رواية ذنوب على قيد الغفران الفصل الرابع عشر 14 - بقلم براء
البارت الرابع عشر
#ذنوب_على_قيد_الغفران
#البارت_الرابع_عشر
فهد : لحظه غنى
غنى : نعم
فهد : نصيحه كلي لمرتضى يبطل يحجي عن علاقتكم كدام احد
غنى : منو مرتضى وعن اي علاقه تحجي
فهد : غنى هالسوالف عوفيها بيت جدي كلهم يدرون بعلاقتكم حتى الخدم درو بس خلو علاقتكم بيها خصوصيه شويه مو لازم العائله كلها تعرف شيصير بينج وبين مرتضى من تلتقون
غنى : نطت عيوني فهد انت شدتحجي يمعود على بختك منين جايب هالحجي واي مرتضى هذا الي كايللكم عنده علاقه بيه
فهد : مرتضى ابن عمتي الطالب الي وياج بالقسم
غنى : ضليت فاكه حلكي لا اكدر احجي ولااكدر اسكت معقوله مرتضى الي يداوم ويايه حاجي عليه هيج هذا الي اكول عليه عاقل ومؤدب يلفق حجي بكيفه
فهد : هاا وين صفتني انصدمتي مو
غنى : باوعتله وانتو كل عقلكم مصدكين اني عندي علاقه ويه مرتضى هذا كله تأليف اني لا عندي شي وياا ولا حيكون كل ما بالموضوع احنه زملاء لا اكثر والي كايله الكم مرتضى جذب بجذب
فهد : باستهزاء قصدج نفس علاقتج ويه الاستاذ الي طلع هم ماعندج شي وياا
غنى : تقربت وكفت كدامه لزك .... اسمعني زين لا انت ولاعشره بكدك يكدرون يحجون بسمعتي ويمسوني بحجايه وحده لان اني حافظه نفسي والي يصدك حجي الناس يطبه ستين الف مرض ميهمني المهم عندي مادام اني واثقه بنفسي وبتربيتي طزز بيكم شتفكرون فكرو
فهد : باوعت لعيونها هامس .... الواضح لسانج بده يلطش بالحجي لتخليني التجئ وياج لغير اسلوب
غنى : خزرته شتريد تسوي لا انت ولاغيرك تهموني
فهد : همست متأكده
غنى : رجعت وره من حسيت بانفاسه على وجهي ... كحيت اي متاكده انت معايش ويايه ولا شفت شي بعينك حتى تجي تتهمني هيج اتهام خلي نفسك بمكاني لو واحد محاجي اروى بهالطريقه تقبل احجي ليش ساكت
فهد : بهدوء لا
غنى : لعد شلون تقبلها على نفسك تحجي ويايه بموضوع انت اصلا ممتاكد منه
فهد : ومرتضى ليش يجذب شيستفاد يعني
غنى : علمي علمك والله .... هو تقدملي واني رفضت فمعليه بي اذا كام يطلع حجي من نفسه ويجذب عليكم وبكل الاحوال هاي مشكلته مو مشكلتي
فهد : شبيج انهديتي اهدي
غنى : باوعتله يابرودة اعصايك ... عفته ومشيت اول ماوصلت للبيت لكيت اصخم بوجهي
اسعد : شو تأخرتي
غنى : لا متأخرت اجيت ادخل صار بوجهي ... لااله الا الله
اسعد : شدعوه هالكد متقربه على الرجال وتحجين وياا
غنى : باوعتله صفح ودخلت عايزني بعد بقه بس هذا ما حاسبني صعدت لغرفتي واحس رجليه يختضن من الرجفه وصلت لغرفتي دزيت رساله لنرجس .... "نرجس اريد رقم مرتضى وفورا" ... ماكو ربع ساعه ودزتلي رقمه خزنته وخابرته .. فتح الخط
مرتضى : الوو
غنى : ولك انت متستحي
مرتضى : منو انتي
غنى : اني صخام بعينك ان شاء الله ولك مو عيب عليك مطلع عليه سمعه بين اهلك وكايللهم اني عندي علاقه بيك ماستحيت على روحك تحجي على بنيه متخصك وتكلهم اطلع واطب وياها واحبها وتحبني
مرتضى : غنى والله اني احبج وناوي اخطبج
غنى : حبتك حيه ان شاءالله انت مو تقدمتلي وكتلك موضوع الزواج شايتله من راسي شنو هو غصب
مرتضى : مو غصب بس انتي ترديني مثل مااريدج اني اعرف هالفتره وضعج حرج واني منطيج فرصه تفكرين ومنتظر رساله الموافقه منج
غنى : انت غبي لو غبي داكولك اني مموافقه
مرتضى : اي هو ادري بيج محتاجه وقت حتى تفكرين بالموضوع خلص حبيبتي براحتج باي احبج
غنى : لزمت راسي يمه حينفجر راسي الله لايوفقك لك شهالعين الصلفه هاي بكل وقاحه يعترف ... نزلت دموعي يربي مو كافي مو انشلع كلبي
سهاد : طبيت للغرفه لكيتها تبجي خير شبيج
غنى : مسحت دموعي ... هيج ماكو شي
سهاد : دنزلي سويلنه عشه
غنى : خاله والله تعبانه من الصبح لسه كاعده اخيط ظهري حدب من التعب والله
سهاد : والله هذا شغلج ومو اول مره تخيطين فلتكعدين تتمضيكين كدامي كومي سوي العشه وهو شنو العشه بيض وجاي قابل كتلج سوي كباب
غنى : كمت نزلت جوه ااخ ياخاله سحر تعالي شوفي اختج شدتسوي بيه
اسعد : ما عفتي البنيه ترتاح متشوفيها تعبانه
سهاد : وعليمن تتعب قابل جانت تجاهد هنه دشداشتين دتخيطهن
غنى : دخلت للمطبخ اسوي العشه .... شفت خالتي دخلت ... خاله سؤال
سهاد : خير
غنى : خاله عمو اسعد شوكت يطلع لشغله وشوكت يرجع
سهاد : بعصبيه وانتي شكو
غنى : لا بس اسأل حتى مااخذ راحتي باللبس اذا موجود
سهاد : كتيلي متاخذين راحتج ... اي هو يطلع الصبح ويجي العصر وبالنسبه للبسج فتحشمي البيت بي زلم اذا مو رجلي ابن رجلي وحتى لو كان ابن رجلي على عقله بس رجال ويكدر يزوجج واعتقد فهمتي قصدي
غنى : استغفر الله استغفر الله شهالحجي هذا شكد متستحي خالتي شلون تحجي بهالطريقه .... كملت العشه وطلعت خليته بالصاله
سهاد : روحي جيبي امير خلي ياكل عفته بدون غده اليوم
غنى : اي .... كمت دخلت للمخزن لكيت امير صافن .. هلو
امير : وو وينج
غنى : كعدت كدامه اسفه اليوم جان عندي شغل ومصارلي مجال اجي يمك ... يله تجي تتعشه
امير : اي اي
غنى : فتحت سلاسله اباوعله امير عيونه خضر وطويل شكله حلو بس للاسف عقله مو طبيعي .... كومته كوم اموري
امير : ابتسمت امو اموري اني
غنى : اي انت ليش شكم امير اكو يله تعال نتعشه قبل لا تاكل العشه سهاد
امير : يله يله
غنى : طلعنه كعدته يم ابو وكعدت على جهه كمت اكل واسويله لفات حتى ميدمر نفسه ... كاعده اتعشه ومااحس غير كرصه اجت برجلي فزيت ... شلت راسي لكيت اسعد يبتسم ... عفت الخبزه وكمت
سهاد : وين
غنى : ايدها ترجف ... بارتباك انام
سهاد : هسه تنامين مو عوايدج هاي كل يوم انتي والثنتين سوه
غنى : لا مو تعبانه من رخصتكم صعدت لغرفتي ركض طبيت وسديت الباب وراي .... لزمت كلبي يمه حيوكف كلبي من الخوف هذا شلون يتجرئ يسوي هيج هاي اول مره بحياتي اتعرض لهالموقف صحيح اني متعرضه لتحرش سابقا بس جان بس كلام وحركات عمره احد ما تعرضلي باللمس وهذا السافل مد ايده عليه ... يا نكس يا كلب ... كعدت ياربي دخيلك كون يتحسن رجل خاله سحر وتكدر ترجع مره ثانيه اذا ابقه بعد هنا يمكن اتخبل
_________________
فهد : نايم وخال ايدي وره راسي ... معقوله اني ظلمتها معقوله تطلع بريئه وكلشي ماعدها للحظه سألت نفسي اني شعندي وياها وليش هالكد شاد وياها البنيه كلشي ما مسويتلي حتى راسها متشيله عليه وبالنسبه لحياتها الشخصيه فهذا شي ميخصني ولا الي حق احاسبها هذا شي راجعلها انت نفعت او ضرت نفسها اني مااتأثر .... كلبت جسمي زين ليش مرتضى يألف حجي عليها وشنو المناسبه حتى يكول احبها وتحبني .... معقوله مرتضى حقير لدرجه انو يتهم بنيه بعلاقه وياا وهو جذب ... اوووف هسه اني شكو من يطبهم مرض .... كمت دخلت للحمام اني بيه طبيعه من اختنك لو اضوج من شي اروح اسبح احس الماي يسحب همومي وياا من ينزل .... ياربي دخيلك لتخليني اضن ضن سوء بأحد طول عمري اكره الحكم على الاشخاص من دون مانعرف شنو معدنهم لتخليني اصير من هالفئه من الاشخاص
آلاء : دكيت باب الغرفه اريد اصيح لفهد حتى ينزل يشرب جاي ... ماكو ماجاوبتي فتحت الباب ودخلت سمعت صوت بالحمام هذا جاي يسبح اباوع عايف محفظته مشيت بسرعه اخذتها فتحتها لكيت كومة فلوس بيها سحبت الي اجه بأيدي وطلعت اركض طبيت لغرفتي وسديت الباب ... طلعت الفلوس حسبتهن خرب يومه خال خمسميت الف بس بالمحفظه لعد بالخزنه شكد خال
فيصل : شبيج آلاء
آلاء : هيج ماكو شي ... اكلك اني اريد تشتريلي شي ذهب
فيصل : منين ياحسره
آلاء : اني عندي
فيصل : منيلج
آلاء : هاا تداينت من امي
فيصل : وشوكت تداينتي انتي اصلا ماطلعتي من البيت
آلاء : هسه هو تحقيق يافيصل الفلوس اخذتهن منها من زمان وهسه اريد تاخذني اشتري شي ذهب عاجبني محبس شفته بالفيس واريد مثله
فيصل : ماشي
آلاء : صدك كلي بعده جسمك يأذيك
فيصل : لا احسن من قبل الادويه خففت الالم
آلاء : خوش
_________________
فهد : نايم واجاني اتصال من فرح فتحت الخط الو
فرح : الوو هاا حبيبي شلونك
فهد : الحمدلله انتي شلونج
فرح : من سمعت صوتك صرت زينه
فهد : كلبت عيوني ... اي ليش داكه عليه
فرح : ماناوي تجي
فهد : باوعت للساعه ... لا مو مال اجي الوقت تأخر هسه خليها على باجر من اطلع من الدوام امرلج
فرح : اوك حبيبي باي
فهد : باي ... سديته وكمت ... شفت الهويه مالتي بالكاع هاي شوكعها فتحت المحفظه اريد اخليها ... اباوع للمحفظه ولا فلس بس خرده وين باقي الفلوس معقوله كلهن صرفتهن بس اني كلشي ماصرفت وحتى لو اريد اصرف شريد اشتري يعني طلعت من غرفتي نزلت جوه لكيت البنات كاعدات على التلفزيون ... بنات اكو وحده منجن نظفت غرفتي اليوم
ورده : اني بس صعدت ملابسك
اروى : واني مانظفتها لان البارحه جنت منظفتها
ليلى : اني ما اطب لغرفتك اصلا
اروى : ليش تسأل فهد
فهد : خال بالمحفظه خمسميت الف وهسه فتحتها لكيت بس الخرده اجيت اسألجن خاف منظفات الغرفه وموكعات الفلوس
اروى : لا والله مالعبنه بشي وحتى من نريد ننظف تدري مندنه لغراضك الخاصه
فهد : ادري بيجن مو تعلميني .... يله تلكيهن شو وين راحن هسه اشوفهن يله كملن الفلم وانتي هيي كومي نامي
ورده : فهد والله مو نعسانه
فهد : عندج دوام باجر شلون تركزين بدروسج موزين السهر
ورده : لعد اذا موزين السهر انت ليش لسه سهران
فهد : جريت اذنها ... شلون شلون عيدي ماسمعت
ورده : أخ اخ اسحب كلامي اسفه اسفه
فهد : عفت اذنها يله كومي انطمري
ورده : حضنته اخويه حبيبي وابويه اروحلك فدوه يا تاج راسنه يا شمعه البيت تعال دنك خلي ابوسك ... بسته فدوه فهد خلي يخلص الفلم واروح انام عليك بداعه ايمان
فهد : ضحكت حاضنها ام لسان منو يكدر على لسانج بستها يله خليج كاعده لحد مايخلص الفلم وتنامين وعد
ورده : وعد
فهد : خوش ... صعدت لغرفتي بسيطه وين يرحن الفلوس اطلعهن اطلعهن
_________________
سهاد : صعدت اكعد المكموعه هاي نايمتلي لسه فتحت الباب لكيتها مقفوله هاي ليش قافله الغرفه شعدها دكيت الباب مافتحتها نزلت جوه دخلت للحمام سبحت وطلعت لكيت اسعد ينزل من فوك ... شعندك فوك
اسعد : هاا صعدت ادور على الدرنفيس اريد اشوف المولده مالتنه تشتغل لو لا
سهاد : والدرنفيس شعنده فوك وبعدين انت من شوكت تعرف تصلح مولدات شنو تشتغل بالصناعي يبعد كلبي واني ماادري
اسعد : مو هيج بس حبيت اجرب
سهاد : تدري الساعه ابيش هسه بالتسعه وانت ماطالع للشغل هاي صارلك جم يوم متطلع لشغلك شكو خير
اسعد : مو عندي عمال خلي همه يشتغلون اني رجال جبير واتعب
سهاد : كتلي تتعب دروح سويلنه جاي ... اباوعله راح يربي معقوله جان يمها استغفر الله لا ليش استغفر هي بنيه شابه حلوه وماعدها احد اكيد تفكر تجذب الانظار الها حتى تعيش ولو هو فرخ البط عوام عماتها مشهودتلهن لعد هي اكيد تطلع عليهن بس والله لو طلعت السالفه صدك والله لطلعلها عريانه بالشارع واخليها فرجه لكل الناس ... صعدت ركض فوك اكيد اذا سابحه يبين عليها .... دكيت الباب بقوتي فتحيي الباب
غنى : كعدت على صوت هوسه كمت فتحت الباب لان كمت اقفله من وره رجل خالتي الحقير وبصراحه كمت اخاف من اسعد ... بنعاس صباح الخير ليش هيج تدكين الباب
سهاد : اباوعلها لابسه برموده وفوكها تشيرت علاكات ... مبينه ستوها كاعده من النوم مدري تجذب ... شنو السالفه الدنيا صارت ظهر وحضرتج لسه نايمه
غنى : طبيت للغرفه طلعت موبايلي اباوع تسعه اله ربع ... شنو السالفه خاله بهدها مصايره حتى بالتسعه ياظهر هذا
سهاد : اي طبعا بالنسبه الج مو ظهر لان متعلمه على الرباخه والدلال
غنى : ابتسمت كتيلي دلال اي صحيح من رخصتج بس ابدل واجي اسويلج الي تردي دخلت لغرفتي لبست دشداشه قصيره وفوكها دشداشه طويله حتى ميبين جسمي لبست شالي ونزلت لكيتهم كاعدين يتريكون .... بهدوء صباح الخير
الكل : صباح النور
غنى : صبيت لروحي استكان جاي وطلعت بره دكيت على خالتي سحر اريد احاجيها احس نفسي مخنوكه اول ماسمعت صوتها نزلت دموعي
سحر : الوو حبيبتي غنى تسمعيني
غنى : بدموع شتاقيتلج خاله
سحر : اني الاشوق ياعمر خالتج يمه كلبي مفرفح عليج كليلي شلونج شخبارج
غنى : احجي واحس شهكتي ذيج وينها مسموعه خاله حبابه رجعي اني مااكدر ابقه هنا
سحر : ليش حبيبتي سهاد مأذيتج كليلي اطيح صبغها والله انتي كاعده بحساب ايجار عدها مالها حق تحاجيج نص حجايه احجي ولج كافي بجي
غنى : اخذت نفس لا خاله خاله سهاد كلشي ما مسويتلي بس اني مشتاقتلج ومشتاقله لبيتنه كعدتهم مموالتمني ولا حياتهم اريد انام بحضنج وافتر بالبيت براحتي هنا متقيده
سحر : ميخالف يمه تحملي بعد كلبي بس خلي يتحسن عمج واني ارجع واذا صار وتأخرت لتخافين اني وصيت رجل خالتج يباشر بالمعاملات حتى يطلعلج جواز وتجين يمي
غنى : خاله اني مااعوف العراق لو اموت
سحر : ليش يمه شعندج باقيه
غنى : بدموع ترديني اعوف مروان وبيبي وبابا وماما اعوف سبب سعادتي بهالدنيا واجي مستحيل خاله مادام عزازي مدفونين بالعراق مستحيل اطلع
سحر : سوده عليه يايمه الله يساعد كلبج شبعتي ضيم وقهر منكم لله يالي ابالي .... خلص يمه ابقي اني مااجبرج ومثل ماكتلج شتحتاجين كليلي حتى لو حسيتي نفسج ضايجه خابريني نكعد نحجي اني وياج لحد ماترتاحين حتى لو بمواضيع سخيفه المهم اسمع صوتج
غنى : ان شاءالله خاله يله اني اروح اخابرج بعدين
سحر : الله وياج بعد كلبي
غنى : سديته ودخلت جوه باوعت لأسعد باكثر نظره مشمئزه بهالدنيا ووكفت اسوي الغده واسولف ويه امير الي بده يتأقلم ويايه ويتعود عليه
__________________
فهد : كاعدين اني والولد ببيت جدي وطب مرتضى يصيح
مرتضى : منو بيكم كايل لغنى اني حاجي بعلاقتنه كدامهم احجوو
حارث : وعليكم السلام
فهد : باوعتله شبيك تصيح احترم مو بشارع انت
مرتضى : انت لتدخل
فهد : كمت لزمني محسن
محسن : لحظه فهد لتصير عصبي خلي نفتهم السالفه .... احجي شبيك ولك طبت تكمز فوك روسنه جنج كنغر
مرتضى : بس فهموني منو كايل لغنى اني حاجي عليها كدامكم
سامر : واحنه شمدرينه قابل عدنه تواصل وياها اشو انت متعرف تحجي وبعدين الصوج منك انت مامن حقك تحجي بعلاقتكم وهي متقبل
حارث : وبعدين انت ليش هديت علينه يجوز البنات كايلاتلها او يجوز عمتك محاجيتها
مرتضى : سألت امي واختي وحتى الحجيه سألتها محد فاتح الموضوع كدامها غيركم البارحه خابرتني لعبت بيه جوله من سمعت
فهد : وانت ليش هلكد منفعل مادام صدك عندك علاقه وياها ونيتك زواج فليش هالعصبيه بالعكس خليك ريلاكس
حارث : دكعد شبيك واكف جنج شمعه فكر خربت ام الكعده الله ياخذك
مرتضى : اني الي كاتلني غنى زعلت هسه وحارت شسوت بيه خابرتني تفرفح ولعبت جوله
فهد : وانت رجال نعال تخلي مره تلعب بيك جوله
مرتضى : فهد لتستفزني وتخليني اصير عصبي واتعامل وياك بغير طريقه
فهد : عصبت لا عصبت يطبك طوب اني شكو بيك نارك تاكل حطبك عندك شي تعال احجي بأحترام واتفاهم مو تزامط مثل الحمير وتريد واحد يصفكلك
سامر : شفت مرتضى
هد على فهد يريد يضربه لزمته بسرعه لك تخبلت شبييييك
مرتضى : هدني عليه خلي ادبه
فهد : عوفه سامر خلي يجي يأدبني واني هم اادبه بطريقتي الخاصه يله يا سبع تعال واذا كدرت تأدبني اطلع اشتريلك مصاصه وجبس
مرتضى : لتستفزني فهد خاف عبالك اذا انت ضابط محد يكدرلك لا والخلقك انهيك والله
فهد : خايب دنجب بنيه مسحت بيك الكاع وسوتك وصله مسح لعد الزلم شتريد تسوي بيك لو منك هذا شاربي ازينه من مره توكف تغلط عليه وتهيني
محسن : اخذنه مرتضى طلعنا بره وبقه حارث وفهد
فهد : مو كتلك جذاب ومألف حجي عليها
حارث : منو كال صحيح
فهد : لوما صحيح ما جان صارت عصبيه وتعاركت وياا جان بكل بساطه اخذت موقف بسيط بس مو ترزله وتهينه اني اكلك هذا نفش ريشه وكلك اني عندي علاقه وياها عباله راح نكله عفيه بالرجال ميدري هو من جاب طاريها طلع من قاموس الرجوله اصلا
حارث : يجوز يحبها شمدريك
فهد : لو يحبها ميجيب طاريها كدام احد لو اني منه ما اخلي مرتي تطلع منا لهنا
حارث : صحيح كلامك هذا مرتضى واحد طايش بس ماكو واحد ميحب وللمعلومه مرتضى لوما يحب البنيه مينوي يخطبها
فهد : ماادري بعد
________________
غنى : داسبح ومااحس غير الباب تندك ... منو
اسعد : هاي انتي هنا
غنى : خليت الخاولي على جسمي ... ومارديت عليه لبست ملابسي ركض ركض وضليت بالحمام
اسعد : منو هنا
غنى : لارد
اسعد : بكلبه وين ترحين الزمج الزمج
غنى : حسيت ماكو احد فتحت الباب وطلعت ركض سويت الدرج درجه وحده طبيت لغرفتي وسديت الباب .... ياربي شلون بيه ويه هالانسان المنحط هذا لا اكدر احجي ولااكدر اكول وان حجيت منو يصدكني الهي وانتي جاهي احلفك بقدرتك وعظمتك متخلصني من الاني بي .... بدلت وكعدت اخيط ماباليد حيله انجبر اضل ساكته لان منو يصدكني اذا حجيت حيكولون اني الي فريت راسه والسمعه ترجع عليه .... سمعت موبايلي يدك شفتها نرجس جاوبتها بسرعه .... بدموع نرجس
نرجس : شبيج ولج
غنى : ولج حموت من القهر مرارتي حطك من كد ما ساكته
نرجس : احجي نونه شبيج عليج الله ذبي الدره مو كلبي وكف
غنى : تنشغ رجل خالتي
نرجس : شبي
غنى : مسحت دموعي نرجس تصرفاته غريبه وكلامه اغرب يذب عليه حجي بطريقه غير مباشره ويتلفظ الفاظ كدامي والله مااعرف شنو معناها بالبدايه كلت يجوز اني متوهمه والرجال يحاول يخليني اتعود عليهم بس
نرجس : بس شنو من مرض بعدوينج
غنى : بدموع بس قبل كم يوم كاعدين نتعشه و كرصني ولج اني الي عمره رجال ما لازم اضفري هالسافل مد ايده عليه ... لا وهسه اجه يفتح باب الحمام عليه لج نرجس حموت والله بعد مااكدر اتحمل
نرجس : لا يانذل ياسافل عسى بأيده الكسر يربي شلون كواد هذا .... زين ما كلتي لخالتج
غنى : حتى اذا كتلها تتوقعين تصدكني محتمل اذا كتلها تشمرني بالشارع
نرجس : يطبها مرض علساس انتي بحال بيتها رجعي لبيتكم
غنى : خاله سحر متقبل واذا رجعت حيضل بالها يمي واني مااريد اضغط عليها
نرجس : زين شوفي بما انو انتي مجبوره تبقين قفلي الباب على روحج دائما وحتى الحمام من تدخليله دخلي وهمه نايمين واذا خالتج ماموجوده اصلا وجهج لتراوي
غنى : هو داسوي هيج
نرجس : واذا رجل خالتج تماده لتترددين ايدج والنعال وعلى حلكه وحقه للحسين اخلي جعفر ينعل والديه
غنى : دخيلج كلشي لتحجين لجعفر مالي خلك المشاكل
نرجس : اكيد ماراح احجي ادري بجعفر اذا دره يسحله من بيته اخويه واعرفه وانتي هسه سمعيني اني هسه رايحه لبيت اروى اشوفها وانتي بدلي وتعالي بتكسي ولتكليلي اخاف اخذي تكسي وتعالي حتى تخلصين منهم وهم تتونسين
غنى : وخالتي
نرجس : كليلها عندج شغل دبريلج حجه شبيج غنى اضل اعلم بيج اني
غنى : ماشي .... سديت الموبايل وكمت فتحت باب الغرفه ونزلت على كيفي لكيت خالتي كاعده خاله بعد ساعه اروح لبيت اروى صديقتي
سهاد :شنو المناسبه وبعدين ليش عيونج حمر
غنى : جنت اغسل المواعين ودخلت رغوه الصابون بعيني وبالنسبه لصديقتي عندي كم قطعه الها اريد انطيهن الها
سهاد : خوش روحي بس لتتاخرين تره اذا صارت بالسته ونص ومارجعتي فوته مالج هنا
غنى : ماشي
سهاد : يله توكلي
غنى : صعدت لبست بنطرون وتشيرت سود وفوكهن عبايه اسلاميه لفيت شالي واخذت موبايلي وفلوسي وطلعت لان ماامن اعوفهن اخذتهن وطلعت اجرت عبريه تذبني حتى لو على الشارع العام لان اخاف اروح تكسي وحدي .... ذبوني على الشارع العام ونزلت اتمشى شفت مرتضى بالطريق مشيت وعفته ولا كأن شفت احد
مرتضى : غنى بس لحظه
غنى : لا رد مكمله طريقها
مرتضى : غنى شبيج بس انطيني فرصه اوضح موقفي والله الي صار مو مثل الي ابالج
غنى : باوعتله وخر عن وجهي احسن الك والله لتخليني اتجاوز عليك عفته ومشيت بسرعه وصلت لبيت اروى دكيت الجرس طلعلي منذر
منذر : هاا خويه غنى شلونج
غنى : الحمدلله
منذر : تفضلي خويه البيت بيتج
غنى : تسلم ... دخلت لكيتهن فاتحات الاستقبال على الصاله وكاعدات من شافني كامن
اروى :يا اهلا وسهلا ستوه البيت نور
غنى : منور بأصحابه حبيبتي
نرجس : شوف سلام هاي شلونج ولج غبره
غنى : ضحكت الحمدلله وانتي
نرجس : اي ضحكي يمعوده الدنيا متسوه
غنى : سلمت على خاله ايمان والبنات ... شلونج خاله شلون صحتج
ايمان : بعد كلبي الف الحمدلله تفضلي استريحي وسولفيلي شخبارج تأقلمتي هناك لو لا
غنى : كعدت بصف ورده الي حضنتني ... لا الحمدلله نوعا ما بديت اتأقلم هناك
ايمان : امانه يمه شتحتاجين وشتردين اني موجوده وبأي وقت
غنى : تسلمين خاله
سعاد : اكول انتي اهل ابوج شلون يقبلون تبقين عد ناس غربه شنو من اهل ذوله ماعدهم غيره
غنى : سكتت مااعرف شجابوها اذا اني نفسي مااعرف اهل ابويه ليش نافين مني
نرجس : اكول خاله شكد عمرج انتي
سعاد : وانتي شكو
نرجس : لا بس ردت اعرف ياهو الاكبر انتي لو بيبيتي لان نفس التجاعيد والشكل
سعاد : لزمت وجها ... بخوف وين التجاعيد
نرجس : هاي يم عيونج وخدودج
سعاد : لا عيني متوهمه اني بعدني صغيره ويني وين التجاعيد
نرجس : مااعرف بعد بس اني اشوف اكو تجاعيد
سعاد : اكول غنى انتي شعجب لسه مامزوجه
غنى : وليش ازوج
سعاد : يعني دخلتي بالعشرين وانتي لسه مامزوجه وبهالوكت الرجال يدور بت 15
ايمان : الرجال يدور الي تستره وتديربالها عليه الي تصونه وتحفظ سمعته مو ام 15
غنى : خاله العمر مو مقياس شوكت الانسان ماحس نفسه جاهز يتزوج وبعدين اني ممستعجله على الزواج بعدني طالبه ودادرس وبعدين اني والبنات من نفس العمر
ليلى : وانتي تجيبين نفسج لاروى اختي مهندسه وانتي حي الله مدرسه اكو فرق بالشهادات اروى هسه دتدرس ماجستير وباجر عكبه راح تصير استاذه مو مثلج حتضلين مكابله هوسه الطلاب وكاعده
غنى : انتي شنو تحصيلج ؟
ليلى : سادس ادبي
غنى : خلص لعد لنحجي عن الشهادات الفروق الثقافيه
نرجس : ماهذا ياغني لقد طيرتي جبهتها
غنى : ابتسمت
آلاء : اكول غنى خالتج ليش عافتج
غنى : زوجها تمرض
انغام : خطيه عنده العافيه
غنى : الله يعافيج
__________________
فهد : طلعت من فرح ورجعت للبيت حتى ابدل واطلع ... وصلت للبيت دخلت لكيت اكو ضيوف اباوع غنى كاعده ... بهدوء السلام عليكم
الكل : وعليكم السلام
نرجس : احلى سلام عليكم سمعتها بحياتي
غنى : كرصتها صوتج
نرجس : احم خاله انتي ماناويه تجنينين
غنى : بكلبها عززه بعينج شكد صلفه
ايمان : ياريت ياخاله امنيتي هاي
نرجس : ان شاء الله تتحقق بأقرب وقت
غنى : صخام الصخمج فشلتينه
ايمان : والله انتي دمج عسل
نرجس : انتو الي عسل والله
ايمان : هههه
آلاء : مبينه فري انتي اهلج هم مثلج
نرجس : كلش فري اني اصلا امي مسيبتني بالشوارع
اروى : ههه والله عندج سوالف
غنى : كمت ولو الكعده متنمل وياكم بس صار لازم اروح
ايمان : بعد وكت حبيبتي خليج هنا واني ارجعج بأيدي
غنى : تسلمين خاله حبيبتي بس صار لازم اروح طلعت و ويه طلعتي صار فهد كبالي ستوه نزل من فوك جان لابس قاط كحلي .... باوعتله صفح وطلعت بره حسيت بجسم وراي درت وجهي شفت فهد
فهد : عادي احجي وياج
غنى : بهدوء ... لا
فهد : صدك تعاركتي ويه مرتضى
غنى : هو كلك
فهد : اي
غنى : اني متعاركت وياا اني وكفته عد حده واكيد اذا تعرضلي مره ثانيه حتصرف غير تصرف وبالمناسبه شكرا لان كتلي حتى اادبه ... ليش تضحك
فهد : مسحت على وجهي هيج ماكو شي يله باي
غنى : الحمدلله والشكر
__________________
: ديربالكم هالفتره عليكم مراقبه مشدده
شيريدون يسوون خلي يسوون مستحيل يكدرون يوصلون النه
ياغبي لو مهما يكن لتنسى هذوله استخبارات يعني مليون بالميه اذا رادو يعرفون شي يعرفو
اني سمعت هالفتره طالع واحد جديد وجاي يبحوش ورانه
حتى اني حاولت بمصادري اعرفه بس ماكو المسوؤلين متكتمين على الموضوع بشكل جبير
هسه شراح نسوي
لازم نبلغ الامير ونشوف شيكول
لا يمعود اذا سمع راح يطيح حظنه
اااخ بس لو اعرفه لرده بامه
اني متاكد هذا مو سهل لو سهل جان كدرنه نلكفه بس همه خافي حتى ابسط معلومه عنه الي هي اسمه لك حتى اسمه منعرفه
لتخاف نلكاا نلكاا وين يروح قابل يطير
صحيح خاصه اذا بلغنه الامير بسوالفه الي جاي نسمع عنها اكيد يمحي
مو بعيد يخلي لحمه اكل للجلاب
كلشي يطلع منه الامير
_________________
غنى : طبيت للبيت تلكتني خالتي
سهاد : بعد وكت لو باقيه بعد
غنى : خاله الساعه بعدها بالخمسه ونص
سهاد : يعني بالخمسه بعد وكت تره انتي بنيه وعيب تتاخرين
غنى : خلص خاله بعد مااطلع لتخبصيني لخاطر الله ... عفتها وصعدت فوك توضيت وصليت وكعدت اقره قران مثل عادتي
سهاد : اريد فلوس
غنى : مو انطيتج البارحه
سهاد : اي خلصن واريد اتسوك
غنى : بس اني معندي
سهاد : شنو معندج مو ستوج سلمتي شغل واخذتي فلوس يلللللله انطيني اريد اتسوك
غنى : تنهدت فاتحه الجنطه شكد تردين
سهاد : ميه
غنى : عفوا ميه شتسوين بيها
سهاد : اركص بيها ... غير اتسوك دجيبي
غنى : اخذت الفلوس وطلعت اني ضليت صافنه شنو هالنفس الشايلتها خالتي يعني ماكو هيج بشر ... استغفرت ربي وكعدت اكمل قران شويه ودخل امير عفيه غرفه كل ساعه كامزلي واحد بيها
امير : غن غنى ليش عاي عايفتني وحدي ال اليوم
غنى : اني اسفه تعال نطلع بالصاله اخذته وطلعت نزلت من فوك وكعدت وياا بالصاله علكت التلفزيون وخليته على الكارتون خطيه اباوعله شلون كيف
امير : غنى ان اني احبج هو هواي انت انتي حبابهة
غنى : ابتسمت حتى اني احبك ... ضلت كاعده وياا متجاهله العيون الي تباوعتلها
سهاد : هالبنيه جاي ترسم لبعيد على شنو ناويه انتي ياغنى الله اليستر منج
اسعد : اكلج سهاد تره ميصير غنى تكعد يم امير هيج لو مهما يكن يبقى رجال
سهاد : بس هو مريض
اسعد : يعني اذا مريض ماعنده غريزه تره امير رجال عمره خمسه وعشرين سنه ويكدر يزوج وفهمج كفايه
سهاد : اي صحيح
اسعد : دشوفيها شلون تتعامل ويه امير عبالك رجال ومرته شوفي شلون يحبها ومكيف عليها
سهاد : اباوعلها تكشرله فواكهه وتنطي وكل ساعه تكلبله على قناه شكل ... ياربي هالبنيه مو راحه معقوله تطلع راسمه على الاثنين فلوس اسعد وامير لان هو شباب ويحسسها بانوثتها ياربي دخيلك ... غنى كومي لغرفتج
غنى : ليش؟
سهاد : كلت كومييييي وليييي لغرفتتتتج يله بدوووون نقاااااش
غنى : استهضمت من كلامها هسه شكو على كلبها واذا كعدت كمت
امير : وين
غنى : نعسانه حروح انام يله تصبحون على خير صعدت لغرفتي وين اروح وين اروح طلعت موبايلي اريد اشوف فلم طلعت فلم اجنبي وكعدت اتابعه ضليت فتره كاعده وماحسيت بالوقت شفت لقطه البطل يبوس البطله مدري ليش صفنت معقوله بيوم من الايام حيظهر شخص بحياتي يعاملني بهالرومانسيه والحب هذا معقوله ممكن اللاكي شخص اول ما اكعد كلبي يضل يدك بسرعه لمجرد وجوده يمي .... ياربي شوكت الكه الانسان الي اتمنى والي احلم بي طول حياتي صحيح اني هالمواضيع شبه ماحيتها من حياتي بس ابقى بنيه وحلم كل بنيه بهالدنيا انو تلكه الانسان المناسب الها ... هزيت راسي نافضه هالافكار السخيفه الي اجتني ورجعت اكمل الفلم
___________________
الساعه 2 صباحا
ايمان : كالعاده كاعده انتظر جناب سيد فهد ينور ويرجع هاي صارلي سنين ماتغمض عيني اذا مو جهالي كلهم مأمنه عليهم وادري نايمين ... سمعت صوت باب الحوش عرفته اجه ماكو شويه وفتح باب غرفته
فهد : ذبيت السويج السلام عليكم
ايمان : وعليكم السلام
فهد : هاا شو لسه كاعده
ايمان : منتظرتك غير
فهد : خير شكو
ايمان : شنو معناهه راجع بال2 بالليل وين كاعد انت تره مايصير فهد كلشي واله حد
فهد : وكفت كدامها يمه هم رجعنه هالاسطوانه
ايمان : باوعت يم اذنه مطكعه ... وين جنت
فهد : ليش
ايمان : بعصبيه كتلك وين جنت
فهد : كلبت عيوني يم جماعتي وين يعني
ايمان : وجماعتك يعرفون يسوون اثار بالركبه ... باوعتله فهد انت تدور نسوان وتنام ويه الكح.....
فهد : يمه هالموضوع ما اتقبل واحد يحجي بي وياي هاي حياتي واني حر سواء جان جوابي اي او لا واي سؤال بخصوص هالشي اني مااجاوب عليه
ايمان : يعني صحيح جنت يم الكح... مو الله يطيح حظك يا خساره تربيتي بيك ولك اني الي شفت ضيم وقهر وشبعت طن اهاين تالي هاي خلفتي انت تصير ابني لللللليش ولك لييييش هذا زنى تعرف شنة يعني زنى وين تروح من الله بعدين
فهد : اعتقد اني ماكتلج زنيت اني جنت طالع ويه جماعتي وانته الموضوع
ايمان : جاا الطكعه هاي الي بيك منين من ابوووويه اجتك فهمنييي
فهد : عفتها واجيت اروح
ايمان : جريت قميصه اسمع ولك اقسم بعزه جلاله الله اطيح حظك اذا شفت هيج شي على جسمك قذارتك لتراويها للعالم
فهد : خزرتها
ايمان : هاي عيونك اذا تفتحهن عليه افكسهن لا عبالك كبرت وصارلك اسم بين الناس تره اني ايمان وتعرف شنو يعني ايمان والله ارجع اضربك مثل قبل ومااكول رجال وجبير فجر عدل وعوف الحرام الي انت بي احسن الك
فهد : وخرت اديها واني صاير بارود ... شتردين تسوين سوي اني كلشي ميهمني حياتي راح اضل مستمر عليها قبلتو وان ماقبلتو وبالنسبه للنسوان اني مااتقربلهن بالحرام مو لان استحرم لو اخاف وانما مااستنظف لا اكثر ولو اريد ازني انام ويه الكحاب وبالبيت فتهمتي يمه ... بس اني مااتقبل على نفسي المس وحده صايره وصله كلساعه بأيد واحد وبالنسبه لكلامج فأني جار عدل وبدون نصائح
ايمان : انت جاي تحجي ويه امك يامؤدب
فهد : مااعتقد تجاوزت بكلامي اني وضحتلج فكره لا اكثر
ايمان : خلي افكارك لنفسك وبعد لتحاجيني خلي جماعتك وكحا... يفيدنك
فهد : يمه
ايمان : وووووخر عن وجهييييي فهد عفته وطلعت
فهد : باوعت للمرايه شفت يم اذني اكو اثر ....بسيطه يافرح الكح.... اذا ما ابجيج دم اطلع ناقص من الزلم
______________
غنى : صارلي اسبوعين عد بيت خالتي ... خالتي معاملتها زفت وياي تغلط وتصيح على اتفه الاسباب شغل البيت كله عليه اني الانظف واني الاطبخ واني كلشي اسوي حتى مسواك البيت عليه وياريت لو على هيج ... اسعد هواي ديتجاوز وياي .. تذكرت البارحه شصار
اسعد : دكيت الباب غنى فتحي الباب اريد احاجيج
غنى : كاعده بالزوايه ودموعي ينزلن حيصيرلي شهر عايشه بخوف من وره هالكلب
اسعد : ياحلوه فتحي الباب وانطيج الي تردي
غنى : روح الله يخليك
اسعد : ولج بس فتحي الباب مااسويلج شي بس نحجي يمعوده دفتحي قبل لا تكعد سهاد وتسويلنه سالفه
غنى : روح يمن راحت روحك ان شاءالله والله اله اكل لخالتي
اسعد : وتتوقعين تصدكج يعني نهايتج بالشارع
غنى : ياربي دخيلك خلي يروح يارب ضل يحجي ويحجي لحد مامل وراح وكالعاده بس ابجي شريد اسوي يعني الله ينتقم منكم ياخوالي من كطفتوني هالكطفه .... فزيت على جكه صارت بأيدي اباوع الابره عورتني عفتها وكمت نزلت جوه همزين خالتي موجوده والا اني مااكدر انزل اذا هي ماموجوده ... نزلت سويت ريوك الي ولأمير يمكن خالتي بعدها نايمه ... كعدنه نتريك اباوع امير متحسنه حالته بعد ميضرب نفسه واني هم كمت اغسل ملابسه وانظفله الغرفه مهما يكن هم خطيه كملنه ريوك وشلت المواعين طلعت امير للغرفه كلي يريد ينام سديت الباب وطلعت اسوي الغده .... سمعت صوت حركه درت وجهي شفت اسعد بلعت ريكي
اسعد : صباح الخير
غنى : مرديت
اسعد : همست تدرين سهاد اليوم معزومه بره
غنى : حسيت الدم نشف بعروكي ... بسرعه ذبيت الوصله واجيت اصعد فوك
اسعد : لزمتها وين رايح الحلو
غنى : تجر بأيدها .... وخر عمو
اسعد : هو كل واحد يكول عمو تطلع هيج عسل منه اروح فدوه لهلحلك جنه مسقوله
غنى : حسيت بأيده على خصري كمت ادفع بي ... وخرررررررر عنييييييي الله يااااااااااخذك اميييير وينك تعاللللل حبااااب
اسعد : حصرتها بالزوايه هي ناعمه بسرعه يتسيطر عليها ... ياامير تره قافل الغرفه عليه وميكدر يطلع وسهاد ماكو للعصر ياله ترجع يعني اني وياج وحدنه بالبيت فتنطيني الي اريده برضاتج لو اخذه بالزور
غنى : تنشغ ولك اصغر من بناااااتك انيييي حررررام عليييييك معندددددك غيرررره عووفني عليييك الحسين
اسعد : لج هو الي يشوف جسمج يبقه دين برررراسه دشوفي ركبتج تضوي حررررررام تنعافيييين انتييي ولج بس قبليييي بيه لعلكلج العشره شمع والله حتى سهاد اطلكها
غنى : تصرخ وخررررررررررررررررررر
اسعد : مديت ايدي على جسمها اويليييي الله ولج تخبلين انتيييي من كلشيييي كامله وجهه جسم نظافه الي يشوفج يكوووول اليوم ليلة عرسج بس ماعليه نعرس بس اني وياج واليوم
غنى : ياربييييي دخيللللللك ساعدنيييي ادفع بي ميندفع اني بنيه وهو رجال مااكدر عليه ماحسيت روحي غير اضربه حييل على وجهه وطلعت من المطبخ ارررررركض دخلت للحمام وسديت الباب حسيته كام يدفع بيها كمت اصرررخ ياربي وين اروح خلصنيييي منه بقيت مرجعه جسمي على الباب وطلعت موبايلي مااعرف ليش اجه على بالي فهد دكيت عليه بسرررعه ماكو ثواني وفتحه .... صحتتتت فهددددددددد الحكنييييييي الله يخليك ... حسيت الباب اندفع على جسمي ااااااه
****************
يتبع
- يتبع الفصل التالي اضغط على (ذنوب على قيد الغفران) اسم الرواية