Ads by Google X

رواية رحيل الهورى الفصل الثالث عشر 13 - بقلم هايدي الصعيدي

الصفحة الرئيسية
الحجم

 رواية رحيل الهورى الفصل الثالث عشر 13 - بقلم هايدي الصعيدي

13.

"ف السرايه اول ايام العزاء كان الحزن يملء الاجواء ع فقيدهم.. ورحيل كانت تصحه تفضل تصوت ع حسن بحرقه ووجع ويحقنوها مهدء وترجع تنام عشان خاطر صحتها والجنين

الحجه راضيه رقدت ف سريرها من الحزن ع ابنها بس كانت بتحاول تصبر وتقوي نفسها ونزلت اخدت عزاها ف وسط الحريم بقوه وجلد بس من جواها كانت بتنهار ع ابنها الغالي ..

شهد كانت منهاره وندي بتحاول تقويها وهشام
جوزها كان بيسندها برغم ان رياض مات
وهو جوز اخته بس طبعا مش هيكون
اعز من حسن ولا وجعهم عليه هيكون
زي حسن..

مراد كان واقف زي الوتد ياخد عزه اخوه بس كان جواه بركان هايج ومقهور ع اخوه الي فداه بعمره وهو وقع ف فتنة مراته وتفتن بيها ...

خلص العزا ومراد وقف في نص السمملك وكان ابناء عمومته وابناء عمومت ابوه و امه جميع الهواريه وجميع كبرات البلد

مراد بصوت عالي وقهره : انا اخويه اتاخد غدر
ومن ابن عمي شجيجي يعني الغدر مننا فينا وكلكم عرفين ان مفيش مخلوج في البلد والبلاد المچاورة يجدر يسويهاا ده شئ مفروغ منه انا مش چمعكم
هنا عشان حاچه لاه انا تار اخوي خدته بس انا

چمعتكم عشان اعرفكم ان عادل الهواري هو ومرته وبته والكلام بره فهد وعامر

انا هخرچهم بره البلد ولي يفكر يدافع عنهم ولا يحزن عليهم هيكون زيهم وملهوش عندي ديه
ولولا فهد وعامر انا كنت جطعت النسل النچس
ده خالص من العيلة وكت فرغت فيهم رشاش

ولا ليهم عندي ديه وكلام يوصلكم ويتعدكم
الي هيچيب سيرت الي حصل ولا يحاول
يألفلي كلام علي مزاچه ديته رصاصه وخلصت
حكايته عرفوا حريمكم وكبيركم جبل صغيركم
الجصه دي متتذكرش ولا يتحكي فيها
وقد اعذر من انذر

رد واحد من الجلسين : عميلتها الحريم ووجعت
فيها الرچاله وان..مكملش كلامه

مراد خرج الفرد وضربه رصاصه ف رجله

مراد بغضب : الاوله ف رچلك التانيه ف جلبك
بس دي جرصت ودن لاي حد يفكر اني بجول ومش بفعل .. ولاي يحد يفكر يرط كيف الحريم يلا واچبكم وصل... وكلامي كمان وصل بسلامه ..

خرجت الناس زي الي هربانين من الطوفان وفضل مراد قعد بحيل مهدود ودموعه نزلت زي الجمر ..قرب منه هشام وعمه ابراهيم ومحمد ابو رحيل وكان فهد وعامر ملهمش وش يقربه منه

ابراهيم : شد حيلك ي ولدي متعملش ف نفسك كده ..

مراد بوجع : كسر ضهري ي عمي كسر ضهري بروحته وهو لسه ف اول شبابه ملحجش
يفرح بولده فداني بعمره وانا معرفتش
اعملو حاچه..

ابراهيم : متجولش كده ي ولدي ده اعمار بيد الله وكله مجدر ومكتوب وكلها اسباب ي ولد اخوي

قرب منه محمد وربت ع كتفه : شد حيلك ي مراد بيه وبدموع ...حسن كان عزيز علينا كلنا بس ده نصيبه وقدر و مكتووب

مراد رفع راسه وشاف محمد وستغرب ابراهيم
شاف استغراب مراد و دخل

ابراهيم : ده محمد ابو مرت حسن ي مراد

مراد مسك كف محمد وربت عليه : الشده ع الله ي عمي متشكرين لوجفتك معانه ..وبغصه ....حسن
كان هيحبك وديما يشكر فيك هو والحجه..

محمد بحزن : ربنا يرحمه ويجعل مثواه الجنه
ويبارك ف عمر ابنه ويمد نسله ..

اومئ مراد بقهر وسكت وف باله ربنا يجدرني
ع امانتك ي حسن ودموعه نزلت وهو باصص في الارض ..

قرب هشام : شد حيلك ي مراد متعملش ف نفسك كده ي ود عمي ..

مراد رفع راسه وشاف فهد وعامر ف اخر المضيفه

مراد بحزن : تعاله منك ليه جربوا

قرب فهد وعامر حضنهم مراد وبكوا بقهر ع حسن وع رياض اخوهم وعلي الي حصل بسببه وسبب اهله مهما حصل الدم عمره ما يبقا مايه بس سلموا بالامر الواقع وعرفوا غلط رياض وان مراد كان حقه يعمل كده واكتر ..

عامر بقهر : انا مليش وش ي ود عمي ع الي عملو اخوي انا مجهوور ع حسن وخچلان من العملوه اهلي سامحني ي مرااد سامحني.... وحب ع دماغه ‏وكتفه

ربت مرد ع كتفه بقووة : بس ي عامر انتم ملكوش ذنب ولا انت ولا فهد انا عارف انكم كنتوا هتحبوا حسن زي عنيكم ..

فهد بوجع : ربنا يرحمه ي مراد ي ود عمي انا مجهوور من الي حصل وقرب من مراد.. وحب
ع كتافه ..سامحني ي مراد انا ماليش عين
اجعد ف البلد بعد النهارده عن اذنكم
انا هاخد مرتي ومسافر القاهره ..

مراد : معاش ولا كان الي يكسر عينك ي فهد ..

فهد : معلشي ي مراد انا كده هرتاح اكتر انا
مش جادر اجعد هنا اكتر من كده حاسس
اني هتخوت وعجلي هيفر مني اسمحلي
ي ود عمي احب ع راسك ..

مراد : خلاص ي فهد الي يريحك انا هروح اطل ع امي حد هيدخل معاي

محمد : بعد اذنك ي مراد بيه اعملي طريق عايز اشوف رحيل وطمن عليها والدتها بتقول انها منهاره خاالص ..

مراد قام ودخل هو وهشام وفهد وعامر والحج ابراهيم يعزوا الحجه راضيه ويشدو ازرها ..

مراد دخل بنحنحه عشان لو ف حريم لسه موجوده

مراد : احم ي ام سلييم

شهد قامت وهيا بتجر رجليها من هدت حيلها ع اخوها : تعاله ي مراد ي خوي مفيش حد غريب

حضنها مراد وحب ع رسها وهيا انهارت جوه
حضن اخوه الكبير..

ودخل مراد شاف امه قعده وايدها ع رسها والدموع ماليه وشها والتعب هادد حيلها ..

دخل مراد ونزل قعد تحت رجلين الحجه راضيه وسند راسه ع ركبها

مراد بقهر: وجع جلبي متتحملوش الچبال يامه
مجهور ونار جايده ف چوفي برضاكي علي
ما تجهري جلبي عليكي انتي كمان اموت
ولا اشوفك بشكل ده ياامه..

الحجه بحزن : جووم ي ولدي مجامك عالي معاش الي يجهر جلبك فيا ولا فيك ي مراد انت الي فضلت لي من الدنياا شد حيلك ي ولدي..

قام مراد وحب ع دماغ امه وع اديها وخدها ف حضنه وقعد جمبها..

قرب هشام : شدي حيلك ي مرت عمي كلو مجدر ومكتووب وربنا يبارك ف عمر ولده ويبركلك ف مراد..

الحجه : عشت ي ولدي عشت ي اصيل..

وقرب فهد وعامر وقعده يبكو بقهر ف حضن الحجه راضيه حسن كان اخوهم واكتر..

الحجه وهيا بتمسح دموعها : خلاص بكفايه بكي الغالي ميحبش انو يشوفكم بالشكل ده انتو غالين ع جلبه جووي ..

وعزاها محمد وام رحيل عزت مراد ..

مراد : مرت حسن عامله ايه دلوجتي يامه

الحجه بحزن : ما فجتش ي ولدي كل ما تجوم
تجعد تصرخ الحكيمه تديها ابره وترچع اتنام..

مراد : طب وميته ينفع كده جوم ي حچ محمد اطلع لبتك وصبرها وخليها تهدي شوية
عشان خاطر الي ف بطنها وفكرها
ان دي امانت المرحوم ولازمن
نحافظوا عليها ..

طلع محمد والدكتورة فوقت رحيل وقعد يتكلم معاها هو وامها ورقيه وخدها ف حضنها وعرفوا يهدوها

رحيل بدموع : حاضر ي بابا بس صدقني غصب ..عني غصب عني... ومسحت دموعها ...بس زي ما انت قولت لازم احافظ ع ابن حسن ..

وعدت تلت ايام ورحيل نزلت والحريم جت عزتها

وكانوا اهلها ماشين ومحمد ساب رحيل تاخد عدتها في السرايه ..

مراد : ي حج محمد انا كان ليا عندك طلب

محمد : اومرني ي مراد بيه

مراد : ما يامرش عليك ظالم ..كنت عايزك اتسيب اخت الدكتوره معاها كام يوم ترعيها وتخلي بالها منيها عشان الحزن ميتمكنش فيها وكف الله الشر يحصل حاجه للچنين..

محمد : الي تشوفه ي مراد بيه طلباتك اوامر

مراد : ربنا يبارك ف اصلك ووجت ما تكون زينه والاستاذه لو حبت ترچع انا هخلي العربيه توصلها لحد باب البيت

ومشي والد رحيل وساب رقيه ورحيل ف السرايه وهو قلبه قلقان ع رحيل بس اطمن انها مع الحجه..

وعدت الايام ورحيل ف اوضتها مش بتنزل خالص عشان عدتها ..ومعاها رقيه بتحاول تخرجها من حزنها..

وسافر فهد وندي القاهره وهشام شاف حزن شهد وحب يطلعها من حزنها وخدها وسافر بيها مع فهد وفضل مع مراد عامر يدير معاه الشغل ..

"وكان مراد بيطمن ع رحيل من رقيه..ويعرف اخبارها..

وجت ساعت الولاده ورحيل صرخها ملء السرايه

الحجه راضيه : ي رب سلم ي رب سلم بت ي ورد تعالي طلعيني فووج رحيل كنها هتولد

مراد بفزع طلع من غرفته : ايه يامه خير ف ايه مالها ..

الحجه : هم ي مراد روح هات الحكيمه ي ولدي
رحيل كنها هتولد يلا هم بسرعه

مراد طلع يجري ع بره وراح جاب الدكتورة
وهو قلقان ع رحيل وصرخها مش راضي
يطلع من راسه ..

جت الدكتورة وساعدت رحيل ف الولاده وكان صوت صراخ رحيل الموجوع بينزل ع مراد
زي الجمر الي بيكوي الروح ..

وفجاءة صوت رحيل اتكتم وطلع صوت الطفل
مراد قعد بحيل مهدود وكانه هو الي كان
بيولد مش رحيل 😂

ولاول مره من اربع شهور الفرحه تمله السرايه

الحجه راضيه بفرحه : الله اكبر اللهم صلي ع النبي محمد تعاله ي ريحة الغالي تعالي ي نن عين ستك ..

وخدته من الممرضه بعد ما نضفته ولبسته الهدوم ونزلت بيه ع مراد

الحجه بفرحه : سمي ي مراد ي ولدي ود خوك
نور الدنيا..

مراد بلهفه وخوف : لاه يامه اخاف عليه اشيله
غلط ولا حاچه ..

الحجه : انا لفاه زين جرب انت بس ومد يدك

اخدو منها مراد وعنيه مليانه دموع فرحه وحب

مراد : بسم الله مشاء الله الله اكبر ..

الحجه : ادن ف ودنه اليمين ي ولدي وتشاهد ف الشمال وجول اسمه واسم ابوه

مراد قرب منه واذن ف ودنه وتشاهد ..

مراد بدموع : اسمك مراد حسن الهواري

وبغصه :اسمك مراد حسن الهواري

وشهق ونزلت دموعه اكتر : اسمك مراد حسسن الهواري

وباسه ع جبهته وداه لامه وطلع برغم الحزن المنصوب ف العيله لمدة سنه كامله الا انه فرح ليه وضرب شريط من الاعيره الناريه ..

الحجه خدته وندهت ع ورد تعمل اكل لرحيل
عشان تعوض بعد التعب وطلعت لرحيل
الي بدأت تفوق من تعب الولاده ..

رحيل : مراد فين..اه .. فين ابني..

قربت منها الحجه : اهو ي حبت عيني اهو
ي بتي سمي

رحيل بدموع : ااه ي قلبي بسم الله عليك
ربنا يحفظك ويحميك ..فينك ي حسن
تشوفك ابنك ..

الحجه بدموع : بكفايه ي رحيل انتي نفاسه ي بتي والحزن مش زين عليكي.. اتعدلي يلا ورضعي ولدك ..

رحيل مسحت دموعها : حاضر يا ماما ..

اتعدلت رحيل بمساعدت رقيه الي لسه رجعه من بره ورحيل نظرت لها نظره بمعني اما اشوف اخرتها معاكي ...

بعد اسبوع مراد دبح واكل اهل البلد كلها وعمله عقيقه كبيرة بمقرئين وخد مراد الصغير طاهره ..

رحيل صحيت من النوم ملقتش مراد جمبها ..
سندتها رقيه ونزلت بيها تحت بعد ما غيرت هدومها ..

رحيل : امال فين مراد يا ماما

الحجه : خده عمه من الصبح دبح جدامه الدبايح وراح يطهره وزمانه جاي ..

رحيل اتنفضت مره وحده ع دخلت مراد

رحيل بغضب : انت ازاي تسمح لنفسك تعمل حاجه زي كده قبل ما ترجعلي الولد لسه صغير ازاي تطاهره دلوقتي

مراد بصلها بغضب : صوتك ميعلاش ي دكتورة.. واذا كان ع ولدك ف ابوه الله يرحمه وصاني عليه وسابه ف امانتي يعني اعمل اي حاچه ليه برحتي انا عمه وحر فيه
وبعدين انت هتجوليلي اعمل ايه مع ولدنا ومعملش اي

رحيل بعصبيه : لا مش حر وملكش دعوة تاني ب ابني
واذا كان..

قطعتها الحجه : خلاص ي رحيل ي بتي صلو ع النبي وبعدين هيا عويدنا اكده متنشفيش راسك وعمه مفيش حد ف الدنيا كلها هيخاف عليه كده ..

رحيل بخضوع : حاضر ي ماما الي تشوفيها

وقربت من مراد وعنيها جت ف عنيه مراد وده وشه النحيه التاني وهو بيكتم نفسه ولاول مره يحس انها كانت وحشاه بالطريق دي ونفسه يخدها ف حضنه ..
بقالوا اربع شهور ملمحش طرفها

خلاص بقا استاذ مراد بيه فجر وبقا
صريح مع نفسه بعد وصيت حسن ..😂

رحيل : هات الولد بعد اذنك

مراد مدلها الصغنن وايدها جت ع ايده وجسمهم اتنفض.. مراد كان هيبعد ايده بس مسك ايدها وع وشه ابتسامه خبيثه

رحيل برقت عنيها بهمس : سيب ايدي انت اتجننت

مراد بنفس الهمس : اعتذري

رحيل : نعم

مراد : اعتذري ع صوتك العالي

رحيل بعناد : لا مش هعتذر سيب ايدي بقولك

وعملت نفسها بتعدل غطا الولد عشان محدش
ياخد باله

مراد ببسمه اول مره رحيل تشوفها : خلاص
ادينا جعدين ...وغمز لها ..

رحيل سرحت وف بالها هو مين ده.. وشافت وقفتها غلط راحت مطوعاه : خلاص انا اسفه سيب ايدي بقا

مراد سبها ورحيل بصت ليه بغضب قبل ما تلف

رحيل : انا مش هعديلك اسلوبك ده معايه

وخدت مراد الصغير وطلعت ع اوضتهاا ..ومعاها

رقيه الي فونها رن وعنيها طلعت قلووب

رحيل بسخريه: ايه حبيب القلب بيرن مش قادر حضرته تعدي السنه ويتجوزك زي الناس بدل ما انتو بتتقبله زي الحرميه

رقيه : خلاص بقا ي رحيل مانا قولتلك هتخلص السنويه بتاعت المرحوم ويجي يتقدملي

وسبتها وطلعت ترد ع الفون

عامر : وحشتيني

رقيه بحب : وانت اكتر

هووووووب استوووووب ازاي وفين وامته
تعالو بينا عوده بالزمن ٣ شهور ..

كانت رقيه هانم طالعه بتتمشي ع الترعه وي كأنها
بتتمخطر ع البسفور وشافها عامر

عامر : انتي بتتنيلي تعملي ايه عندك

رقيه : ايه بتتنيلي دي وبعدين انت مالك انت ي اخ

عامر : اخ !! ايوة بتتنيلي وايه لبسك ده انتي مفكره
نفسك ماشيه ع شط اسكندريه يختي

رقيه : وانت مالك انت بلبسي ولا بعمل ايه
ايه دخلك انت

عامر بغضب : دخلي ونص يختي انتي هنا جعده حدانه واي حاچه تچرالك هتبجا ف وشنا
يلا همي جدامي ع السرايه

رقيه : طب بس براحه متزوقش احسن يطق لك عرق ولا حاجه انت لسه صغير ي بني

عامر : ابني ده انتي طول رجلي ده انا لو اچوزت
كنت چبت عيال كدك

رقيه بسخريه : ايوة ايوة وهاتي ورقه وقلم وسجلي مروحه مروحه

عامر : طب عدي يختي ي ظريفه جدامي يلاه خليني اوصلك وخلص منك

رقيه : لا وع ايه اتفضل حضرتك وانا هرجع لوحدي

عامر : فضي ي بت بدل مسحلك من شعرك انا زهجت منك

رقيه بردح حطت ادها ف وسطها : تعمل ايه ي عوووومر

عامر ببرود : لا عامر مش عمر ي عسل ويلا
جدامي

رقيه : حصلنا الرعب حضرتك ..ولفت ومشيت قدامه ..رقيه ف باله جتك دهيه ف حلاوتك وانت زي القمر كده وانت متعصب

عامر فباله لسانها طويل بس زي الجمر
بس انا الي هجطعو ليها انشالله

ومن سعتها ناقر ونقير كل ما يشوفه وش بعض
لحد ما عامر اعترف لها بحبه وانه معجب بيها
وهيتقدم ليها بعد ما سناويت حسن تلف..

وساعت ولادت رحيل كانت معاه ف الجنينه الي واره البيت ..فلاش باك

عامر اتصل ب رقيه وقالها تجي له الجنينه

رقيه نزلت وقبلو بعض وكل واحد ف عنيه اشتياق وحب للتاني..

عامر قرب منها ومسك ايدها : وحشتيني جوي

رقيه : وانت اكتر جوي جووي

عامر ضربها ع دمغها : ماشي ي لمضه هيچي
يوم ولسانك ده هاكلو مش هجطعو ..

رقيه بكسوف : بس ي عامر ايه الكلام ده

عامر بنكش : ايه ده انتي بتتكسفي كيف البنات

رقيه بغضب : والله طب ماشي ي عامر ..

وسبته وماشيه راح عامر شد ايدها وقعت ف حضنه

عامر حط ايده ع خدها بحب : مجدرش ع زعلك ي جلبي ..ده انا بنكشك ي عبيطها

رقيه بعدت عنه : طب اوعه ايدك دي انت استحليتها ولا ايه ..ايدك لتوحشك ي عمورتي

عامر : كل ده وف الاخر عمورتك ده انتي سدتي نفسي الله يسد نفسك

رقيه بضحكه : خلاص بقا ي عمورتي ميبقاش قلبك اسود

عامر بحب : ربنا يخليكي ليا ي روكه وميحرمنيش منك ي جلبي ..

رقيه : يالهووي ع جلبي منك بدوبني

عامر بخبث : بدوبك كييف يعني

رقيه لسه هتردح سمعت ضرب نار عالي قوي
راحت نطت ف حضن عامر

عامر : اهدي ي حببتي متخفيش انا معاكي
ده اكيد مراد بيه وبعدين ده ضرب فريح
مش مشاكل انا عارف اصلي مراد بيحب
يمزج علي السلاح لما يكون فيه مناسبه
بس غريبه الحزن منصوب حدانه سنه
بيفرح ليه

رقيه وهي متشعلقه ف رقبته برعب : لا لا ي عامر انا خايفه ونبي متسبنيش انا مش عايزة امووت ..عايزة اتجوزك الاول ..

عامر ضحك ع رقيه وراح حضنها اكتر ليه وايده بتتحسس ع ضهرها..وقف ضرب النار

ورقيه بعدت عنه وبصت ف عيون عامر

راح عامر مقرب منها وخطف شفيفها
ف بوسه عميقه دوبت رقيه..

وفجاءة اتنفضت وبعدت عنه : اانت ازاي تعمل كده انا غلطانه اني امنتك ..

عامر : اهدي ي حببتي غصب عني صدجيني
خلاص وحياتك مش هتتكرر غير وانتي مرتي
انا اسف حجك عليا..

رقيه : ماشي ي عامر ماشي

وراحت خدت طوبه حدفتها عليه جت ف بطنه وطلعت تجري ع السرايه لقت مراد طالع ادارت وره الشجره
واول ما بعد طلعت تجري ع اوضت رحيل
قربت منها وساعدتها ....

عوده للوقت الحالي

رحيل قعدت في اوضتها بغضب هو ازاي يسمح لنفسه
يمسك ايدي كده الحيوان ده انا مش هسكت ليه
ماشي ي مراد الزفت ماشي وفضلت رايحه جايه
ف الاوضه وبتشد ف شعرها وسرحت ف ابتسامته
وغمزتها وازاي لما ابتسم رجع عشر سنين لوره
وقلبها دق و جسمها اترعش ...فوووقي ي رحيل الي حصل ده غلط ده اخوه حسن ايه نسيتي حسن الي كان مستعد يجبلك نجمه من السما انتي شكل الحزن اثر ع دماغك وفتكرت حسن وفضلت تعيط بصوت عالي

مراد كان طالع اوضته وسمع رحيل بتعيط كان لسه هيخبط عليها سمعها

رحيل ببكي : وحشتني اوووي ي حسن سبتني لمين انا ماليش غيرك ي حبيبي ...

مراد قبض ع كف ايده بغضب ودخل اوضته رزع الباب بعنف وفضل رايح جاي ف الاوضه

ايه جلبك فرح لما مسكت ايدها فكرتها نسيت اخوك لا فووج ي مراد لسه بتحبه ومش هتحب
غيره ولا جلبها هيدج ليك ابتليت بحب وحده
مش هتحبكك انها مكنتش ليك من الاساس

ودي جزااتك ع احساسك.... وراح ضارب
المرايه بايده وايده اتعورت جامد

رحيل سمعت صوت التكسير العالي وطلعت من اوضتها لقت مراد خارج وعنيه بطق شرار وايده عمالها تنقط دم ..

رحيل قربت منه بخووف : وريني ايدك ي مراد بيه مالك ايه الي جرحك

مراد بغضب : ملكيش صالح انتي روحي شوفي كنتي هتعملي ايه ..

رحيل بعند قربت منه : طب ممكن اشوف جرحك

مراد قرب منها اكتر وانفاسه بقت بتضرب ف وش رحيل مراد بوجع : انتي سبب چرحي ووچعي

رحيل بصت ف عنيه بستغراب ودموع وشفيفها بقت بتترعش بخووف مراد شاف شكلها وشفيفها الي فتنته وكان عايز يخدهم بين شفيفه ورفع ايده المليانه دم ومشاها ع شفتها السفليه

وده مزدهاش غير فتنه وعنيه اسودت برغبه راح مشوه ملامح وشها بدمه وهو بيستنشق انفاسها

رحيل دموعها نزلت بخووف : ابعد عني انت بتعمل ايه وزاي تقرب مني كده انا مرات اخو.ك

مراد بغضب مسك رقبتها بعنف : لاخر مره هجولها ليكي متجربيش مني تاني ..واله ساعتها متلوميش غير نفسك..

وزقها بعنف ونزل ع تحت وطلع بره السرايه خالص

رحيل جريت ع اوضتها وفضلت طعيت وايدها
ع قلبي وفتكرت لما مراد حط ايده ع شفيفها
وزاي قلبها اتنفض من مكانه جريت ع الحمام
وقعدت تغسل وشها بقهر ووجع من قلبها
الي اتنفض لحد غير حسن وكرهت مراد
ساعتها جدا ع الي بيعمله جواها ..

خلص اليوم ورحيل نزلت لقت مراد ايده ملفوفه وشايل مراد الي مش بيسيبه ابدا ولا هو لا الحجه راضيه وفرحنين بيه فرحه متتوصفش

رحيل ودت وشها النحيه التانيه وقعدت جمب الحجه راضيه

مراد ببرود : ابوكي اتصل علي بيجولي انهم چين عشان يطمنوا عليكي..

رحيل فرحت ورقيه اتضيقت عشان طبعا هتمشي وتسيب عامر..

الحجه : ي اهلا بيهم بيتهم ومطرحهم

رحيل بحب : ده من زوقك ي ماما الحجه ..وبصت
لمراد.. ياريت ناس تانيه تتعلم منك

مراد لف وشه بغضب ومعبرهاش وقام عطي مراد الصغير لامه وطلع ورحيل كانت قعده تجز علي اسنانها وتهز في رجليها بعصبيه اكتر حاجه بتكرهه انه يعاملها ببرود او
غرور زي ما حصل

تاني يوم الصبح وصلو اهل رحيل وخدوا واجبهم وكانوا جيبين خاتمين دهب لمراد الصغير وع بعد العصر كانت العيله كلها قاعده ف البهو اتكلم والد رحيل

محمد : احم احم يلا نستأذن احنا ي جماعه بقا

الحجه : ما بدري ي ي ابو رحيل خليكم بايتين

محمد : معلشي ي حجه تتعوض انشالله ..يلا ي رحيل انتي ورقيه قومه يلا جهزوا نفسكم ورانه طريق

اتنفض مراد بغضب ونقبض قلب رحيل حسن وصاها تربي مراد وسط اهله بس ابوها لا يمكن يسبها تاني

الحجه : لاه ي حچ محمد رحيل مش هتمشي

محمد : ازاي بقا ي حجه عدتها وخلصت تقعد
تاني تعمل ايه يلاااه ي رحيل

هب مراد بغضب وو.........

********************

• تالع الفصل التالي "رواية رحيل الهورى" اضغط على اسم الرواية

google-playkhamsatmostaqltradent