رواية رواسي الدهر الفصل الحادي عشر 11 - بقلم روح الدليمي

 ➰➰➰➰➰

شسووويت اني شسوووويت، بقيت حايره شلون اخذه 

للغرفه ما اكدر اسحبه اني وحدي.. بقيت اروح و اجي 

بمكاني افكر بطريقه، اجت ببالي فكره رأساً طلعت 

تلفوني من الجنطه و اتصلت على ادم.. 

جاوبني بعد مده.. 

رواسي:ادووم محتاجه مساعدتك 

ادم:خير صاير وياج شي؟ 

رواسي:خطفت رسيم 

صار يضحك و گال 

ادم:صدك تحجين؟ 

رواسي:والله شبيك و اريدك تساعدني اريد اربطه 

اطيح حظ حظه اليوم، جيبلي وياك حبال قويه و تيب 

ادم:رواسي لتصيرين غبيه! 

رواسي:تجي لو اشوف غيرك؟ 

ادم:وين انتو جاي امري لله 

انطيته العنوان و سديته من عنده، كعدت يم راس 

رسيم و حجيت بصوت خافت.. 

رواسي:اسفه حَبيبي بس تستاهل، كلشي سويته بيه 

راح اعيده عليك.. اتمنى تسامحني مثل ما سامحتك على كلشي سويته  

كعدت على القنفه و نظراتي متركزه على رسيم 

و افكاري شيطانيه بس ميجي من گلبي اسوي بي كلشي يدور براسي، دك تلفوني ادم جاوبته گال 

ادم:وصلت اني فتحيلي الباب 

رواسي:يلا ثواني 

رحت ركض فتحتله الباب دخل سيارته و نزل 

باوعلي و اشر ب اصبعه على راسي و گال 

بنفاذ صبر.. 

ادم:شنوو هنااا بس فهميني ؟؟؟ 

رواسي:قندره لو براسي دماغ چان ما حبيته 

ادم:مو بس قندره قنادر والله، وينه؟ 

رواسي:نايم بالگاع 

مشيت كدامه و دخلت اشرتله عليه، تقرب منه 

رفعه و گال 

ادم:وين اودي؟ 

رواسي:هنا لهاي الغرفه..

اشرتله على نفس الغرفه الي حطني بيها لما خطفني 

سحبه من ايده و دخله للغرفه حطه على الجربايه 

و گال 

                                      

      

                

ادم:شنو ناويه تسوين؟ 

رواسي:جبت الحبال؟ 

ادم:اي بالسياره 

حجيت ب استعجال 

رواسي:بسرعه جيبهن و اربطه بطريقه ميكدر يفتح 

روحه ابد 

هز راسه معاجبه و طلع من الغرفه، شوي و رجع 

بيده كيس بي حبال و تيب طلع الحبال من الكيس 

و راح عليه ربط ايده وره ظهره و رجله 

و گال 

ادم:لهنا و اعفيني بعد ما اتورط وياه 

رواسي:اخر طلب 

ادم:شنو انوب؟ 

رواسي:جيب كم شغله للبيت فارغ

هز راسه و طلع بدون ميحجي، رحت كعدت يم 

رسيم و صرت امشي اصابعي بخفه ارسم ملامحه 

نزلت راسي عليه و طبعت بوسه على شفته 

اخذني الواهس صرت اوزع بوساتي على كامل وجهه

فتحت اول كم دكمه من قميصه و طبعت بوسه على مكان الطلقه، الاثر بعده و واضح كلش.. مرت ساعه كامله 

و اني على نفس قربي منه.. دك عليه ادم طلعتله اخذت منه الاغراض و تشكرته راح هوَ و اني دخلت للبيت 

حطيت الاغراض بالمطبخ و رحت اخذت گيتر من جنطتي لميت شعري صفگت ايد ب ايد و گلت بحماس.. 

رواسي:صار وقت تنفيذ الخطه... 

بقيت انتظر تقريباً ٤ ساعات لحتى بلش يصحى رسيم 

كمت من مكاني و طلعت من الغرفه.. متوتره كلش 

اختفت كل قوتي مجرد ما رجع يستعيد وعيه.. 

بعد عشر دقايق صار يصيح بصوت عالي.. 

رسيم:رواسيييي وينهاااا ، ليششش رابطينيييي يااا **** وينكمممم

دك تلفوني و فضحني، جاوبت بسرعه و حجيت 

بهمس.. 

رواسي:نعممم بابا 

راشد:وينج بنتي؟ 

ابتعدت عن الغرفه بسبب صوت رسيم و حجيت

رواسي:ويه رسيم 

راشد:اعرف بس تأخرتي! 

رواسي:راح ابقى هنا بعدين ارجع ليظل بالكم 

عاط بيه بعدت التلفون عن اذني انتظرته يخلص 

عياط و غلط و رجعت حجيت... 

رواسي:بس اهدئ ريلاكس دادي 

راشد:خلي يرجعج بسرعهه يلا مو تكولين ما اريده؟ شعندج وياه 

رواسي:ميكدر يرجعني هسه بعدين عود، ليظل بالكم حَبيبي أنتَ 

غلط عليه و سد التلفون بوجهي، حقه خبلتهم ويايه 

كل ساعه برأي.. صوت رسيم صار اعلى و هوَ يسب و يغلط على الشخص الي مربطه بهاي الطريقه 

ضبطت نفسي و انتظرت دكات گلبي تستقر... مشيت بكل ثقه و دخلت للغرفه

        

          

                

صارت عيني بعينه باوعلي بصدمه و گال 

رسيم:أنتِ هيج سويتي مو؟ 

ابتسمت و تقدمت عليه و حجيت.. 

رواسي:لان احبك، اريد اعذبك شوي 

عاط بيه بصوت عالي و گال بأمر.. 

رسيم:تعاااايي فتحيييي ايدييييي بسرررررعه! 

كعدت على الكرسي الي چان يكعد عليه 

حطيت رجل على رجل و حجيت بهدوء.. 

رواسي:تؤتؤ، بعد مو هسه

قدمت جسمي عليه و اردفت.. 

رواسي:بشنو حركتني حَبيبي؟ 

رسيم:اني اعلمج رواسي، يصير خير 

نزلت روحي اكثر عليه و طبعت بوسه على شفته

و حجيت.. 

رواسي:كل خير راح يصير و داعتك 

رسيم:سوالفي لتبيعيهن عليه روسيه تندمين

كمت من مكاني و حجيت بقهر.. 

رواسي:ندمانه لان حبيتك رسيم، اكبر ندم بحياتي هوَ حبي الك 

طلعت من الغرفه و عفته.. بقينه اسبوع 

كامل.. اكعد انطي ريوك بعدها اطلع اروح لدوامي بسيارته و من ارجع امر لبنتي اشوفها بالمستشفى و ارجع للبيت انطي اكل و اعوفه بالغرفه بنفس حالته .. يصيح و يسب و يشتم ما اهتميت اله ابد

گاعده مثل عادتي اگلب بتلفوني، صار يصيح ب اسمي بصوت مسموع.. كمت من مكاني و دخلت عليه 

گال.. 

رسيم:شنو تردين من الاخير؟ 

رواسي:ولا شي عاجبني الوضع و مستمتعه و اني اشوفك هيج متعذب كدامي و متكدر تسويلي شي 

رسيم:صدكيني رواسي و حك الي زرع حبج بگلبي، اخليج تبجين و تعضين اصابعج ندم على سوايتج هاي! 

مشيت و كعدت يمه على الجربايه مديت ايدي 

على الحبل اريد افتحه بس ما كدرت، كمت جبت سجينه 

و رجعت كصيت الحبل فتحت رجله و بعدها فتحت ايده 

صار يفرك بيده متألم و مكان الحبل صاير احمر على زراك.. اخذت ايده بيدي حطيت السجينه بيده 

و حجيت بثقه.. 

رواسي:ما اندم على السويته بيك ابد، بس اذا تريد تبرد گلبك ف اذبحني موتني و خليني ارتاح و اريحك مني 

شمر السجينه بالگاع و مد ايده بكل هدوء على شفتي 

غمضت عيوني متوتره.. صار يمشي اصابعه 

عليها و على غفله بيده الثانيه سحبني من شعري بكل قوته 

و حجه بتهديد و صياح.. 

رسيم:انننييييي تلعبيييين عليه ولجججج؟؟؟ 

عطت ب الم و حجيت.. 

رواسي:دتأذينيييي عوفنييييي 

        

          

                

ضربني بقوه على وجهي و رجع گال.. 

رسيم:خاف جنت ناوي اطلك هيا هالفتره، بس هسه تحلمين حلم يا رواسي اطلكها و ترجعين للبيت غصب عنج و عن اهلج! 

مديت ايدي عليه و حجيت متصنعه القوه.. 

رواسي:لتطلكهااا ميهمني ما اريدك و لا اريد شوفة وجهك بعد، سويت هيج حتى تكرهني و اتوقع نجحت بهذا الشي 

قرب راسي عليه صارت كصته بكصتي 

و گال بهدوء.. 

رسيم:غلطانه روسيه، قوتج هاي و عدم خوفج تخليني اهيم بيج اكثر

بعدت روحي عنه و حجيت بصيااح...

رواسي:بعدددد شنووو اسوييي حتى تكرهنييي و تعوفني بحالي؟؟؟ 

رسيم:حتى لو كرهتج ابقيج يمي و ما اسمحلج تبتعدين ابد 

كمت من مكاني و حجيت.. 

رواسي:ميفيد بيك بس الخيانه راح اخونك حتى تطلكني 

طفر من الجربايه اجه يمي و فر وجهي براشدي 

و عاط بيه.. 

رسيم:لوو شمااا تسوييين ما اطلكججج، اذبحج بيدي و لا اسمحلج تنفصلين عني و تروحين لغيري 

جرني من خصري و طبع بوسه عميقه 

ابتعد عني رفعت ايدي و ضربته و حجيت بتهديد.. 

رواسي:اذا بعد تمد ايدك عليه اكطع القندره عليك خاف متعرف 

عصرني من فكي بكل قوته و حجه بنتر.. 

رسيم:ولججج تأدبييييي و تاليييي وياججج؟  

لزمت ايده اريد اوخرها عني بس چان يزيد بالضغط.. 

رواسي:عوفننييي 

نزل ايده و گال بهدوء.. 

رسيم:تعلمي الاحترام روسيه، اني مو جاهل تغلطين عليه! 

رواسي:تعامل ويايه عدل و شوف الاحترام، مو مشبعني ضرب و قهر و تريدني احترمك؟

فتح ايده و گال.. 

رسيم:تعالي بحضني 

درت وجهي عنه ردت اطلع من الغرفه اردف.. 

رسيم:اذا اطلك هيا ترجعين؟ 

رواسي:مراح تطلكها اني اعرف تكذب عليه مثل المره القبلها

اجه ب اتجاهي سحبني لحضنه و مسح على راسي 

بهدوء و گال.. 

رسيم:البنيه جانت بمشكله هيَ كرايبي تصير، و حبيت اساعدها تزوجتها صار سنه 

حطيت ايدي على صدره ابعد بروحي بس چان عاصرني 

عصر بحضنه اردف.. 

رسيم:من ردت اطلگها اهلها حلفوا عليها بس تتطلك يذبحوها ماعدهم بنيه تتطلك و ترجع لبيت اهلها 

ركزت عيوني بعيونه و حجيت بنبره حزن.. 

رواسي:ليش تساعد الكل و تخاف عليهم بس اني لا؟ 

رسيم:اخاف عليج اكثر من روحي روسيه

ضربته على صدره و حجيت بنفس النبره

رواسي:جذااااب أنتَ اكبر جذاااب بالعالم كله، تحب تأذيني و تحس روحك متملكني.. رسيم اني بشر و عندي احساس و مشاعر مو جمااااد اني و ما احسسس 

        

          

                

رسيم:رجعي و خلينا نبلش صفحه جديده و كل شي تريدي يجرالج 

ابتعدت عن حضنه و گلت.. 

رواسي:امشي رجعني للبيت ابويه معصب كلش 

رسيم:ما جاوبتيني 

رواسي:اثبتلي حبك الي و اسعدني و اذا بوكتها ما رجعت الك، شتريد تسوي بيه سوي.. اهم شي عندي تغير روحك علمودي بذاك الوكت لو العالم كلها تصير ضدي اني اصير وياك و ارجعلك.. 

عفته و طلعت من الغرفه،  اخذت اغراضي و طلعت انتظره بره يم السياره.. شوي و طلع بس وجهه تعبان كلش و واضح عليه حيله مهدود.. 

فتحت السياره و صعدت بجهة السايق و گلت.. 

رواسي:يلا اصعد 

رفع حاجبه يباوعلي و گال متسائل.. 

رسيم:تسوقين؟؟ 

رواسي:اي يلا 

صعد بالسياره حركت و طلعنه.. طول الطريق ساكتين 

ما حجينه حرف واحد، وصلت بيتنه التفتت عليه و حجيت.. 

رواسي:انزل ويايه 

رسيم:ما اتحمل اكعد ويه ابوج بمكان واحد يكفي مرتين كعدت وياه 

رواسي:كلنه تتغير رسيم! 

تأفأف بضجر و نزل من السياره، دخلنا و دكيت الباب

سمعت صوت امي من وره الباب 

جميله:منوو؟؟

رواسي:اني ماما رسيم ويايه 

جميله:ثواني 

راح صوتها شوي و رجعت فتحت الباب، اخذتني بحضنها و گالت بخوف.. 

جميله:ويننن جنتييي ولجج خوفتينه عليج! 

رواسي:ويه رسيم امي خلي ندخل راح يوكع بعد شوي 

سلم على امي من وره خشمه و دخل للصاله 

رحت للمطبخ اشوف امي شمسويه اكل.. اجت يمي 

و گالت .. 

جميله:ابوج مزعوج منج هوايه روسيه

فتحت الجدر و حجيت.. 

رواسي:ماكو داعي ينزعج ترا رسيم زوجي مو غريب 

سحبتني من ايدي و حجت بنتر.. 

جميله:اكوو وحده عاقله تسوي سوايتج؟؟؟ تردي يذبحج يعني! 

طلعت مواعين من الكاونتر و گلت.. 

رواسي:شسويت ليش؟ 

نترت بيه بصوت خافت.. 

جميله:شنووو تخطفييين زوجج مخبلههه أنتِ ؟؟؟ 

لو انعديتي منه و صرتي نسخه عن اطباعه؟؟؟ 

درت روحي عليها بستها من راسها و حجيت.. 

رواسي:امي حَبيبتي أنتِ چان لازم اسوي هيج، و بعدين المفروض تكيفين رجعتها اله مثل ما خطفني خطفته! 

        

          

                

صبيت الاكل بالمواعين مسويه باميه و تمن.. 

حطيتهم بصينيه و رتبت صحن خضار و صبيت لبن 

و اردفت.. 

رواسي:اذا رسيم ميتغير اني مستحيل ارجعله ثبتتله انو اني ما اخاف من عنده و اذا يأذيني أاذي 

جميله:الله يهديج بنتي، خطفه الج غيرج هوايه مو بنتي الاعرفها، ابوج اذا يعرف يطيح حظج مناقصنه مشاكل من زوجج 

شلت الصينيه اريد اطلع و حجيت.. 

رواسي:اي والله اتفق وياج اني بنفسي مو عارفه نفسي 

طلعت من المطبخ و دخلت للصاله حطيت الصينيه 

بالكاع و گلت.. 

رواسي:يلا تعال ناكل 

رفع عيونه يباوعلي و گال.. 

رسيم:ابوس ايدج فهميني شنو يدور بعقلج؟؟ ما جنتييي هيج أنتِ شنو الي غيرج؟  

كعدت بالكاع تربعت و گلت.. 

رواسي:مو ممكن تكون أنتَ السبب؟ 

كام من مكانه كعد يمي و گال 

رسيم:شنو تريدين فهميني شلون ترجعين نفس ما جنتي؟ 

رواسي:من اعيش حياتي مرتاحه بدون خوف انو انضرب او اتأذى، من يصير كلشي مثل ما جنت احلم بي.. و هسه اكل شوي صار كم يوم تاكل بس جبن و خبز 

لزم ايدي نترتها من عنده و حجيت.. 

رواسي:تحلممم اخليكك تطخني بعد اذا متغير من روحك 

و تترك العنف.. 

مديت ايدي اخذت خاشوكه و صرت اكل ما اهتميت اله، استسلم من الجوع و صار ياكل وياي.. انفتح باب البيت و دخل ابويه صار يخزر برسيم و عاط بي.. 

راشد:ويننننن اخذتهااااا صارلها اسبوووع 

اخذ كلاص اللبن شربه كله بمره وحده و گال..

رسيم:لازم تغير صيغة السؤال عمي ال.. الغالي 

راشد:وين جنتي بنتي هم رجع سوالج شي؟؟ 

كام رسيم من مكانه باوع لامي و گال 

رسيم:عاشت ايدج 

اندار على ابويه و اردف.. 

رسيم:گتلك غير صيغة السؤال، لازم تسئلها سويتيله شي؟ 

رفع حاجبه مستغرب من كلام رسيم.. و گال. 

راشد:شمسويه؟ 

عفت الاكل و شلت الصينيه من الكاع، و حجيت.. 

رواسي:خطفته 

عفتهم و دخلت للمطبخ غسلت المواعين، سويت گهوه 

لرسيم و ترستها ملح.. صارت عباره عن ملح.. 

ابتسمت بخبث و اخذتها حطيتها يمه على الطبله 

و هوَ مستمر يسولف ويه ابويه و ينتاكرون سوه.. 

اخذ الفنجان بيده راد يشرب انبني ضميري خاف يصير بي شي، عطت بي.. 

رواسي:لاااا لتشرررببب عوفهااا 

        

          

                

گال مستغرب.. 

رسيم:ليش حاطتلي سم بيها؟ عادي هم اشربها 

كمت عليه اخذت الفنجان من ايده و گلت.. 

رواسي:هسه اسويلك غيرها ختولي هاي مو طيبه 

اشر ابويه بيده و گال...

 راشد:جيبيها اني اشربها و سويله غيرها متعود على كهوتج المحروكه

توترت كلش و حجيت.. 

رواسي:لا مو طيبه ابد ما انصحك بيها 

كام رسيم من مكانه اخذ الفنجان و شرب منها شوي 

غص و صار يكح بقوه مختنك.. 

رواسي:گتلك لتشربها ما سمعت مني تستاهل

راشد:شحاطتلههه ولججج؟ 

رواسي: شويه گهوه و طن من الملح 

جابتله امي كلاص مي اخذه شربه كله مره وحده 

و باوعلي بنظرات غضب حجيت... 

رواسي:كلنه تتغير رسيم دير بالك تعيط 

عدل ملامح وجهه و گال.. 

رسيم:لا تخبل وين اكو مثل كهوتج اصلاً 

جميله:هسه اني اسويلكم رواسي متعرف تسوي شي 

باوعتلي خزرتني و اردفت بتهديد.. 

جميله:موو بنتي؟؟ 

هزيت راسي مأيدتها و گلت.. 

رواسي:اي اي صحيح 

رسيم:عوفي الگهوه و تعالي كعدي خلي نحجي مثل البشر 

راشد:صار ساعه تكول نحجي و نحجي و كضيتها تنتر بيه

رسيم:رواسي خلي ابوج يسكت 

رواسي:انجب أنتَ مو ابويه الي يسكت 

كام من مكانه تقرب عليه، ابويه عاط بي.. 

راشد:اذا تخطي خطوه وحده بعد تجاها اكطع القندره عليك و اطردك

رسيم:گتلج عائله متوارثه قنادر ما صدكتيني 

رجع كعد مكانه و اني كعدت مقابيله بصف ابويه.. 

ركز بعيوني و گال.. 

رسيم:ترجعين ويايه و هسه 

رواسي:گتلك ما ارجع اذا متتغير، اذا تبقى هيج اني هم ابقى ببيت اهلي 

رسيم:روسيه عُمري، كافي لتكبريها! 

رواسي:أنتَ تعرف بروحك شسويت لو لا؟؟؟ 

رسيم:شسويتلج هذا كله لان ما طلكت هياااا! 

عطت بي و حجيت بعصبيه.. 

رواسي:اخر همي هياا و گتلك قبل، أنتَ اذيتني و تغيرت عليه و فوكاها دفعتني و بسببك بنتي لحد هسه ما اخذتها بحضني و لا كدرت ابوسها فوكاها تريد تسميها على اسم مرتك 

        

          

                

فرك وجهه بقوه و گال بهدوء عكس ملامحه.. 

رسيم:بالغلط والله مو قصدي ادفعج، و الاسم بس حتى اقهرج

باوعت على امي و ابويه ساكتين يستمعون النه 

بكل تركيز و حجيت.. 

رواسي:و خطفك الي هم بدون قصد؟؟ و الحرك الي بزندي هم بدون قصد؟؟ و الحثاله الي عفتهم يضربوني و يكهربوني هم بدون قصد رسيييممممم! 

نزل راسه و بقه ساكت ما نطق حرف، اردفت.. 

رواسي:جاوبنييييي رسيييممم جاوب! اذا حبيتك اني مو معناها نسيت الي سويته بيه، صح رجعتلك بس رجعت حتى اقهر ابويه مثل ما قهرني بالحقيقيه! 

ابويه حط ايده على رجلي و گال بحزن.. 

راشد:اذا تردين تطلكين من عنده

قاطعته و گلت بقهر.. 

رواسي:شلووون اتطلك منه و هوَ يهددني بيك و ببنتي؟؟

راشد:بنتج ماله حق يحرمج منها ابد، و اذا عليه اني ف بنفسي اروح و احجي كلشي و خلي انسجن بالنهايه مو بقصدي صار هالشي.. و ندمان كلش على الساعه الي سكتت بيها و ما رحت من البدايه و اعترفت على روحي 

رفع راسه رسيم و گال بنتر.. 

رسيم:اذا أنتَ ابن امك و ابوك ف روح سلم روحك احسن 

حتى فوتك للسجن متصير بسببي 

باوعت لرسيم و حجيت بتهديد.. 

رواسي:والله اذا ابويه ينسجن تحلم حلم اخليك تشوفني بعد 

رسيم صار يصيح من جهه و ابويه يصيح من جهه 

امي صارت تبجي و تحاول تهديهم ثنينهم، كمت على رسيم لزمت ايده و گلت.. 

رواسي:اذا تريد ايدي تبقى بين ايدك، موضوع ابويه تنساه 

نتر ايدي من عنده و عاط بيه.. 

رسيم:ولجججج ابوووج موتتت امييي شتحجييين أنتِ 

رواسي:موتني اني و اخذ ثارك من عنده يلا، مو خطفتني أنتَ حتى تجبره يعترف على روحه؟ حتى ينسد هذا الموضوع اذبحنييي رسيم موتني و خلينا كلنا نخلص 

اخذت مفتاح السياره مالته من الطبله، طلعت بدون اي كلمه زايده فتحتها و اخذت مسدسه الي بالجكمجه.. رجعت للبيت و بيدي المسدس.. ابويه عاط بيه بخوف.. و امي تبجي و تصيح ب اسمي

راشد:روااااسيي عوفي السلاح 

ابتسمت بوجهه و حجيت بهدوء.. 

رواسي:راح ينتهي كلشي بابا و رسيم الي راح ينهي بيده 

رسيم:بلا خباااال جيبي المسدسس رواسيييي 

رواسي:موتني رسيم اخذ بثارك يلا 

جميله:ولججج بنتي عوفيييي، فكري ببنتج و بينه احنه 

تقدمت على رسيم لزمت ايده بقوه و خليتها على المسدس

و ضغطت على صدري.. نزلت دموعي و حجيت.. 

رواسي:مراح تخليني ارتاح ابد، موتني و خلينا نرتاح كلنا

يخاف يسحب ايده و بالغلط تنضرب طلقه... نزل راسه 

عليه و باسني من راسي و گال بخوف.. 

رسيم:حَبيبتي أنتِ عوفي يلا وعد انسى كلشي بس عوفي المسدس من ايدج 

عطت بي بصوت عالي.. 

رواسي:كتلككككك اضرربنيييي يلا! اذا متضربني بالسلاح أنتَ اني اضرب روحي 

حاول يسحبه مني و بلحظه وحده طلعت طلقه 

من مسدسه... 

يتبع...