Ads by Google X

رواية ذنوب على قيد الغفران الفصل الثاني عشر 12 - بقلم براء

الصفحة الرئيسية
الحجم

  

رواية ذنوب على قيد الغفران الفصل الثاني عشر 12 - بقلم براء

البارت التانى عشر
                                        
                                              
البـــــــــارت الثاني عشر 



مرحبا حبايبي العسل شلونكم ❤❤



#ذنوب على قيد الغفران 
#للكاتبه براء 



فهد : كاعد وخال ايدي على راسي وحاير بسوايه فيصل الحقير 



منذر : شراح نسوي هسه 



فهد : بحيره ماادري ماادري هسه لو السالفه سالفة فلوس جان انطيتهم المبلغ وسديت حلوكهم بس اخوك النذل ضارب الولد وادعو لربكم ميموت لان اذا مات راح يذبحون اخوكم ذوله مبيبن عشاير ميهتمون للقانون 



عباس : بس اريد افتهم هذا الولد عليمن طالع مو عرس وكلنه راح يمشي عدل بس اخوكم مثل الجلب ذيله اعوج 



فهد : لاعاب حلكك عمي 



علي : بس اريد افتهم هو اخذ الفلوس ليش يكتل الولد 
فهد : غبي غير غبي وحمار وطايح حظه بله هو يطبه مرض بس مافكر بمرته وجهاله شلون بيهم لو نسجن وين يولون 



سعاد : فهد عليك الله ساعد اخوك 



فهد : بعصبيه شساعددده كليلييي شسوييي ابنج كاااتل واحد لو يعيش لو يمووووت شسويييييله يعنييي انطينييي حل 



مهدي : عمي فهد لتحرك بدمك نلكه حل ان شاء الله 



فهد : عمي انت شفت شلون صار منظرنه كدام الجوارين هاي احنه الي الناس تحلف بأمناتنه يطلع اخونه حراميي 



سعاد : بدموع سوي اي شي فهد ابوس ايدك حاول تطلعه من السالفه بفلوس بأي شي المهم تخلصه من الموضوع 



آلاء : ولكم رجلي اريده جيبوي الي والله مامسوي شي هذوله اكيد يتبلون عليه هالولد الحرام 



ايمان : اهدن على كيفجن ان شاء الله ماكو شي 



سعاد : طبعا شكو على كلبج انتي قابل واحد من ولدج راح ينكتل 
اروى : هاي فوك ما تهدي بيجن صدك سوي خير وذب بالشط 



ليلى : انتي سكتي شو ولاكأن الي متأذي اخوج عفيه شكد كلوبجن حاقده علينه  



فهد : كاااااافييي صوتكم مااريد اسمعه كرموني بسكوتكم 



اروى : ما شفتهن 



علي : خزرتهن كافي سكتن ... باوعت لعمامي وهسه 



عباس : اني حجيت ويه شيخنه وكالو خلي تستقر حاله الولد ونسوي كعده ونشوف 



محسن : واذا مات الولد 



حارث : هزيت ايدي اقره على فيصل السلام والله يسحلو بالشارع



فهد : تنهدت بصوت عالي آاااخ كون يطيح فيصل بأيدي هسه والله لزوعه الحليب الي رضعه 



ايمان : اعصابك يمه شوف وجهك شلون صار 
فهد : يمه طبعا اصير اعصاب انتي شفتي ابن رجلج شمسوي خله روسنه بالكاع ومنكدر نحجي شي اني من تالي عمري يجون زبايل يصيرون براسي اهل الراهي وماكدر افتح حلكي ... هاي تاليتي اني الضابط فهد اخويه يطلع حرامي ومن ورى انجبرت اكل تبن واسكت 

 
                
سعاد : بدموع ولك فيصل ليش هيج ولك ليش تحرك كلبي وتشمت العدوان بيه 



فهد : هزيت ايدي والله يا الله احنه بيا حال وانتي بيا حال ... باوعتلهم سمعوني زين اي واحد بيكم يخابره فيصل يجي يكلي لان السافل اخابره ميرد .... فهمو خلي يخابرني حتى اعرف شلون اتفاهم وياا والولد الي بالمستشفى اني راح اتابع وضعه ادعو لربكم كون يعيش والباقي سهل 



آلاء : يعني راح تدفع فلوس المشروع 



فهد : والله المفروض اكلهم روحو شوكت ما تلكو اخذو كتلو بس المشكله اسمنه اخوان كدام الناس 



مهدي : عوفوها بيد الحلال وهو يحلها 



عباس : باوعت لفهد وليدي باوعلي خليك هادي وحاول تتفاهم ويه فيصل اذا خابر طمنه لتهدده خلي بلكي يرجع ويرجع الفلوس وياا وتخلص السالفه  



ايمان : صلو على محمد وان شاء الله ماكو اله الخير 
فهد : منين يجي الخير واحنه عائله نكسه تف عليها ... اخذت سويجي وطلعت من البيت حتى مابدلت اختنكت ومااعرف شسوي واكع بين نارين اذا  الولد مات فيصل ينتهي لا القانون يرحمه ولا العشاير ترحمه .... ياربي مو كافي الحمل الي شلته من سنين هسه عايزني حمل ثاني ... تنهدت وين اولي هسه عساك بالسل يافيصل ياكوا......



____________________ 



غنى : كاعده بالصاله الفوك اخيط واسمع صياح من بيت اروى الله يستر هاي اول مره يطلع صوتهم هيج نزلت جوه ... خاله سمعتي صوت الصياح 



سحر : ما سمعتي الصياح الي بره قبل شويه يبسن اديه عبالي صاير شي



غنى : اني جنت فوك وسمعت صياحهم انتي سمعتي 



سحر : اي يمه سمعته خير خوما صاير عدهم شي 



غنى : والله ما ادري



سحر : الله يستر 



غنى : سمعت الباب يندك كمت فتحتها شفت اروى ... خير شبيكم اروى صوتكم واصل للشارع 
اروى : يبوو سمعتونه يعني ... وخري اجيت يمج اذا ابقه بالبيت اتكافش ويه سعاد وبتها 



غنى : تعاي كعدي بالحديقه شمي هوى 



اروى : كعدت عفيه غنى جيبلي كلاص ماي حلكي يابس 



غنى : اي صار كمت بسرعه جبت دولكه مي واجيت صبيتلها تفضلي 



اروى : رحم الله والديج 



غنى : كعدت خير شبيكم 



اروى : ولج سكتي راح اطك واموت 



غنى : خير شصاير 



اروى : ولج هذا اخويه الجبير ...... سولفتلها 



غنى : ياا وتالي 



اروى : وتالي المطي متورط ويه عشاير وذوله يدورون ثارات ودم واحنه خايفين على اخوتي لا يسوون بيهم شي 




        
          
                
غنى : لتخافين ان شاء الله ماكو شي بس ماكتيلي شبيج ويه مرت ابوج 
اروى : هو احنه بس لو نفتك من سعاد وبزرتها ماجان هذا حالنه ... ولج ابنها مسويله عمله شكبرها بدال ماتدعي ربها وتكعد وتنجب رجعت على امي بله هاي شتحاجيها 



غنى : ميخالف يجوز المره جانت داخله بحاله عصبيه ومسيطرت على نفسها ... الرسول (ص) يكول التمس لأخيك الف عذر ... عذريها ميخالف 



اروى : انعل ابوها لابو اليعذرها ام المشاكل هي وجهالها مافد يوم كعدو راحه طلعي منهم بس منذر وهم منذر لوما مرته تحبنه هم جان انجلب علينه



غنى : مسحت على ايدها اهدي شجاج تفرفحين 



اروى : مقهوره على اخواني ولج ماشفتي فهد شلون صار وجهه من جه خايف على فيصل ومن جه خايف علينه لا يصيرلنه شي 



غنى : لا ان شاء الله ماكو شي استهدو بالله



اروى : ونعم بالله ... عفيه غنى لتحجين لاحد اني لوما أامن بيج ماجان سولفتلج حبابه خلي الموضوع بيناته 



غنى : اكيد حبيبتي اصلا اعتبري نفسج محجيتي شي 
اروى : ابتسمتلها حبيبتي 



غنى : ضلينه كاعدين للمغرب وراحت 



__________________ 



ايمان : هاي صار اسبوع على السالفه وبيتنه كله داخل انذار فيصل ماكو فص ملح وذاب ماهو فهد كلب الدنيا عليه ما لكا حتى لديالي والحله راح يدور عليه وهم ماهو واليوم الكعده مال الزلم صارت ببيتنه الحمدلله الولد صحه قبل يومين همزين الضربه الي اجت على راسه ما جانت قويه ... شفت فهد طلع من الاستقبال .... هاا يمه 



فهد : صوتكم ما اريد اسمعه الزلم ترسو البيت كلي للبنات الي المح حسها اطلع حركه كلبي كلها بيها 



سعاد : فهد حباب كلي شصار 



فهد : كلشي ماصار همه لحكو يكعدون ... اجيت اخذ الماي جيبلي الصينيه خلصني 



سعاد : صار هسه بنات كومن جيبن صينينه الماي 



فهد : اخذتها من اروى اباوع مرت فيصل وسعاد منتهيات عليه ولو هو ميستاهل بس مهما يكن هذا رجلها وهاي ابنها ... اخذت الصينيه دخلتها وكعدت 
عباس : شيخنه تفضل احجي 



.... قبل فتره صارت مشكله بين ابنه وابنكم واحنه جايين اليوم نفض الطلابه الي صارت وشتأمرون احنه حاضرين 



.... الي صار مو مجرد مشكله كول كارثه وربك ستر ابنه طلع عايش وعدت سلامات لو صاير بي شي جان ماخلينه واحد بيهم يشوف الصبح وحق الحق 



فهد : بهدوء البي خير ويكول اني رجال وشاربي عليه ينفذ مو بس يحجي 



.... تتحدانه يعني 



فهد : وانتو واني اتحداكم دحجي عدل ابو حلك الي يلزك 



مهدي : بحده فهد عمي شحجينه احنه 




        
          
                
فهد : اللهم صبرج ياروح 



علي : طبعا فهد مفول من ابنهم الجبير عندي احساس انو راح يسحله 



منذر : مثل احساسي 
...... هذا الحجي ميجوز ياجماعه انتو دايسين بساطنه وتهددونه عينك عينك احنه تجمعته اليوم حتى نفض السالفه مو حتى نلوصها 



..... كلامك صحيح شيخ بس مع هذا سواية ابنكم ماتنغفر 



..... اي والله واحنه مستحين من عملته وماكلنه الصوج منكم الصوج والغلط والدكه الناقصه كلها طلعت من ابنه واحنه مستعدين لكلشي تطلبو 



..... احنه نريد فيصل لانريد فلوس ولانريد تعويض ولا اي شي 



..... احجي يا شيخ انت جاي محضر خير بين العشيرتين 



...... ياجماعه تهدو بالرحمن وصلو على النبي 



الكل : عليه افضل الصلاه والسلام 



...... انتو ناس تخافون الله والنعم منكم ومن اخلاقكم اذا تردون تاخذوها من جانبكم يصير تقابلون الغلط بغلط اكبر منه 



...... بس احنه نريد نصفي حسابنه وياا وهذا حقنه 



فهد : انتو تاخذو واحنه ناخذ واحد منكم وناس تاخذ ناس برأيك راح تفض السالفه لو تنتهي اكيد لا والمفروض مادام ابنكم صار زين وكعد تنسون موضوع القتل وتاخذون غير اجراء وياا حتى لو تقاضو بالقانون بس مو تقتلو احنه وين عايشين شنو سايبه هي 
 ..... اي والله صح لسانك وليدي ... باوعت للشيخ الي اجه محضر خير شيخنه احنه مستعدين ننفذ كل طلباتهم بس خلي ينسون فكرة القتل والثارات 



..... انتو بكيفكم تحجون ماكو فيصل احنه نريده 



..... ياجماعة الخير خلاصاً للمشاكل خلي اهل فيصل يدفعون فصل وحتى تكاليف عمليه ابنكم ندفعها وشتردون احنه حاضرين بس موضوع القتل انسو 



.... هاهي شيخ هاي لخاطرك احنه راح نكتفي بان نرجع الفلوس لابنه بس فيصل اذا شفنا والله نذبحه وجهه منريد نشوفه 



.... خلص بالي تأمرون بي 



فهد : شكد المبلغ الي نأخذ من ابنكم  



.... حمدو ربكم جانو يردون يشترون بس الكاع بعدهم ما مشترين السيارات لو مشتريهن جان خسرناكم حتى الي لابسي برجليكم 



فهد : اي حتى تحطو على روسكم 
 منذر : فهد صوتك لخاطر دينك اسكت ليسمعوك وتكب العيطه



عباس : فهد عمي بروح ابوك اسكت 



فهد : ممكن الزبده لتجر وتعط بروح الجابك اختصر 



..... نريد خمسه وتلاثين مليون هاي من غير تكاليف عمليه ابنه 



علي : شنو هو بكيف.....



فهد : قاطعت علي ... موافقين بس انطوني يومين حتى اسحب المبلغ وانطي الكم 




        
          
                
عباس : عمي المبلغ جبير شجاك صدك تحجي 



فهد : ميخالف عمي بس خلي تفظ هالسالفه لان جزعت روحي 



منذر : ميخالف فهد بس شنو معناها انت تدفع كل الفلوس انتظر بلكي يرجع الفلوس 



فهد : اخوك الكوا.... ميرجع واني ادري اذا ميأمن على نفسه بالكامل ميطب بغداد مو تعلمني بي فخلي اشتري راحه بالي بالفلوس احسن ما يصير عليكم لو على خواتي شي لان بساعتها هاي عشيرتهم كلها اخلصها لو اعرف انعدم 
عباس : ضلينه كاعدين بحدود التلث ساعات نتفاهم بالموضوع لمن فضت السالفه بان تدفعلهم الفلوس وكلشي ينتهي ... طلعو العالم وبقينه بس احنه 



حارث : فهد صدك راح تدفع فلوس المشروع كلها 



فهد : هزيت راسي 



عباس : مو بكيفك المبلغ نتقاسمه بالنص 



مهدي : حتى اني اشيل من المبلغ وياكم ما اخليك تتحمل كل المسوؤليه انت  



فهد : لا عمي رحم الله والديكم عندي وكفتكم ويايه تسوه الدنيا اني الحمدلله متمكن واكدر انطيهم الفلوس بدون ما ادير بال الفلوس اني اجيبها مو هي تجيبني حتى اهتم وخاف عبالكم سوايه فيصل راح اسكت عليها لا وداعت امي بس خلي اخلص من سالفتهم وانوب اتفرغ لهالنذل 



عباس : تنهدت تعال شوف يا سالم فهد الي كضيت عمرك تأذي وتحطم بي صار رجال وعليه العتب وتحمل مسوؤليه انت بذاتك ماجنت تكدر تتحملها .... كمت يله عمي تسمحولنه اني اروح ارتاحلي شويه 



مهدي : كمت اني هم اخذني وياك باوعت لفهد عمي امانه عليك ومامبري الذمه اذا تحتاج شي ومتجيني شتريد وشتحتاج تلكا حاضر 
فهد : تسلم عمي اكيد لو احتاج شي ما اتردد اجيكم  .... طلعو عمامي وولدهم واحنه طلعنه من الاستقبال شفت الامه العربيه كلها متجمعه 



سعاد : بشر شصار 



فهد : شصار يعني انطينه فصل للجماعه وخلصت السالفه 



سعاد : ياا كللووووووووش بشرك الله بالخير يمه راح يرجع وليدي هلهلي ولج رجلج طلع من السالفه



آلاء : كللووووش الحمدلله راح يرجعلي رجلي 



ايمان : كرت عينج ام فيصل 



ليلى : احسج مو فرحانه 



ايمان : ليش يمه ما افرح قابل شعندي وياا 



ليلى : عبالي ضايجه لان اخويه راح يرجع سالم 



فهد : كعدت ليش منو كال فيصل راح يرجع 



سعاد : هسه اخابره اكله تعال روحي ولج ورده جيبي موبايلي 



ورده : اني شكو ابني لو ابنج هو 
فهد : لحظه ورده ... ضميت اديه انتي مو كلتي ماعندج تواصل ويه فيصل وتخابري ميرد عليج 



سعاد : هاا لالا اني ماعندي اي اتصال وياا بس كلت خلي اجرب اخابره بلكي يرد عليه 



فهد : زين الي يرد يجرب يكون متأكد ومتحمس لهلدرجه شو مجاي استوعب كلامج 




        
          
                
آلاء : شنو فهد هو تحقيق 



فهد : باوعتلها انتي لتدخلين الكلام ما موجهه الج فسدي حلكج احسن الج لومنج اني على سوايه رجلي وجهي ما اراوي لأحد بعد 



ليلى : فهد شجاك شنو متشمت بفيصل انت ... اني اكول بدال ما تكعد تحجي عليه وتتشمت بي روح شوفلك طريقه تكدر ترجعه بيها 



فهد : واني اكول خلي جم حجاره بجيوبج وثكلي شويه حتى ما انجبر اخلي ايدي تعلم على وجهج 



ليلى : باوعت لامي اشرتلي اسكت ... الله لايوقفك ياوسام من كطفتني هالكطفه وخليتني تحت رحمة هالميسمه هذا 



ايمان : كوم يمه فهد ارتاح من الصبح لسه انت كاعد ومتاكده حتى نوم مانمت 
فهد : راح اطلع اشم هوى شويه اختنكت هنا انتي لتشيلين هم 



ايمان : براحتك يمه 



____________________ 



غنى : نزلت من فوك اريد احجي ويه خاله فتحت غرفتها ودخلت لكيتها تبجي .... بخوف شبيج خاله 



سحر : مسحت دموعي مابيه شي يمه شويه ضايك خلكي 



غنى : كعدت يمها من شنو ضاك خلكج خاله عليج الله اني ممرتاحه صاير وياج شي 



سحر : باوعتلها و تنهدت .... لا يبعد خالتج كلشي مابيه بس تدرين مرات تضوج ويضيك خلكنه فنبجي لتشيلين هم 



غنى : خاله اني متعلمت عليج تضمين عني شي 



سحر : نونه حبيبتي كتلج ماكو شي لتلحين عليه حبابه تره كلش مالي خلك 



غنى : باوعتلها بس لو اعرف شبيج ياخاله وشنو الي صاير وياج حتى هيج دتبجين ...تنهدت خاله اني ممقتنعه بكلامج بس مع هذا محلح عليج واجبرج تحجيلي بس كل الي اكدر اكوله اني موجوده يمج شوكت ماتحسين نفسج تردين تحجين او تفضفضين اني موجوده 
سحر : حضنتها اروحلج فدوه ياخاله والله انتي حنينه عليه اكثر من بنتي



غنى : على طاري بنتج صدوك حوراء شلونها 



سحر : شلونها يعني بخير حايره بنفسها 



غنى : حسيت نبرة خالتي بيها حزن و عتب معقوله متعاركه ويه حوراء وهيج متأذيه ... عفتها وكمت من شفتها هيج ضايجه تلقائياً ضجت وياها طلعت بره دائما سؤال يخطر على بالي هم اكو اشخاص عايشين بسعاده تامه وعمرهم مشافو يوم واحد موزين .... باوعت سطله الزبل (تكرمون) يووو نسيت اذبها كمت اخذت عبايه خالتي لبستها واخذت السطل وطلعت الدنيا ليل والشارع يصفر تمشيت شويه عن البيت ذبيت العلاكه بالحاويه ورجعت وصلت للبيت شفت فهد كاعد بره منتجي على سيارته ويدخن فزيت لان مجان موجود شجابه بهالسرعه 



فهد : باوعتلها خير اكو شي 



غنى : احم لا ماكو شي بس اخترعت لان شفتك



فهد : انتبهت عليها لابسه عبايه سوده وهي بيضه حسيتها ضوت المكان بوجها .... اخذت نفس الجكاره متطبين لبيتكم شبيج صافنه بوجهي اخذي صوره اذا تردين ماعندي مانع 
غنى : هااا يي ي يله باي .... دخلت جوه وسديت الباب ... شكد ميستحي هالرجال شنو اخذله صوره علساس من جماله واباوعله همزين مزنجر 




        
          
                
فهد : سمعتها وابتسمت اني مزنجر يا ام وجهه الفاهي هم تحجي البلكه 



____________________ 



ايمان : كاعده اني واروى ودخلت علينه ورده تتخنس ... شكو شبيج



ورده : كعدت يمهن تدرن شسمعت 



ايمان : باستغراب شسمعتي 



ورده : جنت طالعه من غرفتي وسمعت سعاد وآلاء كاعدات يحجن هنه وبتول 



اروى : احجي شجان يحجن 



ورده : سعاد جانت تكول اللآء ديربالج تخلين فيصل يفكر يرجع كليله خلي يبقه بمكانه وابد ليرجع لحد ما فهد يدفع كل الفصل للناس ويهدئ الوضع  ياله ترجع تره فهد كلبه شايل عليك ليروح يسويلك شي 



اروى : وآلاء شكلتلها 
ورده : كلتلها كتله لترجع والفلوس خليهن بالبنك حتى فهد مياخذهن منك من ترجع 



اروى : شوف النذاله والحقاره شفتي يمه وانتي تكولين سعاد خطيه ومستخطيتها هي وجنتها وكاعده تهدين بيهن من عسى هد عليهن عزرائيل وخذه ارواحهن وخلصنه من شرهن 



ورده : والله هذني حتى عزرائيل يقرف يدنه يمهن ذنبي منبع قذاره مثلهن مثل البلوعه 



ايمان : ضربتها بالسبحه ورده الفاظج ادبسزز شهالحجي ولج 



ورده : مسحت على ايدي اااخ شبيج يمه عورتيني 



اروى : يعني يا يمه انتي عفتي كل السالفه وركزتي على الفاظ ورده 



ايمان : يعني شترديني اسوي ما اكول غير الله قبيلهن وهو الي ياخذ الحق من عيونهن عمره الباطل ما انتصر .... هنه مكيفات على فلوس الحرام خلص منهن لربهن مايخصنه بيهن 



ورده : بس اريد اعرف شلون صارلج عمر معاشره سعاد العوجه وصامده ماادري 
ايمان : خليني ساكته لو شكد ما احجي عن الي سوته بيه سعاد وشكد شفت ضيم واذيه منها مااكدر اوصف ذره منه ... والله مرت عليه ايام انام ميته من الجوع جانت تقفل الثلاجه وتاخذ المفتاح وحتى الخبز تاخذه يمها لو من جانت تكعدني من الصبح انظف واطبخ الي يعجبها واخبزلها جنت بالبدايه اتمرد ومااقبل لان مو اني الي اقبل واحد يحاجيني ويأمرني جانت شخصيتي قويه اول ما اجيت بس بعدين ابوكم الله يرحمه كام يضربني ويأذيني فكمت انجبر اخضع للامر الواقع واشتغل بسكته 



اروى : ابتسمت بألم تذكرين من جانت تخليني انظف طابقها اكنس وامسح وليلى كاعده وحاطه رجل على رجل واني طالبه بالابتدائيه اشتغل شغلها لو بتول من جان بابا يجيبلها ملابس والعاب هي وليلى واني اضل اباوعلهن من بعيد وهو جان يكتفي يطبع بوسه على راسي ويكلي يله المره الجايه اجيبلج ... بس شنو الفائده وهو فضل بت اخت مرته عليه 



ايمان : صحيح ابوكم جان قاسي بس الشهاده لله جان يحبكم خاصه انتي جان يموت عليج لان تشبهيله بس اني اكلج جان كلما يتقرب منه سعاد تسحبه وابوج الله يرحمه جان عربانه بيد سعاد بس تحاجي يندفع 




        
          
                
ورده : اني ما اتذكره بس شايفته بالصور بس مره سمعت سعاد تكول فهد كلما يكبر جاي يصير مثل سالم ومافهمت هالشي زين لو لا 
ايمان : للاسف فهد اخذ بعض صفات ابوكم ... العصبيه الاستفزاز القساوه التزمت وهواي امور بس فهد شخصيته اقوه من شخصيته ابوكم اكثر شي جان يميل لجدكم الله يرحمه هاي اذا تذكرو 



ورده : اني كلشي ما اتذكر موزين مني متذكره اشكالكم 



اروى : ضحكت والله عدج سوالف 



ايمان : سوالف مكسره .... طاحظ الي رباج هالتربيه الزفره 



ورده : ليش تسبين نفسج ماما 



ايمان : نزعت الي برجلي وكمت وراها 



ورده : يله فنج تلزميني اذا انتي مره لزميني 



اروى : ههههه دشوفي شراح تسوي بيج اباوع لامي طلعت تركض وره ورده .... حبيبتي ورده فدوه لكلبها ونسه البيت هي 



______________________



صباحا 
غنى : سمعت الباب يندك طلع فتحتها ... انصدمت شفت خاله سهاد هاي شعدها هنا 



سهاد : شلونج خاله نونه شخابرج مشتاقتلج هواي 



غنى : ضليت صافنه عليج اكلتي اكل بالسلام ... تشتاقلج العافيه بس شنو سبب هالزياره المفاجئه 



سهاد : شنو يعني تطرديني اروح ارجع لبيتي 



غنى : لا العفو مو هذا قصدي بس تفاجئت من شفتج 



سهاد : عليمن تتفاجئين شنو بنت اختي واشتاقيتلها واجيت اشوفها كليلي وين خالتج 



غنى : جوه تفضلي دخلي 



سهاد : شلونج خيتي بعد كلبي مشتاقتلج 



سحر : سلمت عليها هله بيج 



غنى : اباوع لخالتي سحر سلمت على سهاد من وره خشمها 



سهاد : اليوم شمسوين غده تره غدايه عدكم 



غنى : مركه بانيه 
سحر : خاله نونه صعدي جيبي الملابس من السطح وحطي شي على راسج خاف اكو احد وانتي سهاد تعاي اريدج 



غنى : باستغراب اي هسه .... صعدت فوك معقوله خاله سهاد زيارتها اليوم النه بدون سبب شو ما اصدك 



سحر : فكرتي بألي كتلج عليه 



سهاد : اي فكرت وموافقه بس كون اخذ أذن رجلي خو ما اتصرف بكيفي 



سحر : بعصبيه مو كتلج استعجلي بالشغله بعد ماعندي مجال واني والله لوما مجبوره ما الجئ الج لو تطلع نخله براسج 



سهاد : هسه ديله عاد لتسويلي مثاليات ... تعاي كليلي كتيلها لو بعدج لان مبين بعدج ما كايلتلها من شفتها استقبلتني مستغربه عرفت 



سحر : لا ما كتلها احاول اختار وقت مناسب واحجي وياها 



سهاد : اكلج استعجلي تره اذا تتاخرين مو بصالحج 




        
          
                
سحر : ادري بس فهميني هالبنيه وين اوديها 
سهاد : يطبها هرش احنه شكو كلمن يلتهي بروحه شنو عايزين واني والله لو ما الشغله بصالحي يما افكر اسوي هالشغله شنو عايزني هم 



سحر : كافي سدي الموضوع لتجي غنى وتسمعنه  



غنى : نزلت من فوك بس شافني سكتن .... شبيهن ذني ابد ما مرتاحه لوضعهن ... رحت اشوف الغده استوه لو بعده صارت الدنيا ظهر كملت الغده ورحت اصلي 



سهاد : يمعوده كتلني الجوع اني كل اليوم الساعه بالدعش متغديه وهسه صارت الوحده وين صرتي دتعوفي القران وكومي 



غنى : صدقت بس لحظه خاله خلي اكمل هالصفحه واكوم اصب 



سهاد : دكومي كومي ماطاير القران منج عود كملي بعدين عوفي الديانه وكومي صبي 



غنى : استغفر الله اكو واحد يحجي هيج على كلام الله سديت القران وكمت نزعت الجادر ورحت صبيت غده وكعدنه نتغده 



_________________ 



فرح : هاك حبيبي 
فهد : اخذت استكان الجاي منها .... باوعت للستكان ورجعته لمكانه 



فرح : اباوعله عفس وجهه شبيك شنو الجاي مو طيب 



فهد : بقرف ليش الاستكان وصخ 



فرح : لا والله نظيف حتى ستوني غسلته 



فهد : حتى لو هاج كومي غسلي بماي حار وزاهي جلفي زين ورجعي صبي بي 



فرح : يمه منك شكد توسوس كمت غسلته بماي حار وصبيتله واحد جديد تفضل



فهد : اخذته منها اي هسه نظيف ... شلت راسي لكيتها تباوعلي شبيج 



فرح : مابيه بس يعجبني اباوعلك ليش ميصير 



فهد : ابتسمت لا يصير 



فرح : شنو راح نضل كاعدين وساكتين متريد تتونس 



فهد : دخلي اكمل جايي لتستعجلين على رزقج  
فرح : ضحكت كمت بدلت وطلعت علكت المسجل وتحركت كدامه ... احب اشوف بعيونه لمعت اعجاب شوكت اشوف لمعت حب ماادري ... لو تزوجت وحده متعرف تركص شتسوي 



فهد : بهدوء اطلكها 



فرح : تطلكها لان متعرف تركص 



فهد : هزيت راسي يمكن بس لتخافين شرط من شروطي الي اخذها كون تعرف تركص 



فرح : فتحت دكم الفستان يعني اكدر اكول اني موجوده بيه واحد من شروطك 



فهد : الشروط الجنسيه اي بس الشخصيه لا رجعت جسمي على القنفه 



فرح : ضليت اتحرك لحد ماوصلت يمه دنكت عليه لزمت ياخه قميصه دنيت شفايفي ناويه ابوسه .... سمعت صوت الموبايل 



فهد : دفعتها بخفه وكمت طفيت المسجل راد على الموبايل ... الوو 



عباس : عمي فهد وينك 
فهد : طالع ليش محتاج شي 




        
          
                
عباس : لا بس ردت اسأل كدرت تسحب كل المبلغ لو اسحبلك اني 



فهد : سحبت قسم البارحه وفد ساعه واطلع اسحب القسم الباقي لان ميصير اسحب كل المبلغ مره وحده 



عباس : خوش من ترجع خلي الفلوس يم بيبيتك تعرف شنو قصدي مو 



فهد : اي افتهمت 



عباس : يله اخذ راحتك 



فهد : مع السلامه ... سديته درت وجهي لكيت فرح وراي 



فرح : ويامن جنت تحجي 



فهد : هيج مو يمج 



فرح : سمعتك تحجي بفلوس وبنك خير شعندك 



فهد : شكلنه فرح 
فرح : حضنته خلص سد الموضوع تعال نكمل كعدتنه ... بس عندي فضول اعرف بأي بنك خال فلوسك 



فهد : وخرت اديها صار عندي شغل مستعجل لازم اروح 



فرح : مو علساس تبات يمي اليوم 



فهد : عدلت ملابسي مو كدامج طلعلي شغل يله عود من يصيرلي مجال امرلج 



فرح : افف ماشي 



فهد : طلعت ... همزين بعدها الساعه بالثنتين رحت سحبت القسم الثاني من المبلغ وتوجهت لبيت جدي نزلت فتحت الباب ورحت بوجهي لغرفه بيبتي دكيت الباب ... هاا حجيه شلونج بست راسها 



ياسمين : هله يالكاطع شلونك 



فهد : ابتسمت والله حقج بس شسوي ماعندي وكت المهم عوفج من العتاب .... هاج هاي الجنطه خليها عندج باجر الصبح اجي اخذها منج 



ياسمين : خير شنو بيها 
فهد : بيها فلوس الفصل عمي عباس ماقبل اخذهن للبيت والخزنه العندي مليانه ومتكفي اخلي بيها هالمبلغ كلشي يصير وسعاد كلشي اتوقع منها 



فهد : خليته بالكنتور 



ياسمين : اي لتأمن بيها سعاد مو امان فتحتله الكنتور هااك خليهن هنا وباجر تعال اخذهن 



ياسمين : خلص امن 



فهد : عاشت ايدج تدرين بيه ما أمن بغيرج وامي فقيره تضحك عليها سعاد بحجايتين وتستغفلها 



ياسمين : امك مو فقيره امك تخاف ربها لهسبب دومها ساكته ومتحجي 



فهد : ميهم تعاي ياحلوه سولفيلي شخبارج كرصتها شهالجمال هذا يرادلج شايب معدل يونسج 



ياسمين : خليت شيلي على حلكي ضاحكه دهر صابك فهيدان ابو سوالف المكسره ولا تكعد راحه 



فهد : هههه 
سهاد : اكول غنى انتي بعدج تخيطين 



غنى : اي 



سهاد : زين شكد تحصلين 



غنى : حسب نوع الخياط شنو وحسب عدد الي يخيطون 



سهاد : يعني تكسبين لو لا 



غنى : لا الحمدلله نعمه من الله وحالياً دافكر اخذ دروس خصوصي هم 




        
          
                
سهاد : يعني انطيني مبلغ شكد تحصلين 



غنى : يعني اذا وجبه زينه تجيني ميه ميتين مرات اكثر هيج شي



سهاد : ابتسمت خوش خوش 



غنى : شنوه الخوش 



سهاد : اقصد خوش يعني عندج دخر زين 



غنى : الحمدلله 
سحر : اكول سهاد رجلج باقي وحده بالبيت ميصير تعوفي وحده 



سهاد : يمعوده عوفي الي خلكه اني 



سحر : خطيه صارت الدنيا ليل وانتي عايفته وحده 



سهاد : هاا اي يله صار لازم اروح كمت بوستهن خاله غنى امانه كلشي تحتاجي خابريني 



غنى : بهدوء ان شاءالله .... طلعت خاله سهاد باوعت لخاله سحر .... خاله مو جنج طردتيها 



سحر : لا ليش اطردها متوهمه



غنى : متأكده خاله شو اني حسيتها طرده بطريقه غير مباشره 



سحر : غنى لتلحين براسي تره مالي خلك روحي لتخليني اصير عصبيه 



غنى : بهدوء شبيج خاله هسه شكتلج اني 



سحر : كاعده تحققين ويايه من الصبح لسه  
غنى : باوعتلها وداعة مروان اكو شي بس انتي متقبلين تحجين والله يستر من كعداتجن انتي وسهاد .... عفتها وصعدت لغرفتي 



___________________ 



بعد مرور ثلاث ايام 



مرتضى : يمه اريد احاجيج بموضوع 



نسرين : احجي يمه 



مرتضى : يمه اني نويت اتزوج 



نسرين : ابتسمت يعني نويت بس مو علساس كلت وره التخرج 



مرتضى : هو شبقه للتخرج يا يمه اريد استقر 



نسرين : وابالك البنيه الي وياك بالكليه مو 



مرتضى : اي اريدج تخطبيها بس مو هسه فد شهر حتى امهدلها 



نسرين : شتمهدلها انت مو كتلي عندك علاقه وياها من زمان فعلى شنو تمهد ادخل بصلب الموضوع 
مرتضى : هاا لا بس لازم احاجيها بالموضوع 



نسرين : صدك تعال انت شلون تريدني اخطبها واني كلشي مااعرف عنها 



مرتضى : كلبت عيوني اسمها غنى عمرها واحد وعشرين يتيمه الام والاب وعدها اخ واحد وتوفه قبل اشهر وهسه كاعده بصف بيت خالي سالم الحايط على الحايط شكلها بيضه كطن وعيونها سود قصيره نوعا ما ونحيفه بالمختصر ايه من الجمال ومؤدبه وحبابه وتشتغل خياطه كافي هالمعلومات لو احجي بعد 



نسرين : فتحت عيوني تعال ولك تريدني اخطب هاي الخدامه الك صدك تحجي 



مرتضى : خدامه شنو ؟ 



نسرين : ولك هاي جانت تشتغل خدامه عد بيت خالك سالم شلون تأمن تتزوج وحده جانت تشتغل ببيت كله زلم شباب وعزابيه وكلشي يصير شمدريك ما واحد من ولد خالك ضاحك عليها وشو شمسوي وياها 




        
          
                
مرتضى : بعصبيه استغفر الله شهالحجي يمه البنيه مثل الورد وماشيه على الصراط المستقيم طلاب القسم كله يخافون يدنون يمها لان خوش بنيه ويدرون ماعدها سوالف مكسره جايه انتي تشوهين سمعتها 
نسرين : ولك يمه انت كلتها طلاب مو صايره بنص صاحب معارض ومدرس ودكتور وضابط يعني فرصتها جبيره وياهم وهي مو غبيه حتى تضيع هيج فرصه خاصه هي فقيره وماعدها 



مرتضى : لا يمه لو شكد ما تحاولين تقنعيني غنى صورتها ابالي طاهره ومستحيل تدنس 



نسرين : شوف مرتضى اني ماعندي غيرك مال ازوج ابني الوحيد وحده مثل هاي لا والله لو تطلع نخله براسك فتهمتت .... كمت من يمه عايزني اني اخذلي خدامه جانت تشتغل عد بيت اخويه شنو تريد سعاد تتشمت بيه والله لو تموت مااخطبها  



مرتضى : مسحت على وجهي هاي منين طلعتلي هالسالفه .... علساس غنى موافقه عليه هسه حتى انتي تتبطرين عليها 



_______________________



ايمان : كاعدين نتعشه اباوع لفهد يباوع لسعاد بنظرات غريبه .... وهي هم حست 



سعاد : يمه فهد هاك ضوك هاي الكبه اني مسويتها 



فهد : اخذتها كبتج ذكرتني بكبه البصره هيج طعمها صدك شنو رأيكم نروح للبصره 
سعاد : هاا شعندك بالبصره اكعد واسكت قابل تعوفنه وحدنه



فهد : بأستهزاء بالعكس كون تكيفين غير نروح اني وياج نشوف كرايبنه شلونهم متونسين لا محتاجين شي لا 



آلاء : اذا جاي تلمح على فيصل تره مو بالبصره هو 



فهد : ابتسمت انتي حجيتي بالسانج خو اني ماحجيت شي 



سعاد : خزرت آلاء الله يطيح حظج كدر يسحب لسانج بسهوله ياغبره .... احم يا يايمه فيصل شعنده بالبصره خال عم هناك قابل مثل امك خوالك الفلاليح عايشين هناك 



فهد : على حسب علمي انتي عندج اخت كاعده هناك يجوز فيصل عدها لو اكلكم خلي اخابره واتأكد 



سعاد : ميجاوب صدكني 



فهد : هسه نشوف كمت طلعت خط جديد خليته ودكيت عليه بسرعه شاله 



فيصل : الوو منو وياي 
فهد : باوعت لسعاد الي وجها كام ينطي الوان ورجعت جاوبته بهدوء دير بالك تسده تره اندل مكانك واجي اجيبك سحل مثل الطلي والله 



فيصل : بارتباك هذا انت فهد 



فهد : لا ابن عمه .... اسمعني زين عندك مهله تلت تيام اذا مارجعت لبغداد بعد متطب لبيتي ومرتك وجهالك اذب بالشارع واريد اشوف منو يوكف بوجهي 



فيصل : لا والله ارجع كلشي لتسويلهم ارجع والله 



فهد : سديته .... وباوعتلهن الى متى تبقن بهالحقاره هاي بدال ما تقاطعنه لان ماكل حق غيره تأيدنه وتوصنه يضم الفلوس خوش ضمه تمنيتجن زلم والله  لنعل والديجن واحرك ابهاتجن 




        
          
                
علي : المفروض نسوي مسلسل نسمي مغامرات سعاد واولادها 



منذر : يباوع لامه ااااوووف والله فشلتينه يايمه شوكت توبين مو كبرتي بعد 



سعاد : باوعت لهالغبيه ..... اذا ما احرك ابوج اني مو سعاد خو كلت اهانه من فهد وبسببج دصبريلي 
سحر : صعدت لغنى اريد احجي وياها بعد مااكدر انتظر الوقت جاي يمر وهالشي مو بصالحي ... دكيت الباب ودخلت لكيتها كاعده تقره كتاب ... اريد احجي وياج 



غنى : اكيد تفصلي خاله 



سحر : كعدت سمعيني يمه غنى الي راح احجي ركزي بي وحاولي تتفهمين الموضوع 



غنى : بقلق خير خاله احجي 



سحر : غنى اني لازم اسافر بعد مااكدر ابقى هنا



غنى : انصدمت بكلامها ... وين تردين تسافرين



سحر : اريد ارجع يم رجلي 



غنى : نملت عيوني دموع حجيت بصوت مستهضم مو علساس كلتي حستقر هنا وما اعوفج 



سحر : جنت مقرره هيج ومازلت مااريد اعوفج وحدج بس عمج ابو حوراء تعارض قبل اسبوع وحالته موزينه ولازم اروح ابقه يمه والله مااطول بس اطمئن عليه 



غنى : واني 



سحر : ردتج تسافرين وياي بس جواز سفر ماعندج خابرت بنتي حوراء كتلها خليج يم ابوج وداري لبين مااسوي جواز لغنى واجي رفضت وتحججت بدوامها ورجلها فأنجبرت اخذ هيج اجراء يمه لتزعلين مني بس اني وكعت بين نارين بين رجلي وبينج 
غنى : ابتسمت يله عادي هي بقت عليج همه كلهم عافوني 



سحر : لزمت وجها يمه غنى والله العظيم وربي يشهد عليه هالسفره غصب عني صارت ما بودي اعوفج انتي بنتي اني الي ربيتج شلون اعوفج بس والله من كد ماخايفه على عمج راح اسافر ابقه يمه 



غنى : منيلج فلوس السفر



سحر : تداينت من نورس مرت خالج خالد 



غنى : وشوكت تسافرين 



سحر : باجر طيارتي بالاربعه العصر اخذج باجر العصر لبيت خالتج سهاد واروح للمطار 



غنى : شعندي عد خالتي سهاد 



سحر : راح تبقين عدها كم شهر لحد ما يتحسن وضع عمج واني ارجع 



غنى : ما اروح خاله ابقه هنا 



سحر : تبقين وحدج هنا انتي مخبله 
غنى : اي شكو بيها قابل انوكل وحدي وبعدين اليوم وله باجر اني حبقه وحدي فليش ما اتعلم من هسه 



سحر : يمه ماكو شي اسمه تبقين وحدج اني لوما مجبوره مااعوفج واروح وماراح ابقه هناك كلها شهر زمان وارجع وانتي تبقين يم خالتج سهاد ماعدها احد بس هي ورجلها على الاقل اامن عليج هناك يمها مو هنا اعوفج وحدج مدري يطفر عليج حرامي مدري شو شيصير اكيد اخاف عليج 




        
          
                
غنى : وشغلي شلون بي نسيتي اني ملتزمه ويه الناس ومتفقه وياهم على الملابس شلون بيه 



سحر : خيطي هناك ومن تكملين بلغي الناس وتعالي انتي وخالتج فتحن البيت وانطن ملابس النسوان 



غنى : انتي ليش ماخذه الموضوع بهالسهوله هاي ...... تره اني جبيره واكدر اتحمل مسوؤليه نفسي وبعدين سهاد شعجب رف كلبها وقبلت تخليني يمها معقوله لله 



سحر : راح ادزلها راتب شهري مناك لحد ماارجع 



غنى : توقعت ادري بيها مو حنينه ومتحبني لهلدرجه



سحر : اباوعلها تحجي والدمعه تلمع بعينها ...ااخ منج ياحوراء لو مكابله ابوج ولو شويه ومنتظرتني اطلع لهلمسكينه جواز واخذها واسافر يمكم بس بت بطني طايح حظها وحتى على ابوها الي جاب عمره طول بعرض يدفع دم كلبه حتى يعيشها تالي تستنكف تبقه يمه الحقيره 
غنى : بعد مكدرت اتحمل لمجرد تخيلي خاله هم حتعوفني وتروح كمت ابجي ... خاله الله يخليج لتعوفيني وحدي والله ماعندي احد واخاف ابقه وحيده 



سحر : حضنتها وبجيت سوده عليه بعد كلبي عساها عافيتي تعدمني اذا راح اعوفج بأرادتي والله مجبوره يايمه 



غنى : بدموع اني بعد مااتحمل كلها عافتني وحدي بالاول بابا وماما وبعدهم مروان ووراهم بيبي وهسه انتي كليلي وين اروح ويامن احجي منو يلعب بشعري وينومني بحضنه بعد ليش كلكم تبقون ويايه فتره وانوب تعوفوني شمسويه اني كليلي شنو الي بيه حتى كلكم تنفرون مني وتعوفوني 



سحر : مسحت دموعها مااعوفج يمه والله ما اعوفج حسبيها فتره مؤقته بس يصير رجلي زين ارجع يمج اني وياا والله 



غنى : بدموع واذا مصار زين 



سحر : لا ان شاءالله يصير زين وتشوفي شلون يكيف عليج هسه لان من جنتي صغيره جان يحبج ويلعبج ويتعارك وياا ابوج ميقبل واحد يشيله غيره 



غنى : ابتسمت يعني حترجعين 
سحر : والله ارجع اكو ام تعوف بتها كليلي  



غنى : حضنتها خاله اني احبج هواي ماعندي غيرج حبابه لتعوفيني 



سحر : مسحت على شعرها واني هم احبج ياعمرها لخالتج انتي 



غنى : غطتني خالتي وطلعت وبيومها ماكدرت انام الليل كله ضليت كاعده طلع الصبح واني عيني ماغمضت اسمع خالتي تفتر تجهز بجنطتها وغراضها ... لمن صارت الساعه بالعشره كمت من فراشي طلعت لكيت عيون خالتي حمر مبينه باجيه ... طلعت موبايلي خابرت البنات مكالمه  جماعيه حموت اذا ما احجي 



نرجس : صباح الخير شنو اليوم غنى الله هاديج ومخابرتنه 



اروى : صباحوو هاا نونه شعجب اليوم مخابره انتي 



غنى : بنات اني حروح 



نرجس : فدوه للمطي ههه 



غنى : صدوك نرجس اني حروح اليوم واعوف بيتنه 
نرجس : اختفت ابتسامتي ليش 




        
          
                
اروى : صدك تحجين وين تردين  



غنى : خاله سحر حتسافر اليوم واني حروح اعيش عد خالتي سهاد 



نرجس : مو علساس متعوفج وراح تستقر بالعراق شغير رأيها 



غنى : زوجها متعارض وحتسافر تبقه يمه 



اروى : يعني راح تعوفيني وبعد مااشوفج 



غنى : لا بين فتره وفتره اجي افتح البيت حتى اسلم الطلبيه مال الملابس وعود اشوفج 



نرجس : غنى زين شلون والى متى تبقين عد خالتج المسمومه هاي 



غنى : ماادري لحد ما خاله سحر ترجع 



نرجس : تدرن بنات اعتقد صرة غنى ذابيها بالمحكمه 



اروى : ليش 
نرجس : لان وين ماتروح المشاكل وراها 



غنى : ابتسمت ادري بيها تنكت حتى متضوجني ... حبيت ابلغكم قبل لا اروح 



اروى : نرجس تعالي اليوم يمي حتى نتجمع 



نرجس : جعفر ماهو منو يجيبني يله ان شاءالله فد يومين ونجي نزورج هناك 



غنى : ان شاء الله يله بنات اني اروح باي 



البنات : باي 



غنى : رحت اسوي الغده وخاله اجت يمي كعدنه نحجي بيومها استغلينه كل دقيقه وكعدنه نسولف ونضحك ونمت بحضنها لمن صار الوقت طلعت اسلم على اروى واروح .... دكيت الباب طلعلي علي ... السلام عليكم 



علي : وعليكم السلام شلونج غنى 



غنى : الحمدلله عادي تصيحلي اروى 



علي : تعالي تفضلي دخلي واني هسه اصيحها 
غنى : دخلت للطرمه اباوع فهد كاعد بالحديقه درت وجهي عنه شكد ينرفوني هالرجال ... باوعت اجتي اروى 



اروى : حضنتها يعني راح تروحين 



غنى : للاسف اي 



اروى : وشوكت ترجعين 



غنى : مااعرف بس ان شاء الله مااطول .... ابتعدت عنها يله اني صار لازم اروح اجيت اسلم عليج واروح 



اروى : حبيبتي والله راح اشتاقلج على الاقل من جنت اضوج اجي يمج هسه رجعت وحدي 



غنى : ابتسمت حبيبتي والله حتى اني مابودي اترك هالمنطقه بس شسوي يله سلميلي على خاله والبنات مع السلامه 



اروى : الله وياج حبيبتي .... راحت وسديت الباب وراها سوده عليه ياغنى دومج كاتلج القهر وتبتسمين والله هاي لو اني مكانج جان طكيت ومتت من زمان 



فهد : وين راح تروح وكلبتها مناحه هسه 
اروى : راح تنتقل يم خالتها الثانيه لان هاي راح تسافر اليوم 



فهد : زين هي ماعدها عمام اهل ابوها وين 



اروى : تنهدت عمامها ميردوها وبيبيتها متدري خطيه كايليلها هي متقبل تجي وحتى بوفاه اخو غنى متدري 



فهد : هاا ... الله يساعدها 



___________________ 



غنى : وصلنه لبيت خالتي اباوع البيت مبين صغير ... دكينه الباب طلعتلنه استقبلتنه دخلت مكينتي وغراضي اني وخالتي 



سهاد : اهلا وسهلا نورتي نونه 



غنى : النور نورج خاله 



سحر : حبيبتي غنى اني صار لازم اروح للمطار بعد ماعندي مجال 



غنى : بعد وكت 
سحر : لازم قبل ساعتين اني بالمطار علما اكمل الاجرائات تعاي بعد كلبي 



غنى : حضنتها ودموعي تنزل حبابه خاله دائما خابريني ولتكطعين بيه 



سحر : طبعا ما اكطع بيج بنيتي انتي بعد كلبي بوستها ورجعت ويه التكسي حتى اروح للمطار يارب دخيلك احفظلي هالبنيه بجاه النبي عندك 



غنى : اباوع لبيت خالتي وصخ يلعب النفس بيوت العنكبوت تارسه البيت التراب والدهن تارس الطباخ بالمطبخ 



سهاد : شوفي خاله بهذا البيت ماكو بس اني وياج واني مره جبيره مااكدر اتحمل مسوؤليه البيت انتي هسه راح تكعدين عدنه فأريدج تعاونيني بالمصرف خوش كلشي نتقاسمه بالنص المسواك وكلشي نص عليه ونص عليج ماشي  



غنى : هزيت راسي 



سهاد : انتي متغديه 



غنى : اي 
سهاد : خوش ... وهسه خلي غراضج فوك فرغتلج غرفه انتي نظفيها تدرين بيه ما عندي حيل انظف
... يله اني اروح اناملي جم ساعه اريدج تنظفين البيت لان اني مره جبيره ومااكدر



غنى : ماشي بس وين مواد التنظيف 



سهاد : بهذا الممر اكو غرفه معزوله طبيلها تلكين بي الغراض يله اني اروح 



غنى : صعدت فوك خليت غراضي بالغرفه الي من شفتها لعبت نفسي عبالك داخله تواليت مو غرفه ... ذبيت غراضي لبست دشداشه عريضه ولفيت شالي ونزلت اجيب غراض التنظيف حتى انظف اني مااتحمل ابقه بهالوصاخه ... دخلت للممر لكيت الباب بس بيها مفتاح فتحت الباب ودخلت .... وجان انصدم ... بسم الله الرحمن الرحيم ياربي دخيلك 



****************************** 
 

google-playkhamsatmostaqltradent