احنه لو الهوه مس بناتنه نكلب الدنيا وذوله هيج عادي عدهم بت اخوهم تصفه بالشارع ... اباوعلها انهارت كامت تشهك من البجي وتتنفس بسرعه حسيت وضعها غريب
غنى : بدموع آااااه يمه المن عفتيني المن ولك مروووان تعال اخذني وياكم ليش عفتوني وحدي وين اروح هسه محد يقبل يستقبلني عنده وين ارووح بابا حبيبي اني خايفه وصفيت بلا سند انت ومروان جنتو جناحاتي وهسه عفتوني ووكعت يا بابا
فهد : عفتها على راحتها تفرغ الي بكلبها حجت حجي خلتني صافن مردت كلبي مرد كاعده تعاتب اهلها عبالك كاعدين كبالها كسرت خاطري عمري ما تأثرت على احد هالكد ... خليتها فوك الساعه تفرغ الي بداخلها لحد ما حسيتها هدئت ... مديتلها بطل ماي ... شربي
غنى : شربت مي وحلكي يرجف خوف على حزن على تفكير باشياء مجهوله
فهد : نكعت نفسها كد ماترجف ... ارتاحيتي هسه
غنى : هزيت راسي بهدوء
فهد : سمعيني غنى وخليني اكمل انوب احجي خوش
غنى : اي
فهد : هسه خلي ننزل لشقتي اني بس ادليج عليها واروح مابقه يمج بس اسمعيني لتبجين ... حتى لو اريد اخذج لبيتكم المفاتيح مو عندج عد خالتج واكيد خالتج هسه اذا ترحين عناد بيج متنطيهن الج فنزلي هسه للشقه نامي وارتاحي وباجر ان شاء الله اني اخابر خالتج ام حوراء وافهمها كلشي واخليها تحجز طياره وتجيج حتى ترجعون لبيتكم ولو اكو غير حل اني ما اقصر بس هسه كلشي متكدرين تسوين فأحسن حل هذا
غنى : شلون ابات ببيت رجال غريب
فهد : كتلج اني ماابقه يمج اقفل الشقه عليج واروح قابل شعندي يمج غنى ثقي بيه لو اي وحده بمكانج جان سويت وياها نفس الي سويته وياج اني رجال ورجولتي متسمحلي اخلي بنيه بهيج وضع حرج ... غني اعتبريني اخوج واني ماراح ابقيج العمر كله هنا بس تحملي اليوم لحد مااخابر خالتج باجر وافهمها
غنى : هزيت راسي مجبوره اوافق وين اروح يعني
فهد : ننزل ؟
غنى : اي
فهد : فتحت البيبان ونزلنه تقدمت اخذت مفتاح الشقه من الجكمجه وطلعت اباوعلها نزلت بس تعرج .... غنى ليش تعرجين
غنى : نضربت رجلي بحافه باب الحمام وتعورت
فهد : هزيت راسي يله تعالي
البواب : شلونك سيدي
فهد : هله بيك ابو ماجد
البواب : وين هالغيبه اشتاقينلك صارلنه اشهر طويله ما شايفيك تجي بس تشوف تقارير استلام الايجارات وتروح
فهد : تشتاقلك العافيه تعرف انت الشغل يلهي ... همست تعالي غنى
غنى : اباوع للعماره جبيره كلش وضخمه مبينه مال اغنياء ... صعدنه بالمصعد شفت فهد داس على رقم اربعه عرفت الشقه بالطابق الرابع ... وصلنه طلعنه نمشي الطابق هدوء فتحت فهد باب شقه معزوله ودخلنه اباوع شقه جبيره عبالك بيت
فهد : تفضلي ...استريحي
غنى : الشقه نظيفه مو مال متروكه ... كعدت
فهد : شوفي غنى انتي اليوم راح تبقين هنا لتخافين العماره امان وعليها حراسه مشدده فلتقلقين من اي شي اني واكف وياج وما اعوفج لحد ما الكه حل يريحج
غنى : بهدوء تسلم رحم الله والديك
فهد : هذا واجبي كتلج سابقا انتي مثل اختي ... اني هسه راح اروح دقايق واجي الباب متفتحيها لجنس مخلوق كائن من يكن لو يكسر الباب لتفتحيها واني من اجي افتح الباب بالمفتاح فخلي حجابج على راسج خوش ... طلعت من الشقه اخذت سيارتي ورحت جبتلها عشه من بره دجاجه ولفات وجم شغله ورجعت دخلت للشقه لكيتها كاعده على حطتها ودموعها ينزلن ... تفضلي هذا اكل اكلي ولتشيلن هم كتلج محلوله ان شاء الله
غنى : بدموع شكرا فهد سوايتك هاي مسووها اهلي
فهد : الشكر لله ماسويت شي يله من رخصتج اعوفج براحتج وباجر من اريد اجي اخابر عليج ابلغج تمام
غنى : اي
فهد : يله تعالي سدي الباب ورايه
غنى : كمت سدبت الباب ورى ورجعت لمكاني تنهدت آااخ هاي تاليتج ياغنى تباتين ببيت رجال لا يعرفج ولاتعرفي خلاج عنده شفقه لا اكثر ... الحمدلله والشكر الهي مااكول غيرها الك بيها اراده رجعت نفسي على القنفه يارب كون خالتي تكدر ترجع باجر
فهد : طلعت لبيتنه .... طبعا الي صار اليوم فتح عيوني على هواي اشياء منها انو الناس شكد حقيره ومصلحجيه مستعده تسوي كلشي بس في سبيل تعيش مرتاحه حتى لو كان على حساب غيرها .... بصراحه الي صار اليوم ويه غنى خلاني افكر لو صارت وحده موزينه ما الومها بنيه ومكطوفه بالشارع وين تروح لو ما مخابرتني جان اليوم انذبت بالشارع وهي ذليله ومغتصبه بنيه فاقده اهلها وشرفها ماراح تكون فريسه سهله للمجتمع اكيد راح تكون ... همزين تذكرت موضوع الشقه الي ماخذها بعمارتي او بالاصح عمارة المرحوم جنت مخليها من اختنك مرات اروح ابقه بيها حتى اشرد من الدنيا واختلي بروحي وهسه اخذت غنى هناك لان ماعندي مكان اوديها اله ... اووف ياربي كلما جاي اكبر كلما جاي اكتشف شغلات تشيب راسي فوك ماهو مشيب وصلت للبيت صفيت سيارتي ونزلت ومثل العاده استقبلوني بالمشاكل واني روحي طالعه ..... السلام عليكم
الكل : وعليكم السلام
سعاد : وينك فهد انتظرناك على الغده ليش ما اجيت
فهد : صار عندي شغل
اروى : خير خوماكو شي
فهد : لا مجرد شغل
بتول : فهد اصبلك غده
فهد : لا ما اريد ... باوعت لامي الي صارلها اسبوعين متقبل تحاجيني ... شلونج يمه
ايمان : هله
علي : باستغراب فهد شبيها ايدك
فهد : باوعت لأيدي كلها دم ... هاي من جنت ادرب الشرطه تعورت ايدي كمت يله من رخصتكم ... صعدت لغرفتي طبيت ذبيت ملابسي وسبحت طلعت عقمت ايدي وتمددت افكر بغنى .... شراح يصير وياها ولو خالتها رفضت ترجع وين تروح محد يقبل يستقبلها اول مره يعصي عليه شي دائما الكه حل لكل مشكله تصادفني اله هالمشكله احسها لايصه وما اكدر احلها .... كمت طلعت من غرفتي فتحت غرفه امي لكيتها كاعده اجيت نمت بحضنها
ايمان : كوم منا
فهد : خليت ايدها على راسي يمه تعبان انسي الزعل شويه
ايمان : مسحت على شعره شنو الي متعبك
فهد : هواي اشياء
ايمان : ضليت العب بشعره ادري بي مضايق والا مايجيني ويكلي تعبان اذا ماعنده شي
فهد : يمه لو واحد احتاج مساعدتج شتسوين
ايمان : اذا جنت كادره ما اتردد واكيد اساعده حتى لو كلفني الثمن عمري
فهد : ليش تساعدي
ايمان : لان يجي يوم واحتاج المساعده سواء منه او من غيره يمكن هو بالمستقبل كادر يساعدني وتالي يرفض يساعدني مثل ما اني رفضت وبعدين يايمه احنه من نساعد احد فربك سلطنه عليه رحمه بي
فهد : يعني لازم اساعدها ؟
ايمان : تساعد منو ؟
فهد : هيج يمه بس اكو واحد واكع بمشكله عنده قضيه بالمركز وجاي افكر بطريقه اكدر اساعده بيها
ايمان : اذا كدرت تساعده ابد لتتردد يمه ... هذا اجر الك يم ربك عمره ميضيع
فهد : ان شاءالله ... بست ايدها دومه كلامج يريحني
ايمان : مو بمعناها اذا حجيت وياك يعني طاح الزعل
فهد : لو تبقين بدال الاسبوع سنين متكدرين تشيلين عليه بكلبج انتي تحبيبني نسيتي اني وياج شنو لو اذكرج يا ايمان اذا ناسيه
ايمان : تصرفاتك ماتعجبني فهد اسلوبك وتصرفاتك ابد ابد مو صحيحه الي بعمرك هسه حياتهم عباده بعباده مو يدورون مكسرات
فهد : احاول اني اسوي الاشياء الي ترضيج حتى لو جانت ماعاجبتني كلشي ولا انتي تضوجين
ايمان : بست راسه الله يهديك ويعقلك يا يمه
_________________
غنى : كاعده وخاله ايدي على خدي حايره بزماني وين اروح وين انطي وجهي صفيت بالشارع وفهد مامجبور يتحمل مسوؤليتي اصلا مااعرف شنو الي خلاني اخابره يمكن من خوفي ما اجه على بالي غيره ..... ردت اخابر نرجس بس شكللها احس روحي حموت احس جبل ونايم على كلبي ... المن اشكي والمن احجي بجيت لو بيبي هسه موجوده مو جان حضنتني وكعدت اسولفلها الي بكلبي لو مروان يكعد يسولفلي عن يومه حتى انسى تعبي ... ياربي ممعترضه على امرك ومتاكده راح يخلص هالعذاب بس شوكت والى متى بس لو اعرف شوكت ينتهي هالعذاب والله اصبر بس اريد بصيص امل يكلي حينتهي ... تنهدت شايفه اسم نرجس يطلع على الشاشه ... حاولت اخلي صوتي طبيعي ... جاوبتها الوو
نرجس : الوو هاا نونه شلونج
غنى : بهدوء الحمدلله
نرجس : حسيتج بيج شي فخابرتج اسأل عليج احجيلي شبيج وليش هيج صوتج
غنى : متحملت بسرعه بجيت
نرجس : بخوف شبيج ولج
غنى : تعبت نرجس والله تعبت
نرجس : احجي ولج شكو تعاركتي ويه خالتج لو ويه اسعد
غنى : تنشغ لتسأليني نرجس لتسأليني
نرجس : خلص براحتج فرغي الي بكلبج وشوكت ماتردين تحجين اني موجوده والله انعل عشيرته الي يأذيج
غنى : بدموع نرجس سؤال ... انتي مو تعرفيني كليلي اكو فد يوم سويت شي موزين أو اذيت احد يمكن بقصد او بدون قصد احجي نرجس
نرجس : حبيبتي انتي عمرج ما اذيتي احد دومج كافيه خيرج شرج ومالج علاقه بأحد فعليش هالسؤال هذا
غنى : اكول يمكن اذيت احد يجوز بدون قصد مني جرحت احد وداتعاقب كلت عسى ولعل اروح اعتذر من الاذيتهم حتى ارتاح
نرجس : اهدي حبيبتي خلص العصر اني اجي يمج بس دزيلي العنوان
غنى : بسرعه لا لا لتجين
نرجس : ليش
غنى : مو اني تعاركت ويه خالتي وهسه كاعده بغرفتي ومنزلت بعد فاذا تجين تتعارك وياي بالزايد ويجوز تسمعج حجايه واني مالي خلك المشاكل
نرجس : خلص خلي تولي مااجي مااريدها تتعارك وياج بس انتي هم لتصيرين فاهيه اذا تحاجيج لتسكتيلها فتهمتي وسوي مثل ما وصيتج رجل خالتج لتخلي يشوفج اصلا كلشي يصير يمعوده هذا مو راحه
غنى : خليت ايدي على حلكي خافيه شهكاتي لو تعرفين يانرجس هالحقير شسوه ... اخذت نفس لتخافين ضاله بغرفتي ماانزل
نرجس : عفيه عليج ... وهسه حسيتي نفسج احسن
غنى : مسحت دموعي نوعا ما ... يله نرجس اني اترخص
نرجس : براحتج نونه وامانه بأي وقت تحتاجيني اني موجوده
غنى : حبيبتي ادري بيج متقصرين ... يله باي
نرجس : باي
غنى : سديته ورجعت نفسي على القنفه حضنت الكوشه ... غمضت عيوني اريد انام بعد ما اكعد ........ الله يستر من باجر
________________
صباحا
ايمان : يمه علي كتبتلك ورقه من تكمل دوام روح تسوك
علي : يمه ارجع تعبان والله مالي خلك
ايمان : جاا خاله فيصل هاك هالورقه من تخلص دوام تسوك للبيت ماكو مسواك
فيصل : خاله اني مااعرف اتسوك شوفي غيري هم هاي العايزه فوك التعب اروح اتسوك
ايمان : والمسواك هذا مو الكم قابل الي وحدي وبعدين لتخاف الفلوس مني متدفع شي من جيبك
سعاد : هسه فهد مو دائما هو يتسوك للبيت عليمن تكلين للولد فهد يعرف شيجيب كليله اله
ايمان : والى متى نضل معتمدين على فهد مو اكو تلث زلم بالبيت غيره ... مايصير هيج على كوله المثل اذا صاحبك حلو لا تاكله كله .. صعدت فوك دكيت الباب على فهد ودخلت لكيته كاعد يسوي شناو .... ولك يمه مو كسرت ظهرك ماتمل من هالتمارين
فهد : كمت ... تدرين بيه شلون اكعد مطفي اذا جنت نايم ..... وطبعا ميصحيني غير الضغط ... وبعدين انتي شمكعدج من الصبح
ايمان : تدري احنه متعودين وياكم نكعد وبعد منام ... اكول يمه هاك هاي الورقه بيها جم حاجه اريدها من السوك بلا امر عليك من تخلص شغلك روح جيبهن
فهد : اخذت الورقه صار تأمرين امر اكو شي بعد
ايمان : لا تسلم بعد كلبي كلبك
فهد : اسم الله عليج يله من رخصتج اطب اسبح واروح للدوام ... دخلت للحمام سبحت وطلعت بدلت وطلعت لدوامي .... وصلت
الشرطه : صباح الخير سيدي
فهد : صباح النور ... دخلت لمكتبي ذبيت غراضي ابعد ماعاجبني هالمكان المركز احسن نوعا ما من هنا... كعدت اباوع الساعه بثمانيه خلي تصير التسعه واخابر غنى حتى اخذ رقم خالتها ... كمت طلعت لكيتهم جاهزين بديت اسجل الحضور ... اكو ثنين بعد وينهم
الشرطي : سيدي واحد اجازه وواحد بعده
فهد : هزيت راسي وبديت انطيهم محاضره حتى نبدي التدريب ... وره عشر دقايق اباوع دخل الشرطي ... بهدوء وين جنت ؟
الشرطي : اسف سيدي راحت عليه نومه
فهد : كل يوم تروح عليك نومه شنو ماعندك منبه بالبيت اكثر من مره تجي متأخر واني ادخلك واكول ميخالف بس هسه لا
الشرطي : اسف سيدي هاي اخر مره
فهد : بهدوء اطلع ممنوع تحضر المحاضره اليوم تفضل يله لتأخرنه
الشرطي : بس ..
فهد : انت متفهم كتلك اطلع حتى مره ثانيه توقت موبايلك وتجي على الوقت اني ما اكعد انتظر جنابكم تشرفون ياله ابدي تره الشغل لفوك راسي مو فارغ مثلكم عندي دوامين اجيكم لهنا ومن اخلص منكم اروح للمركززز فالتزمو لا قسم بالله اكتب بيكم عقوبه صحت ... مفهوووووم
الشرطه : مفهوم سيدي
فهد : كملت المحاضره وطلعت للمركز ... وصلت شفت الشباب يفترون من مكتب لمكتب خير شكو
عمر : هاا فهد شلونك ... عفيه دزيتلك كومه تقارير اكعد شوفهن
فهد : اي هسه اشوفهن شبيكم مخبوصين
ايمن : راح يجينه مسوؤل اليوم
فهد : شنو المناسبه
مهيمن : اعتقد رقابه او هيج شي
فهد : بكلبه خرب بالجابكم محلها اليوم يجون ... طبيت لمكتبي كعدت اكمل التقارير ركض ركض اريد اكمل واخابر خالة غنى ... كملت وره ساعتين وخابرتها ... جاوبتني الوو غنى
غنى : بهدوء هاا فهد
فهد : دزيلي رقم خالتج برساله
غنى : حتخابرها
فهد : اي ومن اخلص دوامي اجي حتى افهمج على شنو صفت
غنى : ماشي سديته ودزيتله رقم خاله سحر
فهد : وصلتني رساله خابرتها بسرعه انتظرتها ترد ماكو شويه وردت ... الوو السلام عليكم
سحر : وعليكم السلام منو
فهد : اني فهد ابن بيت ابو فيصل جوارينكم
سحر : خير غنى بيها شي
فهد : لتخافين ماكو شي بس ردت احجي وياج بموضوع بس رجاءاً خليج هادئه واسمعيني زين
سحر : احجي خاله اسمعك
فهد : بديت احجيلها الي صار من خابرتني غنى لحد ما وصلت من اخذتها .... وحاليا اني اخذتها لشقه من شقق العماره مالتنه ومحد يدري بالموضوع غيرنه
سحر : يمه يمه هذا كله صاير ويه غنى ولج يمه سوده عليه دومج مشلوعه كلب ومتعلعله ... احجي عليك الله خو اسعد ما سوالها شي
فهد : لا ما سوالها شي واني اكدر من هالثانيه افتح بي محظر وانعل والديه بس هي ماقبلت رفضت تدخل للمركز وتشتكي عليه
سحر : الله لايوفقه عساها بعافيته هو واختي الطايحت الحظ الله لا يرحمهم
فهد : حجيه كلامج هذا لا يقدم ولا يأخر اني خابرت حتى اكلج لازم تحجزين طياره وترجعين للعراق غنى بقت وحدها هسه وخابرت عمامها ورفضو يستقبلوها فلازم ترجعين
سحر : بس اني راح اسافر ويه رجلي للهند على حساب العلاج وحجزت تذكره ما اكدر ارجع
فهد : بعصبيه شنو متكدرين ترجعين انتي مو مبلغه غنى انو من يتحسن زوجج ترجعين شنو تكولين مسافره هسه
سحر : ماردت اكللها بس رجلي طلع عنده مرض خبيث ولازمه علاج بالخارج ونصحونه بدكتور بالهند واني مو بكيفي لازم اسافر وياا على حساب العلاج وغنى جنت مأمنه عليها يم سهاد ماتوقع راح يصير الي صار
فهد : وشلون هسه وين تروح البنيه يعني
سحر : مااعرف والله خلي تاخذ المفاتيح مالت البيت وتروح تكعد بي ماكو غير هالحل
فهد : متخافين عليها انتي
سحر : بدموع شسوي يعني صرت بين نارين رجلي وبت اختي انطيني حل
فهد : ضليت ساكت شحجي وياها هسه ... زين خلي اروح اخذ مفاتيح البيت وارجعها هناك ماكو غير هالحل
سحر : اي اني عايفته عد سهاد خلي تنطي الها
فهد : خوش سديته ورجعت كملت شغلي ... اجه المسوؤل وقاموله بالواجب وطلع واحنه هم طلعنه اني طلعت لبيت خالتها دكيت الباب طلعتلي
سهاد : خير شتريد فخت من خابرتني سحر ورزلتني ارتاحيتوو من فرقتوو بين الخوات بس خاف عبالكم عديتها الكم لا والله فضحتكم فضيحه
فهد : بهدوء بله حجي زايد اريد مفتاح بيت غنى وغراضها
سهاد : غراضها موجودات بس المفتاح مو عندي
فهد : اللهم طولج ياروح شنو مو عندج اني خابرت خالتها وكلتلي عد سهاد خلي تنطي الك
سهاد : مو عندي شبيك قابل اذا عندي راح اضمه وبعدين وصل رساله لغنى كللها خوالها تبرو منها بعد الي صار اني قبل شويه بلغتهم وكالو ممنوع تتقرب النه بعد عملتها وياك سمعتها صارت على كل لسان وكل خوالها درو وحتى كامل راح يوصل الحجي لعمامها واذا درو راح يذبحوها هاي اني اكلك
فهد : هزيت راسي شكد نذله وحقيره ... بسيطه خلي المفاتيح عندج قحط بيت وخلي خوالها يتبرون منها وشوفي شراح اسوي بيج ... صعدت سيارتي ورحت رجعت خابرت سحر ... فهمتها على الي صار
سحر : شلون كلبه هاي ... الله لا يرحمها دنيا واخره
فهد : وهسه الحل ؟
سحر : ابني عندي منك طلب والله يرضى عليك لتردني
فهد : نعم
سحر : خلي غنى موجوده عندك لحد ما ارجع
فهد : اني ماعندي مانع لو تبقه سنين عندي مااحجي بس هي متقبل هي البارحه وكوه بقت واذا تردين تاخذيها بعين الاعتبار فكلامها صحيح هي بنيه غريبه عني لا اعرفها ولاتعرفني على اي اساس اخليها عندي
سحر : مااعرف ابني شوفلك حل اني الي بيه مكفيني وهسه اجت سالفه غنى جماله عليه
فهد : بدون مااجاوبها سديته وطلعت للعماره وصلت وره فتره صفيت سيارتي ونزلت رمشت على غنى بمعنى اجيت ... صعدت للطابق الرابع وصلت للشقه فتحتها ودخلت لكيت غنى كاعده بالصاله
غنى : كمت هاا
فهد : كعدت كدامها ... اول شي شلونج
غنى : الحمدلله ... خابرت خالتي
فهد : اي خابرتها
غنى : وشكلتلك
فهد : متكدر ترجع
غنى : بهدوء انت سولفتلها كلشي وكلتلك ما اكدر ارجع
فهد : اي كلشي حجيتلها وكالت متكدر ترجع لان راح تسافر ويه رجلها للهند تعالجه
غنى : نزلت دموعي مو علساس شهر شهرين وترجع هسه راحت للهند مو علساس متعوفني حتى هي طلعت تجذب
فهد : شوفي غنى خلي نكون واقعيين لو مهما كانت معزتج عدها مستحيل تفضلج على بيتها وعائلتها صدكيني من خلال كلامها حسيتها ضايجه ومقهوره بس مترجع لحد ما يطيب رجلها والله اعلم شكد يطول علاجه
غنى : خلص مو بحاجه احد اني ارجع لبيتي واعرف شلون اعيش نفسي
فهد : رحت لخالتج سهاد ورفضت تنطيني المفاتيح
غنى : ببرود خلي عدها اكسر الباب واطب لبيتي اكو الف حل
فهد : غنى اني ما اريد اضوجج بس خالتج الفت سالفه طايح حظها عنج حتى تبري رجلها وراحت نشرتها بين خوالج واقاربكم وخوالج تبرو منج وميردوج وحتى لعمامج راح يبلغوهم ويجوز يأذوج لان خالتج كايله عود انتي شارده مدري لازمتج استغفر الله اعرف كلامي ممكن يكون جارح الج بس ما اكدر اجذب عليج لازم تعرفين كل الي صار
غنى : بدموع فهد اني تدمرت هسه وين اروح
فهد : لتخافين ابقي هنا معززه مكرمه اعتبري البيت بيتج
غنى : مستحيل ابقه هنا على اي اساس
فهد : وين تردين ترحين يعني
غنى : سكتت ما اكدر احجي صدوك كلامه وين اروح ... ما اعرف فهد بس مااكدر ابقه ببيتك شنو المناسبه انت ممجبور بيه ولا اني عندي فلوس حتى اكدر ااجر يعني محاصره من جميع الجهات اني
فهد : صفنت صفنت غنى ماكو غير حل واحد هم ينقذج من خوالج وعمامج وهم يخليج عايشه هنا براحتج
غنى : شنو
فهد : كوه طلعت من حلكي الحجايه .. ماكو غير اعقد عليج
غنى : كمت بعصبيه انت صدوك تحجي حتى بهاي تدورون مصالح حرام عليكم حرااااام والله كل واحد يريد ينهش بيه من جهه كافيييي رحمووو بحالييي مو متت الى متتتتتتتى ابقى هيج
فهد : طبكت حواجبي انتي مخبله فتهمتي السالفه مني بالاول .... ليش كمتي تزاكطين كعدي خلي افهمج تره اني ماخسران شي يطبج مرض عسى ما تصفين بالشارع اني شكو اذا همه اهلج ذبوج اني شنوو هاي فوك ما اريد اساعدج صدك ناس بلا مستحه
غنى : حزت بصدري حجايته صدك لو عندي اهل براسهم خير مجان صار هذا حالي ... كعدت ودموع تتسابق حرت وين اولي ياربي
فهد : غنى سمعيني اني من عرضت عليج هالعرض مو لغير غايه لا وداعة امي بس ماكو غير هالحل خوالج متحلفين بيج واخاف يرحون يسوون شي الج يجوز وقت الي اني موجود ميكدرون يسوولج شي بس من اني انذار او بالدوام واجه رجل خالتج لو خوالج شتسوين انتي قيسيها بعقلج حتى لو ا جيت ادافعلج بصفتي منو ومنو يسمحلي اتدخل احنه نحجي هسه على الجانب العشائري وانتي تدرين اهلج مو يم القانون اصلا صح كلامي لو لا
غنى : بدموع اي صح
فهد : سمعي يابنت الناس اني مستعد اعقد عليج واعوفج على ذمتي لحد ما ترجع خالتج وتصيرين بأمانتها ساعتها كلمن يروح لحال سبيله لا اني اعرفج ولا انتي تعرفيني
غنى : بدموع واذا مرجعت خالتي
فهد : تبقين هنا واني اتكلف بكلشي يخصج لحد ما تتخرجين وتلكين الشخص الي يناسبج واطلكج وشوفي حياتج اعتبري نفسج جاي تحجين ويه اخوج اني عمري وحياتي ما افكر بيج غير تفكير اقسم بالله انتي واروى عندي سوه
غنى : بس انت ممجبور تعرض نفسك لمشاكل لخاطري
فهد : اني مجبور لان انسان اولا ورجال ثانيا لتتخيلين بس لانو انتي غنى اني ساعدتج لا لو اي وحده بمكانج ومرت بنفس ظروفج جنت راح اسوي وياها نفس الي راح اسوي وياج .... ثقي بيه العقد الي راح يصير مجرد حبر على ورق بس حتى خوالج وعمامج ميدنولج بعد لان تعتبرين متزوجه انتي ومسوؤليتج صارت بأيدي وطلعت منهم واذا رادو يحجون اكلهم البنيه صارت مرتي مالكم حق تحاسبوها بعد
غنى : وشنو الي يثبتلي انو انت مدتستغلني
فهد : ليش استغلج قابل شعندي وياج ولو المفروض منطرق لهالموضوع بس انتي حتى شكلج ميعجبني فليش استغلج صدكيني هالعقد ماراح يصير حقيقي انتي حالج حال خواتي ولايمكن افكر بيج بغير طريقه ... فكري بكلامي ورديلي خبر واني حجيت لان الموضوع بصالحج اني بالحالتين ميصيبني شي عفتها وكمت دخلت لغرفتي وسديت الباب تمددت على الجربايه ااااخ أحس ظهري تكسر من الصبح لسه على فرد وكفه حتى استراحه ما اخذت ... سمعت الباب يندك كمت فتحتها شفت غنى كبالي
غنى : بدموع موافقه
فهد : اجيب السيد هسه
غنى : هزيت راسي ... اباوعله طلع من الشقه بجيت بحركه كلب ... هاي تاليتي اني الي ارسم احلام اشكال والوان ومسويه صوره مقدسه للرجال الي راح ارتبط بي تالي طب فش راح اتزوج واحد كل الي اعرفه عنه اسمه ووظيفته .... آاااه شتشوفين بعد ياغنى شنو الي ماشفتي ياغنى شبقه شبقه ........ يتم ، فقر ، مسوؤليه ، معاناة فقدان ، ذله ، وحده ، خذلان ، اعتداء ، تدمير سمعه ، تبرو مني اهلي ، زواج اجباري من واحد كلشي ما اعرف عنه شنو الي ماشفته شنووو .... ياربي أرأف بحالي مثل مارأفت بحال مريم ربي دخيلك مثل ما فرحت يعقوب فرحني وبرد كلبي مو متت قهر ربي واكول اتحمل وميخالف وتالي الهي وتالي صرخت بصوت عالي آاااااااااااااااااااه تعبت بعد ما اتحمل طكت مرارتي اني بشرر مو حيوان كافييي رحموني مو متت والله .... ضليت كاعده بمكاني ساعه ابجي ساعه اصرخ ساعه املخ روحي بس اريد ناري تطفه ماكو .... سمعت الباب تندك طب فهد
فهد : باوعت لحالتها تكسر الخاطر ... كومي غنى طبي جوه راح يعقدلنه السيد ... اباوعلها طبت صحت لولد ثنين اعرفهم معرفه قديمه وادري بيهم الحايط اذا حجه همه يحجون ماردت ابلغ جماعتي لان متأكد يفضحوني فضيحه فخليت الموضوع سري احسن الي والها ... تفضل يله شيخنه ابدي ... بده الشيخ يحجي
غنى : اسمع صوت الشيخ واحس روحي تطلع ... وصل الشيخ لموتي
الشيخ : اذا موافقه قولي "نعم وانت وكيلي"
غنى : مدري شلون كلتها وسمعت الشيخ يبارك النه
الشيخ : الف مبروك ابني الولد الصالح ان شاءالله
فهد : رحم الله والديك شيخ .... طلع الشيخ همه والولد بعد ماشكرتهم ... سديت باب الشقه ودكيت الباب على غنى
غنى : هاا
فهد : لهنا اكون اني سويت واجبي كدامج وكدام ربي ولو جان اكو غير حل اني والله ما اقصر بس ماكو غير العقد حل جذري لكل المشاكل
غنى : اعرف
فهد : سمعيني غنى حتى لو احنه هسه نعتبر متزوجين شرعا بس اني هالزواج ما معترف بي انتي انسانه حرة نفسج لا الج علاقه بيه ولا الي علاقه بيج بس مع هذا لازم تحترمين انج متزوجه وتراعين تصرفاتج اذا مو خوفا مني خوفا على نفسج واني تكدرين تعتبريني اخوج الح هم شتردين وشتعتازين اني موجود ... مصرفج واحتياجات كلها عليه منا لحد ما ترجع خالتج ... دوامج عادي تكملي هاي اخر سنه الج حرام تضيع عليج
غنى : والي يسألني شعندج كاعده هنا شكله صديقاتي اي احد
فهد : كليله اجرت شقه بهالعماره بس لاروى لتجيبين طاري صحيح هي متعرف هالعماره لابويه لان بعيده كلش بس ميخالف الحذر واجب
غنى : انت تدري الشقق هنا غاليه منو يصدك اني الفقيره اشتري هيج شقه
فهد : كليلهم بعتي ذاك البيت عندج ذهب وبعتي اكو الف سبب لتشيلين هم اعتبري روحج ابيتج واني من اريد اجيبلج شي اخابرج خوش
غنى : شكرا فهد زحمتك وياي
فهد : ولو كتلج سابقا اختي انتي يله اني اروح مع السلامه
غنى : مع السلامه ...ّسديت الباب وقفلتها دخلت جوه اباوع للشقه جبيره بيها صاله وتلث غرف ومطبخ وصحيات وتصميمها حلو .... تنهدت متمدده مامصدكه اني تزوجت هسه لا وبهالطريقه المخزيه هاي
___________________
- يتبع الفصل التالي اضغط على (ذنوب على قيد الغفران) اسم الرواية