رواية المتخفي الفصل الرابع عشر 14 - بقلم ريم محمد
_يعني ايه جين اللي تكون مراته؟؟
*اقترب إلياس منها وقال*
_زعلانه، عصرك انتهى وعرفت الاعبيك يا ماري
_جاك بيحبني
_قصدك جاك، مسحور ومبيحبكيش، سحرتيه!!
*تحدثت بصدمة*
_بيحبني
_بس قوانين المملكة اقوى مننا وجاك خلص خلاص ابعدي عشان متزعليش
*ابراهام بغضب*
_جين ليا، جين خسارة فيك
_ازاي، المفروض انا أكون مراته، هو بيحبني أنا مبيحبكيش
_الملكة بتؤمر إن بعد يومين بس هيكون الفرح وجين هتتوج حاكمة الفامبير وجاك رفيقها وأي اعتراض من اي حد هيكون حكمه ال*موت
*وقفت مذهولة!، جاك مبيحبنيش أساسًا!
بس جوايا جزء فرح ودا اللي خلاني استغرب ازاي؟؟
أنا مبحبوش، ازاي كدا! *
_وكمان انهاردا بالليل في حفلة تنكريه ولازم الكل يحضر
*ماري، كانت متغاظة وعيونها مليانة شر بس هي مش فارقه معايا، لو عملتلي حاجة هعرف أحمي نفسي كويس *
^^^^^^^^^^^^^^^^^^
*كنت قاعدة بفكر في القرار دا
وبحاول استوعب لحد ما جه حد خبط علي الباب رحت افتح لاقيته ابراهام*
_جين، أنا تعبت عشان أوصلك حطيت إلياس حامي ليكِ
كان بيراقبك، كنت بستني اللحظة اللي اشوفك فيها في الغابه
_انا عمري ما اتوجعت كدا
ليه هو ياخدك علي الجاهز
طب وأنا؟؟
_من ساعه ما عرفت أنك
جيتِ وأنا براقبك وادربت اعاملك ازاي ليييييه تعملي فيّ كدا أنا استاهل كدا؟؟
_بس دا مش قراري أنا مليش ذنب
*الباب خبط وطلع جاك اللي بيخبط*
_أهلًا وسهلًا بيك، بتعمل ايه في بيت مراتي؟؟
_مراتك؟؟، أنت عملت حساب ليها؟؟، مفكر نفسك مين وليه
_شوفلك ماري وحل عني عشان متتعبش
_لا أنت عايز تت*حرق
_قوتنا وحدة هنح*رق بعض
*مسكوا في بعض حرفيًا، وكانوا خلاص لحد ما زعقت وطردت الاتنين من البيت*
^^^^^^^^^^^^^^^^^^
_البرت أنت الوحيد اللي هتحل الموضوع دا
_هحله متقلقش
_ماري مفكرة نفسها هتوصل لحاجه، لازم نفك السحر دا
_خطيرة سحرته عشان يحبها!
وهو طبعًا ميعرفش إن دا سحر
_متقلقش يا إلياس أنا هعرف أتصرف كويس
_لونا مبتحبنيش، اعمل ايه
*لتتغير ملامح البرت ويمتعض بشدة ويقول باندفاع *
_مش مهم، فكك منها
_ازاي وهتكون مراتي؟؟
_يمكن متوافقش مثلا
_طالما مفيش حب، خلينا في موضوع جاك الاول
^^^^^^^^^^^^^^^^^^
_ماري، شغلك مش عاجبني وحيلتك اتكشفت
_اعمل ايه
_تتصرفي، جاك مينفعش يروح منك
_كنت في الاول مبحبوش بس حبيته!
_بقولك ايه احنا مش فاضيين لكلام دا فاهمه؟
_غصب عني أنا مش روبوت
_أنتِ تسمعي الكلام وبس
^^^^^^^^^^^^^^^^^^
_جي ليه تاني أنا مهمكش
_هتبقي كمان يومين مراتي عايزة اكون ايه اسيبك!
_لازم شكل مرات الحاكم يكون حلو اقطعي علاقتك إبراهام
_وإن مقطعتش هتعمل ايه؟
_جين، بلاش تحدي
_جاك، أنت مبتحبنيش فوق
_عارف بس أنتِ هتكوني مراتي
_وماري؟؟
_ماري؟، معرفش لسه
_امشي يا جاك، وجوازنا صوري بس
_ابعدي عن ابراهام دا عاشق ليكِ
_ابراهام صديق ليا
*قرب مني ومسك دراعي وقال*
_أنا قولتلك ابعدي عنه
_اتكلمت بتحدي وقولت؛ملكش اي صلة بيا طالما في حياتك ماري
_بتتحديني!
_يهمك في ايه
*لاقيته، حط ايده علي الحيط وكورها وفضل يخبط علي الحيط ومثبت عيونه عليّ وقال*
_مش عارف يا جين، ليه بحس بحاجة بس مينفعش تتكلمي مع ابراهام ولا اليكس
_امشي يا جاك
_لا هاخد جوله
_وفر جولاتك دي وامشي
^^^^^^^^^^^^^^^^^^
_في حاجه غلط!، السحر بدأ يتفك! ودا غلط علينا أحنا
_قرب جين من جاك مشكله كبيرة، هيكتشف إن حبه الحقيقي كان جين مش ماري!
^^^^^^^^^^^^^^^^^^
_انا فين؟
_انا في بيتك؟، ايه دا كويس
حضريلي اكل
_مكنتش الخدامة بتعتك
_مراتي
_في مليون بنت عندكوا خلوهل تحضر، روح كل في بيتكم
_بس أنتِ شيف
_دا تنكُر، أنا مصممة أزياء مش شيف
_ماشي يا جين، عدى يوم كلها يوم وتكوني مراتي في قصري
_كنت فيه مفرقتش كتير
_بس مكنتيش مراتي
_في ماري في ابراهام يا جاك
_ليه سيرته دلوقتي، اللي تسد النفس دي، ما كنا رايقين
^^^^^^^^^^^^^^^^^^
*جه يوم الفرح!!، مشاعر مختلطة ما بين الفرح الغريب وشعوري الغريب أساسا ليه بحس بحاجة تجاه جاك؟
اقوي من احساسي لالياس*
*وجود ماري بيضايقني*
*لبست الفستان اللي متصمم مخصوص ليّا، وكل المملكة كانت حاضرة*
*واتجوزنا، بس عيون ماري كلها شر، وشكلها ناوية على حاجة! *
^^^^^^^^^^^^^^^^^^
_أحنا أخوات يا جاك، وبس
*لاقيت ماري جيه له!، سابني وراح ليها!!*
*كنت متوقعة إنه هيختارها
كالعادة مكاني اللي متغيرش الجنينة، سمعت صوت حركة طلع ابراهام!، بعيون حمرا!!*
_سابك، كنت عارف مش مقدر أنه معاه جين، أقوى وأجمل ست
_ابراهام جيت ليه
_اطمن عليكِ
^^^^^^^^^^^^^^^^^^
_ماري، انا بقيت متجوز
_وحبنا يا جاك؟
_مش هفرط فيه
_ازاي وأنت بتقول أنك متجوز؟؟
_متجوز وأنتِ عارفه السبب فعادي، الجواز مش عائق
_استني دا ابراهام؟؟
_أنت ايه اللي جابك؟؟
_جي اشوف حبيبتي اللي سرقتها مني
_دي مراتي احترم نفسك
_اشبع بماري، وسيب جين
_أنت ازاي تتجرأ وتقول كدا
*ابراهام اتكلم بغضب وبعدها ط*عن جاك!!، ودمه سال*
يتبع…..
- يتبع الفصل التالي اضغط على ( رواية المتخفي ) اسم الرواية