رواية ذنوب على قيد الغفران الفصل الثالث عشر 13 - بقلم براء
البارت التالت عشر،
البـــــــــارت الثالث عشر
#ذنوب على قيد الغفران
#للكاتبه براء
غنى :صعدت فوك خليت غراضي بالغرفه الي من شفتها لعبت نفسي عبالك داخله تواليت مو غرفه ... ذبيت غراضي لبست دشداشه عريضه ولفيت شالي ونزلت اجيب غراض التنظيف حتى انظف اني مااتحمل ابقه بهالوصاخه ... دخلت للممر لكيت الباب بس بيها مفتاح فتحت الباب ودخلت .... وجان انصدم ... بسم الله الرحمن الرحيم ياربي دخيلك ....... شفت واحد كاعد بالزوايه و مشدود بسلاسل شفته شال راسه ولد جبير مو صغير
.... مم منو اا نتي
غنى : شفته تحرك تجاهي طلعت ركض خاله خاله تعالي بسرررعه
سهاد : شكو شكو مو كتلج اريد انام
غنى : احجي وارجف ... خاله اكو و واحد واحد بالغرفه الي دليتيني عليها
سهاد : باستغراب واحد منو شو دوخري ... طلعت من غرفتي رحت للغرفه فتحتها ودخلت باوعت ... هاا اخترعتي من امير ... هذا ابن رجلي امير لتخافين
غنى : بس الي اعرفه انتي عندج بس بنات
سهاد : مو رجلي جان مزوج قبلي ومطلك وعنده ولد والولد عايش عد امه وامه ماتت قبل اربع سنوات واهل امه جابو لابو لان ميكدرون يتحملون مسوؤليته خاصه هو مريض مو صاحي فخلينا عدنه
امير : سه سهاد جوعا جوعان
سهاد : جوع ربوع مو قبل ساعتين انطيتك اكل
غنى : باوعت لخالتي خاله الولد شبي يتصرف بهالطريقه وليش شادي بسلاسل
سهاد : مو اسعد (زوجها) بالشغل واني اخاف منه ليروح يسويلنه مصيبه لو يذبحني تدرين مخبل وعندج الحساب فننجبر نشده ونخلي هنا
غنى : خطيه ليش هيج مسوين بي خو انتي داري مو شرط اله زوجج يرجع
سهاد : والله انتي بطرانه اني بناتي ماداريتهن اداري ابن رجلي
غنى : زين ليش ماخليتي بمركز اعاده تأهيل خطيه اكو هواي هناك مثل حالته على الاقل يتوافق وياهم هنا وحده تسوء حالته اكثر
سهاد : واني اتعب واجيب الفلس بالكوه تالي اصرفه عليه شو دسكتي ... يله انتي نظفي ومالج علاقه بي يصيح يصيح ويسكت وحده
امير : جو جوعان حبابه
سهاد : انجب لك شنو الاكل بس لحلكك
غنى : باوعتله خطيه يكسر الخاطر ملابسه وصخه وشعره مخربط وشحاله بس اريد افتهم شنو من كلب عد خالتي يخليها تتعامل ويه شخص مريض بهالطريقه .... اباوعله كام يبجي ويصيح تقربت منه مسافه ... همست ليش تبجي
امير : بدموع ج جوعان
غنى : اجيبلك اكل
امير : هز راسه اي اي
غنى : ابتسمت بالاول عرفني عليك شنو اسمك
امير : ا ام امير
غنى : اني اسمي غنى ... شكد عمرك امير
امير : بال بالروضه ا اني
غنى : انقهمرت عليه شكله شكل واحد عمره بالعشرين بس عقله عقل طفل .... كمت اخذت المنظفات طلعتنهن بره خطيه خالتي مكعدته بغرفه كلش صغيره ووصخه وكلها تراب ياربي بس اريد افتهم هالاشخاص الله ساحب الرحمه من كلوبهم ..... رحت للمطبخ لكيت على الطباخ مركه عدس حميتها هي والتمن وصبيتهن بماعون خليته بصينيه وطلعت راجعه للمخزن او الغرفه حسب كلام خالتي خليت الصينيه كباله يله اكل
امير : شك شكرا
غنى : عفوا ... اباوعله ياكل بشراهه عبالك مماكل قبل يمه كلبي وجر نار من شفت حالته الحمدلله إلهي من انطيتنه صحه وعافيه خطيه بالكوه ياكل لان مسلسلي واني اخاف افتح سلاسله خاف يشرد لو يسوي شي ماكو دقايق وخلص الماعون ... شبعت
امير : هز راسه
غنى : تنام ؟
امير : اي ... باوعتلها منو انتي
غنى : اني غنى بت اخت سهاد
امير : سه سهاد تضربني ... وانتي هم را راح تضر بيني
غنى : اكيد لا لتخاف مني ... اباوعله سند جسمه على الحايط وكام بهز بروحه ... خطيه كسر خاطري صدك البشر يضيع بدون ام ... اخذت المنظفات وصعدت فوك رفعت دشداشتي وشديت شعري بالشال حتى ميتوصخ وبديت انظف خرب يومج خاله شهالوصخ يمكن من عرسن بناتها لليوم هي ممنظفه ... ضليت ساعه بس اكنس بالغرفه طلعت السكراب الي بيها وغسلتها شفت بيها كنتور بي خانه وحده واكو دوشك نظفته من التراب وخليته على صفحه حتى ميتنكع كملت غسل الغرفه اباوع طلع وجها وصارت ريحتها طيبه فتحت جنطتي طلعت فرشتي فرشتها لان مااستنظف انام على فراشها اذا بيتها بهالوصخ لعد فراشها شلون .... كملت وره فتره كعدت هلكانه يمه الغرفه كسرت ظهري .... بعد البيت مالتها شينظفه يرادلي اسبوع ياله اخلصه على هالوصخ هذا ....
كمت نزلت جوه كنست غسلت البيت ونظفت المطبخ الطباخ عباره دهن دهن طاحت ايدي ياله نظفته والغرفه الي بيها امير لان خطيه شنو ذنبه كاعد بالوصاخه حتى الحمامات نظفتها .... كملت كل البيت اباوعله صار يلمع باوعت على الساعه انصدمت بثمانيه بالليل عززه راح وقت الصلاه صعدت ركض لغرفتي اخذت ملابس وطلعت سبحت بسرعه واجيت صليت كملت وكعدت اقره قران فتره وكملت لميت سجادتي وتمددت اااخ يمه ظهري انكسر ستوهه غمضت عيني سمعت خالتي تصيح كمت خليت شالي على متني ونزلت هاا خاله
سهاد : عاشت ايدج خوش منظفه البيت بس عفيه خاله سوي العشه بطريقج خوما اسوي اني
غنى : بتعب شنو تردين اسوي
سهاد : هالقاسمه الله كلشي الجان
غنى : فتحت الثلاجه لكيت بيتنجان وطماطه طلعتهن واخذت بتيته كشرتها وقلمتها .... خاله وين الطاوه والزيت
سهاد : الطاوه بالطباخ وهذا الزيت بس مو تخلين هواي شويه
غنى : هزيت راسي طلعت الطاوه وخليت زيت وبديت اكلي اريد بس اكمل واروح انام هلكت .... رفعت ردانات دشداشتي لان اختنكت منهن ... واكفه اكلي ومااسمع غير صوت رجال ورايه بسرعه خليت الشال على راسي درت وجهي شفت رجل خالتي عمو اسعد ورايه
اسعد : اباوعلها انتي غنى بت ختام مو
غنى : بارتباك اي اني غني
اسعد : ماشاءالله كبرانه وصايره حلوه قبل جم سنه جنتي طفله هسه لا صايره مره
غنى : احم اي هو احنه نكبر منصغر
اسعد : بس مرات اكو اشياء من يشوفها الواحد ترجع شباب
غنى : مفهمت قصده ولا اريد افهمه غلست عليه ورجعت اكمل العشه كملته وشلته بصينيه طلعته للصاله لكيت خالتي ورجلها كاعدين خليت الصينيه وكمت
اسعد : شنو متردين
غنى : لاشكرا عمو مو مشتهيه ... رحت للمطبخ سويت لفه ودخلت لغرفه امير لكيته كاعد يحجي ويه الفراغ ... يربي صحيح اني اخاف منه بس كلبي مينطيني اعوفه جوعان صحتله امير
امير : هه ها ها
غنى : انت جوعان ؟
امير : ا ايي ك كلش
غنى : تفضل هاي سويتلك لفه اكلها ... اباوعله اخذها مني وكعد ياكل ... عفته وطلعت صاعده لغرفتي اول مادخلت نزعت حجابي وقفلت الباب كلشي يصير تمددت وجانت هاي اول مره بس اخلي راسه على المخده اغفه بنفس الدقيقه
______________________
فهد : كاعد بره ادخن وماادري ليش اجت على بالي هالغنى ... ساعات استخطيها واكول يتيمه وماعدها احد وساعات احسها ملعبه ومو راحه والمشكله بالحالتين اني ما اطيقها مع انو ما مسويتلي شي البنيه
علي : هاا فهد شو كاعد بره اليوم شعجب ماطالع
فهد : مالي خلك
علي : خير شبيك
فهد : لا مابيه شي بس ماعاجبني اطلع
علي : باوعت لبيت الجوارين صدك سمعت جوارينه شالو
فهد : اخذت نفس من الجكاره اي ادري
علي : شعجب شالو همه ماصارلهم حتى سنه
فهد : احنه شعلينه هذا شي يخصهم
علي : بتهم جانت حبابه وحلوه هم تدري طلعت حبيبة مرتضى ابن عمتي
فهد : هذا مرتضى شبي مطي وين مايروح وكال غنى حبيبتي واني رايدها يااخي هسه تحبها اكل تبن ولتشهر بيها مو هاي راجعه عليك اذا تخطبها
علي : متعرف مرتضى انت واحد يحب يتباهه
فهد : بأستهزاء ...وعلى شنو يتباهه من جمالها هسه لو من الدكتورا الي عدها
علي : لا فهد البنيه حلوه تدري اني بحياتي ماشايف بنيه ناصعه البياض وعيونها سود وماشاءالله عليها ملامحها تجنن اكيد يتباهه بيها
فهد : يافهيم الي يحب ميشهر باليحبها .... يضل ساكت ومنجب لحد مايجيبها لبيته وتصير حلاله
علي : يعني انت هسه لو بمكان مرتضى وعندك حبيبه مثل غنى ترفضها
فهد : دخلي اهضمها هي ومرتضى بالاول وعود بعدين احاول افكر انو اتخيلها حبيبه
علي : والله انت بطران
فهد : دكوم من يمي شكد تلغث ماسكتت لحظه
علي : يعني هاي طرده
فهد : اي يله ولي
علي : رحم الله والديك
فهد : والديك بالرحمه
____________________
صباحا
غنى : كعدت من النوم اباوع للساعه حيل هاي اني شكد نايمه من البارحه لليوم نايمه 12 ساعه ... كمت خليت شالي على راسي وطلعت من الغرفه دخلت للحمام غسلت وجهي وفرشت اسناني ورجعت للغرفه مشطت شعري ولفيته بدلت ونزلت لكيت خالتي كاعده هي ورجلها .... صباح الخير
سهاد : باوعتلها صباح النور بعد وكت
غنى : والله جنت تعبانه من تنظيف البيت ومن نمت محسيت على نفسي غير هسه
اسعد : دعوفيها ياسهاد خلي تنام براحتها لتتقيدين سوي الي تردي اعتبري البيت بيتج
غنى : ماجاوبته ... خاله متريكه انتي
سهاد : اي من زمان تريكت انتي تريكي وسوي ريوك لأمير
اسعد : خرب شلون نسوه نسيت امير بالمخزن ماطلعته ... كمت بسرعه
غنى : عابت اي والله عود هذا ابنه من لحمه ودمه ذابه بالمخزن لعد لو مو ابنه شيسوي .... اباوع راح شويه واجه لازم ايد امير اباوعله امير طويل حتى اطول من ابو اجه كعده على الميز ... ابتسمت صباح الخير امير
امير : صب صباح الخير
غنى : اسويلك بيض عيون لو خبط
امير : ع عيو عيون
غنى : صار
سهاد : شدعوه هالكد مهتمه عوفي كلشي الجان ياكل
غنى : لا خطيه خاله سويتله ريوك وخليت الطاوه كدامه صبيت استكان جاي لروحي وكعدت اشربه لان ما اشتهي
اسعد : ليش متتريكين
غنى : لا مااشتهي
سهاد : شراح تسوين غده
غنى : بكيفكم
سهاد : اكو بتيته سوي مركه
غنى : هزيت راسي وبديت اسوي الغده فزيت على صوت تكسير درت وجهي لكيت امير كاسر الستكان ... مااشوف غير خالتي ضربته
سهاد : وجعه التوجع كلبك ان شاءالله شبيك اعمى
غنى : شلت الستكان اباوع لامير كام يبجي ... شجاج خاله قابل هو متعمد شجاج بجيتي
سهاد : يطبه مرض بجه لا بجه كوم ولي لمكااانك ييييله
اسعد : امشييي لك يله ولييييي كسرت المواعين
غنى : اباوع لامير هد عليها يجر بهدومها يريد يضربها جريت تشيرته امير عوفهااا حباب كوه جريته دفعته بخفه عنها امشي للغرفه
امير : يهز براسه مم ما ما
غنى : بهدوء امشي امير حباب يله عفيه بالسبع ... اباوعله مشه راح دخل للغرفه كعدته ... وكعدت كدامه ليش هيج سويت مو حرام
امير : بدموع هي هي ضربتني وال والله الكلا ص ووكع وحده
غنى : تنهدت الي يشوف هموم الناس تهون عليه همومه .... باوعتله امير انت ولد حباب ومؤدب وتسمع الكلام ... والي سويته مو صحيح بس الاولاد المو حبابين يضربون الاكبر منهم
امير : يعني ان انتي هسه زا علتيني
غنى : لا مزاعلتك بس بعد لتسويها
امير : هزيت راسي ... مديت ايدي نتصاحب
غنى : اباوع ميجوز الزم ايده يبقه رجال وجبير بس تعاطفت وياا ومردت افشله خليت ايدي بأيده مبتسمه نتصاحب ... وخرت ايدي وكمت طلعت اكمل الغده وطبعا عمو اسعد جزعني ما سكت شكد يلغي
__________________
مهيمن : سيدي احنه سوينه كل العلينه وبقه التنفيذ يمكم
عمر : وطبعا الخطه حاضره والضباط كلهم جاهزين
غانم : عاشت ايدكم ... باوعت لفهد وانت سياده الضابط شو ساكت
فهد : راح يتم زراعه ضباط اختصاص بين خلايا الارهاب وطبعا بعد التدريب الي راح اشرف عليه اني شخصيا وان شاء الله بظرف تلث اشهر يكونون جاهزين لكلشي وبالنسبه للتقارير اني جاي اشتغل عليهن
غانم : بس هذا ثكل عليك خلي واحد من الضباط يساعدوك
فهد : ماكو داعي شغلي اخلصه بأيدي احسن الي
غانم : تدري اذا نجحت بهالمهمه راح تترقه
فهد : بهدوء متهمني الترقيه نهائيا
ايمن : لعد شتهمك واذا متترقه المن دخلت بالشرطه
فهد : كتلكم اني من دخلت للشرطه علمود اثبت نفسي واخلي الي يسمع اسمي ترجف اصابعيه من الخوف
غانم : سبحان الله نفس حجايه ابوك هم جان يكول هيج
فهد : اكو فرق بين الحجي والفعل يا سيدي
غانم : انت تدري بعد اشهر راح يصير دوامك على حدود الموصل وباقي المحافظات الغريبه
فهد : اي ادري
مهيمن : واحنه ؟
غانم : انتو الاربعه من قسم الاستخبارات راح تصيرون سوه ثنين يداومون سوه لمده عشر تيام وياخذون استراحه والثنين الباقين نفس الشي
عمر : وشوكت دوامنه يتبدل
فهد : اعتقد من نكمل تجهيز المتطوعين والضباط الباقين يبدي يتغير دوامنه لان من نزرعهم لازم نتم نراقبهم
غانم : عفيه عليك
فهد : اعجبك
غانم : دومك عاجبني ... وهسه شباب عدكم اسئله او استفسار على شي معين
مهيمن : اني ماعندي استفسار بس اتمنى اي معلومه تخص عوائلنه متنذكر حفاظا على سلامتهم
غانم : راح تتسوالكم تقارير بيها سكن محدد غير الحقيقي خاف يشكون انتو الكم يد بالعمليه
فهد : كمت برأيي اذا ضليتو متحفظين على العمليه بسريه تامه محد راح يعرف غيرنه احنه والكادر المعني ... وهسه يله من رخصتكم لازم ابلش بشغلي
الكل : مرخوص الله وياك
عمر : فهد على كيفك ويه المتطوعين خطيه
فهد : ابتسمت بدون مااجاوبه طلعت من المركز متوجه لمكان التدريب صفيت سيارتي ونزلت دخلت لساحه التدريب شفت المتطوعين متجمعين ابتسمت بداخلي شكد افرح من اشوف ولد بلدي عايفين بيوتهم واشغالهم ووظائفهم واجو حتى يدافعون عن بلدهم هالشي يحسسني احنه بالعراق كلنه ايد وحده .... حمحمت بصوت عالي اباوعلهم وكفو عدل ..... اعرفكم بنفسي اني الضابط فهد سالم قسم استخبارات وراح اكون المدرب مالتكم
المتطوعين : اخذوله تحيه تحياتي سيدي
فهد : اول شي اني راح التقي بيكم تلث مرات بالاسبوع فاتمنى تلتزمون بمواعيد التدريب واريدكم تشدون حيلكم وتابعون بهمه لان هالشي لصالحكم كلما تأخرتو كلما تتعاقبون واني احجي من صدك الي يتأخر او يتصرف بطريقه غير لائقه راح اتبع وياا غير اسلوب وسألو عني الضباط الباقين وشوفو شيكللكم فعدم التزام ما اريد خليكم ملتزمين شغلنه مابي تساهل ولعب .. بصوت عالي .... مفهووووم
الكل : مفهموم سيدي
فهد : بديت اشرحلهم وادربهم واحاول اوصللهم افكاري بصوره سهله ... استغفر الله للحظه حسيت روحي معلم الله يساعد كلبك منذر شلون متحمل الزعاطيط الي عندك ماادري اني ذوله وراح يخبلوني المشكله اكو بيهم زلم كبار ومااكدر اعيط بيهم مهما يكن يبقون بكد ابويه
_______________________
غنى : بابتسامه شلونجن
اروى : اني مشتاقتلج هواي
نرجس : والله حتى اني ليش متجين يمي
غنى : افف حتى اني مشتاقتلجن رغم مصارلي هواي من عفت بيتنه القديم بس اشتاقيتله
اروى : شنو رأيج اخلي فهد يجي عليج يجيبج تسيرين يمنه
غنى : لا طبعا على اي اساس يجيني عود اني اذا ردت اجي اشوفج اخلي خالتي تجيبني
نرجس : صدك على طاري خالتج شلونها وياج
غنى : يعني لابأس
اروى : هسه انتي متوازيه رحتى كعدتي عدها
غنى : مو هو بكيفي شكد توسلت بخالتي كتلها خليني بذاك البيت ماقبلت
نرجس : همزين مابقيتي وحدج يمعوده يروح يطفر حرامي عليج تلزمج الكهرباء اسم الله كلشي يصير
اروى : اي والله كلامج صحيح
غنى : هسه عوفنه من هالموضوع اكلجن تدرن بعد شهر دوامنه
نرجس : يبوو لتذكريني
اروى : ليش احسن حتى نخلص بسرعه
غنى : مو نرجس تسخت ومتقبل تقره تريد نجاح بدون دراسه وطبعا الاستاذ جعفر من دون الاساتذه دومه يرسبها
نرجس : اسكتي فد حاقده عليه ولج نجحني هالكورس بس شنو خلالي درجه على الحافه
اروى : ياا هاي ليش
نرجس : لان طايحظه غير
غنى : سمعت صوت خالتي بنات لحظه اشوف خالتي شتريد واجي ... هاا خاله شنو تردين
سهاد : نزلي سوي العشه
غنى : خاله داحجي ويه صديقاتي من اكمل انزل اسوي العشه
سهاد : يمعوده كتلني الجوع دعوفي الموبايل من الصبح لليل عليه دكافي متملين
غنى : الخط مفتوح اعتقد البنات سمعن ... احم اي هسه
سهاد : يله لتتاخرين
غنى : اي ... يله بنات اني اروح بعدين اخابرجن طلعت من المكالمه ونزلت اسوي العشه ادري وين اكو واحد يتعشه الساعه بالسته
اروى : سمعتي كلامها نرجس
نرجس : هاي خالتها والله بت كلب
اروى : خطيه شلون تتامر عليها مبين عليها وكحه
نرجس : يمعوده الي تشرد بنيه شابه وتاخذ فلوس بيت بنيه وتطلعها منه شتتسمه هاي
اروى : اكلج صدك غنى وين اهل ابوها
نرجس : اخذو بيت ابوها مقابل انو يتنازلون عنها وعن اخوها وتالي اختفو بعدين
اروى : زين هسه ماحاولو يتقربون منها يحتضنوها بعد الي صار
نرجس : لا طبعا اصلا تدرين لو بيبيتها تدري جان كلبت الدنيا بس متدري هي حاولت هواي تاخذهم وهمه صغار بس الحجيه زكيه الله يرحمها ماقبلت خلتهم عدها
اروى : عندي احساس انو غنى حتعيش هواي مغامرات بحياتها
نرجس : لا يمعوده عساها لاعاشت شي بعد كافي الي هي بي
اروى : اي والله
_____________________
فهد : واكف وكبالي فيصل يااهلا وسهلا نورت البيت لو باقي هناك مو احسن
فيصل : بارتباك انت ليش دزيت عليه تريد تسلمني للشرطه
فهد : دفعت الفصل وسوو تنازل عنك لتخاف مااسلمك للشرطه واني الي راح استلمك شنو موبعينك اني يعني
سعاد : تهده بالرحمان فهد شبيك
فهد : لحد يدخل ... فيصل تحب نتفاهم هنا وكدام الكل اكسر مهابتك واولهم كدام جهالك ومرتك لو نصعد لغرفتك ونتفاهم هناك
سعاد : وليش مو بغرفتك
فهد : مااحب واحد يدخللها وماكو داعي اكول ليش انتي واني نعرف شنو السبب وهسه فيصل شتكول نحجي هنا لو فوك واني بكل الاحوال راح اسوي الي ابالي سواء قبلت او رفضت
فيصل : باوعت لامي والاء ... يله امشينه صعدت لغرفتي واباوع لفهد يصعد بكل هدوء ولا كأن اكو شي صاير اني ادري وره هالوجهه البارد اكو بركان واج
فهد : طبيت وسديت الباب وقفلته
فيصل : شراح تسوي
فهد : اغتصبك حتى محد يكدر يدخل ويشوف
فيصل : احجي عدل فهد اني مو واحد من المسقطين الي تمشي وياهم
فهد : بهدوء بس اريد افتهم ليش سويت هيج انطيني سبب مقنع يخليني اسد حلكي واسكت واني والله كلشي مااسويلك
فيصل : بارتباك جان ابالي مشروع وعرضت على هالولد نفتح معارض سيارات .... بعدين من بدينه نتفق اشترينه الكاع اني دفعت مبلغ لابأس بي والباقي هو دفعه وكلي انو الارباح مال المعارض اله تلث الارباع واني الي نسبه قليله لان المبلغ الي شاركت بي قليل ف .. سكت
فهد : ضميت اديه ... ف كمل ؟
فيصل : فبيومها تعاركنه اني وياا وصار مضارب بيناتنه فبدون قصد ركعت راسه بالباب وشفته وكع ومن حلاة روحي اخذت الفلوس وشردت وهاي اني صارلي فتره مختفي
فهد : اشستفاديت بله تنجه من السالفه عادي بس ماخفت يعيرون جهالك بيك بعدين متخاف يصيحولهم ولد الحرامي ... احجي ليش ساكت
فيصل : كتلك فهد كل الي جان ابالي اكدر اربح ماكدرت اسيطر على نفسي
فهد : جريته من قميصه ... تدري بعملتك هاي خليت العالم كلها تحجي علينه ... الناس تكول طلع حاميها حراميهاااا بعصبيييييه تعررررف شيقصدووون يعني اني ضابط بس حرررراميي وبسبب من بسبب واحد زباله نعال ميسوه مثلك
فيصل : طز بالعالم وبيك الى متى اضل افكر بالعالم اني
فهد : ضربته كله بوجهه وكعته بالكاع اجيت ورا لزمت ايده وعوجتها بشكل معاكس بحيض حسيت صوت عضامه تطك ... عرفت متنه انخلع ماكمت اسمع غير صوت صياحه
فيصل : اااااخ الله لايوفقك عساهاااا برجولتك ياااسافل
فهد : ضربته برجلي على منطقه بقوه .... خلي نشوف رجولتمن راح تنهتي هسه
فيصل : بصيااااح ااااخ
فهد : فتحت الباب وطلعت لكيت سعاد وجناينها وبتها
سعاد : طبيت لكيت فيصل متمدد بالكاع ويصيح يمه شبيك شسوالك اخوك باوعت لفهد شمسويله فهيدان
فهد : رفعت متني كلشي ماسويتله بس ضربته على وجهه شو هذا وكع اني شمدريني شبي ... باوعت للالاء ... الاء انصحج تلكيلج غير واحد تره فيصل يجوز بعد مايشتغل
الاء : شقصدك
فهد : هسه من تفرغ الغرفه تفهمين قصدي يله مع السلامه ... نزلت من فوك صار بوجهي بتول
بتول : بابتسامه هلو فهد
فهد : فتحت الباب هله بيج عفتها وطلعت
_______________________
صباحا
غنى : كاعده اخيط بحدود الساعه بثمانيه ومااشوف غير الباب انفتحت عليه ... خليت شالي على راسي ... خير عمو شكو
اسعد : اباوع لاديها خرب يومج ادين لو مرر يربي اذا الايد هيج الجسم شلون .... احم اليوم كعدت من وكت كلت اجي اصيحج تتريكين وياي
غنى : نزلت رداناتي وانت شمدريك اني كاعده يجوز جنت نايمه
اسعد : هاا اي مو كلت اصعد واشوفج كاعده لو لا
غنى : كمت عمو صحيح اني كاعده ابيتكم بس مهما يكن ميصير تدخل عليه هيج اكو شي اسمه ادك الباب احمحم ادز خالتي تصيحني مو تجي جفت
اسعد : خلص اني اسف اهم متضوجين كلشي ولازعلج ميهونلي
غنى : تنهدت شلون بيه ويه هذا المو راحه خلص عمو مصار شي من رخصتك عادي تطلع عندي شغل
اسعد : والريوك
غنى : مااريد عمو
اسعد : على الاقل كعدي كبالي فتحي نفسي على الاكل
غنى : بنفاذ صبر مو كتلك مااريد
اسعد : باوعتلها ونزلت ... والله مبينه شرسه هالبنيه بس خرب يومها والله شايله جمال جاا هاي مره وسهاد مره تف على قسمتك يااسعد
_________________________
ايمان : كاعده بغرفتي اسبح ودخل فهد
فهد : بست راسها شلونج يمه
فهد : بست راسها شلونج يمه
ايمان :شنو هذا فهد
فهد : شنو
ايمان : شبي وجهك
فهد : شبي باوعت للمرايه لكيت اكو جرح يم لحيتي مدري منين اجاني ... والله مااعرف منين اجه
ايمان : ديربالك على روحك امي وانتبه
فهد : كعدت كبالها خير شبيج شو احسج ضايجه
ايمان : باوعتله اخوك علي يريد يتزوج
فهد : اي شكو بيها خلي يتزوج ويستقر
ايمان : وانت ؟
فهد : تنهدت يمه انتي ليش تطرقين لهالموضوع احنه مو سدينا
ايمان : يايمه ياحبيبي قابل اني اكرهك انت ابني وصديقي وفرحتي الاولى شلون متريدني اشيل همك حبيبي فهد اني مااضغط عليك بس انت اسمع كلامي وحاول تفكر بي ... الانسان ميبقه شباب طول عمره ولا تبقه صحته سالمه لمدى الحياه انت جاي تكبر يابعد امك صار عمرك تلاثين كل جماعتك والي بكدك عرسو محسن ابن عمك ابسط مثال شكد جان شالع كلب امه بس تالي تزوج واستقر وهسه مرته حامل وحارث هم سمعت راح يخطب شهد بتك عمك مهدي وانت تبقه هيج طول عمرك
فهد : بست ايدها يمه والله ازوج بس انطيني مجال حاليا حياتي عباره عن شغل ماعندي وقت اتفرغ لمره وبيت واكيد اني من اريد اتزوج لازم اداري مرتي وادير بالي على بيتي صدكيني من احس نفسي جاهز والكه الانسانه الي تناسبي اجيج اكلج روحي خطبيلي بس غير امشي وضعي
ايمان : يعني توعدني بس يتحسن وضعك تزوج
فهد : وعد
ايمان : مسحت على وجهه الله يحفظك ويحميك يايمه وعساني ماشوف يوم بيك موزين
فهد : حضنتها بقوه .... تدرين صار شكد ماحاضنج
ايمان : ابتسمت قابل هو صوجي انت تتكبر ومسوي روحك جبير يبعد كلبي
فهد : بست راسها ... يله اني اروح من رخصتج
ايمان : وين ؟
فهد : رفعت حاجبي عفوا
ايمان : بس لو اعرف ليش ماتقبل تكول
فهد : مااحب احد يسألني وين وشلون ويمته اضوج تدرين بيه
ايمان : خلص براحتك يمه
_____________________________
غنى : تقريبا كملت دشاديش الحجيه ياسمين ... كمت صفطتهن وطلعت ... شفت خالتي خاله عفيه اريدج تجين ويايه اليوم
سهاد : وين
غنى : اروح لبيتنه اودي الملابس للمره الي موصيتني عليهن اليوم كملتهن
سهاد : وتنطيج فلوس لو لا
غنى : اكيد تنطيني قابل اشتغل الها ببلاش
سهاد : ابتسمت خلص لعد العصر اخذج حتى تستلمين فلوس وهم حتى نتسوك لان ماعندي مسواك
غنى : بس
سهاد : شنو تستحسفين على خالتج الفلوس
غنى : لا خاله عليمن استحسف درت وجهي وصعدت فوك خابرت اروى بلغتها وكالت راح تجي العصر لبيت جدها حتى تشوفني صارت الدنيا عصر كمت بدلت واخذت دشاديش الحجيه ياسمين وطلعنه اني وخالتي بتكسي وصلنه للمنطقه
سهاد : دفعي فلوس التكسي خاله اني ماعندي
غنى : تنهدت فاتحه جنطتي انطيت للسايق كروه ونزلنه دكيت الباب
سهاد : لك شهالبيت معقوله اكو هيج بيوت
غنى : صل على نبيج خاله حتهدمي على روسهم
سهاد : ديله عاد علساس اني احسد
غنى : انفتحت الباب طلعت ورده بسرعه حضنتني... حبيبتي ورده شلونج
ورده : مشتاقتلج رغم صارت بس تلث ايام بس اشتاقيتلج
غنى : يعمري فدوه لكلبج
ورده : منو هاي الزركه
غنى : خزرتها خالتي ولج
ورده : هلو خاله شلونج
سهاد : تره سمعتج ياقليله الادب
غنى : باوعت لخالتي بمعنى يله .... دخلنه جوه لكينه الحجيه كاعده ابتسمت على شكلها جانت لابسه دشداشه صيفيه سوده ومسويه شعرها كصايب شكلها لطيف ... السلام عليكم
اروى : بوستها نونه حبيبتي شلونج
غنى : يعمري الحمدلله وانتي
ياسمين : هله بالكيمر هله خايبه وجهج ضوه البيت
غنى : ابتسمت حجيه شلونج
ياسمين : الحمدلله انتي شلونج
غنى : الحمدلله .... اعرفج بخالتي خاله
سهاد : تباوع للبيت ... هاا اي شلونج عيني
ياسمين : الحمدلله
غنى : تفضلي حجيه هذني ملابسج كملتهن
ياسمين : شو اشوف .... الله عاشت ايدج بعد كلبي خوش شغل والله حتى احسن من الجاهزه
غنى : ايدج العايشه حجيه .... ضليت كاعده يمهم فتره اخذت الفلوس وطلعنه طلعت خالتي تأجر تكسي واني وكفت على جهه شفت فهد اجه
فهد : وكفت خير حجيه صاير وياج شي
سهاد : اي ماجاي الكه تكسي
فهد : تعالي حجيه اني اوصلج
غنى : لا احنه هسه نلكه تكسي
فهد : باوعتلها هاا غنى شلونج
غنى : الحمدلله
فهد : تعالي اوصلج انتي والحجيه الدنيا ليل هسه والوضع يخوف
غنى : لا ماكو داع...
سهاد : شو دسكتي شنو ماكو داعي اي عفيه خاله ولو زحمه عليك وصلنه لبيتنه تره الطريق بعيد واني ماعندي فلوس
فهد : لا حجيه ماكو زحمه تفضلو
غنى : اباوع لخالتي صعدت عززه شكد عيب ... والله طبيت بهدومي من وراها عفيه شكد متستحي هالمره صعدت وره
فهد : دلوني على البيت وصلت للمنطقه اباوع تخزي جهال بالشوارع وهوسه ... وصلت لبيتهم
سهاد : رحم الله واليدك خاله
فهد : ولو تدللين حجيه
غنى : نزلت خالتي واني نزلت وراها
فهد : غنى لحظه ....
- يتبع الفصل التالي اضغط على (ذنوب على قيد الغفران) اسم الرواية